Share

ಆತ್ಮಸಾಕ್ಷಿಯ ‘ಸ್ಪಾಟ್‌ಲೈಟ್’
ಕಾವ್ಯಾ ಕಡಮೆ ನಾಗರಕಟ್ಟೆ

ಬಾರಿ ಆಸ್ಕರ್‍ಗೆ ನಾಮಾಂಕಿತವಾದ ಎಂಟು ಚಿತ್ರಗಳಲ್ಲಿ ಅಲೆಜಾಂಡ್ರೋ ಇನ್ಯೂರಿತು ನಿರ್ದೇಶನದ, ಲಿಯೊನಾರ್ಡೊ ಡಿಕಾಪ್ರಿಯೋ ಅದ್ಭುತ ನಟನೆಯ ‘ದಿ ರೆವೆನೆಂಟ್’ ಚಿತ್ರವೇ ವರ್ಷದ ಅತ್ಯುತ್ತಮ ಚಿತ್ರವಾಗಿ ಆಯ್ಕೆಯಾಗುತ್ತದೆ ಅಂತ ಜಗತ್ತಿನಾದ್ಯಂತ ಸಿನಿಪ್ರೇಮಿಗಳು ಬಗೆದಿದ್ದರು. ತಪ್ಪಿದರೆ ‘ಅತ್ಯುತ್ತಮ ಚಿತ್ರ’ ಕಿರೀಟ, ಅಸಾಮಾನ್ಯ ಕಥಾಹಂದರವುಳ್ಳ ನವಿರು ಚಿತ್ರ ‘ರೂಮ್’ಗೆ ಹೋಗಬಹುದಿತ್ತು. ಚಿತ್ರ ವಿಚಿತ್ರ ವೇಷಭೂಷಣಗಳ ನವೀನ ನಿರೂಪಣೆಯ ‘ಮ್ಯಾಡ್ ಮ್ಯಾಕ್ಸ್ ಫ್ಯೂರಿ ರೋಡ್’, ಮಂಗಳ ಗ್ರಹಕ್ಕೆ ತೆರಳಿದ ವಿಜ್ಞಾನಿಗಳ ತಂಡ ತಮ್ಮಲ್ಲೊಬ್ಬ ಗಗನಯಾತ್ರಿಯನ್ನು ಮಂಗಳ ಗ್ರಹದಲ್ಲೇ ಬಿಟ್ಟು ಬರುವ ಕಥೆಯ ‘ಮಾರ್ಶಿಯನ್’, ಐರಿಷ್ ಯುವತಿ ಅಮೇರಿಕೆಗೆ ವಲಸೆ ಬರುವ ‘ಬ್ರೂಕಲಿನ್’, 2008ರಲ್ಲಿ ಅಮೇರಿಕಾದ ಹೌಸಿಂಗ್ ಮಾರುಕಟ್ಟೆ ದಿಢೀರನೆ ಕುಸಿದ ಕಥೆಯ ‘ಬಿಗ್ ಶಾರ್ಟ್‌’, ಟಾಮ್ ಹ್ಯಾಂಕ್ಸ್ ಅಭಿನಯದ ‘ಬ್ರಿಡ್ಜ್ ಆಫ್ ಸ್ಪೈಸ್’… ಇವುಗಳಲ್ಲಿ ಯಾವ ಸಿನಿಮಾವಾದರೂ ಈ ವರ್ಷದ ಅತ್ಯುತ್ತಮ ಚಿತ್ರ ಕಿರೀಟಕ್ಕೆ ಯೋಗ್ಯವಾಗಬಹುದಿತ್ತು. ಆದರೆ ಆ ಗೌರವವನ್ನು ಆಸ್ಕರ್ ಅಕಾಡಮಿಯು ತಣ್ಣಗೆ ಹರಿವ ನದಿಯಂಥ ಚಿತ್ರ ‘ಸ್ಪಾಟ್‍ಲೈಟ್’ಗೆ ಕೊಟ್ಟು ತನ್ನ ಪ್ರಬುದ್ಧತೆ ಮೆರೆದಿದೆ.

‘ಸ್ಪಾಟ್‍ಲೈಟ್’ ನೈಜ ಕಥಾಹಂದರವುಳ್ಳ ಸಿನಿಮಾ. 2001ರಲ್ಲಿ ಬಾಸ್ಟನ್ ಗ್ಲೋಬ್ ಪತ್ರಿಕೆಯಲ್ಲಿ ಕೆಲಸ ಮಾಡುವ ‘ಸ್ಪಾಟ್‍ಲೈಟ್’ ಎಂಬ ನಾಲ್ಕು ಜನ ಉತ್ಸಾಹಿ ತನಿಖಾ ಪತ್ರಕರ್ತರ ತಂಡ, ಚರ್ಚುಗಳಲ್ಲಿ ಪಾದ್ರಿಗಳಿಂದ ಅನಾಥ ಮಕ್ಕಳ ಮೇಲೆ ನಡೆವ ಲೈಂಗಿಕ ದೌರ್ಜನ್ಯದ ಎಳೆ ಹಿಡಿದು ತನಿಖೆಯನ್ನು ಪ್ರಾರಂಭಿಸುತ್ತದೆ. ಒಂದು ಸಣ್ಣ ಗುಮಾನಿಯಿಂದ ಶುರುವಾದ ತನಿಖೆ ಹಂತಹಂತವಾಗಿ ಬೃಹದಾಕಾರವಾಗಿ ಬೆಳೆಯುತ್ತದೆ. ಪತ್ರಕರ್ತರಿಗೆ ಸಾಮಾನ್ಯವಾಗಿ ಅನುಭವಕ್ಕೆ ಬರುವ ಡೆಡ್‍ಲೈನ್ ಸಂಕಟ, ತಾವು ಕಟ್ಟಿದ ವರದಿಯ ಮಹತ್ವ ಅರಿಯದೇ ಅರ್ಧಬೆಂದ ಕಥೆಗಳನ್ನು ಪ್ರಕಟಿಸುವ ಪ್ರತಿಸ್ಪರ್ಧಿ ಪತ್ರಿಕೆಗಳ ಭಯ, ತಮ್ಮ ಮಾನ ಹರಾಜಾಗುವುದನ್ನು ತಡೆಯಲು ಶತಪ್ರಯತ್ನ ಮಾಡುವ ಚರ್ಚು, ಅರ್ಧಕ್ಕಿಂತ ಹೆಚ್ಚು ಕ್ಯಾಥೋಲಿಕ್ ಓದುಗರಿರುವ ಪತ್ರಿಕೆಯಲ್ಲಿ ಚರ್ಚಿನ ಕುರಿತಾಗಿಯೇ ಇಂಥ ವರದಿ ಪ್ರಕಟಿಸುವುದು ಸರಿಯೋ ತಪ್ಪೋ ಎಂಬ ಧ್ವಂಧ್ವದಲ್ಲಿ ಬೀಳುವ ಪತ್ರಿಕೆಯ ಮಾಲಿಕರು.. ಇಂಥ ಎಲ್ಲ ಗಡಿಬಿಡಿಗಳ ನಡುವೆಯೇ ಚಿತ್ರ ತಣ್ಣಗೆ ಸಾಗುತ್ತದೆ.

“ಯಾವುದೇ ಕಾರಣಕ್ಕಾಗಿಯೂ ಅರೆಬೆಂದ ಸುದ್ದಿಯನ್ನು ಪ್ರಕಟಿಸುವುದಿಲ್ಲ, ಎಷ್ಟು ತಡವಾದರೂ ಸರಿ” ಎಂದು ಪತ್ರಿಕಾ ನಿಷ್ಠೆ ಮೆರೆಯುವ ‘ಸ್ಪಾಟ್‍ಲೈಟ್’ ತಂಡದ ನಾಯಕ ರಾಬಿ (ಕಳೆದ ವರ್ಷದ ಆಸ್ಕರ ಗೆದ್ದ ಮೈಕಲ್ ಕೀಟನ್) ಅವಸರದ ಪತ್ರಿಕೋದ್ಯಮದ ಈ ಕಾಲದಲ್ಲಿ ನಮಗೆ ಬೇರೆ ಗ್ರಹದಿಂದ ಬಂದವನ ಹಾಗೆ ಕಂಡರೆ ಆಶ್ಚರ್ಯವಿಲ್ಲ. ಪತ್ರಿಕೋದ್ಯಮದ ನಿಜವಾದ ಮೌಲ್ಯಗಳನ್ನು ಎತ್ತಿಹಿಡಿಯುವ ಈ ಚಿತ್ರ ತನ್ನ ಏರುಗತಿಯ ನಿರೂಪಣೆ ಮತ್ತು ಚುರುಕು ಸಂಭಾಷಣೆಯಿಂದಲೇ ನೋಡಿಸಿಕೊಳ್ಳುತ್ತದೆ. ಮೊದಲ ವರದಿ ಪತ್ರಿಕೆಯಲ್ಲಿ ಪ್ರಕಟವಾದ ದಿನ ಪತ್ರಿಕೆಯ ಕಛೇರಿಗೆ ಬರುವ ನೂರಾರು ಫೋನ್ ಕರೆಗಳು ವರದಿಗಾರರ ಮೊಗದ ಮೇಲೆ ತೃಪ್ತಿಯ ನಗೆ ಬೀರಿಸುತ್ತವೆ.

‘ಬಾಸ್ಟನ್ ಗ್ಲೋಬ್’ ಪತ್ರಿಕೆಯ ‘ಸ್ಪಾಟ್‍ಲೈಟ್’ ತಂಡದ ವರದಿಗಾರಿಕೆಗೆ 2003 ರಲ್ಲಿ ‘ಪುಲಿಟ್ಜರ್ ಪ್ರೈಸ್’ ಸಿಕ್ಕಿತ್ತು. ಈ ಬಾರಿಯ ಆಸ್ಕರ್, ಪತ್ರಿಕೋದ್ಯಮದ ಮೌಲ್ಯವನ್ನು ಎತ್ತಿ ಹಿಡಿದ ‘ಸ್ಪಾಟ್‍ಲೈಟ್’ ತಂಡಕ್ಕೆ ಮುಡಿಪಾದ ಎರಡನೆಯ ಗೌರವವಾಗಿದೆ.

ಇನ್ನುಳಿದಂತೆ ಈ ಬಾರಿಯ ಆಸ್ಕರ್ ಸಮಾರಂಭ ಮಜಬೂತಾಗಿತ್ತು. ಲಿಯೊನಾರ್ಡೋ ಡಿಕಾಪ್ರಿಯೋ ಕೊನೆಗೂ ‘ಅತ್ಯುತ್ತಮ ನಟ’ ಪ್ರಶಸ್ತಿ ಗೆದ್ದ ಸಂಭ್ರಮವನ್ನು ಜಗತ್ತಿನಾದ್ಯಂತ ಸಿನಿಪ್ರೇಮಿಗಳು ಆಚರಿಸಿದ್ದಾರೆ. ಈ ಬಾರಿ ಲಿಯೊನಾರ್ಡೋ ಹೆಸರು ಆರನೆಯ ಬಾರಿ ಆಸ್ಕರ್‍ಗೆ ನಾಮಾಂಕಿತವಾಗಿತ್ತು. ಎದುರಾಳಿಯ ಬಗೆಗಿನ ಸೇಡು ತೀರಿಸಿಕೊಳ್ಳುವ ಒಂದೇ ಕಾರಣಕ್ಕೆ ಬದುಕಿಬರುವ ಕಥೆಯುಳ್ಳ ‘ದಿ ರೆವನಂಟ್’ ಲಿಯೋ ಅಭಿನಯಿಸಿದ ಅತ್ಯಂತ ಉನ್ನತ ಮಟ್ಟದ ಚಿತ್ರ ಎನ್ನುವುದಂತೂ ನಿಜ.

ಇನ್ನು ಕಳೆದ ಬಾರಿಯಂತೆಯೇ ಈ ಸಲವೂ ‘ಅತ್ಯುತ್ತಮ ನಿರ್ದೇಶಕ’ ಪ್ರಶಸ್ತಿ ಗೆದ್ದ ಅಲೆಜಾಂಡ್ರೋ ಇನ್ಯೂರಿತು ಕುರಿತು ಹೇಗೆ ಮಾತನಾಡದೇ ಇರುವುದು? ಅಲೆಜಾಂಡ್ರೋ ಬಹು ಮೇಧಾವಿ ನಿರ್ದೇಶಕ. ಕಳೆದ ವರ್ಷದ ಆಸ್ಕರ್ ಗೆದ್ದ ಅವರ ‘ಬರ್ಡಮ್ಯಾನ್’ ಚಿತ್ರ ವಿಶ್ವ ಸಿನಿಮಾದ ಮೈಲುಗಲ್ಲುಗಳಲ್ಲಿ ಒಂದು ಎಂದು ಧೈರ್ಯವಾಗಿ ಹೇಳಬಹುದು. ಈ ಬಾರಿ ಅಲೆಜಾಂಡ್ರೋ ಹಿಂತಿರುಗಿದ್ದು ‘ದಿ ರೆವೆನೆಂಟ್’ ಚಿತ್ರದ ಮೂಲಕ.

ಈ ಬಾರಿ ಚಿತ್ರ ರಸಿಕರ ಮನ ಗೆದ್ದ ಚಿತ್ರಗಳಲ್ಲಿ ಬ್ರೀ ಲಾರ್ಸನ್- ಜೇಕಬ್ ಟ್ರೆಂಬ್ಲಿ ಅಭಿನಯದ ‘ರೂಮ್’ ಚಿತ್ರವೂ ಒಂದು. ಏಳು ವರ್ಷಗಳ ಕಾಲ ಹೊರ ಜಗತ್ತಿನ ಸಂಪರ್ಕವೇ ಇಲ್ಲದ ಕೋಣೆಯಲ್ಲಿ ಮಗುವನ್ನು ಬೆಳೆಸುವ ಹೆಣ್ಣಿನ ಕಥೆಯನ್ನು ಬ್ರೀ ತನ್ನ ನೋವು ತುಂಬಿದ ಕಣ್ಗಳಿಂದಲೇ ಸಶಕ್ತವಾಗಿ ಪ್ರೇಕ್ಷಕರಿಗೆ ದಾಟಿಸುತ್ತಾಳೆ. ಈ ಚಿತ್ರದ ಅಭಿನಯಕ್ಕೆ ಬ್ರೀ ಈ ಬಾರಿಯ ಆಸ್ಕರ್ ಗೆದ್ದುಕೊಂಡಿದ್ದಾಳೆ.

ಸಮಾಜದ ಆತ್ಮವನ್ನೇ ಬಗೆದು ತೋರುವ ‘ಸ್ಪಾಟ್‍ಲೈಟ್’ ತಂಡದ ವರದಿಗಾರರು, ಕರಡಿಯಿಂದ ದೇಹ ಬಗೆಸಿಕೊಳ್ಳುವ ‘ದಿ ರೆವೆನೆಂಟ್’ನ ಹ್ಯೂ, ಏಳು ವರ್ಷಗಳ ಕಾಲ ಅನಾಮಿಕನೊಬ್ಬನ ಹಿಡಿತದಲ್ಲಿ ನಲುಗಿ ಮುರುಟಿಹೋದ ‘ರೂಮ್’ ಚಿತ್ರದ ಬ್ರೀ.. ಇವರೆಲ್ಲ ನಮ್ಮೊಡನಿಲ್ಲದೆಯೂ ನಮ್ಮವೇ ಆಗುವ ಪಾತ್ರಗಳು. ಇವು ಸಿನಿಮಾವೊಂದು ಕೇವಲ ದೃಶ್ಯ ಮಾಧ್ಯಮವಷ್ಟೇ ಆಗುಳಿಯದೇ ಅದರಾಚೆಗೂ ಹರಡಿ ಆವರಿಸಿಕೊಳ್ಳುವ ರಕ್ತ-ಮಾಂಸ ತುಂಬಿದ ಚಿತ್ರಗಳು ಎಂಬುದರಲ್ಲಿ ಅನುಮಾನವಿಲ್ಲ.

Cast member Leonardo DiCaprio poses at the premiere of "The Revenant" in Hollywood, California December 16, 2015. REUTERS/Mario Anzuoni

ಲಿಯೊನಾರ್ಡೋ ಡಿಕಾಪ್ರಿಯೋ, ಅತ್ಯುತ್ತಮ ನಟ, ಚಿತ್ರ: ‘ದಿ ರೆವನಂಟ್’

 

o3

ಬ್ರೀ ಲಾರ್ಸನ್, ಅತ್ಯುತ್ತಮ ನಟಿ, ಚಿತ್ರ: ‘ರೂಮ್’

 

o4

ಅಲೆಜಾಂಡ್ರೋ ಇನ್ಯೂರಿತು, ಅತ್ಯುತ್ತಮ ನಿರ್ದೇಶಕ, ಚಿತ್ರ: ‘ದಿ ರೆವೆನೆಂಟ್’

 

———–

kavyaಕಾವ್ಯಾ ಕಡಮೆ ನಾಗರಕಟ್ಟೆ, ಉತ್ತರಕನ್ನಡದ ಕಡಮೆ ಎಂಬ ಪುಟ್ಟ ಊರಿನವರು. ಬಿಎಸ್ಸಿ ನಂತರ ಕರ್ನಾಟಕ ವಿವಿಯಿಂದ ಆರು ಚಿನ್ನದ ಪದಕಗಳೊಂದಿಗೆ ಪತ್ರಿಕೋದ್ಯಮ ಎಂ.ಎ ಪದವಿ. ಸದ್ಯ ಪತಿಯೊಡನೆ ಅಮೇರಿಕೆಯ ನ್ಯೂಜೆರ್ಸಿಯಲ್ಲಿ ವಾಸ. ಮೊದಲ ಕವನ ಸಂಕಲನ ‘ಧ್ಯಾನಕ್ಕೆ ತಾರೀಖಿನ ಹಂಗಿಲ್ಲ’. ಅದಕ್ಕೆ 2014ರ ಕೇಂದ್ರ ಸಾಹಿತ್ಯ ಅಕಾಡಮಿಯ ‘ಯುವ ಪುರಸ್ಕಾರ’, ಯುವ ಬರಹಗಾರರಿಗೆ ನೀಡುವ 2012ರ ಟೋಟೋ ಪುರಸ್ಕಾರ ದೊರೆತಿದೆ. ‘ಪುನರಪಿ’ ಮೊದಲ ಕಾದಂಬರಿ. ಕಾವ್ಯಾ ಹೊಸ ಕವಿತೆಗಳ ಸಂಕಲನ ‘ಜೀನ್ಸು ತೊಟ್ಟ ದೇವರು’ ಈ ವರ್ಷ ಪ್ರಕಟಗೊಳ್ಳಲಿದೆ.

Share

Leave a comment

Your email address will not be published. Required fields are marked *

Recent Posts More

  • 13 hours ago No comment

    ಲವ್ ವಿದ್ ಫಸ್ಟ್ ಬುಕ್

      ಆ ದಿನ ಶಾಲಾ ಗ್ರಂಥಾಲಯದಲ್ಲಿ ಪುಸ್ತಕಗಳನ್ನು ತಡಕಾಡುತ್ತಿದ್ದ ನನಗೆ ವಿಶೇಷ ಪುಸ್ತಕವೊಂದು ಸಿಕ್ಕಿಬಿಟ್ಟಿತ್ತು. ಹೈಸ್ಕೂಲು ದಿನಗಳವು. ಆಗ ಸಾಹಿತ್ಯದ ಓದು ಹಾಗಿರಲಿ, ಸಾಮಾನ್ಯ ಓದೂ ಕೂಡ ಅಷ್ಟೇನೂ ಗಂಭೀರವಾಗಿ ಸಾಗುತ್ತಿರಲಿಲ್ಲ. ಓದಿನ ಹವ್ಯಾಸವು ಒಂದಷ್ಟಿದ್ದರೂ ಹೊಸ ಹೊಸ ವಿಷಯಗಳ ಪುಸ್ತಕಗಳನ್ನು ಹುಡುಕಿಕೊಂಡು ಹೋಗುತ್ತಿದ್ದ, ಈ ಬಗ್ಗೆ ಮಾಹಿತಿಯಿದ್ದ, ಓದಲು ಪರಿತಪಿಸುತ್ತಿದ್ದ ದಿನಗಳೇನೂ ಅದಾಗಿರಲಿಲ್ಲ. ಹೀಗಾಗಿ ಓದಿನ ವಿಚಾರಕ್ಕೆ ಬಂದರೆ ಅವುಗಳನ್ನು ನನ್ನ ಆರಂಭದ ದಿನಗಳೆಂದೇ ಹೇಳಬೇಕು. ರಜಾದಿನಗಳಲ್ಲಿ ...

  • 1 day ago No comment

    ಮೋದಿ ಮಾತಾಡಲಿಲ್ಲ

    ಎಷ್ಟೋ ಜೀವಗಳ ಸಂಕಟಕ್ಕೆ, ರೋದನಕ್ಕೆ ಕುರುಡಾಗುವ ಮನ ಕರಗದ ನಡೆಯು ಇನ್ನೆಂಥ ದಿನಗಳತ್ತ ದೂಡೀತೊ ಈ ದೇಶವನ್ನು ಎಂಬ ಪ್ರಶ್ನೆಯೇ ಬೃಹದಾಕಾರದ್ದು.   ಕತುವಾ ಅತ್ಯಾಚಾರ ಪ್ರಕರಣದಲ್ಲಿ ಎಂಟರ ಬಾಲೆಯ ದಾರುಣ ಸಾವಾಯಿತು. ಅದೊಂದು ತೀರಾ ಸಾಧಾರಣ ಘಟನೆಯಾಗಿರಲಿಲ್ಲ. ಅತ್ಯಂತ ಬರ್ಬರವಾದ ಆ ಘಟನೆ ಧರ್ಮ, ರಾಜಕೀಯ ಮತ್ತು ಅಧಿಕಾರದ ಮತ್ತಿನಲ್ಲಿ ನಡೆದದ್ದಾಗಿತ್ತು ಮತ್ತು ಆ ಮಗುವಿನ ಸಾವಿನ ಬಳಿಕವೂ ಅಮಾನವೀಯತೆಯೇ ಉದ್ದಕ್ಕೂ ಕಂಡುಬಂತು. ದೇಶವೇ ಬೆಚ್ಚಿಬಿದ್ದಿತ್ತು. ಆದರೆ ...

  • 2 days ago No comment

    ಇವರನ್ನು ನೋಡಿ…

    ನಡುವಯಸ್ಸಲ್ಲೇ ನಡುಮುರಿದವರಂತಾಗಿ ಒದ್ದಾಡುವವರ ಕಾಲ ಇದು. ಅತ್ಯಂತ ಕೆಟ್ಟ ಜೀವನಶೈಲಿಯೂ ಸೇರಿದಂತೆ ನೂರೆಂಟು ಅಪಸವ್ಯಗಳ ಪರಿಣಾಮವಾಗಿ ಬದುಕನ್ನು ಹಾಳುಮಾಡಿಕೊಳ್ಳುತ್ತಿರುವ ನಮ್ಮ ನಡುವೆಯೇ ಸುಂದರ ಬದುಕು ನಡೆಸಿಕೊಂಡು ಬಂದು ಈಗಲೂ ಅದೇ ಸಡಗರದಲ್ಲಿ ಬದುಕುತ್ತಿರುವವರ ಆದರ್ಶವೂ ಇದೆ. ಇವರನ್ನು ನೋಡಿ ನಾವು ಕಲಿಯುವುದೂ ಬಹಳವಿದೆ. ಮಸ್ತಾನಮ್ಮ ಆಂದ್ರಪ್ರದೇಶದ ಈ ಅಜ್ಜಿ ನಿಮಗೆಲ್ಲ ಗೊತ್ತೇ ಇರುತ್ತಾರೆ. ಅಡುಗೆ ಶೋನಿಂದಾಗಿ ಖ್ಯಾತರಾಗಿರುವ ಇವರಿಗೆ ಈಗ ನೂರು ವರ್ಷ. ಜಗತ್ತಿನ ಅತ್ಯಂತ ಹಿರಿಯ ಯೂಟ್ಯೂಬರ್ ...

  • 2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...


Editor's Wall

  • 18 April 2018
    2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 18 April 2018
    2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 17 April 2018
    3 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...

  • 16 April 2018
    4 days ago No comment

    ಹೆಣ್ಣು ಹಸುಳೆ ಈ ಪರಿ ತಬ್ಬಲಿಯಾಗುವುದೆ ಈ ದೇಶದಲ್ಲಿ?

    ಅಸೀಫಾ ಪ್ರಕರಣದಲ್ಲಿ ರಕ್ಕಸರನ್ನು ರಕ್ಷಿಸಲು ಯಾವ ಹೇಸಿಕೆಯೂ ಇಲ್ಲದೆ ರಾಜಕೀಯದವರೆನ್ನಿಸಿಕೊಂಡವರು, ಅಧಿಕಾರದಲ್ಲಿದ್ದವರು ಮತ್ತು ಸ್ವಯಂಘೋಷಿತ ಧರ್ಮರಕ್ಷಕರೆಲ್ಲ ಹೇಗೆಲ್ಲಾ ಪ್ರಯತ್ನಿಸಿದರು ಎಂಬುದನ್ನು ನೋಡಿದರೆ ಸೂರತ್‍ನಲ್ಲಿ ಹೆಣವಾಗಿ ಸಿಕ್ಕ ಬಾಲೆಯ ತಬ್ಬಲಿತನ ಕರುಳನ್ನು ಇನ್ನಷ್ಟು ಹಿಂಡುತ್ತದೆ. ದೇವರು, ಧರ್ಮದ ಹೆಸರು ಹೇಳಿಕೊಂಡು ಈ ದೇಶವನ್ನು ಹರಿದು ತಿನ್ನುತ್ತಿರುವವರು ಅದೇ ದೇವರ ಎದುರಲ್ಲೇ ಪುಟ್ಟ ಕಂದನ ಮೇಲೆ ರಣಹದ್ದುಗಳಂತೆ ಎರಗಿ ಅತ್ಯಾಚಾರವೆಸಗಿ ಕೊಲೆಗೈಯುವುದು, ಆ ರಕ್ಕಸರನ್ನು ಕಾಯಲು ಅಧಿಕಾರಸ್ಥರು ಇನಿತೂ ಪಾಪಪ್ರಜ್ಞೆ ಮತ್ತು ...

  • 14 April 2018
    5 days ago No comment

    ‘ಹೆಣ್ಣನ್ನು ದಲಿತ ಗಂಡಸರು ನೋಡುವುದೂ ಲಿಂಗತರತಮದ ಕಣ್ಣಿಂದಲೇ!’

    ವ್ಯವಸ್ಥೆಯನ್ನು ಆಳುವ ಗಂಡಸರು ಮಹಿಳೆಯರನ್ನು ನೋಡುವ ದೃಷ್ಟಿ, ಅವರೆಲ್ಲ ತಾವು ಹೇಗೆ ಬೇಕಾದರೂ ಬಳಸಿಕೊಳ್ಳುವುದಕ್ಕಿರುವ ಸ್ವಂತ ಆಸ್ತಿ ಎಂಬುದೇ ಆಗಿದೆ.   “ಹೆಣ್ಣೆಂದರೆ ಲಿಂಗತರತಮ ದೃಷ್ಟಿಯಿಂದ ನೋಡುವುದರಲ್ಲಿ ದಲಿತ ಗಂಡಸರೂ ಬೇರೆ ಗಂಡಸರ ಹಾಗೆಯೇ” ಎನ್ನುತ್ತಾರೆ ಮರಾಠಿಯ ಖ್ಯಾತ ದಲಿತ ಕವಯತ್ರಿ ಪ್ರದ್ನ್ಯಾ ಪವಾರ್. ಮರಾಠಿ ಲೇಖಕ, ಆತ್ಮಕಥೆ ಬರೆದ ಮೊದಲ ದಲಿತ ಬರಹಗಾರನೆಂಬ ಹೆಗ್ಗಳಿಕೆಯಿರುವ ದಯಾ ಪವಾರ್ ಅವರ ಪುತ್ರಿ ಪ್ರದ್ನ್ಯಾ ಪವಾರ್, ‘ಲೈವ್ ಮಿಂಟ್‍’ಗೆ ಕೊಟ್ಟಿರುವ ...