Share

ಹೆಣ್ಣುದೇಹ ಗುರುತಿಸುವ ಗುಟ್ಟು
ಚೇತನಾ ತೀರ್ಥಹಳ್ಳಿ ಕಾಲಂ

IMG-20160516-WA0001

ಪ್ರಸ್ತಾಪ | PRASTAPA

 

 

 

chatena 01ಹಳ ಸರ್ತಿ ಗಮನಿಸಿದ್ದೀನಿ. ಚಿತ್ರ ಬಿಡಿಸುವಾಗೆಲ್ಲ ನನ್ನ ಮೈಯೊಳಗೆ ಹೊನ್ನ ಬಿಸಿಲಿನ ಚೂರು ಹೊಕ್ಕಂತೆ ಅನ್ನಿಸುತ್ತದೆ. ಆ ತನ್ಮಯತೆಯೊಳಗೂ ಒಂದು ನೆನಪು ಹಾದು ತುಟಿ ಬಿರಿಯುತ್ತ ಸುಖಿಸುತ್ತದೆ. ಅದರಲ್ಲೂ ಹೆಣ್ಣಿನ ದೇಹ ಬಿಡಿಸಿ ಎದೆ ತುಂಬುವಾಗ, ಒಮ್ಮೆ ಕೂಡ ತಪ್ಪದಂತೆ ಮನಸ್ಸು ಬಾಲ್ಯದಲ್ಲಿ ಕಾಲದ್ದಿ ತೆಗೆಯುತ್ತದೆ.

~

‘ನವೆಂಬರ್ ಹದಿನಾಲ್ಕಕ್ಕೆ ಕುಶಾವತಿ ಪಾರ್ಕಲ್ಲಿ ಚಿತ್ರಬರೆಯುವ ಸ್ಪರ್ಧೆ ಇದೆ. ನಾಳೆ ಒಳಗೆ ಹೆಸರು ಕೊಡಿ’ ಗ್ರೇಸಿ ಟೀಚರ್ ಘೋಷಿಸಿದರು. ಓಹ್! ಕುಶಾವತಿ ಪಾರ್ಕಿಗೆ ಹೋಗಬೇಕನ್ನೋದು ನಮ್ಮ ಯಾವತ್ತಿನ ಪ್ಲಾನು…. ಸರಿಸುಮಾರು ಊರ ಹೊರಗೇ ಇದ್ದ ಪಾರ್ಕಿಗೆ ನಾವು ನಾವೆ ಹೋಗಲು ಬಿಡುತ್ತಲೇ ಇರಲಿಲ್ಲ. ಸಂಜೆ ನಾನು, ವಿದ್ಯಾ ಕೂತು ನಿರ್ಧಾರ ಮಾಡಿಕೊಂಡೆವು. ಮರುದಿನಕ್ಕೆ ನಮ್ಮ ಹೆಸರುಗಳು ದಾಖಲಾಗಿದ್ದೂ ಆಯ್ತು. ನವೆಂಬರ್ ಹದಿನಾಲ್ಕು ಬಂದೇಬಂತು. ಬಾಳೆಹಣ್ಣು, ಬಿಸ್ಕತ್ತು, ಒಂದು ಬಾಟಲ್ ನೀರು ಹಿಡಿದುಕೊಂಡು ಮೂರು ಕಿಲೋಮೀಟರ್ ನಡೆದು ಪಾರ್ಕು ಸೇರಿದೆವು. ಮರದ ನೆರಳು ಹುಡುಕಿಕೊಂಡು ಸಾವಧಾನ ಕುಳಿತೆವು. ವಿದ್ಯಾಳ ಉಪಾಯದಂತೆ ಮೊದಲು ತಿಂಡಿ ತಿಂದು ಮುಗಿಸಿದೆವು. ಒಬ್ಬೊಬ್ಬರಾಗೇ ತಮ್ಮ ಚಿತ್ರಗಳನ್ನು ಒಪ್ಪಿಸಲು ಶುರು ಮಾಡಿದ ಮೇಲೆಯೇ ನಾವು ಪೆನ್ಸಿಲ್ ಹಿಡಿದಿದ್ದು. ನಾನು ಏನೂ ತೋಚದೆ ರಟ್ಟಿನ ಮೇಲಿದ್ದ ಕಾರ್ಟೂನ್ ಆನೆಯನ್ನೆ ನಕಲು ಮಾಡಿದೆ. ವಿದ್ಯಾ ದೇಹಾಕೃತಿ ಬಿಡಿಸಿ, ಎದೆಯ ಮೇಲೆರಡು ಚುಕ್ಕಿ ಇಟ್ಟು ಅವಕ್ಕೆ ಸೊನ್ನೆ ಸುತ್ತಿದಳು. ‘ಅದ್ಯಾಕೆ?’ ನನ್ನ ಕುತೂಹಲ. ‘ರವೀಶ ಹೇಳಿಕೊಟ್ಟಿದ್ದು. ಹಿಂಗೆ ಬರೆದ್ರೆ ಹುಡುಗಿ ಅಂತೆ’ ಅವಳ ಉತ್ತರ. ಪುಣ್ಯಕ್ಕೆ ಅವಳ ಚಿತ್ರ ಹಾಳಾಗಿ, ಕೊನೆಗೆ ನವಿಲು ಬಿಡಿಸಿ ಮುಗಿಸಿದಳು. ಆ ಹೊತ್ತಿಗೆ ಮುಕ್ಕಾಲು ಪಾರ್ಕು ಖಾಲಿ ಆಗಿತ್ತು. ನಾವು ಇನ್ಸ್ಟ್ರಕ್ಟರ್‌ಗಳ ಕಣ್ತಪ್ಪಿಸುತ್ತ, ಪೂರ್ತಿ ಖಾಲಿಯಾಗುವವರೆಗೆ ಕಾದೆವು.

ಗಂಟೆ ಎರಡು ಮುಟ್ಟುತ್ತಿತ್ತು. ಕೊಳಕ್ಕಿಳಿದು ಸ್ವಲ್ಪಹೊತ್ತು ಆಡಿದೆವು. ನೆಲದ ಮೇಲೆ ಬಿದ್ದಿದ್ದ ರಾಮಡಿಕೆಗಳನ್ನೆಲ್ಲ ಚೀಲಕ್ಕೆ ತುಂಬಿದೆವು. ಬನ್ನಿ ಮರವನ್ನ ತಬ್ಬಿ ಖುಪಟ್ಟೆವು. ಮಂಟಪದೊಳಗೆ ಕೂತು ರಾಮಡಿಕೆಗಳನ್ನ ಜಜ್ಜಿ ತಿಂದೆವು. ಯಾರೋ ಗೇಟಿನ ಹೊರಗಿಂದಲೇ ಗದರಿದರು. ನಾವು ನಗುತ್ತಲೇ ಅವರಿಗೆ ಟಾಟಾ ಮಾಡಿ ಹೊರಟೆವು. ಕುಶಾವತಿ ಪಾರ್ಕಿನ ನಮ್ಮ ಪಿಕ್ನಿಕ್ ತೃಪ್ತಿ ಕೊಟ್ಟಿತ್ತು. ಒಂದು ಐಸ್ಕ್ಯಾಂಡಿ ಕೊಂಡು ಸರತಿಯಂತೆ ಚೀಪುತ್ತ ಗದ್ದೆ ಬಯಲು ದಾಟಿದೆವು. ಮನೆ ಹತ್ತಿರ ಬಂತೆಂದು ಬೇಜಾರುಪಟ್ಟೆವು.

ಅಲ್ಲೇ ಬದಿಯ ಕಲ್ಲು ಬೆಂಚಿನ ಮೇಲೆ ಕುಂತು ಚೀಲದಲ್ಲಿ ಉಳಿದಿದ್ದ ರಾಮಡಿಕೆಗಳ ಧ್ವಂಸ ಕಾರ್ಯ ಶುರುವಿಟ್ಟೆವು. ವಿದ್ಯಾ ಅವುಗಳನ್ನ ಜಜ್ಜುತ್ತಿದ್ದರೆ, ನನಗೆ ನಾವಿಬ್ಬರೂ ಹಿಂದೊಮ್ಮೆ ಅಲ್ಲೇ ಹಾಗೇ ಕೂತು ತಿಂದಿದ್ದ ನೆನಪಿನಂಥ ಭಾವ ಹಾದು ಹೋಯ್ತು. ರೋಮಗಳಿನ್ನೂ ನಿಂತಿರುವಾಗಲೇ ಅದನ್ನ ವಿದ್ಯಾಳಿಗೆ ಹೇಳಿದೆ. ಅವಳು ಗಾಬರಿಯಾಗುವ ಹೊತ್ತಿಗೆ ನಾನೇ ಸಾವರಿಸಿಕೊಂಡು ‘ಕಲ್ಪ’ಗಳ ಕಥೆ ಹೇಳಿದೆ, ನನ್ನ ಆ ವಯಸ್ಸಿನ ಪಾಂಡಿತ್ಯಕ್ಕೆ ನಿಲುಕಿದ್ದಂತೆ!

~

ಈಗಲೂ ಆಗಾಗ, ಚಿತ್ರ ಬಿಡಿಸುವಾಗ ಆ ಎಳೆ ಮಧ್ಯಾಹ್ನದ ಬಿಸುಪು ಸೋಕಿದಂತಾಗುತ್ತದೆ. ರಾಮಡಿಕೆಯ ಚೊಗರು ನಾಲಿಗೆ ಮೇಲೆ. ಹೆಣ್ಣುದೇಹ ಗುರುತಿಸುವ ಗುಟ್ಟು ಕಲಿತ ಹೆಮ್ಮೆಯ ಪುನರಾವರ್ತನೆಯೂ ಜತೆಗೆ. ಹಾಗೇ ಇವತ್ತಿನುದ್ದಕ್ಕೂ ಇರುವ ರೋಮಾಂಚಕ ಅನುಭಾವದ ಮೊದಲ ಅನುಭವದ ನೆನಪು….
ನನ್ನ ಪಾಲಿನ ವಿನಾಕಾರಣ ಖುಷಿಯ, ಅತ್ಯಂತ ನಿರುಮ್ಮಳದ, ಸುಖದ ದಿನಗಳಲ್ಲಿ ಅದೂ ಒಂದು. ಆ ದಿನದ ನೆನಪು ಮೈಹೊಕ್ಕು ಚಿತ್ರ ಬಿಡಿಸುವ ಹುರುಪು ಹೆಚ್ಚಿದಂತಾಗುತ್ತದೆ, ಎಷ್ಟೇ ಕೆಟ್ಟದಾಗಿ ಬಿಡಿಸುತ್ತಿದ್ದರೂನು!

————-

che1ಚೇತನಾ ತೀರ್ಥಹಳ್ಳಿ. ಅಲಾವಿಕಾ ಮತ್ತೊಂದು ಕಾವ್ಯನಾಮ. ಫ್ರೀಲಾನ್ಸ್ ಪತ್ರಕರ್ತೆ ಮತ್ತು ಬರಹಗಾರ್ತಿ. ಪ್ರಕಟಿತ ಪುಸ್ತಕಗಳು: ‘ಉಫೀಟ್’, ‘ಗುಟ್ಟು ಬಚ್ಚಿಡಲು ಬರುವುದಿಲ್ಲ’, ‘ಶಬರಿಯ ಅವಸರ’ ಕವನ ಸಂಕಲನಗಳು; ‘ಸೂರ್ಯನೆದೆಯ ನೀರ ಬೀಜ’ ಅಚ್ಚಿನಲ್ಲಿದೆ. ‘ಭಾಮಿನಿ ಷಟ್ಪದಿ’ ಮತ್ತು ‘ಬಿಸಿಲ ಚೂರಿನ ಬೆನ್ನು’ ಅಂಕಣ ಬರಹಗಳ ಸಂಗ್ರಹ; ‘ಲಾ ಕಾಲಮ್’ ಅಚ್ಚಿನಲ್ಲಿದೆ. ‘ಬ್ಲಾಗಿಸು ಕನ್ನಡ ಡಿಂಡಿಮವ’ ಸಂಪಾದಿತ ಕೃತಿ. ಕಾಸ್ಮಿಕ್ ಜೋಕ್, ಕ್ಲೌಡ್ ನೈನ್ ಮತ್ತು ಐ ಆಮ್ ಅನದರ್ ಯು ಇಂಗ್ಲಿಷಿನಿಂದ ಅನುವಾದಿಸಿದ ಕೃತಿಗಳು. ‘ನೀಲಿ ಬಾನಿನಲ್ಲಿ ಕೆಂಪು ಸೂರ್ಯ: ಜೆ ಎನ್ ಯು ಭಾಷಣಗಳ ಸಂಗ್ರಹಾನುವಾದ’ ಸದ್ಯದಲ್ಲೇ ಬಿಡುಗಡೆಯಾಗಲಿರುವ ಪುಸ್ತಕ.

Share

Leave a comment

Your email address will not be published. Required fields are marked *

Recent Posts More

  • 1 day ago No comment

    ಕಾದಂಬಿನಿ ಕಾಲಂ | ವೇದಿಕೆ, ಶಾಲು, ಸನ್ಮಾನ, ಬಿರುದು ಬಾವಲಿ ಇತ್ಯಾದಿ

                        ಕವಿತೆಯ ಬಗ್ಗೆ ಇರುವ ಆಸಕ್ತಿ ಆ ದೀನ ಹೆಣ್ಣುಮಗಳ ಮಾತು ಆಲಿಸುವುದರಲ್ಲಿ ಇಲ್ಲವೆಂಬುದು ಲೈಕು ಕಮೆಂಟುಗಳಿಂದಲೇ ಸಾಬೀತಾಯಿತು. ಉಳ್ಳವರ ಜಗಮಗಿಸುವ ಲೋಕದಲ್ಲಿ ಒಬ್ಬ ನಿರಾಶ್ರಿತ ಅಲೆಮಾರಿ ಜನಾಂಗದ ನಿರ್ಗತಿಕ ಹೆಣ್ಣಿನ ಅಳಲಿಗೆ ಯಾವ ಜಾಗವಿದೆ ಎನ್ನುವುದನ್ನು ಅದು ನನಗೆ ಮನಗಾಣಿಸತೊಡಗಿತು.   ಮೊನ್ನೆ ಒಬ್ಬ ಕವಿಯ ಜೊತೆ ಬೇಸರದಿಂದ ಮಾತಾಡಿಬಿಟ್ಟೆ. ‘ಶುಭಾಶಯಗಳು. ಆದರೆ ಇಂಥ ...

  • 2 days ago No comment

    ಹುಲ್ಲಿನ ಕಡ್ಡಿ

      ಕವಿಸಾಲು       ಜೋಪಡಿ ತುಂಬಾ ಮಂಪರುಗಣ್ಣಲ್ಲಿ ನೇತಾಡುವ ಚುಕ್ಕಿಗಳು ಚಂದಿರನ ಅಂಗಳ ಸೃಷ್ಟಿಸಿದ್ದವು ಗುಡಿಸಲು ಕಣ್ಣೊಳಗೆ ಜಾತಿ ಧರ್ಮದ ಹಂಗು ತೊರೆದು ನಡು ಮನೆಯ ದೀಪವಾಗಿ ಬೆಳಗಿದ ಕಸಬರಿಗೆಯ ನಾಡಿಗಳು ಹಲವು ಬಗೆಯ ರಕ್ತ ಬಸಿದವರ ರೂಪಾಂತರ ಸಾಲು ನದಿಗಳ ಸರಪಳಿಯಂತೆ ಬೆಸೆದುಕೊಂಡ ಹುಲ್ಲಿನ ಕಡ್ಡಿಗಳು ಹೊಗೆ ಜಂತಿಯ ಮನೆಯೊಳಗೆ ಜಪ್ಪೆನ್ನದ ತಪೋ ವನಗಳು ಮಳೆ ಗುಡುಗು ಬಿರುಗಾಳಿಯ ಅಬ್ಬರದೊಳಗೂ ಸದಾ ಕುದಿಯುತ್ತಾ ಹದಗೊಳ್ಳೊ ...

  • 1 week ago No comment

    ಕಾದಂಬಿನಿ ಕಾಲಂ | ಕಸದ ತೊಟ್ಟಿಯಲ್ಲಿ ಸಿಕ್ಕ ಒಂದು ಹೆಣ್ಣು ಶಿಶುವಿನ ಕಥೆ

                        ಬಾಣಲೆಯಿಂದ ಬೆಂಕಿಗೆ ಬಿದ್ದಂತೆ ಕೆಲ ಪುನರ್ವಸತಿ ಕೇಂದ್ರಗಳ ಪಾಲಾದ ಬಾಲಕಿಯರು ಗಂಡಿನ ಕಾಮದ ದಳ್ಳುರಿಯ ಕೊಂಡಕ್ಕೆ ದೂಡಲ್ಪಟ್ಟ ಕಡು ಹೇಯ, ಭೀಬತ್ಸ್ಯಕರ ಕಥೆಗಳನ್ನು ನಾವಿಂದು ಕಾಣುತ್ತಿದ್ದೇವೆ. ಆದರೆ ಹೀಗೆ ಅನಾಥಾಲಯ, ಪುನರ್ವಸತಿ ಕೇಂದ್ರಗಳಿಗೆ ದಾಖಲಾಗುವ ಮುನ್ನಿನ ಆ ಒಂದೊಂದು ಮಗುವಿನ ಕಥೆಯೂ ಅಷ್ಟೇ ಯಾತನಾಪೂರಿತವಾಗಿರುತ್ತವೆ.   ಮೊನ್ನೆ ಮೊನ್ನೆ ಬಿಹಾರದ ಮುಜಫರ್ ನಗರದ ಪುನರ್ವಸತಿ ...

  • 1 week ago No comment

    ಪ್ರಸಾದ್ ಪಟ್ಟಾಂಗ | ಅರ್ಥ ಅರಿಯದವರಿಗೆ ಸ್ವಾತಂತ್ರ್ಯವೂ ಅಗ್ಗವೇ!

      ನಾವಿಂದು ಸವಿಯುತ್ತಿರುವ ಸ್ವಾತಂತ್ರ್ಯದ ಹಿಂದೆ ಅದೆಷ್ಟೋ ಜೀವಗಳ ಬಲಿದಾನದ ಇತಿಹಾಸವಿದೆ, ಮುತ್ಸದ್ದಿಗಳ ಕನಸಿದೆ, ಧೀಮಂತ ನಾಯಕರ ದೂರದೃಷ್ಟಿಯ ಹಿನ್ನೆಲೆಗಳಿವೆ. ಇವೆಲ್ಲದರ ಬಗ್ಗೆ ಒಂದಿಷ್ಟಾದರೂ ನಮಗೆ ಕೃತಜ್ಞತೆಯ ಭಾವವಿರಬೇಕಷ್ಟೇ.   ಅದೊಂದು ಟೆಲಿವಿಷನ್ ಕಾರ್ಯಕ್ರಮ. ಸುದ್ದಿವಾಹಿನಿಯೊಂದು ನಮ್ಮ ದೇಶದ ಸ್ವಾತಂತ್ರ್ಯ ಹೋರಾಟಗಾರರ ಬಗ್ಗೆ, ಪ್ರಸ್ತುತ ರಾಜಕೀಯ ನಾಯಕರ ಬಗ್ಗೆ… ಹೀಗೆ ಸಾಮಾನ್ಯಜ್ಞಾನ ಎಂದು ಕರೆಯಬಹುದಾದ ಹಲವು ಪ್ರಶ್ನೆಗಳನ್ನು ತರುಣ-ತರುಣಿಯರಲ್ಲಿ ಕ್ಯಾಮೆರಾ ಮುಂದೆ ಕೇಳುತ್ತಿತ್ತು. ಮಹಾತ್ಮಾ ಗಾಂಧಿಯವರ ಸಂಪೂರ್ಣ ಹೆಸರೇನು? ...

  • 2 weeks ago No comment

    ಕಾದಂಬಿನಿ ಕಾಲಂ | ಕೊನೆಗೂ ಒಂಟಿಯಾಗಿ ಉಳಿದುಬಿಟ್ಟವಳು

                        ಈಗ ಆಗಿನಂತೆ ನಗು ಬರಲಿಲ್ಲ. ಅವಳ ಬದುಕಲ್ಲೂ ಅದೇ ಘಟಿಸಿಹೋದ ಚೋದ್ಯಕ್ಕೆ ಏನು ಹೇಳುವುದು?   ಮೊನ್ನಿನ ಮುಂಜಾವಲ್ಲಿ ನಾನು ಎಚ್ಚರಗೊಂಡದ್ದೇ ಅವಳ ಫೋನ್ ಕರೆಯಿಂದ. ‘ನಾನ್ ಕಣೇ ರಾಜಿ’ ಎಂದರೆ ನಾನು, ‘ರಾಣಿನಾ?’ ಅನ್ನುತ್ತಿದ್ದೆ. ಅಷ್ಟರಲ್ಲಿ ‘ರಾಜಿ ಮಾರಾಯ್ತೀ ಮರೆತುಬಿಟ್ಯಲ್ಲ’ ಆಪಾದಿಸಿದಳು. ರಾಣಿ ನನ್ನ ಮನೆಯ ಎಡಕ್ಕಿದ್ದ ಗೆಳತಿ. ರಾಜಿ ಬಲಕ್ಕಿದ್ದವಳು. ಇಬ್ಬರ ...


Editor's Wall

  • 15 August 2018
    1 day ago No comment

    ಕಾದಂಬಿನಿ ಕಾಲಂ | ವೇದಿಕೆ, ಶಾಲು, ಸನ್ಮಾನ, ಬಿರುದು ಬಾವಲಿ ಇತ್ಯಾದಿ

                        ಕವಿತೆಯ ಬಗ್ಗೆ ಇರುವ ಆಸಕ್ತಿ ಆ ದೀನ ಹೆಣ್ಣುಮಗಳ ಮಾತು ಆಲಿಸುವುದರಲ್ಲಿ ಇಲ್ಲವೆಂಬುದು ಲೈಕು ಕಮೆಂಟುಗಳಿಂದಲೇ ಸಾಬೀತಾಯಿತು. ಉಳ್ಳವರ ಜಗಮಗಿಸುವ ಲೋಕದಲ್ಲಿ ಒಬ್ಬ ನಿರಾಶ್ರಿತ ಅಲೆಮಾರಿ ಜನಾಂಗದ ನಿರ್ಗತಿಕ ಹೆಣ್ಣಿನ ಅಳಲಿಗೆ ಯಾವ ಜಾಗವಿದೆ ಎನ್ನುವುದನ್ನು ಅದು ನನಗೆ ಮನಗಾಣಿಸತೊಡಗಿತು.   ಮೊನ್ನೆ ಒಬ್ಬ ಕವಿಯ ಜೊತೆ ಬೇಸರದಿಂದ ಮಾತಾಡಿಬಿಟ್ಟೆ. ‘ಶುಭಾಶಯಗಳು. ಆದರೆ ಇಂಥ ...

  • 09 August 2018
    1 week ago No comment

    ಕಾದಂಬಿನಿ ಕಾಲಂ | ಕಸದ ತೊಟ್ಟಿಯಲ್ಲಿ ಸಿಕ್ಕ ಒಂದು ಹೆಣ್ಣು ಶಿಶುವಿನ ಕಥೆ

                        ಬಾಣಲೆಯಿಂದ ಬೆಂಕಿಗೆ ಬಿದ್ದಂತೆ ಕೆಲ ಪುನರ್ವಸತಿ ಕೇಂದ್ರಗಳ ಪಾಲಾದ ಬಾಲಕಿಯರು ಗಂಡಿನ ಕಾಮದ ದಳ್ಳುರಿಯ ಕೊಂಡಕ್ಕೆ ದೂಡಲ್ಪಟ್ಟ ಕಡು ಹೇಯ, ಭೀಬತ್ಸ್ಯಕರ ಕಥೆಗಳನ್ನು ನಾವಿಂದು ಕಾಣುತ್ತಿದ್ದೇವೆ. ಆದರೆ ಹೀಗೆ ಅನಾಥಾಲಯ, ಪುನರ್ವಸತಿ ಕೇಂದ್ರಗಳಿಗೆ ದಾಖಲಾಗುವ ಮುನ್ನಿನ ಆ ಒಂದೊಂದು ಮಗುವಿನ ಕಥೆಯೂ ಅಷ್ಟೇ ಯಾತನಾಪೂರಿತವಾಗಿರುತ್ತವೆ.   ಮೊನ್ನೆ ಮೊನ್ನೆ ಬಿಹಾರದ ಮುಜಫರ್ ನಗರದ ಪುನರ್ವಸತಿ ...

  • 01 August 2018
    2 weeks ago No comment

    ಕಾದಂಬಿನಿ ಕಾಲಂ | ಕೊನೆಗೂ ಒಂಟಿಯಾಗಿ ಉಳಿದುಬಿಟ್ಟವಳು

                        ಈಗ ಆಗಿನಂತೆ ನಗು ಬರಲಿಲ್ಲ. ಅವಳ ಬದುಕಲ್ಲೂ ಅದೇ ಘಟಿಸಿಹೋದ ಚೋದ್ಯಕ್ಕೆ ಏನು ಹೇಳುವುದು?   ಮೊನ್ನಿನ ಮುಂಜಾವಲ್ಲಿ ನಾನು ಎಚ್ಚರಗೊಂಡದ್ದೇ ಅವಳ ಫೋನ್ ಕರೆಯಿಂದ. ‘ನಾನ್ ಕಣೇ ರಾಜಿ’ ಎಂದರೆ ನಾನು, ‘ರಾಣಿನಾ?’ ಅನ್ನುತ್ತಿದ್ದೆ. ಅಷ್ಟರಲ್ಲಿ ‘ರಾಜಿ ಮಾರಾಯ್ತೀ ಮರೆತುಬಿಟ್ಯಲ್ಲ’ ಆಪಾದಿಸಿದಳು. ರಾಣಿ ನನ್ನ ಮನೆಯ ಎಡಕ್ಕಿದ್ದ ಗೆಳತಿ. ರಾಜಿ ಬಲಕ್ಕಿದ್ದವಳು. ಇಬ್ಬರ ...

  • 25 July 2018
    3 weeks ago No comment

    ಕಾದಂಬಿನಿ ಕಾಲಂ | ಚೌಕಟ್ಟಿನೊಳಗಿರುವುದು ಚಿತ್ರವಲ್ಲ; ಸುಡುಸುಯ್ಲು!

                        ಹೃದಯ ಭಾರವಾಗುತ್ತದೆ. ಚೌಕಟ್ಟಿನೊಳಗಿನ ಸುಡುಸುಯ್ಲುಗಳು ಇಷ್ಟೇಕೆ ಸುಡುತ್ತವೆ? ಹೊರ ಲೋಕಕ್ಕೆ ಅದೇಕೆ ತಣ್ಣಗೆ ತಣಿದುಬಿಟ್ಟ ಮಂಜುಬೆಟ್ಟಗಳಂತೆ ಗೋಚರಿಸುತ್ತದೆ?   ಆ ದಂಪತಿ ಪ್ರಯಾಣಿಸುತ್ತಿದ್ದ ಕಾರಿನ ಚಾಲಕ ಹಾಡು ಹಾಕಿದಂತೆಲ್ಲ ಪತಿ ಅದನ್ನು ಆಫ್ ಮಾಡುತ್ತಿದ್ದ. ಚಾಲಕನಿಗೆ ವಿಚಿತ್ರವೆನಿಸಿರಬೇಕು. ‘ಏನ್ ಸಾರ್ ನಿಮಗೆ ಹಾಡು ಕೇಳುವ ಹವ್ಯಾಸ ಇಲ್ವಾ’ ಅಂದಾಗ ‘ಇಲ್ಲ ಅದರಿಂದೇನು ಸಿಗುತ್ತೆ?’ ಎಂದಿದ್ದ ...

  • 11 May 2018
    3 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...