Share

ನಾನು ಸೋತುಹೋದೆ!
ಉಷಾ ಕಟ್ಟೆಮನೆ ಕಾಲಂ

IMG-20160516-WA0001

ಸ್ವಗತ |SVAGATHA

 

 

 

ushaವಳಿಗೆ ಚಿತ್ತ ಚಾಂಚಲ್ಯವಿರಬೇಕು ಎಂದು ನಿಮಗನ್ನಿಸಬಹುದು, ಆದರೆ ಇದು ಸತ್ಯ.

ಬಾಲ್ಯದಿಂದಲೂ ನನಗೊಂದು ಕನಸಿತ್ತು; ಎಂದಾದರೊಂದು ದಿನ ನದಿ ದಂಡೆಯ ಮೇಲೊಂದು ಪರ್ಣಕುಟೀರದಂಥ ಮನೆಯನ್ನು ಕಟ್ಟಿಕೊಳ್ಳಬೇಕು. ಜುಳು ಜುಳು ಹರಿಯುವ ನದಿಯಲ್ಲಿ ಕಾಲುಗಳನ್ನು ಇಳಿಬಿಟ್ಟು ತನಿಮೀನುಗಳಿಂದ ಕಚಗುಳಿಯಿಡಿಸಿಕೊಳ್ಳಬೇಕು; ಆಕಾಶಕ್ಕೇ ತೂತು ಬಿದ್ದಂತೆ ಸುರಿಯುವ ಮಳೆಯನ್ನು ನೋಡುತ್ತಾ ನದಿಯ ಭೋರ್ಗರೆತದ ಹಿನ್ನೆಲೆಯಲ್ಲಿ ಗಟ್ಟಿಯಾಗಿ ಕುಮಾರವ್ಯಾಸನ ಹಾಡುಗಳನ್ನು ಹಾಡಿಕೊಳ್ಳಬೇಕು, ನಿಸರ್ಗದ ಲಯಕ್ಕೆ ಕಿವಿಯಾಗಬೇಕು, ಕಣ್ಣಾಗಬೇಕು ಎಂದೆಲ್ಲಾ ಮನಸ್ಸಿನಲ್ಲೇ ಮಂಡಿಗೆ ತಿನ್ನುತ್ತಿದ್ದೆ.

ಪತ್ರಕರ್ತನಾದ ನನ್ನ ಗಂಡ ಆಗಾಗ ತನ್ನ ಕೆಲಸ ಬದಲಾಯಿಸುತ್ತಿದ್ದ. ಒಂದು ಕೆಲಸದಿಂದ ಇನ್ನೊಂದು ಕೆಲಸಕ್ಕೆ ಸೇರಿಕೊಳ್ಳುವರೆಗಿನ ಅವಧಿಯಲ್ಲಿ ನನ್ನ ಮತ್ತು ಮಕ್ಕಳ ಭವಿಷ್ಯದ ಬಗ್ಗೆ ತುಂಬಾ ಚಿಂತಿತಳಾಗುತ್ತಿದ್ದೆ. ನಾನು ನೌಕರಿ ಮಾಡುತ್ತಿರಲಿಲ್ಲ. ಪ್ರಯತ್ನಿಸಿದೆ. ಫಲ ಕಾಣಲಿಲ್ಲ. ಒಂದು ತುಂಡು ಭೂಮಿ ಕೈಯಲ್ಲಿದ್ದರೆ ಹೇಗಾದರೂ ಬದುಕಬಹುದೆಂಬುದು ಅಲ್ಲಿ ಇಲ್ಲಿ ಹಣ ಹೊಂದಿಸಿ ಧರ್ಮಸ್ಥಳ ಸಮೀಪ ಕಪಿಲಾ ನದಿಯ ದಂಡೆಯ ಮೇಲೆ ನನ್ನ ಕನಸಿನ ಭೂಮಿಯನ್ನು ಖರೀದಿಸಿದೆ. ಇದರ ಹಿಂದೆಯೂ ಒಂದು ಲೆಕ್ಕಾಚಾರವಿತ್ತು; ಕನಸಿತ್ತು. ಲೆಕ್ಕಾಚಾರದ ಕನಸು ಅಂದುಕೊಳ್ಳಬೇಡಿ ಮತ್ತೆ. ಅವೆರಡೂ ಬೇರೆ ಬೇರೆನೇ. ಆದರೆ ಅವೆರಡನ್ನು ಬ್ಲೆಂಡ್ ಮಾಡಲು ಪ್ರಯತ್ನಿಸುತ್ತಿದ್ದೆ. ಅಂದರೆ ನಾನು ಕೃಷಿಯಲ್ಲಿ ಸೋತರೆ ಹೋಂ ಸ್ಟೇ ಮಾಡುವುದೆಂದು ಯೋಚಿಸುತ್ತಲಿದ್ದೆ. ಹೀಗೆ ಕನಸು ಕಾಣಲು ಕಾರಣವಾಗಿದ್ದು ಅಮೇದಿಕಲ್ಲು.

2ಕರ್ನಾಟಕದ ಕಠಿಣ ಚಾರಣದ ಜಾಗದಲ್ಲಿ ಅಮೇದಿಕಲ್ಲು ಮೊದಲ ಸ್ಥಾನದಲ್ಲಿ ಬರುತ್ತದೆ. ಅಲ್ಲಿಗೆ ಚಾರಣ ಹೋಗುವವರು ನಮ್ಮ ಮನೆಯೆದುರಿನ ರಸ್ತೆಯಲ್ಲೇ ಸಾಗಬೇಕು. ಅವರಿಗೆ ನಮ್ಮೂರಿನಲ್ಲಿ ಉಳಿದುಕೊಳ್ಳಲು ಯಾವ ವ್ಯವಸ್ಥೆಯೂ ಇಲ್ಲ. ಅವರೆಲ್ಲಾ ಇಪ್ಪತ್ತೈದು ಕಿ.ಮೀ ದೂರದ ಉಜಿರೆಯಲ್ಲಿ ತಂಗಿ ಬೆಳಿಗ್ಗೆ ಬೇಗನೆ ಎದ್ದು ಇಲ್ಲಿಗೆ ಬರುತ್ತಿದ್ದರು. ಅವರು ಮತ್ತು ಅಂಥ ನಿಸರ್ಗಪ್ರೇಮಿಗಳಿಗೆಂದೇ ಇಲ್ಲಿ ಒಂದು ತಂಗುದಾಣ ಯಾಕೆ ನಿರ್ಮಿಸಬಾರದು ಎಂದು ನನಗೆ ಅನ್ನಿಸುತ್ತಿತ್ತು. ಆದರೆ ಅದಕ್ಕೆ ಅರ್ಥಿಕತೆಯ ಮುಖ ಇರಬಹುದಾದ ಸಾಧ್ಯತೆಯಿದ್ದುದರಿಂದ ಮತ್ತು ಅದೇ ನನ್ನ ಮುಖ್ಯ ಉದ್ದೇಶ ಅಲ್ಲದ ಕಾರಣದಿಂದ ಅದನ್ನು ಜಾರಿಗೆ ತರುವುದರ ಬಗ್ಗೆ ನಾನು ವಿಶೇಷ ಆಸ್ಥೆ ವಹಿಸಲಿಲ್ಲ. ಆದರೆ ನನ್ನ ಹೃದಯಕ್ಕೆ, ಮನಸ್ಸಿಗೆ ಹತ್ತಿರವಾದ ಪರ್ಣಕುಟೀರದ ಕನಸು ಸದಾ ಜೀವಂತವಾಗಿತ್ತು.

ನನ್ನ ತೋಟದೊಳಗೆ ನದಿ ದಂಡೆಯಲ್ಲಿ ಮೂರು ದೊಡ್ಡ ದೊಡ್ಡ ಕಾಡು ಮಾವಿನ ಮರಗಳಿವೆ. ಅವುಗಳಿಗೆ ನೂಲು ಹಿಡಿದರೆ ಕರೆಕ್ಟಾಗಿ ತ್ರಿಕೋನಾಕೃತಿಯಾಗುತ್ತದೆ. ಅಲ್ಲಿ ಒಂದು ಟ್ರೀ ಹಟ್ ಕಟ್ಟಬೇಕೆಂದು ಆ ಜಾಗ ತೆಗೆದುಕೊಂಡಾಗಿನಿಂದಲೂ ನಾ ಯೋಚಿಸುತ್ತಲಿದ್ದೆ. ಏಕಾಂತವನ್ನು ಬಯಸುವ ನಿಸರ್ಗಪ್ರಿಯರಿಗೆ ಪರ್ಣಕುಟೀರದ ಮೌನದೇಗುಲವಾಗಿ ಅದನ್ನು ಸಜ್ಜುಗೊಳಿಸಬೇಕೆಂದು ಅಂದುಕೊಳ್ಳುತ್ತಲಿದ್ದೆ.
ಇದಲ್ಲದೆ ಕೇವಲ ಮಹಿಳೆಯರಿಗಾಗಿಯೇ ಈ ಜಾಗವನ್ನು ಮೀಸಲಾಗಿಡಬೇಕೆಂದೂ ಯೋಚಿಸಿದ್ದಿದೆ. ಅಂದರೆ ಕೆಲವು ಹುಡುಗಿಯರಿಗೆ ತವರಿರುವುದಿಲ್ಲ. ಹತ್ತಿರದ ಬಂಧುಗಳಿರುವುದಿಲ್ಲ. ಗೆಳೆಯ-ಗೆಳತಿಯರಿರುವುದಿಲ್ಲ. ಇಂಥವರಿಗೆ ಎಲ್ಲಿಯಾದರೂ ಒಂದೆರಡು ದಿನ ಯಾರ ಕಣ್ಣಿಗೂ ಬೀಳದಂತಿರಬೇಕು, ಓಡಿ ಹೋಗಬೇಕು ಎಂದೆಲ್ಲಾ ಯೋಚನೆ ಬಂದರೆ ಅಂಥವರಿಗೆ ಅಡಗಿಕೊಳ್ಳಲೊಂದು ತಂಗುದಾಣವಾಗಿಸಬೇಕೆಂಬ ಯೋಚನೆ ನನಗೆ ಬಂದಿತ್ತು. ಯಾಕೆಂದರೆ ಅಂತಹ ಯೋಚನೆ ನನಗೆ ಆಗಾಗ ಬರುತ್ತಲಿರುತ್ತದೆ.

ಅಂದುಕೊಳ್ಳುವುದಕ್ಕೇನು? ನೂರಾರು ಕನಸುಗಳು ನಮ್ಮಲ್ಲಿ ಕುಡಿಯೊಡೆಯಬಹುದು. ಅದನ್ನು ಜಾರಿಗೊಳಿಸುವುದು ಹೇಗೆ? ಅದಕ್ಕೆ ನೆರವಿನ ಹಸ್ತವನ್ನು ನೀಡುವವರು ಯಾರು? ಎಂಬ ಗೊಂದಲದಲ್ಲೇ ಆರು ವರ್ಷ ಉರುಳಿಹೋಯ್ತು.

ಜಮೀನಿನಲ್ಲಿ ಅಲ್ಪ ಸ್ವಲ್ಪ ಕೃಷಿ ಮಾಡಿಸಿದೆ. ಅಡಿಕೆಯನ್ನೇ ನೆಚ್ಚಿಕೊಂಡರೆ ಮದ್ದು ಬಿಡುವವರನ್ನು ಅವಲಂಬಿಸಲೇಬೇಕಾಗುತ್ತದೆ. ನಮ್ಮ ಕೊಳೆರೋಗ ಸ್ಪೆಷಲಿಸ್ಟ್ ವಾಸು ತೋಟದ ಕೊಳೆರೋಗವನ್ನು ನಿಯಂತ್ರಣಕ್ಕೆ ತಂದು ನನಗೆ ಲಾಭವನ್ನು ತಂದು ಕೊಟ್ಟಿದ್ದ. ಆದರೆ ಆತ ಈ ತಿಂಗಳ ಆದಿಯಲ್ಲಿ ಕ್ಯಾನ್ಸರಿನಿಂದ ಅಕಾಲದಲ್ಲೇ ಕಾಲನ ತೆಕ್ಕೆಯಲ್ಲಿ ಕರಗಿ ಹೋದ. ಈಗ ಊರಲ್ಲಿ ಜಡಿ ಮಳೆ ಆರಂಭವಾಗಿದೆ. ನನ್ನ ತೋಟಕ್ಕೆ ಮದ್ದು ಬಿಡುವವರು ಯಾರು ಎಂದು ಚಿಂತಿತಳಾಗಿದ್ದೇನೆ. ಹಳ್ಳಿಗಳಲ್ಲಿ ಕೃಷಿ ಕಾರ್ಮಿಕರ ತೀವ್ರ ಕೊರತೆಯಿದೆ ಎಂಬುದು ನಿಮಗೂ ಗೊತ್ತು.

ನಾನೀಗ ಕೃಷಿಯಲ್ಲಿ ಸೋತಿದ್ದೇನೆ. ಮುಂದೇನು? ಗೊತ್ತಿಲ್ಲ.

———-

usha2ಉಷಾ ಕಟ್ಟೆಮನೆ, ಪತ್ರಕರ್ತೆಯಾಗಿ, ಅದಕ್ಕೂ ಮೊದಲು ಕನ್ನಡ ಉಪನ್ಯಾಸಕಿಯಾಗಿ ಕೆಲಸ ಮಾಡಿದವರು. ದೃಶ್ಯ ಮಾಧ್ಯಮಕ್ಕಾಗಿಯೂ ಕೆಲಸ ಮಾಡಿದ ಅನುಭವ. ಆದರೆ ಅವರು ಪರಿಚಿತರಾಗಿರುವುದು ತಮ್ಮ ವಿಶಿಷ್ಟ ಸಂವೇದನೆಯ ಬರವಣಿಗೆಯಿಂದಾಗಿ. ಕೆಲ ವರ್ಷಗಳಿಂದ ಕೃಷಿಯಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ದೇಶ ಸುತ್ತುವುದೆಂದರೆ ಇವರಿಗೆ ಅತ್ಯಂತ ಇಷ್ಟ.

Share

4 Comments For "ನಾನು ಸೋತುಹೋದೆ!
ಉಷಾ ಕಟ್ಟೆಮನೆ ಕಾಲಂ
"

  1. ವಿಶಿಷ್ಟ ಕನಸುಗಳಿದ್ದರೂ ಸಾಂಪ್ರದಾಯಿಕ ಅಡಿಕೆ ಕೃಷಿಗೇ ಯಾಕೆ ಹೋದಿರೋ ನನಗೆ ಗೊತ್ತಿಲ್ಲ. ಪರ್ಯಾಯ ಕೃಷಿಯಲ್ಲಿ ಸಾವಯವ, ಸಹಜಕ್ಕೆ ನೀವು ಬದಲಾಗಬಹುದಾಗಿದ್ದರೆ (ಆರ್ಥಿಕ ಹೊರೆ ತೀರಾ ಕಡಿಮೆಯಾಗುತ್ತದೆ, ಆದಾಯವೂ ಹಾಗೇ ಒಮ್ಮೆಗಂತೂ ಕಡಿಮೆಯಾಗುವುದು ನಿಶ್ಚಿತ)?? ಅಮೆದಿಕ್ಕೆಲ್ ಹತ್ತಿದ್ದೀರಾ? ಅದಕ್ಕೆ ನೀವು ಹೇಳುವ ಜಾಡು ಬಹುಶಃ ಶಿಶಿಲದ ಬದಿಯಿಂದಿರಬೇಕು. ನೆರಿಯದೊಳಗಿನಿಂದ ಸುಲಭ ದಾರಿಯಿದೆ ಬಲ್ಲಿರಾ?

    Reply
    • ಉಷಾಕಟ್ಟೆಮನೆ
      26th June 2016

      ನಾನು ಜಮೀನ್ ತಗೊಂಡಾಗಲೇ ಅದು ಅಡಿಕೆ ತೋಟವಾಗಿತ್ತು ಸರ್. ಆದರೆ ನಾನು ತೋಟವಿಡೀ ಕೊಕ್ಕೊ ಗಿಡ ನೆಡಿಸಿದೆ. ಈಗ ಕೊಕ್ಕೊ ಫಸಲು ಕೊಡುತ್ತಿದೆ.ಕೆಲವು ಹಣ್ಣಿನ ಗಿಡಗಳನ್ನು ದೇವನ ಹಳ್ಳಿಯ ಪಾರ್ಮ್ ನಿಂದ ತಗೊಂಡು ಹೋಗಿ ನೆಟ್ಟಿದ್ದೇನೆ. ಅವೂ ಫಸಲು ಕೊಡುತ್ತಿವೆ. ಒಂದೈವತ್ತು ರ‍ಾಂಬುಟನ್ ಗಿಡಗಳನ್ನು ನೆಡಬೇಕೆಂದಿದ್ದೇನೆ. ಈಗ ಎರಡು ಗಿಡಗಳಿವೆ.
      ಅಡಿಕೆ ಮರಗಳನ್ನು ನೆಲಸಮ ಮಾಡಲು ಮನಸ್ಸು ಹೇಗೆ ಬರುತ್ತೆ ಸರ್?

      Reply
  2. 28th June 2016

    ಉಷಾ..

    ಈ ಮಾತು ‘ಸೋತು ಹೋದೆ’ ಎಂಬುದು ಮುಂದಿನ ದಾರಿಯ ಮೆಟ್ಟಿಲಾಗಲಿ ಅಂತ ಆಶಿಸುತ್ತಿದ್ದೇನೆ. ನಿಜ್ವಾಗ್ಲೂ.

    Reply
    • ಉಷಾಕಟ್ಟೆಮನೆ
      2nd July 2016

      ಕನಸು ಜಾರಿಯಲ್ಲಿದೆ ಸಿಂಧು.
      ಬೆನ್ನು ತಟ್ಟುವವರಿದ್ದರೆ ಹುಮ್ಮಸ್ಸು ಬರುತ್ತಿತ್ತು.

      Reply

Leave a comment

Your email address will not be published. Required fields are marked *

Recent Posts More

  • 1 week ago No comment

    ನಮ್ಮ ಕಣ್ಣುಗಳೇಕೆ ಭಾರವಾಗುತ್ತಿವೆ?

          ಕವಿಸಾಲು           ತಿರುಕನ ಕನಸಲ್ಲ ನನ್ನದು ತಿರುಕನಲ್ಲ ಕಣ್ರಿ ನಾನು ನಿಮ್ಮ ಮರುಕ ಗಿರುಕ ಎಲ್ಲಾ ನನಗೆ ಹಿಡಿಸಲ್ಲ ಅವ್ರು ಕೋಟೆ ಕಟ್ಟಿ ನ್ಯಾಯ ನೀತಿಗಳ ತಮ್ಮಲ್ಲೆ ಬಚ್ಚಿಟ್ಟು ಒಳಗೆ ಬೆಚ್ಚಗೆ ಕೂತಿರಬಹುದು ನ್ಯಾಯಕ್ಕೆ ಕನ್ನ ಹಾಕೋ ನಾನು ತಿರುಕ ಹೇಗೆ ಆಗಬೇಕು? ತಿರುಕನದೇನೋ ಕನಸಿತ್ತು ನನ್ನದು ಕೂಡಾ ಕನಸೆಂದು ಆ ಕೋಟೆ ಒಳಗಿರುವವರು ಕನವರಿಸುತ್ತಿರಬಹುದು ಬೂದಿ ಮುಚ್ಚಿದ ...

  • 2 weeks ago No comment

    ಕೊಂಕಣಿ ಪ್ರತಿಭೆಯನ್ನರಸಿ ಕರ್ನಾಟಕಕ್ಕೆ ಬಂದ ಪ್ರಶಸ್ತಿ

        ಅತಿಥಿ           ಈ ಬಾರಿ ಕರ್ನಾಟಕವು ಎರಡು ಕೇಂದ್ರ ಸಾಹಿತ್ಯ ಅಕಾಡೆಮಿ ಯುವ ಪುರಸ್ಕಾರಗಳನ್ನು ತನ್ನ ಮಡಿಲಿಗೆ ಹಾಕಿಕೊಂಡಿತು ಎಂದರೆ ಅಚ್ಚರಿಯಾಗಬಹುದು. ಆದರೂ ಇದು ಸತ್ಯ. ಪ್ರಮಾದವೇನಾದರೂ ಆಯಿತೇ? ಒಂದೇ ಪುರಸ್ಕಾರವನ್ನು ಇಬ್ಬರಿಗೆ ಹಂಚಿರಬಹುದೇ? ಎಂದೆಲ್ಲ ಯೋಚಿಸಿ ತಲೆ ಕೆರೆದುಕೊಳ್ಳುತ್ತಿದ್ದೀರಾ? ಇಲ್ಲಿದೆ ನೋಡಿ ಉತ್ತರ. ಕನ್ನಡಕ್ಕೆ 2018ರ ಕೇಂದ್ರಸಾಹಿತ್ಯ ಅಕಾಡೆಮಿಯ ಯುವ ಪುರಸ್ಕಾರ ಘೋಷಣೆಯಾದಾಗಲೇ ಕರ್ನಾಟಕದ ಕೊಂಕಣಿ ಕವಯತ್ರಿ ವಿಲ್ಮಾ ...

  • 2 weeks ago No comment

    ಸಾಹಸದ ಆ ನಿಮಿಷಗಳು

            ಮೊದಲ ಬಾರಿಯಾದ್ದರಿಂದ ಕೆಲವೇ ನಿಮಿಷಗಳ ಈ ಜಿಗಿತದ ರೋಚಕತೆ ಒಂದು ತಿಂಗಳ ಕಾಲ ನನ್ನನ್ನು ಆವರಿಸಿದ್ದು ಸುಳ್ಳಲ್ಲ.         ಬ್ಯಾಂಕರುಗಳು, ಅಕೌಂಟೆಂಟುಗಳು ವರ್ಷದ ಮೊದಲಿಂದ ಹಿಡಿದು ಮಾರ್ಚಿ ತಿಂಗಳವರೆಗೆ ಭಾರೀ ಬ್ಯುಸಿಯಾಗುವಂತೆ ಇಂಗ್ಲೆಂಡಿನ ಸರ್ಕಾರೀ ದಂತ ವೈದ್ಯಕೀಯ ರಂಗದಲ್ಲೂ ಧಾವಂತ ಕಾಣಿಸಿಕೊಳ್ಳುತ್ತದೆ. ಸರ್ಕಾರದಿಂದ ಗುತ್ತಿಗೆ ಪಡೆದ ಕೆಲಸವನ್ನು ಮಾರ್ಚಿಯ ಕೊನೆಗೆ ಪೂರ್ತಿಗೊಳಿಸದಿದ್ದರೆ ಮುಂದಿನ ವರ್ಷದ ಕಾಂಟ್ರಾಕ್ಟ್ ನ್ನು ಕಳೆದುಕೊಳ್ಳುವ ...

  • 3 weeks ago No comment

    ಪ್ರಸಾದ್ ಪಟ್ಟಾಂಗ | ಫಿಫಾ ಫಿವರ್

    ಅಂದು ಎಲ್ಲರ ಕಣ್ಣುಗಳೂ ಬೇರೇನನ್ನೋ ದಿಟ್ಟಿಸುತ್ತಿದ್ದವು. ಅದೊಂದು ಸುಂದರ ರೆಸ್ಟೊರೆಂಟ್. ಆವರಣದ ಒಳಗೂ ಹೊರಗೂ ಬಂದವರಿಗೆ ಕುಳಿತುಕೊಳ್ಳಲು ಸಾಕಷ್ಟು ಜಾಗವಿರುವಂಥದ್ದು. ಜೊತೆಗೇ ಒಂದು ಪುಟ್ಟ ಮೈದಾನದಂತಿರುವ ಜಾಗವನ್ನೂ, ಈಜುಕೊಳವನ್ನೂ ಹೊಂದಿರುವ ಸುಸಜ್ಜಿತ ರೆಸ್ಟೊರೆಂಟ್. ನಾನು ಪ್ರತೀ ತಿಂಗಳು ಲುವಾಂಡಾಗೆ ಬಂದಿಳಿದಾಗಲೆಲ್ಲಾ ಇಲ್ಲಿಯ ಸಿಬ್ಬಂದಿಯೇ ನನಗೆ ಅನ್ನದಾತರು. ಹೀಗಾಗಿ ಎಲ್ಲೆಲ್ಲೂ ನನಗೆ ಪರಿಚಿತ ಮುಖಗಳೇ. ಅಂದು ಮಾತ್ರ ಸಿಬ್ಬಂದಿಯೊಬ್ಬ ಗಡಿಬಿಡಿಯಲ್ಲಿ ನನ್ನ ಆರ್ಡರ್ ಬರೆದುಕೊಂಡು ಅಷ್ಟೇ ಅವಸರದಲ್ಲಿ ಖಾದ್ಯಗಳನ್ನು ತಂದಿಟ್ಟು ...

  • 4 weeks ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...


Editor's Wall

  • 11 May 2018
    2 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    3 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    3 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...