Share

ಗೋವಿಂದಪ್ಪನ ಗೊರಕೆ
ಎಸ್ ಗಂಗಾಧರಯ್ಯ ಕಾಲಂ

 ಕಲರವ | kalaravaIMG-20160516-WA0001

 

 

 

ಎ ವಿಲೇಜ್ ಡೈರಿ

s gangadaraಗೊರಕೆಯಲ್ಲಿ ಈ ಗೋವಿಂದಪ್ಪನನ್ನು ಮೀರಿಸುವವರನ್ನು ನಾನು ಈವರೆಗೂ ಕಂಡಿಲ್ಲ. ಕ್ಷಣ ಕ್ಷಣಕ್ಕೂ ರಂಗೇರುತ್ತಾ ಬಗೆ ಬಗೆಯ ರಾಗಗಳಾಗುತ್ತಾ ತಾರಕಕ್ಕೇರಿಸುತ್ತಿದ್ದ ಗೋವಿಂದಪ್ಪನ ಗೊರಕೆಯ ಎದುರು ಎಂಥಾ ಕುಂಭ ಕರ್ಣ ನಿದ್ದೆಯೂ ನಿಲ್ಲಲು ಸಾಧ್ಯವಿರಲಿಲ್ಲ. ಈ ಕಾರಣಕ್ಕಾಗಿಯೇ ಎಲ್ಲರೂ ಇವನನ್ನು ಗೊರಕೆ ಗೋವಿಂದಪ್ಪ ಅಂತ ಕರೆಯುತ್ತಿದ್ದರು.

ಈತ ನನ್ನ ಅಪ್ಪನ ದೂರದ ಸಂಬಂಧಿ. ಯಾವ ಕಾರಣಕ್ಕೋ ಏನೋ ತನ್ನ ಊರನ್ನು ಬಿಟ್ಟು ನಮ್ಮ ಮನೆಯಲ್ಲೇ ಸುಮಾರು ವರ್ಷ ಇದ್ದರು. ಗೋವಿಂದಪ್ಪನಿಗೆ ಮದುವೆಯಾಗಿರಲಿಲ್ಲ. ಆಗಿದ್ದರೂ ಇವನ ಗೊರಕೆಯ ಭರಾಟೆಗೆ ಅವಳು ಹೇಳದೆ ಕೇಳದೆ ಓಡಿ ಹೋಗಿ ಬಿಡುತ್ತಿದ್ದಳು ಅಂತ ನನ್ನ ಅಜ್ಜ ಆಗಾಗ ತಮಾಷೆ ಮಾಡುತ್ತಿದ್ದರು. ಉರುಟು ಮುಖ, ಅಗಲವಾದ ಹಣೆ, ಆ ಹಣೆಯಲ್ಲಿ ಯಾವಾಗಲೂ ವೀಭೂತಿಯ ಮೂರು ಗೆರೆಗಳು. ಮಾರಿಗೆ ಬಟ್ಟೆಯ ಬನಿಯನ್ನು, ಖಾಕಿ ಚೆಡ್ಡಿ, ಹೆಗಲ ಮೇಲೊಂದು ಟವೆಲ್ಲು ಗೋವಿಂದಪ್ಪನ ನಿತ್ಯದ ದಿರಿಸು. ಇವುಗಳ ಜೊತೆಗೆ ಮದುವೆ ಅಥವಾ ಯಾವುದಾದರೂ ಶುಭ ಸಂದರ್ಭಗಳಲ್ಲಿ ಮಾತ್ರ ಇವನ ಚೆಡ್ಡಿಯ ಮೇಲೊಂದು ಲುಂಗಿ, ಬನಿಯನ್ನಿನ ಮೇಲೊಂದು ಅಂಗಿ ಕಾಣಿಸಿಕೊಳ್ಳುತ್ತಿದ್ದವು.

ನಾನಾಗ ಮಿಡ್ಲ್ ಸ್ಕೂಲಿನಲ್ಲಿ ಓದುತ್ತಿದ್ದೆ. ಅದೇ ತಾನೇ ನಮ್ಮ ಭೌತ ಕುಟುಂಬ ಭಾಗವಾಗಿ ಊರೊಳಗಡೆ ಇದ್ದ ದೊಡ್ಡ ಮನೆ ಅಪ್ಪನ ನಾಲ್ಕೂ ಮಂದಿ ತಮ್ಮಂದಿರಿಗೆ ಹಂಚಿಕೆಯಾಗಿತ್ತು. ಅಪ್ಪ ತನ್ನ ಭಾಗಕ್ಕೆ ಬಂದಿದ್ದ ತೋಟದಲ್ಲಿ ಮನೆ ಕಟ್ಟಿಸಲು ಶುರು ಮಾಡಿದ್ದರು. ಗೋಡೆಗಳೆದ್ದು ಅದಕ್ಕೆ ಹೆಂಚುಗಳನ್ನೂ ಕವುಚಿ ಇನ್ನು ಗಾರೆ ಕೆಲಸ ಮಾತ್ರ ಬಾಕಿಯಿತ್ತು. ಹಾಗಾಗಿ ಆ ಮನೆಯೊಳಗಿದ್ದ ಸಣ್ಣ ಪುಟ್ಟ ಸಾಮಾನುಗಳನ್ನು ಕಾಯುವುದಕ್ಕಾಗಿ ಮತ್ತು ಕಾಯಿ ಕಳ್ಳರ ಕಾಟ ಜಾಸ್ತಿ ಇದ್ದುದರಿಂದ ರಾತ್ರಿ ಹೊತ್ತಿನ ತೋಟದ ಪಹರೆಗಾಗಿ ನನ್ನ ಕಿರಿಯ ಚಿಕ್ಕಪ್ಪ ಮತ್ತು ಈ ಗೋವಿಂದಪ್ಪ ಸಂಜೆ ಊಟವಾಗುತ್ತಿದ್ದಂತೆಯೇ ಹೆಗಲ ಮೇಲೊಂದು ಕಂಬಳಿಯನ್ನು ಹಾಕಿಕೊಂಡು, ಕೈಯ್ಯಲ್ಲೊಂದು ಕುರುಡು ಲಾಟೀನನ್ನು ಹಿಡಿದುಕೊಂಡು ಹೊರಟು ಬಿಡುತ್ತಿದ್ದರು. ಆಗಿನ್ನೂ ನಮ್ಮೂರಿಗೆ ಕರೆಂಟು ಬಂದಿರಲಿಲ್ಲ.ಸಂಜೆಯಾಗುತ್ತಿದ್ದಂತೆಯೇ ಎಣ್ಣೆ ದೀಪಗಳು, ಲಾಟೀನುಗಳೇ ಬೆಳಕಿನ ಆಧಾರವಾಗಿದ್ದವು.

ನನಗೆ ಕಿರಿಯ ಚಿಕ್ಕಪ್ಪನ ಜೊತೆ ತುಂಬಾ ಒಳ್ಳೆಯ ಒಡನಾಟವಿದ್ದುದರಿಂದ ಕೆಲವು ದಿನಗಳ ನಂತರ ನಾನೂ ಬರುತ್ತೇನೆಂದು ಹಠ ಮಾಡಿ ಅವರ ಜೊತೆ ಹೋಗತೊಡಗಿದೆ. ನಾನು ನೆಪಕ್ಕೆ ಸ್ಕೂಲಿನ ಬ್ಯಾಗನ್ನು ನೇತಾಕಿಕೊಂಡು ಹೋಗುತ್ತಿದ್ದರೂ ಎಂದೂ ಓದುವ ಗೋಜಿಗೆ ಹೋಗುತ್ತಿರಲಿಲ್ಲ. ಬದಲಿಗೆ ಗೋವಿಂದಪ್ಪ ಮತ್ತು ನನ್ನ ಚಿಕ್ಕಪ್ಪನ ಮಾತುಗಳಿಗೆ ಕಿವಿಯಾಗುತ್ತಿದ್ದೆ. ಅವರು ಊರಿನ ಸುದ್ದಿಗಳಿಂದ ಹಿಡಿದು ನೆಂಟರಿಷ್ಟರವರೆಗೆ ಮಾತನಾಡುತ್ತಿದ್ದರೆ ಅವುಗಳನ್ನು ಕೇಳಿಸಿಕೊಳ್ಳುತ್ತಲೇ ನಾನು ನಿದ್ದೆ ಹೋಗಿ ಬಿಡುತ್ತಿದ್ದೆ.

ಆದರೆ ಈ ನಿದ್ದೆಗೆ ಅದಾವುದೋ ಒಂದು ಹೊತ್ತಿನಾಗೆ ಇದ್ದಕ್ಕಿದ್ದಂತೆ ಭಂಗ ಬಂದು ಬಿಡುತ್ತಿತ್ತು. ಎಚ್ಚರವಾದರೆ ಗೊವಿಂದಪ್ಪನ ಅಸಾಧ್ಯ ಗೊರಕೆಗಳು ಇಡೀ ಮನೆಯಂಥಾ ಮನೆಯನ್ನೆಲ್ಲಾ ಹಿಡಿದು ಆಡಿಸುತ್ತಿರುತ್ತಿದ್ದವು. ಆ ಹೊತ್ತಿಗಾಗಲೇ ಚಿಕ್ಕಪ್ಪ ‘ಅಯ್ಯೊ ಇವನ ಮನೆ ಹಾಳಾಗ ಈ ಗೊರಕೇಲಿ ಅದೆಂಗಪ್ಪ ನಿದ್ದೆ ಮಾಡೋದು’ ಅಂತ ಗೊಣಗುತ್ತಾ ಎದ್ದು ಕೂತಿರುತ್ತಿದ್ದರು. ಗೊಣಗಿಕೊಂಡೇ ಪಕ್ಕದಲ್ಲಿ ಮಲಗಿರುತ್ತಿದ್ದ ಗೋವಿಂದಪ್ಪನನ್ನು ಜೋರಾಗಿ ಅಲುಗಾಡಿಸುತ್ತಿದ್ದರು. ಹಾಗೆ ಅಲುಗಾಡಿಸಿದಾಗ ಎಚ್ಚರವಾಗಿಬಿಡುತ್ತಿದ್ದ ಗೋವಿಂದಪ್ಪ ‘ಇದ್ಯಾಕಲ ಮಗಾ ಈಟೊತ್ನಾಗೆ ಎದ್ದು ಕೂತಿದ್ದೀಯಾ’ ಅಂತ ಅನ್ನುತ್ತಲೇ ಅಗಾ ಇಗಾ ಅನ್ನುವುದರೊಳಗೆ ನನಗೆ ಮತ್ತು ಚಿಕ್ಕಪ್ಪನಿಗೆ ನಿದ್ದೆ ಹತ್ತುವ ಮುನ್ನವೇ ಮತ್ತೆ ನಿದ್ದೆಗೆ ಜಾರಿ ಬಿಡುತ್ತಿದ್ದರು. ತಗೋ ಮರು ಕ್ಷಣಕ್ಕೇ ಗೊರಕೆಯ ಗಾಣವಾಗಿ ಬಿಡುತ್ತಿದ್ದರು. ಇದರಿಂದ ರೇಗಿ ಹೋಗುತ್ತಿದ್ದ ಚಿಕ್ಕಪ್ಪ ಮತ್ತೊಮ್ಮೆ ಅವನನ್ನು ತಿವಿದು ಎಬ್ಬಿಸಿ,’ನೀನು ಅಂತರನಾಗಿ ಮಲೀಕಬೇಡ,ಹೊಟ್ಟೆ ಮಕಾಡೆ ಮಲೀಕ’ ಅಂತ ಅನ್ನುತ್ತಿದ್ದರು. ‘ಆಯ್ತು ತಗಾಳಪ್ಪಾ’ ಅನ್ನುತ್ತಾ ಮಕಾಡೆ ಮಲಗುತ್ತಿದ್ದ ಗೋವಿಂದಪ್ಪ ಸ್ವಲ್ಪ ಹೊತ್ತಿಗಾಗಲೇ ಮತ್ತೆ ಅಂತರನಾಗಿ ಮಲಗುತ್ತಿದ್ದುದಲ್ಲದೆ, ಯಥಾಪ್ರಕಾರ ಗೊರಕೆಗಿಟ್ಟುಕೊಂಡು ಬಿಡುತ್ತಿದ್ದರು.

ದಿನವೂ ಗೋವಿಂದಪ್ಪನ ಇಂಥ ಗೊರಕೆಗಳಿಂದ ರೋಸಿ ಹೋದ ಚಿಕ್ಕಪ್ಪ ವಿಧಿಯಿಲ್ಲದೆ ಒಂದು ಉಪಾಯಕ್ಕೆ ಬಂದರು. ಅದೆಂದರೆ, ತೆಂಗಿನ ಚಿಪ್ಪೊಂದಕ್ಕೆ ತೂತು ಹಾಕಿ ಆ ತೂತಿನಿಂದ ದಾರವೊಂದನ್ನು ಏರಿಸಿ ಆ ಚಿಪ್ಪನ್ನು ಗೋವಿಂದಪ್ಪನ ಬೆನ್ನಿಗೆ ಬಿಗಿಯಾಗಿ ಕಟ್ಟುವುದಾಗಿತ್ತು. ಇದರಿಂದಾಗಿ ಗೋವಿಂದಪ್ಪನನ್ನು ಅಂತರನಾಗಿ ಮಲಗಲು ಸಾಧ್ಯವಾಗದಂತೆ ಮಾಡುವುದು, ಆ ಮೂಲಕ ಅವನ ಗೊರಕೆಗಳಿಂದ ಪಾರಾಗುವುದು ಅವರ ಉದ್ದೇಶವಾಗಿತ್ತು. ಹೀಗೆ ಮಾಡಿದಾಗ ಗೋವಿಂದಪ್ಪ ಮಕಾಡೆ ಮಲಗಬೇಕಿತ್ತು, ಇಲ್ಲಾ ಒಂದು ಪಕ್ಕಕ್ಕೆ ಹೊರಳಿ ಮಲಗಬೇಕಾಗುತ್ತಿತ್ತು. ಅಂಗಾತ ಮಲಗಲು ಯತ್ನಿಸುತ್ತಿದ್ದಂತೆ ಬೆನ್ನಿಗೆ ಕಟ್ಟಿದ್ದ ಚಿಪ್ಪು ಒತ್ತತೊಡಗಿ ತಕ್ಷಣ ಮುಂಚಿನ ಸ್ಥಿತಿಗೆ ಬಂದು ಬಿಡಬೇಕಿತ್ತು. ಆ ಪ್ರಕಾರ ಚಿಪ್ಪೊಂದು ರೆಡಿಯಾಯ್ತು. ಅದನ್ನು ಗೋವಿಂದಪ್ಪನಿಗೂ ತಿಳಿಸಿ ಒಪ್ಪಿಗೆಯನ್ನೂ ಪಡೆಯಲಾಯ್ತು. ದಿನವೂ ಮಲಗುವ ಹೊತ್ತಲ್ಲಿ ಅವರ ಸೊಂಟಕ್ಕೆ ಕಟ್ಟಲಾಗುತ್ತಿತ್ತು. ಈ ಪ್ರಯೋಗ ಯಶಸ್ವಿಯೂ ಆಯ್ತು. ಇದರಿಂದ ಕೆಲ ದಿನ ನಡು ರಾತ್ರಿಯಲ್ಲಿ ಎಚ್ಚರಗೊಂಡು ನಿದ್ದೆಗೆಡುವುದೂ ತಪ್ಪಿತು. ಆದರದು ತುಂಬಾ ದಿನ ಮುಂದುವರೆಯಲಿಲ್ಲ. ಏಕೆಂದರೆ ಅವತ್ತೊಂದು ದಿನ ಎಂದಿನಂತೆ ಸೊಂಟಕ್ಕೆ ದಾರದ ಚಿಪ್ಪನ್ನು ಕಟ್ಟಿ ನಿದ್ದೆಗೆ ಜಾರಿದ್ದೆವು. ಒಂದು ಹೊತ್ತಿನಾಗೆ ಗೋವಿಂದಪ್ಪನ ಚೀರಾಟ ನಮ್ಮಿಬ್ಬರನ್ನೂ ಒಮ್ಮೆಲೇ ಎಬ್ಬಿಸಿ ಬಿಟ್ಟಿತ್ತು. ಆಗಿದ್ದಿಷ್ಟು. ಮಕಾಡೆ ಮಲಗಿದ್ದ ಗೋವಿಂದಪ್ಪ ನಿದ್ದೆಗಣ್ಣಿನಲ್ಲಿ ರೂಢಿಯಂತೆ ಇದ್ದಕ್ಕಿದ್ದಂತೆ ಅಂತರನಾಗಿ ಮಲಗಲು ಯತ್ನಿಸಿದ್ದಾರೆ. ಆಗ ಬೆನ್ನಿಗೆ ಕಟ್ಟಿದ್ದ ಚಿಪ್ಪು ಬೆನ್ನುರಿಯ ಆಯಕಟ್ಟಿನ ಮೇಲೆ ಕೂತು, ಇತ್ತ ಏಳಲೂ ಆಗದೆ ಅತ್ತ ಹೊರಳಲೂ ಆಗದಂತೆ ವಿಪರೀತ ನೋವಿಗಿಟ್ಟುಕೊಂಡು ಬಿಟ್ಟಿದೆ. ಅಯ್ಯಯ್ಯೋ ನಾನು ಸತ್ತೆ ಕಣ್ರಪ್ಪೋ ಅಂತ ಕಿರುಚಿಕೊಳ್ಳುತ್ತಿದ್ದವನತ್ತ ಚಕ್ಕನೆ ಎದ್ದು ಹೋದ ಚಿಕ್ಕಪ್ಪ, ಅವರನ್ನು ಅನಾಮತ್ತು ಎತ್ತಿಕೊಂಡು ಸೊಟದಲ್ಲಿದ್ದ ಚಿಪ್ಪನ್ನು ಬಿಚ್ಚಿ ಎಸೆದರೂ, ನರಳಾಟ ನಿಂತಿರಲಿಲ್ಲ. ಸುಧಾರಿಸಿಕೊಳ್ಳಲು ತುಂಬಾ ಹೊತ್ತೇ ಬೇಕಾಯ್ತು. ಚಿಕ್ಕಪ್ಪ ನಿಜಕ್ಕೂ ಹೆದರಿದ್ದರು. ಅದಾದ ಮರು ದಿನದಿಂದ ಗೋವಿಂದಪ್ಪನ ಬೆನ್ನಿಗೆ ಚಿಪ್ಪು ಕಟ್ಟುವುದನ್ನು ನಿಲ್ಲಿಸಲಾಯ್ತು.ಅದರಂತೆ ಅಂದಿನಿಂದ ಗೋವಿಂದಪ್ಪನ ಗೊರಕೆಗಳನ್ನು ಸಹ್ಯವಾಗಿಸಿಕೊಳ್ಳುವುದು ಅನಿವಾರ್ಯವೂ ಆಯ್ತು.

———–

sgangadharaiahಎಸ್ ಗಂಗಾಧರಯ್ಯ, ತುಮಕೂರು ಜಿಲ್ಲೆ ಚಿಕ್ಕನಾಯಕನಹಳ್ಳಿಯ ಮಾಕಳ್ಳಿಯವರು. ಕಥೆಗಾರರಾಗಿ ವಿಶಿಷ್ಟ ಸಂವೇದನೆಯನ್ನು ದಾಖಲಿಸಿದವರು. ಮೈಸೂರಿನ ಮಹಾರಾಜ ಕಾಲೇಜಿನಲ್ಲಿ ಪದವಿ, ಮಾನಸಗಂಗೋತ್ರಿಯಲ್ಲಿ ಇಂಗ್ಲಿಷ್ ಎಂಎ. ಪ್ರಸ್ತುತ ಮತಿಘಟ್ಟದ ಪದವಿಪೂರ್ವ ಕಾಲೇಜಿನಲ್ಲಿ ಇಂಗ್ಲಿಷ್ ಉಪನ್ಯಾಸಕರು. ತಿಪಟೂರಿನಲ್ಲಿ ವಾಸ. ನವಿಲ ನೆಲ, ವೈಕಂ ಕಥೆಗಳು, ಲೋರ್ಕಾ ನಾಟಕ-ಎರ್ಮಾ, ಚರಮ ಗೀತೆ-ಲೋರ್ಕಾ ಕಾವ್ಯ, ಹಲವು ರೆಕ್ಕೆಯ ಹಕ್ಕಿ, ಬೇಟೆಗಾರನ ಚಿತ್ರಗಳು, ದಾರಿಯೊ ಫೋ ನಾಟಕ-ಗುಲಾಬಿ ಗರ್ಭ ಅವರ ಪ್ರಮುಖ ಕೃತಿಗಳು. ವೈಕಂ ಕಥೆಗಳು ಕೃತಿಗೆ 1996ರ ಕರ್ನಾಟಕ ರಾಜ್ಯ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಬಂದಿದೆ. ಕುವೆಂಪು ಭಾಷಾ ಭಾರತಿ ಪ್ರಕಟಿಸುತ್ತಿರುವ ‘ಆಫ್ರಿಕನ್‌ ಸಾಹಿತ್ಯ ವಾಚಿಕೆ’ ಸಂಪಾದಕ ಮಂಡಳಿಯ ಸದಸ್ಯರು.ಇವರ ‘ವೈಕಂ ಕಥೆಗಳು’ ಮತ್ತು ‘ಎರ್ಮಾ’ ಬೆಂಗಳೂರು ವಿವಿ ಕನ್ನಡ ಎಂಎ ವಿದ್ಯಾರ್ಥಿಗಳಿಗೆ ಪಠ್ಯಗಳಾಗಿದ್ದವು. ಸದ್ಯ ‘ಸೀಬೆ ಸೊಗಡು’ ಕೃತಿ ಕರ್ನಾಟಕ ಕೇಂದ್ರೀಯ ವಿವಿ ಕನ್ನಡ ವಿಭಾಗ ಗುಲ್ಬರ್ಗಾ ಇಲ್ಲಿ ಪಠ್ಯವಾಗಿದೆ. ಕೃಷಿ ಮತ್ತು ತಿರುಗಾಟ ಬಲು ಪ್ರಿಯ.

Share

Leave a comment

Your email address will not be published. Required fields are marked *

Recent Posts More

  • 1 week ago No comment

    ಕವಿಸಾಲು | ಇಂಡೋನೇಶಿಯಾ

        ಕವಿಸಾಲು         ಕಿಚ್ಚೆದ್ದು ಕುಣಿವ ನೀರು ಬಿರುಗಾಳಿ ತುಂಬಿದ ಒಡಲು ಎತ್ತೊಯ್ದು ಬಿಸಾಡಿ ಇಳೆಗೆ ಎದೆಯಿಳಿಸಿದೆ ಕಡಲು ನಡುಗಿಬಿಟ್ಟಳೆ ವಸುಂಧರೆ ಶತಕೋಟಿ ಬಿರುಕು ಬಿಟ್ಟು ಸುನಾಮಿಯ ಕೋಪಕ್ಕೆ ವಿಕಾರವಾಗಿ ಬೊಬ್ಬಿರಿದು ಊಳಿಟ್ಟು ಜೀವ ಜಲ, ಉಸಿರ ಗಾಳಿ ಹುಚ್ಚೆದ್ದು ಕುಣಿದು ಅಪ್ಪಳಿಸಿದ ಆಘಾತಕ್ಕೆ ಕಂಗೆಟ್ಟು ತತ್ತರಿಸಿವೆ ಪ್ರಾಣಿ, ಮನುಜ ಕುಲ ಮಾಡು ಹಾರಿ, ಕಂಬಗಳು ಕುಸಿದು ನೆಲಕಚ್ಚಿವೆ ಮಾನವನ ಬೀಡು ಕತ್ತರಿಸಿ ...

  • 1 week ago No comment

    ಕವಿಸಾಲು | ತಡವಿಲ್ಲದಿರಲಿ ಇನ್ನು…

        ಕವಿಸಾಲು         ದಾಳಿಗಳಿಗೆ ಮುಕ್ಕಾದ ಮಂದಿರವಿದು ಕುಸಿದು ಕುಳಿತ ದ್ವಾರಪಾಲಕರು ಎತ್ತರದ ಗೋಡೆಗಳ, ಎಚ್ಚರಿಕೆಯ ಗಂಟೆಗಳು ಕೂಡ ಮೌನವಿಂದು ಮನ ನಿರ್ಮಿಸಿದ ಹೆಬ್ಬಾಗಿಲುಗಳು ಒಲವ ಸಿರಿಗೆ ಚೇತರಿಸಿ ತೆರೆದ ಗಳಿಗೆ ಎತ್ತರದ ಹೊಸ್ತಿಲುಗಳ ತಡೆಯ ದಾಟಿ ತಲುಪಬೇಕಿದೆಯಷ್ಟೆ ಬಯಕೆ ಗುರಿಯನ್ನು ದಟ್ಟ ಹಸಿರಿನ ಕಾಡು, ಆಗಸದ ನೀಲಿ ಬಿಳಿಯ ಮೋಡಗಳ, ಬಿಸಿಲ ಬೆಳಕಿನ ನಡುವೆ ಬಯಲ ಸ್ವೇಚ್ಛೆಯ, ತಿಳಿಗಾಳಿ ತವಕದಲಿ ಬಂಧನಗಳ ...

  • 3 weeks ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 month ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 month ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...


Editor's Wall

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    2 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    2 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    2 months ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    2 months ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...