Share

‘ಬ್ರಾಮಣ್ರ ಹೆಣ್ಣು ಪ್ರೀತ್ಸೋಕಲ್ಲ’
ಚೇತನಾ ತೀರ್ಥಹಳ್ಳಿ ಕಾಲಂ

IMG-20160516-WA0001

ಸ್ವಗತ | swagata

 

 

 

chatena 01

ಛೆ! ಆ ಡುಮ್ಮ ನಾಯಿ ಗಂಡಾ, ಹೆಣ್ಣಾ, ಒಮ್ಮೆ ನೋಡಿಬಿಡಬೇಕಿತ್ತು…

ಚೈತ್ರದ ಬಿಸಿಲಿಗೆ ಹಪ್ಪಳದಿಟ್ಟಿನ ಘಮ. ನಾನು ದಿನಾಲೂ ಈ ದಾರಿಯುದ್ದ ನಡೆದುಹೋಗುತ್ತೇನೆ. ಹೀಗೆ ಸೋಮಾರಿ ಕಾಲುಗಳನ್ನ ಉಡಾಫೆಯಲ್ಲಿ ಎಸೆಯುತ್ತ ನಡೆಯುವುದೊಂದು ಆರಾಮ. ನಡಿಗೆಯುದ್ದಕ್ಕೂ ಏಕಾಂತ ಸುಖ. ದಿನಾ ಈ ಹೊತ್ತಿಗೆ ನೀಟಾಗಿ ಸೀರೆಯುಟ್ಟ ಆ ಹೆಂಗಸು ಇಲ್ಲಿ ಬಂದು ಕೂತಿರುತ್ತಾಳೆ, ಈ ಕಟ್ಟೆಯ ಮೇಲೆ. ಅವಳ ಬದಿಯಲ್ಲೊಂದು ಬುಟ್ಟಿ. ಅದರ ತುಂಬ ಏನೋ ತುಂಬಿಕೊಡಿರುತ್ತದೆ. ಅವಳದರಿಂದ ಎಳೆ ಸೌತೆಕಾಯಿಯನ್ನು ತೆಗೆದು ತಿನ್ನುತ್ತಿದ್ದಳು ಒಮ್ಮೆ. ಇವತ್ತು ಆ ಬುಟ್ಟಿಯೊಳಗಿಂದ ಒಂದು ಕಂದು ಕವರಿನ ಆಲ್ಬಮ್ ಹಣಕುತ್ತಿದೆ. ಅದರ ನಾಲ್ಕೂ ತುದಿಗಳಲ್ಲಿ ಬಿಳಿ ಬಳ್ಳಿಯ ಚಿತ್ತಾರ. ಅದನ್ನ ಯಾರೋ ಹೊಸ ನೀಲಿ ಇಂಕಿನಿಂದ ತಿದ್ದಿದ್ದಾರೆ. ಬಹುಶಃ ಅದರಿಂದಾಗೇ ಈ ಹೆಂಗಸು ಇವತ್ತು ಆಲ್ಬಮ್ ಹೊತ್ತುಕೊಂಡು ಬಂದಿರಬೇಕು. ನಾನು ಅವಳನ್ನ ಹಾದು ಹೋಗುವಾಗೆಲ್ಲ ಅವಳು ಕಣ್ಣು ಕೂಡಿಸುತ್ತಾಳೆ. ಅದರಲ್ಲಿ ಇನ್ನೂ ನೂರು ಬಯಕೆಗಳಿವೆಯೆಂದು ನನಗೆ ಗೊತ್ತಾಗುತ್ತದೆ. ದುಂಡು ಕುಂಕುಮ, ಒಂದು ಮಲ್ಲಿಗೆಯಾದರೂ ಸಿಕ್ಕಿಸಿಕೊಂಡ ಜಡೆ. ವಯಸ್ಸು ಅರವತ್ತಿರಬಹುದೇನೋ. ಅಮ್ಮನ ಹಾಗೇ ಕಾಣುತ್ತಾಳೆ. ಕಟ್ಟೆಯಿಂದ ಚೂರು ಮುಂದೆ ಮರದ ನೆರಳಲ್ಲಿ ಎಳನೀರು ಕೊಚ್ಚುವ ಪುಟ್ಟ ಹೆಂಗಸು. ಮಚ್ಚು ಎತ್ತೆತ್ತಿ ಸೀಯಾಳದ ತಲೆ ಕೆತ್ತುವಾಗೆಲ್ಲ ಅವಳು ನಿಸೂರಾಗುತ್ತಿದ್ದಾಳೆ ಅಂತಲೇ ಅನ್ನಿಸಿದೆ.

ಕೈಗಳಿಗೆ ಕೊಡುವ ನಿತ್ಯ ವ್ಯಾಯಾಮದಿಂದಲೋ ಏನೋ ಅವಳ ತೋಳುಗಳು ಕಸುವಿಂದ ಕೂಡಿದ್ದು ಒಳ್ಳೇ ಗಟ್ಟಿಯಾಗಿವೆ. ಅವಳ ದೇಹವೂ ಅಷ್ಟೇ ಮಾಟ. ಬಿಸಿಲಿನ ಬೆಳಕು, ಅಸ್ತವ್ಯಸ್ತ ಕೂದಲು, ಅವಳ ಮೂಗಿನ ತುದಿ ಮತ್ತು ಕೆನ್ನೆಯಂಚಿನ ಬೆವರು, ಅವಳ ಒದ್ದೆ ಕಂಕುಳು – ಎಲ್ಲವೂ ಸೇರಿ ಅವಳಿಗೊಂದು ಮಾದಕತೆ ತಂದುಕೊಟ್ಟಿದೆ. ನನ್ನ ಪರ್ಫ್ಯೂಮ್, ನೀಟಾಗಿ ಕಟ್ಟಿದ ಜುಟ್ಟು ಮತ್ತು ಬೆಳ್ಳನೆ ಮುಖ ಒಂದು ಕ್ಷಣ ನನಗೆ ರುಚಿಹೀನ ಅನ್ನಿಸಿದವು. ‘ಬ್ರಾಮಣರ ಹೆಣ್ಣುಗಳು ಸಂಸಾರ ಮಾಡಲಿಕ್ಕೆ ಪರ್ಫೆಕ್ಟು ಹೊರತು ಪ್ರೀತಿಸೋಕಲ್ಲ!’ ಅವನ ಮಾತು ನೆನಪಾಗಿ ಯಾಕೋ ಮೊದಲ ಸಲ ದುಃಖವಾಗಲಿಲ್ಲ. ದಿನಾ ಈ ದಾರಿಯಲ್ಲಿ ನಡೆಯುವಾಗ ಅದೊಂದು ಬಟ್ಟೆಯಂಗಡಿಯವ ಕಾದು ಕೂತವನಂತೆ ತಲೆಯೆತ್ತುತ್ತಾನೆ. ಅವನನ್ನ ನೋಡುವಾಗೆಲ್ಲ ಅರವತ್ತರ ಹೆಂಗಸಿನ ಮಗ ಇವನೇ ಇರಬೇಕು ಅನ್ನಿಸಿ ಸಿಟ್ಟೇ ಬರುತ್ತದೆ. ಅವನೆಷ್ಟು ನಿರುಪದ್ರವಿಯಾಗಿ ಕೂತಿರುತ್ತಾನೆಂದರೆ, ಇಂಥಾ ನಾಲಾಯಕ್ಕುಗಳೇ ಅಮ್ಮಂದಿರನ್ನ ಹಾಗೆ ದಾರಿ ಅಲೆಸೋದು ಅಂತ ರೇಗಿಬೀಳುವಷ್ಟು…

ಸದಾ ಗಿಜಿಗುಟ್ಟುವ ಅಂಗಡಿಯಲ್ಲಿ ಅವನು ಎಲ್ಲ ಕಡಿದುಕೊಂಡವನ ಹಾಗೆ ಕೂತಿರುವುದನ್ನು ನೋಡುತ್ತೇನೆ. ಕನಿಷ್ಠ ಚೆಂದದ ಹುಡುಗಿಯರನ್ನೂ ನೋಡದ ಅವನ ಬಗ್ಗೆ ಅಸಹನೆ ಹುಟ್ಟುತ್ತದೆ. ನಾನು ಹಾದು ಹೋಗುವಾಗ ತಲೆಯೆತ್ತುವಂತೆಯೇ ಆತ ಪ್ರತಿಯೊಬ್ಬರ ನೆರಳು ಮುಂಗಟ್ಟಿಗೆ ಬಿದ್ದಾಗಲೂ ಎತ್ತುತ್ತಾನೆಂದು ತಿಳಿದಾಗಿಂದ ಅಸಹನೆ ಮತ್ತಷ್ಟು ಹೆಚ್ಚಿದೆ! ಅದೊಂದು ಡುಮ್ಮ ನಾಯಿ ದಿನಾ ಪ್ಲೇಹೋಮಿನೆದುರು ಬಾಲ ಆಡಿಸುತ್ತ ನಿಂತಿರುತ್ತದೆ. ಈ ದಿನ ಯಾರೋ ಅದರ ಬಾಲಕ್ಕೊಂದು ರಿಬ್ಬನ್ ಕಟ್ಟಿ ಚೆಂದ ಮಾಡಿದ್ದಾರೆ. ಅದು ಹೆಣ್ಣು ನಾಯಿ ಇರಬಹುದಾ? ಆ ಕ್ಷಣಕ್ಕೆ ಖಾತ್ರಿ ಮಾಡಿಕೊಂಡುಬಿಡಬೇಕು ಅನ್ನಿಸುತ್ತದೆ. ತಿರುಗಿ ಅದರ ಹೊಟ್ಟೆ ಹಣಕಲು ಮುಜುಗರವಾಯಿತು. ಚಿಕ್ಕವಳಿರುವಾಗ ಸಹಪಾಠಿ ‘ಅದು ಹೆಣ್ಣು ನಾಯಿ’ ಅಂದಿದ್ದ. ಅವನೊಬ್ಬ ಮೇಧಾವಿ, ಅವನಿಗೆಲ್ಲಾ ಗೊತ್ತು ಅನ್ನುವ ಮೆಚ್ಚುಗೆಯಿಂದ ಅವನ ಪಕ್ಕವೇ ಕೂರುತ್ತಿದ್ದೆ. ಅವನೊಂದು ದಿನ ನಾಯಿಗಳ, ಆಕಳಿನ ಗಂಡು – ಹೆಣ್ಣು ಪತ್ತೆ ಮಾಡೋದು ಹೇಗೆ ಅಂತ ಹೇಳಿಕೊಟ್ಟಿದ್ದ. ಮೊದಲ ಸಲ ಹುಡುಗಿ ಚಿತ್ರ ಬರೆಯೋದನ್ನ ಹೇಳಿಕೊಟ್ಟವನೂ ಅವನೇ. ಈಗಲೂ ಚಿತ್ರ ಬರೆದು ಎರಡು ಚುಕ್ಕಿ ಇಡುವಾಗ ಆ ಮೇಧಾವಿಯ ನೆನಪು. ನನ್ನ ಪೆದ್ದುತನ ಕಾಡತೊಡಗುತ್ತದೆ.

ಸೇರಬೇಕಿರುವ ತಾಣ ಹತ್ತಿರವಾಗುತ್ತಿದೆ. ಹತ್ತು ಹೆಜ್ಜೆ ಹಿಂದೆ ಒಂದು ತಿರುವು. ಆ ದಾರಿ ಬಳಸಿದರೆ ಕೊಂಕಣ ಸುತ್ತಿ ಬಂದಂತೆ ಆ ಜಾಗ ತಲುಪಬಹುದು. ಹೀಗೆ ಹೆಜ್ಜೆಯೊತ್ತದೆ ನಡೆಯುತ್ತ ಅಷ್ಟೂ ಹೊತ್ತು ನನ್ನ ಜತೆ ನಾನಿರಬಹುದು… ಕಾಲು ಮೊಂಡು ಕುದುರೆ. ನನ್ನ ಐದಡಿಗೆ ಒಂದಿಂಚು ಕಡಿಮೆ ದೇಹವನ್ನ ಸೀದಾ ಎಳೆದೊಯ್ಯುತ್ತಿದೆ. ಅಲ್ಲಿ, ಮೆಟ್ಟಿಲ ಕೆಳಗೆ ಅವಳು ನಿಂತಿದ್ದಾಳೆ. ಫೋನಲ್ಲಿ ಜಗಳ. ಹೆಚ್ಚೂಕಡಿಮೆ ಪ್ರತಿ ದಿನವೂ ಅವಳನ್ನ ಕಿವಿ ಕಚ್ಚಿಕೊಂಡಾಗಲೇ ನಾನು ನೋಡುತ್ತೇನೆ. ಆದರೆ ಇವತ್ತು ಅಳುತ್ತಿದ್ದಾಳೆ. ‘ನನ್ನಲ್ಲೇನು ಕೊರತೆ ಇತ್ತೋ ಹಾಳಾದವನೇ!’ ಅನ್ನುವವಳ ದನಿ ಗಂಟಲು ಸೀಳಿ ಹೊರಟಂತಿದೆ. ಹೆಜ್ಜೆ ನಿಲ್ಲುತ್ತಿದೆ…. ಭೂಮಿ ನಿಂತಂತೆ ಅನ್ನಿಸಿತು. ನಿಯಮ ಮರೆತು ಮಾತಾಡುತ್ತೇನೆ, ‘ಹುಡುಗೀ, ಕೊರತೆ ಇಲ್ಲದ ಯಾವುದೂ ಗಂಡಸಿಗೆ ಇಷ್ಟವಾಗೋಲ್ಲ… ಇಷ್ಟಕ್ಕೂ…’ ಅಂತೇನೋ ಹೇಳುವಾಗ ಶಾಪ ನೆನಪಾಗುತ್ತದೆ; ನಡುವೆ ಮಾತಿಗೆ ಅನುಮತಿ ಇಲ್ಲ…. ಆಡಿದರೆ ಇನ್ನೆಂದಿಗೂ ನಡೆಯದಂತೆ ಚಲನೆಯನ್ನೆ ಬಂಧಿಸಲಾಗುವುದು. ನೀಟು ಸೀರೆಯ ಹೆಂಗಸು, ಸೀಯಾಳದವಳು, ಬಟ್ಟೆಯಂಗಡಿಯವ…. ಛೆ! ಆ ಡುಮ್ಮ ನಾಯಿ ಗಂಡಾ, ಹೆಣ್ಣಾ, ಒಮ್ಮೆ ನೋಡಿಬಿಡಬೇಕಿತ್ತು.

————-

che1ಚೇತನಾ ತೀರ್ಥಹಳ್ಳಿ. ಅಲಾವಿಕಾ ಮತ್ತೊಂದು ಕಾವ್ಯನಾಮ. ಫ್ರೀಲಾನ್ಸ್ ಪತ್ರಕರ್ತೆ ಮತ್ತು ಬರಹಗಾರ್ತಿ. ಪ್ರಕಟಿತ ಪುಸ್ತಕಗಳು: ‘ಉಫೀಟ್’, ‘ಗುಟ್ಟು ಬಚ್ಚಿಡಲು ಬರುವುದಿಲ್ಲ’, ‘ಶಬರಿಯ ಅವಸರ’ ಕವನ ಸಂಕಲನಗಳು; ‘ಸೂರ್ಯನೆದೆಯ ನೀರ ಬೀಜ’ ಅಚ್ಚಿನಲ್ಲಿದೆ. ‘ಭಾಮಿನಿ ಷಟ್ಪದಿ’ ಮತ್ತು ‘ಬಿಸಿಲ ಚೂರಿನ ಬೆನ್ನು’ ಅಂಕಣ ಬರಹಗಳ ಸಂಗ್ರಹ; ‘ಲಾ ಕಾಲಮ್’ ಅಚ್ಚಿನಲ್ಲಿದೆ. ‘ಬ್ಲಾಗಿಸು ಕನ್ನಡ ಡಿಂಡಿಮವ’ ಸಂಪಾದಿತ ಕೃತಿ. ಕಾಸ್ಮಿಕ್ ಜೋಕ್, ಕ್ಲೌಡ್ ನೈನ್ ಮತ್ತು ಐ ಆಮ್ ಅನದರ್ ಯು ಇಂಗ್ಲಿಷಿನಿಂದ ಅನುವಾದಿಸಿದ ಕೃತಿಗಳು. ‘ನೀಲಿ ಬಾನಿನಲ್ಲಿ ಕೆಂಪು ಸೂರ್ಯ: ಜೆ ಎನ್ ಯು ಭಾಷಣಗಳ ಸಂಗ್ರಹಾನುವಾದ’ ಅವರ ಹೊಸ ಕೃತಿ.

Share

Leave a comment

Your email address will not be published. Required fields are marked *

Recent Posts More

  • 1 day ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 4 days ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 7 days ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...

  • 1 week ago One Comment

    ಸಂವೇದನೆ..!? ಹಾಗಂದ್ರೆ ಏನ್ರೀ..!? ಅದ್ಯಾವ ಆ್ಯಂಡ್ರಾಯ್ಡ್ ಆ್ಯಪ್..!?

      ಚಿಟ್ಟೆಬಣ್ಣ       ಹಾಗೊಂದು, ಸುಮಾರು ೬-೭ ವರ್ಷಗಳ ಹಿಂದಿನ ಘಟನೆ. ಅಂದು ಅಪ್ಪ ಕಿವಿಗೆ ಫೋನನ್ನು ಹಚ್ಚಿಕೊಂಡು ಕುಳಿತುಬಿಟ್ಟಿದ್ದರು. ಒಬ್ಬರ ನಂತರ ಒಬ್ಬರಿಗೆ ಕರೆ ಮಾಡಿ ಜೋರು ದನಿಯಲ್ಲಿ ಒಂದೇ ಸಂಗತಿಯನ್ನು ಹೇಳುತ್ತಿದ್ದರು, “ಹಲೋ, ಕೇಳ್ತಾ ಇದ್ಯಾ..!? ಒಂದು ಒಳ್ಳೆ ಸುದ್ದಿ ಇದೆ ಮಾರಾಯ್ರೇ. ರಾಯರ ಮನೆಯವರು ನಮ್ಮ ರಾಮಮಂದಿರಕ್ಕೆ ದೊಡ್ಡ ಮೊತ್ತದ ದೇಣಿಗೆಯನ್ನು ನೀಡಿದ್ದಾರೆ. ನಿನ್ನೆ ತಡರಾತ್ರಿ ಫೋನ್ ಮಾಡಿ ತಿಳಿಸಿದರು. ತುಂಬಾ ...

  • 1 week ago No comment

    ಪ್ರತಿ ಹೆಜ್ಜೆಯೂರುವಲ್ಲೂ ಇರುವ ಆಸರೆ ‘ಅಮ್ಮ’

    ಯಾವಾಗ ಹೂ ಕೊಂಡರೂ ಮೊಳ ಹೆಚ್ಚು ಹಾಕಿ ಕೊಡುವ ಹೂವಮ್ಮ, ಯಾವತ್ತೋ ಒಮ್ಮೆ ಪಾರ್ಕ್ ನಲ್ಲಿ ಸಿಗುವುದಾದರೂ ಯೋಗಕ್ಷೇಮ ವಿಚಾರಿಸಿ ‘ಸಂದಾಕಿರು ಮಗಾ’ ಅನ್ನುವ ಅಜ್ಜಿ, ಸುಸ್ತಿನ ಸಣ್ಣ ಛಾಯೆ ಕಂಡರೂ ಮಡಿಲಿಗೆಳೆದುಕೊಂಡು ತಂಪೆರೆವ ಗೆಳೆಯ, ಏನೂ ಹೇಳದೇ ಇದ್ದಾಗಲೂ ಅರ್ಥ ಮಾಡಿಕೊಂಡು ನೋವಿಗೆ ಮುಲಾಮು ಹಚ್ಚುವ ಗೆಳತಿ, ಸುಡುತ್ತಿರುವ ನೋವು, ಅಳು ಮರೆಸಲು ನಕ್ಕರೆ ತಲೆ ಮ್ಯಾಲೆ ಮೊಟಕಿ ‘ಅತ್ತು ಪ್ರಯೋಜನವಿಲ್ಲ, ನಗುವ ವಿಷಯವಲ್ಲ’ ಸಣ್ಣಗೆ ಗದರಿ ...


Editor's Wall

  • 11 May 2018
    1 week ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    3 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    3 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...