Share

ಆಟೋದಲ್ಲಿ ಪಯಣ…
ಎಂ ಆರ್ ಭಗವತಿ ಕಾಲಂ

IMG-20160516-WA0001

ಕಲರವ| kalarava

 

 

 

bhagvati(1)

ನಾನು ಆಟೋದಲ್ಲಿ ಕುಳಿತಾಗೆಲ್ಲ ಅವರಿಗೇನನ್ನಿಸುವುದೋ ಕಾಣೆ ಹೆಚ್ಚಿನಂಶ ಮಾತಿಗೆಳೆಯುವವರು ಸಿಗುತ್ತಾರೆ. ನನಗೆ ಮಾತನಾಡುವ ಮೂಡ್ ಇಲ್ಲದಿದ್ದರೆ ಕಾಟಾಚಾರಕ್ಕೆ ಹಾ ಹೂಂ ಎಂದು ಸುಮ್ಮನಾಗಿಬಿಡುತ್ತೇನೆ.  ಒಮ್ಮೆ ಅವಸರದಲ್ಲಿ ಆಟೋ ಹತ್ತಿದಾಗ ಡ್ರೈವರ್ ನ ಮುಖವನ್ನು ಸರಿಯಾಗಿ ನೋಡದೆ  ಅವಸರದಲ್ಲಿ ಹಾಗೆ ಹತ್ತಿದೆ. ಆತ ಯಾಕೋ ಕಣ್ಣು ಒರೆಸಿಕೊಂಡ ಹಾಗೆ ಆಯಿತು. ನಾನು ಅಷ್ಟಾಗಿ ಗಮನಿಸಲಿಲ್ಲ. ಯಾಕೊ ಬೇಜಾರಾಗಿ ಅಳು ಬಂದಿತು ಮೇಡಮ್ ಅಂದ. ನನಗೆ ಆಶ್ಚರ್ಯ ಇದನ್ನು ಯಾಕೆ ಹೇಳುತ್ತಿದ್ದಾನೆ ಎಂದು ಮನಸ್ಸಿನಲ್ಲಿಯೇ ಅಂದುಕೊಂಡು ’ನಾನು ಯಾಕೆ ಏನಾಯಿತು” ಅಂದೆ. “ಏನು ಇಲ್ಲ ಮೇಡಮ್; ಹೀಗೆ ಇರುತ್ತಲ್ಲ..” ಅನ್ನುತ್ತಾ ಆಟೋ ಓಡಿಸಿದ. ಸಿಗ್ನಲ್ ದಾಟಿ ಮುಂದೆ ಹೋದ ಮೇಲೆ ಅವನ  ಕಷ್ಟಗಳನ್ನ ಹೇಳುತ್ತಾ ಹೋದ. ನಾನು ಇಳಿದು ದುಡ್ಡು ಕೊಡುವಾಗ ಕಣ್ಣಲ್ಲಿ ಧಾರಾಕಾರ ನೀರು ಸುರಿಯುತ್ತಿತ್ತು. ಬಿಕ್ಕಳಿಕೆ ಮೇನ್ ರೋಡಿನ ಮಧ್ಯೆ. ಬಸ್ ಸ್ಟಾಪಿನ ಮುಂದೆ.. ನಾನು ಸಂಕೋಚದಿಂದ ಮುದುಡಿದೆ. ತನ್ನ ಅಣ್ಣ ತಮ್ಮಂದಿರು ತನಗಿರುವ ಒಂದಷ್ಟು ಆಸ್ತಿಯನ್ನು ಕಬಳಿಸಲು ರೌಡಿಗಳನ್ನು ಮನೆಗೆ ಕಳಿಸಿ  ತುಂಬಾ ತೊಂದರೆ ಕೊಡುತ್ತಿದ್ದಾರೆ. ದಿನನಿತ್ಯ ಇದೇ ರಗಳೆ. ನನಗೆ ಶುಗರ್ ಬೇರೆ ಇದೆ. ಆರೋಗ್ಯ ಸರಿ ಇಲ್ಲ. ಇವತ್ತು ಇಷ್ಟೊತ್ತಿಗೆ ಮನೆಗೆ ಊಟಕ್ಕೆ ಹೋಗಿ ಬಿಡಬೇಕಿತ್ತು ಹೆಂಡತಿ ಗಾಬರಿಯಾಗುತ್ತಾಳೆ. ದಯವಿಟ್ಟು ನೀವೆ ಅವರಿಗೆ ಪೋನ್ ಮಾಡಿಬಿಡಿ ಮೇಡಂ, ಬರುತ್ತಿದ್ದಾರೆ, ದಾರಿಯಲ್ಲಿದ್ದಾರೆ ಅಂತ ಹೇಳಿ ಎಂದು  ನಂಬರ್ ಬರೆದುಕೊಟ್ಟ. ನಾನು ಮರು ಮಾತನಾಡದೆ ನಂಬರ್ ತೆಗೆದುಕೊಂಡೆ! ಇದೊಂದೇ ಅಲ್ಲ ಮೊದಲಿನಿಂದಲೂ ಆತನಿಗೆ, ಆತನ ಮನೆಯವರಿಗೆ ಒಂದಲ್ಲ ಒಂದು ಕಷ್ಟಗಳ ಸರಮಾಲೆ. ಆತನ ಹೆಂಡತಿ ಹೇಳಿದ್ದು ಇದು. “ಅವರು ಹಾಗೆ ತುಂಬಾ ಮನಸ್ಸಿಗೆ ಹಚ್ಚಿಕೊಳ್ತಾರೆ. ಷುಗರ್ ಬೇರೆ ಇದೆ. ದಿನಾ ಇದೇ ಚಿಂತೆ ನಮಗೆ. ಸಾಲದಕ್ಕೆ ಆಸ್ತಿಯ ವಿಷಯಕ್ಕಾಗಿ ತೊಂದರೆ ಇತ್ಯಾದಿ ಕಷ್ಟಗಳನ್ನು ಹೇಳಿಕೊಂಡಳು. ನಾನು ಒಂದಷ್ಟು ಸಮಾಧಾನ ಹೇಳಿ ಫೋನಿಟ್ಟೆ. ನನಗೆ ಆಕೆಯ ಉತ್ತರದ ಬಗ್ಗೆ ಕುತೂಹಲವಿತ್ತು. ಯಾರೋ ಅಪರಿಚಿತರು ಗಂಡನ ಮೊಬೈಲಿನಲ್ಲಿ ಮಾತನಾಡಿದರೆ ಅವರಿಗೆ ಹೇಗನ್ನಿಸಬಹುದು ಎನ್ನುವುದರ ಬಗ್ಗೆ. ಆದರೆ ಆಕೆ ಸಾವಧಾನವಾಗಿಯೇ ಮಾತು ಮುಗಿಸಿದ್ದಳು.

ಇನ್ನೊಬ್ಬ ಕಮರ್ಷಿಯಲ್ ರಸ್ತೆಯಿಂದ ಬಸವೇಶ್ವರ ನಗರಕ್ಕೆ ಬರಲು ಹತ್ತು ರೂ ಎಕ್ಸ್ಟ್ರಾ ಕೇಳಿದ. ಕೇಳಿದ ಕಡೆಗೆ ಬರುವುದೇ ಇಲ್ಲ ಅನ್ನುವವರು ಕಮರ್ಷಿಯಲ್ ರಸ್ತೆಯ ಆಟೋದವರು. ಹಾಗಾಗಿ ನಾನು ಓಕೆ ಅಂದೆ. ಅವನು ನೋಡಿ ಮೇಡಂ ವಾಪಾಸ್ಸು ಬರುವಾಗ ಯಾರೂ ಪ್ರಯಾಣಿಕರು ಸಿಗೋದಿಲ್ಲ ಅಂತ ನಾವು ಹತ್ತೋ ಇಪ್ಪತ್ತೋ ಎಕ್ಸ್ಟ್ರಾ ಕೇಳ್ತಿವಿ. ಅದಕ್ಕೂ ಲೆಕ್ಕ ಹಾಕ್ತಾರೆ. ಮೊನ್ನೆ ರಾಜ ರಾಜೇಶ್ವರಿ ನಗರದಲ್ಲಿ ಗಂಡ ಹೆಂಡತಿ ಕಮರ್ಷಿಯಲ್ ರಸ್ತೆಗೆ ಆಟೋ ಕೇಳಿದರಂತೆ ಎಲ್ಲರು ಮುನ್ನೂರು,  ಇನ್ನೂರ ಐವತ್ತು ಕೇಳುವವರೆ.  ಸುಮಾರು ೨೦, ೩೦ ಆಟೊ ಹುಡುಕಿರಬಹುದು. ಕೊನೆಗೆ ನನ್ನ ಕೇಳಿದರು ಇಪ್ಪತ್ತು ರೂ ಜಾಸ್ತಿ ಕೇಳಿದೆ, ಮರು ಮಾತಾಡದೆ ಆಟೋ ಹತ್ತಿದರು ಅಂದ. ನಾನು ಹತ್ತುವುದಕ್ಕಿಂತ ಮುಂಚೆ ಇಳಿದ ಪ್ರಯಾಣಿಕರೊಬ್ಬರಿಗೆ ಇಸಿದು ಕೊಟ್ಟಿದ್ದ  ಐವತ್ತು ರೂ ಅನ್ನು ವಾಪಾಸ್ ಕೊಡಲು ಬಂದ, ನಾನು ಯಾಕೆ ನಿಮ್ಮಗೇ ಕೊಡಬೇಕಲ್ಲ ಎಂದಾಗ, ಇಟ್ಕೊಳ್ಳಿ ಮೇಡಮ್ ಅಕಸ್ಮಾತ್  ನಾನು ಮರೆತರೆ ಏನು ಮಾಡುತ್ತೀರ? ಮೋಸ ಮಾಡಿ ಬಿಟ್ಟ ಅವನು ಅಂತ ನನ್ನ ಬೈಕೋತೀರ ಅನ್ನುತ್ತಾ ರೊಯ್ ಅಂತ  ಹೊರಟ! ನಾನು ಸುಮ್ಮನೆ ಕೂತೆ.

ಇನ್ನೊಬ್ಬ ಅವನ ತಂಗಿಗೆ ಮದುವೆ ಮಾಡಲು ಹೊರಟಿದ್ದ. ವರನ ಕಡೆಯವರು ಒಂದು ಲಕ್ಷ ಮೌಲ್ಯದ ಆಭರಣವನ್ನು ವಧುವಿಗೆ ಹಾಕಲು ಕೇಳಿದ್ದರಂತೆ. ನಾನು ಅಷ್ಟೊಂದು ಹಣವನ್ನು ಎಲ್ಲಿ ಹೊಂದಿಸಲಿ ಮೇಡಂ. ಸಾಲದಕ್ಕೆ ಚಿನ್ನದ ಬೆಲೆ ಬೇರೆ ಎಷ್ಟೊಂದು ಹೆಚ್ಚಾಗಿದೆ. ತಂಗಿಯ ಮದುವೆ ಯಾವುದೇ ತೊಂದರೆಯಿಲ್ಲದೆ ಆಗಬೇಕು, ಹಣವನ್ನು ಹೊಂದಿಸುವ ಚಿಂತೆ ಇವೆರಡರ ಮಧ್ಯೆ ಆಟೋದವನ ದೈನ್ಯತೆಗೆ ಹೂಂ ಗುಟ್ಟಿ ಸುಮ್ಮನೆ ಕುಳಿತೆ.

ನಾನು ಪ್ರಯಾಣದಲ್ಲಿ ಏನಾದರು ನೆನಪಾದರೆ ಆಗಾಗ ಗೀಚಿಕೊಳ್ಳುತ್ತಿರುತ್ತೇನೆ. ಹೀಗೆ ಒಮ್ಮೆ ನನ್ನ ಪಾಡಿಗೆ ಬರೆದುಕೊಳ್ಳುತ್ತಿರಬೇಕಾದರೆ ಆತ ತಿರುಗಿ ತಿರುಗಿ ನೋಡಲು ಷುರು ಮಾಡಿದ. ಸ್ವಲ್ಪ ಅಲರ್ಟ್ ಆದ ಅನ್ನಿ ! ಅಷ್ಟರವರೆಗೂ ಯರ್ರಾಬಿರ್ರಿ ಓಡಿಸುತ್ತಿದ್ದವನು ಸ್ವಲ್ಪ ಹುಷಾರಾದ. ಬಹುಶಃ ಆಟೋ ನಂಬರ್ ಬರೆದುಕೊಂಡು ಕಂಫ್ಲೇಂಟ್ ಕೊಟ್ಟುಗಿಟ್ಟರೆ ಅಂತ ಅನುಮಾನಪಟ್ಟಿರಬೇಕು. ಹಲವರು ಹಲವಾರು ಬಾರಿ  ಇದೇ ರೀತಿ ಕುತೂಹಲ ವ್ಯಕ್ತಪಡಿಸುವುದು ಇದ್ದೇ ಇರುತ್ತದೆ.

ಕಮರ್ಷಿಯಲ್ ರಸ್ತೆಯ ಆಟೋದವರದು ಹೊಸ ವರಸೆಯೊಂದು ಶುರುವಾಗಿದೆ. ಅಲ್ಲೇ ಹತ್ತಿರದ ಸ್ಥಳ ಕ್ಕೆ ಕರೆದರೆ ಬರುವುದಂತೂ ಸಾಧ್ಯವೆ ಇಲ್ಲ. ಇದು ಮಾಮೂಲಿ. ಬರಲು ಒಪ್ಪುವವರು. ಬನ್ನಿ, ಆದರೆ ಮೊದಲು ಹತ್ತಿರದ ಸೀರೆ ಅಂಗಡಿಗೆ ಹೋಗಿ, ಒಂದು ಹತ್ತೇ ನಿಮಿಷ ಮೇಡಂ ನೋಡಿಕೊಂಡು ಬಂದು ಬಿಡಿ ಸಾಕು. ಮಾಮೂಲಿ ಛಾರ್ಜ್ ತೆಗೆದುಕೊಳ್ಳುತ್ತೇನೆ ಎನ್ನುವವರು ಜಾಸ್ತಿ. ನಾವು ಹೋಗ್ರಿ ಹೋಗ್ರೀ ಅಂದು ಸುಮ್ಮನಾಗುತ್ತೇವೆ. ಆರು ಗಂಟೆ ಆಗುತ್ತಿದ್ದರೆ ಮುಗಿದೇ ಹೋಯಿತು ನಾವು ಕರೆದಲ್ಲಿಗೆ ಬರುವುದು ತುಂಬಾ ಅಪರೂಪ. ನೋಡುವಷ್ಟು ನೋಡಿ ‘ಎಲ್ಲಿಗೆ ಬರುತ್ತೀರ’, ‘ಯಾವ ಕಡೆ ಹೋಗುತ್ತಿದ್ದೀರ’,’ದುಡ್ದು ಕೊಡ್ತೀವಿ  ಬನ್ರೀ’ ಅನ್ನುವುದು ಮಾಮೂಲಿಯಾಯಿತು!! ಕೆಲವರು ಸುಯ್ ಎನ್ನುತ್ತ ಮಾತನಾಡದೆ ಹೊರಟರೆ, ಒಬ್ಬ ವಿಚಿತ್ರವಾಗಿ ತಲೆ ಅಲ್ಲಾಡಿಸಿ ಮುಂದುವರಿದ, ಇನ್ನೊಬ್ಬ ಮೆಲುನಗೆಯನ್ನು ತೋರಿಸಿಕೊಳ್ಳದೆ ಸುಮ್ಮನೆ ಹೊರಟ, ಇನ್ನೊಬ್ಬನ ಮುಖದಲ್ಲಿ ನಗು ಹರಡಿಯೇ ಬಿಟ್ಟಿತು.  ಒಟ್ಟು ಆರು ಆಟೋಗಳನ್ನು ತಡೆದದ್ದಾಯ್ತು.

ಶಿವನಗರದ ಬಳಿ ನಾನು ಕೂತ ಆಟೋವನ್ನು ಮೋಟಾರು ಸೈಕಲಿನಲ್ಲಿ ಕೂತ ಇಬ್ಬರು ಹಿಂದೆಯೇ ಬಂದು ಆಟೋ ನಿಲ್ಲಿಸಿದರು. ನನಗೆ ಏನೆಂದು ಹೊಳೆಯಲಿಲ್ಲ. ನೀವು ಬೇರೆ ಆಟೋದಲ್ಲಿ ಹೋಗಿ ಮೇಡಂ ಎಂದ. ನಾನು ಇಳಿದು ಚಿಲ್ಲರೆ ಕೊಡಲು ಹೋದೆ. ಇರಿ ಅಂದವ ಮೋಟಾರು ಸೈಕಲ್ಲಿನವರ ಜೊತೆ ಏನನ್ನೋ ಬೇಡಿಕೊಂಡ. ಅವರವರೆ ಏನೋ ಚರ್ಚೆ ಮಾಡಿಕೊಂಡು ವಾಪಸ್ಸು ಹೋದರು. ಅವನು ಆಟೋ ಚಾಲೂ ಮಾಡಿ ಹೊರಟ. ಆಟೋದ ಮೇಲೆ ಸಾಲ ಇನ್ನೂ ತೀರಿರಲಿಲ್ಲ. ಗಡುವು ಮುಗಿದಿತ್ತು. ಸಾಲ ಕೊಟ್ಟ ಬ್ಯಾಂಕಿನವರು ಹಿಂದೆ ಬಿದ್ದಿದ್ದರು. ಅಲ್ಲಾ ಮೇಡಂ ನೀವು ಏನಾದರು ಹೇಳುತ್ತೀರ ಅಂದುಕೊಂಡಿದ್ದೆ ಅಂದ. ’ಏನಂತ”  ಅಂದೆ. ಇವರು ನಮ್ಗೆ ಪರಿಚಯ, ನಮ್ಮ ಮನೆಯ ಹತ್ತಿರವೇ ಇದ್ದಾರೆ ಅಂತ ಹೇಳಬಹುದಿತ್ತಲ್ಲ. ನೀವು ಹಾಗೆ ಹೇಳಿದ್ದರೆ ನನ್ನನ್ನು ಬಿಟ್ಟು ಬಿಡುತ್ತಿದ್ದರು. ಇನ್ನೊಂದು ವಾರದಲ್ಲಿ ಹಣ ಹೊಂದಿಸಿ ಕೊಟ್ಟುಬಿಡುತ್ತಿದ್ದೆ ಅಂತ ಅಲವತ್ತುಕೊಂಡ. ನಾನು ಸರಿ-ತಪ್ಪು ತಿಳಿಯದೆ ’ಹೌದಾ’ ಎನ್ನುತ್ತ ಸುಮ್ಮನಾದೆ.

ಕೆಲವರು ಲೋಕಾಭಿರಾಮ ಮಾತಿಗಿಳಿದರೆ, ಇನ್ನು ಕೆಲವರು ರಾಜ್ಯ, ದೇಶದ ವಿಷಯಗಳನ್ನು ತೆಗೆಯುತ್ತಾರೆ. ನಾನು ಯಾರನ್ನು ಕಡೆಗಣಿಸದೆ ಮಾತಿಗೆ ಹೂಗುಡುತ್ತೇನೆ. ಜನರ ಅಭಿವ್ಯಕ್ತಿಯ ಸೈಕಾಲಜಿಯನ್ನು ಅಭ್ಯಸಿಸುವುದು ನನಗೆ ಪ್ರಿಯವಾದ ಹವ್ಯಾಸ ! ಆಟೋದ ಪಯಣ ನನಗೆ ಇಂಥ ಅನೇಕ ಅನುಭವಗಳನ್ನು ತಂದುಕೊಟ್ಟಿದೆ. ಅಲ್ಲದೆ ವಿವಿಧ ಭಾವನೆಗಳ ಅಭಿವ್ಯಕ್ತಿ, ಅವರಿಗಿರುವ ಜೀವನದ ಅನುಭವದ ಸಾರ..ಕೆಲವು ಸಂದರ್ಭಗಳಲ್ಲಿ ಅವರ ಪ್ರತಿಕ್ರಿಯೆ ಇವೆಲ್ಲವೂ.

ಆಟೋದ ಅನುಭವಗಳನ್ನು ಮೆಲುಕಿದಾಗಲೆಲ್ಲಾ ಅಪರಿಚಿರಾದವರ ಬಳಿ ಜನರಿಗೆ ಯಾಕೆ ಭಾವನೆಗಳನ್ನು ಹಂಚಿಕೊಳ್ಳಬೇಕೆನಿಸುತ್ತದೆ ಅಂದುಕೊಳ್ಳುತ್ತೇನೆ. ಮೇಲೆ ಹೇಳಿದ ಆಟೋದವನ ಹೆಂಡತಿಯಲ್ಲಿ ಮಾತನಾಡಿದಾಗ ನನಗೆ ವಿಚಿತ್ರವಾದ ಭಾವನೆ. ಯಾರೋ ಅಪರಿಚಿತರಾದವರ ಜೊತೆ ಅದೂ ಫೋನಿನಲ್ಲಿ ಕಷ್ಟ ಸುಖ ಮಾತನಾಡುವುದೆಂದರೆ…ಆಕೆಯ ಜೊತೆ ಮಾತನಾಡಿದಾಗ ಆಕೆಯ ವಿಜಯನಗರದಲ್ಲಿರುವ ಮನೆಯ ಬಗ್ಗೆ ಕಲ್ಪಿಸಿಕೊಂಡೆ ..ಆಕೆಯ ಮಾತಿನಲ್ಲಿರುವ ವಿವರಗಳು ಸುಳಿದು ಹೋದವು.

ಆಟೋದವರು ಮಾತಿಗಿಳಿದಾಗ ನನಗೆ ಏನು ಹೇಳಲು ತೋಚದಿದ್ದರೆ. ರಸ್ತೆಯಲ್ಲಿ ವಾಹನದ ಸದ್ದಿನೊಂದಿಗೆ ನನ್ನ ಹೂಂ, ಹುಃಊ..ಅಡಗಿಬಿಡುತ್ತದೆ..! ಹೆಚ್ಚಿನ ಆಟೋದವರ ಬಗ್ಗೆ ನನಗೆ ಒಳ್ಳೆಯ ಭಾವನೆಯೇ ಇದೆ. ಹೆಚ್ಚಿನಂಶ ಒಳ್ಳೆಯ ಅನುಭವವೇ ಆಗಿದೆ. ಕೆಲವರ ಹೃದಯವಂತಿಕೆ ಮನಸ್ಸನ್ನು ಆವರಿಸಿದೆ. ಇನ್ನು ಕೆಲವರ ಸಭ್ಯತೆ, ವಿಶ್ವಾಸ, ಮುಂಗೋಪ, ತಮಾಷೆ, ತೋರಿಕೆ, ಇತ್ಯಾದಿ.

ಎಷ್ಟೋ ನೆನಪುಗಳು ಹಾರಿ ಹೋಗಿವೆ. ಆಟೋದಲ್ಲಿ ಪಯಣಿಸುವಾಗ ಒಂದೊಂದೇ ಸಂದರ್ಭಗಳು ಸುಳಿಯುತ್ತಲೇ ಇರುತ್ತವೆ…

———-

bhagavathi1ಎಂ ಆರ್ ಭಗವತಿ ಹುಟ್ಟಿದ್ದು ಚಿಕ್ಕಮಗಳೂರಿನಲ್ಲಿ. ಹವ್ಯಾಸಿ ಬರಹಗಾರ್ತಿ. ಬೆಂಗಳೂರು ವಿಶ್ವವಿದ್ಯಾನಿಲಯದಿಂದ ಆಂಗ್ಲ ಸಾಹಿತ್ಯದಲ್ಲಿ ಎಂಎ ಪದವಿ.. ಮೂಲ ಆಸಕ್ತಿ ಬರವಣಿಗೆಯಾದರೂ, ಮೊದಲಿನಿಂದಲೂ ಛಾಯಾಗ್ರಹಣ ಬಹಳ ಇಷ್ಟವಾದ ಹವ್ಯಾಸ. ‘ಏಕಾಂತದ ಮಳೆ’ (೧೯೯೯) ಮತ್ತು ‘ಚಂಚಲ ನಕ್ಷತ್ರಗಳು’ (೨೦೦೫) ಪ್ರಕಟಿತ ಪುಸ್ತಕಗಳು.

Share

4 Comments For "ಆಟೋದಲ್ಲಿ ಪಯಣ…
ಎಂ ಆರ್ ಭಗವತಿ ಕಾಲಂ
"

  1. lavanya Prabha
    24th July 2016

    Nice article, ನೀನು ಬರೆಯೋಕೆ ಶುರು ಮಾಡಿರುವುದೇ ನನಗೆ ಖುಷಿಯ ವಿಷಯ.

    Reply
    • Bhgavathi
      27th December 2016

      Thanks Lavanya

      Reply
  2. Renuka Ramanand
    14th August 2016

    ಒಳ್ಳೆಯ ಬರಹ

    Reply
    • bhagavathi
      16th August 2016

      Thank You Renuka Ramanda

      Reply

Leave a comment

Your email address will not be published. Required fields are marked *

Recent Posts More

  • 4 hours ago No comment

    ಪ್ರತಿಯೊಬ್ಬರೊಳಗೂ ಒಂದೊಂದು ಕಥೆ!

    ಆಕೆ ಮೀರಾ. ತಾನು ಬರೆದ ಕಥೆಯೊಂದರ  ಮೂಲಕ ಇದ್ದಕ್ಕಿದ್ದಂತೆ ಲಕ್ಷಾಂತರ ಮನಸ್ಸನ್ನು ಮುಟ್ಟಿಬಿಡುತ್ತಾಳೆ. ವಿವಾನ್ ಎಂಬ ಬ್ಯಾಂಕ್ ಅಧಿಕಾರಿಯೊಬ್ಬನಿಗೆ ಜಗತ್ತನ್ನೇ ಸುತ್ತುವ ಕನಸು. ಕೆಫೆಯೊಂದರ ಮ್ಯಾನೇಜರ್ ಕಬೀರ್ ತನ್ನದೇ ಆದ ಏನನ್ನಾದರೂ ಸಾಧಿಸುವ ಹಂಬಲವಿಟ್ಟುಕೊಂಡವನು. ಅದೇ ಕೆಫೆಯ ಗ್ರಾಹಕಿ ನಿಶಾ ಎಂಥದೋ ಹತಾಶೆಗೆ ಸಿಕ್ಕಿಹಾಕಿಕೊಂಡು, ತನ್ನದೇ ಆದ ಗುಟ್ಟುಗಳನ್ನು ಬಚ್ಚಿಟ್ಟುಕೊಂಡಿರುವವಳು. ಪ್ರತಿಯೊಬ್ಬರದೂ ಒಂದೊಂದು ಕಥೆ. ಅಂಥ ನಾಲ್ವರೂ ಒಂದೆಡೆ ಸೇರಿದಾಗ ಏನಾಗುತ್ತದೆ? ಈ ಕುತೂಹಲವನ್ನು ತೆರೆದಿಡುತ್ತ ಹೋಗುವ ಕಾದಂಬರಿಯೇ ...

  • 1 day ago No comment

    ನನ್ನೊಳಗಿನ ಮಗುವಿಗೊಂದು ಪತ್ರ

          ನಿನ್ನೆ ನನ್ನ ಹಳೆಯ ಕಡತಗಳನ್ನೆಲ್ಲಾ ತೆರೆದು ಏನನ್ನೋ ಹುಡುಕುತ್ತಿದ್ದಾಗ ನೀನು ಬಿಡಿಸಿದ ಕೆಲವು ಚಿತ್ರಗಳು ಸಿಕ್ಕವು. ನಿಜಕ್ಕೂ ಅದ್ಭುತವಾಗಿದ್ದವು ಅವುಗಳು.       ಮಕ್ಕಳ ದಿನಾಚರಣೆಯ ಋತುವಿನಲ್ಲಿ ನಮ್ಮದೇ ಹನ್ನೆರಡರ ವ್ಯಕ್ತಿತ್ವಕ್ಕೊಂದು ಪತ್ರ ಬರೆದರೆ ಹೇಗಿರುತ್ತದೆ ಎಂಬ ಯೋಚನೆಯೊಂದು ತಲೆಯೆತ್ತಿತು. ಸದ್ಯ ಪತ್ರಗಳಂತೂ ಮಾಯವಾಗಿವೆ. ನಿತ್ಯಜೀವನದ ಜಂಜಾಟದಲ್ಲಿ ನಮ್ಮೊಳಗಿನ ಮಗುವೂ ನಿಧಾನಕ್ಕೆ ಮರೆಯಾಗುತ್ತಿರುವಂತೆ ಕಾಣುತ್ತಿದೆ. ಈ ನಿಟ್ಟಿನಲ್ಲೇ ಇವೆರಡನ್ನೂ ಒಂದೇ ವೇದಿಕೆಗೆ ತಂದಿಡುವ ...

  • 2 days ago No comment

    ದುರಿತ ಕಾಲದ ಕವಿತೆಗಳು

        ಕವಿಸಾಲು       1 ಒಂಟಿಯಾಗಿ ಹೆಗಲಲಿ ನೇಗಿಲ ಎಳೆದು ಅಜ್ಜಿ ಬಿತ್ತಿದ ರಾಗಿಗೆ ಸಗ್ಗಣಿ ಗೊಬ್ಬರ ಹಾಕಿ ಖಂಡುಗಗಟ್ಟಲೇ ರಾಗಿ ಬೆಳೆದ ಅಜ್ಜನ ಹೊಲದ ಮೇಲಿವತ್ತು ಚತುಷ್ಕೋನ ರಸ್ತೆ ರಾರಾಜಿಸುತ್ತಿದೆ ಆರಾಮಾಗಿ ಅಲ್ಲಿ ಮಲಗಿರುವ ಅವನ ಎದೆಯ ಮೆಲೆ ಅನಿಲ ಟ್ಯಾಂಕರುಗಳು ಅಡ್ಡಾಡುತಿವೆ ನೋವಾಗುತ್ತಿರುವುದು ಮಾತ್ರ ನನಗೆ! ~ 2 ಅಭಿವೃದ್ದಿಯ ಜಾಹಿರಾತಿನಲ್ಲಿ: ಹಡಗಿನಂತಹ ಕಾರುಗಳು ಹಾಳೆಗಳಂತಹ ಮೊಬೈಲುಗಳು ಕಣ್ಣು ಕುಕ್ಕುವ ಕಂಪ್ಯೂಟರುಗಳು ...

  • 2 days ago No comment

    ನಾಲ್ಕು ಹನಿಗಳು

        ಕವಿಸಾಲು         ಧ್ಯೇಯದಿಂದ ನೆಲ ಅಗೆದೆ ಗಿಡ ನೆಡಲು. ಮತ್ತೆ ಕಾಣಿಸಿತು ಧ್ಯಾನಸ್ಥ ಎರೆಹುಳು. ~ ನದಿ ತಟದ ಬೆಂಚಿನ ಮೇಲೆ ನಾನು ಎರಡೂ ತಟಗಳಿಗೆ ಅಂಟಿದ್ದ ದಪ್ಪನೆ ಕಾಂಕ್ರೀಟ್ ಗೋಡೆ. ಹರಿವ ನೀರು, ನಾನು ಬಂಧಿಗಳೇ. ~ Mindfulness ಎಂದೆಲ್ಲಾ ಹೇಳುವ ಅವರ ಹೆಮ್ಮೆಗೆ ಕಾಣಿಸಲಿಲ್ಲವೇಕೆ ಅಖಂಡವಾಗಿ ನಿಂತು ಜಗಿಯುವ ಆ ಎಮ್ಮೆ? ~ ಆ ಒಂದು ಮಳೆ ಹನಿ ...

  • 2 days ago No comment

    ಕಂಗಾಲಾಗಿದ್ದಾಗ ನಾವೆಲ್ಲ, ಮೆಲ್ಲಮೆಲ್ಲನೆ ಬಂದಳಲ್ಲ!

      ಅಡಗಿಕೊಳ್ಳಲು ಬಾಳೆ ಬುಡ ಆರಿಸಿಕೊಂಡ ಪುಟಾಣಿಗೆ ಬೇಸಿಗೆಯ ಆ ಮಧ್ಯಾಹ್ನ ಊಟ ಮಾಡಿ ನಿದ್ದೆ ಮಾಡುವ ಸಮಯವಾಗಿತ್ತು.         ಬಾಲ್ಯ ಬಂಗಾರ   ಬಾಲ್ಯದ ಮಜವನ್ನು ಅನುಭವಿಸದ ಮಕ್ಕಳು ಬದುಕನ್ನು ಪೂರ್ಣವಾಗಿ ಸವಿಯುವುದು ಕಷ್ಟವೇ? ಆ ಮಜವೇ ಭಿನ್ನ, ಅದರಲ್ಲೂ ಹಳ್ಳಿಯ ಬದುಕಿನ ಬಾಲರ ಜೀವನದಲ್ಲಿ ಬಾಲ್ಯ ಅನನ್ಯವಾದ ಜೀವನಾನುಭವ ನೀಡುವ ಕಾಲ. ಪೇಟೆಯಲ್ಲಿ ರೇಷ್ಮೆ ಹುಳುವಿನಂತೆ ಪೊರೆಯ ಒಳಗೆ ಬದುಕುವ ಮಕ್ಕಳ ...


Editor's Wall

  • 21 November 2017
    1 day ago No comment

    ನನ್ನೊಳಗಿನ ಮಗುವಿಗೊಂದು ಪತ್ರ

          ನಿನ್ನೆ ನನ್ನ ಹಳೆಯ ಕಡತಗಳನ್ನೆಲ್ಲಾ ತೆರೆದು ಏನನ್ನೋ ಹುಡುಕುತ್ತಿದ್ದಾಗ ನೀನು ಬಿಡಿಸಿದ ಕೆಲವು ಚಿತ್ರಗಳು ಸಿಕ್ಕವು. ನಿಜಕ್ಕೂ ಅದ್ಭುತವಾಗಿದ್ದವು ಅವುಗಳು.       ಮಕ್ಕಳ ದಿನಾಚರಣೆಯ ಋತುವಿನಲ್ಲಿ ನಮ್ಮದೇ ಹನ್ನೆರಡರ ವ್ಯಕ್ತಿತ್ವಕ್ಕೊಂದು ಪತ್ರ ಬರೆದರೆ ಹೇಗಿರುತ್ತದೆ ಎಂಬ ಯೋಚನೆಯೊಂದು ತಲೆಯೆತ್ತಿತು. ಸದ್ಯ ಪತ್ರಗಳಂತೂ ಮಾಯವಾಗಿವೆ. ನಿತ್ಯಜೀವನದ ಜಂಜಾಟದಲ್ಲಿ ನಮ್ಮೊಳಗಿನ ಮಗುವೂ ನಿಧಾನಕ್ಕೆ ಮರೆಯಾಗುತ್ತಿರುವಂತೆ ಕಾಣುತ್ತಿದೆ. ಈ ನಿಟ್ಟಿನಲ್ಲೇ ಇವೆರಡನ್ನೂ ಒಂದೇ ವೇದಿಕೆಗೆ ತಂದಿಡುವ ...

  • 19 November 2017
    3 days ago No comment

    ಸಂಸಾರದ ಬಂಧಗಳ ಬಗ್ಗೆ ಬರಿದೆ ಮಾತಿಂದ…

            | ಕಮಲಾದಾಸ್ ಕಡಲು     ನನ್ನ ಅಪ್ಪನ ಸಾವು (My Father’s Death) ಕಮಲಾದಾಸ್ ಕವಿತೆಯ ಅನುವಾದ     ಅಪ್ಪ ಸತ್ತಾಗ ಅಪ್ರಾಮಾಣಿಕರು ಮಾತ್ರ ಕಣ್ಣೀರು ಸುರಿಸಿದರು, ಅವನ ಹೆಣದೊಡನೆ ಫೋಟೋ ತೆಗೆಸಿಕೊಳ್ಳಲು ಬಂದ ಅವರಿಗೆ ಅಪ್ಪನೆಂದರೆ ವಾಸ್ಕೋಡಗಾಮ ಕಪ್ಪಾದ್ ಬೀಚಿನ ಮರಳಿನ ಮೇಲೆ ಮೊದಲು ಕಾಲಿರಿಸಿದ ನಂತರ ಕ್ಯಾಲಿಕಟ್’ನಲ್ಲಿ ಸತ್ತವರಲ್ಲಿ ಅತಿ ಮುಖ್ಯವಾದ ವ್ಯಕ್ತಿಯಾಗಿದ್ದರು ಅಷ್ಟೇ. ರಸ್ತೆಯ ಇಕ್ಕೆಲದಲ್ಲೂ ...

  • 17 November 2017
    5 days ago 2 Comment

    ನನ್ನನ್ನು ಕವಿಯೆಂದರು..!

        ಯಾರೂ ಫ್ರೆಂಡ್ಸೇ ಇರಲಿಲ್ಲ. ಆದರೂ ಬರೆಯುತ್ತ ಹೋದೆ. ನನ್ನ ಪೋಸ್ಟುಗಳು ಪಬ್ಲಿಕ್ಕಿಗೆ ಇದ್ದವು. ನನಗದು ಕೂಡ ಅರಿವಿಲ್ಲ. ಲೈಕುಗಳು ಬೀಳುತ್ತ ಹೋದವು. ಓದುಗರು ಅವನ್ನು ಕವಿತೆ ಎಂದು ಕರೆದರು. ಅದ್ಭುತವೆಂದು ಉದ್ಗರಿಸಿದರು. ಫ್ರೆಂಡ್ ರಿಕ್ವೆಸ್ಟ್ ಕಳಿಸುತ್ತ ಹೋದರು.       ಈ ಜಗತ್ತು ಅದೇಕೆ ಹಾಗೆ ಪ್ರೀತಿಯನ್ನು, ಪ್ರಾಮಾಣಿಕತೆಯನ್ನು, ಸತ್ಯವನ್ನು, ಸ್ನೇಹವನ್ನು, ಕರ್ತವ್ಯನಿಷ್ಠೆಯನ್ನು ದೌರ್ಬಲ್ಯ ಎಂದುಕೊಳ್ಳುತ್ತದೆ? ಯಾಕೆ ಮತ್ತೆ ಮತ್ತೆ ಅಪಮಾನಪಡಿಸುತ್ತದೆ? ಯಾಕೆ ಕಳಂಕದ ...

  • 14 November 2017
    1 week ago No comment

    ಅವ್ರ್ ಬಿಟ್ ಇವ್ರ್ ಬಿಟ್ ಅವ್ರ್ ಬಿಟ್ ಇವ್ರ್ ಯಾರು?

        ಈಗ ಮಕ್ಕಳನ್ನೆಲ್ಲ ಪರ ಊರುಗಳ ಬೋರ್ಡಿಂಗ್ ಶಾಲೆಗಳಲ್ಲಿ ನೂಕಿ ಯಾವ ಮನೆಗಳಲ್ಲೂ ಮಕ್ಕಳಿಲ್ಲದೆ ಬಣಗುಟ್ಟುತ್ತಿವೆ. ಹೋಮ್ ವರ್ಕ್, ರ್ಯಾಂಕ್ ಓಟ, ಅಂಕದ ಬೇಟೆಯಲ್ಲಿ ಸಿಲುಕಿ ಯಾವ ರಸ್ತೆಯಲ್ಲೂ ಮಕ್ಕಳು ಆಡುವುದಿಲ್ಲ. ಮಕ್ಕಳ ದಿನಕ್ಕೆ ಒಂದು ವಿಶೇಷ ಬರಹ, ಕಾದಂಬಿನಿ ಅವರಿಂದ       ಮಕ್ಕಳೆಲ್ಲ ಸೇರಿ ಯಾರಾದರೂ ಚೂರು ದೊಡ್ಡವರನ್ನು ಅಜ್ಜಿಯಾಗಲು ಕೇಳಿಕೊಂಡಾದ ಮೇಲೆ ಎಲ್ಲರೂ ವೃತ್ತಾಕಾರವಾಗಿ ನಿಂತು ಕ್ಲಾಪ್ಸ್ ಹಾಕುವ ಮೂಲಕ ಕಳ್ಳರನ್ನು ...

  • 09 November 2017
    2 weeks ago No comment

    ಕೆಂಡದಂಥ ಕಾವ್ಯ

    ಪಾಶ್ ಎಂದೇ ಗೊತ್ತಾಗಿರುವ ಪಂಜಾಬಿ ಮತ್ತು ಹಿಂದಿ ಕವಿ ಅವತಾರ್ ಸಿಂಗ್ ಸಂಧು, ಕ್ರಾಂತಿಕಾರಿ ಕವಿ. ತನ್ನ 20ನೇ ವಯಸ್ಸಿನಲ್ಲಿ ಆತ ಮೊದಲ ಸಂಕಲನ ‘ಲೋಹ್ ಕಥಾ’ ಪ್ರಕಟಿಸುತ್ತಿದ್ದ ಹಾಗೆಯೇ (1970) ರಾತ್ರಿ ಬೆಳಗಾಗುವುದರೊಳಗೆ ಸ್ಟಾರ್ ಆಗಿಬಿಟ್ಟಿದ್ದ. ಅದೇ ದಶಕದಲ್ಲೇ ಪ್ರಕಟಗೊಂಡ ಮತ್ತೂ ಎರಡು ಸಂಕಲನಗಳು ಪಂಜಾಬಿ ಕಾವ್ಯಲೋಕದಲ್ಲಿ ಆತನ ಹೆಸರನ್ನು ಶಾಶ್ವತಗೊಳಿಸಿಬಿಟ್ಟವು. ಅವನ ಕಾವ್ಯದ ಕತ್ತಿ ಖಲಿಸ್ತಾನಿಗಳ ವಿರುದ್ಧ ಝಳಪಿಸುತ್ತಿತ್ತು. ಕಡೆಗೆ ಅದೇ ಅವನ ಹತ್ಯೆಗೂ ಕಾರಣವಾಯ್ತು. ...