Share

ಮೊದಲ ಪುಸ್ತಕದ ತೊಳಲಾಟ
ಈಶ್ವರ ದೈತೋಟ ಕಾಲಂ

IMG-20160412-WA0006

ಹೋದ ಶತಮಾನದ 70ರ ದಶಕದ ನಡುವಿನ ಕಾಲವದು. ಮೈಸೂರಿನಲ್ಲಿ ಪತ್ರಿಕೋದ್ಯಮ ಸ್ನಾತಕೋತ್ತರ ಮಾಡುತ್ತಿದ್ದ ದಿನಗಳು. ಒಂದು ದಿನ ಪ್ರೊ. ಖಾದ್ರಿಯವರಿಂದ ಪ್ರೊ. ನಾಡಿಗರು ಅಕಾಡೆಮಿಕ್ ಪ್ರೊಫೆಶನಲ್ ಸಿಲ್ವರ್ ಜುಬಿಲಿಯಲ್ಲಿದ್ದಾರೆಂದು ಅರಿಯಿತು. ವೈ ನಾಟ್ ಎ ಫಂಕ್ಷನ್ ಟು ಆನರ್ ಹಿಮ್ ಎಂದು ನಾವು ಯೋಚಿಸಿ, ಅನುಮತಿ ಪಡೆದೆವು.

ಸನ್ಮಾನ ಸಂಚಿಕೆಗೆ ಸೀನಿಯರ್ ಮಿತ್ರ ಬಿ.ಎ. ಶ್ರೀಧರ್ -ನಾನು ಸಂಪಾದಕತ್ವ ಹೊತ್ತು, ಜಾಹೀರಾತು ಮತ್ತು ಲೇಖನ ಸಂಗ್ರಹಕ್ಕಿಳಿದೆವು. ದೇಶದ ಘಟಾನುಘಟಿಗಳಿಂದೆಲ್ಲ ಲೇಖನಗಳನ್ನು ಆಹ್ವಾನಿಸಿ ಪ್ರಕಟಿಸಲೇ ಬೇಕೆಂಬ ಉಮೇದು ನಮಗಿತ್ತು. ಇಂಟರ್‍ನ್ಯಾಶನಲ್ ಜರ್ನಲಿಸ್ಟ್ ಖುಶವಂತ್ ಸಿಂಗ್‍ರನ್ನು ಕೂಡಾ, ನಾವು ಪ್ರೊಫೆಶನಲ್ ಟೂರ್‍ನಲ್ಲಿ ಮುಂಬಯಿನ ಅವರ ಕಛೇರಿಯಲ್ಲಿ ಭೇಟಿ-ಸಂದರ್ಶನ ಮಾಡಿದ ವಿಚಾರ ನೆನಪಿಸಿಕೊಂಡು, ಲೇಖನ ಯಾಚಿಸಿ ಪತ್ರ ಬರೆದೆವು. 15 ದಿನಗಳಲ್ಲೇ ಇಂಡಿಯನ್ ಜರ್ನಲಿಸಂಗೆ ಸಂಬಂಧಿಸಿದಂತೆ ಅವರ ಲೇಖನ ಬಂದಿತ್ತು.

ಉತ್ಸಾಹಿತರಾಗಿ ಆಗಿನ ಪ್ರೆಸ್ ಇನ್‍ಸ್ಟಿಟ್ಯೂಟ್ ಆಫ್ ಇಂಡಿಯಾ ಅಧ್ಯಕ್ಷ ಚಂಚಲ್ ಸರ್ಕಾರ್, ಮದ್ರಾಸ್ ಮೈಲ್ ಸಂಪಾದಕ ವಿ.ಪಿ.ವಿ. ರಾಜನ್ ಮುಂತಾದ ಘಟಾನುಘಟಿಗಳು, ಪ್ರೊಫೆಸರ್ ನಿಕಟವರ್ತಿಗಳು, ಹಳೆಯ ಪತ್ರಿಕೋದ್ಯಮ ಶಿಕ್ಷಣಾರ್ಥಿಗಳೆಂದು ಹೆಸರು-ವಿಳಾಸ ಹುಡುಕಿ ಲೇಖನ ಕೇಳಿದೆವು. 15 ರಷ್ಟು ಉತ್ತಮ ಲೇಖನಗಳು ಬಂದೇ ಬಿಟ್ಟವು.

b2ನಾಡಿಗರ ಮನೆಗೂ ಗುಟ್ಟಾಗಿ ಹೋಗಿ ಅವರ ಶ್ರೀಮತಿಯವರನ್ನು ಭೇಟಿಯಾಗಿ ಪ್ರೊಫೆಸರ್ ಬಗ್ಗೊಂದು ಲೇಖನ ಬರೆದುಕೊಡಬೇಕೆಂದೂ ಮನವಿ ಮಾಡಿದೆವು. ಹೆಚ್ಚು ಮಾತಿಲ್ಲದ, ಗಂಭೀರ ಮುಖ, ಸ್ವಭಾವಗಳ ಅವರು ಖುಶಿಪಟ್ಟು ಮೂರೇ ದಿನಗಳಲ್ಲಿ “ನನ್ನ ನೆಚ್ಚಿನ ನಾಡಿಗರು” ಎಂಬ ಹಿತವಾದ ಲೇಖನವನ್ನು ಬರೆದು ಕೊಟ್ಟಾಗ ನಮಗೆ ಒಂದು ಹ್ಯೂಮನ್ ಇಂಟ್ರೆಸ್ಟ್ ಆರ್ಟಿಕಲ್ ಸಿಕ್ಕಿದಂತಹ ಖುಶಿ. ಎಲ್ಲವನ್ನು ಟೈಪ್ ಮಾಡಿಸಿ, ಕರಡು ತಿದ್ದಿ ಸಿದ್ಧಪಡಿಸಿಟ್ಟೆವು.

ಶ್ರೀಧರ್ ಅದಾಗಲೇ ಪ್ರಜಾವಾಣಿಗೆ ಪತ್ರ- ಲೇಖನಗಳನ್ನು ಬರೆಯತೊಡಗಿದ್ದರು. ತಾನು ಎಚ್ಚೆಸ್ಕೆ (ಸುಧಾದಲ್ಲಿ ಪ್ರಕಟವಾಗುತ್ತಿದ್ದ ವಾರದ ವ್ಯಕ್ತಿ ಅಂಕಣ ಬಹಳ ಜನಪ್ರಿಯ) ಶೈಲಿಯಲ್ಲಿ ಪ್ರೊಫೆಸರ್ ವ್ಯಕ್ತಿಚಿತ್ರ ಬಿಡಿಸುತ್ತೇನೆಂದವನೇ, “ನೀನ್ಯಾಕೋ ಆರ್‍ಕೆ ಲಕ್ಷ್ಮಣ್ ಹಾಗೆ ಅವರ ಕ್ಯಾರಿಕೇಚರ್ ಬಿಡಿಸಬಾರದು” ಎಂದು ನನಗೆ ಗಾಳಿ ಹಾಕಿದ. ಪ್ರಾಕ್ಟೀಸ್ ಜರ್ನಲಿಗೆ ಒಮ್ಮೊಮ್ಮೆ ವ್ಯಂಗ್ಯಚಿತ್ರ ಬರೆಯುತ್ತಲಿದ್ದೇನೆಂಬ ಹುಸಿ ಧೈರ್ಯದಿಂದ ನಾನು ಯೋಚಿಸದೆ ಒಪ್ಪಿಕೊಂಡೇ ಬಿಟ್ಟೆ.

ಪೆನ್ನಿಗೆ ಇಂಡಿಯನ್ ಇಂಕ್ ತುಂಬಿಕೊಂಡು ನಾಡಿಗರ ಕೆಲವಾರು ಫೋಟೋಗಳನ್ನು ಎದುರಿಟ್ಟುಕೊಂಡು ಗೆರೆ ಎಳೆಯಲು ಹೋದರೆ ಕಷ್ಟ ಗೊತ್ತಾಯಿತು. ವ್ಯಂಗ್ಯಚಿತ್ರವೆಂದು ಎದುರುಬದುರು ನಿಂತ ಎರಡು ಕಾರೆಕ್ಟರ್‌ಗಳನ್ನು ಗೀಚಿ, ಕೆಳಗೆರಡು ಸಾಲು ತಮಾಶೆ ಮಾತುಗಳನ್ನು ಬರೆದಂತಲ್ಲ ಈ ಕೆಲಸವೆಂದು ಅರಿವಾಗಿ ತಲೆಚಚ್ಚಿಕೊಂಡೆ.

ಶ್ರೀಧರ್ ಲೇಖನ ಸುಂದರವಾಗಿ ಮೂಡಿ ಬಂದಿದ್ದರಿಂದ, ನನಗೂ ಹಠ ಮೂಡಿತು. ಬೆಳಗಿನಿಂದ ರಾತ್ರೆವರೆಗೂ ಗೀಚಿದ್ದೇ ಬಂತು. ಸುಸ್ತಾಗಿ ಕೈಚೆಲ್ಲಿ ನಾನು ರಾತ್ರೆ ಮಲಗಿ ಬೆಳಿಗ್ಗೆದ್ದವನೇ ಮುಖವನ್ನೂ ತೊಳೆಯದೆ ಒಂದು ಟ್ರೈ ಮಾಡೋಣವೆಂದು ನಾಡಿಗರ ಸೈಡ್ ಪೋಸ್ ಬರೆದು ನೋಡಿದಾಗ ಅವರಂತೆಯೇ ಕಾಣಿಸಿತು. ಕ್ಯಾಂಪಸ್‍ಗೆ ಹೋದವನು ಶ್ರೀಧರ್‍ಗೆ, ಖಾದ್ರಿಯವರಿಗೆ ತೋರಿಸಿದೆ. ಚೆನ್ನಾಗಿದೆಯಪ್ಪಾ, ನೀನೇ ಬರ್ದಿದ್ದಾ ಎಂದು, ಇಬ್ಬರೂ ನನ್ನನ್ನು ರೇಗಿಸಿ ಕಾಫಿಗೆ ಕರೆದೊಯ್ದರು.

ಸುಮಾರು 2000 ರೂ. ಮೌಲ್ಯದ ಜಾಹೀರಾತು ಸಂಗ್ರಹವಾದವು. ಕಾಸು ಮಾತ್ರ ವೋಚರ್ ಕಾಪಿಯೊಂದಿಗೆ ಬಿಲ್ ಕಳಿಸಿದ ಮೇಲೆ ಸಿಗುವ ಕಂಡೀಶನ್. ನಾವಿಬ್ಬರೂ ಮೈಸೂರು ಅರಮನೆ ಎದುರಿನ ರಸ್ತೆ ಬದಿಯಲ್ಲಿದ್ದ ಬೆಂಗಳೂರು ಪ್ರೆಸ್ಸಿಗೆ ತೆರಳಿ ಮ್ಯಾನೇಜರ್ ನಾರಾಯಣಸ್ವಾಮಿಯೊಂದಿಗೆ ಚೌಕಾಶಿ ಮಾಡಿ ಅದುವೇ ಅಂದಾಜಿನ ಮೊತ್ತಕ್ಕೆ ಮುದ್ರಣ ಕಾರ್ಯ ನಿಗದಿ ಪಡಿಸಿಕೊಂಡೆವು. ವರ್ಣ ಮುಖಪುಟದ ಏ- 4 ಗಾತ್ರದ ನೂರು ಪುಟಗಳ ಪುಸ್ತಕ ಸಿದ್ಧಗೊಂಡಿತು. ಹೆಸರು ಅಭಿನಂದಿನಿ.

b3ಆದರೆ, ನಮ್ಮ ಗ್ರಹಗತಿ ಚೆನ್ನಾಗಿರಲಿಲ್ಲವೇನೋ. ಪ್ರೊಫೆಸರ್ ಸಾಹೇಬರು ಅದೇಕೋ ಅಭಿನಂದನಾ ಕಾರ್ಯಕ್ರಮಕ್ಕೆ ಹಾಗೂ ಪುಸ್ತಕ ಬಿಡುಗಡೆಗೆ ದಿನಾಂಕ ಮುಂದೂಡುತ್ತಾ ಹೋದರು. ನಮಗೆ ಪ್ರೆಸ್ ಬಿಲ್ಲು ಕಟ್ಟ ಬೇಕಿತ್ತು. ಸಂಚಿಕೆ ಬಿಡುಗಡೆ ಆಗದೆ ಜಾಹೀರಾತುದಾರರಿಗೆ ಬಿಲ್ಲು ಕಳಿಸಿ, ಮೊತ್ತ ಕೇಳುವಂತಿರಲಿಲ್ಲ. ಪ್ರೆಸ್ ಕಡೆ ಕಾಲಿಡುವುದನ್ನು ಬಿಟ್ಟೆವು. ಕೊನೆಗೊಮ್ಮೆ ಡಿಪಾರ್ಟ್‍ಮಂಟಿಗೇ ಫೋನ್ ಮಾಡಿದ ಮೇನೇಜರ್ ಬಿಲ್ಲು ಚುಕ್ತಾ ಮಾಡಲು ಒತ್ತಾಯಿಸಿದರು.

ಬೇರೆ ದಾರಿ ಕಾಣದೆ ಕೆಲವು ಮುಖ್ಯ ಜಾಹೀರಾತುದಾರರಿಗೆ ಅಭಿನಂದಿನಿ ಪ್ರತಿ-ಬಿಲ್ಲು ಕಳಿಸಿಕೊಟ್ಟಾಗ ಏಳೆಂಟು ನೂರು ರೂ. ಕೈಗೆ ಬಂತು. ಅಷ್ಟನ್ನೂ ಪ್ರೆಸ್‍ಗೆ ಸಲ್ಲಿಸಿ ಬಾಕಿಯನ್ನು ಹೇಗೋ ಚುಕ್ತಾ ಮಾಡುತ್ತೇವೆಂದು ಭರವಸೆ ಕೊಟ್ಟು ಪಾರಾದೆವು. (ಬಾಕಿಯನ್ನು ವೃತ್ತಿಗೆ ಸೇರಿದ ಬಳಿಕ ಸಂಬಳದಲ್ಲಿ ಕಂತುಕಂತು ಕಟ್ಟಿ ಮುಖ ಉಳಿಸಿಕೊಂಡೆವು.)

ಒಂದೇ ವಾರದಲ್ಲಿ, ಅವರ ಮನೆಗೆ ತೆರಳಿ ನಾಡಿಗರನ್ನು ಕಾಣಬೇಕೆಂದು ನನಗೆ ಆದೇಶ ಬಂತು. ಚಕಿತನಾದೆ. ಭಯವೂ ಆಯಿತು. ಅವಸರದಿಂದ ಅಲ್ಲಿ ತಲುಪಿದಾಕ್ಷಣ ಫಯರಿಂಗ್ ಶುರುವಾಯಿತು. ಏನಯ್ಯಾ ಸಂಚಿಕೆಯನ್ನು ಕಾರ್ಯಕ್ರಮಕ್ಕೆ ಮುನ್ನವೇ ರಿಲೀಸ್ ಮಾಡಿ ಬಿಟ್ಟಿದ್ದೀರಿ ಎಂದು ಕೂರಂಬು ಎರಗಿತು. ರಿಲೀಸ್ ಮಾಡಿಲ್ಲಾ ಸ್ಸಾರ್ ಎಂದು ಹಲ್ಲುಗಿಂಜಿದೆ. ಮತ್ತೆ, ಬೆಂಗ್ಲೂರಿಗೆ ಕಳ್ಸಿದೀರಿ ಅಂದ್ರು. ಪ್ರಿಂಟಿಂಗ್ ಬಿಲ್ ಕಟ್ಟೋಕೆ ದುಡ್ಡಿರ್ಲಿಲ್ಲಾ ಸಾರ್, ಅದ್ಕೇ ನಾಲ್ಕೈದು ಓಚರ್ ಕಾಪಿ ಕಳಿಸಿಕೊಡದೆ ನಿರ್ವಾಹ ಇರಲಿಲ್ಲಾ ಸಾರ್ ಎಂದು ಗೋಗೆರೆದೆ. ಪ್ರೊಫೆಸರ್ ಕೋಪ ಇಳಿಯಲಿಲ್ಲ. ನಾನಂತೂ ಬೇರೆ ದಾರಿ ತೋಚದೆ ಮತ್ತೊಮ್ಮೆ ಸಾರಿ ಹೇಳಿ ಅಲ್ಲಿಂದ ಕಾಲುಕಿತ್ತೆ.

ಮತ್ತೆ ಗೊತ್ತಾಯಿತು. ನಮ್ಮ ಬ್ಯಾಕ್ ಕವರ್ ಪೇಜ್ ಜಾಹೀರಾತುದಾರರು ಪ್ರೊಫೆಸರ್ ಅವರ ಮಾವನ ಕಂಪೆನಿಯೆಂದು. ನನ್ನನ್ನು ಇವತ್ತೂ ಕಾಡುವ ಸಂಕಟವೆಂದರೆ ನಾವು ಸ್ವತಂತ್ರವಾಗಿ ಸಂಪಾದಿಸಿದ ಮೊದಲ ಪುಸ್ತಕ ಅಭಿನಂದಿನಿಗೆ ಕೊನೆಗೂ ಬಿಡುಗಡೆ ಯೋಗವೇ ಬರಲಿಲ್ಲ.

ಮೊದಲ ಪುಸ್ತಕವಾಗಿ ಪ್ರಕಟಗೊಂಡದ್ದು ಒಂದು ಇಂಗ್ಲೀಷ್ ಪುಸ್ತಕ. ಅದೂ, ನಾನು ವೃತ್ತಿನಿರತನಾಗಿ ಬೆಂಗಳೂರಿಗೆ ಬಂದ ಹಲವು ವರ್ಷಗಳಾದ ಮೇಲೆ. ಎಂಎ ನಲ್ಲಿದ್ದಾಗ ಡೆವಲಪ್‍ಮೆಂಟ್ ಆಫ್ ಜರ್ನಲಿಸಂ ಇನ್ ಸೌತ್ ಕೆನರಾ ಎಂಬ ಡಿಸರ್ಟೇಶನ್ ಕಷ್ಟ ಪಟ್ಟು ಮಾಡಿದ್ದೆನು. ಕರಾವಳಿ ಜಿಲ್ಲೆಯಿಡೀ ಮೋಟಾರ್‍ಬೈಕಿನಲ್ಲಿ ಸುತ್ತಾಡಿ ಅನೇಕ ಹಿರಿಯ ಪತ್ರಕರ್ತರನ್ನು ಸಂದರ್ಶನ ಮಾಡಿ, ಪರದಾಡಿಕೊಂಡು ಮಾಹಿತಿ ಸಂಗ್ರಹಿಸಿ ಸಿದ್ಧಪಡಿಸಿದ್ದೆ. ಪರೀಕ್ಷೆಗೆ ಸಲ್ಲಿಕೆಯಾಗಿತ್ತು.

ಪ್ರೊ ಖಾದ್ರಿಯವರಿಂದ ಸುದ್ದಿ ಸಂದೇಶ ಬಂತು. “ನಿನ್ನ ಡಿಸರ್ಟೇಶನ್ ಮೈಸೂರು ವಿವಿ ನೆರವಿನಿಂದ ನಮ್ಮ ವಿಭಾಗದ ಮೊದಲ ಪ್ರಕಟಣೆಯಾಗಿ ಹೊರಬಂದಿದೆ. ಮಾನಸಗಂಗೋತ್ರಿಗೆ ಬಂದು ಒಂದಷ್ಟು ಉಚಿತ ಪ್ರತಿಗಳನ್ನು ಪಡೆದುಕೋ” ಎಂದು-ನಾನು ಕುಣಿದಾಡಿ ಬಿಟ್ಟೆ. ಕಾಸು ಖರ್ಚಿಲ್ಲದೆ ನನ್ನ ಫಸ್ಟ್ ಬುಕ್ ನಾನು ಕನಸು, ಮನಸಿನಲ್ಲಿಯೂ ಊಹಿಸದೆ ಪ್ರಕಟವಾಗಿತ್ತು.

ಅದಾದ ಕೆಲ ಸಮಯದಲ್ಲೇ, ನಾನು ಬೆಂಗಳೂರಿನ ಐ.ಬಿ.ಎಚ್ ಪ್ರಕಾಶನಕ್ಕೆ ಬರೆದುಕೊಟ್ಟಿದ್ದ ದಿವಾನ್ ನ್ಯಾಪತಿ ಮಾಧವರಾವ್ (ಅವರ ಪುತ್ರರು ಎನ್. ಲಕ್ಷ್ಮಣರಾವ್ ಹಾಗು ನರಸಿಂಹರಾವ್ ಕರ್ನಾಟಕ ಸರಕಾರದಲ್ಲಿ ಹಿರಿಯ ಅಧಿಕಾರಿಗಳಾಗಿ ಮಿಂಚಿದವರು. ಅವರಿಬ್ಬರೂ ಈ ಪುಸ್ತಕಕ್ಕೆ ನನಗೆ ಪ್ರೀತಿಯಿಂದ ಮಾಹಿತಿ, ಚಿತ್ರಗಳನ್ನು ಒದಗಿಸಿಕೊಟ್ಟಿದ್ದರು) ಎಂಬ ಕಿರುಪುಸ್ತಕವೂ ಪ್ರಕಾಶನ ಕಂಡಿತು. ಮೊದಲ ಪ್ರಯತ್ನ ಬೆಳಕಿಗೆ ಬರಲಿಲ್ಲವೆಂಬ ನೋವು ಮರೆಯಾಯಿತು. ನೆನಪೂ ಇನ್ನೂ ಕಾಡುತ್ತಿದೆ.

———————-

ಈಶ್ವರ ದೈತೋಟ

IMG-20160410-WA0002ಕರ್ನಾಟಕದ ಅತಿಹೆಚ್ಚು ದಿನಪತ್ರಿಕೆಗಳನ್ನು ಮುನ್ನಡೆಸಿದ ಹಿರಿಮೆ. 1991ರಿಂದ 2011ರವರೆಗಿನ ಎರಡು ದಶಕಗಳಲ್ಲಿ ಅತ್ಯಂತ ಹೆಚ್ಚು ಆವೃತ್ತಿಗಳು ಮತ್ತು ಪ್ರಸಾರದ ವಿಜಯ ಕರ್ನಾಟಕದ ಫೌಂಡರ್ ಚೀಫ್ ಎಡಿಟರ್. ಮಣಿಪಾಲದ ಉದಯವಾಣಿ ರೆಸಿಡೆಂಟ್ ಎಡಿಟರ್, ಟೈಮ್ಸ್ ಆಫ್ ಇಂಡಿಯಾ (ಕ) ಎಡಿಟರ್, ಕನ್ನಡದ ಸೀನಿಯರ್ ಮೋಸ್ಟ್ ದೈನಿಕ ಸಂಯುಕ್ತ ಕರ್ನಾಟಕದ ಚೀಫ್ ಎಡಿಟರ್ ಹಾಗೂ ನೂತನ ವಾರಪತ್ರಿಕೆ ಚೀಫ್ ಎಡಿಟರ್ ಆಗಿ ಹೊಣೆಹೊತ್ತವರು.

ಮುದ್ರಣ ಮಾಧ್ಯಮ, ರೇಡಿಯೋ, ಟೆಲಿವಿಷನ್ನಿನಲ್ಲಿ ಮೂರೂವರೆ ದಶಕಗಳಿಗೂ ಹೆಚ್ಚು ಅನುಭವ. ಪತ್ರಿಕೋದ್ಯಮ ಶಿಕ್ಷಣ, ಅಭ್ಯುದಯ ಪತ್ರಿಕೋದ್ಯಮ ಮತ್ತು ಮೀಡಿಯಾ ಮ್ಯಾನೇಜ್‌ಮೆಂಟ್‌ನಲ್ಲಿಯೂ ಅಪಾರ ಸಾಧನೆ. ಯುಜಿಸಿ ಮತ್ತು ಯೂನಿಸೆಫ್ ತರಬೇತಿ ಯೋಜನೆಗೆ ಡೆವಲಪ್‌ಮೆಂಟ್‌ ಕನ್ಸಲ್ಟೆಂಟ್ ಎಂದು ಮನ್ನಣೆ.

2015ರಲ್ಲಿ ಪ್ರತಿಷ್ಠಿತ ಟಿಎಸ್ಆರ್ ಪತ್ರಿಕೋದ್ಯಮ ಪ್ರಶಸ್ತಿ, ಮೂಡಬಿದ್ರೆಯ ನುಡಿಸಿರಿ ಪ್ರಶಸ್ತಿ, 2008ರಲ್ಲಿ ಅಭ್ಯುದಯ ಪತ್ರಿಕೋದ್ಯಮ ರಾಜ್ಯ ಪ್ರಶಸ್ತಿ, ಮೈಸೂರಿನ ಕುವೆಂಪು ಶಿಕ್ಷಣ ಸಂಸ್ಥೆಯಿಂದ ರಾಜ್ಯದ ಅತ್ಯುತ್ತಮ ಸಂಪಾದಕ ಪ್ರಶಸ್ತಿ (2006). 2008ರಲ್ಲಿ ರಾಷ್ಟ್ರೀಯ ಝಿ ಟಿವಿ ಚಾನೆಲ್‌ನಿಂದ ಕರ್ನಾಟಕದಲ್ಲಿ ಇಲೆಕ್ಟ್ರಾನಿಕ್ ಮೀಡಿಯಂ ಮತ್ತು ಪತ್ರಿಕೋದ್ಯಮಕ್ಕೆ ಅತಿ ದೊಡ್ಡ ಸೇವೆ ಸಲ್ಲಿಸಿದ ಸಂಪಾದಕ ಮತ್ತು ಅತ್ಯಂತ ಜನಪ್ರಿಯ ಮೀಡಿಯಾ ಪರ್ಸನ್ (ವೀಕ್ಷಕರ ಆಯ್ಕೆ) ಎಂಬೆರಡು ಪ್ರಶಸ್ತಿಗಳು. ವಾಯ್ಸ್ ಆಫ್ ಅಮೇರಿಕಾ ಮತ್ತು ಕೆನೆಡಿಯನ್ ರೇಡಿಯೋಗಳಲ್ಲಿ ಅವರ ಕಾರ್ಯಕ್ರಮಗಳು ಪ್ರಸಾರವಾಗಿವೆ. ಹಲವು ಇಂಟರ್‌ನ್ಯಾಷನಲ್ ಜರ್ನಲ್‌ಗಳಿಗೂ ಲೇಖನ ಬರೆದಿದ್ದಾರೆ.

ಅಭ್ಯುದಯ ಪತ್ರಿಕೋದ್ಯಮ ಅವರ ನಿತ್ಯ ಜಪ. ಅಭ್ಯುದಯ ಸಂಬಂಧಿತ ಅನೇಕ ಡಾಕ್ಯುಮೆಂಟರಿಗಳನ್ನು, ರೇಡಿಯೋ ರೂಪಕಗಳನ್ನು ತಯಾರಿಸಿರುವ ಅನುಭವ. ಪತ್ರಿಕೋದ್ಯಮ ಮತ್ತಿತರ ವಿಷಯಗಳ ಬಗ್ಗೆ ಅವರು ಬರೆದಿರುವ, ಅನುವಾದಿಸಿರುವ ಪುಸ್ತಕಗಳ ಸಂಖ್ಯೆ 75ಕ್ಕೂ ಹೆಚ್ಚು.

Share

2 Comments For "ಮೊದಲ ಪುಸ್ತಕದ ತೊಳಲಾಟ
ಈಶ್ವರ ದೈತೋಟ ಕಾಲಂ
"

  1. ವಿಮಲಾ ನಾವಡ
    15th August 2016

    ಚೆನ್ನಾಗಿದೆ

    Reply
  2. Ishwar Daitota
    5th October 2016

    Vandanegalu

    Reply

Leave a comment

Your email address will not be published. Required fields are marked *

Recent Posts More

  • 1 week ago No comment

    ನಮ್ಮ ಕಣ್ಣುಗಳೇಕೆ ಭಾರವಾಗುತ್ತಿವೆ?

          ಕವಿಸಾಲು           ತಿರುಕನ ಕನಸಲ್ಲ ನನ್ನದು ತಿರುಕನಲ್ಲ ಕಣ್ರಿ ನಾನು ನಿಮ್ಮ ಮರುಕ ಗಿರುಕ ಎಲ್ಲಾ ನನಗೆ ಹಿಡಿಸಲ್ಲ ಅವ್ರು ಕೋಟೆ ಕಟ್ಟಿ ನ್ಯಾಯ ನೀತಿಗಳ ತಮ್ಮಲ್ಲೆ ಬಚ್ಚಿಟ್ಟು ಒಳಗೆ ಬೆಚ್ಚಗೆ ಕೂತಿರಬಹುದು ನ್ಯಾಯಕ್ಕೆ ಕನ್ನ ಹಾಕೋ ನಾನು ತಿರುಕ ಹೇಗೆ ಆಗಬೇಕು? ತಿರುಕನದೇನೋ ಕನಸಿತ್ತು ನನ್ನದು ಕೂಡಾ ಕನಸೆಂದು ಆ ಕೋಟೆ ಒಳಗಿರುವವರು ಕನವರಿಸುತ್ತಿರಬಹುದು ಬೂದಿ ಮುಚ್ಚಿದ ...

  • 1 week ago No comment

    ಕೊಂಕಣಿ ಪ್ರತಿಭೆಯನ್ನರಸಿ ಕರ್ನಾಟಕಕ್ಕೆ ಬಂದ ಪ್ರಶಸ್ತಿ

        ಅತಿಥಿ           ಈ ಬಾರಿ ಕರ್ನಾಟಕವು ಎರಡು ಕೇಂದ್ರ ಸಾಹಿತ್ಯ ಅಕಾಡೆಮಿ ಯುವ ಪುರಸ್ಕಾರಗಳನ್ನು ತನ್ನ ಮಡಿಲಿಗೆ ಹಾಕಿಕೊಂಡಿತು ಎಂದರೆ ಅಚ್ಚರಿಯಾಗಬಹುದು. ಆದರೂ ಇದು ಸತ್ಯ. ಪ್ರಮಾದವೇನಾದರೂ ಆಯಿತೇ? ಒಂದೇ ಪುರಸ್ಕಾರವನ್ನು ಇಬ್ಬರಿಗೆ ಹಂಚಿರಬಹುದೇ? ಎಂದೆಲ್ಲ ಯೋಚಿಸಿ ತಲೆ ಕೆರೆದುಕೊಳ್ಳುತ್ತಿದ್ದೀರಾ? ಇಲ್ಲಿದೆ ನೋಡಿ ಉತ್ತರ. ಕನ್ನಡಕ್ಕೆ 2018ರ ಕೇಂದ್ರಸಾಹಿತ್ಯ ಅಕಾಡೆಮಿಯ ಯುವ ಪುರಸ್ಕಾರ ಘೋಷಣೆಯಾದಾಗಲೇ ಕರ್ನಾಟಕದ ಕೊಂಕಣಿ ಕವಯತ್ರಿ ವಿಲ್ಮಾ ...

  • 2 weeks ago No comment

    ಸಾಹಸದ ಆ ನಿಮಿಷಗಳು

            ಮೊದಲ ಬಾರಿಯಾದ್ದರಿಂದ ಕೆಲವೇ ನಿಮಿಷಗಳ ಈ ಜಿಗಿತದ ರೋಚಕತೆ ಒಂದು ತಿಂಗಳ ಕಾಲ ನನ್ನನ್ನು ಆವರಿಸಿದ್ದು ಸುಳ್ಳಲ್ಲ.         ಬ್ಯಾಂಕರುಗಳು, ಅಕೌಂಟೆಂಟುಗಳು ವರ್ಷದ ಮೊದಲಿಂದ ಹಿಡಿದು ಮಾರ್ಚಿ ತಿಂಗಳವರೆಗೆ ಭಾರೀ ಬ್ಯುಸಿಯಾಗುವಂತೆ ಇಂಗ್ಲೆಂಡಿನ ಸರ್ಕಾರೀ ದಂತ ವೈದ್ಯಕೀಯ ರಂಗದಲ್ಲೂ ಧಾವಂತ ಕಾಣಿಸಿಕೊಳ್ಳುತ್ತದೆ. ಸರ್ಕಾರದಿಂದ ಗುತ್ತಿಗೆ ಪಡೆದ ಕೆಲಸವನ್ನು ಮಾರ್ಚಿಯ ಕೊನೆಗೆ ಪೂರ್ತಿಗೊಳಿಸದಿದ್ದರೆ ಮುಂದಿನ ವರ್ಷದ ಕಾಂಟ್ರಾಕ್ಟ್ ನ್ನು ಕಳೆದುಕೊಳ್ಳುವ ...

  • 3 weeks ago No comment

    ಪ್ರಸಾದ್ ಪಟ್ಟಾಂಗ | ಫಿಫಾ ಫಿವರ್

    ಅಂದು ಎಲ್ಲರ ಕಣ್ಣುಗಳೂ ಬೇರೇನನ್ನೋ ದಿಟ್ಟಿಸುತ್ತಿದ್ದವು. ಅದೊಂದು ಸುಂದರ ರೆಸ್ಟೊರೆಂಟ್. ಆವರಣದ ಒಳಗೂ ಹೊರಗೂ ಬಂದವರಿಗೆ ಕುಳಿತುಕೊಳ್ಳಲು ಸಾಕಷ್ಟು ಜಾಗವಿರುವಂಥದ್ದು. ಜೊತೆಗೇ ಒಂದು ಪುಟ್ಟ ಮೈದಾನದಂತಿರುವ ಜಾಗವನ್ನೂ, ಈಜುಕೊಳವನ್ನೂ ಹೊಂದಿರುವ ಸುಸಜ್ಜಿತ ರೆಸ್ಟೊರೆಂಟ್. ನಾನು ಪ್ರತೀ ತಿಂಗಳು ಲುವಾಂಡಾಗೆ ಬಂದಿಳಿದಾಗಲೆಲ್ಲಾ ಇಲ್ಲಿಯ ಸಿಬ್ಬಂದಿಯೇ ನನಗೆ ಅನ್ನದಾತರು. ಹೀಗಾಗಿ ಎಲ್ಲೆಲ್ಲೂ ನನಗೆ ಪರಿಚಿತ ಮುಖಗಳೇ. ಅಂದು ಮಾತ್ರ ಸಿಬ್ಬಂದಿಯೊಬ್ಬ ಗಡಿಬಿಡಿಯಲ್ಲಿ ನನ್ನ ಆರ್ಡರ್ ಬರೆದುಕೊಂಡು ಅಷ್ಟೇ ಅವಸರದಲ್ಲಿ ಖಾದ್ಯಗಳನ್ನು ತಂದಿಟ್ಟು ...

  • 3 weeks ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...


Editor's Wall

  • 11 May 2018
    2 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    3 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    3 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...