Share

ಸ್ವಂತ ಮನೆಯ ಗೋಡೆ
ಸುಧಾ ಶರ್ಮ ಚವತ್ತಿ ಕಾಲಂ

sudhaಕಲರವ | kalarava

 

ಧ್ಯವಯಸ್ಸಿನ ಕಲೆ, ಸಂಗೀತ, ಸಾಹಿತ್ಯ, ಆಧ್ಯಾತ್ಮ ಹೀಗೆ ಹಲವು ವಿಷಯಗಳಲ್ಲಿ ಅಪಾರ ಆಸಕ್ತಿ, ಪ್ರೀತಿ ಇರುವ; ಉತ್ತಮವಾಗಿ ಮಾತನಾಡುವ; ಅಷ್ಟೇ ಸಜ್ಜನರೂ ಆಗಿರುವ ಮಾಧವ ರಾಯರು ಬಾಡಿಗೆಗೆ ಮನೆ ಹುಡುಕುತ್ತಿದ್ದರು. ಈಗ ಬೆಂಗಳೂರಿನಲ್ಲಿ ಬಾಡಿಗೆಗೆ ಯಾರಾದ್ರೂ ಬಂದರೆ ಸಾಕು ಎನ್ನುವಷ್ಟು ಬಾಡಿಗೆ ಮನೆಗಳು ಖಾಲಿ ಇವೆ. ಬ್ಯಾಂಕ್ ಸಾಲ ಪಡೆದು ಮನೆ ಮೇಲೆ ಮನೆ ಕಟ್ಟಿ ಬಾಡಿಗೆಗೆ ಕೊಡುವ ಧಾವಂತದಲ್ಲಿರುವುದರಿಂದ ಎಲ್ಲೆಡೆಗೂ ಈಗ ಮನೆ ಖಾಲಿ ಇದೆ ಎನ್ನುವ ಮಾತು. ಈಗ ಬಾಡಿಗೆಯವರ ಕಾಲ. ಇದು ಒಂಥರಾ ಎಲ್ಲರೂ ಟೊಮೆಟೋ ಬೆಳೆದ ಹಾಗೆ. ಒಬ್ಬರು ಕಟ್ಟಿಸಿದರು ಅಂತಾ ಇನ್ನೊಬ್ಬರು. ಬಾಡಿಗೆ ಮನೆ ಹುಡುಕುವ ಸಂದರ್ಭ ನಿಮಗೆ ಎದುರಾಗದಿದ್ದರೆ ನೀವು ನಿಜಕ್ಕೂ ಅದೃಷ್ಟ ವಂಚಿತರೇ. ಬಾಡಿಗೆ ಮನೆ ಹುಡುಕುತ್ತ ಹೋದಾಗ ಬಾಡಿಗೆ ಕೊಡುವವರ ಲೆಕ್ಕಾಚಾರಕ್ಕೆ ಬೆರಗಾಗುತ್ತೇವೆ. ಇದೊಂದು ಥರಾ ಕಾಗಣ್ಣ ಗುಬ್ಬಣ್ಣನ ಕಥೆ ಇದ್ದ ಹಾಗೆ. ಆ ಕಥೆಯಲ್ಲಿ ಬರುವಂತೆ ಕಲ್ಲಿದ್ದರೆ ನೀರಿಲ್ಲ. ನೀರಿದ್ದರೆ ಕಲ್ಲಿಲ್ಲ ಎನ್ನುವಂತೆ. ಎರಡು ಬೆಡ್ ರೂಂ ಮನೆ ಅಂದರೆ ಲೆಕ್ಕಕ್ಕೆ ಎರಡು ರೂಮಿದ್ದರೆ ಸಾಕು. ಬಳಸುವ ಹಾಗಿದೆಯಾ ಇಲ್ಲವಾ? ಅದು ಅವರಿಗೆ ಸಂಬಂಧಿಸಿಲ್ಲ. ಹೀಗೆ ಮನೆ ಹುಡುಕುವುದು ಒಂದು ವಿಚಿತ್ರ ಅನುಭವ ಆಯಿತು. ಅಬ್ಬಾ ಒಂದಿದ್ದರೆ ಒಂದಿಲ್ಲ. ಯಾವುದೂ ಸರಿ ಬರುತ್ತಿಲ್ಲ. ಎಲ್ಲ ಸರಿ ಇದೆ ಎಂದಾಗ ಮನೆಯ ಮಾಲೀಕರು ಸರಿ ಇಲ್ಲ. ಕೊನೆಗೆ ಏನೋ ಒಂದು ಮನೆ ಸಿಕ್ಕರೆ ಸಾಕು ಅಡ್ಜಸ್ಟ್ ಮಾಡಿಕೊಳ್ಳೋಣ. ಇಷ್ಟಕ್ಕೂ ಇದು ಸ್ವಂತ ಮನೆ ಅಲ್ಲವಲ್ಲಾ. ಸ್ವಂತ ಮನೆಯನ್ನ ನಮಗೆ ಹೇಗೆ ಬೇಕೋ ಹಾಗೆ ಕಟ್ಟಿಕೊಂಡರಾಯಿತು. ಈ ರೀತಿ ಮನೆಯಲ್ಲಿ ಹೆಂಡತಿ ಮಕ್ಕಳಿಗೆ ಹೇಳಿ ಸಮಾಧಾನಿಸುವುದು. ಕನಸನ್ನು ಎದುರಿಗಿಟ್ಟುಕೊಂಡು ಸುಖಿಸುವುದು. ಇವತ್ತಿನ ಕಿರಿಕಿರಿಯನ್ನು ದಾಟುವುದು.

ಮಾಧವರಾಯರ ಮನೆ ಹುಡುಕುವ ಕೆಲಸ ನಡೆದೇ ಇತ್ತು. ಒಂದಿನ ಮಾಧವ ರಾಯರು ಫೋನ್ ಮಾಡಿ “ನಾನು ಬಾಡಿಗೆ ಮನೆ ಬದಲು ಈಗ ಲೀಸ್ ಗೆ ಮನೆ ಹುಡುಕುತ್ತಿದ್ದೇನೆ” ಎಂದರು. ಬಾಡಿಗೆಗೆ ಪ್ರತಿ ತಿಂಗಳು ಕೊಡಬೇಕಲ್ಲಾ, ಕೊಟ್ಟ ಹಣ ಹರಿದು ಹೋಗುವ ನೀರಿನಂತೆ. ಅದಕ್ಕೆ ಭೋಗ್ಯಕ್ಕೆ ಮನೆ ಪಡೆದರೆ ನಾವು ಮನೆ ಬಿಡುವಾಗ ಹಣ ಇರತ್ತಲ್ಲಾ? ಲೆಕ್ಕಾಚಾರ ಚೆನ್ನಾಗಿದೆ ಮಾಧವ ರಾಯರೇ. ಆದರೆ 10 -15 ಲಕ್ಷ ಇಲ್ಲದೇ ಲೀಸ್ ಗಾದರೂ ಮನೆ ಎಲ್ಲಿ ಸಿಗತ್ತೆ? ಓ ಅದಕ್ಕೇನಂತೆ ಸಾಲ ಮಾಡಿದರಾಯಿತು. ನೋಡಿ ಪ್ರತಿ ತಿಂಗಳು ಬಾಡಿಗೆ ಕೊಡುವ ಬದಲು ಸಾಲಕ್ಕೆ ಕಂತು ಅಂತಾ ಕಟ್ಟತೀನಿ ಅಂದರು. ಅಬ್ಬಾ ಏನ್ ಸರ್ ನಿಮ್ಮ ಐಡಿಯಾ ಅಂತಾ ಮೆಚ್ಚಿದ್ದೂ ಆಯಿತು ಈಗ ಅವರು ಲೀಸ್ ಗೆ ಮನೆ ಹುಡುಕಿದ್ದೂ ಆಯಿತು. ಆದರೂ ಲೀಸ್ ಗೆ ಮನೆ ಕೊಡುವವರ ಸಂಖ್ಯೆ ಕಡಿಮೆಯೇ. ಸರಿಯಾದ ಮನೆ ಆಗಲೂ ಸಿಗಲಿಲ್ಲ. ಮಾಧವ ರಾಯರು ಮತ್ತೊಂದು ಐಡಿಯಾ ಇಟ್ಟುಕೊಂಡು ಮನೆಗೆ ಬಂದರು. ನಾನು ಮನೆ ಹುಡುಕಿ ಸೋತುಹೋದೆ. ಯಾಕೆ ಸ್ವಂತಕ್ಕೆ ಒಂದು ಅಪಾರ್ಟಮೆಂಟ್‍ ತಗೋಬಾರದು ಅಂತಿದೀನಿ ಅಂದರು. ಬಹಳ ಒಳ್ಳೆಯದು ಸರ್. ಖಂಡಿತ ಅಪಾರ್ಟಮೆಂಟ್ ತಗೋಳಿ ಆದರೆ ಅಷ್ಟೆಲ್ಲ ದುಡ್ಡು. ಏನಿಲ್ಲ ಲೀಸ್ ಗೆ ಕೊಡೋಕೆ ಸಾಲ ಮಾಡತೀನಲ್ಲ ಸ್ವಲ್ಪ ಜಾಸ್ತಿ ಮಾಡಿದರಾಯಿತು. ಅವರು ಅಪಾರ್ಟಮೆಂಟ್ ಕೊಂಡ ಹಾಗೆ ನಾವೆಲ್ಲ ಅದರ ಗೃಹಪ್ರವೇಶಕ್ಕೆ ಓಡಾಡಿದಂತೆ, ಗೃಹಪ್ರವೇಶಕ್ಕೆ ಯಾರ್ಯಾರನ್ನು ಕರೆಯಬೇಕೆಂದು ಪಟ್ಟಿಮಾಡೊದು ಬಾಕಿ ಉಳಿದಿತ್ತು! ಸರಿ ಊರ ತುಂಬ ಸ್ನೇಹಿತರನ್ನು ಹೊಂದಿದ್ದ, ಸಮಾಜದಲ್ಲಿ ಸ್ವಲ್ಪ ಜನಪ್ರಿಯರೂ ಆಗಿದ್ದ ಮಾಧವ ರಾಯರಿಗೆ ಅಪಾರ್ಟಮೆಂಟ್ ಹುಡುಕುವುದಕ್ಕೆ ಹಲವರಿದ್ದರು. ಒಬ್ಬ ಡೆವಲಪರ್ ಸ್ನೇಹಿತನೂ ಇದ್ದ. ಅವನು ಒಂದು ಅಪಾರ್ಟಮೆಂಟ್ ತೋರಿಸಿ ನಿಮಗಾಗಿರೋದಕ್ಕೆ 50 ಲಕ್ಷಕ್ಕೇ ಮಾಡಿಕೊಡ್ತೀನಿ ಬೇರೆಯವರಿಗೆ 60 ಲಕ್ಷಕ್ಕಿಂತ ಕಡಿಮೆ ಇಲ್ಲ ಅಂದ. ಆಸ್ಪತ್ರೆಗಳಲ್ಲಿ ವೈದ್ಯರು ಕೆಲವೊಮ್ಮೆ ಹಾಗೆ ಹೇಳುತ್ತಾರೆ. ನನ್ನದೇನೂ ನಾನು ತಗೋಳ್ತಾ ಇಲ್ಲ. ಆದರೆ ಉಳಿದದ್ದು ಆಸ್ಪತ್ರೆಯವರ ವೆಚ್ಚ ನೋಡಿ ಎಂದು 200 ರೂಪಾಯಿ ಬಿಡುತ್ತೇವೆ. ಅಷ್ಟೊಂದು ಹಣ ಸಾಲ ಮಾಡುವುದಕ್ಕೆ, ಅದರಲ್ಲೂ ಈ ಮಧ್ಯ ವಯಸ್ಸಿನಲ್ಲಿ ಸಾಲವನ್ನು ಹೆಗಲಿಗೇರಿಸಿಕೊಳ್ಳುವುದಕ್ಕೆ ಮಾಧವರಾಯರು ಮುಂದಾಗಲಿಲ್ಲ. ಮನೆ ಹುಡುಕುತ್ತಲೇ ಹೇಳುತ್ತಿದ್ದಾರೆ “ಏನೇ ಆಗಲಿ ಇನ್ನು ಮುಂದಿನ ಸಾರಿ ಹೋಗುವುದು ಸ್ವಂತ ಮನೆಗೇ ಎಂದು ಮನಸಿನಲ್ಲಿ ನಿರ್ಧರಿಸಿಬಿಟ್ಟಿದೀನಿ”.

ನಾವೆಲ್ಲರೂ ಮಾಧವ ರಾಯರೇ! ಮಧ್ಯ ವಯಸ್ಸಿನಲ್ಲಿ ಬಾಡಿಗೆಗೆ ಮನೆ ಹುಡುಕುವುದು, ಮನೆ ಮಾಲೀಕರ ಎದುರು ಅವರು ಹೇಳುವ ಕಂಡೀಷನ್‍ಗೆ ತಲೆ ದೂಗುವುದು ಇವೆಲ್ಲವೂ ಹಿಂಸೆಯೆ. ಯಾಕೆ ಹೀಗಾಗತ್ತೆ? ಮಾತಿನಲ್ಲಿ ಮನೆ ಕಟ್ಟುತ್ತೇವೆ. ತುಂಬ ಸೊಗಸಾಗಿ ಸಮಸ್ಯೆಯನ್ನು, ವಿಶ್ಲೇಷಿಸುತ್ತೇವೆ. ಪರಿಹಾರ ಸೂಚಿಸುತ್ತೇವೆ. ಆದರೆ ಕಾರ್ಯರೂಪಕ್ಕೆ ಇಳಿಸುವ ಇಚ್ಛಾಶಕ್ತಿ ನಮಗಿಲ್ಲ. ಎಲ್ಲರ ಮನೆಯ ಕಥೆಯೂ ಇದೇ. ಮನೆ ಹುಡುಕುವಾಗ ಹೆಂಡತಿ ಗೊಣಗುತ್ತಾಳೆ. ಮಕ್ಕಳು ದೊಡ್ಡವರಾಗಿದ್ದರೆ ಮಕ್ಕಳೂ ಹೇಳುತ್ತಾರೆ.

“ನೋಡಿ ಯಾರ್ಯಾರೋ ಸ್ವಂತ ಮನೆ ಕಟ್ಟಿಸಿಕೊಂಡ್ರು ನೀವು ಮಾತ್ರ ಇನ್ನೂ ಹಾಗೆ ಇದ್ದೀರಿ. ಅಕ್ಕ ಪಕ್ಕದವರನ್ನಾ, ನೆಂಟರನ್ನಾ ಚಿಕ್ಕ ಪುಟ್ಟ ಹುಡುಗರ ಸಾಧನೆಗಳನ್ನಾ ಎತ್ತಿ ಎತ್ತಿ ಹೇಳಿ ಹಂಗಿಸಿದಾಗ ಭೂಮಿ ಬಾಯಿ ಬಿಡಬಾರದೆ ಅನ್ನಿಸಿದ್ದು ಸುಳ್ಳಲ್ಲ. ಮಾಧವ ರಾಯರು ದಡ್ಡರಲ್ಲ. ಕೆಲಸವೂ ಇಲ್ಲದವರಲ್ಲ. ಅವಕಾಶ ವಂಚಿತರೂ ಅಲ್ಲ. ಹತ್ತು ವರ್ಷಗಳ ಹಿಂದೆ ಕೇವಲ 1 ಲಕ್ಷಕ್ಕೆ ಸೈಟ್ ಸಿಕ್ತಿತ್ತು ಆಗ ತಗೋ ಬೇಕಿತ್ತು, ಇಲ್ಲಿ ಮನೆ ಕೇವಲ 3 ಲಕ್ಷಕ್ಕೇ ಇತ್ತು ಕೇಳಿದ್ರು ಆದರೆ ನಾನು ಆಗ ತಗೊಳ್ಲಿಲ್ಲ. ದುಡ್ಡು ಇತ್ತು, ಅದರೆ ನಮ್ಮ ಹಣೆಯಲ್ಲಿ ಬರೆಯಲಿಲ್ಲ ನೋಡಿ. ಇಂತಹ ಮಾತುಗಳು ಕ್ಲೀಷೆ ಆಗಿದೆ. ತಪ್ಪು ನಮ್ಮದೇ. ನಮಗೆ ಖಚಿತ ಗುರಿ ಇಲ್ಲ. ಸರಿಯಾದ ಯೋಜನೆ ಯೋಚನೆಗಳಿಲ್ಲ. ಮುಂದಿನ ದಿನಗಳ ಅಗತ್ಯವನ್ನು ಅರಿತು ವರ್ತಿಸುವ ಅತ್ಯಂತ ಸಾಮಾನ್ಯ ಜೀವನದ ತಿಳುವಳಿಕೆಯೂ ಇಲ್ಲ. ಧೈರ್ಯದಿಂದ ಮುನ್ನುಗ್ಗುವುದನ್ನು ಕಲಿತಿದ್ದರೂ ಹೀಗಾಗುತ್ತಿರಲಿಲ್ಲ. ಗೆಲ್ಲುವ ಹುರುಪು ಉಮೇದಿ ಮತ್ತು ವಿಶ್ವಾಸ ಇರಲಿಲ್ಲ. ನಾನು ಎಲ್ಲಿಗೆ ಹೋಗಬೇಕೆಂದು ನನಗೆ ಗೊತ್ತಿರದಿದ್ದರೆ ಸಿಕ್ಕಬಸ್ ಹತ್ತುತ್ತೇನೆ. ಕರೆದುಕೊಂಡು ಹೋದಲ್ಲಿಗೆ ಹೋಗಿ ಇಳಿಯುತ್ತೇನೆ. ಇಳಿದ ನಂತರ ಇಲ್ಲಿ ಬಂದೆನಾ ಎನ್ನುತ್ತೇವೆ. ಬಹಳಷ್ಟು ಸಂದರ್ಭದಲ್ಲಿ ಆಗುವುದೇ ಹೀಗೆ. ನಮ್ಮ ಆಲೋಚನೆಯಲ್ಲಿ, ನಮಗೇನು ಬೇಕೆಂಬುದರ ಖಚಿತತೆಯೇ ಮುನ್ನಡೆಸುವ ಮಾರ್ಗದರ್ಶಿಯೂ ಹೌದು. ಅದಿಲ್ಲದಿದ್ದರೆ ಹುಡುಕಿದ್ದೇ ಹುಡುಕುತ್ತೇವೆ. ನಿಂತಲ್ಲೇ ನಿಲ್ಲುತ್ತೇವೆ. ಬ್ರೋಕರ್ ತೋರಿದ ಬಾಡಿಗೆ ಮನೆಯ ಚೆಂದಕ್ಕೆ ಬೆರಗಾಗುವಂತೆ, ಅವನು ಹೊಗಳಿದ್ದನ್ನೇ ನಾವೂ ಹೌದೆನ್ನುತ್ತ ಇರುತ್ತೇವೆ. ನಮ್ಮ ನೆನಪುಗಳ, ಖುಷಿಗಳ ಫೋಟೋಗಳನ್ನು ನೇತುಬಿಡಲು ಸ್ವಂತ ಮನೆಯ ಗೋಡೆಗಳಿಗಾಗಿ ಕಾಯುತ್ತೇವೆ. ಧೂಳು ಹಿಡಿದ ಇಂತಹ ಚಿತ್ರಗಳನ್ನು ಪ್ರತಿ ಸಾರಿ ಮನೆ ಬದಲಿಸುವಾಗಲೂ ಒರೆಸುತ್ತೇವೆ.

ಮಧ್ಯ ವಯಸ್ಸಿನಲ್ಲಿ ಬಾಡಿಗೆ ಮನೆ ಹುಡುಕೋದು. ಮಕ್ಕಳ ಓದಿಗೆ ಹಣ ಹೊಂದಿಸೋದು, ಈಗ ಹೇಗಾದರೂ ಮಾಡಿ ಹಣ ಸಂಪಾದಿಸಲೇ ಬೇಕೆನ್ನುವುದು, ಜೀವನವನ್ನು ದುಡಿಯುವ ಅನಿವಾರ್ಯತೆಗೆ ಕಟ್ಟಿಹಾಕಿಕೊಳ್ಳುವುದು ಇವೆಲ್ಲವೂ ಮಧ್ಯಮವರ್ಗದ ಮಾಮೂಲು. ಪದೇ ಪದೇ ಬೇಸರಿಸುತ್ತ ಹೇಳುತ್ತೇವೆ ಟ್ರೇನ್ ಹೋದ ಮೇಲೆ ಟಿಕೇಟ್ ತಗೊಂಡೆ ಅಂತಾ. ಆದರೀಗ ಹಾಗೆ ಹೇಳುವ ಕಾಲವಲ್ಲ. ಅಯ್ಯೋ ಅದೀಗ ಬದಲಾಗಿದೆ. ಮೆಟ್ರೋ ಬಂದ ನಂತರ ಟೋಕನ್ ತಗೊಂಡುಬಿಡಿ ಬೇಕಾದ ಟ್ರೇನ್ ಹತ್ತಿದರಾಯಿತು. ತಪ್ಪಿ ಹೋದ ಟ್ರೇನ್ಗೆ ಪರಿತಪಿಸುವ ಬದಲು ನೆಮ್ಮದಿಯಿಂದ ಕುಳಿತುಕೊಳ್ಳುವ ಟ್ರೇನ್ ಹತ್ತುವುದಕ್ಕೆ ನಿಂತರಾಯಿತು.

—————-

ಸುಧಾ ಶರ್ಮಾ ಚವತ್ತಿ

286637_218799308166417_3412973_o[1]“ಒದ್ದೆ ಕಣ್ಣುಗಳ ಪ್ರೀತಿ” ಕವನ ಸಂಕಲನದ ಮೂಲಕ ಭರವಸೆ ಹುಟ್ಟಿಸಿದ ಸುಧಾ ಶರ್ಮಾ ಚವತ್ತಿ ಮುದ್ರಣ ಮತ್ತು ದೃಶ್ಯ ಮಾಧ್ಯಮಗಳೆರಡರಲ್ಲೂ ಪರಿಣಿತರು. ಪತ್ರಿಕೆಗಳಲ್ಲಿ ಲೇಖನ, ಅಂಕಣಗಳ ಮೂಲಕ ಪರಿಚಿತರು. “ಆವಿಯಾಗಿದೆ ಮಾತು” (ಮಲ್ಲಿಗೆ), “ಷೇರೆಂಬ ಮಾಯಾಂಗನೆ” ( ವಿಜಯ ಕರ್ನಾಟಕ ), “ಪ್ರಾಫಿಟ್ ಪ್ಲಸ್” (ವಿಜಯವಾಣಿ) ಪ್ರಕಟಿತ ಅಂಕಣಗಳು. ಕಿರುತೆರೆ ಕಾರ್ಯರ್ಕಮಗಳ ನಿರ್ದೇಶನ, ನಿರ್ಮಾಣ, ನಿರೂಪಣೆಯ ಅನುಭವ. ಈಗ ಸಾಕ್ಷ್ಯಚಿತ್ರ ನಿರ್ಮಾಣದಲ್ಲಿ ಹೆಚ್ಚಾಗಿ ತೊಡಗಿಕೊಂಡಿದ್ದಾರೆ. ಹಲವಾರು ಸಂಘ ಸಂಸ್ಥೆಗಳಲ್ಲಿ ಸಕ್ರಿಯವಾಗಿರುವ ಇವರು ಉತ್ತಮ ವಾಗ್ಮಿ. ಸಮೂಹ ಮಾತುಗಾರಿಕೆಯೂ ಇವರ ಉತ್ಕಟ ಪ್ರೀತಿಗಳಲ್ಲಿ ಒಂದು.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಅಜ್ಜಿಗೇನು ಬೇಕು ಅಂತ ಅಜ್ಜಂಗೇನು ಗೊತ್ತು!

            ಕಥನ         ಅಜ್ಜ ಪೆನ್ಷನ್ ತರೋದಕ್ಕೆ ಅಂತ ಪೇಟೆಗೆ ಹೋಗಿದ್ದ. ಅಷ್ಟರಲ್ಲಿ ಮನೆ ಬಾಗಿಲಲ್ಲಿ ಕಾರು ಬಂದು ನಿಂತಿತು. ಕಾರಲ್ಲಿ ಅಜ್ಜಿಯ ಮಗ, ಸೊಸೆ ಮತ್ತೆ ಆರು ವರ್ಷದ ಮೊಮ್ಮಗ ಬಂದಿದ್ರು. ಅಜ್ಜಿಗೆ ಖುಷಿ ತಡೆಯಕ್ಕಾಗದೇ ಅಡಿಗೆ ಮನೆ ಸಂದಿ ಮೂಲೇನೆಲ್ಲಾ ಹುಡುಕಿದ್ಲು. ದಡಾ ಬಡಾ ಸದ್ದು ಮಾಡಿದ್ಲು, ಸರಾಪರಾ ಸದ್ದು ಮಾಡಿದ್ಲು. ಅಡುಗೆ ಮನೆಯಿಂದ ಕೊತಾಕೊತಾ ಸದ್ದು ...

  • 3 days ago No comment

    ವಸಂತದ ನೆನಪು; ಮಾಗುವ ಹುರುಪು!

      ಜಗತ್ತಿನ ಬಗ್ಗೆ ತಿಳಿಯುತ್ತ ಸಾಗಿ, ನಮಗೆ ಈ ಜಗತ್ತು ಹೀಗೆ ನಡೆಯುತ್ತಿದೆ ಅಂತ ಅರಿತುಕೊಳ್ಳುವವರೆಗಿನದು ಮಧ್ಯವಯಸ್ಸಿನ ಕಾಲ. ನಾವು ಅಲ್ಲಿಯವರೆಗೆ, ಕಲಿತದ್ದು, ಕೇಳಿದ್ದು, ನಮಗೆ ತಿಳಿದಿದ್ದು ಎಲ್ಲವೂ ಬದಲಾಗುವ ವೇಳೆಗೆ ನಮಗೆ ವಯಸ್ಸಾಗಿಬಿಟ್ಟಿರುತ್ತದೆ. ಕಾಲದಲ್ಲಿ ಹೊಸ ಚಿಗುರು ಟಿಸಿಲೊಡೆದಿರುತ್ತದೆ.     ಕುಣಿದಾಡುವಷ್ಟು ಚೈತನ್ಯವಿರುವ ಯೌವನಕ್ಕೂ, ಕುಂದಿದ ಶಕ್ತಿಯ ಇಳಿಗಾಲದ ವೃದ್ಧಾಪ್ಯಕ್ಕೂ ನಡುವೆ ಬರುವುದು ಮಧ್ಯವಯಸ್ಸು! ಹುಟ್ಟು, ಬದುಕು ,ಸಾವು ಎಲ್ಲರಿಗೂ ಬರುತ್ತದೆ. ಬದುಕನ್ನು ಹಲವರು ಸಾಧನೆಗಳ ...

  • 3 days ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಬಂಗಾರದ ಹೊಳಪು, ಬೇಗುದಿಯ ನೆನಪು…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 1 week ago No comment

    ಪ್ರಸಾದ್ ನಾಯ್ಕ್ ಪಟ್ಟಾಂಗ | ನನಗೂ ಒಬ್ಬ ಗೆಳೆಯ ಬೇಕು…

    ಆ ಘಟನೆಯನ್ನು ನೆನಪಿಸಿಕೊಂಡಾಗಲೆಲ್ಲಾ ಈಗಲೂ ನಗು ಉಕ್ಕುಕ್ಕಿ ಬರುತ್ತದೆ. ಅಂದು ವಿಚಿತ್ರ ಘಟನೆಯೊಂದು ನಡೆದಿತ್ತು. ಅವು ನನ್ನ ಕಾಲೇಜಿನ ದಿನಗಳು. ಮಂಗಳೂರಿನ ಶಾಪಿಂಗ್ ಮಾಲ್ ಒಂದಕ್ಕೆ ಮಧ್ಯಾಹ್ನದ ಊಟಕ್ಕೆಂದು ಬಂದಿದ್ದ ನಾನು ಫುಡ್ ಕೋರ್ಟಿನಲ್ಲಿ ಸುಮ್ಮನೆ ಅಡ್ಡಾಡುತ್ತಿದ್ದೆ. ಎತ್ತ ಹೋಗಬೇಕೆಂದು ತಿಳಿಯದೆ ಸುಮ್ಮನೆ ಒಂದು ಕೌಂಟರಿನತ್ತ ನಡೆದು ಬೇಕಿದ್ದದ್ದನ್ನು ಆರ್ಡರ್ ಮಾಡಿದೆ. ಕೆಲಸವಿಲ್ಲದೆ ನೊಣ ಹೊಡೆಯುತ್ತಿದ್ದ ಆ ಹೆಂಗಸಿಗೆ ನನ್ನ ಆಗಮನವು ಅಂಥಾ ಉತ್ಸಾಹವೇನೂ ತರಲಿಲ್ಲವಾದರೂ ನಾನು ಹೇಳಿದ್ದನ್ನೆಲ್ಲಾ ...

  • 1 week ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಭಕ್ತಿಯ ಉಬ್ಬರ… ವ್ಯಾಪಾರದ ಸಡಗರ…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...


Editor's Wall

  • 11 May 2018
    1 month ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    1 month ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    2 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    2 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...