Share

ನಿರ್ಧಾರ ಆಗಿದೆ, ಬದುಕಲು ಬಿಡಿ!
ಎಂ ಆರ್ ಭಗವತಿ ಕಾಲಂ

https://i1.wp.com/connectkannada.com/wp-content/uploads/2016/05/bhagvati1.jpg?w=658&ssl=1“ಮದುವೆ ಮನೆಯಲ್ಲಿ ನನ್ನನ್ನು ಮುಂದಿನ ಸಾಲಿನಲ್ಲಿ ಕುಳಿತು ಕೊಳ್ಳೋಕೆ ಬಿಡಲ್ಲ. ಅಕಸ್ಮಾತ್ ಕೂತರೆ ಕರೆದು ಹಿಂದೆ ಕೂರಿಸುತ್ತಾರೆ. ಹತ್ತಿರದ ಸೋದರ ಸಂಬಂಧಿಗಳು ನನ್ನನ್ನು ತುಸು ದೂರವೇ ಇಟ್ಟಿದ್ದಾರೆ. ತಮ್ಮನ ಹೆಂಡತಿ ಮನೆಯಲ್ಲಿ ಇದೊಂದು ಜೀವ ಇದೆ ಎನ್ನುವುದನ್ನು ಮರೆತಂತೆ ವರ್ತಿಸುತ್ತಾಳೆ.”  ನಗುಮೊಗದ ಹುಡುಗಿ ಹೇಳುತ್ತಿದ್ದಳು. ಒಂದಷ್ಟು ನೋವುಗಳ ಸಾಲಿನ ಪಟ್ಟಿ. ನನಗೆ ತುಂಬಾ ಕೆಡುಕೆನಿಸಿತು. ಅವಳು ಮಾಡಿದ ಘೋರ ಅಪರಾಧ ಇಷ್ಟೇ. ಮದುವೆಯಾದ ಮೇಲೆ ಗಂಡನ ಹಿಂಸೆ, ಆತನ ಮನೆಯವರ, ಮಾವನ ಕೆಟ್ಟ ದೃಷ್ಟಿ ಯನ್ನು ತಡೆಯಲಾರದೆ ಆತನಿಗೆ ಡೈವೋರ್ಸ್ ನೀಡಿ ತವರು ಮನೆಗೆ ವಾಪಾಸ್ ಆಗಿದ್ದಾಳೆ.  ಇವಳು ದುರದೃಷ್ಟದ ಹುಡುಗಿ ಎಂದು ಹಣೆಪಟ್ಟಿ ಕಟ್ಟಿ ಆಗಿದೆ.

ಇದು ನಡೆದು ಎಷ್ಟೋ ವರ್ಷಗಳಾಗಿವೆ. ಮರೆತು ಹೋದ ನಗುವನ್ನು ಇದೀಗ ಪಡೆದುಕೊಳ್ಳುತ್ತಿರುವ ಇವಳಿಗೆ ನೀನು ಇಂಥವಳು ಎಂದು ನೆನಪಿಸುತ್ತಲೇ ಇದ್ದಾರೆ ಸುತ್ತಮುತ್ತಲಿನವರು. ಅದೃಷ್ಟಕ್ಕೆ ಹೆತ್ತವರು, ಮನೆಯವರು ಆಕೆಗೆ ಬೆಂಗಾವಲಾಗಿದ್ದಾರೆ. ಮಗಳು ತುಸು ಚೆನ್ನಾಗಿ ಅಲಂಕಾರ ಮಾಡಿಕೊಂಡರೆ, ಹೊರಗೆ ಯಾವುದೋ ಕೆಲಸದ ಮೇಲೆ ಹೋದರೂ, ತಡವಾಗಿ ಬಂದರೆ-ನೋಡುವ ಜನ ಏನೆಂದುಕೊಳ್ಳುವರೋ ಎನ್ನುವುದು ಅಪ್ಪನ ಚಿಂತೆ. ಇದು ಈಕೆಯ ಕಷ್ಟ. ನೇರವಂತಿಕೆಯ, ಕಷ್ಟಪಟ್ಟು ಕೆಲಸ ಮಾಡುವ, ಎಲ್ಲವನ್ನೂ ಪ್ರೀತಿಯ ತೆಕ್ಕೆಗೆ ತೆಗೆದುಕೊಳ್ಳುವ ಹಾರ್ದಿಕ ಮನಸ್ಸಿನ ಹುಡುಗಿ ಇವಳು. ಗಂಡನನ್ನು ಬಿಟ್ಟದ್ದು ಅವಳ ವೈಯಕ್ತಿಕ ಆಯ್ಕೆ. ಅವಳ  ನೋವು, ಸಂಕಟ, ಆಕೆ ಆ ದಿನಗಳಲ್ಲಿ ಪಟ್ಟ ಆಳವಾದ ನೋವು ಇವುಗಳ ಹಿನ್ನೆಲೆ ಅರಿಯದೆ ಒಂದು ಚೌಕಟ್ಟಿನಲ್ಲಿ ಬಂಧಿಯಾಗಿಸಿ, ಅದೇ ಹಿನ್ನೆಲೆಯಲ್ಲಿ ಆಕೆಯನ್ನು ನೋಡುವ  ಸಣ್ಣ ಮನಸ್ಸುಗಳ ಜನರ ಬಗ್ಗೆ ನನಗೆ ಅಯ್ಯೋ ಅನಿಸುತ್ತಿದೆ. ಆಕೆ ಮದುವೆಯಾಗಿ ಹೋದ ಮನೆಯಲ್ಲಿ ನೋವಿನಲ್ಲಿ ಬೆಂದದ್ದು, ರಾತ್ರಿಗಳನ್ನು ಕಣ್ಣೀರಿನಲ್ಲಿ ಕಳೆದದ್ದು, ಖಿನ್ನತೆಯಲ್ಲಿ ದಿನಗಳನ್ನು ದೂಡಿದ್ದು, ಮಾವನ ಕೆಟ್ಟ ದೃಷ್ಟಿಯಲ್ಲಿ ಕಂಗಾಲಾದದ್ದು..ಬಿಕ್ಕಿದ್ದು..ಎಲ್ಲವನ್ನೂ ಆಡಿಕೊಳ್ಳುವ,  ಚುಚ್ಚುವ ಜನಕ್ಕೆ ಇವೆಲ್ಲ ಸಂಗತಿಗಳನ್ನು ಅರಿಯುವ ತಾಕತ್ತು ಇದೆಯೆ?

ಇವಳಂಥ ಉಳಿದವರೂ ಹಲವಾರು ರೀತಿಯ ವಿಚಿತ್ರ ಸನ್ನಿವೇಶಗಳನ್ನು ಎದುರಿಸುತ್ತಾರೋ. ಅಂಥ ಹುಡುಗಿಯರು ಸ್ವಲ್ಪ ಅಲಂಕರಿಸಿ ಹೊರಟರೆ ಹುಬ್ಬುಗಳು ಮೇಲೇರುತ್ತವೆ. ಅಂದರೆ, ತಮ್ಮ ಸ್ಥಿತಿಗೆ ಗೊಳೋ ಅನ್ನುತ್ತ ಸದಾ ಸಪ್ಪೆ ಮುಖ ಹಾಕಿಕೊಂಡು ಇರಲಿ ಇನ್ನುವ ಧೋರಣೆಯೋ ಗೊತ್ತಿಲ್ಲ. ಇಂಥವರು ಕೂತರೂ ತಪ್ಪು, ನಿಂತರೂ ತಪ್ಪು. ಮತ್ತು ಅಂಥವರು ತಪ್ಪು ಮಾಡುವುದನ್ನೇ ಕಾದುಕುಳಿತಂತೆ ವರ್ತಿಸುವ ಜನ. ತಪ್ಪು ನಡೆದರೆ ಆಕೆ ಗಂಡನ ಬಿಟ್ಟದ್ದಕ್ಕೂ, ಅವಳ ತಪ್ಪಿಗೂ ತಾಳೆ ಹಾಕಿ ಸಹಜವಾದ ತಪ್ಪನ್ನು ತಮಗೆ ಬೇಕಾದಂತೆ ಬಳಸಿಕೊಳ್ಳುವುದು ಒಂದು ದುರಭ್ಯಾಸ. ನೋವು ನುಂಗಿ ಧೈರ್ಯವಾಗಿ ಎದುರಿಸುವವರು ಒಂದಡೆಯಾದರೆ, ತಾನು ಹೀಗೆ ಮಾಡಬಾರದಿತ್ತು ಎಂದು ತಪ್ಪಿತಸ್ಥ  ಭಾವನೆಯಿಂದ ನರಳಿ ಖಿನ್ನತೆಗೆ ಒಳಗಾದ ಉದಾಹರಣೆಗಳು ಸಾಕಷ್ಟಿವೆ. ಅಂಥವರಲ್ಲಿ ಆ ಭಾವನೆ ಬರದಿದ್ದರೂ ಅದನ್ನು ಎತ್ತಿ ಆಡಿ, ಆ ಭಾವನೆ ಬರುವಂತೆ ವರ್ತಿಸಿ ಇನ್ನಷ್ಟು ದುಃಖದ ಆಳಕ್ಕೆ ತಳ್ಳಿ ಆಳ ನೋಡುವವರು ಹಲವರು. ಎಷ್ಟೇ ವಿದ್ಯಾವಂತರಾದರೂ ಅವರು ನಡೆದುಕೊಳ್ಳುವ ರೀತಿ ಹಾಸ್ಯಾಸ್ಪದ. ವಿದ್ಯಾಭ್ಯಾಸಕ್ಕೂ ವೈಚಾರಿಕತೆಗೂ ಸಂಬಂಧವಿಲ್ಲವಲ್ಲ. ಅದು ವ್ಯಕ್ತಿಯ ಸಂಸ್ಕಾರವನ್ನವಲಂಬಿಸಿರುತ್ತದೆ.

ಅದೇ ಡೈವೋರ್ಸ್ ಪಡೆದ ಗಂಡಿಗೆ ಅಂಥ ಒತ್ತಡ ಇಲ್ಲ (ಇದು ಎಲ್ಲ ಗಂಡುಗಳ ವಿಷಯದಲ್ಲಿ ಒಂದೇ ಅಲ್ಲ). ಅಂಥವರಿಗೆ ಮರು ಮದುವೆ ಮಾಡುವ ಔದಾರ್ಯ ತೋರುವವರೇ ಹೆಚ್ಚು ಜನ. ಆರ್ಥಿಕವಾಗಿ ಶ್ರೀಮಂತ ಜನರ ನಡುವೆ ಈ ಸಮಸ್ಯೆ ಹೆಚ್ಚು ಕಾಡುವುದಿಲ್ಲವಾ, ಗೊತ್ತಿಲ್ಲ. ಅಥವಾ ವೈಯಕ್ತಿಕ ಸಾಧನೆಗಳ ಮೇಲೆ ಒಬ್ಬ ವ್ಯಕ್ತಿಯ ಬಗೆಗಿನ ಇಂಥ ಧೋರಣೆಗಳು ಬದಲಾಗುತ್ತವೆಯೇ? ಒಟ್ಟಿನಲ್ಲಿ ನಮ್ಮ ನಿರೀಕ್ಷೆಗೆ ತಕ್ಕಂತೆ ಇತರರ ಬದುಕು ಇರಬೇಕು. ಹೆಚ್ಚು ಕಮ್ಮಿ ಅದರೆ ತಮ್ಮ ಜೀವನಕ್ಕೇ ಧಕ್ಕೆಯಾದಂತೆ ವರ್ತಿಸುವ ಜನ, ಆಡಿಕೊಳ್ಳುವುದನ್ನು ಬಿಟ್ಟು, ಸಮಸ್ಯೆಗೆ ಸಿಕ್ಕವರ ನೋವಿಗೆ ದನಿಯಾಗಲಿ.

ಇದು ತಪ್ಪು-ಸರಿಯ ಪ್ರಶ್ನೆ ಅಲ್ಲ. ಅದು ಅವರವರ ನಿರ್ಧಾರ. ಹೌದು. ಸರಿಪಡಿಸಿಕೊಂಡು ಹೋಗಬಹುದಿತ್ತು, ಇದು ಆಗಬಾರದು. ನಿಜ, ಆದರೆ ನಿರ್ಧಾರ ಆಗಿದೆ. ಅವರವರ ಸಂಕಟ, ದುಮ್ಮಾನ ಅವರವರದು. ಅದರಿಂದ ಹೊರಬಂದು ಹೊಸ ಜೀವನವನ್ನು ಧೈರ್ಯವಾಗಿ ಎದುರಿಸುವ ಮನಸ್ಸು ಮಾಡಿದ ಜೀವಗಳನ್ನು ಎಡಬಿಡದೆ ಕಾಡುತ್ತಾ ಹೋದರೆ ಹೇಗೆ. ಒಂದು ಸಂಬಂಧದಿಂದ ಹೊರನಡೆದವರು ಅವರವರ ನಿರ್ಧಾರ ತೆಗೆದುಕೊಳ್ಳಲಿ. ಅಂತಹವರೆಲ್ಲರೂ ಕೆಟ್ಟವರು, ಕೆಲಸಕ್ಕೆ ಬಾರದವರೆಂದು ದೂರ ಇಟ್ಟರೆ ಎಷ್ಟೊಂದು ಜೀವಗಳು ಅನವಶ್ಯಕ ಹೃದಯದ ಮೂಲೆಯಲ್ಲೊಂದು ನೋವಿನ ಒರತೆ ಇಟ್ಟುಕೊಂಡು ಬದುಕಬೇಕು? ನೇರವಾಗಿ ನಮ್ಮ ಜೀವನಕ್ಕೆ ಯಾವುದೇ ಹಾನಿ ಇಲ್ಲದಿದ್ದರೆ ಒಂದು ವೈಯಕ್ತಿಕ ನಿರ್ಧಾರ ಆಗಿಹೋದ ಮೇಲೆ ಇನ್ನೊಬ್ಬರ ಬದುಕಿನ ನಿರ್ಧಾರಕ್ಕೆ ನೋವಿನ ಘಳಿಗೆಗಳನ್ನು ದಯಪಾಲಿಸುವುದು ಎಷ್ಟು ಸೂಕ್ತ ? ಇಂಥ ಸಾಂಪ್ರದಾಯಿಕ ಮನಸ್ಸುಗಳ ಸಣ್ಣತನಕ್ಕೆ ಅದೆಷ್ಟು ಮನಸ್ಸುಗಳು ನೋಯುತ್ತಲೆ ಇರಬೇಕು?

———-

ಎಂ ಆರ್ ಭಗವತಿ

bhagavathi1 ಹುಟ್ಟಿದ್ದು ಚಿಕ್ಕಮಗಳೂರಿನಲ್ಲಿ. ಹವ್ಯಾಸಿ ಬರಹಗಾರ್ತಿ. ಬೆಂಗಳೂರು ವಿಶ್ವವಿದ್ಯಾನಿಲಯದಿಂದ ಆಂಗ್ಲ ಸಾಹಿತ್ಯದಲ್ಲಿ ಎಂಎ ಪದವಿ.. ಮೂಲ ಆಸಕ್ತಿ ಬರವಣಿಗೆಯಾದರೂ, ಮೊದಲಿನಿಂದಲೂ ಛಾಯಾಗ್ರಹಣ ಬಹಳ ಇಷ್ಟವಾದ ಹವ್ಯಾಸ. ‘ಏಕಾಂತದ ಮಳೆ’ (೧೯೯೯) ಮತ್ತು ‘ಚಂಚಲ ನಕ್ಷತ್ರಗಳು’ (೨೦೦೫) ಪ್ರಕಟಿತ ಪುಸ್ತಕಗಳು.

Share

4 Comments For "ನಿರ್ಧಾರ ಆಗಿದೆ, ಬದುಕಲು ಬಿಡಿ!
ಎಂ ಆರ್ ಭಗವತಿ ಕಾಲಂ
"

  1. ಎಮ್.ಜಿ.ಚಂದ್ರಶೇಖರಯ್ಯ
    27th September 2016

    ಇಂತಹ ಪ್ರಸಂಗಗಳು ನಮ್ಮ ಸಮಾಜ ಸಹ್ಯವಾದ ಬದುಕನ್ನು ಕಂಡು ಕೊಳ್ಳಲು ಎಷ್ಟು ದೂರ ಸಾಗಬೇಕಾಗಿದೆ ಎಂಬುದನ್ನು ತೋರುವುದು. ಸಮಾಜ ಹಿಂದಿನ ಕಾಲಕ್ಕೆ ಹೋಲಿಸಿದರೆ ಆರ್ಥಿಕವಾಗಿ, ಶೈಕ್ಷಣಿಕವಾಗಿ ಅಭಿವೃದ್ಧಿ ಹೊಂದಿದೆ, ಆದರೆ ಸಾಮಾಜಿಕವಾಗಿ ವಿಕಾಸಗೊಳ್ಳಬೇಕಾದ್ದು ತುಂಬಾ ಇದೆ.well said ,congratulations

    Reply
  2. vinay
    27th September 2016

    Good. I appreciate the style of your writing…

    Reply
  3. ವಿಮಲಾ ನಾವಡ
    28th September 2016

    ಕಾಲ ತುಂಬಾ ಬದಲಾಗಿದೆ,ನೀವು ಬರೆದಂತೆ ನಮ್ಮಲ್ಲಿ ಯಂತೂ ಇಲ್ಲವೆನಿಸುತ್ತೆ.ಸ್ವ ಇಚ್ಛೆಯಿಂದ ಗಂಡನನ್ನು ಬಿಟ್ಟು ಬಂದು ಚೆನ್ನಾಗಿ ಬದುಕು ಯ್ ತಿರುವು ರನ್ನು ನಾನು ಬಲ್ಲೆ.

    Reply
    • ಭಗವತಿ
      28th September 2016

      ಕಾಲ ಬದಲಾಗಿದೆ ನಿಜ. ಮೇಲೆ ಹೇಳಿದ್ದು ಒಂದು ಉದಾಹರಣೆ ಅಷ್ಟೇ. ಇದು ತೀರಾ ಇತ್ತೀಚಿನ ಸಂಗತಿ. ಚೆನ್ನಾಗಿ ಬದುಕುತ್ತಿರುವವರೂ ಇದ್ದಾರೆ, ನರಳುತಿರುವವರೂ ಇನ್ನೂ ಇದ್ದಾರೆ. ಕಾಲ ಬದಲಾದರೂ ಮಾನಸಿಕ ಸ್ಥಿತಿ ಬದಲಾಗಿಲ್ಲವಲ್ಲ?

      Reply

Leave a comment

Your email address will not be published. Required fields are marked *

Recent Posts More

  • 1 week ago No comment

    ಕವಿಸಾಲು | ಇಂಡೋನೇಶಿಯಾ

        ಕವಿಸಾಲು         ಕಿಚ್ಚೆದ್ದು ಕುಣಿವ ನೀರು ಬಿರುಗಾಳಿ ತುಂಬಿದ ಒಡಲು ಎತ್ತೊಯ್ದು ಬಿಸಾಡಿ ಇಳೆಗೆ ಎದೆಯಿಳಿಸಿದೆ ಕಡಲು ನಡುಗಿಬಿಟ್ಟಳೆ ವಸುಂಧರೆ ಶತಕೋಟಿ ಬಿರುಕು ಬಿಟ್ಟು ಸುನಾಮಿಯ ಕೋಪಕ್ಕೆ ವಿಕಾರವಾಗಿ ಬೊಬ್ಬಿರಿದು ಊಳಿಟ್ಟು ಜೀವ ಜಲ, ಉಸಿರ ಗಾಳಿ ಹುಚ್ಚೆದ್ದು ಕುಣಿದು ಅಪ್ಪಳಿಸಿದ ಆಘಾತಕ್ಕೆ ಕಂಗೆಟ್ಟು ತತ್ತರಿಸಿವೆ ಪ್ರಾಣಿ, ಮನುಜ ಕುಲ ಮಾಡು ಹಾರಿ, ಕಂಬಗಳು ಕುಸಿದು ನೆಲಕಚ್ಚಿವೆ ಮಾನವನ ಬೀಡು ಕತ್ತರಿಸಿ ...

  • 1 week ago No comment

    ಕವಿಸಾಲು | ತಡವಿಲ್ಲದಿರಲಿ ಇನ್ನು…

        ಕವಿಸಾಲು         ದಾಳಿಗಳಿಗೆ ಮುಕ್ಕಾದ ಮಂದಿರವಿದು ಕುಸಿದು ಕುಳಿತ ದ್ವಾರಪಾಲಕರು ಎತ್ತರದ ಗೋಡೆಗಳ, ಎಚ್ಚರಿಕೆಯ ಗಂಟೆಗಳು ಕೂಡ ಮೌನವಿಂದು ಮನ ನಿರ್ಮಿಸಿದ ಹೆಬ್ಬಾಗಿಲುಗಳು ಒಲವ ಸಿರಿಗೆ ಚೇತರಿಸಿ ತೆರೆದ ಗಳಿಗೆ ಎತ್ತರದ ಹೊಸ್ತಿಲುಗಳ ತಡೆಯ ದಾಟಿ ತಲುಪಬೇಕಿದೆಯಷ್ಟೆ ಬಯಕೆ ಗುರಿಯನ್ನು ದಟ್ಟ ಹಸಿರಿನ ಕಾಡು, ಆಗಸದ ನೀಲಿ ಬಿಳಿಯ ಮೋಡಗಳ, ಬಿಸಿಲ ಬೆಳಕಿನ ನಡುವೆ ಬಯಲ ಸ್ವೇಚ್ಛೆಯ, ತಿಳಿಗಾಳಿ ತವಕದಲಿ ಬಂಧನಗಳ ...

  • 3 weeks ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 month ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 month ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...


Editor's Wall

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    2 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    2 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    2 months ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    2 months ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...