Share

ಗಾಸಿಪ್, ಗಾಸಿಪ್!
ಈಶ್ವರ ದೈತೋಟ ಕಾಲಂ

https://i2.wp.com/connectkannada.com/wp-content/uploads/2016/04/IMG-20160412-WA0006.jpg?w=658&ssl=1

ಬ್ಬ ಅನಾಮಿಕ ಸಮಾಜ ವಿಜ್ಞಾನಿ ಹಲವು ಶತಮಾನಗಳ ಹಿಂದೆಯೇ ನುಡಿದಿದ್ದ ಒಂದು ಭವಿಷ್ಯ ಹೀಗಿದೆ.

“ದಿ ಮೋಸ್ಟ್ ಸೀರಿಯಸ್ ಕಾಸ್ ಆಫ್ ಎಯಿಲ್‍ಮೆಂಟ್ ದ್ಯಾಟ್ ವಿ ಮೇ ಫೇಸ್ ಇನ್ ದಿ ಟ್ವೆಂಟಿಫಸ್ಟ್ ಸೆಂಚುರಿ ಈಸ್ ಇನ್‍ಕ್ರೀಸಿಂಗ್ ಹ್ಯೂಮನ್ ಐಸೊಲೇಶನ್ ಡಿಸ್‍ಪೈಟ್ ಆಲ್ ಕಮ್ಯುನಿಕೇಶನ್ ಟೆಕ್ನಾಲಜೀಸ್.”

“21 ನೆ ಶತಮಾನದಲ್ಲಿ ನಾವು ಎದುರಿಸಬೇಕಾಗಬಹುದಾದ ಅತಿ ಗಂಭೀರ ರೋಗಮೂಲವೆಂದರೆ ಲಭ್ಯವಿರುವ ಎಲ್ಲ ಸಂವಹನ ತಂತ್ರಜ್ಞಾನ ಹೊರತಾಗಿಯೂ ಪೀಡಿಸುವ ಮಾನವ ಏಕಾಂಗಿತನ.”

ತಂತ್ರಜ್ಞಾನದಿಂದ ಅನುಕೂಲ ಇದೆ, ಮಜಾ ಎಷ್ಟೇ ಬರಬಹುದು. ಆದರೂ ಆತಂಕವೆಂದರೆ – “ತಂತ್ರಜ್ಞಾನದ ಅತೀ ಅವಲಂಬಿಕೆಯಿಂದ ಮಾನವ ಕುಟುಂಬ ಜೀವನ ಚಿಂದಿ ಚಿತ್ರಾನ್ನವಾಗುತ್ತಿದೆಯಂತೆ.”

4ಮನುಷ್ಯ ಮಾತು ಕಲಿತಾಗ ದೊಡ್ಡ ಸಾಧನೆಯೆಂದೇ ಪರಿಗಣಿತವಾಗಿತ್ತು. ಅಕ್ಷರ,ಪದ, ಬರವಣಿಗೆ, ಓದುವಿಕೆ, ಪತ್ರಿಕೆಯಿಂದ ಅಂತರ್ಜಾಲದವರೆಗೆ ಒಂದೊಂದೇ ಹೊಸ ಸಂವಹನದ ಅವತರಣಿಕೆಯಾಯಿತು. ಇವತ್ತು ಸುದ್ದಿ, ಮಾಹಿತಿ, ವಿಚಾರ, ವಿಷಯಗಳೆಲ್ಲ ಹರಿದು ಬರುವ ಮಾಧ್ಯಮಗಳು ಅಥವಾ ವಾಹಕಗಳು- ಕೈಮುಷ್ಟಿಯೊಳಗೆ ಅಡಗಿಸಿಡಬಹುದಾದ ಸ್ಮಾರ್ಟ್ ಫೋನನ್ನು ಆಧರಿಸುತ್ತಿವೆ. ಡಿಜಿಟಲ್ ಜಗತ್ತಿನಲ್ಲಿ ಪದ ಸಂದೇಶ, ಸೋಶಿಯಲ್ ನೆಟ್‍ವರ್ಕಿಂಗ್ ಹಾಗೂ ಆನ್‍ಲೈನ್ ವಿಡಿಯೋಗಳು ನಾವು ಜಗತ್ತನ್ನು ನೋಡುವ ದೃಷ್ಟಿಕೋನವನ್ನೇ ಅಡಿಮೇಲಾಗಿಸುತ್ತಿವೆ.

ಕೆಲ ವರ್ಷಗಳ ಹಿಂದೆ ಟೋಕಿಯೋದಲ್ಲಿ ಮಾಹಿತಿ ತಂತ್ರಜ್ಞಾನದಲ್ಲಿ ದೀರ್ಘಕಾಲಿಕ ವಿಶೇಷ ತರಬೇತಿಯಿಂದ ಅರ್ಧದಲ್ಲಿ ವಾಪಾಸು ಬಂದಿದ್ದ ಬೆಂಗಳೂರು ತರುಣನೊಬ್ಬ ಅಲ್ಲಿಗೆ ಮರಳಿ ಹೋಗಲ್ಲವೆಂದು ಅಳುಮುಂಜಿಯಾಗಿದ್ದ. ಆತ ನೀಡಿದ ಕಾರಣ ಹೀಗಿತ್ತು.

“ಅಲ್ಲಿ ಕಛೇರಿಯಲ್ಲಿ ಬರೀ ಕೆಲಸ, ಕೆಲಸ ಮತ್ತು ಕೆಲಸ. ಅಷ್ಟು ಜನರಿದ್ದರೂ ಮಾತನಾಡಲು ಯಾರೂ ಸಿಗಲ್ಲ. ರಸ್ತೆ, ಮಾಲ್‍ಗಳಲ್ಲಿರುವವರೂ ಮೊಬೈಲ್‍ನಲ್ಲಿ ಬ್ಯುಸಿಯೇ ವಿನಃ, ಅಕ್ಕಪಕ್ಕದ ಜನರ್ಯಾರು, ಅವರಿಗೇನು ತೊಂದರೆ ಎಂದು ತಿಳಿಯಲು ತಾಳ್ಮೆ ಇಲ್ಲದವರು. ಪ್ರಶ್ನೆ ಕೇಳಿದರೆ ಐ ಡೊಂಟ್ ನೋ ಎಂದು ಸಿಂಡರಿಸಿದ ಉತ್ತರ ಬರುತ್ತದೆ.”

ಅನೇಕ ವರ್ಷಗಳ ಹಿಂದೆ ಅಮೆರಿಕಾ ಮತ್ತು ಆಸ್ಟ್ರೇಲಿಯಾಗಳ ಕುಟುಂಬಗಳ ಮನೆಯಲ್ಲಿ ನೊಟೀಸ್ ಬೋರ್ಡುಗಳನ್ನು ನಾನು ಕಂಡಿದ್ದ ನೆನಪಿದೆ. ಅದರಲ್ಲಿ ಮನೆಯ ಸದಸ್ಯರುಗಳ ಪರಸ್ಪರ ಕಮ್ಯುನಿಕೇಶನ್ ಪ್ರದರ್ಶನವಾಗುತ್ತಲಿತ್ತು. ಮುಖ್ಯವಾಗಿ ಸಂಸಾರ ನಿರ್ವಹಣೆಯ ಹೊಣೆಗಾರಿಕೆಯ ಚಾರ್ಟು, ರಿಮೈಂಡರ್, ಸಿಟ್ಟು ಸಿಡುಕು, ಬುದ್ಧಿವಾದಗಳನ್ನು ಬರೆದೋ, ಇಲ್ಲವೇ ಕೈನಲ್ಲಿ ಚಿತ್ರ ಬಿಡಿಸಿಯೋ ತಗಲಿ ಹಾಕಿರುತ್ತಿದ್ದರು. ನಮ್ಮ ಮಕ್ಕಳೊಂದಿಗೆ ನಮ್ಮ ಸಂಪರ್ಕಕ್ಕೆ ಇದೊಂದೇ ದಾರಿ ಎಂದು ಅಪ್ಪಮ್ಮಂದಿರು ನನ್ನ ಜೊತೆ ಕಷ್ಟಸುಖ ಹಂಚಿಕೊಳ್ಳುತ್ತಾ ಹೇಳಿದ್ದರು.

1ಕುಟುಂಬದೊಳಗಣ ಸಂಪರ್ಕ ಸಂವಹನಗಳೆಲ್ಲ ಈಗ ಇಂಟರ್‍ನೆಟ್, ಫೇಸ್ ಬುಕ್, ಟ್ಟಿಟರ್ ಮುಖಾಂತರ ಅಕ್ಷರ, ಶ್ರವ್ಯ, ದೃಶ್ಯಗಳ ಹಿನ್ನೆಲೆ ಸಂಗೀತದೊಂದಿಗೆ ನಡೆಯುತ್ತದೆ. ಎಳೆಮಕ್ಕಳು ತಾವೆಲ್ಲಿದ್ದೇವೆ, ರಾತ್ರೆ ಮನೆಗೆ ಬರುತ್ತೇವೆಯೇ, ಇಲ್ಲವೇ ಎಂಬಿತ್ಯಾದಿ ಮಾಹಿತಿಗಳನ್ನು ಅಂತರ್ಜಾಲದ ಮುಖಾಂತರ ರವಾನಿಸುತ್ತಾರೆ. ಮೊಮ್ಮಗ ಹುಟ್ಟಿದ್ದು, ಅವನೋ,ಅವಳೋ ಯಾರನ್ನು ಹೋಲುತ್ತಾರೆ ಎಂಬಿತ್ಯಾದಿ ಫ್ಯಾಮಿಲಿ ಮಾಹಿತಿಗಳೆಲ್ಲದರ ಮುಖತಃ ಸಂವಹನವಿಲ್ಲ, ಡಿಜಿಟಲ್ ರವಾನೆ. ಅಮ್ಮನೂ, ಅಪ್ಪನೂ ನೆಟ್ ಸ್ಯಾವಿಯಾಗಿರಬೇಕು, ಫೇಸ್‍ಬುಕ್ ಸದಸ್ಯತನವಿರಬೇಕು, ಇಲ್ಲವಾದರೆ ಸಮಾಚಾರವೇ ತಿಳಿಯದಾಗುತ್ತದೆ.

ಪರಿಣಿತರೆಲ್ಲ ಆಗ “ಈ ಮೇಲ್ ಅವಾಂತರದಿಂದ ಮಕ್ಕಳು ನಡತೆ, ಸಭ್ಯತೆ, ಚುರುಕುತನದಲ್ಲಿ ಹಿಂದೆ ಬೀಳುತ್ತಿದ್ದಾರೆ” ಎಂದು ಹೇಳುತ್ತಿದ್ದರು. ಈಗ ದೊಡ್ಡವರೂ ಇದುವೇ ಬ್ಯಾಡ್ ಬಿಹೇವಿಯರ್ ಕಲಿಯುತ್ತಿದ್ದಾರೆ. ಪೇರೆಂಟ್ಸ್, ಟೀಚರ್ಸ್, ಸ್ಟೂಡೆಂಟ್ಸ್ ಒಟ್ಟು ಗ್ಯಾದರಿಂಗ್‍ಗಳಲ್ಲಿ ಹೆಚ್ಚಿನವರೂ ಮೊಬೈಲಿನಲ್ಲಿ ಬರೀಡ್ ಆಗಿರುವುದು ಸಾಮಾನ್ಯವಂತೆ. ತಡರಾತ್ರೆಯವರೆಗೆ ಟ್ವಿಟರ್, ಸ್ಕೈಪ್‍ಗಳಲ್ಲಿ ಮಗ್ನರಾಗಿರುವ ಮಗ, ಮಗಳು ಮರುದಿನ ಗುರುಗುರು ಎನ್ನುವುದು, ತಾಳ್ಮೆಯಿಲ್ಲದೆ ವರ್ತಿಸುವುದು ಹೆತ್ತವರ ಅನುಭವ ಆಗುತ್ತಿದೆಯಂತೆ.

ಅಲ್ಲೀಗ ಇದುವೇ ರೀತಿ ವಯರ್‍ಲೆಸ್ ಟೆಕ್ನಾಲಜಿ ಪ್ರಭಾವ ಮುಂದುವರಿದರೆ ಅದರಿಂದ ನಮ್ಮ “ಎಬಿಲಿಟಿ ಟು ಲಿವ್ ಇನ್ ದಿ ಪ್ರೆಸೆಂಟ್” ಡೈಲ್ಯೂಟ್ ಆಗಿಬಿಟ್ಟೀತು ಎಂಬ ಚಿಂತೆ ಶಿಕ್ಷಣತಜ್ಞರನ್ನು ಕಾಡುತ್ತಿದೆ. ಕುಟುಂಬವೆಂಬ ವಸ್ತ್ರದ ಹಾಸುಹೊಕ್ಕು ಸಡಿಲವಾಗುವುದು ಮಾತ್ರವಲ್ಲ, ಸಮುದಾಯ ಎಂಬುದು ನಾವು ನಡೆಸಿಕೊಂಡು ಬಂದ ರೀತಿಯಲ್ಲಿ ಇನ್ನು ಮುಂದೆ ಉಳಿಯಲಾರದೇನೋ ಎಂಬ ಅನುಮಾನವೂ ಮೂಡತೊಡಗಿದೆ.

ಅಲ್ಲೀಗ ಹೆತ್ತವರು, ಪೋಷಕರು ತಮ್ಮ ಮಕ್ಕಳು ಫೇಸ್ ಬುಕ್ ಅಲ್ಲ: ಫೇಸ್ ಟು ಫೇಸ್ ಸಂಬಂಧಗಳನ್ನು ವೃದ್ಧಿಸಿಕೊಳ್ಳಲು ವಿಶೇಷ ಉತ್ತೇಜನ ಕೊಡುತ್ತಿದ್ದಾರೆ, ಶ್ರಮವಹಿಸತೊಡಗಿದ್ದಾರೆ. ಕಣ್ಣು-ಕಣ್ಣು ನೋಟ, ಸಿಟ್ಟು, ಸಿಡುಕುಗಳನ್ನು, ಸುಖ ದುಃಖವನ್ನು ಎದುರು ಬದುರು ಕೂತು ವ್ಯವಹರಿಸಿಕೊಳ್ಳಲು ತಿಳಿಹೇಳುತ್ತಿದ್ದಾರಂತೆ.

5“ಸಮಯ ಸಿಕ್ಕಿದಾಗಲೆಲ್ಲ ಹರಟೆಗಿಳಿಯುವುದು ಮಾನವ ಸ್ವಭಾವ. ಅರಳಿಕಟ್ಟೆಗಳು, ಚಾ-ಕಾಫಿ ಕ್ಲಬ್ಬುಗಳು, ಪಬ್ಬುಗಳು, ಖಾನಾವಳಿಗಳು ಸೃಷ್ಟಿಯಾದುದೇ ಅದಕ್ಕಾಗಿ. ಪಟ್ಟಾಂಗ ಮನುಷ್ಯನಿಗೆ ಅಂಟಿಕೊಂಡೇ ಬಂದಿದೆ” ಎಂದು ಸಮಾಜ ವಿಜ್ಞಾನಿಗಳು ಈಗ ಅರಿತುಕೊಳ್ಳುತ್ತಿದ್ದಾರೆ.

ಈ ಸಂಸ್ಕೃತಿಯನ್ನು ಕಾಡು ಹರಟೆ, ವೇಸ್ಟಿಂಗ್ ಟೈಮ್ ಇನ್ ಗಾಸಿಪ್ ಎಂದು ವ್ಯಾಖ್ಯಾನಿಸಿದರೆ ತಪ್ಪಾದೀತು. ಹರಟೆಯಿಂದ ದೊಡ್ಡ ಸಮುದಾಯಗಳಲ್ಲೊಂದು ನಿಕಟ ಬಾಂಧವ್ಯ ಬೆಳೆಯುತ್ತದೆಂದು ಮನೋವಿಜ್ಞಾನಿಗಳು ಗುರುತಿಸಿದ್ದಾರೆ. ಮನುಷ್ಯ ಮಿದುಳಿನಲ್ಲಿ ಕ್ರಿಯಾಶೀಲ ಚಟುವಟಿಕೆಗಳು ನಡೆಯಲು ಉತ್ತೇಜಿಸುವುದೇ ಇಂತಹ ಮುಖಾಮುಖಿಗಳಿಂದ ಎಂದೂ ಕರಾರುವಾಕ್ ಹೇಳಲ್ಪಟ್ಟಿದೆ. ಬದುಕಿನ ಕಷ್ಟಸುಖಗಳ ಖುಷಿ ಮತ್ತು ಒತ್ತಡದಿಂದ ಸುಪ್ತ ಮನಸಿನಲ್ಲಾಗುವ ಯೋಚನಾ ಸರಣಿ ಹೇಗೆ ಮುಖ್ಯವೋ, ಹಾಗೆಯೇ, ಮಿದುಳಿನ ಕ್ರಿಯಾಶೀಲತೆಗೆ ಹರಟೆಯೂ ಬೇಕು; ಸಮುದಾಯದೊಳಗಣ ಸಂವಹನವೂ ಅನಿವಾರ್ಯವಂತೆ.

ಇಂತಹ ಮಾತುಕತೆಗಳಲ್ಲಿ ಕಳೆಯುವ ಸಮಯಕ್ಕೂ, ಮನುಷ್ಯನ ಮಿದುಳಿನ ಚಿಂತನಾ ವಿಭಾಗದ ಗಾತ್ರಕ್ಕೂ ಸಂಬಂಧವಿದೆ. ಸಮಾಜದಲ್ಲಿ ಗುಂಪಾಗಿ ಜೀವಿಸಲು ಬೇಕಾದ ಸಂಕೀರ್ಣ ಕ್ರಿಯೆಯಿಂದ ಉಂಟಾದ ಪರಿಸರವೇ ಹ್ಯೂಮನ್ ಬ್ರೈನ್‍ನ್ನು ಇತರ ಪ್ರಾಣಿಗಳಿಗಿಂತ ದೊಡ್ಡದಾಗಿಸಿತು ಎಂದು ಎವಲೂಶನ್ ಥಿಯರಿ ಸ್ಥಿರೀಕರಿಸಿದೆ.

ಹರಟೆಯಿಂದ ನಾವ್ಯಾರು, ನಾವೆಲ್ಲಿದ್ದೇವೆ ಎಂಬ ಸೋಶಿಯಲ್ ಸ್ಟೇಟಸ್ ಇಟ್ಟುಕೊಳ್ಳಲು ಹಾಗೂ ಇತರರ ಮರ್ಯಾದೆ-ಸ್ಥಾನಗಳೆಲ್ಲ ಏನೇನು ಎಂದು ಅರಿಯಲು ಕೂಡಾ ಸಹಾಯವಾಗುತ್ತದೆ. ಹರಟೆ ಒಂದು ರೀತಿಯ ಕಂಪೇರಿಟಿವ್ ಸಟೀಸ್‍ಫಾಕ್ಷನ್ ಕೊಡುತ್ತದೆ.

ನಮ್ ತಾತನತಾತನತಾತನ…. ಪೂರ್ವಜರೆಂದು ಗುರುತಿಸಲ್ಪಡುವ ಕೋತಿ, ವಾನರ, ಕಪಿ, ಮಂಗಗಳ ಜನಾಂಗದಲ್ಲಿ ಹರಟೆ ಹೊಡೆಯುವ ಪ್ರವೃತ್ತಿ ಇದೆಯಂತೆ. ಅವುಗಳು ಗುಂಪುಸೇರಿ ಕಿರಿಗುಟ್ಟುವುದಕ್ಕೆ, ಹೇನು ಶೋಧಿಸುವ ಕೆಲಸಕ್ಕೆ ಕಾಲವ್ಯಯ ಮಾಡುವುದೇ ಮಂಕಿ ಗಾಸಿಪ್‍ಗಾಗಿ ಎಂದು ಬಹಳ ಹಿಂದೆಯೇ ಸಂಶೋಧನೆಯಾಗಿತ್ತು.

ಛೇ ನಮ್ಮ ಪೂರ್ವಜರಷ್ಟು ಬುದ್ಧಿಯೂ ನಮಗಿಲ್ಲವಲ್ಲ!

———————-

ಈಶ್ವರ ದೈತೋಟ

1ಕರ್ನಾಟಕದ ಅತಿಹೆಚ್ಚು ದಿನಪತ್ರಿಕೆಗಳನ್ನು ಮುನ್ನಡೆಸಿದ ಹಿರಿಮೆ. 1991ರಿಂದ 2011ರವರೆಗಿನ ಎರಡು ದಶಕಗಳಲ್ಲಿ ಅತ್ಯಂತ ಹೆಚ್ಚು ಆವೃತ್ತಿಗಳು ಮತ್ತು ಪ್ರಸಾರದ ವಿಜಯ ಕರ್ನಾಟಕದ ಫೌಂಡರ್ ಚೀಫ್ ಎಡಿಟರ್. ಮಣಿಪಾಲದ ಉದಯವಾಣಿ ರೆಸಿಡೆಂಟ್ ಎಡಿಟರ್, ಟೈಮ್ಸ್ ಆಫ್ ಇಂಡಿಯಾ (ಕ) ಎಡಿಟರ್, ಕನ್ನಡದ ಸೀನಿಯರ್ ಮೋಸ್ಟ್ ದೈನಿಕ ಸಂಯುಕ್ತ ಕರ್ನಾಟಕದ ಚೀಫ್ ಎಡಿಟರ್ ಹಾಗೂ ನೂತನ ವಾರಪತ್ರಿಕೆ ಚೀಫ್ ಎಡಿಟರ್ ಆಗಿ ಹೊಣೆಹೊತ್ತವರು.

ಮುದ್ರಣ ಮಾಧ್ಯಮ, ರೇಡಿಯೋ, ಟೆಲಿವಿಷನ್ನಿನಲ್ಲಿ ಮೂರೂವರೆ ದಶಕಗಳಿಗೂ ಹೆಚ್ಚು ಅನುಭವ. ಪತ್ರಿಕೋದ್ಯಮ ಶಿಕ್ಷಣ, ಅಭ್ಯುದಯ ಪತ್ರಿಕೋದ್ಯಮ ಮತ್ತು ಮೀಡಿಯಾ ಮ್ಯಾನೇಜ್‌ಮೆಂಟ್‌ನಲ್ಲಿಯೂ ಅಪಾರ ಸಾಧನೆ. ಯುಜಿಸಿ ಮತ್ತು ಯೂನಿಸೆಫ್ ತರಬೇತಿ ಯೋಜನೆಗೆ ಡೆವಲಪ್‌ಮೆಂಟ್‌ ಕನ್ಸಲ್ಟೆಂಟ್ ಎಂದು ಮನ್ನಣೆ.

2015ರಲ್ಲಿ ಪ್ರತಿಷ್ಠಿತ ಟಿಎಸ್ಆರ್ ಪತ್ರಿಕೋದ್ಯಮ ಪ್ರಶಸ್ತಿ, ಮೂಡಬಿದ್ರೆಯ ನುಡಿಸಿರಿ ಪ್ರಶಸ್ತಿ, 2008ರಲ್ಲಿ ಅಭ್ಯುದಯ ಪತ್ರಿಕೋದ್ಯಮ ರಾಜ್ಯ ಪ್ರಶಸ್ತಿ, ಮೈಸೂರಿನ ಕುವೆಂಪು ಶಿಕ್ಷಣ ಸಂಸ್ಥೆಯಿಂದ ರಾಜ್ಯದ ಅತ್ಯುತ್ತಮ ಸಂಪಾದಕ ಪ್ರಶಸ್ತಿ (2006). 2008ರಲ್ಲಿ ರಾಷ್ಟ್ರೀಯ ಝಿ ಟಿವಿ ಚಾನೆಲ್‌ನಿಂದ ಕರ್ನಾಟಕದಲ್ಲಿ ಇಲೆಕ್ಟ್ರಾನಿಕ್ ಮೀಡಿಯಂ ಮತ್ತು ಪತ್ರಿಕೋದ್ಯಮಕ್ಕೆ ಅತಿ ದೊಡ್ಡ ಸೇವೆ ಸಲ್ಲಿಸಿದ ಸಂಪಾದಕ ಮತ್ತು ಅತ್ಯಂತ ಜನಪ್ರಿಯ ಮೀಡಿಯಾ ಪರ್ಸನ್ (ವೀಕ್ಷಕರ ಆಯ್ಕೆ) ಎಂಬೆರಡು ಪ್ರಶಸ್ತಿಗಳು. ವಾಯ್ಸ್ ಆಫ್ ಅಮೇರಿಕಾ ಮತ್ತು ಕೆನೆಡಿಯನ್ ರೇಡಿಯೋಗಳಲ್ಲಿ ಅವರ ಕಾರ್ಯಕ್ರಮಗಳು ಪ್ರಸಾರವಾಗಿವೆ. ಹಲವು ಇಂಟರ್‌ನ್ಯಾಷನಲ್ ಜರ್ನಲ್‌ಗಳಿಗೂ ಲೇಖನ ಬರೆದಿದ್ದಾರೆ.

ಅಭ್ಯುದಯ ಪತ್ರಿಕೋದ್ಯಮ ಅವರ ನಿತ್ಯ ಜಪ. ಅಭ್ಯುದಯ ಸಂಬಂಧಿತ ಅನೇಕ ಡಾಕ್ಯುಮೆಂಟರಿಗಳನ್ನು, ರೇಡಿಯೋ ರೂಪಕಗಳನ್ನು ತಯಾರಿಸಿರುವ ಅನುಭವ. ಪತ್ರಿಕೋದ್ಯಮ ಮತ್ತಿತರ ವಿಷಯಗಳ ಬಗ್ಗೆ ಅವರು ಬರೆದಿರುವ, ಅನುವಾದಿಸಿರುವ ಪುಸ್ತಕಗಳ ಸಂಖ್ಯೆ 75ಕ್ಕೂ ಹೆಚ್ಚು.

Share

11 Comments For "ಗಾಸಿಪ್, ಗಾಸಿಪ್!
ಈಶ್ವರ ದೈತೋಟ ಕಾಲಂ
"

  1. ವಿಮಲಾ ನಾವಡ
    29th September 2016

    ನಿಜವಾಗಿಯೂ ಚೆನ್ನಾಗಿಯೇ ಇದೆ.

    Reply
    • Ishwar Daitota
      30th September 2016

      thank you for ur feedback

      Reply
      • Ishwar Daitota
        30th September 2016

        thank you for ur feedback

        Reply
  2. Yogish
    30th September 2016

    An excellent article Daitota Sir..@Readers don’t miss !!

    Reply
    • Manjula Hall. K
      30th September 2016

      Lekhana tumba sundaravagide, nijavagalu egina piligegalige bhavanegale illaveno yendu anisuttade, adre egina piligeyavaru tamma bhavanegalannu muchhittukondu badukuttare, namma piligeyavarige bhavanegalalliye baduki abyasa

      Reply
  3. 30th September 2016

    ನಿಜವಾಗಿಯೂ ಚೆನ್ನಾಗಿಯೇ ಇದೆ.

    Reply
    • Ishwar Daitota
      2nd October 2016

      vandanegalu nimma abhipraayakke

      Reply
  4. veena
    1st October 2016

    Sir, meaningful article…happy to read …

    Reply
    • Ishwar Daitota
      2nd October 2016

      Thank you Veena Madam

      Reply
  5. Sai nagaraj
    3rd October 2016

    Good sir

    Reply
  6. ಬಸವರಾಜ. ಬೂದಿಹಾಳ. ಗೋವಾ.
    5th August 2017

    ನಾನು ಎಂದೂ ಖಿನ್ನತೆಯಿಂದ ಬಳಲಿಲ್ಲ. ನಾನು ಮನುಷ್ಯರಿಗಿಂತ ಪ್ರಾಣಿ,ಪಕ್ಷಿ,ಕೀಟ,ಗಿಡಗಂಟಿಗಳೊಂದಿಗೇ ನನ್ನ ಗಳೆತನ ಹೆಚ್ಚು. ನನ್ನ ಗಳೆಯರಾದ ಇರುವೆಗಳಿಗೆ ವಾರಕ್ಕೆ ಪಾವು ಕಿಲೋ ಬೆಲ್ಲ ಬೇಕು.

    Reply

Leave a comment

Your email address will not be published. Required fields are marked *

Recent Posts More

  • 2 days ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 1 week ago One Comment

    ಅಜ್ಜಿಗೇನು ಬೇಕು ಅಂತ ಅಜ್ಜಂಗೇನು ಗೊತ್ತು!

            ಕಥನ         ಅಜ್ಜ ಪೆನ್ಷನ್ ತರೋದಕ್ಕೆ ಅಂತ ಪೇಟೆಗೆ ಹೋಗಿದ್ದ. ಅಷ್ಟರಲ್ಲಿ ಮನೆ ಬಾಗಿಲಲ್ಲಿ ಕಾರು ಬಂದು ನಿಂತಿತು. ಕಾರಲ್ಲಿ ಅಜ್ಜಿಯ ಮಗ, ಸೊಸೆ ಮತ್ತೆ ಆರು ವರ್ಷದ ಮೊಮ್ಮಗ ಬಂದಿದ್ರು. ಅಜ್ಜಿಗೆ ಖುಷಿ ತಡೆಯಕ್ಕಾಗದೇ ಅಡಿಗೆ ಮನೆ ಸಂದಿ ಮೂಲೇನೆಲ್ಲಾ ಹುಡುಕಿದ್ಲು. ದಡಾ ಬಡಾ ಸದ್ದು ಮಾಡಿದ್ಲು, ಸರಾಪರಾ ಸದ್ದು ಮಾಡಿದ್ಲು. ಅಡುಗೆ ಮನೆಯಿಂದ ಕೊತಾಕೊತಾ ಸದ್ದು ...

  • 1 week ago No comment

    ವಸಂತದ ನೆನಪು; ಮಾಗುವ ಹುರುಪು!

      ಜಗತ್ತಿನ ಬಗ್ಗೆ ತಿಳಿಯುತ್ತ ಸಾಗಿ, ನಮಗೆ ಈ ಜಗತ್ತು ಹೀಗೆ ನಡೆಯುತ್ತಿದೆ ಅಂತ ಅರಿತುಕೊಳ್ಳುವವರೆಗಿನದು ಮಧ್ಯವಯಸ್ಸಿನ ಕಾಲ. ನಾವು ಅಲ್ಲಿಯವರೆಗೆ, ಕಲಿತದ್ದು, ಕೇಳಿದ್ದು, ನಮಗೆ ತಿಳಿದಿದ್ದು ಎಲ್ಲವೂ ಬದಲಾಗುವ ವೇಳೆಗೆ ನಮಗೆ ವಯಸ್ಸಾಗಿಬಿಟ್ಟಿರುತ್ತದೆ. ಕಾಲದಲ್ಲಿ ಹೊಸ ಚಿಗುರು ಟಿಸಿಲೊಡೆದಿರುತ್ತದೆ.     ಕುಣಿದಾಡುವಷ್ಟು ಚೈತನ್ಯವಿರುವ ಯೌವನಕ್ಕೂ, ಕುಂದಿದ ಶಕ್ತಿಯ ಇಳಿಗಾಲದ ವೃದ್ಧಾಪ್ಯಕ್ಕೂ ನಡುವೆ ಬರುವುದು ಮಧ್ಯವಯಸ್ಸು! ಹುಟ್ಟು, ಬದುಕು ,ಸಾವು ಎಲ್ಲರಿಗೂ ಬರುತ್ತದೆ. ಬದುಕನ್ನು ಹಲವರು ಸಾಧನೆಗಳ ...

  • 1 week ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಬಂಗಾರದ ಹೊಳಪು, ಬೇಗುದಿಯ ನೆನಪು…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 2 weeks ago No comment

    ಪ್ರಸಾದ್ ನಾಯ್ಕ್ ಪಟ್ಟಾಂಗ | ನನಗೂ ಒಬ್ಬ ಗೆಳೆಯ ಬೇಕು…

    ಆ ಘಟನೆಯನ್ನು ನೆನಪಿಸಿಕೊಂಡಾಗಲೆಲ್ಲಾ ಈಗಲೂ ನಗು ಉಕ್ಕುಕ್ಕಿ ಬರುತ್ತದೆ. ಅಂದು ವಿಚಿತ್ರ ಘಟನೆಯೊಂದು ನಡೆದಿತ್ತು. ಅವು ನನ್ನ ಕಾಲೇಜಿನ ದಿನಗಳು. ಮಂಗಳೂರಿನ ಶಾಪಿಂಗ್ ಮಾಲ್ ಒಂದಕ್ಕೆ ಮಧ್ಯಾಹ್ನದ ಊಟಕ್ಕೆಂದು ಬಂದಿದ್ದ ನಾನು ಫುಡ್ ಕೋರ್ಟಿನಲ್ಲಿ ಸುಮ್ಮನೆ ಅಡ್ಡಾಡುತ್ತಿದ್ದೆ. ಎತ್ತ ಹೋಗಬೇಕೆಂದು ತಿಳಿಯದೆ ಸುಮ್ಮನೆ ಒಂದು ಕೌಂಟರಿನತ್ತ ನಡೆದು ಬೇಕಿದ್ದದ್ದನ್ನು ಆರ್ಡರ್ ಮಾಡಿದೆ. ಕೆಲಸವಿಲ್ಲದೆ ನೊಣ ಹೊಡೆಯುತ್ತಿದ್ದ ಆ ಹೆಂಗಸಿಗೆ ನನ್ನ ಆಗಮನವು ಅಂಥಾ ಉತ್ಸಾಹವೇನೂ ತರಲಿಲ್ಲವಾದರೂ ನಾನು ಹೇಳಿದ್ದನ್ನೆಲ್ಲಾ ...


Editor's Wall

  • 11 May 2018
    2 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    2 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    2 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...