Share

‘ಪಿಂಕ್’ ಎಂಬ ‘ಕೆಂಪು’
ಪ್ರಸಾದ್ ನಾಯ್ಕ್ ಕಾಲಂ

https://i1.wp.com/connectkannada.com/wp-content/uploads/2016/05/ash.jpg?w=658&ssl=1

ಕೆಲವೊಮ್ಮೆ ಇಂತಹ ಉಳಿಪೆಟ್ಟುಗಳು ಬೇಕಾಗುತ್ತವೆ. ಬೇಕೇಬೇಕು ಎನ್ನುವಷ್ಟು!

ಅದು ವ್ಯವಸ್ಥೆಯಾಗಲೀ, ಸಮಾಜವಾಗಲೀ ಅಥವಾ ವೈಯಕ್ತಿಕವಾಗಿಯೇ ಇರಲಿ ಇಂಥಾ ಸಾತ್ವಿಕ ಪೆಟ್ಟುಗಳು ಬೀಳದಿದ್ದರೆ ಜೀವನವೆಂಬುದು ನಿಂತ ನೀರಾಗುತ್ತದೆ. ಸಿನೆಮಾ ಎಂಬ ಮಾಧ್ಯಮದ ಮೂಲಕವಾಗಿ ಸಮಾಜಕ್ಕೆ, ಪುರುಷಪ್ರಧಾನ ವ್ಯವಸ್ಥೆಗೆ ಇಂಥದ್ದೊಂದು ಸಾತ್ವಿಕ ಪೆಟ್ಟನ್ನು, ತಮ್ಮನ್ನು ತಾವು ಆತ್ಮಾವಲೋಕನ ಮಾಡಿಕೊಳ್ಳುವ ಅವಕಾಶವನ್ನು ಇತ್ತೀಚೆಗಷ್ಟೇ ತೆರೆಗೆ ಬಂದ ‘ಪಿಂಕ್’ ಸಿನಿಮಾ ಒದಗಿಸಿದೆ ಎಂಬುದನ್ನು ಹೇಳಲೇಬೇಕು.

ದೆಹಲಿಯಲ್ಲಿ ನೆಲೆಸಿರುವ ಮೂವರು ತರುಣಿಯರು (ಮೀನಲ್, ಫಲಕ್ ಮತ್ತು ಆಂಡ್ರಿಯಾ) ಮತ್ತು ಇವರದ್ದೇ ಫ್ಲ್ಯಾಟ್ ಪಕ್ಕ ನೆಲೆಸಿರುವ ಒಬ್ಬ ಹಿರಿಯ ವಕೀಲನ (ದೀಪಕ್ ಸೆಹಗಲ್) ಪಾತ್ರಗಳನ್ನು ಮುಖ್ಯ ಭೂಮಿಕೆಯಲ್ಲಿರಿಸಿ ಚಿತ್ರವು ಸಾಗುವ ಪರಿಯು ಅದ್ಭುತ. ಬೇಡವೆಂದರೂ ತನ್ನ ಮೇಲೆ ಏರಿಬಂದ ಪುಂಡ ಶ್ರೀಮಂತ ಯುವಕನೊಬ್ಬನ ತಲೆಗೆ ಗಾಜಿನ ಬಾಟಲಿನಿಂದ ಹೊಡೆದು ಸಮಸ್ಯೆಗೆ ಸಿಲುಕಿಕೊಂಡ ಹೆಣ್ಣು ಮೀನಲ್. ಹೀಗೆ ಲೈಂಗಿಕವಾಗಿ ಕಿರುಕುಳಕ್ಕೀಡಾಗಿ ತಾನೇ ಮೊದಲು ದೂರೊಂದನ್ನು ದಾಖಲಿಸಿದ್ದರೂ ರಾಜಕೀಯ ಹಿನ್ನೆಲೆಯಿರುವ ಆರೋಪಿಯ ಮತ್ತು ಅವನ ಗೆಳೆಯರ ವ್ಯವಸ್ಥಿತ ಒತ್ತಡ, ಕುತಂತ್ರಗಳಿಂದಾಗಿ ವಿಚಾರಣೆಯುದ್ದಕ್ಕೂ ಸ್ವತಃ ತಪ್ಪಿತಸ್ಥಳಂತೆ ಬಿಂಬಿತಳಾಗುತ್ತಾ ಕಣ್ಣೀರಾಗುವ ಪರಿಸ್ಥಿತಿ ಮೀನಲ್‍ಳದ್ದು.

ಪ್ರಕರಣದ ಮುಖ್ಯ ಆರೋಪಿಯಾಗಿ ಕಟಕಟೆಯಲ್ಲಿ ನಿಲ್ಲುವ ರಾಜ್‍ವೀರ್ ಪಾತ್ರದ ಪ್ರತಿಷ್ಠಿತ ಕುಟುಂಬ, ವಿದ್ಯಾಭ್ಯಾಸದ ಹಿನ್ನೆಲೆಯ ಹಮ್ಮು, ‘ಐ ಡೋಂಟ್ ಕೇರ್’ ಎನ್ನುವ ಉಡಾಫೆತನ, ತಮ್ಮ ಮನೆಯ ಸಂಸ್ಕಾರವಂತ ಹೆಣ್ಣು-ಹೊರಗಿನ ಮೋಜಿನ ಹೆಣ್ಣುಗಳೆಂಬ ಹುಂಬ ದೃಷ್ಟಿಕೋನಗಳು, ನಾನಿರೋದೇ ಹೀಗೆ ಎಂಬ ನಿಲುವಿನ ಧಾರ್ಷ್ಟ್ಯ ಇತ್ಯಾದಿಗಳು ಮುಖವಾಡ ಹೊತ್ತ ಸಮಾಜದಲ್ಲಿ ಮಾತಾಗಿ ಬರದ, ಆದರೆ ಮನದಲ್ಲಿ ಬೇರೂರಿರುವ ಪುರುಷಕೇಂದ್ರಿತ ಮನೋಭಾವದ ಅಂಶಗಳು ಎಂದರೂ ತಪ್ಪಾಗಲಿಕ್ಕಿಲ್ಲ. ಆರೋಪಿಯಾದ ರಾಜವೀರ್, ಮೀನಲ್‍ಳ ಬಗ್ಗೆ ಹೇಳುತ್ತಾ ಅವಳು ನಗುನಗುತ್ತಾ ಮಾತನಾಡುತ್ತಿದ್ದಳು, ಆಗೊಮ್ಮೆ ಈಗೊಮ್ಮೆ ಕ್ಯಾಶುವಲ್ ಆಗಿ ನನ್ನನ್ನು ಮುಟ್ಟುತ್ತಿದ್ದಳು. ಈ ‘ಸುಳಿವು'(?)ಗಳಿಂದಾಗಿ ಇವಳನ್ನು ಪಳಗಿಸಬಹುದು ಅಂದುಕೊಂಡೆ ಅನ್ನುತ್ತಾನೆ. ಈ ‘ಸುಳಿವು’ ಎಂಬ ಪದವೇ ಅದೆಷ್ಟು ಹರಿತ! ನನ್ನೊಂದಿಗೆ ತುಂಬಾನೇ ಬೆರೆತುಕೊಂಡಿದ್ದಳು, ನಮ್ಮೊಂದಿಗೆ ಒಂದೆರಡು ಡ್ರಿಂಕ್ ಅನ್ನೂ ಕುಡಿದಳು ಎನ್ನುತ್ತಾನೆ. ಎಷ್ಟಾದರೂ ತಡರಾತ್ರಿಯ ಕಾನ್ಸರ್ಟಿಗೆ ಬಂದವಳು, ಮಾಡರ್ನ್ ಹುಡುಗಿ, ಮೈಕಾಣುವ ಬಟ್ಟೆ, ಕೊಂಚ ಅಮಲಿನಲ್ಲೂ ಇದ್ದಾಳೆ… ಹೀಗಾಗಿ ಇವಳೊಂದಿಗೆ ಏನೂ ಮಾಡಬಹುದು ಎನ್ನುವ ಅರ್ಥದಲ್ಲೇ ವಾದಿಸುವ ರಾಜವೀರ್ ಮುಂದೆ ತನ್ನನ್ನು ತಾನು ರಕ್ಷಿಸಿಕೊಳ್ಳಲು ಕೀಳು ಕಟ್ಟುಕತೆಗಳನ್ನು ಕಟ್ಟುತ್ತಾನೆ. ತುಂಬಿದ ನ್ಯಾಯಾಲಯದಲ್ಲಿ ಪಟ್ಟುಹಿಡಿದು ಅವಳಿಗೂ, ಅವಳ ಇಬ್ಬರು ಸ್ನೇಹಿತೆಯರಿಗೂ ವೇಶ್ಯೆಯ ಪಟ್ಟ ಕಟ್ಟುತ್ತಾನೆ. ಬಲಿಯಾಗಿದ್ದು ನಾನೇ ಹೊರತು ಅವಳಲ್ಲ ಎಂದೇ ಸತ್ಯದ ತಲೆಯ ಮೇಲೆ ಹೊಡೆದಂತೆ ಸಾರುತ್ತಾನೆ.

ಹೀಗೆ ತನ್ನ ಮೂಗಿನ ನೇರಕ್ಕೆ ಮಾತನಾಡುತ್ತಾ ಹೋಗುವ ರಾಜವೀರ್ ಒಂದು ಕಡೆಯಾದರೆ ಆತನ ಹೇಳಿಕೆಗಳನ್ನೇ ಒಂದೊಂದಾಗಿ ಎತ್ತಿ ತೋರಿಸಿ ಆಧುನಿಕ ಹೆಣ್ಣಿನ ಬಗ್ಗೆ ಸಮಾಜವು ತಳೆದಿರುವ ಭಾವನೆಗಳನ್ನು, ಪೂರ್ವಾಗ್ರಹಗಳನ್ನು ಬಯಲು ಮಾಡುತ್ತಾ ಹೋಗುತ್ತಾರೆ ವಕೀಲ ದೀಪಕ್ ಸೆಹಗಲ್ ಪಾತ್ರಧಾರಿ ಬಿಗ್-ಬಿ. ಬೈಪೋಲಾರ್ ಡಿಸಾರ್ಡರಿನಿಂದ ಬಳಲುತ್ತಿರುವ, ಆಗಾಗ ಮಾತು ಮರೆಯುವ, ಅತ್ತಿತ್ತ ಓಡಾಡುವ ಜಿರಳೆಯಿಂದ ಭಗ್ನಗೊಳ್ಳುತ್ತಿರುವ ಏಕಾಗ್ರತೆಯೊಂದಿಗೆ ಸೆಣಸಾಡುತ್ತಿರುವ ಈ ಪಾತ್ರದ ಡೈಲಾಗುಗಳು ಚಿತ್ರವನ್ನು ನೋಡಿಮುಗಿಸಿದ ನಂತರವೂ ಕಾಡುವಂಥವುಗಳು. “ನಮ್ಮ ಸಮಾಜದಲ್ಲಿ ಗಡಿಯಾರದ ಮುಳ್ಳುಗಳು ಹೆಣ್ಣಿನ ಕ್ಯಾರೆಕ್ಟರ್ ಅನ್ನು ನಿರ್ಧರಿಸುತ್ತವೆ”, “ಕತ್ತಲ ಬೀದಿಗಳಲ್ಲಿ ಹೆಣ್ಣೊಬ್ಬಳನ್ನು ನೋಡಿದೊಡನೆಯೇ ಕಾರಿನ ಕಿಟಕಿಯ ಗಾಜುಗಳು ಕೆಳಜಾರುತ್ತವೆ. ಆದರೆ ಹಗಲಿನಲ್ಲಿ ಹೀಗಾಗುವುದಿಲ್ಲ”, “ನಮ್ಮಲ್ಲಿ ಮದ್ಯವು ಗಂಡಿಗೆ ಆರೋಗ್ಯದ ಒಂದು ತೊಡಕಷ್ಟೇ. ಆದರೆ ಹೆಣ್ಣಿಗೆ ಕ್ಯಾರೆಕ್ಟರ್ ಸರ್ಟಿಫಿಕೇಟ್ ಆಗುತ್ತದೆ” ಎಂದು ಕಡ್ಡಿಮುರಿದಂತೆ ಹೇಳುತ್ತಾ ಸಮಾಜದ ಆಷಾಢಭೂತಿತನವನ್ನು ಬೆತ್ತಲಾಗಿಸುತ್ತಾ ಹೋಗುತ್ತಾರೆ ಸೆಹಗಲ್.

ಸಿನೆಮಾದ ಚೌಕಟ್ಟಿನಾಚೆಗೂ ಕಾಡುವ ಪಾತ್ರ ಅಮಿತಾಭರದ್ದು. ಮುಂಜಾನೆಯ ಜಾಗಿಂಗಿನಲ್ಲಿ ಮೀನಲ್ ತನ್ನ ಮುಖವನ್ನು ಮರೆಮಾಚಲು ಹುಡ್ ಅನ್ನು ಧರಿಸಿದಾಗ ಮಾತಿಲ್ಲದೆ ಅದನ್ನು ತೆಗೆದು ವೀಕ್ಷಕನ ಮನಗೆಲ್ಲುತ್ತಾರೆ ಸೆಹಗಲ್. ನ್ಯಾಯಾಲಯದ ಕಟಕಟೆಯಲ್ಲಿ ದರ್ಪದಿಂದ ನಿಂತಿರುವ ರಾಜವೀರ್ ನನ್ನು “ಮೊದಲು ಜೇಬಿನಿಂದ ಕೈ ಹೊರಗೆತೆಯಿರಿ ಪ್ಲೀಸ್” ಎಂದು ಹೇಳುವುದೂ ಇದೇ ಸೆಹಗಲ್. ‘ನೋ’ ಎಂದರೆ ಶಬ್ದ ಮಾತ್ರವಲ್ಲ, ತನ್ನಲ್ಲೇ ಒಂದು ವಾಕ್ಯವದು, ಬೇರೆಯದೇ ಆದ ವ್ಯಾಖ್ಯಾನವೇನೂ ಇದಕ್ಕೆ ಬೇಡ ಎಂಬುದು ಅವರ ಸ್ಪಷ್ಟ ನಿಲುವು. “ನೋ ಅಂದರೆ ನೋ. ನೋ ಎನ್ನುವ ಹೆಣ್ಣು ನಿಮ್ಮ ಪರಿಚಿತರೇ ಆಗಲಿ, ಗೆಳತಿಯಾಗಿರಲಿ, ಪ್ರೇಯಸಿಯಾಗಿರಲಿ, ಸೆಕ್ಸ್ ವರ್ಕರ್ ಆಗಿರಲಿ ಅಥವಾ ಪತ್ನಿಯೇ ಆಗಿರಲಿ, ನೋ ಅಂದಾಕ್ಷಣ ನಿಲ್ಲಿಸತಕ್ಕದ್ದು”, ಎಂದು ಹೇಳಿ ತನ್ನ ವಾದಸರಣಿಗೆ ಅಂತ್ಯ ಹಾಡುವ ಸೆಹಗಲ್ ಪಾತ್ರವನ್ನು ನೋಡುತ್ತಿದ್ದರೆ ಆ ಕ್ಷಣವೇ ಎದ್ದುಹೋಗಿ ಅವರನ್ನು ಅಭಿಮಾನದಿಂದ ತಬ್ಬಿಕೊಳ್ಳಬೇಕೆನಿಸುವುದು ಸತ್ಯ. ಅಂತೆಯೇ ಮುಖ್ಯ ಮತ್ತು ಪೋಷಕಪಾತ್ರಗಳೆನ್ನದೆ ಎಲ್ಲಾ ಪಾತ್ರಗಳೂ ಕೂಡ ತಮ್ಮದೇ ಆದ ವಿಶಿಷ್ಟ ಛಾಪನ್ನು ತೆರೆಯಲ್ಲಿ ಮೂಡಿಸಿರುವುದು ಚಿತ್ರದ ಮತ್ತೊಂದು ವಿಶೇಷ.

ಅಂದಹಾಗೆ ಪಿಂಕ್ ಯಾವುದನ್ನೂ ಹೊಸದಾಗಿ ಹೇಳಿಲ್ಲ. ಆದರೆ ಹೇಳಬೇಕಾಗಿರುವುದನ್ನು ಸುತ್ತುಬಳಸಿ ಹೇಳದೆ ಸ್ಪಷ್ಟವಾಗಿ, ಕಣ್ಣಿಗೆ ಕಣ್ಣುಕೊಟ್ಟು ಹೇಳಿದೆ. ಸ್ವತಂತ್ರ, ಸ್ವಾವಲಂಬಿ, ಮಹಾತ್ವಾಕಾಂಕ್ಷಿ ಮತ್ತು ದಿಟ್ಟ ಹೆಣ್ಣುಮಕ್ಕಳ ಬಗ್ಗೆ ಪುರುಷಪ್ರಧಾನ ಸಮಾಜಕ್ಕಿರುವ ಭಯವನ್ನು ಬೆತ್ತಲು ಮಾಡಿದೆ. ಮತ್ತು ಈ ಭಯವನ್ನು ಮರೆಮಾಚಲು ಧರ್ಮ, ಶೀಲ, ಸಂಪ್ರದಾಯ, ಕ್ಯಾರೆಕ್ಟರುಗಳ ಹೆಸರು ಹೇಳಿ ಮಹಿಳೆಯರನ್ನು ಹೀಗಳೆಯುವ, ಅವರ ಆತ್ಮಸ್ಥೈರ್ಯವನ್ನು ಕುಗ್ಗಿಸುವ ಪುರುಷಪ್ರಧಾನ ಸಮಾಜದ ವಿಫಲ ಪ್ರಯತ್ನವನ್ನೂ ಪರಿಣಾಮಕಾರಿಯಾಗಿ ತೆರೆಯ ಮೇಲೆ ತಂದಿದೆ. ಜೊತೆಗೇ ಪೋಲೀಸ್ ವ್ಯವಸ್ಥೆಯಲ್ಲಿರುವ ಭ್ರಷ್ಟಾಚಾರ, ಕಾಸ್ಮೋಪಾಲಿಟನ್ ಮಹಾನಗರಗಳಲ್ಲಿರುವ ಪೊಳ್ಳು ವೈಭವೋಪೇತ/ಆಧುನಿಕ ಜೀವನ, ಸ್ವಾತಂತ್ರ್ಯದ ಹೆಸರಿನಲ್ಲಿ ಮಿತಿಮೀರಿ ಬೆಳೆದಿರುವ ಸ್ವೇಚ್ಛೆ… ಹೀಗೆ ಎಲ್ಲದಕ್ಕೂ ಕನ್ನಡಿ ಹಿಡಿದು ವೀಕ್ಷಕನನ್ನು ಗಂಭೀರವಾಗಿ ಚಿಂತನೆಗೆ ಹಚ್ಚುತ್ತದೆ ‘ಪಿಂಕ್’.

ಯಕಃಶ್ಚಿತ್ ಬಣ್ಣವಾಗಿದ್ದರೂ ಹಲವು ವರ್ಷಗಳಿಂದ ಸ್ತ್ರೀಲಿಂಗದೊಂದಿಗೇ ಗುರುತಿಸಿಕೊಂಡು ಬಂದ ಬಣ್ಣವೆಂದರೆ ‘ಪಿಂಕ್’. ಚಿತ್ರದ ಶೀರ್ಷಿಕೆಯೇ ಏನನ್ನೋ ಹೇಳಬಯಸುತ್ತಿದೆಯೇ?

ಅಷ್ಟಕ್ಕೂ ಅಮಿತಾಭರ ಆ ಸ್ಪಷ್ಟ ‘ನೋ’ ನನ್ನನ್ನು ಈಗಲೂ ಕಾಡುತ್ತಿದೆ.

———

ಪ್ರಸಾದ್ ನಾಯ್ಕ್

Prasadಮೂಲತಃ ದಕ್ಷಿಣ ಕನ್ನಡದ ಕಿನ್ನಿಗೋಳಿಯವರಾದ ಪ್ರಸಾದ್ ನಾಯ್ಕ್ ಪ್ರತಿಷ್ಠಿತ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸುರತ್ಕಲ್ (ಎನ್.ಐ.ಟಿ.ಕೆ) ನಿಂದ 2011ರಲ್ಲಿ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ ಪದವಿಯನ್ನು ಪಡೆದವರು. ಕಳೆದ ಐದು ವರ್ಷಗಳಿಂದ ಜಲ ಸಂಪನ್ಮೂಲ ಇಲಾಖೆ, ಭಾರತ ಸರ್ಕಾರದ ಅಧೀನದಲ್ಲಿರುವ ಪ್ರತಿಷ್ಠಿತ ಸಂಸ್ಥೆಯೊಂದರಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಗುರುಗ್ರಾಮ್ ಆದ ಹರಿಯಾಣದ ಗುರ್ಗಾಂವ್ ಮತ್ತು ರಾಷ್ಟ್ರರಾಜಧಾನಿಯಾದ ನವದೆಹಲಿಯಲ್ಲಿ ಐದು ವರ್ಷಗಳ ಕಾಲ ಸೇವೆ ಸಲ್ಲಿಸಿದ ನಂತರ, ಸದ್ಯಕ್ಕೆ ದೂರದ ಆಫ್ರಿಕಾದ ದಕ್ಷಿಣ ಭಾಗದಲ್ಲಿರುವ `ರಿಪಬ್ಲಿಕ್ ಆಫ್ ಅಂಗೋಲಾ’ ದೇಶದ ವೀಜ್ ಎಂಬ ಪುಟ್ಟ ಪಟ್ಟಣದಲ್ಲಿ, ವಿಶ್ವಬ್ಯಾಂಕ್ ಪ್ರಾಯೋಜಿತ ಸ್ಥಳೀಯ ಸರ್ಕಾರದ ಯೋಜನೆಯೊಂದರಲ್ಲಿ ನಿಯುಕ್ತಿಗೊಂಡು ನೆಲೆಸಿದ್ದಾರೆ.

ಚಿತ್ರಕಲೆ ಮತ್ತು ಓದಿನ ಪಯಣದಲ್ಲೇ ಖುಷಿಯಾಗಿದ್ದ ಇವರಿಗೆ, “ತಾನೂ ಬರೆಯಬಲ್ಲೆ” ಎಂಬ ಸಂಗತಿಯ ಅರಿವಾದ ನಂತರದ ದಿನಗಳಿಂದ, ಅಂದರೆ ಕಳೆದ ನಾಲ್ಕೈದು ವರ್ಷಗಳಿಂದ ಬರೆಯುತ್ತಾ ಬಂದಿದ್ದಾರೆ. ಇವರ ಕಥೆಗಳು, ಲೇಖನಗಳು, ಪ್ರಬಂಧಗಳು, ಲಲಿತ ಪ್ರಬಂಧಗಳು, ಮಿನಿ ಸರಣಿ ಬರಹಗಳು, ವ್ಯಕ್ತಿಚಿತ್ರಗಳು, ಅನುವಾದಗಳು ಕನ್ನಡದ ವಿವಿಧ ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. ತಕ್ಕಮಟ್ಟಿಗೆ ಓದುವ ಮತ್ತು ಆಗಾಗ ಬರೆಯುವ ಹೊರತಾಗಿ, ಪ್ರವಾಸದ ಹೆಸರಿನಲ್ಲಿ ದೇಶ ಸುತ್ತುವ ಮತ್ತು ವ್ಯಂಗ್ಯಚಿತ್ರಗಳನ್ನು ಬರೆಯುವ ಹವ್ಯಾಸ.

Share

One Comment For "‘ಪಿಂಕ್’ ಎಂಬ ‘ಕೆಂಪು’
ಪ್ರಸಾದ್ ನಾಯ್ಕ್ ಕಾಲಂ
"

  1. ವಿಮಲಾನಾವಡ
    19th October 2016

    ಚೆನ್ನಾಗಿದೆ.

    Reply

Leave a comment

Your email address will not be published. Required fields are marked *

Recent Posts More

  • 1 week ago No comment

    ಕವಿಸಾಲು | ಇಂಡೋನೇಶಿಯಾ

        ಕವಿಸಾಲು         ಕಿಚ್ಚೆದ್ದು ಕುಣಿವ ನೀರು ಬಿರುಗಾಳಿ ತುಂಬಿದ ಒಡಲು ಎತ್ತೊಯ್ದು ಬಿಸಾಡಿ ಇಳೆಗೆ ಎದೆಯಿಳಿಸಿದೆ ಕಡಲು ನಡುಗಿಬಿಟ್ಟಳೆ ವಸುಂಧರೆ ಶತಕೋಟಿ ಬಿರುಕು ಬಿಟ್ಟು ಸುನಾಮಿಯ ಕೋಪಕ್ಕೆ ವಿಕಾರವಾಗಿ ಬೊಬ್ಬಿರಿದು ಊಳಿಟ್ಟು ಜೀವ ಜಲ, ಉಸಿರ ಗಾಳಿ ಹುಚ್ಚೆದ್ದು ಕುಣಿದು ಅಪ್ಪಳಿಸಿದ ಆಘಾತಕ್ಕೆ ಕಂಗೆಟ್ಟು ತತ್ತರಿಸಿವೆ ಪ್ರಾಣಿ, ಮನುಜ ಕುಲ ಮಾಡು ಹಾರಿ, ಕಂಬಗಳು ಕುಸಿದು ನೆಲಕಚ್ಚಿವೆ ಮಾನವನ ಬೀಡು ಕತ್ತರಿಸಿ ...

  • 1 week ago No comment

    ಕವಿಸಾಲು | ತಡವಿಲ್ಲದಿರಲಿ ಇನ್ನು…

        ಕವಿಸಾಲು         ದಾಳಿಗಳಿಗೆ ಮುಕ್ಕಾದ ಮಂದಿರವಿದು ಕುಸಿದು ಕುಳಿತ ದ್ವಾರಪಾಲಕರು ಎತ್ತರದ ಗೋಡೆಗಳ, ಎಚ್ಚರಿಕೆಯ ಗಂಟೆಗಳು ಕೂಡ ಮೌನವಿಂದು ಮನ ನಿರ್ಮಿಸಿದ ಹೆಬ್ಬಾಗಿಲುಗಳು ಒಲವ ಸಿರಿಗೆ ಚೇತರಿಸಿ ತೆರೆದ ಗಳಿಗೆ ಎತ್ತರದ ಹೊಸ್ತಿಲುಗಳ ತಡೆಯ ದಾಟಿ ತಲುಪಬೇಕಿದೆಯಷ್ಟೆ ಬಯಕೆ ಗುರಿಯನ್ನು ದಟ್ಟ ಹಸಿರಿನ ಕಾಡು, ಆಗಸದ ನೀಲಿ ಬಿಳಿಯ ಮೋಡಗಳ, ಬಿಸಿಲ ಬೆಳಕಿನ ನಡುವೆ ಬಯಲ ಸ್ವೇಚ್ಛೆಯ, ತಿಳಿಗಾಳಿ ತವಕದಲಿ ಬಂಧನಗಳ ...

  • 3 weeks ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 month ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 month ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...


Editor's Wall

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    2 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    2 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    2 months ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    2 months ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...