Share

‘ಮೌಲ್ಯ’ಗಳು ಬದಲಾಗಿವೆ
ಸುಧಾ ಶರ್ಮ ಚವತ್ತಿ ಕಾಲಂ

https://i2.wp.com/connectkannada.com/wp-content/uploads/2016/08/sudha.jpg?w=658ದಿನ ಬೆಳಗಾಗುವುದರೊಳಗಾಗಿ ನಮ್ಮೆದುರು ಇರುವ ರೂಪಾಯಿಯ ಬೆಲೆ ಕೇವಲ ಆಕಾರದ ದೃಷ್ಟಿಯಿಂದ ಅಲ್ಲ ಅದರ ನಿಜವಾದ ಬೆಲೆಯಿಂದಲೂ ಬದಲಾಗಿಹೋಯಿತು. ಮನೆಯಲ್ಲಿರುವ ಪುಡಿಗಾಸಿಗೂ ಬೆಲೆ ಬಂತು. ಸಾಸಿವೆ ಡಬ್ಬದಲ್ಲಿರುವ, ಆಗೀಗ ಆದೀತೆಂದು ಮಡಚಿಟ್ಟ, ಬಚ್ಚಿಟ್ಟ ಹಣಗಳನ್ನು ಹೊರ ತೆಗೆದು ಸರಳ ಬದುಕು ನಿರಾಳವಾಯಿತು. ಕಳೆದ ಮೂರ್ನಾಲ್ಕು ದಿನಗಳಲ್ಲಿ ಕೆಲವೇ ನೂರು ರೂಪಾಯಿಗಳನ್ನು ಇಟ್ಟುಕೊಂಡು ಓಡಾಡಿಯಾಯಿತು. ಪ್ರತಿ ಸಾರಿ ಖರ್ಚು ಮಾಡುವಾಗ ಲೆಕ್ಕ ಹಾಕುವುದು ಸಹಜವಾಯಿತು. ಯಾವಾಗಲೂ ಹೀಗಿರುವುದು ಎಷ್ಟು ಚೆನ್ನ ಅನ್ನಿಸಿತು.

ಯಾವ ತರಕಾರಿಯವಳು ತೂಕದಲ್ಲಿ ಮೋಸ ಮಾಡುತ್ತಾಳೆಂದು ಗೊಣಗುತ್ತಿದ್ದರೋ ಆವಳು ಹೇಳುತ್ತಿದ್ದಾಳೆ “ನನಗೆ ಇವತ್ತೇ ದುಡ್ಡು ಕೊಡಬೇಕಾಗಿಲ್ಲ. ನಿಮಗೆ ಆದಾಗ ಕೊಡಿ.” ಹಾಲು, ದಿನಸಿ ಅಂಗಡಿಯವರು, ಆಟೋ ಚಾಲಕರು, ಬಸ್ ಕಂಡಕ್ಟರ್ ಹೀಗೆ ಪ್ರತಿಯೊಬ್ಬರೂ ತಮ್ಮೊಳಗಿನ ಇನ್ನೊಂದು ಮುಖವನ್ನೇ ತೋರಿಸಿದರು. ಯಾರೂ ಯಾರ ಬಗೆಗೆ ಅನುಮಾನ ಪಡಲಿಲ್ಲ. ಬೇಸರವಿಲ್ಲ. ನನ್ನಿಂದಲೂ ಸಹಾಯ ಆಗಲಿ ಎನ್ನುವ ಭಾವನೆ ಸ್ಪಷ್ಟವಾಗಿತ್ತು. ಇಷ್ಟು ದಿನ ಇದ್ದದ್ದು ದುಡ್ಡಿನ ಮೆರೆತ. ಬೇಂದ್ರೆಯವರು ಬಹಳ ಹಿಂದೆಯೇ ಹೇಳಿದ “ಕುರುಡು ಕಾಂಚಾಣ ಕುಣಿಯುತಲಿತ್ತು, ಕಾಲಿಗೆ ಬಿದ್ದವರ ತುಳಿಯುತಲಿತ್ತು.” ಒಂದು ಸಾರಿ ಈ ಕುಣಿತ ನಿಂತರೆ ಲೋಕದ ಜನರನ್ನು ನೋಡುವ ಚಹರೆ ಬದಲಾಗಿ ಬಿಡತ್ತೆ. ಈ ಚಹರೆ ಬದಲಾಗಬೇಕಾಗಿದೆ. ನೋಟು ಬದಲಾದರೆ ಸಾಲದು ನೋಟವೂ ಬದಲಾಗಬೇಕು. ನಾವು ನೋಡುವ ಶ್ರಿಮಂತಿಕೆಯ ಅಟ್ಟಹಾಸಕ್ಕೆ ಏಣಿ ಹಾಕಿದ ವ್ಯವಸ್ಥೆಯೇ ಈಗ ಏಣಿ ತೆಗೆದಿಡಬೇಕು. ಹಣವೊಂದೇ ಎಲ್ಲವೂ ಅಲ್ಲ ಎನ್ನುವುದನ್ನು ಅರಿಯುವುದಕ್ಕಾದರೂ….

ಒಬ್ಬ ರಾಜ ತನ್ನ ದೇಶವನ್ನು ಮಾರು ವೇಷದಲ್ಲಿ ಸುತ್ತುತ್ತಿದ್ದಾಗ ತೀವ್ರ ಬಾಯಾರಿಕೆ ಆಯಿತು. ಹಳ್ಳಿಯ ರೈತನ ಮನೆಗೆ ಬರುತ್ತಾನೆ, ಸಾಮಾನ್ಯನಂತೆ ನೀರು ಕೇಳುತ್ತಾನೆ. ರೈತನಿಗೋ ಆಗಂತುಕ ಬಂದ ಖುಷಿಗೆ ನೀರೇನು ಏಳನೀರು ಕೊಡುತ್ತಾನೆ, ಹಣ್ಣು ಕೊಟ್ಟು ಆದರಿಸುತ್ತಾನೆ. ರಾಜನಿಗೆ ಆಶ್ಚರ್ಯ ಅವನು ತೋರಿದ ಪ್ರೀತಿ, ಸತ್ಕಾರಗಳಿಂದ ಸಂತುಷ್ಠನಾಗಿ ತನ್ನ ಬಳಿ ಇರುವ ಮುತ್ತಿನ ಹಾರವನ್ನು ರೈತನಿಗೆ ಕೊಡಲು ಹೋಗುತ್ತಾನೆ. ರೈತನಿಗೋ ಇದ್ಯಾವುದೂ ಬೇಕಾಗಿಲ್ಲ. ” ನಿನ್ನ ಈ ಸರ ಇಟ್ಟುಕೊಂಡು ನಾನೇನು ಮಾಡಲಿ? ಇದು ಹೂವಾ? ಹಣ್ಣಾ? ನಿನಗೆ ಕೊಟ್ಟ ಖುಷಿ ನನಗೆ. ಅಷ್ಟೇ ಸಾಕು.” ರೈತನ ಪ್ರಶ್ನೆಗೆ ರಾಜನ ಬಳಿ ಉತ್ತರ ಇಲ್ಲ. ಗೋಣಿ ಚೀಲದಲ್ಲಿ ನೋಟಿನ ಕಂತೆ ಇಟ್ಟುಕೊಂಡವರಿಗೆ ಹಣದ ಅರ್ಥವಾಗಲೀ ಬದುಕಿನ ಸಾರ್ಥಕತೆಯಾಗಲೀ ಗೊತ್ತಿಲ್ಲ.

ಹಣದ ವಿಚಾರದಲ್ಲಿ ಇದ್ದ ನಮ್ಮ ಮದ ಕರಗದ ಹೊರತು ಮನುಷ್ಯತ್ವ ನೆಲೆಸಿರುವ ಹೊಸ ಸಮಾಜದ ನಿರ್ಮಾಣ ಸಾಧ್ಯವಿಲ್ಲ. ದುಡ್ಡಿನ ಮೂಲಕವೇ ಈಗ ಅಧಿಕಾರವನ್ನೂ, ಆಡಳಿತವನ್ನೂ, ಸಮಸ್ತವನ್ನೂ ಕೊಂಡುಕೊಳ್ಳಬಹುದೆಂಬುದು ಸಾಬೀತಾದಾಗ ಹಣವೇ ಸರ್ವಸ್ವ ವಾಯಿತು. ಕಳೆದ ಕೆಲ ದಶಕಗಳಿಂದ ರಾಜಕೀಯಕ್ಕೆ, ಚುನಾವಣೆಗೆ ಹಣವೇ ಅತ್ಯಂತ ಪ್ರಮುಖ ಸಂಗತಿಯಾಯಿತು. ಹಣ ಇರದಿದ್ದರೆ ರಾಜಕೀಯ, ನಾಯಕತ್ವ, ಶಿಕ್ಷಣಗಳಂತಹ ಮೂಲ ಆಶಯದಿಂದ ವಂಚಿತರಾಗುವ ಹಾಗಾಯಿತು. ಚುನಾವಣೆಗಳು ಹಣದ ಅಟ್ಟಹಾಸಕ್ಕೆ ತೆರೆದ ಅಖಾಡ ವಾಯಿತು. ಹೀಗೆ ಹಣದ ಮದಕ್ಕೆ ನಲುಗಿ ಏನೂ ಮಾಡದ ಅಸಹಾಯಕತೆಯಲ್ಲಿರುವ ಕೋಟಿ ಕೋಟಿ ಭಾರತೀಯರಿಗೆ ಬದಲಾವಣೆಯ ಭರವಸೆ ಬೇಕಿತ್ತು.

ಯಾವುದೇ ಹೊಸ ನೀತಿ, ನಿಯಮ ತಂದಾಗಲೂ ಕಾರ್ಯವಿಧಾನದ ಅಡಚಣೆ ಸಹಜ. ನಮ್ಮ ಮನಸ್ಥಿತಿಯೂ ಹೊಸದನ್ನು ಸ್ವೀಕರಿಸಲು ಅಷ್ಟು ಸುಲಭಕ್ಕೆ ಸಿದ್ದವಿರುವುದಿಲ್ಲ. ದೋಷವನ್ನು, ಅನಾನುಕೂಲವನ್ನು, ಹೀಗೆ ಮಾಡಬೇಕಿತ್ತು, ಇದು ತಪ್ಪು, ಇದು ಅಸಾಧ್ಯ, ಇಂತಹ ಮಾತುಗಳನ್ನು ಆಡುವುದು ಅಭ್ಯಾಸವಾಗಿದೆ. ಹೀಗೆ ಹೇಳಿದರೂ ನಮ್ಮೆಲ್ಲರೊಳಗೂ ಪರಿವರ್ತನೆಗಾಗಿ ಕಾದಿರುವ ಮನಸ್ಸಿದೆ. ಯಾರೊಬ್ಬರೂ ಅಕ್ರಮ ಸಂಪತ್ತು ಶೇಖರಿಸುವವರ ವಿರುದ್ದ ಕ್ರಮ ತೆಗೆದುಕೊಳ್ಳಬೇಡಿ ಎಂದು ಹೇಳುವುದಿಲ್ಲ. ಹಣವನ್ನು ಚೀಲದಲ್ಲಿಟ್ಟು ಸುಟ್ಟವರು, ತಿಪ್ಪೆಗೆ ಎಸೆದವರೂ ಈ ಕ್ರಮದ ಬಗೆಗೆ ಚಕಾರವೆತ್ತಲಾರರು.

“ಹಣವಿಲ್ಲ ಎಂದು ಹೇಳಿಕೊಳ್ಳಲು ನಾಚಿಕೆ ಆಗುವುದಿಲ್ಲ. ಹೆಮ್ಮೆ ಆಗುತ್ತಿದೆ. ಇದೀಗ ಜನ ಸಾಮಾನ್ಯರ ಮನದಾಳದ ಅನಿಸಿಕೆ ಆಯಿತು. ಹಾಗಾದರೆ ಇಷ್ಟು ದಿನ ಹಣ ಉಳ್ಳವರ ಮೆರೆತವನ್ನು ಸಹಿಸಿಕೊಂಡೆವಾ? ಯಾಕೋ ಹೀಗೆ ಬರೆಯುವಾಗ ಜನಾರ್ಧನ ರೆಡ್ಡಿಯವರ ಮಗಳ ಮದುವೆಯ ವೈಭವದ ತಯಾರಿಯ ದೃಶ್ಯಗಳು ಪತ್ರಿಕೆಗಳಲ್ಲಿ, ಮಾಧ್ಯಮಗಳಲ್ಲಿ ಸಾಮಾಜಿಕ ಜಾಲ ತಾಣಗಳಲ್ಲಿ ರಾರಾಜಿಸುತ್ತಿರುವುದು ನೆನಪಾಯಿತು. ಇದನ್ನೂ ಒಂದು ಸುದ್ಧಿಯಾಗಿ ನೋಡುತ್ತಿದ್ದೇವೆ. ಕೋಪದ ಬದಲು ಅಸಹಾಯಕತೆಯಿಂದ ಸುಮ್ಮನಿದ್ದೇವೆ. ಎಷ್ಟುದಿನ ಎಲ್ಲವನ್ನೂ ಸಹಿಸಿಕೊಳ್ಳುವುದು.

ಈ ಎಲ್ಲ ಬದಲಾವಣೆಯಾದ ಸಂದರ್ಭದಲ್ಲಿ ಒಂದು ದಿನ ಆಟೋದಲ್ಲಿ ಹೋಗುವಾಗ ನನಗೂ ಚಾಲಕರಿಗೂ ನಡೆದ ಮಾತುಕಥೆ.
ನಾನು : ” ಚಿಲ್ಲರೆ ಹೊಂದಿಸೋದು ಕಷ್ಟ ಆಗಿದೆ…”
ಚಾಲಕರು : ಪರ್ವಾಗಿಲ್ಲಬಿಡಿ ಮುಂದೆ ಒಳ್ಳೆದಕ್ಕೆ ಇವತ್ತು ಕಷ್ಟ ಪಡೋಣ.”
ನಾನು : ಮುಂದೆ ಒಳ್ಳೆದಾಗತ್ತೆ ಅಂತಾ ಅಷ್ಟು ಭರವಸೆ ಇದೆಯಾ?
ಚಾಲಕರು : ಮೇಡಂ ಇಷ್ಟು ದಿನ ಬಡವರು ಇಲೆಕ್ಷನ್ ಗೆ ನಿಲ್ಲುವ ಕನಸು ಕಾಣೋದಕ್ಕೆ ಆಗ್ತಾ ಇತ್ತಾ? ಕಾರ್ಪೋರೇಷನ್ ಇಲೆಕ್ಷನ್ ಗೆ ನಿಲ್ಲೋದಕ್ಕೂ ಕೋಟಿ ಕೋಟಿ ರೂಪಾಯಿ ಖರ್ಚಾಗತಾ ಇತ್ತು. ಇನ್ನು ನನ್ನಂತವನೂ ಇಲೆಕ್ಷನ್ ಗೆ ನಿಲ್ಲಬಹುದು.

————-

ಸುಧಾ ಶರ್ಮಾ ಚವತ್ತಿ

286637_218799308166417_3412973_o[1]“ಒದ್ದೆ ಕಣ್ಣುಗಳ ಪ್ರೀತಿ” ಕವನ ಸಂಕಲನದ ಮೂಲಕ ಭರವಸೆ ಹುಟ್ಟಿಸಿದ ಸುಧಾ ಶರ್ಮಾ ಚವತ್ತಿ ಮುದ್ರಣ ಮತ್ತು ದೃಶ್ಯ ಮಾಧ್ಯಮಗಳೆರಡರಲ್ಲೂ ಪರಿಣಿತರು. ಪತ್ರಿಕೆಗಳಲ್ಲಿ ಲೇಖನ, ಅಂಕಣಗಳ ಮೂಲಕ ಪರಿಚಿತರು. “ಆವಿಯಾಗಿದೆ ಮಾತು” (ಮಲ್ಲಿಗೆ), “ಷೇರೆಂಬ ಮಾಯಾಂಗನೆ” ( ವಿಜಯ ಕರ್ನಾಟಕ ), “ಪ್ರಾಫಿಟ್ ಪ್ಲಸ್” (ವಿಜಯವಾಣಿ) ಪ್ರಕಟಿತ ಅಂಕಣಗಳು. ಕಿರುತೆರೆ ಕಾರ್ಯರ್ಕಮಗಳ ನಿರ್ದೇಶನ, ನಿರ್ಮಾಣ, ನಿರೂಪಣೆಯ ಅನುಭವ. ಈಗ ಸಾಕ್ಷ್ಯಚಿತ್ರ ನಿರ್ಮಾಣದಲ್ಲಿ ಹೆಚ್ಚಾಗಿ ತೊಡಗಿಕೊಂಡಿದ್ದಾರೆ. ಹಲವಾರು ಸಂಘ ಸಂಸ್ಥೆಗಳಲ್ಲಿ ಸಕ್ರಿಯವಾಗಿರುವ ಇವರು ಉತ್ತಮ ವಾಗ್ಮಿ. ಸಮೂಹ ಮಾತುಗಾರಿಕೆಯೂ ಇವರ ಉತ್ಕಟ ಪ್ರೀತಿಗಳಲ್ಲಿ ಒಂದು.

Share

2 Comments For "‘ಮೌಲ್ಯ’ಗಳು ಬದಲಾಗಿವೆ
ಸುಧಾ ಶರ್ಮ ಚವತ್ತಿ ಕಾಲಂ
"

  1. ವಿಮಲಾನಾವಡ
    16th November 2016

    ನೀವೆಂದಂತೆ ಬದಲಾವಣೆಯಿಂದ ಒಳಿತಾದರೆ ಸ್ವಾಗತೀಸೋಣ.ಹಣದ ಮೆರೆತ ಮೊರೆತ ಕಡಿಮೆಯಾಗಲಿ,ಸರಳ ಜೀವನದತ್ತ ಜನತೆ ಹೊರಳಲು ಈ ಬದಲಾವಣೆ ಸಹಕಾರಿಯಾಗಲಿ.

    Reply
    • sudha sharma
      19th November 2016

      nija vimalaa

      Reply

Leave a comment

Your email address will not be published. Required fields are marked *

Recent Posts More

  • 9 hours ago No comment

    ಇಲ್ಲಿ ಶಬ್ದಗಳಿಗೂ ಚಳಿಗಾಲ

              | ಕಮಲಾದಾಸ್ ಕಡಲು       ಕಪ್ಪು ಜನಾಂಗ (For Cleo Pascal) ಕಮಲಾದಾಸ್ ಕವಿತೆಯ ಅನುವಾದ     ಈಗ ಕೆನಡಾದಲ್ಲಿ ಶರದೃತುವಿನ ಕಾಲ ಮೇಪಲ್ ಮರದ ಒಣಗಿದ ರಕ್ತದಂಥ ಕಡುಗೆಂಪು ಎಲೆಗಳು ಈ ವಾರದಂತ್ಯದವರೆಗೆ ಕೂಡ ಉಳಿಯಲಾರವು ನಾನು ಇಲ್ಲಿ ಎಲ್ಲರಿಗೂ ಕಾಣಿಸುತ್ತೇನೆ, ಅಲ್ಲಿಗಿಂತ ಇಲ್ಲಿ ಎದ್ದು ಕಾಣಿಸುತ್ತೇನೆ ಬಿಳಿಯ ದೇವರ ಲೋಕದಲ್ಲಿ ಕಾಲಿಟ್ಟ ಕಪ್ಪು ಜನಾಂಗದವರು ...

  • 1 day ago No comment

    ಇರಬಲ್ಲೆವಾ ಭಾವುಕರಾಗದೆ?

                  Millions of people have decided not to be sensitive. They have grown thick skins around themselves just to avoid being hurt by anybody. But it is at great cost. Nobody can hurt them, but nobody can make them happy either. ನಿಜ, ಒಂದೇ ...

  • 3 days ago No comment

    ಮೂಳೆಯ ಹಂದರವೊಂದುಳಿದು…

                      ಒಬ್ಬೊಂಟಿಯಾಗಿ ಈ ಮಹಾ ಸಮುದ್ರದ ನಟ್ಟ ನಡುವೆ ಸಾವು ಬದುಕಿನ ಸಮರದೊಳಗೆ ಅದೆಂಥಾ ಮೀನು ನನ್ನದಾಗಿತ್ತು! ಅದರ ಅಂದವೇನು, ಚಂದವೇನು? ಅದರ ಮೌಲ್ಯವೇನು, ಗಾತ್ರವೇನು? ಹಿರಿಮೆ – ಗರಿಮೆಯೇನು?   ಮೈ ಏಕ್ ಜರ್ರ ಬುಲಂದೀ ಕೋ ಛೂನೆ ನಿಕಲಾ ಥಾ ಹವಾ ನೆ ಥಮೆ ಕೆ ಜಮೀನ್ ಪರ್ ಗಿರಾ ದಿಯಾ ಮುಝಕೋ ನಝೀರ್ ...

  • 4 days ago No comment

    ಎರಡು ಕವಿತೆಗಳು

        ಕವಿಸಾಲು         ಸುನಾಮಿಯ ಊರಲ್ಲಿ ಗುಟ್ಟುಗಳ ರಟ್ಟು ಮಾಡದ ಒಡಲು ಸುನಾಮಿ ತವರಾದ ಕಡಲು ಒಳಗಿನ ಕತ್ತಲೆಯ ಕಳೆಯಲು ಹುಡುಕಿ ಹೊರಟವು ತಾವು ಕಳೆದುಕೊಂಡ ಕನಸುಗಳಷ್ಟೂ ಹಾವುಗಳು ಬಿಸಿಲಿಗೆ ಹೊರಳಿ ಪೊರೆ ಕಳಚಿ ನಚ್ಚಗಾದವು ಅದೇ ಕ್ಷಣದೊಳಗೆ ಅರಳಿಬಿರಿಯಬೇಕಿದ್ದ ಹೂವುಗಳು ಬಿಸಿಲ ಧಗೆಗೆ ಬೆಂದು ಬಾಡಿ ಉದುರಿಬಿದ್ದವು ನೆಲಕೆ ಶಬ್ದಗಳ ಮುಕ್ಕಳಿಸಿ ಉಗಿದ ರಭಸಕೆ ಊರ ತುಂಬಾ ನೆರೆ ಪರಿಹಾರದ ಗಂಜಿಕೇಂದ್ರಗಳಲಿ ...

  • 1 week ago No comment

    ಈ ಸಂಜೆ ಪ್ರಿತಿಯೊಡನೆ…

        ಸಣ್ಣಕಥೆ ಮೂಲ ಇಂಗ್ಲೀಷ್: ಸುಲಮಿತ್ ಈಶ್-ಕಿಶೋರ್ ಕನ್ನಡಕ್ಕೆ: ಉದಯ್ ಇಟಗಿ       ಸಂಜೆಯ ಆರು ಘಂಟೆಗೆ ಆರು ನಿಮಿಷ ಮಾತ್ರ ಬಾಕಿಯಿದೆ – ಹಾಗಂತ ನಗರದ ಗ್ರ್ಯಾಂಡ್ ಸೆಂಟ್ರಲ್ ರೈಲ್ವೇ ಸ್ಟೇಷನ್ನು ಮಾಹಿತಿ ಕೇಂದ್ರದ ಮೇಲಿದ್ದ ದೊಡ್ಡ ದುಂಡನೆಯ ಗಡಿಯಾರ ಹೇಳಿತು. ಎತ್ತರದ ಹದಿಹರೆಯದ ಸೇನಾಧಿಕಾರಿಯೊಬ್ಬ ಆಗಷ್ಟೆ ರೈಲ್ವೇ ಸ್ಟೇಷನ್ನಿಂದ ಹೊರಗೆ ಬಂದು ಬಿಸಿಲಿಗೆ ಬಾಡಿ ಕಂದಾಗಿದ್ದ ತನ್ನ ಮುಖವನ್ನೊಮ್ಮೆತ್ತಿ ಕಣ್ಣಲ್ಲಿ ಕಣ್ಣಿಟ್ಟು ...


Editor's Wall

  • 25 February 2018
    9 hours ago No comment

    ಇಲ್ಲಿ ಶಬ್ದಗಳಿಗೂ ಚಳಿಗಾಲ

              | ಕಮಲಾದಾಸ್ ಕಡಲು       ಕಪ್ಪು ಜನಾಂಗ (For Cleo Pascal) ಕಮಲಾದಾಸ್ ಕವಿತೆಯ ಅನುವಾದ     ಈಗ ಕೆನಡಾದಲ್ಲಿ ಶರದೃತುವಿನ ಕಾಲ ಮೇಪಲ್ ಮರದ ಒಣಗಿದ ರಕ್ತದಂಥ ಕಡುಗೆಂಪು ಎಲೆಗಳು ಈ ವಾರದಂತ್ಯದವರೆಗೆ ಕೂಡ ಉಳಿಯಲಾರವು ನಾನು ಇಲ್ಲಿ ಎಲ್ಲರಿಗೂ ಕಾಣಿಸುತ್ತೇನೆ, ಅಲ್ಲಿಗಿಂತ ಇಲ್ಲಿ ಎದ್ದು ಕಾಣಿಸುತ್ತೇನೆ ಬಿಳಿಯ ದೇವರ ಲೋಕದಲ್ಲಿ ಕಾಲಿಟ್ಟ ಕಪ್ಪು ಜನಾಂಗದವರು ...

  • 22 February 2018
    3 days ago No comment

    ಮೂಳೆಯ ಹಂದರವೊಂದುಳಿದು…

                      ಒಬ್ಬೊಂಟಿಯಾಗಿ ಈ ಮಹಾ ಸಮುದ್ರದ ನಟ್ಟ ನಡುವೆ ಸಾವು ಬದುಕಿನ ಸಮರದೊಳಗೆ ಅದೆಂಥಾ ಮೀನು ನನ್ನದಾಗಿತ್ತು! ಅದರ ಅಂದವೇನು, ಚಂದವೇನು? ಅದರ ಮೌಲ್ಯವೇನು, ಗಾತ್ರವೇನು? ಹಿರಿಮೆ – ಗರಿಮೆಯೇನು?   ಮೈ ಏಕ್ ಜರ್ರ ಬುಲಂದೀ ಕೋ ಛೂನೆ ನಿಕಲಾ ಥಾ ಹವಾ ನೆ ಥಮೆ ಕೆ ಜಮೀನ್ ಪರ್ ಗಿರಾ ದಿಯಾ ಮುಝಕೋ ನಝೀರ್ ...

  • 15 February 2018
    1 week ago No comment

    ಭ್ರಷ್ಟತೆಯೆಂಬ ಕೊಳಚೆಯ ಹರಿವೊಡೆದು…

                        ನಮ್ಮ ನಮ್ಮ ಠಕ್ಕ ಮನಸ್ಸುಗಳನ್ನು ನಾವು ಶುದ್ಧಗೊಳಿಸಬಲ್ಲೆವಾ? ಭ್ರಷ್ಟ ವ್ಯವಸ್ಥೆಯೊಂದನ್ನು ನಿರ್ಮೂಲನ ಮಾಡಬಲ್ಲೆವಾ?   ನಾನು ತುಂಬ ಸಣ್ಣವಳಿದ್ದಾಗ ನಾವು ಆ ಮನೆ ಖರೀದಿಸಿದ್ದೆವು. ಅದರ ಎದುರಲ್ಲಿ ಒಂದು ಬೋರ್ಡ್ಗಲ್ಲು ಇತ್ತು. ನಾನು ಮತ್ತು ತಮ್ಮ ಅದರ ಸುತ್ತ ಮುತ್ತ ಆಡಿಕೊಂಡಿರುತ್ತಿದ್ದೆವು. ಆ ಸಣ್ಣ ವಯಸ್ಸಿನಲ್ಲಿ ನಾನು ಅಕ್ಷರಗಳು ಕಂಡಲ್ಲೆಲ್ಲ ಕೂಡಿಸಿ ಓದತೊಡಗುತ್ತಿದ್ದೆ. ಆ ...

  • 12 February 2018
    2 weeks ago No comment

    ಇಳಿಸಂಜೆಯ ಪ್ರೀತಿ

    ಹೊರಡುವ ಹೊತ್ತು ಬಂದಿದೆ. ಕ್ಷಣಗಣನೆ ಮಾಡಲು ಇನ್ನು ಕೈಯಲ್ಲೀಗ ಕ್ಷಣಗಳು ಉಳಿದಿಲ್ಲ. ಜೊತೆಯಲ್ಲಿ ಕಳೆದ ಕ್ಷಣಗಳು ಪದಗಳಲ್ಲಿ ಹಿಡಿದಿಡಲಾರದಷ್ಟು ಸುಂದರ. ನೆನಪುಗಳು ಬರೋಬ್ಬರಿ ಮೂರು ಜನ್ಮಗಳಿಗಾಗುವಷ್ಟು ಸಾಕು.   ಅವರಿಬ್ಬರೂ ಅಂದು ಜೊತೆಯಾಗಿದ್ದರು. ಎಲ್ಲಾ ರೀತಿಯಲ್ಲೂ ಕ್ಷಣಗಣನೆಯ ಕಾಲವದು. ಈ ಹಿಂದೆ ಇದ್ದಿದ್ದು ಆ ಭೇಟಿಗಾಗಿ ನಿರೀಕ್ಷೆಯ ಕ್ಷಣಗಣನೆ. ಈಗಿರುವುದು ಇನ್ನೇನು ಈ ಕ್ಷಣವು ಮುಗಿದು ಹೋಗಲಿದೆಯಲ್ಲಾ ಎಂಬ ಆತಂಕದ ಕ್ಷಣಗಣನೆ. ಏಕೆಂದರೆ ಈ ಭೇಟಿಯ ನಂತರ ಮತ್ತೆ ...

  • 11 February 2018
    2 weeks ago One Comment

    ತ್ಯಾಗಮಯಿ ತಾಯಿ ಕನಲಿದಳೇ ಎಂದು ಕೇಳುವವರಿಲ್ಲ…

      ವ್ಯಾವಹಾರಿಕ ಅಗತ್ಯವಾಗಿ ಮಾತ್ರವೇ ಹೆಣ್ಣನ್ನು ನೋಡುವ ಜಾಯಮಾನ ಕೊನೆಗಾಣುವವರೆಗೂ ಪುರುಷ ಪ್ರಧಾನ ವ್ಯವಸ್ಥೆ ತನ್ನ ಕೇಡುಗಾಲವನ್ನು ಆಹ್ವಾನಿಸುತ್ತಲೇ ಇರುತ್ತದೆ.     ಒಂದು ವರದಿಯನ್ನೋದುತ್ತಿದ್ದೆ. ಚೀನಾಕ್ಕೆ ಸಂಬಂಧಿಸಿದ್ದು. ತನ್ನ ಇವತ್ತಿನ ಜನಸಂಖ್ಯೆಯಲ್ಲಿ ಸೇರಿರಬೇಕಿದ್ದ 6 ಕೋಟಿ ಮಹಿಳೆಯರನ್ನು ಕಳೆದುಕೊಂಡಿದೆ ಆ ದೇಶ. ಅಲ್ಲೀಗ ಮದುವೆಗೆ ಬೆಳೆದುನಿಂತ ಯುವಕರಿಗೆ ಹುಡುಗಿಯರೇ ಇಲ್ಲ. ಇಂಥದೊಂದು ವಿಪರೀತಕ್ಕೆ ಕಾರಣವಾದದ್ದು ಒಂದು ಕುಟುಂಬಕ್ಕೆ ಒಂದೇ ಮಗು ಎಂಬ ನೀತಿ. ಜನಸಂಖ್ಯಾ ಸ್ಫೋಟಕ್ಕೆ ಕಡಿವಾಣ ...