Share

ಸೀತೆದಂಡೆ
ಸುಧಾ ಶರ್ಮ ಚವತ್ತಿ ಕಾಲಂ

https://i2.wp.com/connectkannada.com/wp-content/uploads/2016/08/sudha.jpg?w=658&ssl=1ನಾವು ಮನೆಯಲ್ಲಿ ಯಾವ ವಿಷಯದ ಬಗೆಗೆ ಮಾತನಾಡತೀವಿ. ಸ್ವಲ್ಪ ಹುಚ್ಚು ಎನ್ನಿಸುವ ಪ್ರಶ್ನೆ. ನಾನು ಮೊದಲು ಹೀಗೆ ಅಂದುಕೊಂಡಿದ್ದೆ. ಅವರವರ ಮನೆಯಲ್ಲಿ ಅವರವರಿಗೆ ಬೇಕಾದ ಹಾಗೆ ಮಾತನಾಡುತ್ತಾರೆ. ಅದನ್ನಾ ತಮಟೆ ಹೊಡೆದು ಹೇಳಬೇಕಾಗಿದ್ದೇನು? ಒಂದೊಂದು ದಿನ ಒಂದೊಂದು ರೀತಿಯ ಮಾತುಕತೆ ಇರಬಹುದು ಅದರಲ್ಲೇನು?. ಕಳೆದ ಕೆಲವು ತಿಂಗಳಿನಿಂದ ಯಾರ ಮನೆಗೆ ಹೋಗಲಿ, ಯಾವುದೇ ಸಮಾರಂಭಗಳಿಗೆ ಹೋಗಲಿ, ಕಡೆಗೆ ನಾಲ್ಕಾರು ಜನ ಸೇರಿರುವ ಕಡೆ ಅದು ಯಾವುದಾದರೂ ಕಾರ್ಯಕ್ರಮ ಇರಬಹುದು. ದೇವಸ್ಥಾನ ಯಾವುದಾದರೂ ಇರಲಿ, ಇಲ್ಲಿ ಸಾಮಾನ್ಯವಾಗಿ ಕೇಳಿ ಬರುವ ಮಾತು ಯಾವುದು. ಬಹುತೇಕ ಎಲ್ಲವೂ ಒಂದೇ ಆಗಿರುತ್ತದೆ. ಯಾವಾಗಲೂ ಮಾಧ್ಯಮದಲ್ಲಿ ಬರುವ, ಬರುತ್ತಿರುವ ಸುದ್ದಿಗಳನ್ನು ಜನರು ಮೆಲ್ಲುತ್ತಾರೆ. ಯಾವ ಯಾವ ವಾಹಿನಿಯಲ್ಲಿ ಏನೇನು ಬರುತ್ತದೆ ಎನ್ನುವ ದೊಡ್ಡ ಪಟ್ಟಿಯೇ ಇವರೆಲ್ಲರ ಬಳಿ ಇರುತ್ತದೆ. ಧಾರಾವಾಹಿ ನೋಡುವ ನಿತ್ಯವೂ ಕೆಲವು ಕಾರ್ಯಕ್ರಮ ವೀಕ್ಷಿಸುವ ವರ್ಗದವರು ಅದೇ ಧ್ಯಾನದಲ್ಲಿದ್ದಾರೆ. ಬೇರೆ ಮಾತೇ ಇಲ್ಲ. ಎಲ್ಲರೂ ಒಟ್ಟಿಗೆ ಸೇರಿದರೆ ಯಾರದ್ದೋ ಮನೆಯ ಸುದ್ದಿಯೇನೋ ಎನ್ನುವಷ್ಟು ಧಾರಾವಾಹಿಯ ಇಲ್ಲವೇ ರಿಯಾಲಿಟಿ ಷೋಗಳ ಪಾತ್ರಗಳೋ ವ್ಯಕ್ತಿಗಳ ಬಗೆಗೆ ಮಾತನಾಡುತ್ತಾರೆ. ಈಗ ಗೊತ್ತಾಯಿತಲ್ಲಾ ಮನೆ ಮಂದಿಯೆಲ್ಲ ಕುಳಿತು ಮಾತನಾಡುವುದಕ್ಕೆ ಬಿಡುವಾದರೂ ಎಲ್ಲಿ? ಧಾರಾವಾಹಿಗಳ ಸೆಳೆತದಿಂದ ತಪ್ಪಿಸಿಕೊಳ್ಳುವುದು ಹೇಗೆ?

ಮನೆಯಲ್ಲಿ ಮಾತನಾಡಲು ಬಿಡುವಿಲ್ಲ. ಮಾತನಾಡಿದರೂ ಅದು ಧಾರಾವಾಹಿಯ ಬಗೆಗೆ. ಸುದ್ದಿಯ ಬಗೆಗೆ, ಯಾವುದಾದರೂ ಕಾರ್ಯಕ್ರಮದ ಬಗೆಗೆ. ಎಲ್ಲವುಗಳೂ ಹೆಚ್ಚು ಕಡಿಮೆ ನಕಾರಾತ್ಮಕ ಪರಿಣಾಮ ಬೀರುವ ಸಂಗತಿಗಳು. ಮನೆಯಲ್ಲಿ ಮಕ್ಕಳೆದುರು ನಮ್ಮ ಮಾತು ಕಥೆ ಹೇಗಿರುತ್ತದೆ. ಸುಮ್ಮನೇ ಯೋಚಿಸಿ ನೋಡಿದರೂ ಹೊರಗಡೆ ಹೋಗಿ ಬರುವ ತಂದೆ ತನ್ನ ಆಫೀಸಿನ ಅನುಭವವನ್ನು ಬಿಚ್ಚಿಡುವುದು ಅಪರೂಪ. ಬಿಚ್ಚಿಟ್ಟರೂ ತಾಪತ್ರಯ ಇಲ್ಲವೇ ನಾನು ಹಾಗೆ ಮಾಡಿದೆ ಹೀಗೆ ಮಾಡಿದೆ ಎನ್ನುವ ಮಾತು. ಇದನ್ನಾ ಸರಿ ಅಥವಾ ತಪ್ಪು ಎಂದು ಹೇಳುತ್ತಿಲ್ಲ. ಅಭ್ಯಾಸವಾಗಿ ಹೋಗಿದೆ. ತಾಯಿಯೂ ತನ್ನ ಸುತ್ತಲಿನ ಸಂಗತಿಗಳಿಗೆ ವಿವರಣೆ ನೀಡಿದರೂ ಗೊತ್ತಿದ್ದೋ ಗೊತ್ತಿಲ್ಲದೆಯೋ ಅಲ್ಲಿ ದೂಷಣೆಯೋ, ಆಕ್ಷೇಪಣೆಯೋ ಇರುತ್ತದೆ. ಮಕ್ಕಳಿಗೆ ಇದೆಲ್ಲ ಇಷ್ಟವಾಗತ್ತಾ? ಹೀಗೆ ಯಾರನ್ನು ಬೇಕಾದರೂ ಕೇಳಿ ನಮ್ಮ ಮಕ್ಕಳು ನಮ್ಮ ಜೊತೆ ಮಾತೇ ಆಡಲ್ಲ. ಅವರಾಯಿತು ಅವರ ಸ್ನೇಹಿತರಾಯಿತು. ಅವರಿಗೆ ಮೊಬೈಲು, ಯೂ ಟ್ಯೂಬ್ ಎಲ್ಲ ಇದೆಯಲ್ಲಾ.

ನಿಜ ಹೇಳಬೇಕೆಂದರೆ ನಾವು ಮಕ್ಕಳು ಆಸಕ್ತಿಯಿಂದ ಕೇಳುವ ಮಾತುಗಳನ್ನು ಆಡುತ್ತಿಲ್ಲ. ನಮ್ಮ ಸುತ್ತಲಿನ ಲೋಕದಲ್ಲಿ ಇರುವ ತಪ್ಪುಗಳನ್ನು ಎತ್ತಿ ಹೇಳುತ್ತ, ಯಾವುದೂ ಸರಿಇಲ್ಲ ಎನ್ನುವುದನ್ನೇ ಅಭ್ಯಾಸ ಮಾಡಿಕೊಂಡಿದ್ದೇವೆ. ಮಕ್ಕಳಿಗೆ ಇಂತಹ ವಿಷಯ ಬೇಸರ ಆಗಬಹುದೆಂದು ನಮಗೆ ಅನ್ನಿಸುವಷ್ಟು ಸೂಕ್ಷ್ಮತೆ ಇಲ್ಲವಾಗಿದೆ. ನಮ್ಮ ಸಾಧನೆಯನ್ನು, ಅಹಂಮಿಕೆಯನ್ನು ಕೊಚ್ಚಿಕೊಳ್ಳುತ್ತೇವೆ. ಮಕ್ಕಳ ಮನಸ್ಸು ಅರಳಿಸುವ ಸಂಗತಿಗಳ ಬಗೆಗೆ ನಾವು ಎಷ್ಟು ಪ್ರಾಮಾಣಿಕವಾಗಿ ಮಾತನಾಡಿದ್ದೇವೆ. ಮನೆಯಲ್ಲಿ ಒಂದೇ ಅಲ್ಲ ಹೊರಗಡೆಯೂ ಇದೇ ವಾತಾವರಣ ಇದೆ.

ಮಕ್ಕಳ ಜೊತೆಗೆ ಏನು ಮಾತನಾಡಬೇಕು? ನಿಜಕ್ಕೂ ಇದು ಸವಾಲು. ಅವರಿಗೆ ಇಷ್ಟವಾಗಬೇಕು, ನಮ್ಮ ಮಾತು ಸ್ವಾರಸ್ಯಕರವಾಗಬೇಕು. ಆದರೆ ಎಲ್ಲೂ ಉಪದೇಶದ ಛಾಯೆಯೇ ಇರಬಾರದು. ನಮಗೋ ಅನುಭವವನ್ನು ಉಪದೇಶದಂತೆ ಹೇಳುವುದು ರೂಢಿ ಆಗಿದೆ. ನಾವೇ ಮಕ್ಕಳ ಜಾಗದಲ್ಲಿ ನಿಂತು ಕೇಳಿದರೂ ನಮ್ಮ ನಿತ್ಯದ ಆಗು ಹೋಗುಗಳು ಅವರಿಗೆ ನೀರಸವೇ.

ಮಲೆ ನಾಡಿನಿಂದ ಬಂದವರಿಗೆ ಸೀತೆದಂಡೆ ಎಂದರೆ ಗೊತ್ತು. ಬೇರೆಯವರಿಗೆ ಗೊತ್ತಿರುವ ಸಾಧ್ಯತೆ ಕಡಿಮೆ. ಮರದ ಮೇಲೆ ಮಳೆಗಾಲದಲ್ಲಿ ಸಿಗುವ ಅಪರೂಪದ ಹೂವಿದು. ಚಿಕ್ಕ ಚಿಕ್ಕ ಅತ್ಯಂತ ಸೂಕ್ಷ್ಮ ಹೂವುಗಳು ದಂಡೆಯ ಹಾಗೆ ಪೋಣಿಸಿರುತ್ತದೆ. ತಿಳಿ ಗುಲಾಬಿ ಬಣ್ಣದ ಈ ಹೂವಿನ ಸೊಬಗೇ ಬೇರೆ. ಮಕ್ಕಳ ಗುಂಪಿನಲ್ಲಿ ಒಮ್ಮೆ ಹೇಳಿದೆ ಸೀತೆದಂಡೆ ಅಂತಾ ಅವರು ಅದೆಷ್ಟು ಆಸಕ್ತಿಯಿಂದ ಕೇಳಿದರು. ಅವರ ಕುತೂಹಲ ನೋಡಿ ನಮ್ಮ ಬಾಲ್ಯದ ಬೆರಗುಗಳನ್ನು ಹೇಳುತ್ತ ಹೋದೆ. ಒಂದು ಮಗು ತನ್ನ ಅಮ್ಮನನ್ನು ಕೇಳಿತು “” ಅಮ್ಮ ನೀನೂ ಚಿಕ್ಕವಳಿರುವಾಗ ಇದನ್ನೆಲ್ಲ ನೋಡಿದಿಯಾ?” ತಾಯಿ ಹೇಳಿದ್ರು “ನಾನು ನೋಡಿದೀನಿ ಆದರೆ ಇದೆಲ್ಲ ನಿನಗೆ ಇಷ್ಟು ಇಷ್ಟ ಆಗತ್ತೆ ಅಂತಾ ಗೊತ್ತೇ ಆಗಲಿಲ್ಲ.”

ನಾವು ನಮ್ಮ ಸಾಧನೆ, ಯಶಸ್ಸು ಮಕ್ಕಳಿಗೆ ಸ್ಪೂರ್ತಿ ಆಗತ್ತೆ ಎಂದು ತಿಳಿದಿರುವುದರಿಂದ ನಿರಂತರವಾಗಿ ನಮ್ಮ ಗೆಲುವಿನ ಚಿತ್ರವನ್ನು ಅವರೆದುರು ಇಟ್ಟಿದ್ದೇವೆ. ಸೋಲಿನ, ಅವಮಾನದ, ಹತಾಶೆಯ, ಅಸಹಾಯಕತೆಗಳೆಲ್ಲವನ್ನೂ ಇಡಬೇಕು. ಅವರೊಳಗೆ ಬದುಕು ಎದುರಿಸುವ ಧೈರ್ಯ ಬರೋದೆ ಆಗ.

ನಗರದಲ್ಲಿ ಬಹುಕಾಲ ಇದ್ದ ಸ್ನೇಹಿತರೊಬ್ಬರು ಈಗ ಹಳ್ಳಿಗೆ ಹೋಗಿ ಕೃಷಿ ಮಾಡುತ್ತಿದ್ದಾರೆ. ಅವರು ಹೇಳಿದ ಮಾತು “ನಿತ್ಯವೂ ತೋಟ, ಗದ್ದೆ, ಕಾಡು ಬೆಟ್ಟ, ದನ ಕರುಗಳ ಜೊತೆ ಬದುಕುತ್ತ ನಿಸ್ವಾರ್ಥ ಜೀವನ ಅಂದರೆ ಏನು ಎನ್ನುವುದನ್ನು ಅರಿತೆ. ಅವೆಲ್ಲವೂ ಕೊಡುವುದಷ್ಟೇ ಮಾಡುತ್ತವೆ. ನಾವು ಕೇವಲ ಪಡೆಯುವುದರಲ್ಲೇ ಇದ್ದೇವೆ.”

————-

ಸುಧಾ ಶರ್ಮಾ ಚವತ್ತಿ

286637_218799308166417_3412973_o[1]“ಒದ್ದೆ ಕಣ್ಣುಗಳ ಪ್ರೀತಿ” ಕವನ ಸಂಕಲನದ ಮೂಲಕ ಭರವಸೆ ಹುಟ್ಟಿಸಿದ ಸುಧಾ ಶರ್ಮಾ ಚವತ್ತಿ ಮುದ್ರಣ ಮತ್ತು ದೃಶ್ಯ ಮಾಧ್ಯಮಗಳೆರಡರಲ್ಲೂ ಪರಿಣಿತರು. ಪತ್ರಿಕೆಗಳಲ್ಲಿ ಲೇಖನ, ಅಂಕಣಗಳ ಮೂಲಕ ಪರಿಚಿತರು. “ಆವಿಯಾಗಿದೆ ಮಾತು” (ಮಲ್ಲಿಗೆ), “ಷೇರೆಂಬ ಮಾಯಾಂಗನೆ” ( ವಿಜಯ ಕರ್ನಾಟಕ ), “ಪ್ರಾಫಿಟ್ ಪ್ಲಸ್” (ವಿಜಯವಾಣಿ) ಪ್ರಕಟಿತ ಅಂಕಣಗಳು. ಕಿರುತೆರೆ ಕಾರ್ಯರ್ಕಮಗಳ ನಿರ್ದೇಶನ, ನಿರ್ಮಾಣ, ನಿರೂಪಣೆಯ ಅನುಭವ. ಈಗ ಸಾಕ್ಷ್ಯಚಿತ್ರ ನಿರ್ಮಾಣದಲ್ಲಿ ಹೆಚ್ಚಾಗಿ ತೊಡಗಿಕೊಂಡಿದ್ದಾರೆ. ಹಲವಾರು ಸಂಘ ಸಂಸ್ಥೆಗಳಲ್ಲಿ ಸಕ್ರಿಯವಾಗಿರುವ ಇವರು ಉತ್ತಮ ವಾಗ್ಮಿ. ಸಮೂಹ ಮಾತುಗಾರಿಕೆಯೂ ಇವರ ಉತ್ಕಟ ಪ್ರೀತಿಗಳಲ್ಲಿ ಒಂದು.

Share

Leave a comment

Your email address will not be published. Required fields are marked *

Recent Posts More

  • 3 days ago No comment

    ಈ ಸಂಜೆಯೊಳಗೆ

      ಕವಿಸಾಲು       ಈ ಸಂಜೆಯೊಳಗೆ ಗರಿಗೆದರುತ್ತವೆ ಮೌನದಲ್ಲೆ ಗರಬಡಿದ ಮಾತುಗಳು ಹೊಸ ಬಟ್ಟೆಯ ತೊಟ್ಟ ಮಗುವಂತೆ ಸಮುದ್ರದ ದಂಡೆಯಲಿ ದೂರ ಉಳಿದ ಭಾವಗಳು ಅಲೆಗಳಾಗಿ ಬಂದು ಪಾದಮುಟ್ಟಿ ತಮಾಷೆ ಮಾಡುತವೆ ಆಪ್ತ ಗೆಳೆಯನಂತೆ ಗೂಡಿಗೆ ಹೊರಟ ಹಕ್ಕಿಗಳು ತಿರುಗಿ ನೋಡಿವೆ ಬರುವಾಗ ಏನೋ ತಂದಿದ್ದು ಮರೆತು ಬಂದನೋ ಎಂಬಂತೆ ಅಪ್ಪನಿಲ್ಲದ ಮಕ್ಕಳು ಕೂಲಿಗೆ ಹೋದ ತಾಯಿಯ ದಾರಿಯ ಕಣ್ಣು ಮಿಟುಕಿಸದೇ ನೋಡುತಿವೆ ಅರ್ಧದಲೇ ಮರೆತ ...

  • 6 days ago No comment

    ಕಾದಂಬಿನಿ ಕಾಲಂ | ವೇದಿಕೆ, ಶಾಲು, ಸನ್ಮಾನ, ಬಿರುದು ಬಾವಲಿ ಇತ್ಯಾದಿ

                        ಕವಿತೆಯ ಬಗ್ಗೆ ಇರುವ ಆಸಕ್ತಿ ಆ ದೀನ ಹೆಣ್ಣುಮಗಳ ಮಾತು ಆಲಿಸುವುದರಲ್ಲಿ ಇಲ್ಲವೆಂಬುದು ಲೈಕು ಕಮೆಂಟುಗಳಿಂದಲೇ ಸಾಬೀತಾಯಿತು. ಉಳ್ಳವರ ಜಗಮಗಿಸುವ ಲೋಕದಲ್ಲಿ ಒಬ್ಬ ನಿರಾಶ್ರಿತ ಅಲೆಮಾರಿ ಜನಾಂಗದ ನಿರ್ಗತಿಕ ಹೆಣ್ಣಿನ ಅಳಲಿಗೆ ಯಾವ ಜಾಗವಿದೆ ಎನ್ನುವುದನ್ನು ಅದು ನನಗೆ ಮನಗಾಣಿಸತೊಡಗಿತು.   ಮೊನ್ನೆ ಒಬ್ಬ ಕವಿಯ ಜೊತೆ ಬೇಸರದಿಂದ ಮಾತಾಡಿಬಿಟ್ಟೆ. ‘ಶುಭಾಶಯಗಳು. ಆದರೆ ಇಂಥ ...

  • 1 week ago No comment

    ಹುಲ್ಲಿನ ಕಡ್ಡಿ

      ಕವಿಸಾಲು       ಜೋಪಡಿ ತುಂಬಾ ಮಂಪರುಗಣ್ಣಲ್ಲಿ ನೇತಾಡುವ ಚುಕ್ಕಿಗಳು ಚಂದಿರನ ಅಂಗಳ ಸೃಷ್ಟಿಸಿದ್ದವು ಗುಡಿಸಲು ಕಣ್ಣೊಳಗೆ ಜಾತಿ ಧರ್ಮದ ಹಂಗು ತೊರೆದು ನಡು ಮನೆಯ ದೀಪವಾಗಿ ಬೆಳಗಿದ ಕಸಬರಿಗೆಯ ನಾಡಿಗಳು ಹಲವು ಬಗೆಯ ರಕ್ತ ಬಸಿದವರ ರೂಪಾಂತರ ಸಾಲು ನದಿಗಳ ಸರಪಳಿಯಂತೆ ಬೆಸೆದುಕೊಂಡ ಹುಲ್ಲಿನ ಕಡ್ಡಿಗಳು ಹೊಗೆ ಜಂತಿಯ ಮನೆಯೊಳಗೆ ಜಪ್ಪೆನ್ನದ ತಪೋ ವನಗಳು ಮಳೆ ಗುಡುಗು ಬಿರುಗಾಳಿಯ ಅಬ್ಬರದೊಳಗೂ ಸದಾ ಕುದಿಯುತ್ತಾ ಹದಗೊಳ್ಳೊ ...

  • 2 weeks ago No comment

    ಕಾದಂಬಿನಿ ಕಾಲಂ | ಕಸದ ತೊಟ್ಟಿಯಲ್ಲಿ ಸಿಕ್ಕ ಒಂದು ಹೆಣ್ಣು ಶಿಶುವಿನ ಕಥೆ

                        ಬಾಣಲೆಯಿಂದ ಬೆಂಕಿಗೆ ಬಿದ್ದಂತೆ ಕೆಲ ಪುನರ್ವಸತಿ ಕೇಂದ್ರಗಳ ಪಾಲಾದ ಬಾಲಕಿಯರು ಗಂಡಿನ ಕಾಮದ ದಳ್ಳುರಿಯ ಕೊಂಡಕ್ಕೆ ದೂಡಲ್ಪಟ್ಟ ಕಡು ಹೇಯ, ಭೀಬತ್ಸ್ಯಕರ ಕಥೆಗಳನ್ನು ನಾವಿಂದು ಕಾಣುತ್ತಿದ್ದೇವೆ. ಆದರೆ ಹೀಗೆ ಅನಾಥಾಲಯ, ಪುನರ್ವಸತಿ ಕೇಂದ್ರಗಳಿಗೆ ದಾಖಲಾಗುವ ಮುನ್ನಿನ ಆ ಒಂದೊಂದು ಮಗುವಿನ ಕಥೆಯೂ ಅಷ್ಟೇ ಯಾತನಾಪೂರಿತವಾಗಿರುತ್ತವೆ.   ಮೊನ್ನೆ ಮೊನ್ನೆ ಬಿಹಾರದ ಮುಜಫರ್ ನಗರದ ಪುನರ್ವಸತಿ ...

  • 2 weeks ago No comment

    ಪ್ರಸಾದ್ ಪಟ್ಟಾಂಗ | ಅರ್ಥ ಅರಿಯದವರಿಗೆ ಸ್ವಾತಂತ್ರ್ಯವೂ ಅಗ್ಗವೇ!

      ನಾವಿಂದು ಸವಿಯುತ್ತಿರುವ ಸ್ವಾತಂತ್ರ್ಯದ ಹಿಂದೆ ಅದೆಷ್ಟೋ ಜೀವಗಳ ಬಲಿದಾನದ ಇತಿಹಾಸವಿದೆ, ಮುತ್ಸದ್ದಿಗಳ ಕನಸಿದೆ, ಧೀಮಂತ ನಾಯಕರ ದೂರದೃಷ್ಟಿಯ ಹಿನ್ನೆಲೆಗಳಿವೆ. ಇವೆಲ್ಲದರ ಬಗ್ಗೆ ಒಂದಿಷ್ಟಾದರೂ ನಮಗೆ ಕೃತಜ್ಞತೆಯ ಭಾವವಿರಬೇಕಷ್ಟೇ.   ಅದೊಂದು ಟೆಲಿವಿಷನ್ ಕಾರ್ಯಕ್ರಮ. ಸುದ್ದಿವಾಹಿನಿಯೊಂದು ನಮ್ಮ ದೇಶದ ಸ್ವಾತಂತ್ರ್ಯ ಹೋರಾಟಗಾರರ ಬಗ್ಗೆ, ಪ್ರಸ್ತುತ ರಾಜಕೀಯ ನಾಯಕರ ಬಗ್ಗೆ… ಹೀಗೆ ಸಾಮಾನ್ಯಜ್ಞಾನ ಎಂದು ಕರೆಯಬಹುದಾದ ಹಲವು ಪ್ರಶ್ನೆಗಳನ್ನು ತರುಣ-ತರುಣಿಯರಲ್ಲಿ ಕ್ಯಾಮೆರಾ ಮುಂದೆ ಕೇಳುತ್ತಿತ್ತು. ಮಹಾತ್ಮಾ ಗಾಂಧಿಯವರ ಸಂಪೂರ್ಣ ಹೆಸರೇನು? ...


Editor's Wall

  • 15 August 2018
    6 days ago No comment

    ಕಾದಂಬಿನಿ ಕಾಲಂ | ವೇದಿಕೆ, ಶಾಲು, ಸನ್ಮಾನ, ಬಿರುದು ಬಾವಲಿ ಇತ್ಯಾದಿ

                        ಕವಿತೆಯ ಬಗ್ಗೆ ಇರುವ ಆಸಕ್ತಿ ಆ ದೀನ ಹೆಣ್ಣುಮಗಳ ಮಾತು ಆಲಿಸುವುದರಲ್ಲಿ ಇಲ್ಲವೆಂಬುದು ಲೈಕು ಕಮೆಂಟುಗಳಿಂದಲೇ ಸಾಬೀತಾಯಿತು. ಉಳ್ಳವರ ಜಗಮಗಿಸುವ ಲೋಕದಲ್ಲಿ ಒಬ್ಬ ನಿರಾಶ್ರಿತ ಅಲೆಮಾರಿ ಜನಾಂಗದ ನಿರ್ಗತಿಕ ಹೆಣ್ಣಿನ ಅಳಲಿಗೆ ಯಾವ ಜಾಗವಿದೆ ಎನ್ನುವುದನ್ನು ಅದು ನನಗೆ ಮನಗಾಣಿಸತೊಡಗಿತು.   ಮೊನ್ನೆ ಒಬ್ಬ ಕವಿಯ ಜೊತೆ ಬೇಸರದಿಂದ ಮಾತಾಡಿಬಿಟ್ಟೆ. ‘ಶುಭಾಶಯಗಳು. ಆದರೆ ಇಂಥ ...

  • 09 August 2018
    2 weeks ago No comment

    ಕಾದಂಬಿನಿ ಕಾಲಂ | ಕಸದ ತೊಟ್ಟಿಯಲ್ಲಿ ಸಿಕ್ಕ ಒಂದು ಹೆಣ್ಣು ಶಿಶುವಿನ ಕಥೆ

                        ಬಾಣಲೆಯಿಂದ ಬೆಂಕಿಗೆ ಬಿದ್ದಂತೆ ಕೆಲ ಪುನರ್ವಸತಿ ಕೇಂದ್ರಗಳ ಪಾಲಾದ ಬಾಲಕಿಯರು ಗಂಡಿನ ಕಾಮದ ದಳ್ಳುರಿಯ ಕೊಂಡಕ್ಕೆ ದೂಡಲ್ಪಟ್ಟ ಕಡು ಹೇಯ, ಭೀಬತ್ಸ್ಯಕರ ಕಥೆಗಳನ್ನು ನಾವಿಂದು ಕಾಣುತ್ತಿದ್ದೇವೆ. ಆದರೆ ಹೀಗೆ ಅನಾಥಾಲಯ, ಪುನರ್ವಸತಿ ಕೇಂದ್ರಗಳಿಗೆ ದಾಖಲಾಗುವ ಮುನ್ನಿನ ಆ ಒಂದೊಂದು ಮಗುವಿನ ಕಥೆಯೂ ಅಷ್ಟೇ ಯಾತನಾಪೂರಿತವಾಗಿರುತ್ತವೆ.   ಮೊನ್ನೆ ಮೊನ್ನೆ ಬಿಹಾರದ ಮುಜಫರ್ ನಗರದ ಪುನರ್ವಸತಿ ...

  • 01 August 2018
    3 weeks ago No comment

    ಕಾದಂಬಿನಿ ಕಾಲಂ | ಕೊನೆಗೂ ಒಂಟಿಯಾಗಿ ಉಳಿದುಬಿಟ್ಟವಳು

                        ಈಗ ಆಗಿನಂತೆ ನಗು ಬರಲಿಲ್ಲ. ಅವಳ ಬದುಕಲ್ಲೂ ಅದೇ ಘಟಿಸಿಹೋದ ಚೋದ್ಯಕ್ಕೆ ಏನು ಹೇಳುವುದು?   ಮೊನ್ನಿನ ಮುಂಜಾವಲ್ಲಿ ನಾನು ಎಚ್ಚರಗೊಂಡದ್ದೇ ಅವಳ ಫೋನ್ ಕರೆಯಿಂದ. ‘ನಾನ್ ಕಣೇ ರಾಜಿ’ ಎಂದರೆ ನಾನು, ‘ರಾಣಿನಾ?’ ಅನ್ನುತ್ತಿದ್ದೆ. ಅಷ್ಟರಲ್ಲಿ ‘ರಾಜಿ ಮಾರಾಯ್ತೀ ಮರೆತುಬಿಟ್ಯಲ್ಲ’ ಆಪಾದಿಸಿದಳು. ರಾಣಿ ನನ್ನ ಮನೆಯ ಎಡಕ್ಕಿದ್ದ ಗೆಳತಿ. ರಾಜಿ ಬಲಕ್ಕಿದ್ದವಳು. ಇಬ್ಬರ ...

  • 25 July 2018
    4 weeks ago No comment

    ಕಾದಂಬಿನಿ ಕಾಲಂ | ಚೌಕಟ್ಟಿನೊಳಗಿರುವುದು ಚಿತ್ರವಲ್ಲ; ಸುಡುಸುಯ್ಲು!

                        ಹೃದಯ ಭಾರವಾಗುತ್ತದೆ. ಚೌಕಟ್ಟಿನೊಳಗಿನ ಸುಡುಸುಯ್ಲುಗಳು ಇಷ್ಟೇಕೆ ಸುಡುತ್ತವೆ? ಹೊರ ಲೋಕಕ್ಕೆ ಅದೇಕೆ ತಣ್ಣಗೆ ತಣಿದುಬಿಟ್ಟ ಮಂಜುಬೆಟ್ಟಗಳಂತೆ ಗೋಚರಿಸುತ್ತದೆ?   ಆ ದಂಪತಿ ಪ್ರಯಾಣಿಸುತ್ತಿದ್ದ ಕಾರಿನ ಚಾಲಕ ಹಾಡು ಹಾಕಿದಂತೆಲ್ಲ ಪತಿ ಅದನ್ನು ಆಫ್ ಮಾಡುತ್ತಿದ್ದ. ಚಾಲಕನಿಗೆ ವಿಚಿತ್ರವೆನಿಸಿರಬೇಕು. ‘ಏನ್ ಸಾರ್ ನಿಮಗೆ ಹಾಡು ಕೇಳುವ ಹವ್ಯಾಸ ಇಲ್ವಾ’ ಅಂದಾಗ ‘ಇಲ್ಲ ಅದರಿಂದೇನು ಸಿಗುತ್ತೆ?’ ಎಂದಿದ್ದ ...

  • 11 May 2018
    3 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...