Share

ಹ್ಯಾಂಗೋವರ್ ಇಲ್ಲದ ಹ್ಯಾಪಿ ನ್ಯೂ ಇಯರ್
ಈಶ್ವರ ದೈತೋಟ ಕಾಲಂ

https://i2.wp.com/connectkannada.com/wp-content/uploads/2016/04/IMG-20160412-WA0006.jpg?w=658&ssl=1

ನ್ನ ನ್ಯೂ ಇಯರ್‍ ಡಿಸೆಂಬರ್ 31ರಂದೇ ಶುರುವಾಗುತ್ತದೆ. ಆ ದಿನ ಸೂರ್ಯೋದಯಕ್ಕೂ ಮುನ್ನವೇ ಎದ್ದು ಲಾಲ್ ಬಾಗಿಗೆ ವಾಕಿಂಗಿಗೆ ತೆರಳಿ, ನನ್ನ ವರ್ಷಾರಂಭದ ಕೆಲಸಗಳಲ್ಲೆಲ್ಲಾ ಹೊಸತಾಗಿ ತೊಡಗಿಸಿಕೊಂಡು ಸಂಜೆ ಆರರೊಳಗೆ ಮನೆ ತಲುಪಿ, ಹದವಾಗಿ ಊಟ ಮಾಡಿ, ಕೆಲವು ನಿಮಿಷ ಜಗತ್ತಿನಲ್ಲೇನಾಗುತ್ತಿದೆ ಸುದ್ದಿ ಸಮಾಚಾರ ತಿಳಿದು ಮಲಗಿದರೆ ಮರುದಿನದ ಸೂರ್ಯೋದಯದ ಮುಹೂರ್ತಕ್ಕೇ ಮತ್ತೆ ಎಚ್ಚರ. ಏಕೆಂದರೆ ಡಿಸೆಂಬರ್ 31 ನ್ಯೂ ಇಯರ್ ಪಾರ್ಟಿಗಳಿಗೆ ತೆರಳಿ ತೂರಾಡುತ್ತಾ ಮನೆಗೆ ಬಂದು ಕೈಕಾಲು ಜಾಡಿಸುತ್ತಾ ಮಲಗಿ ನಿದ್ದೆ ಬರದೆ ಪರದಾಡುವುದು ಬೇಡವೆಂಬುದು 2 ದಶಕಗಳ ನನ್ನ ವರ್ಷಾಂತ್ಯಚರಿಯಾಗಿಬಿಟ್ಟಿದೆ.

ಕುಡಿಯಲಿಕ್ಕೆ ಗಮ್ಮತ್ತಾಗುತ್ತದೆ ಎನ್ನುವವರಿಗೆಲ್ಲ ಗೊತ್ತು, ಲೆಕ್ಕ ತಪ್ಪಿದರೆ ಮರುದಿನ ಮುಂಜಾನೆಯ ಹ್ಯಾಂಗೋವರ್ ಮಾತ್ರ ಬೇಡಾಂತ. ಪ್ರಾಥಮಿಕ ಶಾಲೆಯಲ್ಲಿ ಓದುತ್ತಿದ್ದಾಗ, ಜೊತೆಯಲ್ಲಿ ಶಾಲೆಗೆ ಬರುತ್ತಿದ್ದ ರಾಮೆ ನೆರೆಮನೆಯ ಬಟ್ಯ ಮಣ್ಣಲ್ಲಿ ಹದವಾಗಲು ಹಾಕಿದ ಸ್ವಂತ ತಯಾರಿಯದೊಂದು ಬೀಜದ ಹಣ್ಣಿನ ಶರ್ಬತ್ತಿನ ಬಾಟಲ್‍ ಕದ್ದು ಕುಡಿದು ತಲೆತಿರುಗಿ, ಮೈ ನಡುಗಿ ಮಗುಚಿ ಬಿದ್ದಾಗ ಆದ ಫಜೀತಿ ನನಗಿನ್ನೂ ನೆನಪಿದೆ. ಆಸ್ಪತ್ರೆಯ ಡಾಕ್ಟರ್ ಬರುವಲ್ಲಿಯವರೆಗೆ ಸುಧಾರಿಸಲು ಪ್ರಥಮ ಚಿಕಿತ್ಸೆಗಾಗಿ ಆತನ ನೆತ್ತಿ ಹಾಗೂ ಅಂಗಾಲಿಗೆ ಎಣ್ಣೆ ಹಾಕಿ ಉಜ್ಜಿದ್ದರು. ಆಮೇಲೆ ನೀರಿನಲ್ಲಿ ಮುಳುಗಿಸಿ ಏಳಿಸಿದ್ದರು.

ಆಧುನಿಕ ವೈದ್ಯರ ಪ್ರಕಾರ ಸಂಜೆ ಕಿಕ್ ಹೆಚ್ಚಾಗಿ ಹೆಡ್ಡೇಕ್, ತಲೆಕುಟ್ಟಿದರೆ ತಾಜಾ ಹಣ್ಣಿನ ರಸ ಕುಡಿಯಬೇಕು. ಯಾಕೆಂದರೆ, ಜ್ಯೂಸ್‍ನಲ್ಲಿರುವ ಫ್ರುಕ್ಟೋಸ್ ಎಂಬ ಸಕ್ಕರೆ ಅಂಶ ಆಲ್ಕೋಹಾಲನ್ನು ತ್ವರಿತವಾಗಿ ಸುಟ್ಟು ಕರಗಿಸುತ್ತದೆ. ಕಿತ್ತಳೆಯೋ, ಟೊಮೊಟೋದ್ದೋ ಜ್ಯೂಸೊಂದು ಗ್ಲಾಸು ಒಳಗಿಳಿದರೆ, ರಾತ್ರಿ ಬೆಳಗಾದ ನಂತರವೂ ದೇಹದೊಳಗೆ ಕಾಡುವ ಅಮಲಿನಂಶವನ್ನು ಕಿತ್ತೆಸೆಯುತ್ತದಂತೆ. ಹಾಗೆಯೇ, ಬಿಸ್ಕಿಟ್ ತಿನ್ನುವುದು ಮತ್ತು ಜೇನು ಸೇವಿಸುವುದು ಕೂಡಾ ಹ್ಯಾಂಗೋವರ್‍ಗೆ ಮದ್ದಂತೆ. ಜೇನಿನಲ್ಲಿಯೂ ಫ್ರುಕ್ಟೋಸ್‍ ಇರುತ್ತದೆ.

ಹ್ಯಾಂಗೋವರ್ ಬರದಂತೆ ಕುಡಿಯುವುದಕ್ಕೆ ಒಂದು ಶಿಸ್ತು ಇದೆ. ನಿಧಾನಕ್ಕೆ, ಹದವಾಗಿ ಹನಿಹನಿಯಾಗಿ ದೀರ್ಘ ಕಾಲ ಕುಡಿಯುವ ಅಭ್ಯಾಸದಿಂದ ಅಮಲು ರಕ್ತಕ್ಕೆ ಸುಲಭದಲ್ಲಿ ಸೇರುವುದಿಲ್ಲ. ತಲೆಗೆ ಮತ್ತೇರುವುದಿಲ್ಲ. ದೇಹದಲ್ಲಿ ಗಂಟೆಗೊಂದು ಔನ್ಸ್ ಆಲ್ಕೋಹಾಲ್‍ ಕರಗಿಸುವ ಸಾಮರ್ಥ್ಯವಿದೆ. ಹಾಗೆಯೇ ಖಾಲಿ ಹೊಟ್ಟೆಗೆ ಮದ್ಯ ಸಲ್ಲದು. ತುಂಬಿದ ಹೊಟ್ಟೆಯಾದರೆ ಅಮಲುಗೊಳ್ಳಲು ಬಿಡುವುದಿಲ್ಲ. ಅಲ್ಲದೆ ಅಧಿಕ ಸೇವನೆಗೂ ಒಪ್ಪುವುದಿಲ್ಲ.

ಮರೆಯಬೇಡಿ, ಕುಡಿಯುವ ಮಾಲು ಗುಣಮಟ್ಟದ್ದಾಗಿರಬೇಕೆಂಬ ಎಚ್ಚರವಿರಲಿ, ಸ್ಕಾಚೆಂದು ಭ್ರಮಿಸಿ ಹೂಚ್‍ ಕುಡಿದರೆ, ಗೋವಿಂದಾ!!
ಕುಡಿತದ ಸಮಸ್ಯೆ ಬಗ್ಗೆ ನೆನಪಾಗುವಾಗ ಪತ್ರಿಕೆಗಳಲ್ಲಿ ‘ಸೆಕೆಂಡ್ಸ್ ಕಿಕ್ ಮದಿರೆ ರಂಭೆ, ಊರ್ವಶಿ’ ಎಂದೆಲ್ಲಾ ವಿಧಾನಮಂಡಲದಲ್ಲಿ ಧ್ವನಿಸಿದ ಪದಗಳು ನೆನಪಿಗೆ ಬಂದವು.’ರಾಜ್ಯ ವಿಧಾನಮಂಡಲದಲ್ಲಿ ಸದಸ್ಯರೆಲ್ಲರ ಉತ್ಸಾಹ, ಕೋಪ ಕೆರಳಿಸುವ 2 ಕುಡಿತದ ವಿಷಯಗಳಿವೆ. ಒಂದು ಕುಡಿಯುವ ನೀರು, ಇನ್ನೊಂದು ಕುಡಿಯುವ ಬೀರು. ನೀರಿಗಿಂತ ಮದ್ಯದ ಬಗ್ಗೆ ಚರ್ಚೆಗೆ ಹೆಚ್ಚು ಸಮಯ ವಿನಿಯೋಗವಾಗಿದೆ. ಹಾಗೆಯೇ ಕುಡಿತದ ಚರ್ಚೆಗೆ ಪಕ್ಷ, ಗುಂಪು, ಲಿಂಗ, ಸ್ಥಾನ ಭೇದವಿಲ್ಲದೆ ‘ನ್ಯಾಯ’ ದೊರಕಿದೆ.

ಕುಡಿಯುವ ನೀರಿನ ವಿಚಾರಕ್ಕೆ ಲಭ್ಯವಾಗುವ ಡಬಲ್ ಟೈಮ್‍ ಕುಡಿತದ ರಭಸಕ್ಕೆ ಕರಗಿ ಹೋಗಿದೆ. ನೀರಿನ ಚರ್ಚೆಯಲ್ಲಿ ಸಮಸ್ಯೆ, ಗಂಭೀರತೆ ಮತ್ತು ಪರಿಹಾರ ಕಾಳಜಿ ಮುಖ್ಯವಾಗಿದ್ದರೆ, ಮದ್ಯಪಾನದ ವಿಮರ್ಶೆಯಲ್ಲಿ ಕುಡಿತದ ಅಮಲು, ಆನಂದ, ಕಷ್ಟ-ನಷ್ಟ ಆಗುಹೋಗುಗಳು, ವೈಯಕ್ತಿಕ, ಸಾಮಾಜಿಕ ದುಷ್ಪರಿಣಾಮಗಳು, ಮದ್ಯಪಾನದ ಪರವಿರೋಧ ಚರ್ಚೆಗಳು. ಹಾಸ್ಯ ಕೊಂಕು ಇಲ್ಲಿ ಪ್ರಧಾನ.

ಮದ್ಯಪಾನದಷ್ಟು ವ್ಯಾಪಕತೆ ಮತ್ತು ಸ್ಪಿರಿಟೆಡ್ ಚರ್ಚೆ ನಡೆಯದಿದ್ದರೂ,ಕುಡಿಯುವ ನೀರಿನ ಸಮಸ್ಯೆ ಪ್ರಶ್ನೆಗೆ ಸರ್ವೇ ಸಾಮಾನ್ಯ ಪಕ್ಷಭೇದ ಇಲ್ಲ. ಗಮನ ಸೆಳೆವ ಸೂಚನೆ, ನಿಯಮ 351, ಪ್ರಶ್ನೋತ್ತರ ಹಾಗೂ ಸಾಮಾನ್ಯ ಚರ್ಚೆ ಮೂಲಕ ವಿಚಾರ ಪ್ರಸ್ತಾಪಗೊಂಡಿದೆ. ನೀರಿನ ಸಾರ ಅಷ್ಟೇ ಆದರೆ ಮದ್ಯಸಾರದ ಸ್ಫೂರ್ತಿಯೇ ಬೇರೆ ಅಲ್ಲವೇ!

ಮದ್ಯಪಾನದಿಂದಾಗುವ ದುಷ್ಪರಿಣಾಮಗಳೇನು ಎಂಬುದಕ್ಕೆ ಮನಶ್ಶಾಸ್ತ್ರಜ್ಞರ ಉತ್ತರ ಈ ರೀತಿ ಇದೆ.
‘ವ್ಯಕ್ತಿಯ ದೈಹಿಕ-ಮಾನಸಿಕ ಅಸಮತೋಲನೆ ಅಲ್ಲದೆ ಕೌಟುಂಬಿಕ, ಆರ್ಥಿಕ, ಸಾಮಾಜಿಕ ದುಷ್ಪರಿಣಾಮಗಳು. ಅಂದರೆ ಕುಡುಕನಾದವನು ಆತ್ಮನ್ಯೂನತೆ, ಆತ್ಮನಿಂದನೆ ಇವುಗಳ ವರ್ತುಲದಲ್ಲೇ ಸುತ್ತುತ್ತಿರುವೆನೆಂಬ ಅರಿವಿದ್ದರೂ ಇದರಿಂದ ಹೊರಬರಲಾರದೆ ತೊಳಲಾಡುತ್ತಿರುತ್ತಾನೆ. ದುಷ್ಪರಿಣಾಮದ ಅರಿವಿದ್ದೂ ಇಲ್ಲದೆಯೂ ಸಂಕಟಕ್ಕೆ ಒಳಗಾಗುತ್ತಾನೆ. ಕುಟುಂಬದಲ್ಲಿ ಹೆಂಡತಿ ಮಕ್ಕಳಲ್ಲಿ ಕೀಳರಿಮೆ, ಸಮಾಜದಲ್ಲಿ ಸ್ಥಾನಮಾನಗಳು ಕುಂಠಿತವಾಗುತ್ತ ಸಾಮಾಜಿಕ, ಆರ್ಥಿಕ ಅಭದ್ರತೆಗಳು ಕಾಡುತ್ತವೆ. ಮಕ್ಕಳಲ್ಲೂ ಭಾವನಾತ್ಮಕ ರಕ್ಷಣೆ ಇಲ್ಲದ ಕೊರಗು ಹಾಗೂ ಅಭದ್ರತೆಗೆ ಒಳಗಾದ ಮಕ್ಕಳನ್ನು ಅನಾಥ ಪ್ರಜ್ಞೆಕಾಡುತ್ತದೆ.’

ಮದ್ಯವ್ಯಸನಿಗಳಿಗೆ ಉಪಚಾರ ನೀಡಲು ಕೌನ್ಸಿಲಿಂಗ್; ಮನೋವಿಶ್ಲೇಷಣೆ, ಗ್ರೂಪ್‍ ಥೆರಪಿ, ಫ್ಯಾಮಿಲಿ ಕೌನ್ಸಿಲಿಂಗ್, ಗ್ರೂಪ್ ಮೀಟಿಂಗ್, ಸೈಕೋಥೆರಪಿ ಎಂದೆಲ್ಲಾ ಮನಶ್ಶಾಸ್ತ್ರಜ್ಞರು ಕುಡುಕರ ಚಟ ಬಿಡಿಸುವ ಬಗ್ಗೆ ಹೇಳಿದ್ದಾರೆ.

ಹೊಸ ವರ್ಷದ ಸ್ವಾಗತಕ್ಕೆ ಕರ್ನಾಟಕ ಕರಾವಳಿ ಬೆಲ್ಲದಂಗಡಿಯ ಹೊಸ್ಮಾರಿನ ಬಾಬಣ್ಣ ಗುಂಡು ಬಿಡಲು ಮದ್ದು ಕೊಡುತ್ತಿದ್ದುದನ್ನು ವಿವರಿಸಿ ವಿಶ್ ಯು ಆಲ್ ಹ್ಯಾಪಿ ನ್ಯೂ ಇಯರ್‍ಎಂದು ವಿಶ್ ಮಾಡಬಯಸಿದ್ದೇನೆ.

ಮದ್ಯ ಚಟಬಿಡಿಸುವ ಬಾಬಣ್ಣರ ಅಕ್ಕಿಕಾಳಿನ ಮದ್ದಿನ ಬಗ್ಗೆ ಹೊಸವರ್ಷದ ಮುನ್ನವೇ ಹೇಳಬೇಕೆಂದು ಕಿಕ್ ಬಂದು ಬಿಟ್ಟಿದೆ. ನಾಗದೋಷ ಗುಣವಾಗಿಸುವಲ್ಲಿ, ಕುಡಿತ, ಹೊಗೆಸೊಪ್ಪು ಇತ್ಯಾದಿ ಚಟ ಬಿಡಿಸುವುದರಲ್ಲಿ ಬಾಬಣ್ಣರದು ಎತ್ತಿದ ಕೈ. ಇತರ ಖಾಯಿಲೆ, ಕಸಾಲೆ ದೋಷಗಳಿಗೂ ಅವರ ಮದ್ದು ರಾಮಬಾಣವಾಗಿತ್ತು.

ಕುಡಿತ ಚಟ ಮಿತಿಮೀರಿದ ಗುಂಡಣ್ಣಂದಿರು ಅವರ ಬಳಿ ಆಗಮಿಸಿದಾಗ ಅವರಿಗಿಷ್ಟವಾದ ಡ್ರಿಂಕ್‍ ಏನೆಂದು ಬಾಬಣ್ಣ ಕೇಳಿ ಆ ಡ್ರಿಂಕಿನ ಹೆಸರು ಹೇಳುತ್ತಾ ಮದ್ಯವ್ಯಸನಿ ಬಾಯಿಗೆ ಮಂತ್ರಿಸಿದ ಅಕ್ಕಿ ಕಾಳು ಹಾಕಿ ಬಿಡುತ್ತಿದ್ದರಂತೆ.

‘ಮರಿತುಚ್ಚುಂಡಲಾ ಮರ್ದುಂಡು, ಅರಿತುಚ್ಚುಂಡ ಮರ್ದಿಜ್ಜಿ’ ಎಂಬುದೇ ಬಾಬಣ್ಣರ ಸಾರ್ವಜನಿಕ ಮಂತ್ರವೆಂದು ಅರಿತವರು ಹೇಳುತ್ತಾರೆ. ಆ ಮದ್ದು ಬಾಯಿಗೆ ಬಿದ್ದವರು ಮತ್ತೆ ಅವರವರ ಫೇವರೈಟ್ ಡ್ರಿಂಕ್‍ಗಳ ಖಾಲಿ ಬಾಟಲ್ ತೋರಿಸಿದರೂ ವಿಷಸರ್ಪ ಕಂಡಂತೆ ಗಾಬರಿಗೊಂಡು ಅಯ್ಯೋ, ಪಯ್ಯೋ ಎಂದು ಓಡಿ ಹೋಗುತ್ತಿದ್ರಂತೆ. ಎಂದೂ ಕುಡಿಯದ ಬಾಬಣ್ಣ ಅವರು ದೇವರ ಪಾದ ಸೇರಿ ಹಲವು ವರ್ಷಗಳಾದವು.
ಆದ್ದರಿಂದ ಮಿತ ಮದ್ಯಪಾನದ ಸ್ಲೋಗನ್ ಹೇಳಿ ಹ್ಯಾಪಿ ನ್ಯೂ ಇಯರ್ ಹೇಳಬಯಸಿದ್ದೇನೆ.

———————-

ಈಶ್ವರ ದೈತೋಟ

1ಕರ್ನಾಟಕದ ಅತಿಹೆಚ್ಚು ದಿನಪತ್ರಿಕೆಗಳನ್ನು ಮುನ್ನಡೆಸಿದ ಹಿರಿಮೆ. 1991ರಿಂದ 2011ರವರೆಗಿನ ಎರಡು ದಶಕಗಳಲ್ಲಿ ಅತ್ಯಂತ ಹೆಚ್ಚು ಆವೃತ್ತಿಗಳು ಮತ್ತು ಪ್ರಸಾರದ ವಿಜಯ ಕರ್ನಾಟಕದ ಫೌಂಡರ್ ಚೀಫ್ ಎಡಿಟರ್. ಮಣಿಪಾಲದ ಉದಯವಾಣಿ ರೆಸಿಡೆಂಟ್ ಎಡಿಟರ್, ಟೈಮ್ಸ್ ಆಫ್ ಇಂಡಿಯಾ (ಕ) ಎಡಿಟರ್, ಕನ್ನಡದ ಸೀನಿಯರ್ ಮೋಸ್ಟ್ ದೈನಿಕ ಸಂಯುಕ್ತ ಕರ್ನಾಟಕದ ಚೀಫ್ ಎಡಿಟರ್ ಹಾಗೂ ನೂತನ ವಾರಪತ್ರಿಕೆ ಚೀಫ್ ಎಡಿಟರ್ ಆಗಿ ಹೊಣೆಹೊತ್ತವರು.

ಮುದ್ರಣ ಮಾಧ್ಯಮ, ರೇಡಿಯೋ, ಟೆಲಿವಿಷನ್ನಿನಲ್ಲಿ ಮೂರೂವರೆ ದಶಕಗಳಿಗೂ ಹೆಚ್ಚು ಅನುಭವ. ಪತ್ರಿಕೋದ್ಯಮ ಶಿಕ್ಷಣ, ಅಭ್ಯುದಯ ಪತ್ರಿಕೋದ್ಯಮ ಮತ್ತು ಮೀಡಿಯಾ ಮ್ಯಾನೇಜ್‌ಮೆಂಟ್‌ನಲ್ಲಿಯೂ ಅಪಾರ ಸಾಧನೆ. ಯುಜಿಸಿ ಮತ್ತು ಯೂನಿಸೆಫ್ ತರಬೇತಿ ಯೋಜನೆಗೆ ಡೆವಲಪ್‌ಮೆಂಟ್‌ ಕನ್ಸಲ್ಟೆಂಟ್ ಎಂದು ಮನ್ನಣೆ.

2015ರಲ್ಲಿ ಪ್ರತಿಷ್ಠಿತ ಟಿಎಸ್ಆರ್ ಪತ್ರಿಕೋದ್ಯಮ ಪ್ರಶಸ್ತಿ, ಮೂಡಬಿದ್ರೆಯ ನುಡಿಸಿರಿ ಪ್ರಶಸ್ತಿ, 2008ರಲ್ಲಿ ಅಭ್ಯುದಯ ಪತ್ರಿಕೋದ್ಯಮ ರಾಜ್ಯ ಪ್ರಶಸ್ತಿ, ಮೈಸೂರಿನ ಕುವೆಂಪು ಶಿಕ್ಷಣ ಸಂಸ್ಥೆಯಿಂದ ರಾಜ್ಯದ ಅತ್ಯುತ್ತಮ ಸಂಪಾದಕ ಪ್ರಶಸ್ತಿ (2006). 2008ರಲ್ಲಿ ರಾಷ್ಟ್ರೀಯ ಝಿ ಟಿವಿ ಚಾನೆಲ್‌ನಿಂದ ಕರ್ನಾಟಕದಲ್ಲಿ ಇಲೆಕ್ಟ್ರಾನಿಕ್ ಮೀಡಿಯಂ ಮತ್ತು ಪತ್ರಿಕೋದ್ಯಮಕ್ಕೆ ಅತಿ ದೊಡ್ಡ ಸೇವೆ ಸಲ್ಲಿಸಿದ ಸಂಪಾದಕ ಮತ್ತು ಅತ್ಯಂತ ಜನಪ್ರಿಯ ಮೀಡಿಯಾ ಪರ್ಸನ್ (ವೀಕ್ಷಕರ ಆಯ್ಕೆ) ಎಂಬೆರಡು ಪ್ರಶಸ್ತಿಗಳು. ವಾಯ್ಸ್ ಆಫ್ ಅಮೇರಿಕಾ ಮತ್ತು ಕೆನೆಡಿಯನ್ ರೇಡಿಯೋಗಳಲ್ಲಿ ಅವರ ಕಾರ್ಯಕ್ರಮಗಳು ಪ್ರಸಾರವಾಗಿವೆ. ಹಲವು ಇಂಟರ್‌ನ್ಯಾಷನಲ್ ಜರ್ನಲ್‌ಗಳಿಗೂ ಲೇಖನ ಬರೆದಿದ್ದಾರೆ.

ಅಭ್ಯುದಯ ಪತ್ರಿಕೋದ್ಯಮ ಅವರ ನಿತ್ಯ ಜಪ. ಅಭ್ಯುದಯ ಸಂಬಂಧಿತ ಅನೇಕ ಡಾಕ್ಯುಮೆಂಟರಿಗಳನ್ನು, ರೇಡಿಯೋ ರೂಪಕಗಳನ್ನು ತಯಾರಿಸಿರುವ ಅನುಭವ. ಪತ್ರಿಕೋದ್ಯಮ ಮತ್ತಿತರ ವಿಷಯಗಳ ಬಗ್ಗೆ ಅವರು ಬರೆದಿರುವ, ಅನುವಾದಿಸಿರುವ ಪುಸ್ತಕಗಳ ಸಂಖ್ಯೆ 75ಕ್ಕೂ ಹೆಚ್ಚು.

Share

6 Comments For "ಹ್ಯಾಂಗೋವರ್ ಇಲ್ಲದ ಹ್ಯಾಪಿ ನ್ಯೂ ಇಯರ್
ಈಶ್ವರ ದೈತೋಟ ಕಾಲಂ
"

  1. ತುರುವನೂರು ಮಂಜುನಾಥ
    28th December 2016

    ಈಶ್ವರ್ ದೈತೋಟ ಸರ್ ನಿಮ್ಮ ಹೊಸ ವರ್ಷದ ಕುರಿತು ಬರೆದಿರುವ ಲೇಖನ ತುಂಬಾ ಚನ್ನಾಗಿದೆ. ಕುಡಿತ ಮತ್ತು ಆಚರಣೆ ಈ ಎರಡರ ನಡುವೆ ಇರುವ ವ್ಯತ್ಯಾಸಗಳು ಮತ್ತು ಅದರಿಂದ ಆಗುವ ತೊಂದರೆಗಳ ಕುರಿತು ತುಂಬಾ ಚನ್ನಾಗಿ ವಿಶ್ಲೇಷಿಸಿದ್ದೀರಿ , ಹಾಗೆಯೆ
    ವ್ಯಕ್ತಿಯ ದೈಹಿಕ-ಮಾನಸಿಕ ಅಸಮತೋಲನೆ ಸಾಮಾಜಿಕ ದುಷ್ಪರಿಣಾಮಗಳು. ಅಂದರೆ ಕುಡುಕನಾದವನು ಆತ್ಮನ್ಯೂನತೆ, ಆತ್ಮನಿಂದನೆ ಇವುಗಳ ಕುರಿತು ಹೇಳಿರುವ ಮಾತು ಅಕ್ಷರಶಃ ಸತ್ಯ .ಹೊಸ ವರ್ಷದ ಆಚರಣೆ ಎಂದಾಕ್ಷಣ ಬಹುತೇಕ ಜನ ಕುಡಿತ ಮತ್ತು ಆಚರಣೆಯ ಬಗ್ಗೆಯೇ ಚಿಂತೆ ಮಾಡುತ್ತಾರೆ ಆ ಎರಡರ ವಿಶ್ಲೇಷಣಾತ್ಮಕ ವಿಶೇಷವಾಗಿದೆ.ಸಮಾಜದಲ್ಲಿ ಆರ್ಥಿಕ ಅಭದ್ರತೆ ಯ ಅನಾಥ ಪ್ರಜ್ಞೆಯನ್ನು ಚನ್ನಾಗಿ ಬರೆದಿದ್ದೀರಾ ಸರ್.ಈ ಹೊತ್ತಿನಲ್ಲಿ ಈ ಲೇಖನದ ಅಗತ್ಯವಿತ್ತು….

    ತುರುವನೂರು ಮಂಜುನಾಥ

    Reply
    • Ishwar Daitota
      30th December 2016

      Thank u for ur sensitive reaction

      Reply
    • Ishwar Daitotal
      30th December 2016

      ThankU

      Reply
  2. G. N. Shetti
    28th December 2016

    Very nice information

    Reply
  3. Mrutyunjaya Kapagal
    28th December 2016

    ಸರ್, ದೈತೋಟ ಅವರಿಗೆ, ಬಹಳ ದಿನಗಳ ಅತ್ಯಂತ ಕಳಕಳಿಯ ಲೇಖನದ ಮೂಲಕ ನಿಮ್ಮೊಂದಿಗೆ ಮಾತಾಡಿದ ಅನುಭವವಾಯಿತು. ನಿಮಗೂ ಹೊಸ ವರ್ಷದ ಶುಭಾಶಯಗಳು, ನಿಮ್ಮ ಬಗ್ಗೆ ಹೀಗೆಯೇ ಕಾಳಜಿವಹಿಸಿರಿ. ಸದಾ ಸಂಪರ್ಕ ಹಾಗೂ ಸಲಹೆ ನಿರೀಕ್ಷೆಯಲ್ಲಿರುವ
    ವಂದನೆಗಳೊಂದಿಗೆ,
    ಮೃತ್ಯುಂಜಯ ಕಪಗಲ್.

    Reply
  4. M K Vidyaranya
    31st December 2016

    Beautiful narration on the evils of intoxication. Happy New year I’d hear. Vidyaranya

    Reply

Leave a comment

Your email address will not be published. Required fields are marked *

Recent Posts More

  • 2 days ago No comment

    ಕವಿಸಾಲು | ಕೈಗಳ ಚಾಚಿ ನೋಡು

        ಕವಿಸಾಲು         ಕಟ್ಟಿಕೊಂಡ ಚೌಕಟ್ಟುಗಳ ಮುರಿದುಬಿಡು ಹರಿಯಬಿಡು ಬಿಳಿ ಗೆಣ್ಣುಗಳಿಗೆ ಮೈಯ ತುಂಬ ಹರಿವ ಮಿಂಚುಗಳನು ತುಂಬಿಕೊಳ್ಳಲಿ ರಕ್ತ, ಮಾಂಸಕ್ಕೆ ಮತ್ತೊಮ್ಮೆ ಭಾವಗಳು ಸುಖಿಸಲಿ ಬೊಗಸೆ ತುಂಬ ಬಿಗಿಯಾಗಿ ಮುಚ್ಚಿದ ಮುಷ್ಠಿಯನ್ನು ಬಿಚ್ಚಿ ಒಮ್ಮೆ ನನಗೆ ತೋರಿಸಿಬಿಡು ಬಚ್ಚಿಟ್ಟುಕೊಂಡಿರುವುದು ನಿನ್ನನ್ನೋ ಕಳೆದುಹೋದರೆ ಎಂಬ ಭಯದಲ್ಲಿ ಭದ್ರವಾಗಿ ಹಿಡಿದ ನೆನಪುಗಳನ್ನೋ ಚೆನ್ನಾಗಿ ಗೊತ್ತು ನಿನ್ನ ಬೆಳಗಾಗುವುದು ಆ ಹಸ್ತ ದರ್ಶನದಲಿ ರಾತ್ರಿಯಾಗುವುದು ಅದೇ ...

  • 5 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 2 weeks ago No comment

    ಕಥನ | ಮುಕ್ತಾಯ

      ಕಥನ       ದಿನದ ಮುಕ್ತಾಯಕ್ಕೆ ಡೈರಿ ಬರೆಯುವುದೊಂದು ಚಟ ನನ್ನ ಪಾಲಿಗೆ. ಅದೆಷ್ಟೋ ಸುಳ್ಳುಗಳನ್ನು ಬರೆದ ಈ ಪಾಪಿ ಕೈಗಳು ಸತ್ಯವನ್ನು ಬರೆಯುವುದು ಇಲ್ಲಿ ಮಾತ್ರ. ಅಂದ ಹಾಗೆ ಇಂದು ಈ ದಿನದ ಮುಕ್ತಾಯವಷ್ಟೇ ಅಲ್ಲ ನನ್ನ ಜೀವನದ್ದೂ ಕೂಡಾ. ರಣರಂಗದಲ್ಲಿ ವೈರಿಗಳೊಡನೆ ಕಾದಾಡುವಾಗ, ಅದೆಷ್ಟೋ ಸೈನಿಕರ ಛಿದ್ರವಾದ ಶವಗಳನ್ನು ಮಣ್ಣು ಮಾಡಿ ಎದೆಗುಂದಿದಾಗ, ಯುಧ್ಧಖೈದಿಯಾಗಿ ಶತ್ರುದೇಶಕ್ಕೆ ಸೆರೆಸಿಕ್ಕಿ ಅವರು ಕೊಟ್ಟ ಚಿತ್ರಹಿಂಸೆಗಳನ್ನು ಅನುಭವಿಸಿದಾಗ ...

  • 2 weeks ago No comment

    ಕವಿಸಾಲು | ಕಾಡುತ್ತಿರು ಆಗಾಗ ನೀನು

        ಕವಿಸಾಲು         ಎಷ್ಟೊಂದು ಸಾರಿ ಮಾತಾಡುತ್ತಿದ್ದೆ ನಿನ್ನೊಡನೆ ಕೂತು ಗಿಡ, ಬಳ್ಳಿ, ಮರ ಮೋಡಗಳನು ಮನ ಮುಟ್ಟುವ ಪ್ರತಿ ಅಲೆಗಳನು ಕರೆದು ಮಾತಾಡಿಸುತ್ತಿದ್ದೆವು ಹದವಾಗಿ ಬೆರೆತು ರಾತ್ರೋ ರಾತ್ರಿಯ ಕಪ್ಪಿನಲಿ ಕೌತುಕದ ಅಪ್ಪುಗೆಯಲಿ ನಡುಗುವ ಚಳಿಯಲಿ ಒಂದಾಗಿ ಬೆಚ್ಚಗೆ ಕುಳಿತು ಕರಿ ಗಿರಿಶಿಖರಗಳ ಬೆಳ್ಳಿರೇಖೆಗಳನು ಫಳ್ಳನೆ ಮಿನುಗುವ ನಕ್ಷತ್ರಗಳನೂ ಕೈಯಲ್ಲಿ ಹಿಡಿದು ಕುಳಿತು ಮುಖಾಮುಖಿಯಾಗಿ ಕೂತು ಹರಟುತ್ತಿದ್ದೆವು ನಾವೊಂದಾಗಿದ್ದಾಗ ನಮಗನಿಸಿದ್ದನ್ನು ದಿನಚರಿ ...

  • 2 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...


Editor's Wall

  • 09 November 2018
    5 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    2 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...