Share

ಕೋಳಿಕಟ್ಟದ ಸಾಂಸ್ಕೃತಿಕ ಹಿನ್ನೆಲೆ
ಈಶ್ವರ ದೈತೋಟ ಕಾಲಂ

https://i2.wp.com/connectkannada.com/wp-content/uploads/2016/04/IMG-20160412-WA0006.jpg?w=658&ssl=1

ಸಿ ಮನಿ ಸಿಗುತ್ತದೆಂದು ಬೆಟ್ಟಿಂಗ್‍ ಇಲ್ಲವೆ ಜುಗಾರಿ ಭೂತದ ಬಲೆಗೆ ಬಿದ್ದು ಮಕ್ಕಳು ಮುಂದೆ ಬೇಜವಾಬ್ದಾರರಾಗಬಾರದೆಂಬ ಕಳಕಳಿ ಈ ದೇಶದಲ್ಲಿ ಹಿಂದಿನಿಂದಲೂ ಇತ್ತು. ಹಾಗೆಯೇ, ಪ್ರಾಣಿಗಳ ಅನುಕಂಪ ಕೂಡಾ ನಮ್ಮ ಸಂಸ್ಕೃತಿಯ ಭಾಗ.

ಸರಕಾರವೇ ಲಾಟರಿ ಪ್ರಾರಂಭಿಸಿ, ಬೆರಳೆಣಿಕೆಯ ಲಕ್ಷಾಧೀಶರುಗಳನ್ನೂ, ನೂರಾರು ನಿರ್ಗತಿಕ ಕುಟುಂಬಗಳನ್ನೂ ಸೃಷ್ಟಿಸಿ, ಮತ್ತೆ ಜನರೊತ್ತಡಕ್ಕೆ ಮಣಿದು, ನ್ಯಾಯಾಂಗದ ಆದೇಶದಂತೆ ಲಾಟರಿ ಕೈಬಿಟ್ಟಿತು. ಖಾಸಗಿ ಲಾಟರಿಗಳನ್ನೂ ಮುಚ್ಚಿಸಿತು.
ಇಸ್ಪೀಟು ಕ್ಲಬ್‍ಗಳು, ಕುದುರೆಯೋಟ ಕಣಗಳು ಇವತ್ತೂ ಇವೆ.

ಜೂಜು ಇದ್ದಲ್ಲಿ ಕೆಲವರ ದುಡ್ಡುಕಾಸು ಮೇಲೇರುತ್ತದೆ. ಸಾವಿರಾರು ಕುಟುಂಬಗಳು ಆರ್ಥಿಕ ವಿನಾಶಕ್ಕೆ ಹೋಗುತ್ತವೆ, ನೂರಾರು ಮಂದಿ ಮನೋರೋಗಿಗಳಾಗುತ್ತಾರೆ, ದುಶ್ಚಟಗಳಿಗೆ ಬಲಿಬೀಳುತ್ತಾರೆ ಎಂಬುದಕ್ಕೆ ಹೊಸ ತನಿಖೆಯೇನೂ ಬೇಕಾಗಿಲ್ಲ. ಈಗ ಗೋವಾ ಕರಾವಳಿಯಲ್ಲಿ ಫ್ಲೋಟಿಂಗ್ ಕೆಸೀನೋಗಳೇ ಇವೆ. ಕರ್ನಾಟಕ ಕರಾವಳಿಯಲ್ಲಿಯೂ ಟೂರಿಸಂ ಪ್ರಮೋಷನ್‍ಗಾಗಿ ಇಂಥವು ತೇಲಿಕೊಳ್ಳಲಿವೆಯಂತೆ.

ಬ್ಲಾಕ್ ಮನಿ, ಬ್ಲಾಕ್ ಮಾರ್ಕೆಟ್ ಮತ್ತು ಗ್ಯಾಂಬ್ಲಿಂಗ್ ನಿಷೇಧಿಸಬೇಕೆನ್ನುವುದು ಸಮಾಜ ಅಡ್ಡದಾರಿ ಹಿಡಿಯಬಾರದೆಂಬ ಚಿಂತೆ, ಚಿಂತನೆಗಳಿಂದ. ಜನರು ಸೋಮಾರಿಗಳಾಗಿಬಿಡುತ್ತಾರೆ ಎಂಬ ಭಯಾತಂಕಗಳಿಂದ. ಕರ್ನಾಟಕ ವಿಧಾನಸಭೆಯಲ್ಲೊಮ್ಮೆ ಅಂದಿನ ಸೀಯೆಮ್ಮು ಎಸ್ಸೆಂ ಕೃಷ್ಣ ಲಾಟರಿ, ಜೂಜು ನಿಷೇಧ ಆಗ್ರಹಿಸುವವರು ಕ್ರಿಕೆಟ್ಟನ್ನು ನಿಷೇಧಿಸಿರೆಂದು ಯಾಕೆ ಆಗ್ರಹಿಸುವುದಿಲ್ಲ ಎಂದು ಪ್ರಶ್ನಿಸಿದ್ದರು.

ಹಾಗೇ, ಓ.ಸಿ.ಗೆ ಹಣಕಟ್ಟಿ ಬಡವರು ಬೀದಿ ಭಿಕಾರಿಗಳಾಗುತ್ತಿದ್ದಾರೆ, ಅವನ್ನು ನಿಷೇಧಿಸಬೇಕೆಂದು ಸರಕಾರವನ್ನು ಒತ್ತಾಯಿಸಿದ ಭಾಷಣಗಳು ಹಾಗೂ ಸರ್ಕಾರವೇ ಸಿಂಗಲ್ ಡಿಜಿಟ್ ಲಾಟರಿಗಳನ್ನು ಶುರುಮಾಡಿ, ಯಾರೋ ಲೂಟಿಕೋರರಿಗೆ ಹೋಗುವ ಹಣವನ್ನು ಸರಕಾರವೇ ಸಂಗ್ರಹಿಸಿ ರಾಜ್ಯದ ಅಭಿವೃದ್ಧಿ ಕಾರ್ಯಗಳಿಗೆ ಬಳಸಬೇಕೆಂದು ಆಗ್ರಹಿಸಿದ ಭಾಷಣಗಳೂ ವಿಧಾನಮಂಡಲದ ಎರಡೂ ಸದನಗಳ ದಾಖಲೆಯಲ್ಲಿದೆ.

21ನೇ ಶತಮಾನ ತೊಡಗಿದಾಗಲೇ ಕ್ರಿಕೆಟ್ಟಿನಲ್ಲಿ “ದುಬಾಯ್‍ದೊಡ್ಡಾಟ” ಉಂಟೆಂದು ಸಂದೇಹ ಬರುತ್ತಲಿತ್ತು.

ಜಗತ್ತಿನ ಮೊದಲ ಸ್ಪೇಕ್ಟೇಟರ್ ಸ್ಪೋರ್ಟ್ಸ್ ಎಂಬ ಹಿನ್ನೆಲೆಯುಳ್ಳ ಕೋಳಿಯಂಕ ಸಿಂಧೂ ಕಣಿವೆ ನಾಗರಿಕತೆ ಕೊಡುಗೆ. ನಮ್ಮೂರಿನಲ್ಲಿ ಕೋಳಿಕಟ್ಟ ಇತ್ತು. ಅದರಲ್ಲಿ ಜುಗಾರಿಯಿದೆ, ಪ್ರಾಣಿ ಹಿಂಸೆಯಿದೆ ಎಂಬ ಕಾರಣಕ್ಕಾಗಿ ನಿಷೇಧಿತ.

ಕ್ರಿಕೆಟ್ಟಿಗಿಂತಲೂ ಹೆಚ್ಚು ವೈಜ್ಞಾನಿಕವಾಗಿ (ಸಾಂಪ್ರದಾಯಿಕವಾಗಿ ಎನ್ನಿ ಬೇಕಾದರೆ) ಕೋಳಿಯಂಕಕ್ಕೆ ಊರಿಗೊಂದು, ಬೀದಿಗೊಂದು ತಂಡಗಳಿರುತ್ತವೆ. ಅಮಿತೋತ್ಸಾಹೀ ಪ್ರೇಕ್ಷಕಗಡಣವಿದೆ. ಕೋಳಿ ಸೋತರೆ ದುಃಖ ಸಹಿಸಲಾರದೆ ಕುಡಿದು ಮಗುಚುವ ಅಭಿಮಾನಿಗಳಿದ್ದಾರೆ. ಕೋಳಿಗಳಿಗಿಂತಲೂ ಉತ್ಸಾಹದಲ್ಲಿ ಭಾಗವಹಿಸುವ ತಜ್ಞರಿದ್ದಾರೆ, ಬಾಜಿಪಟುಗಳು, ತುದಿಗಾಲಲ್ಲಿ ನಿಂತು ನೋಡುವ, ಕುಪ್ಪಳಿಸಿ ಬಿದ್ದಲ್ಲಿಂದ ಮತ್ತೆ ಎದ್ದು ಕುಣಿಯುವ, ಬೊಬ್ಬೆ ಹೊಡೆಯುವ ಕೋಳಿ ಫ್ಯಾನ್ಸ್ ಇದ್ದಾರೆ. ತಮ್ಮ ಕೋಳಿಯೇ ಗೆಲ್ಲಬೇಕೆಂದು ಹರಕೆ ಹಾಕುವವರಿದ್ದಂತೆಯೇ, ಸೋತರೆ ದಾಂಧಲೆ ಎಬ್ಬಿಸುವ ಹಿಂಬಾಲಕರೂ ಇದ್ದಾರೆ.

ಕ್ರಿಕೆಟಿಗರಿಗೆ ಉದ್ದೀಪನ ಮದ್ದು, ಡ್ರಿಂಕ್ಸ್ ಪಾರ್ಟಿಗಳಿರುವಂತೆ, ಕಟ್ಟದ ಕೋಳಿಗಳಿಗೆ ಸಾರಾಯಿ ಕುಡಿಸುವ ಕ್ರಮವಿದೆ. ಬೆಟ್ಟಿಂಗ್‍ ಇದೆ. ಮೊದಲೆಲ್ಲಾ ಸಾಚಾ ಹೋರಾಟ ನಡೆಯುತ್ತಿದ್ದ ಕೋಳಿಯಂಕದಲ್ಲಿಯೂ ಬಾಳಿಗೆ ವಿಷ ಚಿಮುಕಿಸಿ ಬಿಡುವ ಚಾಣಾಕ್ಷರಿದ್ದಾರೆ. ಕ್ರಿಕೆಟ್ ಬಾಲಿಗೆ ವ್ಯಾಸಲೀನ್ ತಗಲಿಸಿ ವಿರೂಪಗೊಳಿಸುವುದಿಲ್ಲವೇ, ಪಿಚ್‍ ಕೆದಕಿಬಿಡುವುದಿಲ್ಲವೇ!

ಕುದುರೆ ರೇಸ್, ಕ್ರಿಕೆಟಿನಷ್ಟೇ ಶಾಸ್ತ್ರೀಯ ಸ್ಪೆಕ್ಯುಲೇಶನ್ ಕೋಳಿಯಂಕದಲ್ಲೂ ಇದೆ. ಕೋಳಿ ಲಕ್ಷಣಗಳನ್ನೊಳಗೊಂಡ ಮುದ್ರಿತ ಕುಕ್ಕುಟ ಪಂಚಾಂಗಗಳೇ ಇವೆ. ಗಾಯಗೊಂಡ ಕೋಳಿಗಳನ್ನು ಉಪಚರಿಸಲು ಕೋಳಿ ವೈದ್ಯರುಗಳಿದ್ದಾರೆ. ಅವರ ಕಿಟ್‍ನಲ್ಲಿ ಎನರ್ಜಿ ಡ್ರಿಂಕ್‍ ಗಂಗಸರ ಬಾಟಲ್ ಸಿದ್ಧ. ಕ್ರಿಕೆಟ್ ಅಭಿಮಾನಿಗಳದೇ ಶೈಲಿಯಲ್ಲಿ ಗೆದ್ದ ಕೋಳಿಗಳ ಬೆಂಬಲಿಗರು ಸಂಭ್ರಮದಲ್ಲಿ, ಸೋತ ಕೋಳಿಗಳ ಹಿಂಬಾಲಕರುಗಳು ಬೇಜಾರಿನಲ್ಲಿ ಪಾರ್ಟಿ ಮಾಡುತ್ತಾರೆ.

ಹಾಂ, ಕ್ರಿಕೆಟಿಗೂ ಕಾಕ್‍ಫೈಟಿಗೂ ಹೇಳಲೇಬೇಕಾದ ವ್ಯತ್ಯಾಸವಿದೆ.

ವರ್ಷಾವಧಿ ಜಾತ್ರೆ, ಭೂತ ನೇಮಗಳ ಸಂದರ್ಭಗಳಲ್ಲಿ ಜಾನಪದ ಕೋಳಿಯಂಕ ನಡೆಯುತ್ತಿದ್ದುದು ಊರಾಚೆ ಗೋಳಿಮರದಡಿಯಲ್ಲಿ. ಆಸಕ್ತರಿಗೆ ಬಿಟ್ಟು ಇನ್ನಾರಿಗೂ ತೊಂದರೆಯಿಲ್ಲ, ಸಮಯ ಪೋಲಾಗುತ್ತಿರಲಿಲ್ಲ. ಟ್ರಾಫಿಕ್‍ ಜ್ಯಾಮ್‍ ಕಾಟವಿರಲಿಲ್ಲ. ಟಿಕೆಟ್ಟಿರಲಿಲ್ಲ, ಕಾಳಸಂತೆಯಿಲ್ಲ. ಬ್ಲಾಕ್ ಮನಿ ಸೃಷ್ಟಿಯಾಗುತ್ತಿರಲಿಲ್ಲ, ಬೆಟ್ಟಿಂಗ್ ಹಣ ದೇಶದಾಚೆ ಹೋಗುವುದಿಲ್ಲ- ಎಂಬ ಗ್ಯಾರಂಟಿಯಿತ್ತು.

ಕ್ರಿಕೆಟ್‍ನಂತೆ ವರ್ಷವಿಡೀ ಕಾಡುತ್ತಿರಲಿಲ್ಲ, ಯಾರಿಗೂ ಕೆಲಸ ಮಾಡುವುದಕ್ಕೆ ಅಡ್ಡಿಯಾಗುತ್ತಿರಲಿಲ್ಲ, ಸಿನಿಮಾ ಮಂದಿರಗಳಿಗೆ ಪ್ರೇಕ್ಷಕರ ಕೊರತೆ ಸೃಷ್ಟಿಸುತ್ತಿರಲಿಲ್ಲ. ಸರ್ಕಾರಿ ಕಛೇರಿಗಳು- ಕಾಲೇಜುಗಳ ತರಗತಿಗಳು ಖಾಲಿಖಾಲಿ ಆಗುತ್ತಿರಲಿಲ್ಲ. ಆಟ ಇಷ್ಟವಿಲ್ಲದವರನ್ನೂ ಕಾಡಿ, ಪೀಡಿಸುತ್ತಿರಲಿಲ್ಲ. ದೇಶದ ಆರ್ಥಿಕತೆ ಲಗಾಡಿ ಹೋಗುವಂತೆ ಮಾಡುತ್ತಿರಲಿಲ್ಲ.

ಬಾಯಿಚಪಲಕ್ಕೆ ಪ್ರಾಶಸ್ತ್ಯ ಕೊಡುವ ಮೋಡರ್ನ್ ಕುಸೀನ್ ಭಾಗವಾಗಿರುವಂತಹ ಜೀವಂತ ಮೀನು, ಏಡಿ, ಇತರ ಪ್ರಾಣಿಗಳನ್ನು ಕುದಿಯುವ ಬಾಣಲೆಗಳಲ್ಲಿ ಫ್ರೈ ಮಾಡಿ ಏದುಸಿರು ಬಿಡುತ್ತಿರುವಾಗಲೇ ಡೈನಿಂಗ್‍ ಟೇಬಲ್‍ಗಳಿಗೆ ತಂದಿಡುವ ಸಂಸ್ಕೃತಿಯ ಭೀಕರ ಪ್ರಾಣಿಹಿಂಸಾಚಾರವೂ ಅದರಲ್ಲಿರಲಿಲ್ಲ. ಕಟ್ಟದ ಕೋಳಿಗಳೇ ಬೇರೆ ಗುಂಪಿನವು, ಅವನ್ನು ಚೆನ್ನಾಗಿ ಸಾಕಿ ಅಂಕಕ್ಕಿಳಿಸಿ ಸೋತು ಸತ್ತರೆ ತಿಂದು ‘ಪಾಪ ಪರಿಹಾರ’ ಆಗುತ್ತಿತ್ತು.

ಕ್ರಿಕೆಟ್ಟಿನ ಬ್ಲಾಕ್ ಮಾರ್ಕೆಟ್‍ ದಂಧೆ ಟಿಕೆಟ್ ಕೊಳ್ಳಲು ಕ್ಯೂ ನಿಂತವರ ಮೇಲೆ ಲಾಠಿಚಾರ್ಜು, ರಸ್ತೆಯಲ್ಲೆಲ್ಲಾ ಟ್ರಾಫಿಕ್ ಜ್ಯಾಮ್‍ಗೊಳಗಾದ ಪಾದಚಾರಿಗಳ, ವಾಹನಯಾನಿಗಳ ಪರಿಪಾಡಲು ಹಿಂಸಾಚಾರ ಅಲ್ಲವೇನು? ಇತ್ತೀಚೆಗೆ ಬ್ಯಾಟ್, ಬಾಲ್ ಹೊಡೆದು, ಫೀಲ್ಡರ್ಸ್ ಪರಸ್ಪರ ಢಿಕ್ಕಿಯಾಗಿ ಆಟಗಾರರೇ, ಕೆಲವೊಮ್ಮೆ ದುಃಖಪೀಡಿತ ಅಭಿಮಾನಿಗಳೂ ಜೀವತೆರುವುದು ಕಾಣುತ್ತಿಲ್ಲವೇನು?

ಜನಪರ ಕಳಕಳಿಯ ಬೆಟ್ಟಿಂಗ್, ಚೀಟಿಂಗ್‍ ಇಲ್ಲದ ಜೆಂಟ್ಲಮೆನ್‍ ಗೇಮ್‍ ಆಗಿಯೇ ಕಿರಿಕೆಟ್‍ ಚಂದಗಾಣಲಿ. ಸಾಂಸ್ಕೃತಿಕ ಹಿನ್ನೆಲೆಯುಳ್ಳ ಜಾನಪದ ಅಂಕಗಳೂ ನಡೆಯಲಿ.

———————-

ಈಶ್ವರ ದೈತೋಟ

1ಕರ್ನಾಟಕದ ಅತಿಹೆಚ್ಚು ದಿನಪತ್ರಿಕೆಗಳನ್ನು ಮುನ್ನಡೆಸಿದ ಹಿರಿಮೆ. 1991ರಿಂದ 2011ರವರೆಗಿನ ಎರಡು ದಶಕಗಳಲ್ಲಿ ಅತ್ಯಂತ ಹೆಚ್ಚು ಆವೃತ್ತಿಗಳು ಮತ್ತು ಪ್ರಸಾರದ ವಿಜಯ ಕರ್ನಾಟಕದ ಫೌಂಡರ್ ಚೀಫ್ ಎಡಿಟರ್. ಮಣಿಪಾಲದ ಉದಯವಾಣಿ ರೆಸಿಡೆಂಟ್ ಎಡಿಟರ್, ಟೈಮ್ಸ್ ಆಫ್ ಇಂಡಿಯಾ (ಕ) ಎಡಿಟರ್, ಕನ್ನಡದ ಸೀನಿಯರ್ ಮೋಸ್ಟ್ ದೈನಿಕ ಸಂಯುಕ್ತ ಕರ್ನಾಟಕದ ಚೀಫ್ ಎಡಿಟರ್ ಹಾಗೂ ನೂತನ ವಾರಪತ್ರಿಕೆ ಚೀಫ್ ಎಡಿಟರ್ ಆಗಿ ಹೊಣೆಹೊತ್ತವರು.

ಮುದ್ರಣ ಮಾಧ್ಯಮ, ರೇಡಿಯೋ, ಟೆಲಿವಿಷನ್ನಿನಲ್ಲಿ ಮೂರೂವರೆ ದಶಕಗಳಿಗೂ ಹೆಚ್ಚು ಅನುಭವ. ಪತ್ರಿಕೋದ್ಯಮ ಶಿಕ್ಷಣ, ಅಭ್ಯುದಯ ಪತ್ರಿಕೋದ್ಯಮ ಮತ್ತು ಮೀಡಿಯಾ ಮ್ಯಾನೇಜ್‌ಮೆಂಟ್‌ನಲ್ಲಿಯೂ ಅಪಾರ ಸಾಧನೆ. ಯುಜಿಸಿ ಮತ್ತು ಯೂನಿಸೆಫ್ ತರಬೇತಿ ಯೋಜನೆಗೆ ಡೆವಲಪ್‌ಮೆಂಟ್‌ ಕನ್ಸಲ್ಟೆಂಟ್ ಎಂದು ಮನ್ನಣೆ.

2015ರಲ್ಲಿ ಪ್ರತಿಷ್ಠಿತ ಟಿಎಸ್ಆರ್ ಪತ್ರಿಕೋದ್ಯಮ ಪ್ರಶಸ್ತಿ, ಮೂಡಬಿದ್ರೆಯ ನುಡಿಸಿರಿ ಪ್ರಶಸ್ತಿ, 2008ರಲ್ಲಿ ಅಭ್ಯುದಯ ಪತ್ರಿಕೋದ್ಯಮ ರಾಜ್ಯ ಪ್ರಶಸ್ತಿ, ಮೈಸೂರಿನ ಕುವೆಂಪು ಶಿಕ್ಷಣ ಸಂಸ್ಥೆಯಿಂದ ರಾಜ್ಯದ ಅತ್ಯುತ್ತಮ ಸಂಪಾದಕ ಪ್ರಶಸ್ತಿ (2006). 2008ರಲ್ಲಿ ರಾಷ್ಟ್ರೀಯ ಝಿ ಟಿವಿ ಚಾನೆಲ್‌ನಿಂದ ಕರ್ನಾಟಕದಲ್ಲಿ ಇಲೆಕ್ಟ್ರಾನಿಕ್ ಮೀಡಿಯಂ ಮತ್ತು ಪತ್ರಿಕೋದ್ಯಮಕ್ಕೆ ಅತಿ ದೊಡ್ಡ ಸೇವೆ ಸಲ್ಲಿಸಿದ ಸಂಪಾದಕ ಮತ್ತು ಅತ್ಯಂತ ಜನಪ್ರಿಯ ಮೀಡಿಯಾ ಪರ್ಸನ್ (ವೀಕ್ಷಕರ ಆಯ್ಕೆ) ಎಂಬೆರಡು ಪ್ರಶಸ್ತಿಗಳು. ವಾಯ್ಸ್ ಆಫ್ ಅಮೇರಿಕಾ ಮತ್ತು ಕೆನೆಡಿಯನ್ ರೇಡಿಯೋಗಳಲ್ಲಿ ಅವರ ಕಾರ್ಯಕ್ರಮಗಳು ಪ್ರಸಾರವಾಗಿವೆ. ಹಲವು ಇಂಟರ್‌ನ್ಯಾಷನಲ್ ಜರ್ನಲ್‌ಗಳಿಗೂ ಲೇಖನ ಬರೆದಿದ್ದಾರೆ.

ಅಭ್ಯುದಯ ಪತ್ರಿಕೋದ್ಯಮ ಅವರ ನಿತ್ಯ ಜಪ. ಅಭ್ಯುದಯ ಸಂಬಂಧಿತ ಅನೇಕ ಡಾಕ್ಯುಮೆಂಟರಿಗಳನ್ನು, ರೇಡಿಯೋ ರೂಪಕಗಳನ್ನು ತಯಾರಿಸಿರುವ ಅನುಭವ. ಪತ್ರಿಕೋದ್ಯಮ ಮತ್ತಿತರ ವಿಷಯಗಳ ಬಗ್ಗೆ ಅವರು ಬರೆದಿರುವ, ಅನುವಾದಿಸಿರುವ ಪುಸ್ತಕಗಳ ಸಂಖ್ಯೆ 75ಕ್ಕೂ ಹೆಚ್ಚು.

Share

Leave a comment

Your email address will not be published. Required fields are marked *

Recent Posts More

  • 3 days ago No comment

    ಈ ಸಂಜೆಯೊಳಗೆ

      ಕವಿಸಾಲು       ಈ ಸಂಜೆಯೊಳಗೆ ಗರಿಗೆದರುತ್ತವೆ ಮೌನದಲ್ಲೆ ಗರಬಡಿದ ಮಾತುಗಳು ಹೊಸ ಬಟ್ಟೆಯ ತೊಟ್ಟ ಮಗುವಂತೆ ಸಮುದ್ರದ ದಂಡೆಯಲಿ ದೂರ ಉಳಿದ ಭಾವಗಳು ಅಲೆಗಳಾಗಿ ಬಂದು ಪಾದಮುಟ್ಟಿ ತಮಾಷೆ ಮಾಡುತವೆ ಆಪ್ತ ಗೆಳೆಯನಂತೆ ಗೂಡಿಗೆ ಹೊರಟ ಹಕ್ಕಿಗಳು ತಿರುಗಿ ನೋಡಿವೆ ಬರುವಾಗ ಏನೋ ತಂದಿದ್ದು ಮರೆತು ಬಂದನೋ ಎಂಬಂತೆ ಅಪ್ಪನಿಲ್ಲದ ಮಕ್ಕಳು ಕೂಲಿಗೆ ಹೋದ ತಾಯಿಯ ದಾರಿಯ ಕಣ್ಣು ಮಿಟುಕಿಸದೇ ನೋಡುತಿವೆ ಅರ್ಧದಲೇ ಮರೆತ ...

  • 6 days ago No comment

    ಕಾದಂಬಿನಿ ಕಾಲಂ | ವೇದಿಕೆ, ಶಾಲು, ಸನ್ಮಾನ, ಬಿರುದು ಬಾವಲಿ ಇತ್ಯಾದಿ

                        ಕವಿತೆಯ ಬಗ್ಗೆ ಇರುವ ಆಸಕ್ತಿ ಆ ದೀನ ಹೆಣ್ಣುಮಗಳ ಮಾತು ಆಲಿಸುವುದರಲ್ಲಿ ಇಲ್ಲವೆಂಬುದು ಲೈಕು ಕಮೆಂಟುಗಳಿಂದಲೇ ಸಾಬೀತಾಯಿತು. ಉಳ್ಳವರ ಜಗಮಗಿಸುವ ಲೋಕದಲ್ಲಿ ಒಬ್ಬ ನಿರಾಶ್ರಿತ ಅಲೆಮಾರಿ ಜನಾಂಗದ ನಿರ್ಗತಿಕ ಹೆಣ್ಣಿನ ಅಳಲಿಗೆ ಯಾವ ಜಾಗವಿದೆ ಎನ್ನುವುದನ್ನು ಅದು ನನಗೆ ಮನಗಾಣಿಸತೊಡಗಿತು.   ಮೊನ್ನೆ ಒಬ್ಬ ಕವಿಯ ಜೊತೆ ಬೇಸರದಿಂದ ಮಾತಾಡಿಬಿಟ್ಟೆ. ‘ಶುಭಾಶಯಗಳು. ಆದರೆ ಇಂಥ ...

  • 1 week ago No comment

    ಹುಲ್ಲಿನ ಕಡ್ಡಿ

      ಕವಿಸಾಲು       ಜೋಪಡಿ ತುಂಬಾ ಮಂಪರುಗಣ್ಣಲ್ಲಿ ನೇತಾಡುವ ಚುಕ್ಕಿಗಳು ಚಂದಿರನ ಅಂಗಳ ಸೃಷ್ಟಿಸಿದ್ದವು ಗುಡಿಸಲು ಕಣ್ಣೊಳಗೆ ಜಾತಿ ಧರ್ಮದ ಹಂಗು ತೊರೆದು ನಡು ಮನೆಯ ದೀಪವಾಗಿ ಬೆಳಗಿದ ಕಸಬರಿಗೆಯ ನಾಡಿಗಳು ಹಲವು ಬಗೆಯ ರಕ್ತ ಬಸಿದವರ ರೂಪಾಂತರ ಸಾಲು ನದಿಗಳ ಸರಪಳಿಯಂತೆ ಬೆಸೆದುಕೊಂಡ ಹುಲ್ಲಿನ ಕಡ್ಡಿಗಳು ಹೊಗೆ ಜಂತಿಯ ಮನೆಯೊಳಗೆ ಜಪ್ಪೆನ್ನದ ತಪೋ ವನಗಳು ಮಳೆ ಗುಡುಗು ಬಿರುಗಾಳಿಯ ಅಬ್ಬರದೊಳಗೂ ಸದಾ ಕುದಿಯುತ್ತಾ ಹದಗೊಳ್ಳೊ ...

  • 2 weeks ago No comment

    ಕಾದಂಬಿನಿ ಕಾಲಂ | ಕಸದ ತೊಟ್ಟಿಯಲ್ಲಿ ಸಿಕ್ಕ ಒಂದು ಹೆಣ್ಣು ಶಿಶುವಿನ ಕಥೆ

                        ಬಾಣಲೆಯಿಂದ ಬೆಂಕಿಗೆ ಬಿದ್ದಂತೆ ಕೆಲ ಪುನರ್ವಸತಿ ಕೇಂದ್ರಗಳ ಪಾಲಾದ ಬಾಲಕಿಯರು ಗಂಡಿನ ಕಾಮದ ದಳ್ಳುರಿಯ ಕೊಂಡಕ್ಕೆ ದೂಡಲ್ಪಟ್ಟ ಕಡು ಹೇಯ, ಭೀಬತ್ಸ್ಯಕರ ಕಥೆಗಳನ್ನು ನಾವಿಂದು ಕಾಣುತ್ತಿದ್ದೇವೆ. ಆದರೆ ಹೀಗೆ ಅನಾಥಾಲಯ, ಪುನರ್ವಸತಿ ಕೇಂದ್ರಗಳಿಗೆ ದಾಖಲಾಗುವ ಮುನ್ನಿನ ಆ ಒಂದೊಂದು ಮಗುವಿನ ಕಥೆಯೂ ಅಷ್ಟೇ ಯಾತನಾಪೂರಿತವಾಗಿರುತ್ತವೆ.   ಮೊನ್ನೆ ಮೊನ್ನೆ ಬಿಹಾರದ ಮುಜಫರ್ ನಗರದ ಪುನರ್ವಸತಿ ...

  • 2 weeks ago No comment

    ಪ್ರಸಾದ್ ಪಟ್ಟಾಂಗ | ಅರ್ಥ ಅರಿಯದವರಿಗೆ ಸ್ವಾತಂತ್ರ್ಯವೂ ಅಗ್ಗವೇ!

      ನಾವಿಂದು ಸವಿಯುತ್ತಿರುವ ಸ್ವಾತಂತ್ರ್ಯದ ಹಿಂದೆ ಅದೆಷ್ಟೋ ಜೀವಗಳ ಬಲಿದಾನದ ಇತಿಹಾಸವಿದೆ, ಮುತ್ಸದ್ದಿಗಳ ಕನಸಿದೆ, ಧೀಮಂತ ನಾಯಕರ ದೂರದೃಷ್ಟಿಯ ಹಿನ್ನೆಲೆಗಳಿವೆ. ಇವೆಲ್ಲದರ ಬಗ್ಗೆ ಒಂದಿಷ್ಟಾದರೂ ನಮಗೆ ಕೃತಜ್ಞತೆಯ ಭಾವವಿರಬೇಕಷ್ಟೇ.   ಅದೊಂದು ಟೆಲಿವಿಷನ್ ಕಾರ್ಯಕ್ರಮ. ಸುದ್ದಿವಾಹಿನಿಯೊಂದು ನಮ್ಮ ದೇಶದ ಸ್ವಾತಂತ್ರ್ಯ ಹೋರಾಟಗಾರರ ಬಗ್ಗೆ, ಪ್ರಸ್ತುತ ರಾಜಕೀಯ ನಾಯಕರ ಬಗ್ಗೆ… ಹೀಗೆ ಸಾಮಾನ್ಯಜ್ಞಾನ ಎಂದು ಕರೆಯಬಹುದಾದ ಹಲವು ಪ್ರಶ್ನೆಗಳನ್ನು ತರುಣ-ತರುಣಿಯರಲ್ಲಿ ಕ್ಯಾಮೆರಾ ಮುಂದೆ ಕೇಳುತ್ತಿತ್ತು. ಮಹಾತ್ಮಾ ಗಾಂಧಿಯವರ ಸಂಪೂರ್ಣ ಹೆಸರೇನು? ...


Editor's Wall

  • 15 August 2018
    6 days ago No comment

    ಕಾದಂಬಿನಿ ಕಾಲಂ | ವೇದಿಕೆ, ಶಾಲು, ಸನ್ಮಾನ, ಬಿರುದು ಬಾವಲಿ ಇತ್ಯಾದಿ

                        ಕವಿತೆಯ ಬಗ್ಗೆ ಇರುವ ಆಸಕ್ತಿ ಆ ದೀನ ಹೆಣ್ಣುಮಗಳ ಮಾತು ಆಲಿಸುವುದರಲ್ಲಿ ಇಲ್ಲವೆಂಬುದು ಲೈಕು ಕಮೆಂಟುಗಳಿಂದಲೇ ಸಾಬೀತಾಯಿತು. ಉಳ್ಳವರ ಜಗಮಗಿಸುವ ಲೋಕದಲ್ಲಿ ಒಬ್ಬ ನಿರಾಶ್ರಿತ ಅಲೆಮಾರಿ ಜನಾಂಗದ ನಿರ್ಗತಿಕ ಹೆಣ್ಣಿನ ಅಳಲಿಗೆ ಯಾವ ಜಾಗವಿದೆ ಎನ್ನುವುದನ್ನು ಅದು ನನಗೆ ಮನಗಾಣಿಸತೊಡಗಿತು.   ಮೊನ್ನೆ ಒಬ್ಬ ಕವಿಯ ಜೊತೆ ಬೇಸರದಿಂದ ಮಾತಾಡಿಬಿಟ್ಟೆ. ‘ಶುಭಾಶಯಗಳು. ಆದರೆ ಇಂಥ ...

  • 09 August 2018
    2 weeks ago No comment

    ಕಾದಂಬಿನಿ ಕಾಲಂ | ಕಸದ ತೊಟ್ಟಿಯಲ್ಲಿ ಸಿಕ್ಕ ಒಂದು ಹೆಣ್ಣು ಶಿಶುವಿನ ಕಥೆ

                        ಬಾಣಲೆಯಿಂದ ಬೆಂಕಿಗೆ ಬಿದ್ದಂತೆ ಕೆಲ ಪುನರ್ವಸತಿ ಕೇಂದ್ರಗಳ ಪಾಲಾದ ಬಾಲಕಿಯರು ಗಂಡಿನ ಕಾಮದ ದಳ್ಳುರಿಯ ಕೊಂಡಕ್ಕೆ ದೂಡಲ್ಪಟ್ಟ ಕಡು ಹೇಯ, ಭೀಬತ್ಸ್ಯಕರ ಕಥೆಗಳನ್ನು ನಾವಿಂದು ಕಾಣುತ್ತಿದ್ದೇವೆ. ಆದರೆ ಹೀಗೆ ಅನಾಥಾಲಯ, ಪುನರ್ವಸತಿ ಕೇಂದ್ರಗಳಿಗೆ ದಾಖಲಾಗುವ ಮುನ್ನಿನ ಆ ಒಂದೊಂದು ಮಗುವಿನ ಕಥೆಯೂ ಅಷ್ಟೇ ಯಾತನಾಪೂರಿತವಾಗಿರುತ್ತವೆ.   ಮೊನ್ನೆ ಮೊನ್ನೆ ಬಿಹಾರದ ಮುಜಫರ್ ನಗರದ ಪುನರ್ವಸತಿ ...

  • 01 August 2018
    3 weeks ago No comment

    ಕಾದಂಬಿನಿ ಕಾಲಂ | ಕೊನೆಗೂ ಒಂಟಿಯಾಗಿ ಉಳಿದುಬಿಟ್ಟವಳು

                        ಈಗ ಆಗಿನಂತೆ ನಗು ಬರಲಿಲ್ಲ. ಅವಳ ಬದುಕಲ್ಲೂ ಅದೇ ಘಟಿಸಿಹೋದ ಚೋದ್ಯಕ್ಕೆ ಏನು ಹೇಳುವುದು?   ಮೊನ್ನಿನ ಮುಂಜಾವಲ್ಲಿ ನಾನು ಎಚ್ಚರಗೊಂಡದ್ದೇ ಅವಳ ಫೋನ್ ಕರೆಯಿಂದ. ‘ನಾನ್ ಕಣೇ ರಾಜಿ’ ಎಂದರೆ ನಾನು, ‘ರಾಣಿನಾ?’ ಅನ್ನುತ್ತಿದ್ದೆ. ಅಷ್ಟರಲ್ಲಿ ‘ರಾಜಿ ಮಾರಾಯ್ತೀ ಮರೆತುಬಿಟ್ಯಲ್ಲ’ ಆಪಾದಿಸಿದಳು. ರಾಣಿ ನನ್ನ ಮನೆಯ ಎಡಕ್ಕಿದ್ದ ಗೆಳತಿ. ರಾಜಿ ಬಲಕ್ಕಿದ್ದವಳು. ಇಬ್ಬರ ...

  • 25 July 2018
    4 weeks ago No comment

    ಕಾದಂಬಿನಿ ಕಾಲಂ | ಚೌಕಟ್ಟಿನೊಳಗಿರುವುದು ಚಿತ್ರವಲ್ಲ; ಸುಡುಸುಯ್ಲು!

                        ಹೃದಯ ಭಾರವಾಗುತ್ತದೆ. ಚೌಕಟ್ಟಿನೊಳಗಿನ ಸುಡುಸುಯ್ಲುಗಳು ಇಷ್ಟೇಕೆ ಸುಡುತ್ತವೆ? ಹೊರ ಲೋಕಕ್ಕೆ ಅದೇಕೆ ತಣ್ಣಗೆ ತಣಿದುಬಿಟ್ಟ ಮಂಜುಬೆಟ್ಟಗಳಂತೆ ಗೋಚರಿಸುತ್ತದೆ?   ಆ ದಂಪತಿ ಪ್ರಯಾಣಿಸುತ್ತಿದ್ದ ಕಾರಿನ ಚಾಲಕ ಹಾಡು ಹಾಕಿದಂತೆಲ್ಲ ಪತಿ ಅದನ್ನು ಆಫ್ ಮಾಡುತ್ತಿದ್ದ. ಚಾಲಕನಿಗೆ ವಿಚಿತ್ರವೆನಿಸಿರಬೇಕು. ‘ಏನ್ ಸಾರ್ ನಿಮಗೆ ಹಾಡು ಕೇಳುವ ಹವ್ಯಾಸ ಇಲ್ವಾ’ ಅಂದಾಗ ‘ಇಲ್ಲ ಅದರಿಂದೇನು ಸಿಗುತ್ತೆ?’ ಎಂದಿದ್ದ ...

  • 11 May 2018
    3 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...