Share

ನೇತಾಜಿ ಪ್ರತ್ಯಕ್ಷ ಆಗಲಿದ್ದಾರೆ
ಈಶ್ವರ ದೈತೋಟ ಕಾಲಂ

ಯಾಕಿನ್ನೂ ನೇತಾಜಿ ಬಂದಿಲ್ಲವೆಂದು ನಾನು ಈ ಬಾರಿಯೂ ಅವರನ್ನು ಕೆದಕಿದೆ, “ನೋಡಿ, ನನ್ನ ವಯಸ್ಸಾದ ತಾಯಿಗೆ ಈಗ ಹುಶಾರಿಲ್ಲ. ನಾನು ಅವರ ಜೊತೆ ನಿರಂತರ ಇರಬೇಕಾಗಿ ಬಂದಿದೆ. ಎಲ್ಲೂ ಹೊರಗೆ ಹೋಗೋಕಾಗ್ತಿಲ್ಲ” ಎಂದುತ್ತರ ಬಂತು. “ಹಾಗಾದರೆ, ಸುಭಾಶ್‍ರು ವಾಪಾಸು ಬರುವುದಿಲ್ಲವೇ” ಎಂಬ ಪ್ರಶ್ನೆಗೆ 2018ರಲ್ಲಿ ಮೂರನೇ ಜಾಗತಿಕ ಮಹಾಯುದ್ಧ ಆಗುವಾಗ ನಾನು ಪ್ರತ್ಯಕ್ಕವಾಗುತ್ತೇನೆಂದು ಅವರೇ ನನಗೆ ಹೇಳಿದ್ದಾರೆ, ನಾನು ಅದನ್ನು ನಂಬುತ್ತೇನೆ” ಎಂದು ಕಡಕ್ ಉತ್ತರ ಬಂತು.

*

ನವರಿ 23 ನೇತಾಜಿ ಸುಭಾಶ್‍ಚಂದ್ರ ಬೋಸ್ ಹುಟ್ಟುಹಬ್ಬ. ಯಾವ ಪತ್ರಿಕೆಗಳಲ್ಲೂ ವರದಿಯಾದಂತಿರಲಿಲ್ಲ. ನನಗೂ ಮರೆತೇ ಹೋಗಿತ್ತು.

ಸುಮಾರು ಎರಡು ವರ್ಷಗಳ ಹಿಂದೆ ವಿಜಯವಾಣಿಯಲ್ಲಿ ಅಂತರದೃಷ್ಟಿ ಅಂಕಣದಲ್ಲಿ ಕೆನೆಡಿ ಹತ್ಯೆ, ನೇತಾಜಿ ಕಣ್ಮರೆ ನಿಗೂಢತೆ ಬಗ್ಗೆ ಬರೆದಿದ್ದೆ. ಹಿರಿಯರೊಬ್ಬರು ಮೆಚ್ಚಿ ನೇತಾಜಿ ಬದುಕಿದ್ದಾರೆ, ನಾನು ಅವರನ್ನು ಕಂಡಿದ್ದೇನೆ ಎಂದು ಫೋನ್ ಮಾಡಿ ಹೇಳಿದ್ದರು. ಶ್ರೀಧರ್‍ಜೀ ಸುಭಾಶ್ ಎಂಬ ಹೆಸರಿನ ಅವರನ್ನು ಭೇಟಿಯಾದಾಗ ಸತ್ಯವನ್ನೇ ಹೇಳುತ್ತಿದ್ದೇನೆಂಬ ಧೈರ್ಯದಿಂದ ಅವರು ಪೇಪರ್ ಕಟ್ಟಿಂಗ್ಸ್, ಫೋಟೋಗಳು, ಹಳೆಯ ಡಾಕ್ಯುಮೆಂಟರಿ ಫಿಲ್ಮ್ ಗಳನ್ನೇ ಮುಂದಿಟ್ಟು ವಾದಿಸಿದ್ದರು.

“ಅವರು ಬಂದೇ ಬರುತ್ತಾರೆ, ಸಮಗ್ರ ಹಿಂದುಸ್ತಾನವನ್ನು ಮತ್ತೆ ಒಗ್ಗೂಡಿಸುತ್ತಾರೆ, ಫ್ರಾನ್ಸ್ನಿಂದ ತೊಡಗಿ ಮೂರನೆಯ ಮಹಾಯುದ್ಧ ಆಗಲಿದೆ, ಭಾರತ ಮತ್ತೆ ಜಗತ್ತಿನಾದ್ಯಂತ ಮಿಂಚುತ್ತದೆ” ಎಂದುದು ನನಗಿನ್ನೂ ಜ್ಞಾಪಕವಿದೆ. ನಾನು ಟಿವಿ, ಪತ್ರಿಕೆಗಳಲ್ಲಿ ಈ ಸಂದರ್ಶನದ ಬಗ್ಗೆ ಬರೆದಿದ್ದೆ ಕೂಡಾ.

ಕಾಬೂಲಿನ ಜಿಯಾವುದ್ದೀನ್, ಇಟೆಲಿಯ ಓಲ್ಟಾಂಡೋ, ಜರ್ಮನಿಯ ಮಿ. ಎಕ್ಸ್, ಚೀನಾದ ಜನರಲ್ ಲೀ ಪೂ ಚಿಂಗ್, ಮಂಚೂರಿಯಾದ ಚಂದ್ರಬೋಸ್, ಇಂಡಿಯಾದೊಳಗೆ ಬಾಬಾ ಹನುಮಾನ್ ಗಿರಿ, ಹನುಮಾನ್ ಸಿಂಹ, ಕರ್ನಲ್ ಜೋಗೀಂದರ್ ಸಿಂಗ್, ಬಾಬಾ ಸಮಾಜಾನಂದ, ಶಾಲಿಮಾರ್‍ನ ಶಾರದಾನಂದ, ಗುಮ್ನಾಮ್ ಸಿಂಗ್ ಬಾಬಾ ಎಲ್ಲಾ ಅವರ ಛದ್ಮವೇಷದ ಅವತಾರಗಳು ಎಂದಿದ್ದರು.

ಅವರೊಂದಿಗೆ ನಾನು ವಾದ ಮಾಡಿದ್ದೆ. “ನೇತಾಜಿಯವರ ಮರಣದ ಬಗ್ಗೆ ತನಿಖೆ ಮಾಡಿದ ಮೊದಲ ಎರಡು ಆಯೋಗಗಳು ನೇತಾಜಿ ವಿಮಾನಾಪಘಾತದಲ್ಲಿ ಅಪಮರಣಕ್ಕೀಡಾದರು ಎಂದಿವೆ. ಮೂರನೆಯ ಮುಖರ್ಜಿ ಆಯೋಗ ವಾಜಪೇಯಿ ಕಾಲದಲ್ಲಿ ನೇಮಕಗೊಂಡದ್ದು ನೇತಾಜಿ ತಾಯ್‍ಪೇ ವಿಮಾನಾಪಘಾತದಲ್ಲಿ ಮರಣ ಹೊಂದಿದರೆಂಬುದು ಕಟ್ಟುಕತೆ, ಸತ್ಯ ಅಲ್ಲ ಎಂದಿದೆ. ಮುಖರ್ಜಿಯವರು ಗುಮ್ನಾಮ್ ಬಾಬಾ ಅವರನ್ನು ಭೇಟಿಯಾಗಿದ್ದರು. ಆದರೆ, ಅವರೇ ನೇತಾಜಿಯೆಂದು ಎಲ್ಲೂ ದಾಖಲಿಸಿಲ್ಲ ಇಲ್ಲವೇ ಅವರು ಬದುಕಿದ್ದಾರೆಂದೂ ಅಭಿಪ್ರಾಯ ಪಟ್ಟಿಲ್ಲ” ಎಂದು.

“ನೆಹರೂ ಅವರಿಗೆ ನೇತಾಜಿ ಬದುಕಿದ್ದಾರೆಂದು ಗೊತ್ತಿತ್ತು. ಅವರಿಗೆ ನೇತಾಜಿ ಬೇಕಿರಲಿಲ್ಲ. ಅದಕ್ಕೇ, ನೇತಾಜಿ ನಿಕಟವರ್ತಿ ಶಾ ನವಾಜರನ್ನೇ ತನಿಖೆಗೆ ನೇಮಿಸಿ, ಅವರನ್ನು ಸಚಿವರನ್ನಾಗಿ ನೇಮಿಸುವ ಭರವಸೆ ಕೊಟ್ಟು, ಸತ್ಯಾಂಶವಿಲ್ಲದ ವರದಿ ಬರೆಸಿದರು. ಜಿ.ಡಿ. ಖೋಸ್ಲಾರ ಎರಡನೆಯ ತನಿಖಾ ಆಯೋಗವೂ ಅದೇ ರೀತಿ ನೇತಾಜಿ ಬದುಕಿರುವುದನ್ನು ನಿರಾಕರಿಸಿ ವರದಿ ಕೊಟ್ಟಿತು. ವಾಜಪೇಯಿ ನೇಮಿಸಿದ ಮುಖರ್ಜಿ ಆಯೋಗ ವರದಿ ಸಲ್ಲಿಸಿದಾಗ ಇದ್ದುದು ಕಾಂಗ್ರೆಸ್ ಸರಕಾರ. ಮನಮೋಹನ್‍ರ ಸರ್ಕಾರಕ್ಕೆ ಸಂಪೂರ್ಣ ವರದಿ ಬಹಿರಂಗ ಮಾಡುವ ಧೈರ್ಯ ಇರಲಿಲ್ಲ. ಮೂರಲ್ಲ, 4 ತನಿಖಾ ಆಯೋಗಗಳು ನೇಮಕಗೊಂಡಿದ್ದವು. ಅವೆಲ್ಲದರ ಸಂಪೂರ್ಣ ದಾಖಲೆ ಎದುರಿಗಿಟ್ಟರೆ ನಾನು ಹೇಳುವ ಸತ್ಯ ನೂರಕ್ಕೆ ನೂರಂಶ ಬಹಿರಂಗಗೊಳ್ಳುತ್ತದೆ” ಎಂದವರು ಹೇಳಿದ್ದರು.

ಹೋದ ವರ್ಷದಿಂದ ಅವರ ಬಗ್ಗೆ ಅನೇಕ ರಹಸ್ಯ ದಾಖಲೆಗಳನ್ನು ಪಶ್ಚಿಮ ಬಂಗಾಳ ಸರಕಾರ ಮತ್ತು ಕೇಂದ್ರ ಸರಕಾರ ಬಿಡುಗಡೆ ಮಾಡುತ್ತಾ ಬಂದಿದೆ. ಆದರೆ ಅವುಗಳಲ್ಲಿ ಹಲವು ಅಧಿಕೃತ ದಾಖಲೆ ನಾಶವಾಗಿವೆಯೆಂಬ ಸಂಗತಿಯೂ ಹೊರಬಿದ್ದಿತು. ನೇತಾಜಿ ಥಾಯ್‍ಪೇನಲ್ಲಿ ವಿಮಾನಾಪಘಾತದಲ್ಲಿ ಮಡಿದಿಲ್ಲ ಎಂಬ ಮಾಹಿತಿ ಬಗ್ಗೆ ನಂಬಲರ್ಹ ದಾಖಲೆಗಳು ಹೊರಬಿದ್ದಿದ್ದನ್ನು ಪತ್ರಿಕೆಗಳಲ್ಲಿ ನಾನೂ ಓದಿದ್ದೇನೆ.

ಕಾಣೆಯಾಗಿದೆ ಎನ್ನಲಾದ ಬಹುಮುಖ್ಯ ಫೈಲ್ ಗಳನ್ನು ಮೋದಿ ಸರಕಾರವೇಕೆ ಹೊರಬಿಡುತ್ತಿಲ್ಲವೆಂಬುದು ನಮ್ಮನ್ನು ಕಾಡುತ್ತಿದೆ ಎಂದು ಶ್ರೀಧರ್‍ಜೀ ಒತ್ತು ನೀಡಿ ಪ್ರತಿಕ್ರಿಯಿಸಿದರು. ಮೋದೀಜಿ ಸಂತ ಸಾಮ್ರಾಟ್ ಎಂಬ ಹೆಸರಿನಲ್ಲಿದ್ದ ನೇತಾಜಿಯಿಂದಲೇ ಪಡೆದ ಪೆನ್ನಿನ ಬಗ್ಗೆ ನೆನಪಿಸಿಕೊಂಡರು. ಮೋದೀಜಿಯವರನ್ನು ಸಂತ ಸಾಮ್ರಾಟ್‍ರಲ್ಲಿಗೆ ಕರೆದೊಯ್ದಿದ್ದ ಸುಭಾಶ್ ರ ಕಾರು ಡ್ರೈವರ್ ಆಗಿದ್ದ ಕ್ಯಾಪ್ಟನ್ ನಿಜಾಮುದ್ದಿನ್ ಕೆಲವು ತಿಂಗಳು ಹಿಂದೆ ತನ್ನ 117ನೇ ವಯಸ್ಸಿನಲ್ಲಿ ನಿಧನರಾದ ಸುದ್ದಿಯನ್ನು ನೀವೂ ಪತ್ರಿಕೆಗಳಲ್ಲಿ ಓದಿರಬಹುದು ಎಂದರು.

ನೆಹರೂಜಿ ನಿಧನರಾದಾಗ ಅಂತಿಮ ದರ್ಶನಕ್ಕೆ ನೇತಾಜಿ ಬಂದಿದ್ದರು. ಇಂದಿರಾಜಿ ಪಕ್ಕದಲ್ಲಿ ನಿಂತಿದ್ದರು. ಲೀ ಪೂ ಚಿಂಗ್ ಎಂಬ ಹೆಸರು-ಬೌದ್ಧೀಯ ದಿರಿಸಿನಲ್ಲಿದ್ದ ಚೀನೀಯ ಪ್ರತಿನಿಧಿ ನೇತಾಜಿಯವರೇ’ ಎಂದು ಫೋಟೋ ಮತ್ತು ಭಾರತ ಸರ್ಕಾರದ ಫಿಲ್ಮ್ ಡಿವಿಜನ್‍ನ ಡಾಕ್ಯುಮೆಂಟರಿ ಹಿಂದಿನ ಬಾರಿ ತೋರಿಸಿದ್ದರು. ತಾಷ್ಕೆಂಟಿನಲ್ಲಿ ಪ್ರಧಾನಿ ಶಾಸ್ತ್ರೀಜಿ ಚಿಂಗ್ ಹೆಸರಿನಲ್ಲಿ ಬೀಜಿಂಗ್‍ನಲ್ಲಿ ಮಾವೊ ತ್ಸೆ ತುಂಗ್‍ರಿಗೆ ಅಡ್ವೈಸರ್ ಆಗಿದ್ದ ಸುಭಾಶ್ ರನ್ನು ಭೇಟಿಯಾಗಿದ್ದರು ಎಂದಿದ್ದರು.

ಆ ಬಳಿಕ ಟೈಮ್ಸ್ ಆ ಮುಖಪುಟದಲ್ಲಿ ಬೋಸ್ ಅವರು ಮಾವೋ ರ ಅಡೈಸರ್ ಆಗಿದ್ದರೇ ಎಂಬ ಸುದ್ದಿ ಓದಿದ್ದೆ. ಹಾಗೆಯೇ, ಶಾಸ್ತ್ರಿಯವರ ಪುತ್ರರು “ಹೌದ್ಹೌದು ನಮ್ಮಪ್ಪ ರಶಿಯಾದಲ್ಲಿ ಯಾರೋ ದೊಡ್ಡ ವ್ಯಕ್ತಿಯನ್ನು ನಾನು ಭೇಟಿಯಾಗಲಿದೆ, ಅವರನ್ನು ಭಾರತಕ್ಕೆ ಕರ್ಕೊಂಡು ಬರಬೇಕಿದೆ ಎಂದು ನಮ್ಮ ಬಳಿ ಹೇಳುತ್ತಿದ್ದುದು ನಿಜ,ನಮ್ಮ ಪಿತನ ಅನಿರೀಕ್ಷಿತ ಸಾವಿಗೆ ತನಿಖೆಯಾಗಬೇಕೆಂದೂ” ಹೇಳಿದ್ದು ಪತ್ರಿಕೆಗಳಲ್ಲಿ ವರದಿಯಾಯಿತು.

ಹಾಗೆಯೇ, ನರೇಂದ್ರ ಮೋದಿಯೂ ಸುಭಾಶ್‍ರನ್ನು ಭೇಟಿಯಾಗಿದ್ದರೆಂಬುದನ್ನು ಕೆದಕದೆ ಬಿಟ್ಟಿರಲಿಲ್ಲ. ‘ಹೌದು, ಆ ಪೆನ್ ಕೊಟ್ಟ ಸ್ವಾಮೀಜಿಯೇ ಸುಭಾಶ್‍ರು. ನೀವೂ ಓದಿರಬೇಕಲ್ಲಾ-ಸಂತ ಸಾಮ್ರಾಟರನ್ನು ಮೋದಿ ಭೇಟಿಯಾಗಿದ್ದಾಗ ಅಲ್ಲಿ ಸುಭಾಶ್‍ರ ಅತಿನಂಬಿಕೆಯ ಡ್ರೈವರ್ ಜೊತೆಗಿದ್ದರು’ ಎಂಬ ಅವರ ವಿವರಣೆ ನನ್ನ ತಲೆ ಕೆದಕಿಬಿಟ್ಟಿತ್ತು.

ಲೋಕಸಭೆ ಸದಸ್ಯ ಸಮರ್ ಗುಹಾ, ನೇತಾಜಿ ಸೋದರ ಸುಶಿಲ್ ಬೋಸ್ ಇಬ್ಬರೂ ನೇತಾಜಿ ಪ್ರತ್ಯಕ್ಷವಾಗುವ ಮುಹೂರ್ತ ಇಟ್ಟಿದ್ದರೂ- ಅವರು ಬಹಿರಂಗ ಗೊಳ್ಳಲೇ ಇಲ್ಲವಲ್ಲಾ ಎಂದು ರಾಗ ಎಳೆದೆ. ಬಂದೇ ಬರುತ್ತಾರೆಂದು ಹಠ ಕಟ್ಟಿದ ನೇತಾಜೀ ಸೇನೆಯ ಈ ರಾಷ್ಟ್ರೀಯ ಅಧ್ಯಕ್ಷರು ಇನ್ನು ಯಾರೂ ತಡೆಯಲಾಗುವುದಿಲ್ಲ ಎಂದರು. ಅವರೇಕೆ ಬರಲಿಲ್ಲ ಎಂದಾಗ ನೆಹರು ಅವರ ಅಂತಾರಾಷ್ಟ್ರೀಯ ಒಪ್ಪಂದ (ಕಾಮನ್‍ವೆಲ್ತ್ ಸಂಬಂಧಿತ) ದಂತೆ ನೇತಾಜಿ ಈಗ ಪ್ರತ್ಯಕ್ಷ ಗೊಂಡರೆ ಅವರನ್ನು ವಾರ್ ಕ್ರಿಮಿನಲ್ ಆಗಿ ಆ ದೇಶಗಳಿಗೆ ಒಪ್ಪಿಸಬೇಕೆಂಬ ಬದ್ಧತೆಯನ್ನು ಮಾಡಿಕೊಂಡಿದೆ ನಮ್ಮ ಸರಕಾರ. ಇನ್ನೇನು ಒಪ್ಪಂದ ಅಂತ್ಯವಾಗುವ ಸಮಯ ಬರುತ್ತಿದೆ ಎಂದು ಎದೆ ಸೆಟೆದು ಸುಭಾಶ್‍ರ ನಿಕಟವರ್ತಿ ಪಂಡಿತರು ಉದ್ಗರಿಸಿದ್ದರು.

ಯಾಕಿನ್ನೂ ನೇತಾಜಿ ಬಂದಿಲ್ಲವೆಂದು ನಾನು ಈ ಬಾರಿಯೂ ಅವರನ್ನು ಕೆದಕಿದೆ, “ನೋಡಿ, ನನ್ನ ವಯಸ್ಸಾದ ತಾಯಿಗೆ ಈಗ ಹುಶಾರಿಲ್ಲ. ನಾನು ಅವರ ಜೊತೆ ನಿರಂತರ ಇರಬೇಕಾಗಿ ಬಂದಿದೆ. ಎಲ್ಲೂ ಹೊರಗೆ ಹೋಗೋಕಾಗ್ತಿಲ್ಲ” ಎಂದುತ್ತರ ಬಂತು. “ಹಾಗಾದರೆ, ಸುಭಾಶ್‍ರು ವಾಪಾಸು ಬರುವುದಿಲ್ಲವೇ” ಎಂಬ ಪ್ರಶ್ನೆಗೆ 2018ರಲ್ಲಿ ಮೂರನೇ ಜಾಗತಿಕ ಮಹಾಯುದ್ಧ ಆಗುವಾಗ ನಾನು ಪ್ರತ್ಯಕ್ಕವಾಗುತ್ತೇನೆಂದು ಅವರೇ ನನಗೆ ಹೇಳಿದ್ದಾರೆ, ನಾನು ಅದನ್ನು ನಂಬುತ್ತೇನೆ” ಎಂದು ಕಡಕ್ ಉತ್ತರ ಬಂತು.

ನಾನವರನ್ನು ಮತ್ತೂ ಹಲವು ಪ್ರಶ್ನೆಗಳನ್ನು ಕೇಳಿದೆ. ಈಗ ಸ್ಥಳಾವಕಾಶದ ಕೊರತೆಯಿಂದಾಗಿ ಅವೆಲ್ಲದರ ವಿವರ ಮುಂದಿನ ಕೂಕಿಲಿನಲ್ಲಿ ಬರೆಯಲ್ಲಿದ್ದೇನೆ.

———————-

ಈಶ್ವರ ದೈತೋಟ

1ಕರ್ನಾಟಕದ ಅತಿಹೆಚ್ಚು ದಿನಪತ್ರಿಕೆಗಳನ್ನು ಮುನ್ನಡೆಸಿದ ಹಿರಿಮೆ. 1991ರಿಂದ 2011ರವರೆಗಿನ ಎರಡು ದಶಕಗಳಲ್ಲಿ ಅತ್ಯಂತ ಹೆಚ್ಚು ಆವೃತ್ತಿಗಳು ಮತ್ತು ಪ್ರಸಾರದ ವಿಜಯ ಕರ್ನಾಟಕದ ಫೌಂಡರ್ ಚೀಫ್ ಎಡಿಟರ್. ಮಣಿಪಾಲದ ಉದಯವಾಣಿ ರೆಸಿಡೆಂಟ್ ಎಡಿಟರ್, ಟೈಮ್ಸ್ ಆಫ್ ಇಂಡಿಯಾ (ಕ) ಎಡಿಟರ್, ಕನ್ನಡದ ಸೀನಿಯರ್ ಮೋಸ್ಟ್ ದೈನಿಕ ಸಂಯುಕ್ತ ಕರ್ನಾಟಕದ ಚೀಫ್ ಎಡಿಟರ್ ಹಾಗೂ ನೂತನ ವಾರಪತ್ರಿಕೆ ಚೀಫ್ ಎಡಿಟರ್ ಆಗಿ ಹೊಣೆಹೊತ್ತವರು.

ಮುದ್ರಣ ಮಾಧ್ಯಮ, ರೇಡಿಯೋ, ಟೆಲಿವಿಷನ್ನಿನಲ್ಲಿ ಮೂರೂವರೆ ದಶಕಗಳಿಗೂ ಹೆಚ್ಚು ಅನುಭವ. ಪತ್ರಿಕೋದ್ಯಮ ಶಿಕ್ಷಣ, ಅಭ್ಯುದಯ ಪತ್ರಿಕೋದ್ಯಮ ಮತ್ತು ಮೀಡಿಯಾ ಮ್ಯಾನೇಜ್‌ಮೆಂಟ್‌ನಲ್ಲಿಯೂ ಅಪಾರ ಸಾಧನೆ. ಯುಜಿಸಿ ಮತ್ತು ಯೂನಿಸೆಫ್ ತರಬೇತಿ ಯೋಜನೆಗೆ ಡೆವಲಪ್‌ಮೆಂಟ್‌ ಕನ್ಸಲ್ಟೆಂಟ್ ಎಂದು ಮನ್ನಣೆ.

2015ರಲ್ಲಿ ಪ್ರತಿಷ್ಠಿತ ಟಿಎಸ್ಆರ್ ಪತ್ರಿಕೋದ್ಯಮ ಪ್ರಶಸ್ತಿ, ಮೂಡಬಿದ್ರೆಯ ನುಡಿಸಿರಿ ಪ್ರಶಸ್ತಿ, 2008ರಲ್ಲಿ ಅಭ್ಯುದಯ ಪತ್ರಿಕೋದ್ಯಮ ರಾಜ್ಯ ಪ್ರಶಸ್ತಿ, ಮೈಸೂರಿನ ಕುವೆಂಪು ಶಿಕ್ಷಣ ಸಂಸ್ಥೆಯಿಂದ ರಾಜ್ಯದ ಅತ್ಯುತ್ತಮ ಸಂಪಾದಕ ಪ್ರಶಸ್ತಿ (2006). 2008ರಲ್ಲಿ ರಾಷ್ಟ್ರೀಯ ಝಿ ಟಿವಿ ಚಾನೆಲ್‌ನಿಂದ ಕರ್ನಾಟಕದಲ್ಲಿ ಇಲೆಕ್ಟ್ರಾನಿಕ್ ಮೀಡಿಯಂ ಮತ್ತು ಪತ್ರಿಕೋದ್ಯಮಕ್ಕೆ ಅತಿ ದೊಡ್ಡ ಸೇವೆ ಸಲ್ಲಿಸಿದ ಸಂಪಾದಕ ಮತ್ತು ಅತ್ಯಂತ ಜನಪ್ರಿಯ ಮೀಡಿಯಾ ಪರ್ಸನ್ (ವೀಕ್ಷಕರ ಆಯ್ಕೆ) ಎಂಬೆರಡು ಪ್ರಶಸ್ತಿಗಳು. ವಾಯ್ಸ್ ಆಫ್ ಅಮೇರಿಕಾ ಮತ್ತು ಕೆನೆಡಿಯನ್ ರೇಡಿಯೋಗಳಲ್ಲಿ ಅವರ ಕಾರ್ಯಕ್ರಮಗಳು ಪ್ರಸಾರವಾಗಿವೆ. ಹಲವು ಇಂಟರ್‌ನ್ಯಾಷನಲ್ ಜರ್ನಲ್‌ಗಳಿಗೂ ಲೇಖನ ಬರೆದಿದ್ದಾರೆ.

ಅಭ್ಯುದಯ ಪತ್ರಿಕೋದ್ಯಮ ಅವರ ನಿತ್ಯ ಜಪ. ಅಭ್ಯುದಯ ಸಂಬಂಧಿತ ಅನೇಕ ಡಾಕ್ಯುಮೆಂಟರಿಗಳನ್ನು, ರೇಡಿಯೋ ರೂಪಕಗಳನ್ನು ತಯಾರಿಸಿರುವ ಅನುಭವ. ಪತ್ರಿಕೋದ್ಯಮ ಮತ್ತಿತರ ವಿಷಯಗಳ ಬಗ್ಗೆ ಅವರು ಬರೆದಿರುವ, ಅನುವಾದಿಸಿರುವ ಪುಸ್ತಕಗಳ ಸಂಖ್ಯೆ 75ಕ್ಕೂ ಹೆಚ್ಚು.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಕ್ರೈಸ್ತರ ಪ್ರಾರ್ಥನಾ ಅಭಿಯಾನದ ಕರೆಯ ಸುತ್ತಮುತ್ತ

        ಪ್ರಸ್ತಾಪ     ಹುಸಿ ರಾಷ್ಟ್ರ ಭಕ್ತಿಯಲ್ಲಿ ಆರ್ಭಟಿಸುವ ಹಿಂದುತ್ವದ ಸ್ವಘೋಷಿತ ವಾರಸುದಾರರು ಮಾತೆತ್ತಿದರೆ ಕ್ರೈಸ್ತರನ್ನು ಈ ದೇಶದವರಲ್ಲ, ಅವರನ್ನು ದೇಶದಿಂದ ಒದ್ದೋಡಿಸಬೇಕು ಎನ್ನುವಂತೆ ವರ್ತಿಸುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ, ಗಣರಾಜ್ಯೋತ್ಸವ ಹೀಗೆ ಪ್ರತಿ ರಾಷ್ಟ್ರೀಯ ಹಬ್ಬಗಳನ್ನೂ ಧ್ವಜಾರೋಹಣ ಮಾಡಿ ರಾಷ್ಟ್ರಗೀತೆ ಹಾಡಿ ಆಚರಿಸಿಯೇ ಧಾರ್ಮಿಕ ಚಟುವಟಿಕೆಯನ್ನು ಶುರುಮಾಡುವ ಕ್ರೈಸ್ತರಿಂದ ಕಲಿಯುವುದು ಬೇಕಾದಷ್ಟಿದೆ. ಆಸ್ಪತ್ರೆ, ಶಿಕ್ಷಣ, ಸಮಾಜ ಸುಧಾರಣೆಯ ಕಾರ್ಯಗಳಲ್ಲಿ ಕ್ರೈಸ್ತ ಸಂಸ್ಥೆಗಳು ಮಾಡುವ ಸೇವೆಯನ್ನು ...

  • 2 days ago No comment

    ಚಿತ್ರದಲ್ಲಿನ ಹೆಂಗಸು

      ಕವಿಸಾಲು               ತಲೆಮಾರುಗಳ ಸ್ಥಿರತೆ ಕಮಾನ ಬಿಲ್ಲಿನಂತೆ ಬಾಗಿದ ಹುಬ್ಬುಗಳಲಿ ತೂಗಿ ಕಂದು ಕಣ್ಣುಗಳ ಆಳದಲ್ಲೆಲ್ಲೋ ಅಡಗಿದ ಇನಿತಿನಿತು ಬಾಲ್ಯದ ಭಯಗಳ ನಡುವೆ ಇಣುಕುವ ವಿನಯದಿ ವಿಧೇಯ ಹೆಂಗಸಿದ್ದಾಳೆ, ಆಳಲ್ಲ ಬಾಯೆಂಬ ಬಾಯಿ ಅಚ್ಚುಕಟ್ಟಾಗಿ ಪಳಗಿ ಸರಿಯೆಂಬುದ ದಿಟ್ಟವಾಗಿ ಅರುಹಿ ಉದ್ದುದ್ದ ಭಾಷಣಗಳ ಕಟ್ಟಿಟ್ಟು ತೂಗಿ ಬಿಡಿಸಲಾಗದ ಒಗಟಿನ ಜೀವನ ಸೌಂದರ್ಯವ ಆಸ್ವಾದಿಸುವಲ್ಲಿ ಜೀವಂತವಿದ್ದಾಳೆ, ಕಳೆಯಿಲ್ಲ ಶಿರವೆಂಬ ಶಿಖರವ ...

  • 1 week ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 1 week ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 2 weeks ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...


Editor's Wall

  • 11 May 2018
    2 weeks ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    4 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    4 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...