Share

ಬಾಲ್ಯದ ನೆನಪು – ಪ್ರೇಮ ಪರಿಮಳ
ಬಾಲ್ಯ ಬಂಗಾರ | ನಾಗರೇಖಾ ಗಾಂವಕರ

 

 

 

 

 

 

 

 

 

ಬಾಲ್ಯ ಬಂಗಾರ

 

ಫೆಬ್ರುವರಿ 14. ಪ್ರೇಮಿಗಳ ಹೃದಯ ಬಡಿತ, ಮನದ ಮಿಡಿತ, ಪ್ರೇಮ ಕಂಪನಗಳು, ನಿವೇದನೆಗಳು ಪುಂಖಾನುಪುಂಖವಾಗಿ ಮೊಳಗಿ ಬೆಳಗಿ ಯುವ ಹೃದಯಗಳು ಪ್ರೇಮದ ಮತ್ತಿನಲ್ಲಿ ಮಾಯಾ ಲೋಕದ ಗುಂಗಿನಲ್ಲಿ ಜೀವನ ಇದೇ ಎಂದು ಭ್ರಮಾಧೀನರಾಗಿ ಸಂತಸ ಪಡುವ ದಿನ.

ಪ್ರೇಮ ಅವರ್ಣನೀಯ ಭಾವ. ಬಹುಶಃ ಮಾತಿಗೆ ಆ ಭಾವವನ್ನು ಪೂರ್ತಿಯಾಗಿ ವ್ಯಕ್ತಪಡಿಸಲು ಸಾಧ್ಯವಿಲ್ಲ. ಇದು ಇಂದಿನ ನಿನ್ನೆಯ ಭಾವವಲ್ಲ. ಮಾನವ ಸಂತತಿಯ ಉಗಮದಿಂದಲೂ ಒಡಮೂಡಿದ ಜೀವಸೆಲೆ. ನಮ್ಮ ಬಾಲ್ಯದ ದಿನಗಳಲ್ಲಿ ಯೌವನಕ್ಕೆ ಬಂದ ಯುವ ಜೋಡಿಗಳ ಇಂತಹ ಪ್ರೇಮ ಸನ್ನಿವೇಶಗಳ ಕಂಡ ದಿನಗಳ ಕುರಿತು ಹೇಳಬೇಕೆನಿಸುತ್ತಿದೆ. ಹಳ್ಳಿಗಳಲ್ಲಿ ಪ್ರೇಮ ವ್ಯವಹಾರಗಳು ಬಹುಶಃ ಪಟ್ಟಣದಷ್ಟು ರಾಜಾರೋಷವಾಗಿ ನಡೆಯದಿದ್ದರೂ ಅಲ್ಲಿಯೂ ಪ್ರೇಮ ವಿವಾಹಗಳು ಪ್ರಸಂಗಗಳಿಗೇನೂ ಕೊರತೆಯಿಲ್ಲ.

ಪ್ರಾಯದ ದಿನಗಳಲ್ಲಿ ಪ್ರೇಮ ಎಂಬುದು ಸರ್ವೆಸಾಮಾನ್ಯ ಸಂಗತಿ. ಹಾಗೆ ನಮ್ಮ ಮನೆಯ ಹತ್ತಿರವೇ ಇದ್ದ ನಾಗು ಮನೆಯ ಗಣಪಗೂ ಅವರ ಮನೆಯಿಂದ ನೂರು ಅಡಿ ಅಂತರದಲ್ಲಿದ್ದ ಶುಕ್ರಿ ಮಗಳು ಬೊಮ್ಮಿಗೂ ಅದು ಹೇಗೋ ಆಕರ್ಷಣೆ ಶುರುವಾಗಿತ್ತು. ಬಿಳಿಯ ಬಣ್ಣದ ಆದರೆ ಕುಳ್ಳ ದೇಹದ ಆಕೆಗೆ ಕರಿಯನಾದರೂ ಅತಿ ಆಕರ್ಷಕನಾಗಿದ್ದ ಕಟ್ಟುಮಸ್ತಾದ ಗಣಪ ಹೇಳಿ ಮಾಡಿಸಿದ ಜೋಡಿ ಹಾಗಿದ್ದ. ಗಣಪನೇ ಮೈಮೇಲೆ ಬಿದ್ದು ಬಿದ್ದು ಒಲಿಸಿಕೊಳ್ಳಲು ಶತಾಯಗತಾಯ ಹಿಂದೆ ಬಿದ್ದಿದ್ದ. ಇದು ನಮಗೆಲ್ಲಾ ತಿಳಿದ ವಿಷಯವೇ ಆಗಿತ್ತು. ತೆಂಗಿನಗಿಡಗಳಿಗೆ ಗೊಬ್ಬರ ಹಾಕಲು ಬಂದಾಗಲೆಲ್ಲಾ ಅವಳ ಸುತ್ತ ಗಸ್ತು ತಿರುಗುತ್ತ, ಅವಳಿಂದಲೇ ಗೊಬ್ಬರ ಬುಟ್ಟಿಯ ತಲೆಗೆ ವರ್ಗಾಯಿಸಿಕೊಳ್ಳುತ್ತ ಆಕೆ ತನ್ನ ನೋಡಿದರೆ ಸಾಕು ಎಂಬ ಹಪಾಹಪಿಯಲ್ಲಿ ಕಾಯ್ದು ಸುಸ್ತಾಗುತ್ತ ಇರುತ್ತಿದ್ದರೆ ಅದನ್ನು ಉಳಿದವರು ಸೂಕ್ಷ್ಮವಾಗಿ ಗೃಹಿಸಿದ್ದರು. ಹೀಗೆ ಹತ್ತು ಹಲವು ಕಸರತ್ತುಗಳ ಮಾಡುತ್ತಿದ್ದ ಆತ ರಸಿಕ ಮಹಾಶಯನೇಆಗಿದ್ದ. ಇಪ್ಪತ್ತೆರಡರ ಆತ ಹದಿನೆಂಟು ಹತ್ತೊಂಬತ್ತರ ಬೊಮ್ಮಿ ಒಂದೇ ಜನಾಂಗ. ಹೀಗಿದ್ದೂ ಆಕೆ ಒಪ್ಪಿಕೊಳ್ಳುತ್ತಿರಲಿಲ್ಲ. ಕಾರಣ ಆ ಜನಾಂಗಗಳಲ್ಲಿ ನಮ್ಮಲ್ಲಿ ಜಾತಕ ನೋಡಿದಂತೆ ಬಳಿ ನೋಡುತ್ತಿದ್ದರು. ಒಂದೇ ಬಳಿಯ ಹೆಣ್ಣುಗಂಡಿಗೆ ಮೇಳಾಮೇಳ ಸರಿಯಾಗುವುದಿಲ್ಲ, ಅವರು ಒಂದೇ ಕುಟುಂಬವೆಂದು ಪರಿಗಣಿಸಿ ಸಂಬಂಧ ಮಾಡುತ್ತಿರಲಿಲ್ಲ. ಅದರಲ್ಲೂ ಬೊಮ್ಮಿ ಸ್ವಲ್ಪ ಮುಜುಗರದ ಸ್ವಭಾವದ ಮುಗ್ಧ ಹುಡುಗಿ. ಆತನ ಕಸರತ್ತುಗಳ ನೋಡಿಯೂ ತನಗೇನೂ ತಿಳಿಯದಂತೆ ನಟಿಸಿ ದಿನವನ್ನು ಸಾಗಹಾಕುತ್ತಿದ್ದಳು.

ನಮ್ಮ ಮನೆಯ ಹಿಂದೆ ಇರುವ ಹಳ್ಳಕ್ಕೆ ಬಟ್ಟೆ ಒಗೆಯಲು ಬೊಮ್ಮಿ ಆಗಾಗ ಬರುತ್ತಿದ್ದಳು. ಅದು ಹೆಚ್ಚುಕಮ್ಮಿ ಇದೇ ಕಾಲ. ಆ ದಿನ ನಾವು ಕಾಡಿನಲ್ಲಿ ಬೆಳೆಯುವ ಮುಳ್ಳಹಣ್ಣು ಕರಚುಂಜಿ ಹಣ್ಣು ಆಯಲು ಹೋಗಿದ್ದೆವು. ಆಕೆ ಬಟ್ಟೆ ಒಗೆಯುತ್ತಿದ್ದಳು. ಅದೇ ಆತನು ಅಲ್ಲಿಗೆ ಬಂದಿದ್ದ. ಆದರೆ ಅವರಿಬ್ಬರೂ ನಮ್ಮನ್ನು ಕಂಡಿರಲಿಲ್ಲ. ಆಕೆಯ ಹಿಂಬಾಲಿಸಿ ಬಂದ ಆತ ಪ್ರೇಮಭಿಕ್ಷೆ ಬೇಡುತ್ತಿದ್ದ. “ಏ, ಬುಮ್ಮಿ, ಇಲ್ನೋಡೆ, ನನ್ನುಂಚರಿಗೆ ನೋಡೆ, ಏ, ನಾನ ನಿನ್ನ ಮ್ಯಾಲೆ ಜೀಂಮಾನೆ ಇಟ್ಕಂಡಿ. ಇದೈ ನೀ ಹೂಂ ಅನ್ದೀರೆ ನಾ ಇಲ್ಲೆ ಹಳ್ಳದಲ್ಲೇ ಪಾಶ ಹಾಕಣ್ತಿ ನೋಡೆ” ಎಂದು ಹೆದರಿಸುತ್ತಿದ್ದ. ನಮಗೋ ಅದು ಮೋಜು. ಮುಸಿ ಮುಸಿ ನಗುತ್ತ ಬಾಯಿಗೆ ಕೈ ಅಡ್ಡ ಇಟ್ಟು ಕದ್ದು ನೋಡುತ್ತಿದ್ದವು. ನಾನು, ನನ್ನ ಅಕ್ಕ. ಯಾರೂ ಇಲ್ಲದಿದ್ದಾಗಲೂ ಆಕೆ ಸಭ್ಯೆಯಾದರೂ ಧೈರ್ಯಸ್ಥೆ, ಆತನ ಜರಿಯತೊಡಗಿದಳು.

“ಏ, ಹೋಗಾ, ಮಂಗನ ಮುಸಡ್ಯವ್ನೇ, ದಿನಾ ದಿನಾ ಸಾಯ್ಲೆ ಅಂದಂಡ ಸುಮ್ನಿದ್ರೆ ನಿಂದು ಜೋರೆ ಆಯತ. ನಮ್ಮಪ್ಪಗೆ ಹೇಳ್ತಿ ತಡಿ. ನಿಂಗೇನ ಬ್ಯಾರೆ ಕೆಲ್ಸಿಲ್ಲಾ. ನಾನೇ ಸಿಕ್ಕಿನೇ ನಿಂಗೆ, ಮದಿಯಾಗುಕೆ. ಬ್ಯಾರೆಯಾರ್ನರೂ ನೋಡ್ಕಾ” ಎಂದು ತಿವಿದು ಹೇಳಿದರೂ ಆತ ಅಂಗಲಾಚುತ್ತಲೇ ಇದ್ದ. ಆದೇ ಹೊತ್ತಿಗೆ ನಮ್ಮ ಇರುವಿಕೆ ಅದ್ಹೇಗೋ ಅವರಿಗೆ ಗೊತ್ತಾಗಿ ಗಣಪ ನಾಚಿಗೆ ಮಾಡಿಕೊಂಡು ಹೊರಟು ಹೋದರೆ ಬೊಮ್ಮಿ ನಮ್ಮೊಂದಿಗೆ ಕುಶಲೋಪರಿಯ ಮಾತಿಗೆ ನಿಂತಳು. ಇದಾಗಿ ಕೆಲವು ಕಾಲದಲ್ಲೆ ಆತ ಆಕೆಯನ್ನು ಎಲ್ಲರ ಒಪ್ಪಿಗೆ ಪಡೆದು ಮದುವೆಯೂ ಆಗಿಹೋಯ್ತು. ನಮಗಿಂತ ಏಳೆಂಟು ವರ್ಷಕ್ಕೆ ಹಿರಿಯಳಾದ ಆಕೆ ಈಗ ಮಗಳ ಮದುವೆಯ ಮಾಡಿ ಮೊಮ್ಮಗನೂ ಆಗಿ ಅಜ್ಜಅಜ್ಜಿಯಾಗಿ ಸಂತಸದಿಂದ ಇದ್ದಾರೆ. ಇದೊಂದು ಆದರ್ಶ ಪ್ರೇಮ ವಿವಾಹವೆಂದೆ ಹೇಳಬೇಕು.

ಇನ್ನು ಒಂದು ಸಂಗತಿ ಎಂದರೆ ನಮ್ಮ ಶಾಲೆಯ ಪ್ರೇಮ ಪುರಾಣ. ಇಬ್ಬರು ಪುರುಷರು, ಐದು ಮಹಿಳಾ ಮಣಿ ಶಿಕ್ಷಕರ ಹೊಂದಿದ ಮಾದರಿ ಹಿರಿಯ ಪ್ರಾಥಮಿಕ ಶಾಲೆ ನಮ್ಮದು. ಹೆಡ್ ಮಾಸ್ಟರ್ ಹಾಗೂ ಇನ್ನೊಬ್ಬ ಸರ್ ಅಷ್ಟೇ ಇದ್ದು ಉಳಿದವರು ಮಹಿಳೆಯರು. ಹೆಡ್ ಮಾಸ್ಟರ್ ಆಡಳಿತದ ದೇಖರೇಕದಲ್ಲಿ ತಲ್ಲಿನರಾಗಿದ್ದು ಆಗಾಗ ತನ್ನ ತರಗತಿಗಳ ಕಡೆಗೆ ಗಮನ ಕೊಟ್ಟು ಆದರ್ಶ ವ್ಯಕ್ತಿತ್ವ ಹೊಂದಿದ್ದರೆ ಈ ಸಹ ಶಿಕ್ಷಕರೋ ವಿವಾಹಿತನಾಗಿದ್ದು ಶ್ರೀಕೃಷ್ಣನ ಅಪರಾವತಾರ. ಮಹಿಳಾ ಮಣಿಗಳಲ್ಲಿ ಇಬ್ಬರು ಸದ್ಗೃಹಸ್ಥ ಶಿಕ್ಷಕಿಯರಾಗಿದ್ದರು. ನಮಗೆಲ್ಲಾ ಅಚ್ಚುಮೆಚ್ಚಿನ ಶಿಕ್ಷಕಿಯರು. ಇನ್ನೊಬ್ಬರು ಅವಿವಾಹಿತ ಸ್ತ್ರೀರತ್ನ. ಇನ್ನೊಬ್ಬರಂತೂ ವಿವಾಹಿತೆಯಾಗಿದ್ದರೂ ಶ್ರೀಕೃಷ್ಣನ ರಾಧೆಯಾಗಬಯಸುವವರು. ಇನ್ನೊಬ್ಬ ಶಿಕ್ಷಕಿ ಐವತ್ತರ ಆಸುಪಾಸಿನ ಸಂಗ್ಯಾಬಾಳ್ಯಾ ನಾಟಕದ ಪಾರಮ್ಮನ ಪಾತ್ರದಂಥವಳು.

ಹೀಗಿದ್ದೂ ಪಾಠ ಪ್ರವಚನಗಳು ಚೆನ್ನಾಗಿಯೇ ನಡೆಯುತ್ತಿದ್ದವು. ಕಾರಣ ಮುಖ್ಯಾಧ್ಯಾಪಕರ ಕಟ್ಟುನಿಟ್ಟಿನ ಶಿಸ್ತುಬದ್ಧ ಆಡಳಿತ ವ್ಯವಹಾರ. ಆಗೆಲ್ಲ ಟೀಚರುಗಳು ಮಕ್ಕಳಿಂದಲೇ ಶಾಲೆಯಲ್ಲೇ ಚಹಾ ಮಾಡಿಸುತ್ತಿದ್ದರು. ನಮಗೆಲ್ಲಾ ಅದು ಅತಿದೊಡ್ಡ ಭಾಗ್ಯ. ಚಹಾ ಮಾಡಿಕೊಟ್ಟು ಪಾತ್ರೆ ತೊಳೆದು ಕೃತಾರ್ಥರಾಗಲು ಹವಣಿಸುತ್ತಿದ್ದೆವು. ಆರು ಏಳನೇ ತರಗತಿಯ ಮಕ್ಕಳು ಮಾತ್ರ ಈ ಕೆಲಸ ಮಾಡುತ್ತಿದ್ದರು. ಸಕ್ಕರೆ ಟೀ ಪುಡಿತರಲು ಕೆಲವೊಮ್ಮೆ ಅಂಗಡಿಗೆ ಕಳಿಸುವಾಗ ಹೆಣ್ಣು ಶಿಕ್ಷಕಿಯರಿಗೆ ವಿಶೇಷ ಕಾಳಜಿ ವಹಿಸಿ ತಿಂಡಿಗಳ ತಂದುಕೊಟ್ಟು ಅವರ ಮನಸ್ಸನ್ನು ಗೆಲ್ಲುತ್ತಿದ್ದರು ಮೇಷ್ಟ್ರು. ನಾವು ಚಹಾ ಮಾಡಿಕೊಟ್ಟು ಪಿಳಿಪಿಳಿ ಕಣ್ಣುಬಿಟ್ಟು ನೋಡುತ್ತಿದ್ದೆವು ಆಶೆಯಿಂದ. ಆದರೆ ನಮಗದು ಸಿಗುತ್ತಿರಲಿಲ್ಲ ಬೇರೆ ಮಾತು. ಮಕ್ಕಳಿಂದ ಗುಲಾಬಿ ತರಿಸಿ ಅದನ್ನು ಕೊನೆಯ ತರಗತಿಯಲ್ಲಿ ಕುಳಿತಿರುತ್ತಿದ್ದ ಅವಿವಾಹಿತ ಸಂಗೀತಾ ಮೇಡಂಗೆ ತಾನು ಕೊಟ್ಟೆನೆಂದು ಹೇಳಿ ಕೊಟ್ಟುಬರುವಂತೆ ನಮ್ಮನ್ನು ಕಳಿಸುತ್ತಿದ್ದರು ಮೇಷ್ಟ್ರು. ಆದರೆ ನಡುವಿನ ಕೋಣೆಯ ರಾಧಾ ಮೇಡಂಗೆ ಕಾಣದಂತೆ ಎಚ್ಚರ ವಹಿಸಲು ಹೇಳುತ್ತಿದ್ದರು.

ಈ ಸವತಿ ಮಾತ್ಸರ್ಯ ಕೆಲವೊಮ್ಮೆ ಮಹಿಳಾ ಮಣಿಗಳಲ್ಲಿ ವಾಗ್ವಾದಕ್ಕೂ ಕಾರಣವಾಗುತ್ತಿತ್ತು. ಅದೂ ಹೆಡ್ ಮಾಸ್ಟರ್ ಇಲ್ಲದ ದಿನಗಳಲ್ಲಿ. ಕೊನೆಕೊನೆಗೆ ಈ ಪ್ರೇಮ ಸಲ್ಲಾಪ ಎಷ್ಟರತನಕ ಬಂದಿತೆಂದರೆ ನಾವುಗಳು ವಿದ್ಯಾರ್ಥಿ ಬಾಂಧವರೇ ಅವರಿಬ್ಬರ ಕುರಿತು ಕವಿತೆ ಕಟ್ಟುವಷ್ಟು. ನಮ್ಮ ಸರದಿ ಮುಗಿದು ನಾವು ಹೈಸ್ಕೂಲು ಮೆಟ್ಟಿಲು ಏರಿದ್ದೆವು ಆಗ ತಿಳಿದಿತ್ತು. ಮೇಷ್ಟ್ರೂ ಮೊದಲಿನ ಪತ್ನಿಗೆ ಡೈವೋರ್ಸ್ ಕೊಟ್ಟು ಈ ವಿಜಾತಿಯ ಸಂಗೀತಾ ರಮಣಿಯ ಕೈಹಿಡಿದರೆಂದು.

ಮೊದಲ ಪ್ರಸಂಗದ ಆ ಕಶ್ಮಲವಿಲ್ಲದ ಅನಕ್ಷರಸ್ಥ ಪ್ರೇಮಿಗಳ ಬದುಕಿಗೂ, ಕಲಿತು ಸುಸಂಸ್ಕೃತ ಎನಿಸಿಕೊಂಡು ಕಟ್ಟಿಕೊಂಡು ಬಂದವಳ ಬಿಟ್ಟು ಸೌಂದರ್ಯದ ಹಿಂದೆ ಬಿದ್ದ ಆದರ್ಶ ಯುವ ಜನತೆಯ ನೇತಾರರಾಗಬೇಕಿದ್ದ ಮೇಷ್ಟ್ರ ಬದುಕಿಗೂ ಎಷ್ಟೊಂದು ವ್ಯತ್ಯಾಸ. ನಿಜಕ್ಕೂ ಆದರ್ಶಪ್ರಾಯರಾರು? ಪ್ರೇಮವೆಂದರೆ ಏನು?

ಇಷ್ಟೆಲ್ಲಾ ಹೇಳಬಂದ ಸಂದರ್ಭ ಎಂದರೆ ಅದು ಪ್ರೇಮಿಗಳ ದಿನ ತಂದ ಬಾಲ್ಯದ ನೆನಪು. ನಮ್ಮ ಸಂಸ್ಕೃತಿ ಅಲ್ಲ ಎಂದು ಹೇಳುವ ನಾವು ನಿಜಕ್ಕೂ ಅರಿಯಬೇಕಾದ್ದು ಆ ಚರಣೆಗಳಿಂದ ಸಂಸ್ಕೃತಿಯಲ್ಲ. ಮನಸ್ಸಿನಿಂದ ಸುಸಂಸ್ಕೃತಿ. ಯುವಜನತೆ ಅತಿರೇಕದ ವರ್ತನೆಗಳಿಂದ ಈ ದಿನದ ಸೊಗಸನ್ನು ಕಲ್ಮಶಗೊಳಿಸಿಕೊಳ್ಳದೇ ಸ್ಥಿತಪ್ರಜ್ಞೆಯಿಂದ ಶುಧ್ಧ ಪ್ರೇಮ ಸಂಭಾಳಿಸಿದರೆ ಬದುಕು ಹೂವಿನ ಹಾಸು. ಇನ್ನು ಒಂದು ಸಂಗತಿಯೆಂದರೆ ಪ್ರೇಮ ಬದುಕಿನ ಒಂದು ಭಾಗವಷ್ಟೇ. ಅದೇ ಇಡಿಯ ಜೀವನವಲ್ಲ. ಮದುವೆ ಇನ್ನೊಂದು ಆಯಾಮ. ಯಾಕೆಂದರೆ ಕೆಲವರ ಪ್ರೇಮ ನಿವೇದನೆಗಳು ನಿಂದೆಗೆ ಗುರಿಯಾಗಿ, ಪ್ರೇಮವೈಫಲ್ಯಕ್ಕೆ ಒಳಗಾಗಿ ಹತಾಶರಾಗಿ ಹೆತ್ತು ಹೊತ್ತು ಬೆಳೆಸಿದ ಹೆತ್ತವರ ಹೊಟ್ಟೆಗೆ ಉರಿ ಅಟ್ಟಿ ಆತ್ಮಹತ್ಯೆ ಮಾಡಿಕೊಂಡು ಮಹಾತ್ಸಾಧನೆ ಗೈಯುವ ಹೇಡಿಗಳು ಇದ್ದಾರೆ. ಇನ್ನು ತನ್ನ ಪ್ರೇಮವನ್ನು ಒಪ್ಪಿಕೊಳ್ಳಲಿಲ್ಲವೆಂದು ಪ್ರೇಮಿಸಿದ ವ್ಯಕ್ತಿಗೆ ಎಸಿಡ್ ಸುರಿದು ಕುರೂಪಗೊಳಿಸಿ, ಇಲ್ಲ ಸಾಯಿಸಿ ತೃಪ್ತಗೊಳ್ಳುವ ವಿಕೃತ ಪ್ರೇಮಿಗಳು ಇದ್ದಾರೆ. ಅದಕ್ಕೆ ಆದಷ್ಟುಜಾಗೃತಿ ಇರಲಿ. ಜೊತೆಗೆ ಎಲ್ಲ ಕಡೆ ಪ್ರೇಮ ಪಾರಿಜಾತ ಪಲ್ಲವಿಸಲಿ.

“Love is not time’s fool”by William Shakespeare.”

—————

ನಾಗರೇಖಾ ಗಾಂವಕರ

ಉತ್ತರ ಕನ್ನಡ ಜಿಲ್ಲೆ ದಾಂಡೇಲಿಯ ಪದವಿಪೂರ್ವ ಮಹಾವಿದ್ಯಾಲಯದಲ್ಲಿ ಆಂಗ್ಲಭಾಷಾ ಉಪನ್ಯಾಸಕಿ. ಕಥೆ, ಕವನಗಳು, ಲೇಖನಗಳು, ವಿಮರ್ಶಾ ಬರಹಗಳ ಮೂಲಕ ಪರಿಚಿತರು. ‘ಏಣಿ’, ‘ಪದಗಳೊಂದಿಗೆ ನಾನು’ ನಾಗರೇಖಾ ಅವರ ಪ್ರಕಟಿತ ಕವನ ಸಂಕಲನಗಳು.

Share

Leave a comment

Your email address will not be published. Required fields are marked *

Recent Posts More

  • 1 day ago No comment

    ಪಯಣ

    ಕವಿಸಾಲು     ದೋಣಿ ಸಾಗಿದೆ ಮೆಲು ಅಲೆಗಳ ಮೇಲೆ, ಒಮ್ಮೆಮ್ಮೆ ಅಪ್ಪಳಿಸುವ ರಭಸವೂ ಇದೆ ಅಡಿಯಲ್ಲಿನ ನೀರಿಗೆ ದೋಣಿಯಲಿ ಕೂತವರು ಹುಡುಕುತ್ತಿದ್ದಾರೆ ಅರ್ಥಗವಿಯ ಬೆಳ್ಳಿ ಬೆಳಕೊಂದು ಕಂಡಿತೆಂದ ಪಿಸುನುಡಿಯ ಛಾಯೆ ಮಂಡಲವಾಗಿದೆ ಅತ್ತಿತ್ತ ಹೊರಳುವ ದೋಣಿಗೆ ಬಲು ತ್ರಾಸ, ಆಸೆಗಿಲ್ಲ ಆಯಾಸ ಕ್ಷಣಗೋಚರಿಸಿ ಗೆರೆಯಾದ ನೆರಳಾದ ಬೆಳ್ಳಿಗೆರೆ ಬೆಳಕು ಹೌದೋ ಅಲ್ಲವೋ ಅರಿಯದ ಸತ್ಯಕ್ಕೆ ಹುಡುಕಾಟ ಮಂಡಲಪೂರ್ತಿ ಎಳೆದ ಗೆರೆಗಳು ಚುಕ್ಕೆಯ ಅನುಸರಣೆಯಲ್ಲಿಲ್ಲ ಬೆಳ್ಳಿಗೆರೆ ಇರಬಹುದೋ, ಅರ್ಥಗುಹೆಯ ...

  • 2 days ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಗಂಗೆಯ ಒಡಲಲ್ಲಿ, ಕಾಳಿಯ ಮಡಿಲಲ್ಲಿ

      ಪ್ರವಾಸಿ ಸವಿತಾ ಕಂಡ ಇಂಡಿಯಾ       ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ...

  • 2 days ago No comment

    ‘ಸನ್ಯಾಸ’ ಕಾಲದಲ್ಲಿ ಗೆಲ್ಲಬಲ್ಲರೆ ಸಿನ್ಹಾ?

    ಪಕ್ಷ ತೊರೆಯುವುದಿಲ್ಲ ಎಂದೇ ಹೇಳುತ್ತಿದ್ದ ಸಿನ್ಹಾ, ಕಳೆದ ಫೆಬ್ರವರಿಯಲ್ಲಿ ಇಂಥದೊಂದು ನಿರ್ಧಾರದ ಸುಳಿವು ಕೊಟ್ಟಿದ್ದೂ ಇತ್ತು. ಈಗ ಅವರು ಹೊರಬಂದದ್ದೂ ಆಗಿದೆ. ಪಕ್ಷದೊಳಗೆ ಮೋದಿ ಪಾಳೆಯವನ್ನು ಕೆಣಕುವವರು ಸದ್ಯಕ್ಕಂತೂ ಯಾರೂ ಇದ್ದಂತಿಲ್ಲ.   ಬಿಜೆಪಿಯೊಳಗೆ ಮೋದಿ ವಿರುದ್ಧದ ಪ್ರಬಲ ಅಸ್ತ್ರದಂತಿದ್ದ ಹಿರಿಯ ನಾಯಕ ಯಶವಂತ್ ಸಿನ್ಹಾ ಕಡೆಗೂ ಶನಿವಾರ (ಏಪ್ರಿಲ್ 21) ಪಕ್ಷ ತೊರೆದಿದ್ದಾರೆ. ತಮ್ಮ ನಿರ್ಧಾರವನ್ನು ಸಿನ್ಹಾ ಪ್ರಕಟಿಸಿರುವ ವೇದಿಕೆಯೂ ರಾಜಕೀಯವಾಗಿ ಕುತೂಹಲಕ್ಕೆಡೆ ಮಾಡಿಕೊಟ್ಟಿದೆ. ಬಿಹಾರದ ಪಾಟ್ನಾದಲ್ಲಿ ...

  • 2 days ago No comment

    ಅತ್ಯಾಚಾರಿಗಳಿಗೆ ಗಲ್ಲುಶಿಕ್ಷೆ ಏಕೆ ಬೇಡ?

    ನಾವಿರುವ ಹೆಚ್ಚು ಧೃವೀಕೃತ ಮತ್ತು ಕೋಮುವಾದೀಕೃತ ಸನ್ನಿವೇಶದಲ್ಲಿ, ಅತ್ಯಾಚಾರದಂಥ ಲೈಂಗಿಕ ದೌರ್ಜನ್ಯ ಪ್ರಕರಣಗಳು ಪಡೆವ ಅತಿ ಭಯಾನಕ ಮತ್ತು ವಿಧ್ವಂಸಕ ಸ್ವರೂಪಗಳ ಕಟು ವಾಸ್ತವವನ್ನು ಊಹಿಸಬೇಕು. ಇದು ದ್ವೇಷ ಅಥವಾ ‘ನಮಗೆ ಮತ್ತು ಅವರಿಗೆ’ ಎಂಬಂಥ ಸಾಮಾಜಿಕ ಪಕ್ಷಪಾತ ಮತ್ತು ಪೂರ್ವಾಗ್ರಹ ಸ್ವಭಾವದೊಂದಿಗೆ ತಳುಕು ಹಾಕಿಕೊಳ್ಳುತ್ತದೆ.   ಅತ್ಯಾಚಾರ ಪ್ರಕರಣಗಳು ನಮ್ಮ ದೇಶದಲ್ಲಿ ಅವ್ಯಾಹತವಾಗಿ ನಡೆಯುತ್ತಿವೆ. ಅತ್ಯಾಚಾರಿಗಳು ಮಾತ್ರ ಯಾವ ಭೀತಿಯೂ ಇಲ್ಲದೆ ಮತ್ತೆ ಮತ್ತೆ ಅದೇ ಪಾತಕದಲ್ಲಿ ...

  • 3 days ago No comment

    ಪ್ರಶ್ನೆಗಳಿಗೆ ಎಡೆಮಾಡಿದ ಸ್ವಾತಿ ಮಾಲಿವಾಲ್ ಉಪವಾಸ ಸತ್ಯಾಗ್ರಹ

    ಅತ್ಯಾಚಾರಿಗಳ ವಿರುದ್ಧ ಕಠಿಣ ಕಾನೂನಿಗೆ ಒತ್ತಾಯಿಸಿ ಉಪವಾಸದಲ್ಲಿರುವ ಸ್ವಾತಿಯವರ ಪ್ರಾಮಾಣಿಕತೆ ಏನೇ ಇದ್ದರೂ, ಅವರ ರಾಜಕೀಯ ಹಿನ್ನೆಲೆ ಅವರ ಉದ್ದೇಶದ ನಿಸ್ಪೃಹತೆಯನ್ನು ಮಸುಕುಗೊಳಿಸದೇ ಇರಲು ಸಾಧ್ಯವೇ ಇಲ್ಲ. ಅವರ ಉಪವಾಸಕ್ಕೆ ರಾಜಕೀಯ ಬಣ್ಣ ಬಂದುಬಿಡುವುದೂ ಅಷ್ಟೇ ಸಹಜ. ಕತುವಾ ಅತ್ಯಾಚಾರ ಪ್ರಕರಣದಲ್ಲಿ ಎಂಟು ವರ್ಷದ ಹಸುಳೆ ದಾರುಣ ಸಾವು ಕಂಡ ಬಳಿಕ ದೇಶವೇ ನಡುಗಿಹೋಗಿದ್ದರೂ ಸರ್ಕಾರ ಮಾತ್ರ ಮೌನವಾಗಿ ಕೂತಿದ್ದುದಕ್ಕೆ ವ್ಯಾಪಕ ಟೀಕೆಗಳ ಅಲೆಯೇ ಎದ್ದಿತು. ಆದರೆ ಸರ್ಕಾರದ ...


Editor's Wall

  • 21 April 2018
    2 days ago No comment

    ‘ಸನ್ಯಾಸ’ ಕಾಲದಲ್ಲಿ ಗೆಲ್ಲಬಲ್ಲರೆ ಸಿನ್ಹಾ?

    ಪಕ್ಷ ತೊರೆಯುವುದಿಲ್ಲ ಎಂದೇ ಹೇಳುತ್ತಿದ್ದ ಸಿನ್ಹಾ, ಕಳೆದ ಫೆಬ್ರವರಿಯಲ್ಲಿ ಇಂಥದೊಂದು ನಿರ್ಧಾರದ ಸುಳಿವು ಕೊಟ್ಟಿದ್ದೂ ಇತ್ತು. ಈಗ ಅವರು ಹೊರಬಂದದ್ದೂ ಆಗಿದೆ. ಪಕ್ಷದೊಳಗೆ ಮೋದಿ ಪಾಳೆಯವನ್ನು ಕೆಣಕುವವರು ಸದ್ಯಕ್ಕಂತೂ ಯಾರೂ ಇದ್ದಂತಿಲ್ಲ.   ಬಿಜೆಪಿಯೊಳಗೆ ಮೋದಿ ವಿರುದ್ಧದ ಪ್ರಬಲ ಅಸ್ತ್ರದಂತಿದ್ದ ಹಿರಿಯ ನಾಯಕ ಯಶವಂತ್ ಸಿನ್ಹಾ ಕಡೆಗೂ ಶನಿವಾರ (ಏಪ್ರಿಲ್ 21) ಪಕ್ಷ ತೊರೆದಿದ್ದಾರೆ. ತಮ್ಮ ನಿರ್ಧಾರವನ್ನು ಸಿನ್ಹಾ ಪ್ರಕಟಿಸಿರುವ ವೇದಿಕೆಯೂ ರಾಜಕೀಯವಾಗಿ ಕುತೂಹಲಕ್ಕೆಡೆ ಮಾಡಿಕೊಟ್ಟಿದೆ. ಬಿಹಾರದ ಪಾಟ್ನಾದಲ್ಲಿ ...

  • 21 April 2018
    2 days ago No comment

    ಅತ್ಯಾಚಾರಿಗಳಿಗೆ ಗಲ್ಲುಶಿಕ್ಷೆ ಏಕೆ ಬೇಡ?

    ನಾವಿರುವ ಹೆಚ್ಚು ಧೃವೀಕೃತ ಮತ್ತು ಕೋಮುವಾದೀಕೃತ ಸನ್ನಿವೇಶದಲ್ಲಿ, ಅತ್ಯಾಚಾರದಂಥ ಲೈಂಗಿಕ ದೌರ್ಜನ್ಯ ಪ್ರಕರಣಗಳು ಪಡೆವ ಅತಿ ಭಯಾನಕ ಮತ್ತು ವಿಧ್ವಂಸಕ ಸ್ವರೂಪಗಳ ಕಟು ವಾಸ್ತವವನ್ನು ಊಹಿಸಬೇಕು. ಇದು ದ್ವೇಷ ಅಥವಾ ‘ನಮಗೆ ಮತ್ತು ಅವರಿಗೆ’ ಎಂಬಂಥ ಸಾಮಾಜಿಕ ಪಕ್ಷಪಾತ ಮತ್ತು ಪೂರ್ವಾಗ್ರಹ ಸ್ವಭಾವದೊಂದಿಗೆ ತಳುಕು ಹಾಕಿಕೊಳ್ಳುತ್ತದೆ.   ಅತ್ಯಾಚಾರ ಪ್ರಕರಣಗಳು ನಮ್ಮ ದೇಶದಲ್ಲಿ ಅವ್ಯಾಹತವಾಗಿ ನಡೆಯುತ್ತಿವೆ. ಅತ್ಯಾಚಾರಿಗಳು ಮಾತ್ರ ಯಾವ ಭೀತಿಯೂ ಇಲ್ಲದೆ ಮತ್ತೆ ಮತ್ತೆ ಅದೇ ಪಾತಕದಲ್ಲಿ ...

  • 18 April 2018
    6 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 18 April 2018
    6 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 17 April 2018
    6 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...