Share

ಮಹಿಳಾ ಕಾವ್ಯದ ಮತ್ತೊಂದು ಧ್ವನಿ
ನಾಗರಾಜ್ ಹರಪನಹಳ್ಳಿ

ಪುಸ್ತಕ ಪರಿಚಯ

——

ಮಾನವೀಯತೆ ಬಿಕ್ಕಳಿಸಿದೆ

ಲೇ: ನೂತನ ಎಂ.ದೋಶೆಟ್ಟಿ

ಪ್ರ: ಸಿರಿವರ ಪ್ರಕಾಶನ, ಮಾಗಡಿ ರಸ್ತೆ, ಬೆಂಗಳೂರು-23

ಬೆಲೆ: ರೂ. 80

ನ್ನಡ ಕಾವ್ಯ ಪ್ರಪಂಚದ ಹಾದಿಯನ್ನು ಗಮನಿಸಿದಾಗ ಕನ್ನಡ ಸಾಹಿತ್ಯ ಪ್ರತಿಪಾದಿಸಿದ ಮಾನವೀಯ ಮೌಲ್ಯವನ್ನು ಎಲ್ಲೂ ಬಿಟ್ಟುಕೊಟ್ಟಿಲ್ಲ. ಅದು ಮಹಿಳಾ ದನಿ ಇರಲಿ, ದಲಿತ ಬಂಡಾಯಗಳ ಕಾವ್ಯದ ಪ್ರಕಾರಗಳಿರಲಿ, ಕನ್ನಡದ ಪರಂಪರೆಯನ್ನು ಗಟ್ಟಿಯಾಗಿ ಪ್ರತಿಧ್ವನಿಸುತ್ತಲೇ ಬಂದಿದೆ.

ನೂತನ ಎಂ.ದೋಶೆಟ್ಟಿ ಅವರ ಮೂರನೇ ಕವಿತಾ ಸಂಕಲನ ‘ಮಾನವೀಯತೆ ಬಿಕ್ಕಳಿಸಿದೆ’ ಸಹ ಅನೇಕ ಹೊಸ ರೂಪಕಗಳನ್ನು ಕೊಟ್ಟಿದೆ. ಮೌನವನ್ನು ಮಾತಾಗಿಸುವ, ತಣ್ಣನೆಯ ಪ್ರತಿಭಟನೆಯನ್ನು ಕಾವ್ಯವಾಗಿಸುವ ಕವಯತ್ರಿ ಮಾನವೀಯತೆಯ ಹುಡುಕಾಟವನ್ನು ಸಂಕಲನದ ಉದ್ದಕ್ಕೂ ನಡೆಸಿದ್ದಾರೆ. ಮಹಿಳಾ ಪ್ರಪಂಚದ ನೋವುಗಳನ್ನು ಮಹಿಳೆಯರೇ ಸಮರ್ಥವಾಗಿ ದಾಖಲಿಸಬಲ್ಲರು ಎಂಬುದಕ್ಕೆ ಈ ಸಂಕಲನದಲ್ಲಿ ಹಲವು ಕವಿತೆಗಳು ಸಾಕ್ಷಿಯಾಗಿ ನಿಲ್ಲುತ್ತವೆ. ಮೀರಾ ಮತ್ತು ಅಕ್ಕಮಹಾದೇವಿ ಬದುಕು ಮತ್ತು ಅವರ ಹುಡುಕಾಟ ಕವಯತ್ರಿ ನೂತನ ಅವರನ್ನು ಸಹ ಕಾಡಿದೆ. ಗಾಂಧೀಜಿ ಮತ್ತು ಬುದ್ಧ ಹಾಗೂ ಆಲದ ಮರ, ಜಾತಿಯ ಸಂಕೋಲೆಗಳು ಮತ್ತೆ ಮತ್ತೆ ಕಾಡಿವೆ. ವೇಶ್ಯೆಯರಿಂದ ಹಿಡಿದು ಅನೇಕ ಜನಸಾಮಾನ್ಯರು ಕಾವ್ಯದ ವಸ್ತುವಾಗಿದ್ದಾರೆ. ಬಿಡಿ ಬಿಡಿ ಚಿತ್ರಗಳನ್ನು ಬಿಡಿಸಿಟ್ಟಂತೆ ಅವರ ಕಾವ್ಯಧಾರೆ ಪ್ರತ್ಯೇಕವಾಗಿ ಕಂಡರೂ, ಒಟ್ಟಂದದಲ್ಲಿ ಒಂದು ಮಾನವೀಯ ಮೌಲ್ಯವನ್ನು ತಾಯ್ತತನದಿಂದ ಪ್ರತಿಪಾದಿಸುವ ನೆಲೆ ಇಲ್ಲಿದೆ. ಎಲ್ಲೂ ಆಕ್ರೋಶಗೊಳ್ಳದ ಅವರ ಭಾಷೆ, ಮೂಕವಾದ ಮಾತುಗಳನ್ನು ಮೌನದ ಭಾಷೆಯಲ್ಲಿ ಅಕ್ಷರಗಳಲ್ಲಿ ದಾಟಿಸುವ ಬಗೆ ಸಹ ಇಲ್ಲಿನ ಕವಿತೆಗಳಲ್ಲಿದೆ.

ಕಾವ್ಯದ ಹಲವು ಮಜಲುಗಳನ್ನು ಕಂಡಿರುವ ನೂತನ ಅವರು ಮೂರನೇ ಸಂಕಲನದಲ್ಲಿ ಹಲವು ಗಟ್ಟಿ ಧ್ವನಿಯ ಕವಿತೆಗಳನ್ನು ಕನ್ನಡ ಕಾವ್ಯಲೋಕದ ಮುಂದಿಟ್ಟಿದ್ದಾರೆ. ಮಹಿಳಾ ನೆಲೆಯಿಂದ ಮತ್ತು ಮನಸಿನ ಒಳದನಿಗೆ ಕಿವಿಯಾಗಿ ಬರೆಯುವ ಅವರು ಪುರುಷ ಜಗತ್ತು ಕಾಣದ ಮಹಿಳೆಯ ಅಪ್ತಲೋಕಕ್ಕೆ ಲಗ್ಗೆ ಹಾಕಿ ಬರೆಯುತ್ತಾರೆ. ಅನೇಕ ಆಹ್ವಾನಗಳನ್ನು ಅವರು ಕಾವ್ಯ ಓದುಗನ ಮುಂದಿಡುತ್ತಾರೆ. ಮೀರಾ ಹಾಡುತ್ತಾಳೆ ಎಂಬ ಅವರ ಮೊದಲ ಕವಿತೆಯಲ್ಲಿಯೇ ಹೆಣ್ಣಿನ ಆರ್ತನಾದವಿದೆ. ಅವಳ ಬಯಕೆಗಳಿವೆ. ಒಳ ಮನೆಯಲಿ ಅವಳು ಬೆಳಕು ತುಂಬುತ್ತಲೇ ಇದ್ದಾಳೆ. ಆದರೆ ಅವಳ ಹಂಬಲಿಕೆಯನ್ನು ಇರದ ಇರುವಿಕೆಯ ಮೋಡಿ ಕಾಡುತಿದೆ. ಸುಖವನೆಲ್ಲ ಹೀರುತ್ತಾಳೆ ಊಹೆಯಲಿ ಎಂಬಲ್ಲಿ ಸ್ತ್ರೀ ಬದುಕಿನ ಅಂತರ್ಯವನ್ನು, ಅವಳ ಆಶಯಗಳೊಂದಿಗೆ ಆರಂಭವಾಗುವ ಕಾವ್ಯ ಕೊನೆಯಲ್ಲಿ ಆಲದ ಮರದ ಅಳಲಿನಲ್ಲಿ ಅಂತ್ಯವಾಗುತ್ತದೆ. ಆಳದ ಮರವಾಗಿ, ಅದರ ಬಿಳಲುಗಳ ಅಂಟಿಕೊಳ್ಳದೇ; ಬಯಲಾಗುವ, ಬಯಲಾಚೆ ಜಿಗಿಯುವ ಪ್ರಕ್ರಿಯೆಗೆ ಮನುಷ್ಯ ಸಜ್ಜಾಗಬೇಕು ಎಂಬ ಅವರ ಕಾವ್ಯ ಸಂದೇಶ ಮನುಷ್ಯರನ್ನು ಕಾಡುವಂತಿದೆ.

ಕನ್ನಡದಲ್ಲಿ ಮಹಿಳಾ ಕವಯತ್ರಿಯರು ಆರಂಭದ ಬರಹದಲ್ಲಿ ವಚನ ಶತಮಾನದ ಅಕ್ಕನನ್ನು ಬಿಟ್ಟು ಬರೆಯಲಾರರು. ಅಕ್ಕ ಮಹಿಳಾ ಕಾವ್ಯದ ತಾತ್ವಿಕ ನೆಲೆ ಇದ್ದಂತೆ. ಸಂಸಾರಕ್ಕೂ- ಆಧ್ಯಾತ್ಮಕ್ಕೂ, ಲೌಕಿಕಕ್ಕೂ- ಅಲೌಕಿಕಕ್ಕೂ ಅಕ್ಕ ಮಹಾದೇವಿ ಬೇಕೇ ಬೇಕು. ಅಕ್ಕನ ಮೇಲೆ ಕವಿತೆ ಬರೆಯದ ಕವಯತ್ರಿಯರು ಬಹುತೇಕ ಕಡಿಮೆ. ಅಕ್ಕನನ್ನು ಅರ್ಥೈಸಿಕೊಂಡವರು ಕನ್ನಡ ಕಾವ್ಯದಲ್ಲಿ ಹೊಸ ರೀತಿಯಲ್ಲಿ ಆಲೋಚನೆಗಳನ್ನು ಕಟ್ಟಿಕೊಡಬಲ್ಲರು.

ಆತ್ಮ ಸಾಂಗತ್ಯ ಮತ್ತು ಬಿಡದ ಮಾಯೆ ಎಂಬ ಎರಡೂ ಕವಿತೆಗಳಲ್ಲಿ ಅಕ್ಕ ಮಹಾದೇವಿ ಕೇಂದ್ರಬಿಂದು.

“ಹುಡುಕ ಹೊರಟಳಲ್ಲ
ಅಂಗೈಯಲ್ಲಿ ಆತ್ಮವ ಹಿಡಿದು
ಸರಿದ ಊರು-ಕೇರಿಗಳಲ್ಲಿ
ಆತ ಕಾಣಲಿಲ್ಲವೆಂದಲ್ಲ
ಆಕೆಯನ್ನು ಬಿಡಲಿಲ್ಲ ಮಾಯೆ!
…..
ಭ್ರಮೆಯಾಗಿ ಕಾಡಿತ್ತು
ನೆನಹಾಗಿ ಕಾಡಿತ್ತು
ಬೇಡಿದರೂ ಬಿಡದೆ ಕಾಡಿತ್ತು ಮಾಯೆ !” (ಬಿಡದ ಮಾಯೆ)

ಅಕ್ಕನಿಗೂ ಚೆನ್ನಮಲ್ಲಿಕಾರ್ಜುನನೇ ನನ್ನ ಪತಿಯೆಂಬ ಮಾಯೆ ಕಾಡಿತ್ತು ಎಂದು ಹೇಳುವ ಕವಯತ್ರಿ
‘ಆತ್ಮ ಸಾಂಗತ್ಯ’ ಕವಿತೆಯಲ್ಲಿ

“ಹಾದಿಯಲ್ಲಿ ಹರಿದಾಡಿದ ಹಾದರದ ಕಣ್ಣುಗಳು
ಉಡುವುದಕ್ಕಿಂತ ಬಿಡುವುದೇ ಲೇಸೆಂದು
ಕಲಿಸದಿದ್ದರೆ
ಮಂಟಪದವರೆಗೆ ಕಾಲು ಎಳೆಯುತ್ತಿರಲಿಲ್ಲ
ಅನುಭವದ ಅಮೃತದ ಹೊಳೆ
ಕದಳಿಯಲಿ ಸೇರುತ್ತಿರಲಿಲ್ಲ” ಎನ್ನುತ್ತಾರೆ. ಲೌಕಿಕವ ಲೇವಡಿ ಮಾಡುತ್ತಲೇ ಆಲೌಕಿಕ ಬದುಕಿನ ಅಕ್ಕನ ಚಿತ್ರಣವನ್ನು ಆಧುನಿಕ ಜಗತ್ತಿಗೆ ಪರಿಚಯಿಸುವ ರೀತಿ ತಾತ್ವಿಕವಾಗಿಯೇ ಇದೆ.

ಫೇಸ್‍ಬುಕ್, ಸೈಲೆಂಟ್ ಮೋಡ್, ಓವರ್ ಅ ಕಪ್ ಆಫ್ ಕಾಫಿ ಕವಿತೆಗಳು ಆಧುನಿಕ ಜಗತ್ತಿನ ತಲ್ಲಣಗಳನ್ನು, ಸೋಗಲಾಡಿತನವನ್ನು ಬಿಚ್ಚಿಡುತ್ತವೆ. ಸೈಲೆಂಟ್ ಮೋಡ್ ಮೂಲಕವೇ ಆಧುನಿಕ ಸಮಾಜ ಮತ್ತು ಸಂಸಾರಗಳನ್ನು ಕಾವ್ಯದಲ್ಲಿ ತೆರೆದಿಡುತ್ತಾರೆ. ಮಾನವೀಯತೆ ಬಿಕ್ಕಳಿಸಿದೆ ಕವಿತೆಯಲ್ಲಿ ‘ಒಳಿತಿನ ಎದೆ ಸಿಗಿದು ಒಸರುವ ನೆತ್ತರಲಿ ಹರಿದು ಹೋಗುತಿದೆ ತುಂಬು ಕದಪುಗಳ ಮುಗ್ಧತೆ’ ಎಂಬ ಸಾಲುಗಳು ಧ್ವನಿಪೂರ್ಣವಾಗಿವೆ. ಮನೆಯಂಗಳದ ಮುಳ್ಳು ಬೇಲಿಗೆ ಸಿಲುಕಿ ಗೆಜ್ಜೆಗಳು ಹರಿದು ಚೆಲ್ಲಾಪಿಲ್ಲಿ ಎಂಬ ಕಾವ್ಯ ಭಾಷೆ ಮತೀಹೀನತೆಯ ಕ್ರೌರ್ಯಕ್ಕೆ ಸಾಕ್ಷಿಯಾಗಿವೆ. ಯಾರಿಗೂ ನಾವು ಕಾಯುವುದಿಲ್ಲ, ಸರಳ ರೇಖೆಗಳು, ಹಿಂಗದ ಹಸಿವೆ ಕವಿತೆಗಳಲ್ಲಿ ಭಿನ್ನದನಿಯೊಂದಿದೆ. ಅವರ್ಯಾಕೆ ಬೇರೆ? ಕವಿತೆಯಲ್ಲಿ ವೇಶ್ಯಾ ಜಗತ್ತಿನ ಪುಟ್ಟ ಚಿತ್ರವೊಂದು ಕವಿತೆಯಲ್ಲಿ ದಿಗಿಲು ಹುಟ್ಟುವಂತೆ ದಾಖಲಾಗಿದೆ. ಮನ್ನಣೆ, ಕಣ್ಣಂಚ ಕತೆ ಸಹ ಸ್ತ್ರೀ ಬದುಕಿನ, ಲಿಂಗತಾರತಮ್ಯದ ಅನಾವರಣವನ್ನೇ ಹಿಡಿದಿಟ್ಟಿವೆ.

“ಕಾಫಿ ಹೌಸಿನ ಮುಚ್ಚಿದ ಬಾಗಿಲ ಹಿಂದೆ
ಕೊನೆಯ ಕಾಫಿಯ ಎರಡು ಕಣ್ಣೀರು
ಹರಿದದ್ದು ಅದಕ್ಕೇ ಇರಬೇಕು” (ಓವರ್ ಅ ಕಪ್ ಆಫ್ ಕಾಫಿ)ಎಂಬಲ್ಲಿ ಆಧುನಿಕ ಬದುಕಿನ ಧಾವಂತವನ್ನು ಕವಿತೆ ಧ್ವನಿಸುತ್ತದೆ.

“ಸದ್ದುಗಳನೆಲ್ಲ ಅಡಗಿಸಿಕೊಂಡು
ಕತ್ತಲೆಯಲ್ಲಿ
ಹಣತೆ ಮೆಲ್ಲಗೆ ಉರಿಯಿತು” (ಇನ್ನೊಂದು ಹಬ್ಬ)

ಹಳೆಯ ವಿಷಯಗಳ ಹೊಸ ಪುರವಣಿಗಳು ಎಂಬಂತೆ ಮನುಷ್ಯನ ಬದುಕಾಗಿದೆ ಎಂಬ ವಿಷಾದವೂ ಇದೆ. ಹೆಣ್ಣೊಬ್ಬಳು ಹೆಣ್ಣಿನ ಸಂವೇದನೆಯನ್ನು ನಾನಾ ಆಯಾಮಗಳಲ್ಲಿ ದಾಖಲಿಸುವಲ್ಲಿ ಈ ಸಂಕಲನ ಯಶಸ್ವಿಯಾಗಿದೆ. ಸಂಕಲನದ ಶೀರ್ಷಿಕೆ ಓದುಗನಿಗೆ ಸುಲಭವಾಗಿ ದಕ್ಕುವಂತಿದೆ. ಇಲ್ಲಿನ ಎಲ್ಲಾ ಕವಿತೆಗಳು ಕಾವ್ಯಾತ್ಮಕ ಗುಣವನ್ನು ಹಿಡಿದಿಡುತ್ತವೆ ಎಂಬುದಕ್ಕಿಂತ ಧ್ವನಿಪೂರ್ಣವಾದ ಹಲವು ಕವಿತೆಗಳು ಸಂಕಲನಕ್ಕೆ ಕಾವ್ಯಸೊಗಸನ್ನು ತಂದಿವೆ. ಕನ್ನಡದ ಮಾನವೀಯ ಕಾವ್ಯ ಪರಂರೆಯನ್ನು ಮುಂದುವರಿಸಿವೆ ಎಂಬುದು ಮಹತ್ವದ ಸಂಗತಿ.

————-

ನಾಗರಾಜ್ ಹರಪನಹಳ್ಳಿ

nhಹರಪನಹಳ್ಳಿ ಹುಟ್ಟೂರು. ಹರಪನಹಳ್ಳಿ ತಾಲೂಕಿನ ಮೈದೂರು-ಚಿಗಟೇರಿ  ಬೆಳೆದ ಊರು. ಪಿಯು ಓದಿದ್ದು ಕೊಟ್ಟೂರಿನಲ್ಲಿ. ಧಾರವಾಡದ ಕರ್ನಾಟಕ ಕಾಲೇಜಿನಲ್ಲಿ ಬಿ.ಎ., ಕವಿವಿಯಲ್ಲಿ ಕನ್ನಡ ವಿಷಯದಲ್ಲಿ ಸ್ನಾತಕೋತ್ತರ ಪದವಿ. ದಾವಣಗೆರೆ, ಸದಾಶಿವಗಡ ಮತ್ತು ಭಟ್ಕಳದಲ್ಲಿ ಕನ್ನಡ ಉಪನ್ಯಾಸಕರಾಗಿ ಕೆಲಸ ನಿರ್ವಹಿಸಿ, ಸದ್ಯ ಕಾರವಾರದಲ್ಲಿ ಪತ್ರಕರ್ತರಾಗಿ ಕೆಲಸ ಮಾಡುತ್ತಿದ್ದಾರೆ. ಜನವಾಹಿನಿ, ಜನಾಂತರಂಗ, ಲೋಕದರ್ಶನ ಪತ್ರಿಕೆಗಳಲ್ಲಿ ಕಾರ್ಯನಿರ್ವಹಿಸಿದ  ಇವರು, ಈ ಟಿವಿ ಕನ್ನಡ ನ್ಯೂಸ್ ಚಾನೆಲ್ಲಿಗೆ ವರದಿಗಾರಿಕೆ ಬಳಿಕ ಈಗ ಉದಯವಾಣಿ ಪತ್ರಿಕೆಗೆ ವರದಿಗಾರರಾಗಿದ್ದಾರೆ. 2009ರಲ್ಲಿ ‘ಕಡಲದಂಡೆಗೆ ಬಂದ ಬಯಲು’ ಎಂಬ ಕಥಾ ಸಂಕಲನ, 2013ರಲ್ಲಿ ‘ಬಿಸಿಲ ಬಯಲ ಕಡಲು’ ಎಂಬ ಕವಿತಾ ಸಂಕಲನ ಪ್ರಕಟಣೆ.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಕವಿಸಾಲು | ಕೈಗಳ ಚಾಚಿ ನೋಡು

        ಕವಿಸಾಲು         ಕಟ್ಟಿಕೊಂಡ ಚೌಕಟ್ಟುಗಳ ಮುರಿದುಬಿಡು ಹರಿಯಬಿಡು ಬಿಳಿ ಗೆಣ್ಣುಗಳಿಗೆ ಮೈಯ ತುಂಬ ಹರಿವ ಮಿಂಚುಗಳನು ತುಂಬಿಕೊಳ್ಳಲಿ ರಕ್ತ, ಮಾಂಸಕ್ಕೆ ಮತ್ತೊಮ್ಮೆ ಭಾವಗಳು ಸುಖಿಸಲಿ ಬೊಗಸೆ ತುಂಬ ಬಿಗಿಯಾಗಿ ಮುಚ್ಚಿದ ಮುಷ್ಠಿಯನ್ನು ಬಿಚ್ಚಿ ಒಮ್ಮೆ ನನಗೆ ತೋರಿಸಿಬಿಡು ಬಚ್ಚಿಟ್ಟುಕೊಂಡಿರುವುದು ನಿನ್ನನ್ನೋ ಕಳೆದುಹೋದರೆ ಎಂಬ ಭಯದಲ್ಲಿ ಭದ್ರವಾಗಿ ಹಿಡಿದ ನೆನಪುಗಳನ್ನೋ ಚೆನ್ನಾಗಿ ಗೊತ್ತು ನಿನ್ನ ಬೆಳಗಾಗುವುದು ಆ ಹಸ್ತ ದರ್ಶನದಲಿ ರಾತ್ರಿಯಾಗುವುದು ಅದೇ ...

  • 5 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 2 weeks ago No comment

    ಕಥನ | ಮುಕ್ತಾಯ

      ಕಥನ       ದಿನದ ಮುಕ್ತಾಯಕ್ಕೆ ಡೈರಿ ಬರೆಯುವುದೊಂದು ಚಟ ನನ್ನ ಪಾಲಿಗೆ. ಅದೆಷ್ಟೋ ಸುಳ್ಳುಗಳನ್ನು ಬರೆದ ಈ ಪಾಪಿ ಕೈಗಳು ಸತ್ಯವನ್ನು ಬರೆಯುವುದು ಇಲ್ಲಿ ಮಾತ್ರ. ಅಂದ ಹಾಗೆ ಇಂದು ಈ ದಿನದ ಮುಕ್ತಾಯವಷ್ಟೇ ಅಲ್ಲ ನನ್ನ ಜೀವನದ್ದೂ ಕೂಡಾ. ರಣರಂಗದಲ್ಲಿ ವೈರಿಗಳೊಡನೆ ಕಾದಾಡುವಾಗ, ಅದೆಷ್ಟೋ ಸೈನಿಕರ ಛಿದ್ರವಾದ ಶವಗಳನ್ನು ಮಣ್ಣು ಮಾಡಿ ಎದೆಗುಂದಿದಾಗ, ಯುಧ್ಧಖೈದಿಯಾಗಿ ಶತ್ರುದೇಶಕ್ಕೆ ಸೆರೆಸಿಕ್ಕಿ ಅವರು ಕೊಟ್ಟ ಚಿತ್ರಹಿಂಸೆಗಳನ್ನು ಅನುಭವಿಸಿದಾಗ ...

  • 2 weeks ago No comment

    ಕವಿಸಾಲು | ಕಾಡುತ್ತಿರು ಆಗಾಗ ನೀನು

        ಕವಿಸಾಲು         ಎಷ್ಟೊಂದು ಸಾರಿ ಮಾತಾಡುತ್ತಿದ್ದೆ ನಿನ್ನೊಡನೆ ಕೂತು ಗಿಡ, ಬಳ್ಳಿ, ಮರ ಮೋಡಗಳನು ಮನ ಮುಟ್ಟುವ ಪ್ರತಿ ಅಲೆಗಳನು ಕರೆದು ಮಾತಾಡಿಸುತ್ತಿದ್ದೆವು ಹದವಾಗಿ ಬೆರೆತು ರಾತ್ರೋ ರಾತ್ರಿಯ ಕಪ್ಪಿನಲಿ ಕೌತುಕದ ಅಪ್ಪುಗೆಯಲಿ ನಡುಗುವ ಚಳಿಯಲಿ ಒಂದಾಗಿ ಬೆಚ್ಚಗೆ ಕುಳಿತು ಕರಿ ಗಿರಿಶಿಖರಗಳ ಬೆಳ್ಳಿರೇಖೆಗಳನು ಫಳ್ಳನೆ ಮಿನುಗುವ ನಕ್ಷತ್ರಗಳನೂ ಕೈಯಲ್ಲಿ ಹಿಡಿದು ಕುಳಿತು ಮುಖಾಮುಖಿಯಾಗಿ ಕೂತು ಹರಟುತ್ತಿದ್ದೆವು ನಾವೊಂದಾಗಿದ್ದಾಗ ನಮಗನಿಸಿದ್ದನ್ನು ದಿನಚರಿ ...

  • 2 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...


Editor's Wall

  • 09 November 2018
    5 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    2 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...