Share

ಏನಾದರೂ ನೆನಪಿಗೆಂದು…
ಶ್ರೀದೇವಿ ಕೆರೆಮನೆ

  • Page Views 241
  • “ಏನಾದರೂ ತೆಗೆದುಕೊ ಈ ದಿನದ ನೆನಪಿಗೆಂದು”
    ಮುಸ್ಸಂಜೆಯ ಬಾನು ಕೆಂಪಡರಿದಾಗ
    ಆತ ಕೆನ್ನೆ ನೇವರಿಸುತ್ತ ಹೇಳಿದ
    ಮೊದಲ ಸಲ ಜೊತೆಗಿದ್ದ ಸಂಭೃಮದಲ್ಲಿ
    “ನೀವಿದ್ದೀರಲ್ಲ ಜೊತೆಗೆ
    ನಿಮಗಿಂತ ಇನ್ನೇನು ಬೇಕು?”
    ಆತನ ಬುಜಕ್ಕೆ ಗಲ್ಲ ಉಜ್ಜುತ್ತ
    ಅರೆತೆರೆದ ಕಣ್ಣಲ್ಲಿ ಮುಲುಕಿದಳು
    ಪ್ರೀತಿ ಉಕ್ಕೇರಿ ಬರಸೆಳೆದ
    “ಛೆ.. ಹೊರ ಹೋಗೋಣ ಎಂದು ಕೊಂಡೆವಲ್ಲ
    ಮತ್ತೆ ಹೊಸದಾಗಿ ತಲೆ ಬಾಚಬೇಕು”
    ಎರಡು ಗಳಿಗೆಯ ಬಿಟ್ಟು
    ಕೊಂಡಾಟ ಮಾಡುತ್ತ ಸುಖದ ನಿಟ್ಟುಸಿರಿಟ್ಟು
    ಜೋಡಿ ಮಂಚದ ಮೇಲೆ ಚಲ್ಲಾಪಿಲ್ಲಿಯಾದ ಬಟ್ಟೆಗಳನ್ನಾರಿಸುತ್ತ
    ನವಿರಾಗಿ ಪಲಕುತ್ತ ಕಣ್ಣಲ್ಲೇ ನಾಚಿದಳಾಕೆ
    ಮೀಸೆಯ ಮೇಲೆ ಕೈಯ್ಯಿಟ್ಟಾತನ
    ತುಟಿಯಂಚಲ್ಲಿ ಜಗತ್ತನ್ನೇ ಸೂರೆಹೊಡೆದ ಹೆಮ್ಮೆ

    ಕೆಂಬಾನು ಬಣ್ಣ ಕಳೆದು, ಯಾರಿಗೆ ಯಾರೂ ಕಾಣಿಸದ
    ಇಳಿಸಂಜೆಯ ನಸುಗತ್ತಲ ಹೊತ್ತಲ್ಲಿ
    ಪೇಟೆಯ ಬೀದಿಗಿಳಿದವರಲ್ಲಿ
    ಯಾವ ಗಡಿಬಿಡಿಯೂ ಇಲ್ಲದ ನಿರಾಳ ಭಾವ
    ಝಗಮಗಿಸುವ ದೀಪದ ಕೆಳಗೆ
    ಒಡವೆ ವಸ್ತ್ರಗಳೆಲ್ಲ ಮಿನುಗುವಾಗ
    “ಏನಾದರೂ ಕೊಂಡುಕೋ ಈ ಖುಷಿಗಾಗಿ”
    ಮೆಲ್ಲನೆ ಪಿಸುಗುಟ್ಟಿದಾತನ ಕಣ್ಣಲ್ಲಿ ಹಿಮಾಲಯದ ಪ್ರೀತಿ
    “ನೀವಿದ್ದೀರಲ್ಲ, ಜನ್ಮಜನ್ಮದ ಉಡುಗೊರೆಯಾಗಿ
    ಇನ್ನೇನಿದೆ ಖುಷಿ ನಿಮ್ಮ ಸಾಂಗತ್ಯಕ್ಕಿಂತ”
    ಆತನ ಉದ್ದ ಬೆರಳಲಿ ತನ್ನ ಗುಬ್ಬಿಮರಿಯ
    ಕೈ ಬೆಸೆದವಳ ಧ್ವನಿಯಲ್ಲಿ ಎಂದೂ ಅಗಲದ ಆತ್ಮವಿಶ್ವಾಸ.

    ಈಗ ಕಿರುಗುಡುವ ಜೋಡಿಮಂಚದ ಮೇಲೆ
    ಅಂದು ಹೊರಡುವ ಗಡಿಬಿಡಿಯಲ್ಲಿ
    ಆತ ಕೈಗಿಟ್ಟ ಬಾದಾಮಿ ಎಣ್ಣೆಯ ಸೀಸೆ ಹಿಡಿದು
    ಹನಿಗಣ್ಣಾಗಿ ನೆನಪಿನ ಜೈಲೊಳಗೆ ಬಂಧಿಯಾಗಿದ್ದಾಳೆ
    “ಒಂದಲ್ಲಾ ಒಂದು ದಿನ ಅಗಲಲೇ ಬೇಕಾದ ಸತ್ಯದ
    ಅರಿವಿದ್ದೇ ನೆನಪಿನ ಕಾಣಿಕೆಗಾಗಿ ಒತ್ತಾಯಿಸಿದನೇ?
    ಬಾದಾಮಿತೈಲದ ನರುಗಂಪು ಮೂಗಡರಿ
    ಶಕುಂತಲೆಯ ಮುದ್ರೆಯುಂಗುರದ ಹೊಳಪು
    ನೆನಪಿನ ಭಿತ್ತಿಯೊಳಗೆ ಹೆಪ್ಪುಗಟ್ಟುತ್ತಿದೆ

    ———–————-

    ಶ್ರೀದೇವಿ ಕೆರೆಮನೆ

    shrಉತ್ತರ ಕನ್ನಡದ ಅಂಕೋಲದವರು. ವೃತ್ತಿಯಲ್ಲಿ ಶಿಕ್ಷಕಿ. ಕವಿತೆ, ಅಂಕಣ ಬರಹಗಳಿಂದ ಪರಿಚಿತರು.

    Share

    Related Post

    Related Blogpost

    3 Comments For "ಏನಾದರೂ ನೆನಪಿಗೆಂದು…
    ಶ್ರೀದೇವಿ ಕೆರೆಮನೆ
    "

    1. Raju
      3rd July 2017

      Nice

      Reply
    2. ದೊಡ್ಡ ಕಲ್ಲಹಳ್ಳಿ ನಾರಾಯಣಪ್ಪ
      3rd July 2017

      ಶ್ರೀದೇವಿ ಮೇಡಂ ಅವರ ಕವಿತೆ ಚನ್ನಾಗಿದೆ

      Reply
    3. K. A. Wajjaramatti
      21st July 2017

      Very nice poem

      Reply

    Leave a comment

    Your email address will not be published. Required fields are marked *

    Recent Posts More

    • 4 days ago No comment

      ಚರಿತ್ರೆಯ ಚಹರೆಯಲಿ ಚಿಗುರೆಲೆಗಳ ನಡಿಗೆ

      1 ನಿನ್ನುಸಿರಲಿ ಅದೆಂತ ರಕ್ತ ಕಂಡಿದ್ದರು ತಮ್ಮ ಮೈಯೊಳಗೆ ಸ್ವಲ್ಪ ಇಣುಕಿದರೂ ಸಾಕಿತ್ತು ಶುಭ್ರತೆಗೆ ನೆಲೆಯಾದ ನಿನ್ನುಡಿಯ ಮಮತೆ ಅರಿಯದ ಗಾವಿಲರು ಬೆನ್ನಿಗೆ ತೂಪಾಕಿ ಹಿಡಿದು ಮನುಷ್ಯತ್ವ ಕಳಚಿಕೊಂಡರು ನಿನ್ನ ತೆಕ್ಕೆಯೊಳಗೆ ಸ್ವಲ್ಪ ಅಣಿಯಾದರೂ ಬೋಧಿವೃಕ್ಷದ ಜೋಗುಳದ ಸೂಪ್ತ ತಾಣ ಗೋಚರಿಸುತ್ತಿತ್ತು ಇರುಳ ಮೋಡಿತನ ಬಯಲುಗೊಳಿಸುವ ಅಸಂಖ್ಯ ನಕ್ಷತ್ರದ ನಾಡಿಗಳಿರುವಾಗ ಮಿಥ್ಯದ ಬೆನ್ನೇರಿ ಸಾಲುದೀಪದ ನಡಿಗೆ ಅಳಿಸಲು ಹೇಗೆ ಸಾಧ್ಯ! 2 ನಿನ್ನ ಎದೆಯೊಳಗೆ ಅದೆಂಥ ಎದೆಗಾರಿಕೆ ಜಗದ ...

    • 5 days ago No comment

      ಗೌರಿ : ದ್ವಿಪದಿಗಳು

      1 ನಾನು ಸಿಗರೇಟು ಸೇದುತ್ತೇನೆ ಕುಡಿಯುತ್ತೇನೆ ಏನೀವಾಗ? ನಿನ್ನವರ ಹಾಗೆ ಮನುಷ್ಯರ ರಕ್ತ ನಾನೆಂದಿಗೂ ಕುಡಿಯಲಾರೆ 2 ಯಾಕೋ ಆ ಶವದ ತುಟಿಗಳ ಮೇಲೆ ನಗು ಕಾಣುತ್ತಿಲ್ಲ? ಇರಿದ ಹತಾರದ ಮೇಲೂ ಶತ್ರುವಿನ ಬೆರಳಗುರುತು ಕಾಣುತ್ತಿಲ್ಲ..! 3 ಅವಳು ಹನಿಯಾಗಿದ್ದಳು ಗುಂಡಿಕ್ಕಿದರು ಸಾಗರವಾದಳು 4 ಕಿಡಿಯನ್ನು ನಂದಿಸಲು ನೋಡಿದರು ಗೆಳತಿ ಬೆಳಕಿನ ಹೊನಲಾಗಿ ಬಿಟ್ಟಳು 5 ಬಂದೂಕು ಗುಬ್ಬಿಗಳ ಗೂಡು ಹುಡುಕಿಕೊಂಡು ಹೋಗಿ ಗುಂಡಿಕ್ಕತೊಡಗಿತು ನಾವು ಬಂದೂಕಿನ ನಳಿಕೆಯಲ್ಲಿ ...

    • 6 days ago No comment

      ಕೊಂಕಣಿ ಓದುಗರ ಮುಂದೆ ‘ಮಾಜಾರ್ ಅನಿ ಹೆರ್ ಕಥಾ’

      ಮೆಲ್ವಿನ್, ಪೆರ್ನಾಲ್ ಕಾವ್ಯನಾಮದಿಂದ ಕೊಂಕಣಿ ಸಾರಸ್ವತ ಲೋಕದಲ್ಲಿ ಪರಿಚಿತರಾಗಿರುವ ಪ್ರಾಧ್ಯಾಪಕ ಮೆಲ್ವಿನ್ ರಾಜೇಶ್ ಕ್ಯಾಸ್ಟೇಲಿನೊ ಅವರ ಹತ್ತು ಸಣ್ಣಕತೆಗಳ ಸಂಗ್ರಹ ‘ಮಾಜಾರ್ ಆನಿ ಹೆರ್ ಕಥಾ’ ಬಿಡುಗಡೆಗೊಂಡಿದೆ. ಗುಜರಾತ್, ಗಾಂಧಿಧಾಮ್ ಧರ್ಮಪ್ರಾಂತ್ಯದ ವಂ| ನೆಲ್ಸನ್ ಡಿ’ಸೊಜಾ ಮತ್ತು ಕೊಂಕಣಿ ಸಾಹಿತಿ ಮತ್ತು ಕಲಾವಿದರ ಸಂಘಟನೆ ಅಧ್ಯಕ್ಷ ಶ್ರೀ ರೊನಾಲ್ಡ್ ಜೆ. ಸಿಕ್ವೇರಾ ಅವರು 14 ಅಕ್ತೋಬರ್ 2017ರಂದು ಕೃತಿ ಬಿಡುಗಡೆಗೊಳಿಸಿದರು. ಈ ಸಂದರ್ಭದಲ್ಲಿ ಲೇಖಕ ಮೆಲ್ವಿನ್ ಪೆರ್ನಾಲ್, ಅದ್ದೂರಿ ...

    • 7 days ago No comment

      ಗೌರಿ ಲಂಕೇಶ್ : ಒಂದು ನಿಷ್ಕಲ್ಮಷ ಕಥನ

      ಗೌರಿ ಲಂಕೇಶ್ ಹತ್ಯೆ ಒಂದೆಡೆ ಎಂಥ ವಿಷಮ ಸ್ಥಿತಿಯಲ್ಲಿ ಈ ಸಮಾಜ ಸಿಲುಕಿದೆ ಎಂಬುದನ್ನು ತೋರಿಸುತ್ತಿದ್ದರೆ, ಇನ್ನೊಂದೆಡೆ ಅವರ ಆದರ್ಶವಾದ ಗೊತ್ತಿದ್ದವರಿಗೆ, ಅವರ ಒಡನಾಡಿಗಳಿಗೆ ಒಂದಿಡೀ ಸಾಂಸ್ಕೃತಿಕ ಕಥಾನಕವೇ ನೆನಪಾಗಿ ಕಾಡುತ್ತಿದೆ. ಲಂಕೇಶ್ ಒಡನಾಡಿಯಾಗಿದ್ದು, ಗೌರಿ ಅವರೊಂದಿಗೂ ಅದೇ ಆಪ್ತತೆ ಹೊಂದಿದ್ದ ಎಂಎಲ್‍ಸಿ ಮೋಹನ್‍ಕುಮಾರ್ ಕೊಂಡಜ್ಜಿ ಅಂಥ ಒಂದು ಸಾಂಸ್ಕೃತಿಕ ಕಥಾನಕವನ್ನು ಇಲ್ಲಿ ತೆರೆದಿಟ್ಟಿದ್ದಾರೆ. ಬಣ್ಣವಿಲ್ಲದ, ಕಲ್ಮಷವಿಲ್ಲದ ಈ ನೆನಪುಗಳಲ್ಲಿ ಮೂಡಿರುವ ಗೌರಿ ಚಿತ್ರ ವಿಭಿನ್ನವಾಗಿದೆ. ಓದಲೇಬೇಕಾದ ಬರಹ. ...

    • 1 week ago No comment

      ಒಂದು ಗಜಲ್; ಒಂದು ಗೆಜ್ಜೆ

      ಒಂದು ಗಜಲ್ ಕತ್ತಿಯೂ ಇಲ್ಲದೇ ಮಾತಿಂದಲೇ ಇರಿಯಬಹುದೆಂದು ಗೊತ್ತಿರಲಿಲ್ಲ ನನಗೆ ಕೊಲ್ಲಲು ಮೌನವನ್ನೂ ಅಸ್ತ್ರವಾಗಿ ಬಳಸಬಹುದೆಂದು ತಿಳಿದಿರಲಿಲ್ಲ ನನಗೆ ಮಧುರ ನೆನಪುಗಳೂ ಎದೆ ಕೊರೆದಾವೆಂಬ ಅರಿವಿರಲಿಲ್ಲ ನನಗೆ ಸುಖದ ಗಳಿಗೆಗಳೂ ಕೊರಳೊತ್ತಿ ಸಾಯಿಸುವವೆಂದು ತಿಳಿದಿರಲಿಲ್ಲ ನನಗೆ ಹೊಳೆದಂಡೆಯ ಪಿಸುಮಾತೂ ಲೋಕದ ತುಂಬ ಹಬ್ಬೀತೆಂದು ಅರ್ಥವಾಗಲಿಲ್ಲ ನನಗೆ ಗಾಳಿಯಲಿ ಹೊಯ್ದಾಡುವ ನಂದಾದೀಪವೂ ಜ್ವಾಲೆಯಾಗಿ ಸುಡುವುದು ತಿಳಿದಿರಲಿಲ್ಲ ನನಗೆ ಜೋಡಿ ಮಂಚದ ಮೆತ್ತನೆಯ ಹಾಸಿಗೆಯೂ ಚುಚ್ಚುವುದೆಂದು ಗೊತ್ತಿರಲಿಲ್ಲ ನನಗೆ ಸುಖದ ಉನ್ಮಾದವಷ್ಟೇ ...


    POPULAR IN CONNECTKANNADA

    Type in
    Details available only for Indian languages
    Settings
    Help
    Indian language typing help
    View Detailed Help