Share

ಸ್ವಂತ ಕುದುರೆ ಬೇಕು
ಸುಧಾ ಶರ್ಮ ಚವತ್ತಿ ಕಾಲಂ

 

 

 

 

 

 

ಮೇಘಸ್ಪೋಟ, ಹಿಮಪಾತದ ನಂತರ ಪವಾಡ ಸದೃಶವಾಗಿ ಉಳಿದುಕೊಂಡಿರುವ ಕೇದಾರನಾಥ ದೇವಸ್ಥಾನವನ್ನು ನೋಡುವುದಕ್ಕೆ ಈಗ ಜನಸಾಗರ. ಚಾರ್‍ಧಾಮ್ ಗಳಲ್ಲಿ ಅತ್ಯಂತ ಎತ್ತರದ ಶಿಖರ ಕೇದಾರನಾಥ. ಬದರಿನಾಥ, ಗಂಗೋತ್ರಿಗಳಿಗಿಂತಲೂ ಅಧಿಕ ಎತ್ತರದಲ್ಲಿದೆ. ಇನ್ನೇನು ಕೈಗೆ ಸಿಕ್ಕೇ ಬಿಡುತ್ತೇನೋ ಎನ್ನುವ ಹಿಮ ಪರ್ವತ. ಒಂದೊಂದು ಸಮಯದಲ್ಲಿ ಒಂದೊಂದು ರೀತಿಯಿಂದ ವಿಜೃಂಭಿಸುವ ಪೃಕೃತಿ, ನಿಸರ್ಗದ ಈ ಅನನ್ಯ ಸೌಂದರ್ಯ ನಿಜಕ್ಕೂ ಭಾಷೆಗೆ ನಿಲುಕಲಾರದ್ದು. ಸಮುದ್ರ ಮಟ್ಟದಿಂದ ಸುಮಾರು 13,500 ಅಡಿ ಎತ್ತರದಲ್ಲಿರುವ ಕೇದಾರನಾಥಕ್ಕೆ ಹೋಗುವುದಕ್ಕೆ ಈಗ ಗೌರಿಕುಂಡ ಎನ್ನುವ ಜಾಗದಿಂದ ಹೆಲಿಕಾಪ್ಟರ್, ಕುದುರೆ, ಡೋಲಿ, ಅಥವಾ ಕಾಲ್ನಡಿಗೆಯಲ್ಲಿ ಹೋಗಬೇಕು.

ಸುಮಾರು 14 ಕಿ.ಮಿ ದೂರದುದ್ದಕ್ಕೂ ಎತ್ತರ ಏರಲು ಸುಲಭವಾಗುವುದಕ್ಕೆ ಅಲ್ಲಲ್ಲಿ ಮೆಟ್ಟಿಲುಗಳನ್ನು ಕೊರೆದಿದ್ದಾರೆ. ಪರ್ವತವನ್ನು ಸುತ್ತಿ ಸುತ್ತಿ ಏರುತ್ತ ಹೋಗುವುದು ಒಂದು ಅಪರೂಪದ ಅನುಭವ. ಕೆಳಗೆ ಹರಿಯುವ ಮಂದಾಕಿನಿ ನದಿ, ರುದ್ರ ಭಯಾನಕ ಎನ್ನಿಸುವ ಕಣಿವೆ. ನಡೆದು ಹೋಗುವ ಪರಮಾನಂದವವನ್ನು ಭಯ ಆವರಿಸಿಬಿಡುತ್ತದೆ. ಕುದುರೆಗಳಿಂದ ಸಾವರಿಸಿಕೊಂಡು ನಡೆಯುವುದು ಕಷ್ಟವೇ ಆದರೂ ಎತ್ತರ ಏರುವ ಆನಂದವನ್ನು ಅನುಭವಿಸುವುದಕ್ಕೆ ನಡಿಗೆಗೆ ಒಗ್ಗಿಕೊಳ್ಳುವುದು ಅಪರೂಪದ ಖುಷಿ.

ಗೌರಿ ಕುಂಡದಿಂದ ಕೇದಾರದವರೆಗೆ ಕುದುರೆಗಳ ಓಡಾಟ ಹೇಗಿರುತ್ತದೆ ಎಂದರೆ ಬೆಂಗಳೂರಿನಲ್ಲಿ ಊಬರ್, ಓಲಾ, ಆಟೋಗಳನ್ನು ಕರೆದ ಹಾಗೆ. ಉತ್ತರಕಾಂಡ ಸರ್ಕಾರ ಟೂರಿಸಂ ನಿಂದ ಬರುವ ಆದಾಯದತ್ತ ಕಣ್ಣು ನೆಟ್ಟಿರುವುದರಿಂದ ಈ ಕುದುರೆಗಳಿಗೆ ಮೊದಲೇ ಹಣ ತುಂಬಬಹುದು. ಅಂದರೆ ಇದು ಪ್ರೀ ಪೇಡ್ ಟ್ಯಾಕ್ಸಿ ಹಾಗೆ. ಅದೇ ರೀತಿ ಪೋಸ್ಟ್ ಪೇಡ್ ಟ್ಯಾಕ್ಸಿಯೂ ಇರುವಂತೆ ಪ್ರಯಾಣ ಮುಗಿಸಿದ ನಂತರ ಕುದುರೆಗಳಿಗೆ ಹಣ ಕೊಡಬಹುದು.

ದಿನಕ್ಕೆ ಸಾವಿರಾರು ಕುದುರೆಗಳು ಮೇಲಕ್ಕೆ ಹೋಗುತ್ತವೆ. ಅದೇ ದಿನ ವಾಪಸ್ ಬರಲೇ ಬೇಕು. ಅವುಗಳಿಗೆ ಅಲ್ಲಿ ಇರಲು ಸಾಧ್ಯವೇ ಇಲ್ಲ. ಕುದುರೆಗೆ ಮಾಲೀಕರು ಬೇರೆ ಇರುತ್ತಾರೆ. ಕುದುರೆ ಓಡಿಸುವವನು ಅಂದರೆ ಇಲ್ಲಿ ನಮ್ಮನ್ನು ಕುದುರೆಯ ಮೇಲೆ ಕುಳ್ಳಿರಿಸಿ ತಾನು ಕುದುರೆಯ ಹಗ್ಗ ಹಿಡಿದು ನಡೆಯುತ್ತ ಬರುವವನು. ಕಾರಿನ ಚಾಲಕನಂತೆ. ಕುದುರೆಯನ್ನು ಚಲಾಯಿಸುವುದಕ್ಕೆ ಅವನಿಗೆ ದಿನದ ಸಂಬಳ.

ಈ ಕುದುರೆ ಮತ್ತು ಕುದುರೆ ನಡೆಸುವವರು ಈ ಹಾದಿಗೆ ಅದೆಷ್ಟು ಚಿರಪರಿಚಿತರಾಗಿದ್ದಾರೆಂದರೆ ಅವರು ಕಣ್ಣು ಮುಚ್ಚಿಯೂ ನಡೆಯಬಲ್ಲರು. ಈ ಕುದುರೆ ಹಗ್ಗ ಹಿಡಿದ ಹುಡುಗರು. 15 ರಿಂದ 25 ವರ್ಷ ಒಳಗಿನವರು. ಇವರ ಎಳೆಯ ಪಾದಗಳಿಗೆ ಮಾತ್ರ ಇಂತಹ ಚುರುಕು ನಡಿಗೆ ಸಾಧ್ಯ. ಪ್ರತಿ ದಿನ ಕನಿಷ್ಠ ಒಂದು ಟ್ರಿಪ್ ಹೋಗಲೇ ಬೇಕು. 14 ಕಿ,ಮಿ ಹೋಗುವುದು ಬರುವುದು. ಇದು ಪ್ರತಿ ದಿನ ನಡೆಯುತ್ತದೆ. ಈ ಹುಡುಗರಿಗೆ ಊಟ ತಿಂಡಿಯನ್ನೂ ಕುದುರೆಯ ಮಾಲೀಕ ಕೊಡುವುದಿಲ್ಲ. ಕೇವಲ 200-300 ರೂಪಾಯಿ ಸಂಬಳಕ್ಕೆ ಈ ಮುದ್ದಾದ ಹುಡುಗರು ಇಷ್ಟು ಕಠಿಣ ಕೆಲಸವನ್ನು ಅಂತಹ ಚಳಿ, ಮಳೆಯಲ್ಲಿ ಮಾಡುತ್ತಾರೆ. ಅದೆಷ್ಟು ವಿನಯವಂತ, ಸುಂದರ ಹುಡುಗರೆಂದರೆ ಅದೃಷ್ಟ ಚೆನ್ನಾಗಿದ್ದರೆ ಇವರು ಅನಾಯಾಸವಾಗಿ ಸಿನಿಮಾದ ನಾಯಕರಾಗುವಷ್ಟು. ಈ ಹುಡುಗರಿಗೆ ಶಿಕ್ಷಣ ಇಲ್ಲ. ಸ್ಥಳೀಯ ಹಿಂದಿ ಭಾಷೆ ಬಿಟ್ಟರೆ ಬೇರೆ ಏನೂ ಗೊತ್ತಿಲ್ಲ. ವರ್ಷದಲ್ಲಿ ಕೆಲವೇ ತಿಂಗಳು ಮಾತ್ರ ಇವರಿಗೆ ಕೆಲಸ. ಉಳಿದಂತೆ ಕೆಲಸವೇ ಇಲ್ಲ. ಪರ್ವತದ ತಪ್ಪಲಿನಲ್ಲಿ ಅಲ್ಲಿನ ವಿಪರೀತ ವೈಪರೀತ್ಯದ ಹವಾಮಾನದಲ್ಲಿ ಏನನ್ನೂ ಬೆಳೆಯಲು ಸಾಧ್ಯವಿಲ್ಲ. ಹೆಚ್ಚೆಂದರೆ ಅಲೂಗಡ್ಡೆ ಬೆಳೆಯಬಹುದು.

ಈ ಎಳೆಯ ಹುಡುಗರು ಎಷ್ಟು ಸ್ವಾಭಿಮಾನಿಗಳೆಂದರೆ ಹಸಿವಾದರೂ ದಾರಿಯಲ್ಲಿ ಊಟ ಕೇಳುವುದಿಲ್ಲ. ತಾವು ಹೊದ್ದುಕೊಂಡ ರೇನ್ ಕೋಟನ್ನೇ ಕುದುರೆಯಲ್ಲಿ ಕೂತವರಿಗೆ ಕೊಡಬರುತ್ತಾರೆ. ಏನಾದರೂ ಈ ಕುದುರೆ ಕಾಲು ಜಾರಿಬಿದ್ದರೆ ಎನ್ನುವ ನಮ್ಮಂತವರ ವಿಪರೀತ ಭಯಕ್ಕೆ ಆ ಹುಡುಗರು ಕೊಡುವ ಉತ್ತರ “ನಿಮಗಿಂತ ಹೆಚ್ಚಾಗಿ ಬದುಕಬೇಕು ಎನ್ನುವ ಆಸೆ ಈ ಕುದುರೆಗಳಿಗೆ ಇದೆ. ಹಾಗೇನಾದರೂ ಆದರೆ ಮೊದಲು ನಾವು ಬೀಳುತ್ತೇವೆ. ಆಮೇಲೆ ಕುದುರೆ ಬೀಳತ್ತೆ ನೀವು ಬೀಳುವುದೇ ಇಲ್ಲ. ಇದುವರೆಗೂ ಹೀಗಾಗಿದ್ದೇ ಇಲ್ಲ. ಸುತ್ತಿ ಸುತ್ತಿ ಹೋಗುವಾಗ ಎತ್ತರದ ಪರ್ವತ ಹತ್ತಿರ ಹತ್ತಿರ ಬಂದಂತೆ ಆಳಕ್ಕೆ ಕಾಣುವ ಕಣಿವೆ ನಮ್ಮನ್ನು ಅದೆಷ್ಟು ಹೆದರಿಸುತ್ತದೆ ಎಂದರೆ ಬದುಕಿ ಬಂದೇವಾ ಎನ್ನುವಷ್ಟು. ಈ ಭಯದಲ್ಲಿ ಸುತ್ತಲಿನ ಹಸಿರು ಪರ್ವತವು, ಮಂಜು ಆವರಿಸಿಕೊಳ್ಳುವ ನೀಲ ನಭವನ್ನು, ಹರಿಯುವ ಝರಿಯನ್ನು ನಾವು ನೋಡುವುದೇ ಇಲ್ಲ.
ಕೇದಾರನಾಥ ಕಣ್ಣಿಗೆ ಬೀಳುತ್ತಿದ್ದಂತೆ ಬೆಳ್ಳಿ ಬಣ್ಣದ ಶಿವನಂತೆ ಕಾಣುವ ಕ್ಷಣ ಕ್ಷಣಕ್ಕೂ ಬದಲಾಗುತ್ತ ಸಾಗುವ ಹಿಮಪರ್ವತ. ಅನಂತ ಪೃಕೃತಿಯೇ ಕೈ ಅಳತೆಯಲ್ಲಿ ದಕ್ಕಿದಂತೆ ಅನ್ನಿಸುವ ನಮಗೆ ಇಂತಹ ಯಾತ್ರೆ ಜೀವನದ ಪರಮ ಸಾರ್ಥಕ ಕ್ಷಣದಂತೆ ಅನ್ನಿಸುತ್ತದೆ. ಆದರೆ ಆ ಹುಡುಗರಿಗೆ ಇದು ನಿತ್ಯ ನೇಮ. ಕುದುರೆಗೆ ಆರೈಕೆ ಮಾಡಿಕೊಂಡು ಮತ್ತೆ ತಮ್ಮ ಪಾಲಿನ ಹಣ ಪಡೆದು ಮತ್ತೊಬ್ಬ ಗಿರಾಕಿಗಳನ್ನು ಹುಡುಕುವ ತವಕ. ಒಳಗೆ ಕುಳಿತ ದೇವರನ್ನು ನೋಡುವ ತಹತಹವೂ ಇಲ್ಲ. ಹೊರಗಿನ ಪೃಕೃತಿಯನ್ನು ಆಸ್ವಾದಿಸುವುದಕ್ಕೆ ಬಿಡುವೂ ಇಲ್ಲ. ಅಂತಹ ಮನಃಸ್ಥಿತಿಯಲ್ಲಿಯೂ ಅವರಿಲ್ಲ.

ಕಳೆದ ಸಾರಿ ಆದ ಹಿಮಪಾತದಲ್ಲಿ ಅಣ್ಣ, ಚಿಕ್ಕಪ್ಪ, ಅಪ್ಪ, ಹೀಗೆ ಹಲವರನ್ನು ಕಳೆದುಕೊಂಡಿರುವ ಈ ಕುದುರೆ ಚಲಾಯಿಸುವ ಹುಡುಗರ ಹೆಗಲಿಗೆ ಸಂಸಾರದ ತಾಪತ್ರಯ. ಮನೆಯಲ್ಲಿ ವಯಸ್ಸಾದ ತಾಯಿ, ವಿಧವೆ ಅತ್ತಿಗೆ, ಅಕ್ಕ, ಚಿಕ್ಕಮ್ಮ ಹೀಗೆ ಬದುಕಿನ ನೊಗಕ್ಕೆ ಎಳೆಯ ಹೆಗಲುಗಳು ಜಡ್ಡುಗಟ್ಟಿಹೋಗುತ್ತಿದೆ.

ಒಬ್ಬ ಕುದುರೆ ನಡೆಸಿಕೊಂಡು ಹೋಗುವವನನ್ನು ಕೇಳಿದೆ ನಿನಗೆ ಏನಾಗಬೇಕೆಂಬ ಕನಸಿದೆ. “ನಾನು ನನ್ನದೇ ಸ್ವಂತ ಕುದುರೆ ಕೊಳ್ಳಬೇಕು. ಒಂದಲ್ಲ ನಾಲ್ಕು ಹೀಗೆ ಬೆರಳು ಮಾಡಿ ತೋರಿಸಿದ. ಅವನ ಮಾತು ಮುಗಿಯುತ್ತಿದ್ದಂತೆ ನಾವು ಇಳಿಯುವ ಜಾಗ ಗೌರಿಕುಂಡ ಬಂತು. ಅಲ್ಲಿ ಮೈಲುದ್ದದ ಕ್ಯೂ ಇತ್ತು. ಯಾವುದಕ್ಕಾಗಿ ಇಷ್ಟೆಲ್ಲ ಜನ ಇದ್ದಾರೆ ಎಂದು ಕೇಳಿದಾಗ ಹೆಲಿಕಾಪ್ಟರ್ ಟಿಕೇಟ್ ಪಡೆಯುವುದಕ್ಕೆ ಎಂದರು.

ಕೇದಾರನಾಥದ ಪರ್ವತವೇ ಅಲುಗಾಡುವಷ್ಟು ಹೆಲಿಕಾಪ್ಟರ್ ಶಬ್ದದಲ್ಲಿ ಈ ಎಳೆಯ ಹುಡುಗರ ಕನಸುಗಳು ಕರಗದಿರಲಿ.

————-

ಸುಧಾ ಶರ್ಮಾ ಚವತ್ತಿ

286637_218799308166417_3412973_o[1]“ಒದ್ದೆ ಕಣ್ಣುಗಳ ಪ್ರೀತಿ” ಕವನ ಸಂಕಲನದ ಮೂಲಕ ಭರವಸೆ ಹುಟ್ಟಿಸಿದ ಸುಧಾ ಶರ್ಮಾ ಚವತ್ತಿ ಮುದ್ರಣ ಮತ್ತು ದೃಶ್ಯ ಮಾಧ್ಯಮಗಳೆರಡರಲ್ಲೂ ಪರಿಣಿತರು. ಪತ್ರಿಕೆಗಳಲ್ಲಿ ಲೇಖನ, ಅಂಕಣಗಳ ಮೂಲಕ ಪರಿಚಿತರು. “ಆವಿಯಾಗಿದೆ ಮಾತು” (ಮಲ್ಲಿಗೆ), “ಷೇರೆಂಬ ಮಾಯಾಂಗನೆ” ( ವಿಜಯ ಕರ್ನಾಟಕ ), “ಪ್ರಾಫಿಟ್ ಪ್ಲಸ್” (ವಿಜಯವಾಣಿ) ಪ್ರಕಟಿತ ಅಂಕಣಗಳು. ಕಿರುತೆರೆ ಕಾರ್ಯರ್ಕಮಗಳ ನಿರ್ದೇಶನ, ನಿರ್ಮಾಣ, ನಿರೂಪಣೆಯ ಅನುಭವ. ಈಗ ಸಾಕ್ಷ್ಯಚಿತ್ರ ನಿರ್ಮಾಣದಲ್ಲಿ ಹೆಚ್ಚಾಗಿ ತೊಡಗಿಕೊಂಡಿದ್ದಾರೆ. ಹಲವಾರು ಸಂಘ ಸಂಸ್ಥೆಗಳಲ್ಲಿ ಸಕ್ರಿಯವಾಗಿರುವ ಇವರು ಉತ್ತಮ ವಾಗ್ಮಿ. ಸಮೂಹ ಮಾತುಗಾರಿಕೆಯೂ ಇವರ ಉತ್ಕಟ ಪ್ರೀತಿಗಳಲ್ಲಿ ಒಂದು.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಕ್ರೈಸ್ತರ ಪ್ರಾರ್ಥನಾ ಅಭಿಯಾನದ ಕರೆಯ ಸುತ್ತಮುತ್ತ

        ಪ್ರಸ್ತಾಪ     ಹುಸಿ ರಾಷ್ಟ್ರ ಭಕ್ತಿಯಲ್ಲಿ ಆರ್ಭಟಿಸುವ ಹಿಂದುತ್ವದ ಸ್ವಘೋಷಿತ ವಾರಸುದಾರರು ಮಾತೆತ್ತಿದರೆ ಕ್ರೈಸ್ತರನ್ನು ಈ ದೇಶದವರಲ್ಲ, ಅವರನ್ನು ದೇಶದಿಂದ ಒದ್ದೋಡಿಸಬೇಕು ಎನ್ನುವಂತೆ ವರ್ತಿಸುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ, ಗಣರಾಜ್ಯೋತ್ಸವ ಹೀಗೆ ಪ್ರತಿ ರಾಷ್ಟ್ರೀಯ ಹಬ್ಬಗಳನ್ನೂ ಧ್ವಜಾರೋಹಣ ಮಾಡಿ ರಾಷ್ಟ್ರಗೀತೆ ಹಾಡಿ ಆಚರಿಸಿಯೇ ಧಾರ್ಮಿಕ ಚಟುವಟಿಕೆಯನ್ನು ಶುರುಮಾಡುವ ಕ್ರೈಸ್ತರಿಂದ ಕಲಿಯುವುದು ಬೇಕಾದಷ್ಟಿದೆ. ಆಸ್ಪತ್ರೆ, ಶಿಕ್ಷಣ, ಸಮಾಜ ಸುಧಾರಣೆಯ ಕಾರ್ಯಗಳಲ್ಲಿ ಕ್ರೈಸ್ತ ಸಂಸ್ಥೆಗಳು ಮಾಡುವ ಸೇವೆಯನ್ನು ...

  • 2 days ago No comment

    ಚಿತ್ರದಲ್ಲಿನ ಹೆಂಗಸು

      ಕವಿಸಾಲು               ತಲೆಮಾರುಗಳ ಸ್ಥಿರತೆ ಕಮಾನ ಬಿಲ್ಲಿನಂತೆ ಬಾಗಿದ ಹುಬ್ಬುಗಳಲಿ ತೂಗಿ ಕಂದು ಕಣ್ಣುಗಳ ಆಳದಲ್ಲೆಲ್ಲೋ ಅಡಗಿದ ಇನಿತಿನಿತು ಬಾಲ್ಯದ ಭಯಗಳ ನಡುವೆ ಇಣುಕುವ ವಿನಯದಿ ವಿಧೇಯ ಹೆಂಗಸಿದ್ದಾಳೆ, ಆಳಲ್ಲ ಬಾಯೆಂಬ ಬಾಯಿ ಅಚ್ಚುಕಟ್ಟಾಗಿ ಪಳಗಿ ಸರಿಯೆಂಬುದ ದಿಟ್ಟವಾಗಿ ಅರುಹಿ ಉದ್ದುದ್ದ ಭಾಷಣಗಳ ಕಟ್ಟಿಟ್ಟು ತೂಗಿ ಬಿಡಿಸಲಾಗದ ಒಗಟಿನ ಜೀವನ ಸೌಂದರ್ಯವ ಆಸ್ವಾದಿಸುವಲ್ಲಿ ಜೀವಂತವಿದ್ದಾಳೆ, ಕಳೆಯಿಲ್ಲ ಶಿರವೆಂಬ ಶಿಖರವ ...

  • 1 week ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 1 week ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 2 weeks ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...


Editor's Wall

  • 11 May 2018
    2 weeks ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    4 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    4 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...