Share

ವಿಷ ಕುಡಿಯುತ್ತಿದ್ದೇವೆ
ಸುಧಾ ಶರ್ಮ ಚವತ್ತಿ ಕಾಲಂ

 

 

 

 

 

ಹೀಗೆ ನೋಡಿದ ತಕ್ಷಣ ಅಂದುಕೊಳ್ಳುತ್ತೀರಿ, ಇವಳು ಪರಿಸರ ಮಲೀನತೆಯ ಬಗೆಗೆ ಮಾತನಾಡುತ್ತಾಳೆ. ನಾವು ಕುಡಿಯುವ ನೀರು, ತಿನ್ನುವ ಆಹಾರವೆಲ್ಲವೂ ವಿಷವಾಗಿದೆ ಎನ್ನುವುದನ್ನು ಓದಿ, ನೋಡಿ ನಮಗೆ ಹೀಗೆ ಯೊಚಿಸುವುದು ಅಭ್ಯಾಸವಾಗಿದೆ. ನಿಜ, ಈ ಯೋಚಿಸುವುದರ ಬಗೆಗೆ ಬರೆಯುತ್ತಿದ್ದೇನೆ.

ನಾವು ಎಂದಾದರೂ ನಮ್ಮ ಆಲೋಚನೆಗಳ ಬಗೆಗೆ ಯೋಚಿಸಿದ್ದೇವಾ? ಸ್ವಲ್ಪ ವಿಚಿತ್ರ ಅನ್ನಿಸಬಹುದು. ಆದರೆ ಈ ಅಲೋಚನೆಗಳ ಬೆನ್ನು ಹತ್ತುವುದೆಂದರೆ ಬೃಂಗದ ಬೆನ್ನೇರಿದಂತೆ. ಅದರಲ್ಲಿ ಅನುಮಾನವಿಲ್ಲ. ನಮ್ಮೊಳಗೆ ಹುಟ್ಟುವ ಆಲೋಚನೆಗಳನ್ನು ಒಮ್ಮೆ ಗಮನಿಸಿ. ಹೇಗೆ ಗಮನಿಸೋದು ಅಂದರೆ ಬರುತ್ತಿರುವ ಆಲೋಚನೆ ಯಾವುದರ ಬಗೆಗೆ ಇದೆ. ಹೇಗಿದೆ. ಗಮನಿಸುತ್ತ ಹೋದಂತೆ ಸ್ಪಷ್ಟವಾಗುತ್ತದೆ ನಮ್ಮ ಆಲೋಚನೆಗಳೆಲ್ಲವೂ ಎಂದೋ ಮುಗಿದು ಹೋದುದರ ಬಗೆಗೆ ಇರುತ್ತೆ ಇಲ್ಲವೇ ಇನ್ನೂ ಆಗದಿರುವ ಬಗೆಗೆ ಇರುತ್ತದೆ. ಭೂತಕಾಲದಲ್ಲಿ ಇಲ್ಲವೇ ಭವಿಷ್ಯ ಕಾಲದಲ್ಲಿ ಆಲೋಚನೆಗಳಿರುತ್ತವೆ. ವರ್ತಮಾನದಲ್ಲಿ ನಾನು ಇರುವುದೇ ಇಲ್ಲ. ನಾನು ಏನು ಮಾಡುತ್ತಿದ್ದೇನೆ ಎನ್ನುವುದು ಅತ್ಯಂತ ಯಾಂತ್ರಿಕವಾಗಿ ಇರುತ್ತದೆಯೇ ಹೊರತು, ಮಾಡುತ್ತಿರುವ ಕೆಲಸಕ್ಕೂ ನನಗೂ ಅಕ್ಷರಶಃ ಸಂಬಂಧವೇ ಇಲ್ಲದಂತೆ ಒಂದು ಆಭ್ಯಾಸ ಬಲದಂತೆ ಇದು ನಡೆಯುತ್ತಿರುತ್ತದೆ. ದಿನಾ ಬೆಳಿಗ್ಗೆ ಎದ್ದು ಹಲ್ಲುಜ್ಜುವುದು, ಸ್ನಾನಕ್ಕೆ ನಿಂತರೆ ಸೋಪಿನಿಂದ ಮೈ ಉಜ್ಜುವುದು ಇವೆಲ್ಲವೂ ತನ್ನಿಂದ ತಾನೇ ಆಗುತ್ತದೆ. ಗಾಡಿ ಓಡಿಸುವುದು ಹೀಗೆ ಮನೆಯಲ್ಲಿ ಅಡುಗೆಯಿಂದ ಹಿಡಿದು ವಾಟ್ಸಪ್ ನಲ್ಲಿ ಮೆಸೇಜ್ ನೋಡುವುದರವರೆಗೂ ಎಲ್ಲವೂ ಯಾಂತ್ರಿಕವಾಗಿ ನಡೆಯುತ್ತಿರುತ್ತದೆ. ಇದಕ್ಕಾಗಿ ನಾವು ಏನೂ ಪ್ರಜ್ಞಾ ಪೂರ್ವಕವಾಗಿ ಯೊಚಿಸುವುದೇ ಇಲ್ಲ. ಯೋಚಿಸಬೇಕಾಗಿಲ್ಲ ಅಂತಲ್ಲ ಆದರೆ ನಾವು ಯೋಚಿಸುವುದಿಲ್ಲ.

ಆಲೋಚನೆ ಎನ್ನುವುದು ಭಾವನೆಯ ಬೀಜ ಇದ್ದ ಹಾಗೆ. ಯಾವ ಆಲೋಚನೆ ಇರುತ್ತದೆಯೋ ಅಂತಹ ಭಾವನೆಯೂ ಹುಟ್ಟುತ್ತದೆ. ಪ್ರೀತಿಯ ಆಲೋಚನೆ ಇರದಿದ್ದರೆ ಪ್ರೀತಿಯ ಭಾವನೆಯೂ ಬರುವುದಿಲ್ಲ. ಇವೆರಡೂ ಇರದಿದ್ದರೆ ಪ್ರೀತಿ ಪೂರ್ವಕ ಕೆಲಸವೂ ಸಾಧ್ಯ ಇಲ್ಲ.

ನಮ್ಮ ಮನಸ್ಸಿಲ್ಲಿ ನಿರಂತರವಾಗಿ ಎಂದೋ ಮುಗಿದು ಹೋದ ಮಾತುಕತೆ, ಮಾಡಿಸಿಕೊಂಡ ಅವಮಾನ, ಸೋಲಿನ ಪಳೆಯುಳಿಕೆ, ಅಸಹಾಯಕತೆ ಹೀಗೆ ಒಂದೇ ಎರಡೇ, ಪಕ್ಕಾ ಗೊಬ್ಬರಗುಂಡಿಯೇ. ಆದರೆ ಗೊಬ್ಬರ ಗುಂಡಿಯಲ್ಲಿಯೂ ಬಿದ್ದ ಎಷ್ಟೋ ವಸ್ತುಗಳು ಕರಗಿ ಗೊಬ್ಬರವಾಗುತ್ತವೆ. ಬಳಕೆಗೆ ಬರುತ್ತವೆ. ಕರಗದ ವಸ್ತುಗಳು ಇವೆ. ನಮ್ಮ ಮನಸ್ಸಿನಲ್ಲಿ ನಾವೇ ಆಲೋಚನೆಯ ಮೂಲಕ ವಿಷ ಕುಡಿಯುವುದಕ್ಕೆ ಹೊರಡುತ್ತೇವೆ. ನೆನಪಿರಲಿ ನಮ್ಮ ಮುಗಿಸುವುದಕ್ಕೆ ನಕಾರತ್ಮಕ ಆಲೋಚನೆ ಒಂದು ಸಾಕು. ಈ ನಕಾರಾತ್ಮಕ ಆಲೋಚನೆ ಅನ್ನೋದು ಬಣ್ಣದ ಕನ್ನಡಕ ತೊಟ್ಟ ಹಾಗೆ. ನಮಗೆ ಯಾವುದೂ ಅದು ಇರುವಂತೆ ತೋರುವುದೇ ಇಲ್ಲ. ನಾವು ನೋಡಿದ್ದೆಲ್ಲವೂ ಇರುವುದಕ್ಕಿಂತ ಬೇರೆಯಾಗಿ ಕಾಣಿಸುತ್ತಿದೆ.

ನಾವು ಯಾವಾಗಲೂ ಮುಗಿದು ಹೋಗಿರುವುದರ ಬಗೆಗೆ ಬೇಸರದಿಂದ, ಪಶ್ಚಾತ್ತಾಪದಿಂದ ಮಾತನಾಡುತ್ತೇವೆ. ಭವಿಷ್ಯದ ಬಗೆಗೆ ಸದಾ ಭಯ, ಆತಂಕ, ಏನು ದೊರೆತರೂ ತೃಪ್ತಿ ಇಲ್ಲ. ಇವಿಷ್ಟೇ ಸಾಲದೆಂಬಂತೆ, ದ್ವೇಷ, ಅಸೂಯೆ,ಕೀಳರಿಮೆ ಇಂತಹ ಭಾವನೆಗಳು. ನಾವು ಇಷ್ಟಿಷ್ಟೇ ವಿಷ ಕುಡಿದ ಹಾಗೆ ಇದು. ನಾವು ವಿಷ ಕರಡಿಕೊಂಡು ಕುಡಿದು ಬೇರೆಯವರು ಸಾಯುತ್ತಾರೆಂದು ಕಾಯುತ್ತಿರುವಂತೆ. ಆಲೋಚನೆಗಳು ಬದಲಾದ ಹೊರತು ಬದುಕು ಬದಲಾಗುವುದೇ ಇಲ್ಲ.

ಆಗಬೇಕಾಗಿರೋದು ನಮ್ಮೊಳಗಿನ ನಕಾರಾತ್ಮಕ ಭಾವನೆಯನ್ನು ನಾವು ಸರಿಯಾಗಿ ಗುರುತಿಸಿಕೊಳ್ಳಬೇಕು. ಸರಿಯಾಗಿ ಗುರುತಿಸಿಕೊಳ್ಳಲಾರದ ನಕಾರಾತ್ಮಕ ಆಲೋಚನೆಗಳಿಂದಲೇ ಇಷ್ಟೆಲ್ಲ ಆಗುತ್ತಿದೆ ಎಂಬ ಅರಿವು ಮೂಡಬೇಕು. ಒಮ್ಮೆ ನಕಾರತ್ಮಕ ಅಲೊಚನೆಗಳನ್ನು ನಾವೇ ಗುರುತಿಸಲು ಶುರುಮಾಡಿದರೆ ಮುಂದಿನದು ಸುಲಭ. ಆಲೋಚನೆಗಳ ಮೇಲೆ ಒಂದು ನಿಗಾ ಇಡಬೇಕು. ಬರುವ ಆಲೋಚನೆಗಳನ್ನು ಸ್ವಲ್ಪ ಚೆಕ್ ಮಾಡಿ ಒಳಗೆ ಬಿಡೋದನ್ನು ಅಭ್ಯಾಸ ಮಾಡಿಕೊಳ್ಳಬೇಕು. ಆದರೂ ನುಸುಳಿ ಬರುವ ಆಲೋಚನೆಗಳನ್ನು ಪಕ್ಕಾ ಸೆಕ್ಯುರಿಟಿ ಗಾರ್ಡ್‍ನ ಹಾಗೆ ಪರಿಶೀಲಿಸಿ ನೋಡಬೆಕು. ಎಷ್ಟೋ ಆಲೋಚನೆಗಳು ಕೇವಲ ನಮ್ಮ ಕಲ್ಪನೆಗಳಾಗಿರುತ್ತದೆ. ನಮ್ಮ ಕಲ್ಪನೆಗಳಿಗೆ ನಾವು ಬಲಿಯಾಗಿರುತ್ತೇವೆ. ಹಗ್ಗವನ್ನು ಹಾವು ಎಂದು ಹೆದರುವ ಹಾಗೆ. ನಿಜವಲ್ಲದ ಆಲೋಚನೆಗಳಿಗೆ ನಾವು ಕುಳಿತಲ್ಲಿಯೇ ಸ್ಪಂದಿಸುತ್ತಿರುತ್ತೇವೆ.

ಅಲೋಚನೆಗಳ ಮೇಲೆ ನಮಗೆ ಹಿಡಿತ ಬರುವುದು ಮನಸ್ಸನ್ನು ಪಳಗಿಸಿದಾಗ. ಈಗ ಈ ಪಳಗಿಸೋದನ್ನೇ ತರಬೇತಿ ಎನ್ನುತ್ತಾರೆ. ತರಬೇತಿ ಮನಸ್ಸಿಗೂ ಬೆಕು. ಯೋಗ ಮಾಡೋದು. ವಾಕಿಂಗ್ ಮಾಡೋದು ಒಂದು ತರಬೇತಿ. ಹಾಗೆಯೇ ಮನಸ್ಸನ್ನು ಸರಿಯಾದ ರೀತಿಯಿಂದ ತರಬೇತುಗೊಳಿಸಬೇಕು. ಗಿಡವಾಗಿ ಬಗ್ಗೋದು ಎನ್ನುತ್ತಿದ್ದರಲ್ಲಾ ಹಾಗೆ. ಯೋಗ ಮಾಡಿದವರಿಗೆ ದೇಹ ಎಷ್ಟು ಸುಲಲಿತವಾಗಿ ಮಾತು ಕೇಳುತ್ತದೆಯೋ ಅದೇ ರೀತಿ ಮನಸ್ಸಿನ ತರಬೇತಿಯಿಂದ ಆಲೋಚನೆಗಳನ್ನು ನಮಗೆ ಬೇಕಾದ ಹಾಗೆ ಟ್ಯೂನ್ ಮಾಡಬಹುದು. ಆಲೋಚನೆಗಳು ಆಗ ಒಂದು ವ್ಯವಸ್ಥಿತ ರೀತಿಯಲ್ಲಿ ಇರುತ್ತದೆ.

ಅಂದಹಾಗೆ ಈಗ ನೀವೇನು ಯೊಚಿಸ್ತಿದೀರಿ ಅಂತಾ ಹೇಳಿ. ಇವತ್ತು ನಿಮ್ಮ ದಿನ ಹೇಗಿರುತ್ತದೆ ಅಂತಾ ನಾನು ಹೇಳುತ್ತೇನೆ. ಮನುಷ್ಯ ಕೇವಲ ಅವನ ಆಲೋಚನೆಯ ಮೊತ್ತವೇ ಹೊರತು ಬೇರೆ ಅಲ್ಲ. ನಮ್ಮ ಆಲೋಚನೆಗಳೇ ನಮ್ಮ ಭವಿಷ್ಯವಾಗಿರುತ್ತದೆ. ಇಷ್ಟೂ ದಿನಗಳ ಕಾಲ ನಾವು ಹೇಗೆ ಯೊಚಿಸಿದೀವಿ ಎನ್ನುವುದು ಇವತ್ತು ನಾವು ಇರುವುದನ್ನು ಹೇಳಿದರೆ, ಈಗ ಏನು ಯೊಚಿಸುತ್ತೇವೆ ಎನ್ನುವದು ನಾವು ಮುಂದೆ ಹೇಗಿರುತ್ತೇವೆ ಎನ್ನುವುದನ್ನು ತಿಳಿಸುತ್ತದೆ.

————-

ಸುಧಾ ಶರ್ಮಾ ಚವತ್ತಿ

286637_218799308166417_3412973_o[1]“ಒದ್ದೆ ಕಣ್ಣುಗಳ ಪ್ರೀತಿ” ಕವನ ಸಂಕಲನದ ಮೂಲಕ ಭರವಸೆ ಹುಟ್ಟಿಸಿದ ಸುಧಾ ಶರ್ಮಾ ಚವತ್ತಿ ಮುದ್ರಣ ಮತ್ತು ದೃಶ್ಯ ಮಾಧ್ಯಮಗಳೆರಡರಲ್ಲೂ ಪರಿಣಿತರು. ಪತ್ರಿಕೆಗಳಲ್ಲಿ ಲೇಖನ, ಅಂಕಣಗಳ ಮೂಲಕ ಪರಿಚಿತರು. “ಆವಿಯಾಗಿದೆ ಮಾತು” (ಮಲ್ಲಿಗೆ), “ಷೇರೆಂಬ ಮಾಯಾಂಗನೆ” ( ವಿಜಯ ಕರ್ನಾಟಕ ), “ಪ್ರಾಫಿಟ್ ಪ್ಲಸ್” (ವಿಜಯವಾಣಿ) ಪ್ರಕಟಿತ ಅಂಕಣಗಳು. ಕಿರುತೆರೆ ಕಾರ್ಯರ್ಕಮಗಳ ನಿರ್ದೇಶನ, ನಿರ್ಮಾಣ, ನಿರೂಪಣೆಯ ಅನುಭವ. ಈಗ ಸಾಕ್ಷ್ಯಚಿತ್ರ ನಿರ್ಮಾಣದಲ್ಲಿ ಹೆಚ್ಚಾಗಿ ತೊಡಗಿಕೊಂಡಿದ್ದಾರೆ. ಹಲವಾರು ಸಂಘ ಸಂಸ್ಥೆಗಳಲ್ಲಿ ಸಕ್ರಿಯವಾಗಿರುವ ಇವರು ಉತ್ತಮ ವಾಗ್ಮಿ. ಸಮೂಹ ಮಾತುಗಾರಿಕೆಯೂ ಇವರ ಉತ್ಕಟ ಪ್ರೀತಿಗಳಲ್ಲಿ ಒಂದು.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಕ್ರೈಸ್ತರ ಪ್ರಾರ್ಥನಾ ಅಭಿಯಾನದ ಕರೆಯ ಸುತ್ತಮುತ್ತ

        ಪ್ರಸ್ತಾಪ     ಹುಸಿ ರಾಷ್ಟ್ರ ಭಕ್ತಿಯಲ್ಲಿ ಆರ್ಭಟಿಸುವ ಹಿಂದುತ್ವದ ಸ್ವಘೋಷಿತ ವಾರಸುದಾರರು ಮಾತೆತ್ತಿದರೆ ಕ್ರೈಸ್ತರನ್ನು ಈ ದೇಶದವರಲ್ಲ, ಅವರನ್ನು ದೇಶದಿಂದ ಒದ್ದೋಡಿಸಬೇಕು ಎನ್ನುವಂತೆ ವರ್ತಿಸುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ, ಗಣರಾಜ್ಯೋತ್ಸವ ಹೀಗೆ ಪ್ರತಿ ರಾಷ್ಟ್ರೀಯ ಹಬ್ಬಗಳನ್ನೂ ಧ್ವಜಾರೋಹಣ ಮಾಡಿ ರಾಷ್ಟ್ರಗೀತೆ ಹಾಡಿ ಆಚರಿಸಿಯೇ ಧಾರ್ಮಿಕ ಚಟುವಟಿಕೆಯನ್ನು ಶುರುಮಾಡುವ ಕ್ರೈಸ್ತರಿಂದ ಕಲಿಯುವುದು ಬೇಕಾದಷ್ಟಿದೆ. ಆಸ್ಪತ್ರೆ, ಶಿಕ್ಷಣ, ಸಮಾಜ ಸುಧಾರಣೆಯ ಕಾರ್ಯಗಳಲ್ಲಿ ಕ್ರೈಸ್ತ ಸಂಸ್ಥೆಗಳು ಮಾಡುವ ಸೇವೆಯನ್ನು ...

  • 2 days ago No comment

    ಚಿತ್ರದಲ್ಲಿನ ಹೆಂಗಸು

      ಕವಿಸಾಲು               ತಲೆಮಾರುಗಳ ಸ್ಥಿರತೆ ಕಮಾನ ಬಿಲ್ಲಿನಂತೆ ಬಾಗಿದ ಹುಬ್ಬುಗಳಲಿ ತೂಗಿ ಕಂದು ಕಣ್ಣುಗಳ ಆಳದಲ್ಲೆಲ್ಲೋ ಅಡಗಿದ ಇನಿತಿನಿತು ಬಾಲ್ಯದ ಭಯಗಳ ನಡುವೆ ಇಣುಕುವ ವಿನಯದಿ ವಿಧೇಯ ಹೆಂಗಸಿದ್ದಾಳೆ, ಆಳಲ್ಲ ಬಾಯೆಂಬ ಬಾಯಿ ಅಚ್ಚುಕಟ್ಟಾಗಿ ಪಳಗಿ ಸರಿಯೆಂಬುದ ದಿಟ್ಟವಾಗಿ ಅರುಹಿ ಉದ್ದುದ್ದ ಭಾಷಣಗಳ ಕಟ್ಟಿಟ್ಟು ತೂಗಿ ಬಿಡಿಸಲಾಗದ ಒಗಟಿನ ಜೀವನ ಸೌಂದರ್ಯವ ಆಸ್ವಾದಿಸುವಲ್ಲಿ ಜೀವಂತವಿದ್ದಾಳೆ, ಕಳೆಯಿಲ್ಲ ಶಿರವೆಂಬ ಶಿಖರವ ...

  • 1 week ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 1 week ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 2 weeks ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...


Editor's Wall

  • 11 May 2018
    2 weeks ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    4 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    4 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...