Share

ಎದೆಯೊಳಗೆ ಕುದಿವ ಅಗ್ನಿಕುಂಡ; ಕಣ್ಣಲ್ಲಿ ಬೆಳಕು ತುಂಬಿಕೊಂಡ ಕವಿತೆಗಳು
ನಾಗರಾಜ್ ಹರಪನಹಳ್ಳಿ

ಪುಸ್ತಕ ಅವಲೋಕನ

————-

ಬೆಂಕಿಗೆ ತೊಡಿಸಿದ ಬಟ್ಟೆ
ಲೇ: ಆರೀಫ್ ರಾಜಾ
ಪ್ರ: ಪಲ್ಲವ ಪ್ರಕಾಶನ,ಚೆನ್ನಪಟ್ಟಣ.
ಬೆಲೆ: ರೂ.100

ನ್ನಡದಲ್ಲಿ ಕಾವ್ಯದ ಹೊಳಹು ಮತ್ತು ವೈವಿಧ್ಯಮಯ ಅಭಿವ್ಯಕ್ತಿಯನ್ನು ನೋಡಬೇಕೇ? ಕಾವ್ಯ ವರ್ತಮಾನಕ್ಕೆ ಮುಖಾಮುಖಿಯಾಗಬೇಕೆ? ಆರೀಫ್ ರಾಜಾ ಎಂಬ ಕವಿಯ ಕವಿತೆಗಳನ್ನು ಓದಬೇಕು.

ಕಾವ್ಯ ಹರಿವ ನದಿಯಂತೆ. ಕವಿತೆ ಅಂದರೆ ಬೆಂಕಿ ಮತ್ತು ಬೆಳಕು. ಕಾವ್ಯ ಕ್ಷಣ ಭಂಗುರವನ್ನು ಗೆಲ್ಲುವ ಪ್ರಕ್ರಿಯೆ, ಸಾವನ್ನು ಮುಂದೂಡುವ ಶಕ್ತಿ ಉಳ್ಳದ್ದು….ಹೀಗೆ ಏನೆಲ್ಲಾ ಕವಿತೆಯನ್ನು ವ್ಯಾಖ್ಯಾನಿಸಬಹುದೋ ಅವೆಲ್ಲಾ ಆಯಾಮಗಳನ್ನು ಗಮನಿಸಬೇಕೆಂದರೆ ಆರೀಫ್ ರಾಜಾ ಅವರ ಕವಿತೆಗಳನ್ನು ಅಭ್ಯಸಿಸಬೇಕು. ಕಳೆದ ಹದಿನೈದು ದಿನಗಳಿಂದ ಆರೀಫ್ ರಾಜಾ ಅವರ ಕವಿತೆಗಳ ಸೊಬಗು, ಅವರ ಕವಿತೆಗಳಿಗೆ ಕನ್ನಡ ಸಾಹಿತ್ಯದ ದಿಗ್ಗಜ್ಜರು ನೀಡಿದ ಒಳನೋಟ, ವಿಮರ್ಶೆ, ವ್ಯಾಖ್ಯಾನ ಎಲ್ಲವನ್ನು ಓದುತ್ತಲೇ, ಅವರ ಕವಿತೆಗಳನ್ನು ಮತ್ತೆ ಮತ್ತೆ ಓದಿದ ಮೇಲೆ ಮನದಲ್ಲಿ ಉಳಿದದ್ದನ್ನು ಬರೆಯದೇ ಹಾಗೆ ಮುಚ್ಚಿಟ್ಟು ಕೊಂಡರೆ ಅದು ಕವಿ ಮತ್ತು ಕಾವ್ಯಕ್ಕೆ ಮಾಡಿದ ಅಪಚಾರವಾದೀತು.

ಕವಿ ಮತ್ತು ಕವಿತೆ ಸಮಾಜದೊಂದಿಗೆ, ಮನಸುಗಳೊಂದಿಗೆ ಸಂವಾದಿಸುತ್ತಲೇ ಇರುತ್ತದೆ. ಕವಿತೆಗಳನ್ನು ಓದುತ್ತಲೇ ಇರಬೇಕು. ಆರೀಫ್ ರಾಜಾರನ್ನು ಓದುವಾಗ ನೀವು ಈ ದೇಶದ ಇತಿಹಾಸ, ವರ್ತಮಾನವನ್ನು ಓದುತ್ತೀರುತ್ತಿರಿ. ಸೂಫಿ, ಇಸ್ಲಾಂ,ವಚನ ಸಾಹಿತ್ಯ, ಕನ್ನಡ ಕಾವ್ಯ ಪರಂಪರೆ, ಬ್ರೆಕ್ಟ್, ನೆರೋಡಾ, ಬೋದಿಲೇರ್… ನಮ್ಮ ಕಣ್ ಮುಂದೆ ಹಾದು ಹೋಗುತ್ತಾರೆ. ಬಂಡಾಯ ಮತ್ತು ಪ್ರೇಮದ ಜೊತೆ ಆರೀಫ್ ಕಂಡದ್ದನ್ನು ಅಭಿವ್ಯಕ್ತಿಸುವ ಬಗೆ ತೀರಾ ಭಿನ್ನ. ಶಬ್ದಗಳ ಜೊತೆ ಅವರು ಆಟವಾಡುತ್ತಾರೋ, ವಾಚ್ಯವಾದ ಸಾಲುಗಳನ್ನು ಬರೆಯುತ್ತಾರೆ ಎನ್ನಿಸುತ್ತಲೇ ತೀರಾ ಸಂಕೀರ್ಣವೂ ಅನಿಸಿಬಿಡುತ್ತಾರೆ. ಆದರೆ ಕೆಲವು ಕಡೆ ಸ್ಪಷ್ಟ ಮತ್ತು ನೇರವಾಗಿ ಅವರು ಕಾವ್ಯದ ಮೂಲಕ ಕೋಮುವಾದದ ದುರಂತವನ್ನು ದಾಖಲಿಸುತ್ತಾರೆ. ಬಂಡವಾಳಶಾಹಿ ಮತ್ತು ಜಾಗತೀಕರಣಕ್ಕೆ ತಿವಿಯುತ್ತಲೇ ಆಹಂನ್ನು ಬಿಚ್ಚಿಡುತ್ತಾರೆ. ಆಧುನಿಕ ಮನುಷ್ಯ ಹುಳವನ್ನು ಪರಿಚಯಿಸುತ್ತಾರೆ. ಹಸಿವು ಮತ್ತು ಪ್ರೀತಿಯ ತಲ್ಲಣಗಳನ್ನು ಹೇಳುತ್ತಾರೆ. ತಲ್ಲಣಗಳನ್ನು, ಸಂತಸವನ್ನು ಸಂಕಟವನ್ನು ಒಟ್ಟೊಟ್ಟಿಗೆ ಹೇಳುವ ಪರಿ ಕವಿಯ ಮನಸ್ಸಿನ ಸಂಚಾರಿ ಭಾವವನ್ನು ದುಡಿಸಿಕೊಳ್ಳುತ್ತಾರೆ. ಕಾವ್ಯದಲ್ಲಿ ಅತೀ ಜಾಣತನವೂ ಪ್ರಯೋಜನಕ್ಕೆ ಬರುವುದಿಲ್ಲ, ಪೆದ್ದುತನವೂ ಪ್ರಯೋಜನಕ್ಕೆ ಬರುವುದಿಲ್ಲ ಎನ್ನುವ ಆರೀಫ್ ರಾಜಾ ಮುಗ್ಧತೆ ಮತ್ತು ಜಾಣತನದಿಂದ ಕಾವ್ಯ ಕಟ್ಟುತ್ತಾರೆ. ಕವಿತೆ ಬರೆಯುವ ಪ್ರಕ್ರಿಯೆ ಬದಲಾವಣೆ ತರದ ನಪುಂಸಕತನವೇ ಎಂದು ಪ್ರಶ್ನಿಸಿಕೊಳ್ಳುವ ಪ್ರಾಮಾಣಿಕತನವೂ ಅವರಲ್ಲಿದೆ. ಆದರೆ ಕಾವ್ಯ ಸಹೃದಯನನ್ನು ದಿಗ್ಭ್ರಮೆಗೊಳಿಸಲ್ಲದು ಎಂಬುದು ಅವರ ಕವಿತೆಗಳಲ್ಲೇ ಉತ್ತರವೂ ಇದೆ.

ಕವಿತೆ ಪ್ರಕಟವಾಗುವ ಹೊತ್ತಿಗೆ ಹೆಣವಾಗಿರುತ್ತದೆ ಎಂಬ ಆರೀಫ್ ಅವರ ಮಾತು ಒಪ್ಪಲಾಗದು. ಅಂಥ ನಿರಾಶಾವಾದಿತನ ಕವಿಗೆ ಬೇಕಾಗಿಲ್ಲ. ವಾಸ್ತವವಾಗಿ ಕವಿ ಮತ್ತು ಕವಿತೆ ಮರುಜನ್ಮ ತಾಳುವುದೇ ಓದುಗನಲ್ಲಿ, ಸಹೃದಯನಲ್ಲಿ. ಕವಿತೆ ಎಷ್ಟು ಪರಿಣಾಮಕಾರಿ ಚಲನಶೀಲತೆ ತರಬಲ್ಲದು ಎಂಬುದಕ್ಕೆ ಉದಾಹರಣೆಗಳು ಅವರ ಬೆಂಕಿಗೆ ತೊಡಿಸಿದ ಬಟ್ಟೆಯಲ್ಲಿನ ಕವಿತೆಗಳು. ಈ ಕವಿತೆಗಳನ್ನು ವಿಮರ್ಶಕರು ಉದ್ದೇಶಪೂರ್ವಕವಾಗಿ ಮುಟ್ಟಲು ಹೋಗಿಲ್ಲ ಎಂದಿನಿಸಿತು ನನಗೆ. ರಾಜಧಾನಿಯ ಬೀದಿಗಳಲ್ಲಿ, ಇದರ ಹೆಸರು ಏನೆಂದು, ಪ್ರಧಾನಿ ಮತ್ತು ವೇಶ್ಯೆ ಕವಿತೆಗಳು ನನಗಿಷ್ಟವಾದ ಕವಿತೆಗಳು.

ಆಧುನಿಕ ಕಾಲದ ಹಣ್ಣುಗಳು ತಿನ್ನಲು ಬರುವುದಿಲ್ಲ’
ಗೋಮಾಂಸ ತಿನ್ನುವೆ
ಹಂದಿ ಮಾಂಸವೂ ತಿನ್ನುವೆ
ಮನುಷ್ಯರ ಜೀವ ತಿನ್ನಲಾರೆ ….

ಹೆಸರೇ ಇಲ್ಲಿ ಎಲ್ಲದಕ್ಕೂ ಮೂಲ ಅನ್ನುವುದಾದರೆ
ಭೂಮಿಯ ಮೇಲೆ ಮನುಷ್ಯರ ಹೆಸರೇ ಇಲ್ಲದಂತೆ ಮಾಡಿ

ನಿಮ್ಮೊಳಗಿನ ಪಿಶಾಚಿಗಳಿಗೆ
ತಮ್ಮ ಪಾಡಿಗೆ ತಾವು ಆರಾಮವಾಗಿರುವಾಗ
ಕಲ್ಲು ಆಲಯಗಳು ಭೀತಗೊಳ್ಳುವವು
ಎಷ್ಟಾದರೂ ಸಾವಿನ ವ್ಯಾಪಾರಿಗಳು ನೀವು
ದಾರಿಯಲ್ಲಿ ಬಿದ್ದ ಕಳೇಬರಗಳ ಹೊತ್ತು ನಡೆಯುವವರು ನಾವು

ಹುಚ್ಚರ ದರ್ಬಾರಿನಲ್ಲಿ ದೂರು ಯಾರಿಗೆ ನೀಡೋಣ
ರಾಜಧಾನಿಯಿಂದ ಬಹಳ ದೂರ ನಾವು (ರಾಜಧಾನಿಯ ಬೀದಿಗಳಲ್ಲಿ)
ಈ ಕವಿತೆ ಬರೆದ ಕಾಲ ಸಹ ಮುಖ್ಯ, ಸಂಕಲನದಲ್ಲಿ ಸೇರುವ ಮುನ್ನ ಬರೆದಿರುವುದು ಎಂದು ಇಟ್ಟುಕೊಂಡರೂ, ಕವಿತೆ ಇವತ್ತಿನ ವರ್ತಮಾನದಲ್ಲಿ ಪ್ರಸ್ತುತವಾಗುತ್ತಿರುವುದು ಬಹುಮುಖ್ಯ. ಕವಿತೆಯೊಂದು ದೇಶದ ಕಾಲ ಮತ್ತು ಪ್ರಜ್ಞೆಯಲ್ಲಿ ಪ್ರವಹಿಸುವ ಬಗೆ ಇದು.
ಮತ್ತೊಂದು ಕವಿತೆ ಪ್ರಧಾನಿ ಮತ್ತು ವೇಶ್ಯೆ . ಕವಿ ಯಾವಾಗಲೂ ಅಧಿಕಾರ ಶಾಹಿಯಿಂದ ದೂರವೇ ಇರಬೇಕು. ಆತ ಸಾಮಾನ್ಯನರಲ್ಲಿ ಸಾಮಾನ್ಯರ ಜೊತೆ ಒಡನಾಟ ಇದ್ದಾಗಲೇ ಕವಿಯಾಗಲು ಸಾಧ್ಯ ಎಂಬುದಕ್ಕೆ ಈ ಕವಿತೆಯನ್ನು ಗಮನಿಸಬೇಕು.

ಒಂದೊಮ್ಮೆ
ಅವಕಾಶವಿದೆಯೆಂದಾದರೆ ಭೇಟಿಯಾಗಲು
ನಾನು ನನ್ನ ದೇಶದ ಪ್ರಧಾನಿಯನ್ನು
ಖಂಡಿತ ಭೇಡಿಯಾಗಲಿಕ್ಕಿಲ್ಲ ಬದಲಿಗೆ
ಬಯಸುತ್ತೇನೆ ಸಂಧಿಸಲು ಒಬ್ಬ ವೇಶ್ಯೆಯನ್ನು ……ಯಾಕೆ ಎಂಬುದಕ್ಕೆ ಕವಿತೆಯಲ್ಲಿ ಮುಂದೆ ಉತ್ತರವೂ ಇದೆ.

ಹೌದು
ಬೆಲ್ಲದ ಮಾತಾನಾಡಿ ಗಿರಾಕಿಗಳ ಬರಸೆಳೆಯುತ್ತಾಳೆ
ಆದರೆ ಗೊತ್ತಿರುತ್ತವೆ ಪ್ರಧಾನಿಗೆ ಗೊತ್ತಿರದ
ದೇಶ ದೇಹದ ಗುಹ್ಯ ಗುಟ್ಟುಗಳು
ಒಬ್ಬ ವೇಶ್ಯೆಗೆ
ತಂತ್ರವೂ ಗೊತ್ತಿಲ್ಲ ಮಂತ್ರವೂ ಗೊತ್ತಿಲ್ಲ
ನನ್ನ ಪ್ರಧಾನಿಗೆ ಅದೂ ಇಲ್ಲ
ದೇಶದ ಎಲ್ಲಾ ಪ್ರಜೆಗಳ ಯೋಗಕ್ಷೇಮ
ಯಾವಾಗ ವಿಚಾರಿಸಿಕೊಳ್ಳುತ್ತಾನೋ
ದೇವರೇ ಬಲ್ಲ

ವೇಶ್ಯೆ ತನ್ನ ಮೈಮಾಡಿಕೊಂಡರೆ
ಪ್ರಧಾನಿ ಜನರ ಕನಸು ಮಾರುತ್ತಾನೆ (ಪ್ರಧಾನಿ ಮತ್ತು ವೇಶ್ಯೆ)

ಭೂಗತರು ಕವಿತೆಯಲ್ಲಿ ಕವಿ ಆರೀಫ್ ಕಮ್ಯುನಿಜಂ ಮತ್ತು ಸಮಾನತೆಗೆ ಹಂಬಲಿಸಿರುವುದು ಕಾಣುತ್ತದೆ. ನಾವು ಬಂಡುಕೋರರು/ಹಾಗೆಂದಾಕ್ಷಣ ನಮ್ಮ ರಕ್ತ ಕಪ್ಪಲ್ಲ/ ನಿಮ್ಮ ಹಾಗೆ ಕೆಂಪಗೆ ಬೆಚ್ಚಗೆ ಇದೆ/
ನಮ್ಮ ಕೂಗಿಗೆ ಕಿವುಡಾದ ಹಾಗೆ ನಿಮ್ಮ ದೇವರು/ ನಿಮ್ಮ ಕೂಗಿಗೂ ನಿಮ್ಮ ದೇವರು ಕಿವುಡನೇ!
ಖಾಕಿ ಕಣ್ಣಿನ ತಲೆಹಿಡುಕರು/ಬೆನ್ನಿಗೆ ನಕ್ಷತ್ರ ಇಳಿಸುವ ಮುನ್ನ/ ಭೂಗತರು ನಾವು ಭೂಗತರು.

ಇದರ ಹೆಸರು ಏನೆಂದು ಕವಿತೆ ತೀರಾ ಸಂಕೀರ್ಣ, ಪ್ರೀತಿಯ ಬಗ್ಗೆ ಹೇಳುತ್ತಾರೋ, ಬಡತನದ ಬಗ್ಗೆ ಹೇಳುತ್ತಾರೋ, ಅನಾಥ ಅಲೆಮಾರಿಗಳ ಬಗ್ಗೆ, ಆಸ್ಪತ್ರೆಯಲ್ಲಿನ ಅಸಹಾಯಕರ ಬಗ್ಗೆ ಹೇಳುತ್ತಾರೋ… ಯಾವುದರ ಹುಡುಕಾಟದಲ್ಲಿ ಕವಿತೆ ಇದೆ ಎಂಬುದು ಒಮ್ಮೆಗೆ ದಕ್ಕಲಾರದು. ಮದವೇರಿದ ನದಿಯ ಜೋಗುಳ ಹಾಡಿ ಮಲಗಿಸಿದವಳು ನೀನು/ನೆಲಕ್ಕೆ ಬೇರುಬಿಟ್ಟ ತಾಯೇ/ನಿನ್ನ ಕೂಸಿನ ತೊಟ್ಟಿಲು ಎಲ್ಲಿ/ ನಿನ್ನ ಮಮತೆಯ ಮಡಿಲು ಎಲ್ಲಿ/ ಮಗು ತಾಯಿಯನ್ನು ಮನುಷ್ಯ ದೇವರನ್ನು/ಯಾರು ಯಾರನ್ನು ಕ್ಷಮಿಸಬೇಕೋ ತಿಳಿಯುತ್ತಿಲ್ಲ/ ಇದರ ಹೆಸರು ಏನೆಂದು ನನಗೆ ಗೊತ್ತಿಲ್ಲ/ (ಇದರ ಹೆಸರು ಏನೆಂದು)

ನನ್ನ ನಿನ್ನ ಭೇಟಿ ಎಂಬ ಕವತೆಯಲ್ಲಿ ಪ್ರೇಮದ ನವಿರುತನ ಹೊರ ಹೊಮ್ಮಿದ ಬಗೆ ಆದ್ರತೆಯಿಂದ ತಟ್ಟುತ್ತದೆ. ನಮ್ಮಿಬ್ಬರ ಭೇಟಿ ಹೀಗಿರದಿದ್ದರೆ ಹೇಗಿರಬಹುದಿತ್ತು/ಬಹುಶಃ/ ನಸುಕಿನ ಬೆಳ್ಳಿಚುಕ್ಕಿಯಂತಿರಬಹುದಿತ್ತು/ಪುನುಗುಬೆಕ್ಕು ಪಾದಸೋಕಿಸದೆ ನಡೆದು/ಪರಿಮಳವನ್ನಷ್ಟೇ ನೆಲದ ಮೇಲೆ ಉಳಿಸಿಹೋದಂತಿರಬಹುದಿತ್ತು.

ನನ್ನ ನಿನ್ನ ನಡುವೆ ಎಂಬ ಕವಿತೆಯಲ್ಲಿ ನನ್ನ ನಿನ್ನ ನಡುವೆ ಹೀಗಾಗಬಾರದು ಸಖಿ/ ನೀ ಸತ್ತರೆ ಸುಡುತ್ತಾರೆ/ ನಾ ಸತ್ತರೆ ಹೂಳುತ್ತಾರೆ/ ನಿನ್ನ ಉಸಿರ ಉಬ್ಬಸ /ರಂಗೋಲಿ ಬೆರಳುಗಳು/ಮುತ್ತುಗಳ ಬೈತಿಟ್ಟುಕೊಂಡ ತುಟಿ/ ಮತ್ತೆ, ನಾನೇ ಕೈಯಾರೆ ತೊಡಿಸಿದ ಮೂಗುತಿ/ ನನ್ನ ನಿನ್ನ ನಡುವೆ ಇದ್ದ ಆಯೋಧ್ಯೆ / ಎಲ್ಲಾ ಎಲ್ಲಾ ಭಸ್ಮವಾಗುತ್ತವೆ/ ಒಂದು ದಿನ ಸಾಯಂಕಾಲ/ ಎನ್ನುವಲ್ಲಿ ಪ್ರೀತಿಗೆ ಧರ್ಮದ ಗಡಿ ಅಡ್ಡಿಯಾಗಿದೆ ಎಂಬುದನ್ನು ಕವಿತೆ ಸಾರುತ್ತಲೇ ಎಲ್ಲವೂ ಒಂದು ದಿನ ಇಲ್ಲವಾಗುತ್ತವೆ ಎಂಬ ನೋವು ಇಣುಕಿದೆ.

ಪ್ರತಿಮೆಗಳು ಈ ಸಂಕಲನದಲ್ಲಿ ಅಚ್ಚರಿ ಹುಟ್ಟಿಸುವಂತಿವೆ. ನದಿಯೊಂದು ತಂತಿಯ ಮೇಲೆ ನಡೆದಂತೆ/ಜಲದ ಕಂಬಗಳ ಹೂತು/ ಎಲೆಗಳು ಉದುರಿವೆ ಹಳದಿ ಚಿಟ್ಟೆಗಳಾಗಿ/ ಹಾದರಗಿತ್ತಿ ಕೋಗಿಲೆಗೆ ಹಾಡಲು ಹೇಳಿ/ಬಿಸಲು ತಲವಾರು ಝಳಪಿಸಿ ಒಡೆದ ಕನ್ನಡಿ ಚೂರು/ ಕರೆಂಟು ತಂತಿಯ ಮೇಲೆ ಒಂಟಿ ಬುದ್ಧನ ಹಾಗೆ/ಬೋಧಿ ವೃಕ್ಷವೆಂಬಂತೆ ಕೂತ ಕಾಗೆ/ತಾಯಿತನ ಹೆಣ್ಣಿಗೆ/ತಬ್ಬಲಿತನ ಗಂಡಿಗೆ/ಬುದ್ಧನೆಂದರೆ ತಳವಿರದ ತತ್ರಾಣಿ/ ಹೀಗೆ ಬೆಂಕಿಗೆ ತೊಡಿಸಿದ ಬಟ್ಟೆಯಲ್ಲಿನ ಕವಿತೆಗಳಲ್ಲಿ ಕಾವ್ಯದ ಶಕ್ತಿ ಹೇಳುವ ಸಾಲುಗಳು ಕಾಣಸಿಗುತ್ತವೆ. ಅರೀಫ್‍ರ ಹುಲಿಯ ಹೆಜ್ಜೆಗಳ ಹಾಗೆ ಕವಿತೆಯಲ್ಲಿನ ಬೆನ್ನುತಿರುಗಿಸಿ ಮರೆಯಾಗುವುದು ಮೋಜು ಎನಿಸುತ್ತಿತ್ತು/ ನಿನ್ನ ನಿತಂಬ ನನ್ನ ನೋಡಿ ತಮಾಷೆ ಮಾಡಿ ನಗುತ್ತಿತ್ತು/ ನಾನು ಹೇಗೆ ಹೇಳಲಿ ನನ್ನ ಮೋಹದ ಹೆಂಗಸೆ ನಿನಗೆ/ ಎಂದು ಓದುವಾಗ ಬೋದಿಲೇರ್‍ನ ನೆನಪಾಗುತ್ತದೆ. ಹಲವು ಸಂಸ್ಕೃತಿಗಳ ಮಿಶ್ರಣದ ಅಭಿವ್ಯಕ್ತಿ ಎನ್ನುವಂತಿರುವ ಅರೀಫ್ ಕಾವ್ಯ ಬಿಸಿಲ ನಾಡಿನಲ್ಲಿ ನೆರಳು ನೀಡುವ ಒಂಟಿ ಮರದಂತೆ ಕಾಣುತ್ತದೆ.

————-

ನಾಗರಾಜ್ ಹರಪನಹಳ್ಳಿ

nhಹರಪನಹಳ್ಳಿ ಹುಟ್ಟೂರು. ಹರಪನಹಳ್ಳಿ ತಾಲೂಕಿನ ಮೈದೂರು-ಚಿಗಟೇರಿ  ಬೆಳೆದ ಊರು. ಪಿಯು ಓದಿದ್ದು ಕೊಟ್ಟೂರಿನಲ್ಲಿ. ಧಾರವಾಡದ ಕರ್ನಾಟಕ ಕಾಲೇಜಿನಲ್ಲಿ ಬಿ.ಎ., ಕವಿವಿಯಲ್ಲಿ ಕನ್ನಡ ವಿಷಯದಲ್ಲಿ ಸ್ನಾತಕೋತ್ತರ ಪದವಿ. ದಾವಣಗೆರೆ, ಸದಾಶಿವಗಡ ಮತ್ತು ಭಟ್ಕಳದಲ್ಲಿ ಕನ್ನಡ ಉಪನ್ಯಾಸಕರಾಗಿ ಕೆಲಸ ನಿರ್ವಹಿಸಿ, ಸದ್ಯ ಕಾರವಾರದಲ್ಲಿ ಪತ್ರಕರ್ತರಾಗಿ ಕೆಲಸ ಮಾಡುತ್ತಿದ್ದಾರೆ. ಜನವಾಹಿನಿ, ಜನಾಂತರಂಗ, ಲೋಕದರ್ಶನ ಪತ್ರಿಕೆಗಳಲ್ಲಿ ಕಾರ್ಯನಿರ್ವಹಿಸಿದ  ಇವರು, ಈ ಟಿವಿ ಕನ್ನಡ ನ್ಯೂಸ್ ಚಾನೆಲ್ಲಿಗೆ ವರದಿಗಾರಿಕೆ ಬಳಿಕ ಈಗ ಉದಯವಾಣಿ ಪತ್ರಿಕೆಗೆ ವರದಿಗಾರರಾಗಿದ್ದಾರೆ. 2009ರಲ್ಲಿ ‘ಕಡಲದಂಡೆಗೆ ಬಂದ ಬಯಲು’ ಎಂಬ ಕಥಾ ಸಂಕಲನ, 2013ರಲ್ಲಿ ‘ಬಿಸಿಲ ಬಯಲ ಕಡಲು’ ಎಂಬ ಕವಿತಾ ಸಂಕಲನ ಪ್ರಕಟಣೆ.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಅಜ್ಜಿಗೇನು ಬೇಕು ಅಂತ ಅಜ್ಜಂಗೇನು ಗೊತ್ತು!

            ಕಥನ         ಅಜ್ಜ ಪೆನ್ಷನ್ ತರೋದಕ್ಕೆ ಅಂತ ಪೇಟೆಗೆ ಹೋಗಿದ್ದ. ಅಷ್ಟರಲ್ಲಿ ಮನೆ ಬಾಗಿಲಲ್ಲಿ ಕಾರು ಬಂದು ನಿಂತಿತು. ಕಾರಲ್ಲಿ ಅಜ್ಜಿಯ ಮಗ, ಸೊಸೆ ಮತ್ತೆ ಆರು ವರ್ಷದ ಮೊಮ್ಮಗ ಬಂದಿದ್ರು. ಅಜ್ಜಿಗೆ ಖುಷಿ ತಡೆಯಕ್ಕಾಗದೇ ಅಡಿಗೆ ಮನೆ ಸಂದಿ ಮೂಲೇನೆಲ್ಲಾ ಹುಡುಕಿದ್ಲು. ದಡಾ ಬಡಾ ಸದ್ದು ಮಾಡಿದ್ಲು, ಸರಾಪರಾ ಸದ್ದು ಮಾಡಿದ್ಲು. ಅಡುಗೆ ಮನೆಯಿಂದ ಕೊತಾಕೊತಾ ಸದ್ದು ...

  • 3 days ago No comment

    ವಸಂತದ ನೆನಪು; ಮಾಗುವ ಹುರುಪು!

      ಜಗತ್ತಿನ ಬಗ್ಗೆ ತಿಳಿಯುತ್ತ ಸಾಗಿ, ನಮಗೆ ಈ ಜಗತ್ತು ಹೀಗೆ ನಡೆಯುತ್ತಿದೆ ಅಂತ ಅರಿತುಕೊಳ್ಳುವವರೆಗಿನದು ಮಧ್ಯವಯಸ್ಸಿನ ಕಾಲ. ನಾವು ಅಲ್ಲಿಯವರೆಗೆ, ಕಲಿತದ್ದು, ಕೇಳಿದ್ದು, ನಮಗೆ ತಿಳಿದಿದ್ದು ಎಲ್ಲವೂ ಬದಲಾಗುವ ವೇಳೆಗೆ ನಮಗೆ ವಯಸ್ಸಾಗಿಬಿಟ್ಟಿರುತ್ತದೆ. ಕಾಲದಲ್ಲಿ ಹೊಸ ಚಿಗುರು ಟಿಸಿಲೊಡೆದಿರುತ್ತದೆ.     ಕುಣಿದಾಡುವಷ್ಟು ಚೈತನ್ಯವಿರುವ ಯೌವನಕ್ಕೂ, ಕುಂದಿದ ಶಕ್ತಿಯ ಇಳಿಗಾಲದ ವೃದ್ಧಾಪ್ಯಕ್ಕೂ ನಡುವೆ ಬರುವುದು ಮಧ್ಯವಯಸ್ಸು! ಹುಟ್ಟು, ಬದುಕು ,ಸಾವು ಎಲ್ಲರಿಗೂ ಬರುತ್ತದೆ. ಬದುಕನ್ನು ಹಲವರು ಸಾಧನೆಗಳ ...

  • 3 days ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಬಂಗಾರದ ಹೊಳಪು, ಬೇಗುದಿಯ ನೆನಪು…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 1 week ago No comment

    ಪ್ರಸಾದ್ ನಾಯ್ಕ್ ಪಟ್ಟಾಂಗ | ನನಗೂ ಒಬ್ಬ ಗೆಳೆಯ ಬೇಕು…

    ಆ ಘಟನೆಯನ್ನು ನೆನಪಿಸಿಕೊಂಡಾಗಲೆಲ್ಲಾ ಈಗಲೂ ನಗು ಉಕ್ಕುಕ್ಕಿ ಬರುತ್ತದೆ. ಅಂದು ವಿಚಿತ್ರ ಘಟನೆಯೊಂದು ನಡೆದಿತ್ತು. ಅವು ನನ್ನ ಕಾಲೇಜಿನ ದಿನಗಳು. ಮಂಗಳೂರಿನ ಶಾಪಿಂಗ್ ಮಾಲ್ ಒಂದಕ್ಕೆ ಮಧ್ಯಾಹ್ನದ ಊಟಕ್ಕೆಂದು ಬಂದಿದ್ದ ನಾನು ಫುಡ್ ಕೋರ್ಟಿನಲ್ಲಿ ಸುಮ್ಮನೆ ಅಡ್ಡಾಡುತ್ತಿದ್ದೆ. ಎತ್ತ ಹೋಗಬೇಕೆಂದು ತಿಳಿಯದೆ ಸುಮ್ಮನೆ ಒಂದು ಕೌಂಟರಿನತ್ತ ನಡೆದು ಬೇಕಿದ್ದದ್ದನ್ನು ಆರ್ಡರ್ ಮಾಡಿದೆ. ಕೆಲಸವಿಲ್ಲದೆ ನೊಣ ಹೊಡೆಯುತ್ತಿದ್ದ ಆ ಹೆಂಗಸಿಗೆ ನನ್ನ ಆಗಮನವು ಅಂಥಾ ಉತ್ಸಾಹವೇನೂ ತರಲಿಲ್ಲವಾದರೂ ನಾನು ಹೇಳಿದ್ದನ್ನೆಲ್ಲಾ ...

  • 1 week ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಭಕ್ತಿಯ ಉಬ್ಬರ… ವ್ಯಾಪಾರದ ಸಡಗರ…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...


Editor's Wall

  • 11 May 2018
    1 month ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    1 month ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    2 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    2 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...