Share

ಮಳೆ ನಿಲ್ಲುವವರೆಗೆ…
ಸುಧಾ ಶರ್ಮ ಚವತ್ತಿ ಕಾಲಂ

 

 

 

 

 

ಬೆಂಗಳೂರಿನ ಈ ತಿಕ್ಕಲು ಮಳೆಯನ್ನು ನೋಡಿದಾಗ ನಮಗೆಲ್ಲರಿಗೂ ನಮ್ಮ ಬಾಲ್ಯದ ಮಳೆಗಾಲ ನೆನಪಿಗೆ ಬಾರದೆ ಇರದು. ಮಳೆ ಎಂದರೆ ಬರೀ ಮಳೆ. ಜೋರು ನೆಗಸು, ಹೊಳೆಯಲ್ಲಿ ಹರಿಯುವ ಕೆಂಪು ನೀರು, ಕೊಚ್ಚಿಹೋಗುವ ಗಿಡ ಗಂಟೆ, ಗುಡಿಸಲು, ರುದ್ರ ರಮಣೀಯ. ಮಳೆ ಬಂತೆಂದು ಶಾಲೆಗೆ ರಜ ಕೊಡುವ ಮಜ ಮಾತ್ರ ಮಲೆನಾಡಿಗರ ಪುಣ್ಯ. ಈಗೇನೋ ಮಲೆನಾಡಿನಲ್ಲಿಯೇ ಮಳೆ ಇಲ್ಲ ಎನ್ನುವ ವರದಿ.

ಮಳೆ ಬಂತೆಂದು ದಾರಿಯಲ್ಲಿಯೇ ನಿಂತು ಕೊಡೆಯಲ್ಲಿಯೇ ಒದ್ದೆಯಾಗುವುದು ಇನ್ನೊಂದು ಖುಷಿ. ಆಕಾಶವೇ ತೂತಾದ ಹಾಗೆ ಸುರಿಯುತ್ತಿರುವ ಮಳೆಗೆ ಕೊಡೆ ಹಿಡಿದು ಎಲ್ಲಿಯೋ ಸಿಕ್ಕ ಪುಟ್ಟ ಜಾಗದಲ್ಲಿ ಕಿಕ್ಕಿರಿದು ನಿಂತು ಮಳೆ ನಿಲ್ಲುವವರೆಗೆ ಕಾಯುವುದು ಒಂದು ಸುಖವೇ.

ಬೆಂಗಳೂರಿನಲ್ಲಿ ಕಳೆದ ಒಂದೆರಡು ದಿನಗಳಿಂದ ಬರುತ್ತಿರುವ ಮಳೆಯ ಛಂದ ಮಾತ್ರ ಆ ದೇವರಿಗೇ ಪ್ರೀತಿ. ಬಿಸಿಲೆಂದರೆ ಕಡು ಬಿಸಿಲು ಸುರಿಸಿ, ಬಂದ ಬಿಸಿಲು ಸುಳ್ಳೇನೋ ಎನ್ನುವಷ್ಟು ಮಳೆ ಚೆಲ್ಲಿ ಕ್ಷಣಾರ್ಧದಲ್ಲಿ ಇಡೀ ಜನಜೀವನವನ್ನು ಚೆಲ್ಲಾ ಪಿಲ್ಲಿ ಮಾಡಿ ಬಂದೇ ಇರದಂತೆ ವಾಪಸ್ ಆಗುವುದು. ಸ್ವಲ್ಪ ಮಾತ್ರವೂ ಸುಳಿವು ಕೊಡದಂತೆ ಇದ್ದಕ್ಕಿದ್ದಂತೆ ಬರುತ್ತಿರುವ ಮಳೆಯ ಬಗೆಗೆ ಈಗೀಗ ಹವಾಮಾನ ವರದಿಗಳು ನಿಜವಾಗುತ್ತಿದೆ.

ಯಾಕೆ ಇಷ್ಟೆಲ್ಲ ನೆನಪಾಯಿತು ಎಂದರೆ, ನಮಗೆ ಏನಾದರೂ ಕೆಲಸ ತಟ್ಟನೆ ಆಗಬೇಕು. ಬೇಗ ಬೇಗ ಮುಗಿಯಬೇಕು. ಹೀಗೆ ಬರೆಯುತ್ತಿರುವಾಗಲೇ ಮೆಟ್ರೋದಲ್ಲಿ ಪ್ರಯಾಣಿಸಲು ಓಡಿ ಹೋಗುತ್ತಿರುವ ಹುಡುಗ ಹುಡುಗಿಯರು ನೆನಪಾದರು. ಕೆಲವೇ ನಿಮಿಷಗಳಿಗೊಂದು ಮೆಟ್ರೋ ಟ್ರೇನ್ ಇದೆ. ಮೆಟ್ರೋ ಸ್ಟೇಷನ್ ಒಳಗೆ ಬರುತ್ತಿದ್ದಂತೆ ಈ ಹುಡುಗ ಹುಡುಗಿಯರು ಕಾಲಿಗೆ ಮಾತ್ರವಲ್ಲ, ಮನಸ್ಸಿಗೂ ಓಡುವ ಚಕ್ರ ಕಟ್ಟಿಕೊಂಡಿರುತ್ತಾರೆ. ಒಂದು ಚಡಪಡಿಕೆ, ಏನೋ ತಹ ತಹ. ಮೆಟ್ರೋ ಟ್ರೇನ್ ಬರಬೇಕು. ತಕ್ಷಣ ಹತ್ತಬೇಕು. ಹತ್ತಿ ಸೀಟ್ ಹಿಡಿದು ಕುಳಿತುಕೊಂಡು ಕೈಗೆ ಮೊಬೈಲ್ ತಂದುಕೊಳ್ಳಬೇಕು. ಯಾಕೆ ಈ ಹುಡುಗ ಹುಡುಗಿಯರು ಸುತ್ತ ಮುತ್ತಲೂ ನೋಡುತ್ತ, ಸ್ವಲ್ಪ ಆರಾಮವಾಗಿ ಹೋಗುತ್ತಿಲ್ಲ. ಇವರ ಈ ದೇಹಕ್ಕೆ ಇಷ್ಟು ವೇಗ ಇರಬೇಕಾದರೆ ಇವರ ಮನಸ್ಸಿಗೆ ಇನ್ನೆಂತಹ ಆವೇಗ ಇರಬೇಡ.

ನಾವು ಯೋಚಿಸುವ ವೇಗಕ್ಕೆ ಎಲ್ಲವೂ ಆಗಬೇಕೆನ್ನುವ, ಬಹಳ ಸ್ಪೀಡ್ ಆದ ಕಾಲದಲ್ಲಿ ಇದ್ದೇವೆ. ನಮ್ಮ ಬೆರಳ ತುದಿಯಲ್ಲಿಯೇ ಸಕಲವೂ ಇರುವಾಗ ಇಂತಹ ವೇಗ, ಭರಾಟೆ ಸಹಜವೇನೋ. ಯಾಕೆ ಎಲ್ಲವೂ ಇಷ್ಟು ನಿಧಾನ ಎಂದು ಅನ್ನಿಸೋದು ತಪ್ಪಲ್ಲ. ಅಂದುಕೊಂಡಿದ್ದೆಲ್ಲ ನಿಧಾನ ಆಗುತ್ತಿದೆ ಎಂಬ ನಮಗೆ ಗೊತ್ತಿಲ್ಲದ ಅಸಹನೆ ಆವರಿಸಿರುತ್ತದೆ. ಇದನ್ನ ಅಸಹನೆ ಎನ್ನಲೋ, ಅಸಹಾಯಕತೆ ಎನ್ನಲೋ ಗೊತ್ತಿಲ್ಲ. ಎಷ್ಟೋ ಸಂದರ್ಭಗಳಲ್ಲಿ ಇದು ಮೈ ಪರಚಿಕೊಳ್ಳುವಷ್ಟು ಸಿಟ್ಟು, ಕೋಪವನ್ನು ತರುತ್ತದೆ.

ಮೊನ್ನೆ ಇದ್ದಕ್ಕಿದ್ದ ಹಾಗೆ ಮಳೆ ಸುರಿಯಿತು. ಮಳೆ ನೋಡುತ್ತ ಕೂತೆ ಎಷ್ಟೋ ಹೊತ್ತಿನವರೆಗೆ. ಆ ನಂತರ ಮಳೆ ಮುಗಿಯಿತು, ಮಳೆಯ ಬೆನ್ನಲ್ಲೇ ಎಂತಹ ಬಿಸಿಲು ಬಂತು ಎಂದರೆ ಮುಗಿದ ಮಳೆಗೆ ಹುಟ್ಟಿದ ಬಿಸಿಲಿನ ಬಂಗಾರದ ಹೊಳಪು ತುಂಬ ಹಿತವೆನ್ನಿಸಿತು. ಇಷ್ಟು ಹೊತ್ತು ಮಳೆ ನೋಡಿದೆ, ಈಗ ಬಿಸಿಲನ್ನೂ ನೋಡೋಣ ಎನ್ನಿಸುವಷ್ಟು, ಹೀಗೆ ಸುಮ್ಮನೆ ಕುಳಿತಾಗಲೂ ಎಲ್ಲವೂ ತನ್ನ ಪಾಡಿಗೆ ತಾನು ನಿಶ್ಚಿಂತವಾಗಿತ್ತು. ನಾವು ಮಾತ್ರ ಏನೇನೋ ಮೈಮೇಲೆ ಎಳೆದುಕೊಂಡು ಮೈಮರೆತು ಮಗ್ನರಾಗುವುದೇ ಇಲ್ಲವಲ್ಲಾ. ಅಷ್ಟೇ ಅಲ್ಲ ನಾವು ಸುಮ್ಮನೆ ಮಳೆಯನ್ನು, ಬಿಸಿಲನ್ನು ಗಮನಿಸಿದರೆ ಸಾಕು ಅದರ ಪಾಡಿಗೆ ಅದು ಆಗತಾ ಇದೆ. ಯಾಕೋ ಇದನ್ನ ಗಮನಿಸುತ್ತಿರುವಂತೆ ಜೀವನದಲ್ಲಿ ಎಷ್ಟೋ ಸನ್ನಿವೇಶಗಳಿಗೆ. ಸಂದರ್ಭಗಳಿಗೆ ನಾವು ಸುಮ್ಮನೆ ಗಮನಿಸಿದರೆ ಸಾಕು. ನಾವು ಏನನ್ನೋ ಮಾಡುತ್ತೇವೆ, ಮಾಡಿಯೇ ಬಿಡುತ್ತೇವೆ ಎನ್ನುವುದಕ್ಕಿಂತ ಸುಮ್ಮನೇ ಇದ್ದರೂ ತನ್ನಪಾಡಿಗೆ ತಾನು ಆಗುವ ಕೆಲಸಗಳು ಎಷ್ಟೋ ಇವೆ.

ಮಳೆ ಬಂತು ಹಾಗೆ ಬೆನ್ನಲ್ಲಿ ಬಿಸಿಲೂ ಬರುತ್ತದೆ. ನಮ್ಮೊಳಗೆ ಮಳೆಯನ್ನು ನೋಡುವ, ಬಿಸಿಲನ್ನು ಆಸ್ವಾದಿಸುವ ಸಹಜ ತಾಳ್ಮೆ ಇದ್ದರೆ ಸಾಕು. ಒಂದಾದ ನಂತರ ಇನ್ನೊಂದು ಎನ್ನುವ ನಂಬಿಕೆ ಬಲಿತರೆ ಸಾಕು. ಕಷ್ಟಕ್ಕೂ, ಸುಖಕ್ಕೂ ಇದೇ ಉತ್ತರ. ಹಾಗೆ ನೋಡಿದರೆ ಇದುವೇ ನಾವು ಏರಬಹುದಾದ ಎತ್ತರ.

ನಮಗೆ ಇನ್ನೆಂತಹ ಅವಸರ, ಧಾವಂತ, ಬೆರಳ ತುದಿಯಲ್ಲಿನ ಕ್ಷಣದ ಜೊತೆಗಿನ ಓಟ ಎಂದರೆ ನಾವು ಒಂದು ಪೋಸ್ಟ್ ಹಾಕಿ ಇನ್ನೂ ಸರಿಯಾಗಿ 10 ಸೆಕೆಂಡ್ ಆಗಿರುವುದಿಲ್ಲ. ಯಾರು ಮೆಚ್ಚಿಕೊಂಡರು ಏನು ಪ್ರತಿಕ್ರಿಯಿಸಿದರು ಎಂದು ತಿಳಿಯುವ ಕುತೂಹಲ ಶುರು. ಅಂದರೆ ಅಂತಹ ತೀವ್ರ ತಹ ತಹ. ಹುಷಾರಿಲ್ಲವಾ ವೈದ್ಯರ ಮುಂದೆ ಕೂತು ಎದ್ದು ಬಂದ ತಕ್ಷಣ ವಾಸಿ ಆಗಿಬಿಡಬೇಕು. ಅಷ್ಟು ಕ್ಷಿಪ್ರ. ಇದೊಂದೇ ವಿಷಯ ಅಲ್ಲ ಎಲ್ಲವುಗಳಿಗೂ ನಮಗೆ ಇಂತಹದೇ ವೇಗ. ಒಂದರೆಗಳಿಗೆ ಕಾಯುವ ತಾಳ್ಮೆ ಇಲ್ಲ. ಇದಕ್ಕೆ ನಾನೂ ಹೊರತಾಗಿಲ್ಲ. ಈಗ ತಾಳ್ಮೆ ತಂದುಕೊಳ್ಳಲು ನನಗೆ ನಾನೇ ಹೇಳಿಕೊಂಡೆ. ಮಳೆ ನಿಲ್ಲುವವರೆಗೆ ಕಾಯುವ ಹಾಗೆ. ತನ್ನಿಂದ ತಾನೇ ಎಲ್ಲ ಆಗತ್ತಲ್ಲಾ ಹಾಗೆ ಆಗುವವರೆಗೂ ಕಾಯಬೇಕು.

ಒಂದೆಡೆ ಕೂತು ಸುಮ್ಮನೇ ಒಳಗನ್ನು ಗಮನಿಸಿದರೆ ಅದೇ ಧ್ಯಾನವಂತೆ. ಎಷ್ಟೋ ವಿಷಯಗಳನ್ನು, ಸಮಸ್ಯೆಗಳನ್ನು, ಸನ್ನಿವೇಶಗಳನ್ನು ಸುಮ್ಮನೇ ಸಾಕ್ಷೀ ಭಾವದಿಂದ ಗಮನಿಸಿದರೂ ಸಾಕು ಅದಕ್ಕೆ ಪರಿಹಾರ ಕಾಲ ಬುಡದಲ್ಲಿಯೇ ಇರುತ್ತದೆ. ಇದು ಅಭ್ಯಾಸವಾಗಬೇಕು.

ಸುರಿವ ಮಳೆ ನಿಲ್ಲುವವರೆಗೆ ಕಾಯುವುದು ಕೇವಲ ತಾಳ್ಮೆ ಅಲ್ಲ. ಪ್ರೀತಿಯೂ ಹೌದು.

————-

ಸುಧಾ ಶರ್ಮಾ ಚವತ್ತಿ

286637_218799308166417_3412973_o[1]“ಒದ್ದೆ ಕಣ್ಣುಗಳ ಪ್ರೀತಿ” ಕವನ ಸಂಕಲನದ ಮೂಲಕ ಭರವಸೆ ಹುಟ್ಟಿಸಿದ ಸುಧಾ ಶರ್ಮಾ ಚವತ್ತಿ ಮುದ್ರಣ ಮತ್ತು ದೃಶ್ಯ ಮಾಧ್ಯಮಗಳೆರಡರಲ್ಲೂ ಪರಿಣಿತರು. ಪತ್ರಿಕೆಗಳಲ್ಲಿ ಲೇಖನ, ಅಂಕಣಗಳ ಮೂಲಕ ಪರಿಚಿತರು. “ಆವಿಯಾಗಿದೆ ಮಾತು” (ಮಲ್ಲಿಗೆ), “ಷೇರೆಂಬ ಮಾಯಾಂಗನೆ” ( ವಿಜಯ ಕರ್ನಾಟಕ ), “ಪ್ರಾಫಿಟ್ ಪ್ಲಸ್” (ವಿಜಯವಾಣಿ) ಪ್ರಕಟಿತ ಅಂಕಣಗಳು. ಕಿರುತೆರೆ ಕಾರ್ಯರ್ಕಮಗಳ ನಿರ್ದೇಶನ, ನಿರ್ಮಾಣ, ನಿರೂಪಣೆಯ ಅನುಭವ. ಈಗ ಸಾಕ್ಷ್ಯಚಿತ್ರ ನಿರ್ಮಾಣದಲ್ಲಿ ಹೆಚ್ಚಾಗಿ ತೊಡಗಿಕೊಂಡಿದ್ದಾರೆ. ಹಲವಾರು ಸಂಘ ಸಂಸ್ಥೆಗಳಲ್ಲಿ ಸಕ್ರಿಯವಾಗಿರುವ ಇವರು ಉತ್ತಮ ವಾಗ್ಮಿ. ಸಮೂಹ ಮಾತುಗಾರಿಕೆಯೂ ಇವರ ಉತ್ಕಟ ಪ್ರೀತಿಗಳಲ್ಲಿ ಒಂದು.

Share

One Comment For "ಮಳೆ ನಿಲ್ಲುವವರೆಗೆ…
ಸುಧಾ ಶರ್ಮ ಚವತ್ತಿ ಕಾಲಂ
"

  1. nagraj Harapanahalli
    23rd August 2017

    ಮಳೆ ಬಗ್ಗೆ ಬರೆಯುತ್ತಾ ಮನಸ್ಸಿನ ಕುರಿತು ಬರೆದ ಬರಹ ಇದು. ಕರಾವಳಿ ,ಮಲೆನಾಡಿನ ಮಳೆ ಈಗ ಮೊದಲಿನಂತಿಲ್ಲ. ಈಗ ಅದಕ್ಕೂ ಅವಸರ. ಈಚೆಗೆ ಬಿದ್ದ ಒಂದೆರಡು ದೀರ್ಘ ಮಳೆಯನ್ನು ಖುಷಿಯಿಂದ ಗಮನಿಸಿದಾಗ ಒಂದೆರಡು ಕವಿತೆ ಹುಟ್ಟಿದ್ದವು.ದಂಂಡೆ ಕಾಡಿದಷ್ಟೇ ಮಳೆ ನನ್ನನ್ನು ಕಾಡಿದೆ. ನಿಮ್ಮ ಲೇಖನ ಪುಟ್ಟದಾಗಿ ಒಂದು ಚೆಂದ ಹಾಡಿನಂತಿದೆ.

    Reply

Leave a comment

Your email address will not be published. Required fields are marked *

Recent Posts More

  • 2 days ago No comment

    ಕವಿಸಾಲು | ಕೈಗಳ ಚಾಚಿ ನೋಡು

        ಕವಿಸಾಲು         ಕಟ್ಟಿಕೊಂಡ ಚೌಕಟ್ಟುಗಳ ಮುರಿದುಬಿಡು ಹರಿಯಬಿಡು ಬಿಳಿ ಗೆಣ್ಣುಗಳಿಗೆ ಮೈಯ ತುಂಬ ಹರಿವ ಮಿಂಚುಗಳನು ತುಂಬಿಕೊಳ್ಳಲಿ ರಕ್ತ, ಮಾಂಸಕ್ಕೆ ಮತ್ತೊಮ್ಮೆ ಭಾವಗಳು ಸುಖಿಸಲಿ ಬೊಗಸೆ ತುಂಬ ಬಿಗಿಯಾಗಿ ಮುಚ್ಚಿದ ಮುಷ್ಠಿಯನ್ನು ಬಿಚ್ಚಿ ಒಮ್ಮೆ ನನಗೆ ತೋರಿಸಿಬಿಡು ಬಚ್ಚಿಟ್ಟುಕೊಂಡಿರುವುದು ನಿನ್ನನ್ನೋ ಕಳೆದುಹೋದರೆ ಎಂಬ ಭಯದಲ್ಲಿ ಭದ್ರವಾಗಿ ಹಿಡಿದ ನೆನಪುಗಳನ್ನೋ ಚೆನ್ನಾಗಿ ಗೊತ್ತು ನಿನ್ನ ಬೆಳಗಾಗುವುದು ಆ ಹಸ್ತ ದರ್ಶನದಲಿ ರಾತ್ರಿಯಾಗುವುದು ಅದೇ ...

  • 5 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 2 weeks ago No comment

    ಕಥನ | ಮುಕ್ತಾಯ

      ಕಥನ       ದಿನದ ಮುಕ್ತಾಯಕ್ಕೆ ಡೈರಿ ಬರೆಯುವುದೊಂದು ಚಟ ನನ್ನ ಪಾಲಿಗೆ. ಅದೆಷ್ಟೋ ಸುಳ್ಳುಗಳನ್ನು ಬರೆದ ಈ ಪಾಪಿ ಕೈಗಳು ಸತ್ಯವನ್ನು ಬರೆಯುವುದು ಇಲ್ಲಿ ಮಾತ್ರ. ಅಂದ ಹಾಗೆ ಇಂದು ಈ ದಿನದ ಮುಕ್ತಾಯವಷ್ಟೇ ಅಲ್ಲ ನನ್ನ ಜೀವನದ್ದೂ ಕೂಡಾ. ರಣರಂಗದಲ್ಲಿ ವೈರಿಗಳೊಡನೆ ಕಾದಾಡುವಾಗ, ಅದೆಷ್ಟೋ ಸೈನಿಕರ ಛಿದ್ರವಾದ ಶವಗಳನ್ನು ಮಣ್ಣು ಮಾಡಿ ಎದೆಗುಂದಿದಾಗ, ಯುಧ್ಧಖೈದಿಯಾಗಿ ಶತ್ರುದೇಶಕ್ಕೆ ಸೆರೆಸಿಕ್ಕಿ ಅವರು ಕೊಟ್ಟ ಚಿತ್ರಹಿಂಸೆಗಳನ್ನು ಅನುಭವಿಸಿದಾಗ ...

  • 2 weeks ago No comment

    ಕವಿಸಾಲು | ಕಾಡುತ್ತಿರು ಆಗಾಗ ನೀನು

        ಕವಿಸಾಲು         ಎಷ್ಟೊಂದು ಸಾರಿ ಮಾತಾಡುತ್ತಿದ್ದೆ ನಿನ್ನೊಡನೆ ಕೂತು ಗಿಡ, ಬಳ್ಳಿ, ಮರ ಮೋಡಗಳನು ಮನ ಮುಟ್ಟುವ ಪ್ರತಿ ಅಲೆಗಳನು ಕರೆದು ಮಾತಾಡಿಸುತ್ತಿದ್ದೆವು ಹದವಾಗಿ ಬೆರೆತು ರಾತ್ರೋ ರಾತ್ರಿಯ ಕಪ್ಪಿನಲಿ ಕೌತುಕದ ಅಪ್ಪುಗೆಯಲಿ ನಡುಗುವ ಚಳಿಯಲಿ ಒಂದಾಗಿ ಬೆಚ್ಚಗೆ ಕುಳಿತು ಕರಿ ಗಿರಿಶಿಖರಗಳ ಬೆಳ್ಳಿರೇಖೆಗಳನು ಫಳ್ಳನೆ ಮಿನುಗುವ ನಕ್ಷತ್ರಗಳನೂ ಕೈಯಲ್ಲಿ ಹಿಡಿದು ಕುಳಿತು ಮುಖಾಮುಖಿಯಾಗಿ ಕೂತು ಹರಟುತ್ತಿದ್ದೆವು ನಾವೊಂದಾಗಿದ್ದಾಗ ನಮಗನಿಸಿದ್ದನ್ನು ದಿನಚರಿ ...

  • 2 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...


Editor's Wall

  • 09 November 2018
    5 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    2 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...