Share

ಎಲ್ಲರಂಥವನಲ್ಲ ನನ್ನಪ್ಪ!
ಡಾ. ಬಿ.ಬಿ. ರಾಜಪುರೋಹಿತ

ಪ್ಪನನ್ನು ಕುರಿತ ಅನಿಸಿಕೆಗಳಾದ ‘ಎಲ್ಲರಂಥವನಲ್ಲ ನನ್ನಪ್ಪ’ ಎಂಬ ಗ್ರಂಥ ಹೊಸ ನಮೂನೆಯದಾಗಿದೆ. ಅಮ್ಮನನ್ನು ಕುರಿತು ಬರೆಯುವದು ಸಾಮಾನ್ಯವಾಗಿರುವಾಗ ಅಪ್ಪನನ್ನು ಕುರಿತು ಬರೆಯುವದು ಅಪರೂಪವೆಂದೇ ಹೇಳಬೇಕು. ವ್ಯಕ್ತಿ ಬೆಳೆದು ಬರುವ ಹಿನ್ನೆಲೆ ಇದಕ್ಕೆ ಕಾರಣವೆಂದೇ ಹೇಳಬೇಕು. ಹುಟ್ಟಿದ ಕ್ಷಣದಿಂದ ಅಮ್ಮನ ಮಡಿಲು, ಆಕೆಯ ಆರೈಕೆ, ಆಕೆ ತೋರುವ ಅಕ್ಕರೆ ಇವು ಸಾಮಾನ್ಯವಾಗಿ ಎಲ್ಲರೂ ಜೀವನದಲ್ಲಿ ಪಡೆಯುವ ಮೊದಲ ಅನುಭವ. 5-6ನೆಯ ವಯಸ್ಸಿನಲ್ಲಿ ಶಾಲೆಗೆ ಹೋಗತೊಡಗಿದಾಗಿನಿಂದ ಅಪ್ಪನ ದೇಖರೇಖಿಯ ಅನುಭವ ಪ್ರಾರಂಭವಾಗುತ್ತದೆ. ಇದು ಬಹುಜನರ ಅನುಭವ. ಕೆಲವು ಅಪ್ಪಂದಿರು ಮಗುವಿಗೆ ತಿಳುವಳಿಕೆ ಬರುವ 3-4ನೆಯ ವಯಸ್ಸಿನಲ್ಲಿ ಅಕ್ಕರೆಯಿಂದ ಅದನ್ನು ಎತ್ತಿಕೊಂಡು ಹೊರಗೆ ಹೋಗಿ ಗಿಡ, ಮರ, ಪಶು, ಪಕ್ಷಿಗಳನ್ನು ತೋರಿಸುತ್ತ ಮಗು ಕೇಳಿದ ಮುಗ್ಧ ಪ್ರಶ್ನೆಗಳಿಗೆ ಉತ್ತರ ಕೊಡುತ್ತ ಅವನ ಜ್ಞಾನವಲಯವನ್ನು ಹಿಗ್ಗಿಸುವದೂ ಉಂಟು. ಮಗು ಗಂಡು ಆಗಿದ್ದರೆ ಇದು ಹೆಚ್ಚು ಸಂಭವನೀಯ. ಅದು ಹೆಣ್ಣಾಗಿದ್ದರೆ ಇದು ಅಷ್ಟು ಸಂಭವನೀಯವಲ್ಲ. ಹೆಣ್ಣು ಮಗು ತಾಯಿಗೆ ಅಂಟಿಕೊಂಡು ಇರುವದು ಹೆಚ್ಚು ಸಂಭವನೀಯ, ಈ ಸಾಮಾಜಿಕ ಹಿನ್ನೆಲೆಯಲ್ಲಿ ಪ್ರಕೃತ ಗ್ರಂಥ ಹೆಚ್ಚು ಅರ್ಥಪೂರ್ಣವಾಗಿದೆ.

ಗುರುಪ್ರಸಾದ ಕುರ್ತಕೋಟಿ ಅವರ ಸಂಪಾದಕತ್ವದಲ್ಲಿ ಬೆಂಗಳೂರಿನ ಮೈತ್ರಿ ಪ್ರಕಾಶನವು ಪ್ರಕಟಿಸಿದೆ. 121 ಪುಟಗಳ ಈ ಗ್ರಂಥಕ್ಕೆ ಉಮೇಶ ದೇಸಾಯಿ ಅವರ ‘ಪ್ರಕಾಶಕರ ಮಾತು’ ಮತ್ತು ಗುರುಪ್ರಸಾದ ಕುರ್ತಕೋಟಿ ಅವರ ‘ಅಪ್ಪ ಯೋಜನೆಯ ಸುತ್ತಮುತ್ತ….’ ಎಂಬ ಸಂಪಾದಕರ ಮಾತುಗಳಿವೆ. ವಿಶೇಷವೆಂದರೆ ಸಂಪಾದಕರು ಕೊನೆಗೆ ತಮ್ಮ ಹೆಸರು ಹಾಕುವ ಬದಲು ‘ಕುರ್ತಕೋಟಿ ಸರ್ ಮಗ’ ಎಂದು ತಮ್ಮ ಅಪ್ಪನನ್ನು ನೆನೆಸಿದ್ದಾರೆ.

ಗುರುಪ್ರಸಾದ ಅವರು ಈ ಪುಸ್ತಕವನ್ನು ನನಗೆ ಕೊಟ್ಟುದರ ಹಿಂದೆ ಅವರ ಮನೆತನದೊಡನೆ ಬಂದ ನನ್ನ ಆತ್ಮೀಯ ಸಂಬಂಧವನ್ನು ಹೇಳಬೇಕು. ಕುರ್ತಕೋಟಿಯ ರಾಯನಗೌಡರ ಮನೆಗೆ ಬರುತ್ತಿದ್ದ ಪ್ರಸಿದ್ಧ ಲೇಖಕ, ವಿಮರ್ಶಕ ಕೀರ್ತಿನಾಥ ಕುರ್ತಕೋಟಿ, ಅವರ ತಮ್ಮ ಶಶಿಕಾಂತ ಹಾಗೂ ಆ ಮನೆತನದ ಇನ್ನೂ ಹಲವರನ್ನು ಸುಮಾರು 1944ರಿಂದ ನಾನು ಬಲ್ಲವನಾಗಿದ್ದೇನೆ. ಶಶಿ ಪತ್ನಿ ಪರಿಮಳಾ ಕುರ್ತಕೋಟಿ (1945-1994) ಸುಪ್ರಸಿದ್ಧ ಕತೆಗಾರ್ತಿಯಾಗಿದ್ದರು. ಅವರ ‘ತುಳಸಿ’ ಕಥಾ ಸಂಕಲನ 2009ರಲ್ಲಿ ಪ್ರಕಟವಾಗಿದೆ. ಇಂತಹ ಸುಸಂಸ್ಕೃತ ಮನೆತನದಲ್ಲಿ ಹುಟ್ಟಿದ ಗುರುಪ್ರಸಾದ ಸಂಪಾದಿಸಿದ ಈ ಕೃತಿ ಹೊಸ ಸಂವೇದನೆ ನೀಡುವಂಥದಾಗಿದೆ.

ಪ್ರಕೃತ ಗ್ರಂಥದ ಸಂಪಾದಕೀಯವಾದ ‘ಅಪ್ಪ ಯೋಜನೆಯ ಸುತ್ತಮುತ್ತ….’ ಎಂಬ ಮಾತುಗಳಲ್ಲಿ ‘ಒಳ್ಳೆಯ ಉದ್ದೇಶವೊಂದಿದ್ದರೆ ಹೇಗೋ ಸಹಾಯ ಹರಿದು ಬರುತ್ತದೆ’ ಎಂಬ ಮಾತು ಸದಾಕಾಲ ಸತ್ಯ. ಇಂಥ ಅನೇಕ ಮಾರ್ಮಿಕ ಮಾತುಗಳೊಂದಿಗೆ ಪುಸ್ತಕವನ್ನು ವಿಶ್ವದ ಎಲ್ಲ ಅಪ್ಪಂದಿರಿಗೆ ಆರ್ಪಿಸಿದ್ದಾರೆ. ಗ್ರಂಥದಲ್ಲಿ ವಿವಿಧ ಲೇಖಕ ಮತ್ತು ಲೇಖಕಿಯರು ತಮ್ಮ ತಮ್ಮ ಅಪ್ಪಂದಿರ ಬಗ್ಗೆ ಬರೆದ 37 ಬರಹಗಳಿವೆ. ಅವುಗಳಲ್ಲಿ 26 ಗದ್ಯದಲ್ಲಿಯೂ 11 ಪದ್ಯದಲ್ಲಿಯೂ ಇವೆ. ಈ ಕೃತಿಯ ವೈಶಿಷ್ಟ್ಯವೆಂದರೆ ಧಾರವಾಡ, ಹುಬ್ಬಳ್ಳಿ, ಶಿವಮೊಗ್ಗ, ದಾವಣಗೆರೆ, ಚಿಕ್ಕಮಗಳೂರು, ಹಾಸನ, ಉತ್ತರ ಕನ್ನಡ ಮೊದಲಾದ ಜಿಲ್ಲೆಗಳಲ್ಲಿ ವಾಸಿಸುವ ಕನ್ನಡಿಗರ ಲೇಖನಗಳಲ್ಲದೇ ಓಮಾಹಾ, ಟೆಮೆಕ್ಯುಲಾ, ಕುವೇಟ್, ಅಂಗೋಲಾ (ಆಫ್ರಿಕಾ), ಚೀನಾ ಮೊದಲಾದ ವಿದೇಶಗಳಲ್ಲಿ ವಾಸಿಸುವ ಕನ್ನಡಿಗರ ಲೇಖನಗಳೂ ಇವೆ. ಇವರೆಲ್ಲರನ್ನು ಸಂಪರ್ಕಿಸಿ, ಗ್ರಂಥದ ಉದ್ದೇಶವನ್ನು ವಿವರಿಸಿ, ಅವರಿಂದ ಲೇಖನಗಳನ್ನು ಅಥವಾ ಕವನಗಳನ್ನು ಬರೆಸಿ ತರಿಸಿ ಸುಂದರವಾದ ಹೊತ್ತಗೆಯನ್ನು ರೂಪಿಸಿದ ಗುರುಪ್ರಸಾದರ ಸಾಹಸವನ್ನು ಮೆಚ್ಚಲೇಬೇಕು. ಇನ್ನು ಗ್ರಂಥದ ಒಳತಿರುಳನ್ನು ಅವಲೋಕಿಸೋಣ.

ಅಪ್ಪನ ಬಗ್ಗೆ ತಮ್ಮ ತಮ್ಮ ಅನಿಸಿಕೆಗಳನ್ನು (ವಿಚಾರಗಳನ್ನಲ್ಲ!) ಬರೆಯುವ ಅವಕಾಶ ಸಿಕ್ಕಿದ್ದಕ್ಕೆ ಅನೇಕರು ಉತ್ಸಾಹಿತರಾಗಿದ್ದಾರೆ. ಕೆಲವರು ಭಾವಾವಿಷ್ಟರಾಗಿದ್ದಾರೆ. ಕೆಲವರು ‘ನನ್ನ ಅಪ್ಪ ಎಲ್ಲರಂಥವನಲ್ಲ’ ಎಂದು ವಿಶೇಷ ಭಾವ ತಳೆದಿದ್ದಾರೆ. ಇನ್ನು ಕೆಲವರು ‘ನನ್ನ ಅಪ್ಪ ಅಂದರೆ ನನ್ನ ವಿಶ್ವವೇ’ ಎಂದು ಬೇರೆ ಎಲ್ಲವನ್ನೂ ಮರೆತಿದ್ದಾರೆ. ಇನ್ನೂ ಒಬ್ಬರು ಅಪ್ಪ ಅರ್ಧ ಮರೆವು ಅರ್ಧ ಅರಿವು ಇರುವ ಅಲ್ಜೈಮರ್ ಎಂದು ಹಾಡಿದ್ದಾರೆ. ಇನ್ನೂ ಒಬ್ಬರು ಅಪ್ಪನ ಕುಡಿತದ ವ್ಯಸನದಿಂದ ವ್ಯಥೆಗೊಂಡರೂ ಅವನನ್ನು ಆ ಬಲೆಯಿಂದ ಹೊರತರಲು ಶತಪ್ರಯತ್ನ ಮಾಡಿದ್ದಾರೆ. ಹೀಗೆ ಅಪ್ಪನ ಬಗ್ಗೆ ವೈವಿಧ್ಯಪೂರ್ಣ ಬರಹಗಳಿವೆ. ಅನೇಕರು ಸ್ವೀಕೃತ ಗ್ರಂಥಸ್ಥ ಕನ್ನಡ ಭಾಷೆಯಲ್ಲಿ ತಮ್ಮ ಅನುಭವ ಹಂಚಿಕೊಂಡಿದ್ದಾರೆ. ‘ನನ್ನ ದಾದಾ ಸಾಮಾನ್ಯ ಮನುಷ್ಯನಾಗಿದ್ದ. ನಮ್ಮದು ಸಾಧಾರಣ ಜೀವನ. ಆದರೆ ನನ್ನ ತಂದೆಯೇ ಶ್ರೇಷ್ಠ ಎಂಬ ನಂಬಿಕೆ ನನ್ನದು’ ಎಂಬ ಶೈಲಿಯಲ್ಲಿ ಅನೇಕರ ಬರವಣಿಗೆ ಇದ್ದರೆ, ಇನ್ನು ಕೆಲವರು ತಮ್ಮ ಮನೆಯಲ್ಲಿ ಆಡುವ ಭಾಷೆಯಲ್ಲಿಯೇ ಬರೆದಿದ್ದಾರೆ. ನೋಡಿ: ಜನ್ಮದತ್ತವಾಗಿ ಸಿಟ್ಟನ್ನ ಮೂಗಿನ ತುದಿಯಲ್ಲೇ ಧರಿಸಿಕೊಂಡಿದ್ದ ಜಮದಗ್ನಿ ನನ್ನ ಮುತ್ತ್ಯಾ ನನ್ನ ಅಪ್ಪ ಇನ್ನೂ ತಲಬಾಗಿಲಲ್ಲಿರುವಾಗಲೇ ‘ನಿಂದ್ರ ಅಲ್ಲೆ’ ಅಂದೋರೇ ಹತಾರವನ್ನು ಬೀಸಿ ಅಪ್ಪನತ್ತ ಒಗೆದರಂತೆ! ಅಪ್ಪನ ಅದೃಷ್ಟ. ಅದು ಸ್ವಲ್ಪದರಲ್ಲಿ ತಪ್ಪಿ ಅಪ್ಪನ ಹಿಂದಿದ್ದ ತಲಬಾಗಿಲ ಅಂಚಿಗೆ ಚುಚ್ಚಿಕೊಂಡಿತಂತೆ! ‘ಮನಿ ಒಳಗ ಬಂದಿ ಹುಶ್ಶಾರ್! ಇಲ್ಲಿ ನಾವು ಹೊಟ್ಟಿಬಟ್ಟಿ ಕಟ್ಟಿ ನಿನಗ ಓದಾಕ ಕಳಸಿದ್ರ, ಅಲ್ಲಿ ಹೋಗಿ ಚೈನಿಗ್ ಬಿದ್ದೀಯಾ ಮಗನ! ನೋಡಿಲ್ಲಿ ಮನಿತನಾ ನೀ ನಪಾಸಾಗಿದ್ದ ಪತ್ರಾ ಕಳಸ್ಯಾರ ನಿಮ್ಮ ಕಾಲೇಜಿನೋರು?’ ಎನ್ನುತ್ತ ಅಪ್ಪನ ಮುಖಕ್ಕೆ ಪತ್ರವನ್ನು ರಾಚಿ ಎಸೆದರಂತೆ. ಎಂದು ನಡೆದ ಘಟನೆಯ ಸ್ವಾಭಾವಿಕ ಚಿತ್ರಣ ಮೂಡಿಸಿದ್ದಾರೆ. ಇಂಥ ಇನ್ನೊಂದು ಚಿತ್ರಣ ನೋಡಿ: ‘ಮಗಳ ಅರೆ ಇರ್ಲಿ ಇಲ್ಲಾ ಮಗಾನ ಇರ್ಲಿ ನಮ್ಮ ಜೀವನದ ಮೊದಲ ಹೀರೋ ಅಂದ್ರ ಅದು ಅಪ್ಪಾ ಅಂತ ನನಗನಸ್ತೈತಿ. ಅದ್ರ ನಮ್ಮ ಕೊನೀ ಉಸರು ಇರೋತನಾ ಅಂವ ನಮಗ ಹೀರೋ ಅಗಿರತಾನಾ ಅನ್ನೋದ ಮಿಲಿಯನ್ ಡಾಲರ್ ಪ್ರಶ್ನೆ. ಖರೇವಂದ್ರ ಭಾಳ ಮಂದಿ ಹೌದು ಅಂತನ ಅಂತಾರ.’ ಇಂಥ ಚಿತ್ರಣಗಳು ಓದುಗರನ್ನು ಅಯಾ ಸಮಾಜದ ಪರಿಸರಕ್ಕೆ ಕರೆದುಕೊಂಡು ಹೋಗುತ್ತವೆ. ಇನ್ನು ಕೆಲವರು ಪದ್ಯರೂಪದಲ್ಲಿ ಆತ್ಮೀಯವಾಗಿ ಅಪ್ಪನನ್ನು ಸ್ಮರಿಸಿದ್ದಾರೆ. ನೋಡಿ:

ನನ್ನ ಕಣ್ಣಲ್ಲಿ ಕಣ್ಣೀರ ನೋಡಲು
ಬಯಸದವ ನೀನು.
ನಿನ್ನ ಪ್ರೀತಿಯ ತೋರಿಸಲು
ಹೆಣಗಾಡಿದವ ನೀನು. ||
ಅಷ್ಟು ದಡ್ಡಿ ನಾನಲ್ಲಪ್ಪ
ನನ್ನ ಉಸಿರಿನಲಿ ನಿನ್ನ ಪಾಲಿದೆ
ನಿನ್ನ ರಕುತವೇ ನನ್ನಲ್ಲೂ ಹರಿಯುತಿದೆ.

ಇನ್ನು ಕೆಲವರು,

ಎಲ್ಲಾ ಹೇಳುವರು
ನಾ ಹುಟ್ಟಿ ನಿನಗ ಕಷ್ಟ ಬಂತಂತೆ
ಕೋಪದಲಿ ಕೆಲವೊಮ್ಮೆ
ಅನಿಷ್ಟ ಶನಿ ಎಂದು ನೀನೂ ಬೈದಿದ್ದುಂಟು
ನಿನ್ನ ತ್ಯಾಗವ ಅರಿತವಳು ನಾನಲ್ಲವೇ?

ಎಂದು ನೆನಪಿನ ಬುತ್ತಿ ಚಿಚ್ಚಿಟ್ಟಿದ್ದಾರೆ.

ಹೀಗೆ ‘ಎಲ್ಲರಂಥವನಲ್ಲ ನನ್ನಪ್ಪ’ ಎಂಬ ಗ್ರಂಥ ಹೊಸ ಸಂವೇದನೆ ನೀಡುವ ಅಪೂರ್ವ ಗ್ರಂಥವಾಗಿದೆ ಎಂದೇ ಹೇಳಬೇಕು.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಅಜ್ಜಿಗೇನು ಬೇಕು ಅಂತ ಅಜ್ಜಂಗೇನು ಗೊತ್ತು!

            ಕಥನ         ಅಜ್ಜ ಪೆನ್ಷನ್ ತರೋದಕ್ಕೆ ಅಂತ ಪೇಟೆಗೆ ಹೋಗಿದ್ದ. ಅಷ್ಟರಲ್ಲಿ ಮನೆ ಬಾಗಿಲಲ್ಲಿ ಕಾರು ಬಂದು ನಿಂತಿತು. ಕಾರಲ್ಲಿ ಅಜ್ಜಿಯ ಮಗ, ಸೊಸೆ ಮತ್ತೆ ಆರು ವರ್ಷದ ಮೊಮ್ಮಗ ಬಂದಿದ್ರು. ಅಜ್ಜಿಗೆ ಖುಷಿ ತಡೆಯಕ್ಕಾಗದೇ ಅಡಿಗೆ ಮನೆ ಸಂದಿ ಮೂಲೇನೆಲ್ಲಾ ಹುಡುಕಿದ್ಲು. ದಡಾ ಬಡಾ ಸದ್ದು ಮಾಡಿದ್ಲು, ಸರಾಪರಾ ಸದ್ದು ಮಾಡಿದ್ಲು. ಅಡುಗೆ ಮನೆಯಿಂದ ಕೊತಾಕೊತಾ ಸದ್ದು ...

  • 3 days ago No comment

    ವಸಂತದ ನೆನಪು; ಮಾಗುವ ಹುರುಪು!

      ಜಗತ್ತಿನ ಬಗ್ಗೆ ತಿಳಿಯುತ್ತ ಸಾಗಿ, ನಮಗೆ ಈ ಜಗತ್ತು ಹೀಗೆ ನಡೆಯುತ್ತಿದೆ ಅಂತ ಅರಿತುಕೊಳ್ಳುವವರೆಗಿನದು ಮಧ್ಯವಯಸ್ಸಿನ ಕಾಲ. ನಾವು ಅಲ್ಲಿಯವರೆಗೆ, ಕಲಿತದ್ದು, ಕೇಳಿದ್ದು, ನಮಗೆ ತಿಳಿದಿದ್ದು ಎಲ್ಲವೂ ಬದಲಾಗುವ ವೇಳೆಗೆ ನಮಗೆ ವಯಸ್ಸಾಗಿಬಿಟ್ಟಿರುತ್ತದೆ. ಕಾಲದಲ್ಲಿ ಹೊಸ ಚಿಗುರು ಟಿಸಿಲೊಡೆದಿರುತ್ತದೆ.     ಕುಣಿದಾಡುವಷ್ಟು ಚೈತನ್ಯವಿರುವ ಯೌವನಕ್ಕೂ, ಕುಂದಿದ ಶಕ್ತಿಯ ಇಳಿಗಾಲದ ವೃದ್ಧಾಪ್ಯಕ್ಕೂ ನಡುವೆ ಬರುವುದು ಮಧ್ಯವಯಸ್ಸು! ಹುಟ್ಟು, ಬದುಕು ,ಸಾವು ಎಲ್ಲರಿಗೂ ಬರುತ್ತದೆ. ಬದುಕನ್ನು ಹಲವರು ಸಾಧನೆಗಳ ...

  • 3 days ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಬಂಗಾರದ ಹೊಳಪು, ಬೇಗುದಿಯ ನೆನಪು…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 1 week ago No comment

    ಪ್ರಸಾದ್ ನಾಯ್ಕ್ ಪಟ್ಟಾಂಗ | ನನಗೂ ಒಬ್ಬ ಗೆಳೆಯ ಬೇಕು…

    ಆ ಘಟನೆಯನ್ನು ನೆನಪಿಸಿಕೊಂಡಾಗಲೆಲ್ಲಾ ಈಗಲೂ ನಗು ಉಕ್ಕುಕ್ಕಿ ಬರುತ್ತದೆ. ಅಂದು ವಿಚಿತ್ರ ಘಟನೆಯೊಂದು ನಡೆದಿತ್ತು. ಅವು ನನ್ನ ಕಾಲೇಜಿನ ದಿನಗಳು. ಮಂಗಳೂರಿನ ಶಾಪಿಂಗ್ ಮಾಲ್ ಒಂದಕ್ಕೆ ಮಧ್ಯಾಹ್ನದ ಊಟಕ್ಕೆಂದು ಬಂದಿದ್ದ ನಾನು ಫುಡ್ ಕೋರ್ಟಿನಲ್ಲಿ ಸುಮ್ಮನೆ ಅಡ್ಡಾಡುತ್ತಿದ್ದೆ. ಎತ್ತ ಹೋಗಬೇಕೆಂದು ತಿಳಿಯದೆ ಸುಮ್ಮನೆ ಒಂದು ಕೌಂಟರಿನತ್ತ ನಡೆದು ಬೇಕಿದ್ದದ್ದನ್ನು ಆರ್ಡರ್ ಮಾಡಿದೆ. ಕೆಲಸವಿಲ್ಲದೆ ನೊಣ ಹೊಡೆಯುತ್ತಿದ್ದ ಆ ಹೆಂಗಸಿಗೆ ನನ್ನ ಆಗಮನವು ಅಂಥಾ ಉತ್ಸಾಹವೇನೂ ತರಲಿಲ್ಲವಾದರೂ ನಾನು ಹೇಳಿದ್ದನ್ನೆಲ್ಲಾ ...

  • 1 week ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಭಕ್ತಿಯ ಉಬ್ಬರ… ವ್ಯಾಪಾರದ ಸಡಗರ…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...


Editor's Wall

  • 11 May 2018
    1 month ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    1 month ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    2 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    2 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...