Share

ಇದು ‘ಸಮಾಜಮುಖಿ’ ಕನಸು
ಕನ್ನಡ ಪತ್ರಿಕೋದ್ಯಮದಲ್ಲೊಂದು ಅನನ್ಯ ಪ್ರಯೋಗ

“ಸಮಾಜಮುಖಿ”

ಏನೇನೆಲ್ಲ ಇದೆ ಈ ಒಂದು ಪದದಲ್ಲಿ? ಕಾಳಜಿ, ಕೈಜೋಡಿಸುವ ಮನಸ್ಸು, ಕಟ್ಟುವ ಹಂಬಲ… ಒಟ್ಟಾರೆ ಮನುಷ್ಯತ್ವದ ಮಿಡಿತ. ಸಾಮಾಜಿಕ ಕಳಕಳಿಯನ್ನು ಒಡಲೊಳಗಿಟ್ಟುಕೊಂಡ ಚಲನೆ, ಸಮಾಜಮುಖಿ.

ಬೇರೆ ಬೇರೆ ಕಾಲಘಟ್ಟಗಳಲ್ಲಿ ಮತ್ತೆ ಮತ್ತೆ ಇಂಥ ಚಲನೆ ದೊಡ್ಡ ಮಟ್ಟದಲ್ಲಿ ಈ ನೆಲದ ಜೀವಗಳನ್ನು ಜೋಪಾನ ಮಾಡಿದೆ; ಪೀಳಿಗೆಯಿಂದ ಪೀಳಿಗೆಗೆ ಕನಸುಗಳನ್ನು ದಾಟಿಸಿದೆ; ಹೋರಾಟಗಳನ್ನು ಹದಗೊಳಿಸಿದೆ; ಅದೆಷ್ಟೋ ಬದುಕುಗಳಿಗೆ ಸಹ್ಯದ ಅನುಭವವನ್ನು ಕರುಣಿಸಿದೆ. ಹೀಗೆ ಸಮಾಜಮುಖಿಯಾಗುವ ಆರ್ದ್ರವಾದ, ತೀವ್ರವಾದ ತುಡಿತವೊಂದು ಈಗ ಚಲಿಸತೊಡಗಿರುವುದು ಕನ್ನಡ ಪತ್ರಿಕೋದ್ಯಮದಲ್ಲಿ.

ಹೌದು. ಕನ್ನಡದಲ್ಲೊಂದು ವಿಶಿಷ್ಟ ಮತ್ತು ವಿಭಿನ್ನ ನಿಯತಕಾಲಿಕ “ಸಮಾಜಮುಖಿ” ಎಂಬ ಹೆಸರಿನೊಂದಿಗೆ ಹೊರಬರುತ್ತಿದೆ. ಸಮಾನ ಮನಸ್ಕ ಆಸಕ್ತರ ದೊಡ್ಡ ಹಂಬಲದ ಬೆಂಬಲದೊಂದಿಗೆ “ಸಮಾಜಮುಖಿ”ಯ ಕನಸು ಕೈಗೂಡುತ್ತಿದೆ. ‘ಅನ್ನದ ಭಾಷೆಯ ಚಿನ್ನದ ಮಾಸಿಕ’ ಎಂಬುದು ಈ ಮ್ಯಾಗಝಿನ್‍ನ ಘೋಷವಾಕ್ಯ. ಪತ್ರಿಕೆಯ ಹೂರಣದ ಹೊಣೆ ವಹಿಸಿಕೊಂಡಿರುವವರು ಹಿರಿಯ ಪತ್ರಕರ್ತ ಮತ್ತು ಕಥೆಗಾರ ಚಂದ್ರಕಾಂತ ವಡ್ಡು ಅವರು. ಈಗಾಗಲೇ ಸ್ನೇಹ ವಲಯದಲ್ಲಿ ಅವರು ಹಂಚಿಕೊಂಡಿರುವ ಮಾತುಗಳು “ಸಮಾಜಮುಖಿ” ಬಳಗದ ಕನಸು ಮತ್ತು ಆಶಯವನ್ನು ನಿಚ್ಚಳವಾಗಿ ಹೇಳಿವೆ:

“ಆಧುನಿಕ ಬದುಕಿನ ವೇಗ ತಲ್ಲಣ ಪಲ್ಲಟಗಳ ನಡುವೆ ಚದುರಿಹೋಗಿರುವ ಸಂವೇದನಾಶೀಲ ಮನಸ್ಸುಗಳು ಒಂದೆಡೆ ಸೇರಿ ಸಂವಹನ ಸಂವಾದ ಸಾಧಿಸುವ ತುರ್ತನ್ನು ಪ್ರಜ್ಞಾವಂತರಾದ ತಾವು ಸ್ವಾಭಾವಿಕವಾಗಿ ಮನಗಂಡಿರುತ್ತೀರಿ. ಪ್ರಸ್ತುತ ಕಳವಳಕಾರಿ ಸಂಕ್ರಮಣ ಸನ್ನಿವೇಶದಲ್ಲಿ ಸಮಾನ ಮನಸ್ಕರ ಅನುಸಂಧಾನಮತ್ತು ಅರ್ಥಪೂರ್ಣ ಅಭಿವ್ಯಕ್ತಿಯ ವೇದಿಕೆಯಾಗಿ ‘ಸಮಾಜಮುಖಿ’ ಮಾಸಪತ್ರಿಕೆ ರೂಪುಗೊಳ್ಳುತ್ತಿದೆ. ಸಾಮಾಜಿಕ ಕಳಕಳಿ, ಬದ್ಧತೆ ಹೊತ್ತ ವಿವಿಧ ವ್ಯಕ್ತಿ ಹಿನ್ನೆಲೆಯ ಸುಸಜ್ಜಿತ ತಂಡ ಈ ಸಾಹಸದಲ್ಲಿ ಗಂಭಿರವಾಗಿ, ಕ್ರಿಯಾಶೀಲವಾಗಿ ತೊಡಗಿಸಿಕೊಂಡಿದೆ. ಮೊದಲಿಗೆ, ಇದು ಕನ್ನಡ ಪತ್ರಿಕಾ ರಂಗದಲ್ಲಿ ಬೆಳಕು ಕಾಣುತ್ತಿರುವ ಅನನ್ಯ ಪ್ರಯೋಗ ಎಂಬುದನ್ನು ವಿನಮ್ರವಾಗಿ ನಿವೇದಿಸಿಕೊಳ್ಳುತ್ತೇವೆ.

ಚಂದ್ರಕಾಂತ ವಡ್ಡು

“ಅತಿ ಬೌದ್ಧಿಕತೆಯ ಭಾರ ಹೊರಿಸದೆ, ಕಳಪೆ ಸರಕಿನ ಮೂಲಕ ಓದುಗರ ಘನತೆ ತಗ್ಗಿಸದೆ, ಜಾಗತಿಕ ನೆಲೆಯಲ್ಲಿ ಕನ್ನಡದ ಕಂಪು ವಿಸ್ತರಿಸುವ ಕಾಯಕದ ಭಾಗವಾಗಿ ‘ಸಮಾಜಮುಖಿ’ ಅನಾವರಣಗೊಳ್ಳಬೇಕೆಂಬ ಉದಾತ್ತ ಆಶಯ ನಮ್ಮದು. ಕನ್ನಡವನ್ನು ವಿಶ್ವದ ಮುಖ್ಯ ಭಾಷೆಗಳಲ್ಲಿ ಒಂದಾಗಿ ಕಂಡು ಕನ್ನಡದ ಓದುಗರಿಗೆ ಜಾಗತಿಕ ಆಗುಹೋಗುಗಳ ಪರಿಚಯ ಮತ್ತು ವೈಚಾರಿಕ ಸಂವಾದಗಳ ಸಾರಾಂಶ ನೀಡಿ ಸಮಕಾಲೀನ ಚರ್ಚೆಗಳೆಲ್ಲವನ್ನು ಕನ್ನಡದಲ್ಲೇ ಮುಂದುವರಿಸಲು ಸಮಾಜಮುಖಿ ಮುಂದಾಗಿದೆ. ಕನ್ನಡ ಯುವ ಜನಾಂಗ ತಮ್ಮ ಬದುಕು ಕಟ್ಟಿಕೊಳ್ಳಲು ಬೇಕಾದ ಬೌದ್ಧಿಕ ಸಾಧನಗಳೆಲ್ಲವನ್ನು ನೀಡುವ ಮೂಲಕ ಕನ್ನಡವನ್ನು ಅನ್ನದ ಭಾಷೆಯಾಗಿಸುವ ಮಹದಾಸೆಯೂ ಪತ್ರಿಕೆಗಿದೆ. ಆಪಾದನೆ ಹೊರಿಸುವ, ಘೋಷಣೆ ಕೂಗುವ ಹಾಗೂ ತೀರ್ಪು ಹೇರುವ ಬರಹಗಳ ಬದಲು ಸಾಮಾಜಿಕ ರಾಜಕೀಯ ಆರ್ಥಿಕ ಪ್ರಕ್ರಿಯೆಗಳ ಅಂತಃಸತ್ವವನ್ನು ವಸ್ತುನಿಷ್ಠವಾಗಿ ಓದುಗರೆದುರು ತೆರೆದಿಡುವ ಹಾದಿಯನ್ನು ಆಯ್ದುಕೊಂಡಿದ್ದೇವೆ. ಹಾಗೆಯೇ ಉತ್ತಮ ಸಾಹಿತ್ಯಕ್ಕೆ ಮುದುಡಿದ ಮನ ಅರಳಿಸುವ ಮತ್ತು ಮುರಿದ ಮನಸ್ಸುಗಳನ್ನು ಹೆಣೆಯುವ ಚಿಕಿತ್ಸಕ ಗುಣವಿದೆಯೆಂಬ ನಂಬಿಕೆ ಪತ್ರಿಕೆಯದು.”

ಈ ಕನಸಿನ ಸಾಕಾರವಾಗಿ ಮೊದಲ ಪ್ರಾಯೋಗಿಕ ಸಂಚಿಕೆ ನವೆಂಬರ್‍ನಲ್ಲಿ ಓದುಗರ ಮುಂದಿರಲಿದೆ. ಲಲಿತ ಪ್ರಬಂಧದಂಥ ಕಣ್ಮರೆಯಾಗುತ್ತಿರುವ ಸಾಹಿತ್ಯ ಪ್ರಕಾರವನ್ನು ಕಾಯುವ ಕಳಕಳಿ, ಛಾಯಾಚಿತ್ರ ಲೋಕವನ್ನು ಹೊಸ ಬಗೆಯಲ್ಲಿ ಕಾಣಿಸುವ ಕಾತರ, ಪುಸ್ತಕಗಳನ್ನು ಓದುಗರ ಮನಸಿಗೆ ತಲುಪಿಸುವ ತವಕ ಎಲ್ಲವೂ ಈ ಬಳಗಕ್ಕಿದೆ. ನಿಜಕ್ಕೂ ಇದು ದೊಡ್ಡ ಕನಸು.

‘ಸಮಾಜಮುಖಿ’ ಬರೀ ಪದವಲ್ಲ. ಹಾಗೆಯೇ ಒಂದು ಮಾಸಿಕದ ಹೆಸರಾಗಿ ‘ಸಮಾಜಮುಖಿ’ ಸಣ್ಣ ಹೆಜ್ಜೆಯಂತೂ ಅಲ್ಲ. ಅದು ನಮ್ಮೆಲ್ಲರ ನಿರೀಕ್ಷೆ. ಕಾಯೋಣ ನಾವೆಲ್ಲರೂ.

Share

4 Comments For "ಇದು ‘ಸಮಾಜಮುಖಿ’ ಕನಸು
ಕನ್ನಡ ಪತ್ರಿಕೋದ್ಯಮದಲ್ಲೊಂದು ಅನನ್ಯ ಪ್ರಯೋಗ
"

  1. l.chinnappa
    14th October 2017

    ಕಾತುರದಿ ಕಾಯುತ್ತಿದ್ದೆನೆ

    Reply
  2. ರವೀಂದ್ರ ಹವಲ್ದಾರ್
    14th October 2017

    ಅನ್ನದ ಭಾಷೆಯ ಚಿನ್ನದ ಮಾಸಿಕ
    “ಸಮಾಜ ಮುಖಿ”
    ನಿರೀಕ್ಷೆಯಲ್ಲಿ ಸಹ್ರೃದಯ ಓದುಗ

    Reply
  3. sachith
    14th October 2017

    ಸಮಾಜಮುಖಿ ಸಂಪಾದಕತ್ವ ವಹಿಸಿಕೊಂಡ ಸ್ನೇಹಿತರಿಗೆ ಅಭಿನಂದನೆಗಳು. ಮಾಸಪತ್ರಿಕೆ ಹಲವು ಕನಸು ಹೊತ್ತು ಬರುತ್ತಿರುವ ಪ್ರಯತ್ನ ಯಶಸ್ವಿಯಾಗಲಿ.

    Reply
  4. Aravind patel
    20th October 2017

    ಅತಿ ವೇಗದಿ ಓಡುತ್ತಿರುವ ಈ ದಿನಗಳಲ್ಲಿ
    ಸಾಮಾಜಿಕ ಕಳಕಳಿ ಎಂದರೆ ಏನು ಎಂದು
    ಪ್ರಶ್ನಿಸುವ ಕಾಲಘಟ್ಟದಲ್ಲಿ ತಮ್ಮ
    ಸಮಾಜಮುಖಿ ಪತ್ರಿಕೆ ಬರುತ್ತಿರುವುದು
    ನನ್ನಂಥವನಿಗೆ ಸಂತಸದ ಸಂಗತಿ
    “ಅನ್ನದ ಭಾಷೆಯ ಚಿನ್ನದ ಮಾಸಿಕ ”
    ಎಂಬುದು ಸಹ ಹಿತವೆನಿಸಿದೆ.
    ಮೊದಲ ಪತ್ರಿಕೆಯ ನಿರೀಕ್ಷೆಯಲ್ಲಿ
    ಡಾ. ಅರವಿಂದ್ ಪಟೇಲ್

    Reply

Leave a comment

Your email address will not be published. Required fields are marked *

Recent Posts More

  • 2 weeks ago No comment

    ಕವಿಸಾಲು | ಇಂಡೋನೇಶಿಯಾ

        ಕವಿಸಾಲು         ಕಿಚ್ಚೆದ್ದು ಕುಣಿವ ನೀರು ಬಿರುಗಾಳಿ ತುಂಬಿದ ಒಡಲು ಎತ್ತೊಯ್ದು ಬಿಸಾಡಿ ಇಳೆಗೆ ಎದೆಯಿಳಿಸಿದೆ ಕಡಲು ನಡುಗಿಬಿಟ್ಟಳೆ ವಸುಂಧರೆ ಶತಕೋಟಿ ಬಿರುಕು ಬಿಟ್ಟು ಸುನಾಮಿಯ ಕೋಪಕ್ಕೆ ವಿಕಾರವಾಗಿ ಬೊಬ್ಬಿರಿದು ಊಳಿಟ್ಟು ಜೀವ ಜಲ, ಉಸಿರ ಗಾಳಿ ಹುಚ್ಚೆದ್ದು ಕುಣಿದು ಅಪ್ಪಳಿಸಿದ ಆಘಾತಕ್ಕೆ ಕಂಗೆಟ್ಟು ತತ್ತರಿಸಿವೆ ಪ್ರಾಣಿ, ಮನುಜ ಕುಲ ಮಾಡು ಹಾರಿ, ಕಂಬಗಳು ಕುಸಿದು ನೆಲಕಚ್ಚಿವೆ ಮಾನವನ ಬೀಡು ಕತ್ತರಿಸಿ ...

  • 2 weeks ago No comment

    ಕವಿಸಾಲು | ತಡವಿಲ್ಲದಿರಲಿ ಇನ್ನು…

        ಕವಿಸಾಲು         ದಾಳಿಗಳಿಗೆ ಮುಕ್ಕಾದ ಮಂದಿರವಿದು ಕುಸಿದು ಕುಳಿತ ದ್ವಾರಪಾಲಕರು ಎತ್ತರದ ಗೋಡೆಗಳ, ಎಚ್ಚರಿಕೆಯ ಗಂಟೆಗಳು ಕೂಡ ಮೌನವಿಂದು ಮನ ನಿರ್ಮಿಸಿದ ಹೆಬ್ಬಾಗಿಲುಗಳು ಒಲವ ಸಿರಿಗೆ ಚೇತರಿಸಿ ತೆರೆದ ಗಳಿಗೆ ಎತ್ತರದ ಹೊಸ್ತಿಲುಗಳ ತಡೆಯ ದಾಟಿ ತಲುಪಬೇಕಿದೆಯಷ್ಟೆ ಬಯಕೆ ಗುರಿಯನ್ನು ದಟ್ಟ ಹಸಿರಿನ ಕಾಡು, ಆಗಸದ ನೀಲಿ ಬಿಳಿಯ ಮೋಡಗಳ, ಬಿಸಿಲ ಬೆಳಕಿನ ನಡುವೆ ಬಯಲ ಸ್ವೇಚ್ಛೆಯ, ತಿಳಿಗಾಳಿ ತವಕದಲಿ ಬಂಧನಗಳ ...

  • 4 weeks ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 month ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 month ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...


Editor's Wall

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    2 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    2 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    2 months ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    2 months ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...