Share

ಜಗಕೆ ಅನಾಕರ್ಷಕನಾಗುವ ಸುಖದಲ್ಲಿ…
ಅರವಿಂದ ಚೊಕ್ಕಾಡಿ

 

 

 

ಜಗತ್ತು ದೂರವಾದಂತೆ ವ್ಯಕ್ತಿ ತನಗೆ ತಾನೇ ಹತ್ತಿರವಾಗುತ್ತಾನೆ. ಆಗ ತನ್ನನ್ನು ನಿರಾಕರಿಸಿದವರನ್ನೂ ಪ್ರೀತಿಸಲು ಸಾಧ್ಯವಾಗುತ್ತದೆ.

 

 

 

 

 

ಸಿಕ್ಕಾಪಟ್ಟೆ ಕೆಲಸ ಮಾಡಿ ಸುಸ್ತಾಗಿತ್ತು. ಮನಸಿಗೂ ಸ್ವಲ್ಪ ಕಿರಿಕಿರಿಯಾಗಿತ್ತು. ಗೆಳೆಯ ವಾಸುದೇವ ನಾಡಿಗ್ ಅವರ ಹತ್ತಿರ ಅವರ ಕೆಲವು ಕವಿತೆಗಳನ್ನು ತರಿಸಿಕೊಂಡು ಓದಿದೆ.

ಜಗಕೆ ಅನಾಕರ್ಷಕನಾಗುವ ಸುಖ- ಎಂಬ ಕವಿತೆ ಆಕರ್ಷಕವಾಗಿ ಸೆರೆ ಹಿಡಿಯಿತು. ಅರೆ, ಇದೇನಿದು ಅನಾಕರ್ಷಕನಾಗುವುದರಲ್ಲಿ ಸುಖವಿರುವುದು ಎಂದು ಅನಿಸಿತು. ಓದುತ್ತಾ ಹೋದಂತೆ ಕವಿತೆ ನಿಗೂಢದ ಅನುಸಂಧಾನ ಮಾಡಲು ಹೊರಟಿರುವಂತೆ ಭಾಸವಾಯಿತು…

“ದಿನೇ ದಿನೇ ಅನಾಕರ್ಷಕನಾಗುತ್ತಿರು ಅರಿವು ಒಳಗೇ ಅಂಕುರಿಸುತ್ತಿದೆ” ಎನ್ನುವ ಪ್ರಾರಂಭದ ಸಾಲುಗಳೇ ವೈರುಧ್ಯಗಳ ಮುಖಾಮುಖಿಯಲ್ಲಿ ಸೆರೆ ಹಿಡಿಯುತ್ತವೆ. ಸಾಮಾನ್ಯ ಗ್ರಹಿಕೆಯಲ್ಲಿ ಅನಾಕರ್ಷಣೆ ಋಣಾತ್ಮಕವಾದದ್ದು. ಅರಿವು ಧನಾತ್ಮಕವಾದದ್ದು. ಅವೆರಡರ ಮುಖಾಮುಖಿ ಶೀರ್ಷಿಕೆಯಲ್ಲಿ ತೋರುವ ಹತಾಶೆಯನ್ನು ಹೊಸ ಭರವಸೆಯಾಗಿ ಹೊಳೆಯಿಸುತ್ತದೆ. ಕವಿತೆ ಬೆಳೆದಂತೆಲ್ಲ ಹೊರಜಗತ್ತಿನೊಂದಿಗಿನ ಅನಾಕರ್ಷಣೆಯು ಒಳಜಗತ್ತು ಬೃಹತ್ತಾಗಿ ತೆರೆದುಕೊಳ್ಳಲು ಬೆಳಕಿಂಡಿಯಾಗಿ ಕೆಲಸ ಮಾಡುವುದನ್ನು ಕಾಣಬಹುದು.

“ನನ್ನ ನಡೆ ನುಡಿ ಚಹರೆ ಕ್ಲೀಷೆಯಾದ ಗಳಿಗೆಗೆ….” ಎನ್ನುವಲ್ಲಿ ಅದು ಒಳಜಗತ್ತಿನ ಹುಡುಕಾಟಕ್ಕಿಂತ ಹೆಚ್ಚಾಗಿ ಹೊರಜಗತ್ತಿನ ವಿಡಂಬನೆಯಾಗಿ ಅರ್ಥಸೃಷ್ಟಿಯಾಗುವುದನ್ನು ಕಾಣಬಹುದು. ನಾವೇನು ಮಾಡುತ್ತಿದ್ದೇವೆಂಬ ಕಲ್ಪನೆ ಇಲ್ಲದೆ ಮಾಡುವ, ಏನು ಮಾತನಾಡುತ್ತಿದ್ದೇವೆ; ಮಾತು ಯಾವ ಪರಿಣಾಮವನ್ನು ಬೀರಬೇಕು ಎಂದು ಯೋಚಿಸದೆ ಮಾತನಾಡುವ ಯಾಂತ್ರಿಕ ಬದುಕಿನ ತಾಂತ್ರಿಕ ನಡೆವಳಿಕೆಗಳನ್ನೆಲ್ಲ ಕವಿತೆ ಅರಿವಿನ ಬೆಳಕಿನಲ್ಲಿ ಒರೆಗೆ ಹಚ್ಚಿ ವಿಡಂಬನೆಯನ್ನು ಸೃಷ್ಟಿಸುತ್ತದೆ. ನಾವೇ ವಿಡಂಬನೆಯ ವಸ್ತುವಾಗಿದ್ದೇವೆ ಎಂದು ನಮಗೇ ಗೊತ್ತಾಗುವುದು ‘ಅನಾಕರ್ಷಣೆಯ ಅರಿವು ಒಳಗೆ ಅಂಕುರಿಸಿದಾಗ’.

ಅಂತಹ ಅರಿವು ನಮ್ಮೊಳಗೆ ಇಲ್ಲದಿದ್ದಾಗ ಹೊರಜಗತ್ತಿನ ಪರಿಣಾಮ ಆಗುವುದಿಲ್ಲವೆಂದು ಭಾವಿಸುವುದು ತಪ್ಪು. ಆಕರ್ಷಿಸುವುದನ್ನೆ ಕಾಯಕ ಮಾಡಿಕೊಂಡು ಹೋದಾಗ ಆಕರ್ಷಿಸುವ ನಡೆಗಳೇ ಜಗತ್ತಿಗೆ ಅನಾಕರ್ಷಣೆಯಾಗುತ್ತದೆ. ಆಗ ಅದು ತಿರಸ್ಕರಿಸಲು ತೊಡಗುತ್ತದೆ. ತಿರಸ್ಕಾರದ ಪರಿಣಾಮ ಒಳಗಿನ ಬೆರಗುಗಳನ್ನು ಕಂಡುಕೊಳ್ಳಲು ಪ್ರೇರಣೆಯಾಗುವುದನ್ನು “ಒಳಗನ್ನು ರುಚಿಗೊಳಿಸಹೋದೆ” ಎಂಬ ಸಾಲು ಹೇಳಿದರೆ ಅದರ ಮುಂದಿನ ಸಾಲು ಇನ್ನೂ ಪರಿಣಾಮಕಾರಿಯಾಗಿದೆ:

“ಅನಾಕರ್ಷಣೆಯ ಕಟುಸತ್ಯ ಊಳುತ್ತಿದೆ ಹಾಳುಬಿದ್ದ ಹೊಲಮನವನ್ನು…….”

ಇಲ್ಲಿ‌ ಮನಸೆಂಬುದೇ ಒಂದು ಹೊಲ. ಅದರ ಉಳುಮೆಯಾದಾಗಲೆ ಅಲ್ಲಿ ಬೆಳೆ ತೆಗೆಯಲು ಸಾಧ್ಯ. ಮನಸೆಂಬ ಹೊಲವನ್ನು ಉಳುಮೆ ಮಾಡುವುದು ಕಟು ಸತ್ಯವೆಂಬ ಸಾಧನ ಎಂಬ ಕಲ್ಪನೆ ನಿಗೂಢತೆಯನ್ನು ಶೋಧನೆಗೆ ಒಳಪಡಿಸುತ್ತದೆ. ಬರಿಯ ಮಣ್ಣಿನಂತೆ ಕಾಣುವ ಹೊಲದಲ್ಲಿ ಏನೆಲ್ಲ ಇಲ್ಲ! ಇಂತಾದ್ದೇ ಇದೆ, ಇಂತಾದ್ದು ಇಲ್ಲ ಎನ್ನಲು ಸಾಧ್ಯವಿಲ್ಲ. ಹೊಸ ಸೇರ್ಪಡೆಗಳು, ಪಳೆಯುಳಿಕೆಗಳು ಎಲ್ಲವೂ ಇರುತ್ತವೆ. ಮನಸೂ ಹಾಗೆಯೇ. ಬದುಕಿನ ಹಿತಕಾರಿ ಅಹಿತಕಾರಿ; ಇವೆರಡೂ ಅಲ್ಲದ ಎಲ್ಲ ಅನುಭವಗಳೂ ಅದರಲ್ಲಿವೆ. ಜಗತ್ತಿನ ಮೊದಲ ಮಾನವನ ಅನುಭವಗಳ ನೆನಪಿನ ಕೋಶದಿಂದ ತೊಡಗಿ ಇತಿಹಾಸ, ಪುರಾಣ, ಕಲ್ಪನೆ, ಚಿಂತನೆ, ವಿಕಾಸ-ಅವನತಿಗಳೆಲ್ಲವೂ ಮನಸಿನಲ್ಲಿವೆ. ಈ ಎಲ್ಲವನ್ನು ಸೃಷ್ಟಿಸಿದ್ದೂ ಮನುಷ್ಯನ ಮನಸೇ. ನಾಶ ಮಾಡಿದ್ದೂ ಮನುಷ್ಯನ ಮನಸೇ. ಆ ಮನಸೀಗ ಉಳುಮೆಗೊಳಗಾಗದ ಹೊರತು ಹೊಸಸೃಷ್ಟಿ ಸಾಧ್ಯವಿಲ್ಲ ಎಂಬ ಭಾವವನ್ನು ರೂಪಿಸುವುದು ಅನಾಕರ್ಷಣೆ ಎಂಬ ಶಕ್ತಿ.

“ಮೊದಲೆಲ್ಲ ಹೀಗಿರಲಿಲ್ಲ ಮಾತುಮಾತಿಗೆ ಮೋಹಕ್ಕೊಳಗಾದೆ” ಎನ್ನುವ ಮಾತಿನ ಲಯ ಉಳುಮೆಯ ಲಯಕ್ಕೆ ಹೊಂದಿಕೊಂಡು ಒಳಜಗತ್ತಿಗೆ ಪ್ರವೇಶಿಸುವ ನವಿರು ಭಾವಗಳನ್ನು ಹುಟ್ಟುಹಾಕುತ್ತದೆ. ಇಲ್ಲಿ ಮತ್ತೆ ವೈರುಧ್ಯಗಳ ಮುಖಾಮುಖಿ.ನಿಜವಾಗಿ-“ಮಾತುಮಾತಿಗೆ ಮೋಹಕ್ಕೊಳಗಾದೆ ಮೆಚ್ಚುಗೆಯ ಬಲೆಗಳಲ್ಲಿ ಮಿಕನಾದೆ ಹೊಗಳಿಕೆಯ ಶೂಲದಲ್ಲಿ ಸಿಲುಕಿದೆ….” ಎನ್ನುವಾಗ ಪಶ್ಚಾತ್ತಾಪದ ಭಾವಸ್ಪುರಣ ಆಗಬೇಕಿತ್ತು. ಆದರೆ ಇಲ್ಲಿ ಪಶ್ಚಾತ್ತಾಪವಿಲ್ಲ. ನಮಗೆ ಸಂಬಂಧವೇ ಪಡದಿರುವ ವಿಷಯವನ್ನು “ಹೀಗೀಗೆಲ್ಲ ಆಗಿತ್ತು ಕಣಯ್ಯ” ಎಂದು ಹೇಳುವಾಗ ಇರುವ ಸರಾಗತೆ ಇದೆ. ನನ್ನಿಂದ ನನ್ನನ್ನು ನಾನು ಪ್ರತ್ಯೇಕಿಸಿಕೊಂಡು ನೋಡಬಲ್ಲವನಾದಾಗ ಮಾತ್ರ ಈ ಸರಾಗತೆ ಸಾಧ್ಯ. ಹೊರಬದುಕಿನ ಅನಾಕರ್ಷಣೆಯಿಂದ ಈ ಮನಸ್ಥಿತಿ ಸಾಧಿಸಲ್ಪಟ್ಟಿಲ್ಲ. ಹೊರಬದುಕಿನ ಅನಾಕರ್ಷಣೆಯು ಒಳಬದುಕಿನ ಶೋಧನೆಯ ಕ್ರಿಯಾಶೀಲತೆಗೆ ಪ್ರೇರಣೆ ಕೊಟ್ಟದ್ದರಿಂದ ಈ ಮನಸ್ಥಿತಿ ಸಾಧ್ಯವಾಗಿದೆ ಎನ್ನುವುದು ಕವಿತೆಯ ಮಹತ್ವದ ಭಾಗ. ನಾವು ಎಲ್ಲವನ್ನೂ ಹೊರಜಗತ್ತಿನಲ್ಲೆ ಕೊನೆಗೊಳಿಸಿಕೊಂಡು ಒಳಜಗತ್ತನ್ನು ಖಾಲಿಯಾಗಿರಿಸಿಕೊಂಡಿರುವ ಸಮಯದಲ್ಲಿ ಒಳಜಗತ್ತಿನ ಕಡೆಗೆ ಕ್ರಿಯಾಶೀಲರಾಗಲು; ಆ ಕ್ರಿಯಾಶೀಲತೆಯಿಂದ ಮೋಹದ ಪೊರೆಯನ್ನು ಕಳಚಿಕೊಂಡು ಪ್ರೀತಿಯ ಕಡೆಗೆ ಚಲಿಸುವಾಗ ಉಂಟಾಗುವ ಚೇತೋಹಾರಿ ಸ್ಥಿತಿಯನ್ನು ಈ ಭಾಗವು ಸೂಚಿಸುತ್ತದೆ.

“ಅವರ ಇಷ್ಟದ ಬೆಚ್ಚಗಿನ ಗೂಡೊಳಗೆ ತಣ್ಣನೆಯ ನಿದ್ದೆ”-ಎನ್ನುವುದು ಹೊರ ಜಗತ್ತಿನಲ್ಲಿ ನಮಗರಿವಿಲ್ಲದಂತೆಯೆ ಬೆಳೆಯುವ ಮೋಹವು ನಮ್ಮತನವನ್ನು ಇನ್ನೊಬ್ಬರ ಕೈಗೆ ಕೊಟ್ಟು ನಮ್ಮತನದ ಬಗ್ಗೆ ಎಚ್ಚರ ಕಳೆದುಕೊಳ್ಳುವುದನ್ನು ತಿಳಿಸುತ್ತದೆ. “ನಿಂತರೆ ಕೂತರೆ ಸುರಿಸುತ್ತಿದ್ದವರ ಮಾತ ಹಿತ ಸೊಂಪಾಗಿ ಬೆಳೆಯುತ್ತಿದ್ದೆ” ಎನ್ನುವಲ್ಲಿ ಇವನು ಬೆಳೆದುದೆಲ್ಲ ಅವರದನ್ನೆ ಹೊರತು ತನ್ನದನ್ನಲ್ಲ ಎನ್ನುವ ಸ್ವವಿಡಂಬನೆ ಇದೆ. ಯಾಕೆ? ಬೆಳೆಯಬೇಕಾದರೆ ಉಳುಮೆ ನಡೆದು ನೆಲ ಹಸನಾಗಬೇಕು.ಅದನ್ನು ಹಸನು ಮಾಡುವ ಬದಲು ಇವನು ತಣ್ಣಗೆ ನಿದ್ದೆ ಮಾಡಿದ್ದಾನೆ. ಈಗ ಉಳುಮೆಗೆ ತೊಡಗಿದಾಗ ತನ್ನ ಬಗ್ಗೆ ತಾನೆ ನಗುತ್ತಾ ಈ ಮಾತನ್ನು ಹೇಳಿಕೊಳ್ಳುವಲ್ಲಿ ಹುಟ್ಟುವ ಸೌಂದರ್ಯ ಹಿತವಾಗಿ ಸಹೃದಯನನ್ನು ತಟ್ಟಿ ಎಬ್ಬಿಸುತ್ತದೆ.

ಜಗತ್ತಿಗೆ ನಾವು ಬೇಕಾಗುವುದು ಅದು ಹೇಳಿದ್ದನ್ನು ಮಾಡುವುದಕ್ಕಾಗಿ. ಆಗ ಜಗತ್ತು ಪ್ರಶಂಶಿಸುತ್ತದೆ. ಯಾವಾಗ ನಮ್ಮತನವನ್ನು ಕಂಡುಕೊಳ್ಳುತ್ತೆವೋ ಆಗ ಅದೇ ಎದುರಾಗುತ್ತದೆ ಎಂಬುದನ್ನು “….ಹೊರವಸಂತನನ್ನು ಅಪ್ಪಿ ಒಳ ಅಗ್ನಿಯನ್ನು ಬಿರಿದ ನೆಲವನ್ನು….” ಮೂದಲಿಸಲು ತೊಡಗಿದಲ್ಲಿ ಕಾಣಬಹುದು.ಪ್ರತಿಯೊಬ್ಬನಲ್ಲೂ ಒಳಗೆ ಅಗ್ನಿಯೇ ಇದೆ. ಅಗ್ನಿ ತನ್ನನ್ನು ತಾನು ಶುದ್ಧಗೊಳಿಸಿಕೊಳ್ಳುವುದರ ಸಂಕೇತ. “ಒಳದೋಷಗಳ ರಾಶಿ ಹಾಕಿಕೊಂಡು” ಬಿರಿದ ನೆಲದಿಂದ ಬಂದ ಅಗ್ನಿಯಿಂದ ಶುದ್ಧಗೊಳಿಸಲು ಹೊರಟಾಗ ಎಲ್ಲರೂ ದೂರವಾಗಿ ಜಗತ್ತಿಗೆ ಅನಾಕರ್ಷಕನಾದದ್ದು ತನ್ನ ಉತ್ಕರ್ಷದ ಹಾದಿಯೂ ಆಗಿ ಪರಿಣಮಿಸುತ್ತದೆ. ಜಗತ್ತು ದೂರವಾದಂತೆ ವ್ಯಕ್ತಿ ತನಗೆ ತಾನೇ ಹತ್ತಿರವಾಗುತ್ತಾನೆ. ಆಗ ತನ್ನನ್ನು ನಿರಾಕರಿಸಿದವರನ್ನೂ ಪ್ರೀತಿಸಲು ಸಾಧ್ಯವಾಗುತ್ತದೆ ಎಂಬುದನ್ನು “ನನ್ನನ್ನು ನನಗೆ ದೊರಕಿಸಿಕೊಟ್ಟರು” ಎಂಬ ಸಾಲು ಹೇಳುತ್ತದೆ. ಆಗ ಪ್ರೀತಿಯ ಪ್ರಸ್ತಾಪ ಬರುತ್ತದೆ. ಶಬ್ದಗಳನ್ನು ಬಹಳ ಬಿಗಿಯಾಗಿಯೇ ಬಳಸುವ ನಾಡಿಗ್ ಕವಿತೆಯ ಬರೆಹದ ಕೊನೆಯಲ್ಲಿ ಮಾತ್ರ ‘ಪ್ರೀತಿ’ಯನ್ನು ಬಳಸುತ್ತಾರೆ. “ಮಾತು ಮಾತಿಗೆ (ಹೊಗಳಿಕೆಯ ಮೋಹ) ಮೋಹಕ್ಕೊಳಗಾದ” ಸ್ಥಿತಿಯನ್ನು “ಪ್ರೀತಿಸುತ್ತಿದ್ದವರ ದ್ವೇಷ ದ್ವೇಷಿಸುತ್ತಿದ್ದವರ ಪ್ರೀತಿ” ಅರ್ಥವಾದಲ್ಲಿ ನಿಂತು ನೋಡಿದಾಗ ತನ್ನನ್ನು ಮೋಹದಲ್ಲಿ ಸಿಲುಕಿಸುವುದಕ್ಕಾಗಿ ಪ್ರೀತಿಯ ಬಲೆ ಹೆಣೆಯಲ್ಪಡುತ್ತಾ ಹೋಗಿ; ಅದು ಗೊತ್ತಾದಾಗಲೂ ಎಲ್ಲರನ್ನೂ ಪ್ರೀತಿಸಬಲ್ಲ ಸ್ಥಿತಿಯ ನಿರ್ಮಾಣವಾಗುತ್ತದೆ. ಪ್ರೀತಿ ಅರ್ಥವಾಗುವುದು ತಡವಾಗಿ; ಮನವೆಂಬ ಹೊಲವನ್ನು ಉಳುಮೆ ಮಾಡಲು ಹೊರಟಾಗ. ಹೊರಜಗತ್ತಿನಿಂದ ಬೇರೆಯಾಗಿ ನಿಂತು ನಮ್ಮ ಒಳಗನ್ನೆಲ್ಲ ಜಾಲಾಡಿ ನಮಗೆ ನಾವೇ ಹೊಸ ಮನುಷ್ಯರಾದ ಅನುಭವವನ್ನು ಪಡೆಯಲು ಈ ಕವಿತೆಯ ಓದು ಸಾಕು!

—————–

ಅರವಿಂದ ಚೊಕ್ಕಾಡಿ

ಊರು ದಕ್ಷಿಣ ಕನ್ನಡ ಜಿಲ್ಲೆ ಮೂಡಬಿದಿರೆ. ಅಧ್ಯಾಪಕರಾಗಿರುವ ಚೊಕ್ಕಾಡಿ, ತಮ್ಮ ವಿಮರ್ಶೆ ಮತ್ತು ಚಿಂತನಶೀಲ ಬರಹಗಳಿಗಳಿಂದ ಪರಿಚಿತರು.

Share

Leave a comment

Your email address will not be published. Required fields are marked *

Recent Posts More

  • 16 hours ago No comment

    ಕ್ರೈಸ್ತರ ಪ್ರಾರ್ಥನಾ ಅಭಿಯಾನದ ಕರೆಯ ಸುತ್ತಮುತ್ತ

        ಪ್ರಸ್ತಾಪ     ಹುಸಿ ರಾಷ್ಟ್ರ ಭಕ್ತಿಯಲ್ಲಿ ಆರ್ಭಟಿಸುವ ಹಿಂದುತ್ವದ ಸ್ವಘೋಷಿತ ವಾರಸುದಾರರು ಮಾತೆತ್ತಿದರೆ ಕ್ರೈಸ್ತರನ್ನು ಈ ದೇಶದವರಲ್ಲ, ಅವರನ್ನು ದೇಶದಿಂದ ಒದ್ದೋಡಿಸಬೇಕು ಎನ್ನುವಂತೆ ವರ್ತಿಸುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ, ಗಣರಾಜ್ಯೋತ್ಸವ ಹೀಗೆ ಪ್ರತಿ ರಾಷ್ಟ್ರೀಯ ಹಬ್ಬಗಳನ್ನೂ ಧ್ವಜಾರೋಹಣ ಮಾಡಿ ರಾಷ್ಟ್ರಗೀತೆ ಹಾಡಿ ಆಚರಿಸಿಯೇ ಧಾರ್ಮಿಕ ಚಟುವಟಿಕೆಯನ್ನು ಶುರುಮಾಡುವ ಕ್ರೈಸ್ತರಿಂದ ಕಲಿಯುವುದು ಬೇಕಾದಷ್ಟಿದೆ. ಆಸ್ಪತ್ರೆ, ಶಿಕ್ಷಣ, ಸಮಾಜ ಸುಧಾರಣೆಯ ಕಾರ್ಯಗಳಲ್ಲಿ ಕ್ರೈಸ್ತ ಸಂಸ್ಥೆಗಳು ಮಾಡುವ ಸೇವೆಯನ್ನು ...

  • 16 hours ago No comment

    ಚಿತ್ರದಲ್ಲಿನ ಹೆಂಗಸು

      ಕವಿಸಾಲು               ತಲೆಮಾರುಗಳ ಸ್ಥಿರತೆ ಕಮಾನ ಬಿಲ್ಲಿನಂತೆ ಬಾಗಿದ ಹುಬ್ಬುಗಳಲಿ ತೂಗಿ ಕಂದು ಕಣ್ಣುಗಳ ಆಳದಲ್ಲೆಲ್ಲೋ ಅಡಗಿದ ಇನಿತಿನಿತು ಬಾಲ್ಯದ ಭಯಗಳ ನಡುವೆ ಇಣುಕುವ ವಿನಯದಿ ವಿಧೇಯ ಹೆಂಗಸಿದ್ದಾಳೆ, ಆಳಲ್ಲ ಬಾಯೆಂಬ ಬಾಯಿ ಅಚ್ಚುಕಟ್ಟಾಗಿ ಪಳಗಿ ಸರಿಯೆಂಬುದ ದಿಟ್ಟವಾಗಿ ಅರುಹಿ ಉದ್ದುದ್ದ ಭಾಷಣಗಳ ಕಟ್ಟಿಟ್ಟು ತೂಗಿ ಬಿಡಿಸಲಾಗದ ಒಗಟಿನ ಜೀವನ ಸೌಂದರ್ಯವ ಆಸ್ವಾದಿಸುವಲ್ಲಿ ಜೀವಂತವಿದ್ದಾಳೆ, ಕಳೆಯಿಲ್ಲ ಶಿರವೆಂಬ ಶಿಖರವ ...

  • 7 days ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 1 week ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 2 weeks ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...


Editor's Wall

  • 11 May 2018
    2 weeks ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    4 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    4 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...