Share

ಇಂತಿ ನದಿ ಮತ್ತು ಸಲಸಲದ ಪಾಡು
ಮಲ್ಲಿಕಾರ್ಜುನಗೌಡ ತೂಲಹಳ್ಳಿ | ಆನಂದ ಋಗ್ವೇದಿ

 

 

 

ಈ ಲೋಕದ ಭಾಗವಾಗಿ ಬದುಕುವ ಅಂತಃಕರಣವುಳ್ಳ ಕವಿ ಕಾಣುವ ಅನುಭವ ಕಂಡಷ್ಟರ ಪರಿಮಿತಿಯನ್ನು ದಾಟಿಯೂ ಇರುತ್ತದೆ.

 

 

 

 

 

 

 

 

ಸಲಸಲದ ಪಾಡು – ಪ್ರಕೃತಿಯ ಪಲ್ಲವಿಸುವಿಕೆ, ಬರದ ಬಸವಳಿಕೆ, ಹಿರಿಯ ತಲೆಮಾರಿನ ಹಳಹಳಿಕೆ, ಹೊಸ ಹರೆಯದ ಹುರುಪು ಹೊಳೆದ ಬೆಳದಿಂಗಳ ಕೆರಳಿಕೆಗಳ ಸಾಹಿತ್ಯ ರೂಪ.

 

 

 

 

ಸೈದ್ಧಾಂತಿಕ ಆವರಣವನ್ನು ಮೀರಿಯೂ…

 – ಮಲ್ಲಿಕಾರ್ಜುನಗೌಡ ತೂಲಹಳ್ಳಿ

ವಿಜಯಕಾಂತ ಪಾಟೀಲರ ‘ಇಂತಿ ನದಿ’ ಸಂಕಲನದಲ್ಲಿನ ಕವಿತೆಗಳನ್ನು ಓದಿದೆ. ಪಾಟೀಲರದು ಲೋಕವನ್ನು ಒಳಬಿಟ್ಟುಕೊಳ್ಳುವಲ್ಲಿ, ಅದಕ್ಕೆ ಸ್ಪಂದಿಸುವ ಕ್ರಮದಲ್ಲಿ ಮುಕ್ತ ಹಾಗೂ ಘರ್ಷಣಾತ್ಮಕ ಹಾದಿ. ಹಾಗೆಯೇ ಮಾನವೀಯ ಅಂತಃಕರಣದಿಂದ ಸುತ್ತಣ ಸಂಗತಿಗಳನ್ನು ಪರಿಭಾವಿಸುವ ಮತ್ತು ಪಡಿಮಿಡಿವ ಪ್ರಗತಿಪರ ಮನಸ್ಸು. ಇದು ಈ ಸಂಕಲನದ ಬಹುತೇಕ ಕವಿತೆಗಳನ್ನು ಓದಿ ಅನ್ನಿಸಿದ್ದು.

‘ಇಂತಿ ನದಿ’ ಎಂಬ ಕವಿತೆ ನದಿಗಳ ನುಂಗಿ ನೊಣೆದು ಅವುಗಳ ಅಸಹಾಯಕವಾಗಿಸಿದ ಸಮುದ್ರದ ಜೊತೆಗೆ ಜಗಳಕ್ಕೆ ನಿಂತ ನದಿಯೊಂದರ ಪ್ರಸಂಗದ್ದು. ಚಲನಶೀಲವಾದದ್ದನ್ನೆಲ್ಲ ನುಂಗಿ ತನ್ನಿಂದ ಹಸಿರು ಸೃಷ್ಟಿಸಲಾಗದ ಕ್ರೌರ್ಯದ ಜೊತೆಗೆ ಸ್ವಗತದ ಮಾದರಿಯಲ್ಲಿ ನಡೆಸುವ ಜೀವಪರ ಜಗಳವನ್ನು ನಾಟಕೀಯಗೊಳಿಸುವ ಈ ಕವಿತೆ, ನಿರ್ಲಕ್ಷ್ಯಕ್ಕೀಡಾದ ಮಾನವೀಯತೆಯ ಬಗೆಗಿನ ನೋವನ್ನೂ ಒಳಗಿಟ್ಟುಕೊಂಡಿದೆ.

ಮನುಷ್ಯನ ಕ್ರೌರ್ಯ ಸೋಗಲಾಡಿತನದ ಮುಸುಕಿನಲ್ಲಿ ಮರೆಯಾಗಿರುತ್ತದೆ. ಅದು ಬೇಟೆಯ ಅವಕಾಶಕ್ಕಾಗಿ ಕಾದು ಕುಳಿತಿರುತ್ತದೆ. ಮಾನವೀಯ ಸೂಕ್ಷ್ಮರಹಿತವಾದ ಈ ಇದು ದುರ್ಬಲ, ಕೋಮಲವಾದದ್ದರ ಮೇಲೆ ಆಕ್ರಮಣವೆಸಗಲು ನಿರಂತರ ಕಣ್ಣಿಟ್ಟುರುತ್ತದೆ. ಇಂಥದ್ದೊಂದು ದಾರುಣ ಪ್ರಸಂಗವನ್ನು ಪ್ರಾಣಿಗಳ ರೂಪಕದ ಮೂಲಕ ವಿಜಯಕಾಂತ ಪಾಟೀಲರು ‘ಹೌದೋ ಅಲ್ಲವೋ’ ಎಂಬ ಕವಿತೆಯಲ್ಲಿ ಎದೆ ತಾಗುವಂತೆ ಸರಳಾತಿಸರಳ ಭಾಷೆಯಲ್ಲಿ ಮುಂದಿಡುತ್ತಾರೆ. ಪ್ರಕೃತಿಯಲ್ಲಿ ಮಾನವಶ್ರೇಷ್ಢ ಅಹಂಕಾರದಿಂದ ಜರುಗುವ ಈ ಕ್ರೌರ್ಯ ಸಮಾಜದಲ್ಲಿ ಕುಲ, ಜಾತಿ, ಅಧಿಕಾರ ,ಧರ್ಮ ಶ್ರೇಷ್ಠತೆಯ ಅಹಮ್ಮಿಕೆಗಳಿಂದ ನಿತ್ಯ ನಡೆಯುವ ಬೇಟೆಗಳನ್ನು ಧ್ವನಿಸುತ್ತದೆ. ಹಾಗೆಯೇ ದುರಾಸೆಯ ಫಲದಿಂದ ಹುಟ್ಟಬಹುದಾದ ನಶ್ವರತೆಯನ್ನು ಹೊಳೆಯಿಸುತ್ತದೆ.

‘ದಾರಿ ಬಿಟ್ಟ ಮಾತು’ ಎನ್ನುವ ಮತ್ತೊಂದು ಕವಿತೆ ಕೂಡ ಸಮಕಾಲೀನತೆಗೆ ಪ್ರತಿಸ್ಪಂದಿಸಿದ್ದು. ಈ ಕವಿತೆ ನಿರ್ಲಿಪ್ತ ಮನೋಧರ್ಮದವರ ನಿಲುವುಗಳನ್ನು ಟೀಕಿಸಿ,ದುಗುಡಗೊಂಡು, ಸಿಡಿಮಿಡಿಯ ಮನೋಧರ್ಮದಲ್ಲಿ ಸಾಗುತ್ತಲೇ ಮಾನವ ಸಮಾಜದ ಐಕ್ಯತೆಯನ್ನು ಕೇವಲ ಮಾತಿನ ತೆವಲಾಗಿಸಿಕೊಂಡವರನ್ನು
“ಎಣ್ಣೆ ಹಾಕದೇ ‘ಹಚ್ಚೇವು..’/ ಎಂದು ದೀಪ ಹಿಡಿದು ಕುಣಿದದ್ದು/ಇದ್ಯಾವ ಒಂದೇ?
ಇದ್ಯಾವ ದಂಧೆ?”
ಎಂದು ತರಾಟೆಗೂ ತೆಗೆದುಕೊಳ್ಳುತ್ತದೆ.

ಪ್ರಜಾಸತ್ತೆಯ ಬಹು ಮುಖ್ಯ ಭಾಗವಾದ ಜನಪ್ರತಿನಿಧಿಗಳು ತಮ್ಮ ನಿರ್ಲಜ್ಜೆತನದ ಪರಮಾವಧಿಯಿಂದ ಜೈಲುಪಾಲಾಗುತ್ತ ಪ್ರಜಾಪ್ರಭುತ್ವ ವ್ಯವಸ್ಥಗೆ ಕಂಟಕಪ್ರಾಯರಾಗಿರುವುದರ ಬಗ್ಗೆ ಅಸಹನೆಯನ್ನು ‘ಕವಿ, ಕನಸು ಮತ್ತೆ ಅಧಿಕಾರ’ ಎಂಬ ಕವಿತೆಯಲ್ಲಿ ಕಾಣಬಹುದು.ಈ ಅವ್ಯವಸ್ಥೆಯನ್ನು ಸರಿಪಡಿಸಲು “ಕವಿಗಳು ಬರುವರು ದಾರಿ ಬಿಡಿ/ಕವಿಗಳ ಕೈಯಿಗೆ ರಾಜ್ಯ ಕೊಡಿ” ಎಂಬಂತಹ ಸಾಲನ್ನು ಕವಿತೆಯ ನಾಯಕ (ಆತನೂ ಕವಿಯೇ) ತಿರುಚಿಕೊಂಡು ಓದಿದ ಭಾಸವಾಗಿ ಮತ್ತಷ್ಟೂ ಗಲಿಬಿಲಿಗೊಳ್ಳುತ್ತಾನೆ. ಕನಸು ಕಾಣಲು ಸದಾ ಬಯಸುವ ಕವಿಗಳು ರಾಜ್ಯಾಧಿಕಾರ ನಡೆಸುತ್ತಾ ಬೆಳಕನ್ನೇ ಮರೆಮಾಚಿಬಿಟ್ಟಾರೆಂಬ ಆತಂಕ ಕವಿದ ಆತ ಕವಿತೆಯ ಸಹವಾಸವನ್ನೇ ತೊರೆದು ದಿಕ್ಕುಗಾಣದಾಗುತ್ತಾನೆ. ಜನಗಳ ಪಾಲ್ಗೊಳ್ಳುವಿಕೆಯಿಂದ, ಅಭಿಪ್ರಾಯಗಳಿಂದ ನಿತ್ಯವೂ ರೂಪು ತಳೆವ ಪ್ರಜಾಪ್ರಭುತ್ವ ಪಾಳೇಗಾರಿಕೆ ಮನೋಧರ್ಮದ ಜನನಾಯಕರಿಂದ ಕುಸಿದುಹೋಗುತ್ತಿರುವುದರ ಬಗೆಗಿನ ದಿಗ್ಭ್ರಮೆ ಈ ಕವಿತೆಯದ್ದು.

ಚಂಪಾ ಅವರ ಜನಪ್ರಿಯ ವ್ಯಕ್ತಿತ್ವದ ಕಾರಣದಿಂದಲೇ ಗಮನ ಸೆಳೆವ ವಿಜಯಕಾಂತ ಪಾಟೀಲರ ಎರಡು ಕವಿತೆ ‘ಚಂಪಾ ಚಿತ್ರ’ ಮತ್ತು ‘ಚಂಪಾಗಿರಿಯಲ್ಲಿ’. ಇವು ಅವರ ಬದ್ಧತೆ, ಬಂಡಾಯ ಮನೋಧರ್ಮ ಕಟ್ಟಿಕೊಡುವುದರ ಜೊತೆಗೇ ಅವರ ಮಾನವೀಯ ಹಾಗೂ ಸ್ನೇಹ ಸ್ವಭಾವವನ್ನು ತೋರುತ್ತವೆ. ಎಲ್ಲೇ ಇದ್ದರೂ ಉತ್ತರ ಕರ್ನಾಟಕದ ಅವರ ಜವಾರಿತನವನ್ನು ನೆನಪಿಸುತ್ತವೆ.

ಇನ್ನು ಜೀವನ ಪ್ರಯಾಣದಲ್ಲೆದುರಾಗುವ ಬದುಕಿನ ದಾರುಣ ಚಿತ್ರಗಳೂ ಈ ಸಂಕಲನದಲ್ಲಿ ಕವಿತೆಯ ಜಾಗ ಪಡೆದುಕೊಂಡಿವೆ. ‘ಹುರಿಗಡಲೆ ಮಾರುವ ಹುಡುಗ’ ಮತ್ತು ‘ಉದರ ರಾಗ’ ಎಂಬುವು ಅಂತಹ ಕವಿತೆಗಳು. ಹುರಿಗಡಲೆ ಮಾರಿ ಜೀವನಾಧಾರ ಕಂಡುಕೊಳ್ಳಲೆತ್ನಿಸುವ ಹುಡುಗನ ಕೌಟುಂಬಿಕ ಬಡತನದ ಭೀಕರತೆ ನಮ್ಮ ನಿದ್ದೆಯನ್ನೂ ಕೆಡಿಸುವಂತಿದೆ. ಅಂತೆಯೇ ಹಾರ್ಮೋನಿಯಮ್ ನುಡಿಸಿ, ಹಾಡುತ್ತ ಅನ್ನ ಕಾಣಲೆತ್ನಿಸುವ ತಾಯಿಯೊಬ್ಬಳ ಚಿತ್ರ ಕೂಡ.

ಹೀಗೆಯೇ ಓದುತ್ತೋದುತ್ತಾ ಸಂಕಲನದ ಕೊನೆಕೊನೆಗೆ ಬರುವ ಹೊತ್ತಿಗೆ ಕಲಾತ್ಮಕತೆಯ ಬಗ್ಗೆ ಚರ್ಚೆಗೆ ಈಡು ಮಾಡಬಲ್ಲ ‘ಎಲ್ಲಕ್ಕೂ ಮಿಗಿಲಾಗಿ’ ಎಂಬ ಕವಿತೆ ಪರಿಶ್ರಮ ಮತ್ತು ಬೆವರಿನ ಸಂಬಂಧದ ಸಂಯಮದಲ್ಲಿ ಕಲಾತ್ಮಕತೆಯ ಜನನ ಗುರುತಿಸಲೆತ್ನಿಸುತ್ತದೆ.

ಇಷ್ಟೆಲ್ಲಾ ಓದಿಗೊದಗಿದ ವಿಜಯಕಾಂತ ಪಾಟೀಲರ ಕವಿತೆಗಳನ್ನು ಪೂರ್ಣಗೊಳಿಸಿದ ಮೇಲೆ ಅನ್ನಿಸಿದ್ದಿಷ್ಟು: ಈ ಲೋಕದ ಭಾಗವಾಗಿ ಬದುಕುವ ಅಂತಃಕರಣವುಳ್ಳ ಕವಿ ಕಾಣುವ ಅನುಭವ ಕಂಡಷ್ಟರ ಪರಿಮಿತಿಯನ್ನು ದಾಟಿಯೂ ಇರುತ್ತದೆ. ಆ ಅದರ ಮಿಗುವಿಕೆಯನ್ನು ಭಾಷಿಕ ಆಕೃತಿಯಲ್ಲಿ ಹೊಸದೆನ್ನುವಂತೆ ಹಿಡಿದು ತನ್ನ ಕಾವ್ಯ ಪರಂಪರೆಯ ಏಕತಾನತೆಯನ್ನು ಮುರಿಯಬಲ್ಲ ಕವಿತೆ ಮಾತ್ರ ಜೀವಂತವಾಗುಳಿಯುತ್ತದೆ. ಸೈದ್ಧಾಂತಿಕ ಆವರಣವನ್ನು ಮೀರಿಯೂ ಅನುಭವ ಜಗತ್ತಿಗೆ ಕವಿ ಮನಸ್ಸು ತೆರೆದುಕೊಂಡಾಗ ಇದು ಸಾಧ್ಯವಾಗುತ್ತದೆ. ನಿರಂತರ ಕ್ರಿಯಾಶೀಲರಾಗಿರುವ ವಿಜಯಕಾಂತ ಪಾಟೀಲರಿಂದ ಅಂತಹ ಕವಿತೆಗಳನ್ನೂ ಓದಿಗಾಗಿ ಕಾಯುತ್ತಿರುವೆ.

 

———————————————

 

ಸಾಲು ಸಾಲುಗಳ ನಡುವೆ ಹೊಂಚಿದ ಮಿಂಚಿದ ಭಾವಗೊಂಚಲು

– ಡಾ. ಆನಂದ್ ಋಗ್ವೇದಿ

ವಿಜಯಕಾಂತ ಪಾಟೀಲರು ನಮ್ಮ ವರ್ತಮಾನದ ಇತ್ಯಾತ್ಮಕ ಕವಿಗಳು. ಸಕಾರಾತ್ಮಕದ ಆಶಾವಾದ, ನೇತ್ಯಾತ್ಮಕತೆಯ ನಿಷ್ಠುರತೆ ಎರಡನ್ನೂ ಪ್ರೀತಿಯಿಂದ ಪರಿಭಾವಿಸುವ ಇತಿ ಅವರದು. ಅತಿಯಾದ ಆಡಂಬರವಿಲ್ಲದ ಅವರ ಕಾವ್ಯ ಭಾಷೆಗೆ ಅನಗತ್ಯ ಪ್ರತಿಮೆ ಹಾಗೂ ರೂಪಕಗಳ ಭಾರವೂ ಇಲ್ಲ.

ಪ್ರಕೃತಿಯಂತೆ ಕವಿಯ ಚಿತ್ತ. ಅತೀವೃಷ್ಟಿ ಅನಾವೃಷ್ಟಿ ಬರ ಕಾರ್ಪಣ್ಯ ಜೊತೆಗೇ ಭಾವ ಸಂಪನ್ನತೆ ಹನಿ ಪ್ರೀತಿ ಪರಿಭಾವಿಸುವ ನಿರ್ಲಿಪ್ತತೆಯಲ್ಲೂ ಮಮಕಾರದ ಮಾನವೀಯತೆ! ಕವಿ ವಿಜಯಕಾಂತ ಪಾಟೀಲರು ಸಹಜ ಲಯದಲ್ಲಿ ಕಟ್ಟುವ ಕವಿತೆಗೆ ಇಂತಹ ನಿರ್ಮಮ ಪ್ರಕೃತಿಯದೇ ಸೊಬಗು.

ಅವರ ಕವನ ಸಂಕಲನ ‘ಸಲಸಲದ ಪಾಡು’ ಈ ಹಿನ್ನೆಲೆಯಲ್ಲಿ ಆಪ್ತ ಮತ್ತು ಗಮನಾರ್ಹ. ಚಿಕ್ಕ ಚಿಕ್ಕ ಪದಗಳ ಸುರಗಿ ಪೋಣಿಸಿದಂತಹ ಅವರ ಕವಿತೆಯ ಸಾಲುಗಳಲ್ಲಿ ಸಾಲ್ಮಿಂಚು. ಕವಿಗೆ ಕಾಣಿಸುವ ಕಾಡಿಸುವ ಬದುಕು ಭಾವಕ್ಕಿಲ್ಲಿ ಪದಗಳ ಹೊದಿಕೆ. ಕಂಗೊಳಿಸುವ ಕಂಗೆಡಿಸುವ ಎರಡೂ ಚಿತ್ರಗಳನ್ನು ನಿರ್ಲಿಪ್ತವಾಗಿ ಬರೆಯುವ ಕವಿ ಪಾಟೀಲರು ಓದುಗರನ್ನು ಮಾತ್ರ ಕಾಡಿಸುತ್ತಾರೆ!

ಅವರದೊಂದು ಕಾಡುವ ಸಾಲು ಚಿತ್ರ ಹೀಗಿದೆ –

“ಈ ಬಾರಿ ಕಣದ ತುಂಬಾ ರಾಶಿ ರಾಶಿ ಮೌನ;
ನಟ್ಟ ನಡುವೆ ಮಾತ್ರ ಪೇರಿಸಿಟ್ಟ ಹೆಣ”
(ಬರ: ಮೂರು ಸುದ್ದಿಗಳು)

ಬಾಯಾರಿ ಊರ ಹೊಗುವ ಜಿಂಕೆಯ ಗುಳಿಕಣ್ಣಿಗೆ ಬರ ಬಿದ್ದ ನಾಡ ಮೇವು ಕಾಣುವ ವೈದೃಶ್ಯ ಮತ್ತು ಸತ್ಯವನ್ನು ಬಿಡಿ ಬಿಡಿ ಚಿತ್ರಗಳ ಮೂಲಕ ಕಟ್ಟಿಕೊಡುವ ಕವಿಗೆ ವಿಷಣ್ಣತೆಯೂ ವಾಸ್ತವದ ಭಾಗ.

ಈ ಬರ ಕೇವಲ ಪ್ರಾಕೃತಿಕ ಅಲ್ಲ. ಅದು ಮನುಷ್ಯ ಸಂವೇದನೆಗಳಿಗೂ ಸಂಬಂಧಿಸಿದ್ದು! ಹಳೆಯ ತಲೆಮಾರು ಮತ್ತು ಹೊಸ ತಲೆಮಾರ ಚಿತ್ರಗಳನ್ನು ಬಿಡಿಯಾಗಿಯೂ ಒಟ್ಟಂದದಲ್ಲಿ ಗ್ರಹಿಸುವಂತೆಯೂ ನೀಡುವ ಆಯಾಮ ಈ ಕವಿಗಿದೆ.

‘ಅಜ್ಜ’ ಕವಿತೆಯಲ್ಲಿ ಹಿಂದಿನ ತಲೆಮಾರಿನ ಮೌಲ್ಯ ಮತ್ತು ಸಂವೇದನೆಗಳು ಚೈತನ್ಯ ಪೂರ್ಣವೂ ಮತ್ತು ಸಾಮಯಿಕವೂ ಆಗಿ ಕಂಡರಿಸಲ್ಪಟ್ಟಿವೆ. ಅತೀವ ಜೀವ ಪ್ರೇಮದ ಅಜ್ಜ ಕಾಯಕ ತತ್ವದವ, ಸ್ನೇಹದ ಮಹತ್ತಿನವ. ಅವನ ವ್ಯಕ್ತಿತ್ವವನ್ನು ಕಂಡ ಅಜ್ಜಿ, ಗೆಳೆಯ ಮತ್ತು ಆ ಅಜ್ಜನ ಮಗನ ಮೂಲಕ ಯುವ ತಲೆಮಾರು ಅರಿಯುವ ವ್ಯಾಪಕತೆ ಪುಟ್ಟ ಕವಿತೆಯನ್ನು ಸಾಂದ್ರವಾಗಿಸಿದೆ. ಅಂತಹುದೇ ಸಾಂದ್ರತೆ ಈ ಸಂಕಲನದ ಅಜ್ಜಿ ಕವಿತೆಗೂ ಇದೆ.

ಅಜ್ಜ ಅಜ್ಜಿಯ ಚಿದ್ರೂಪದ ಜೊತೆಗೆ ಕವಿಯ ಅವಳ ರೂಪವೂ ಇದೆ ಈ ಸಾಲಿನಲ್ಲಿ! ಕಾಣದಾದ ಅವಳ ಬಗ್ಗೆ ಚುಕ್ಕಿಗಳಿಗೆ, ಹರಿವ ತೊರೆಗೆ, ಹಾರು ಹಕ್ಕಿಗೆ, ಹೂ ಗಿಡ ದುಂಬಿ… ಹೀಗೆ ಎಲ್ಲವುಗಳೊಂದಿಗೆ ಕೇಳುವ ಕವಿಯ ತೀವ್ರತೆ ಅರೆ ಕ್ಷಣ ಅಕ್ಕನ ನೆನಪಿಸಿದರೆ, ಈ ತಲ್ಲಣ ಕೊನೆಗೆ – “ಅವಳೆಂದರೆ ಅವಳೇ ಥೇಟು;
ಜೊತೆ ಚಂದಿರ” ಎಂಬ ಹುಣವಿ ನಗೆಯಾಗುತ್ತದೆ!

ಕವಿತೆಗಳ ಸಾಲು ಲಾಲಿತ್ಯ ವಸ್ತುವಿನ ಸಾತತ್ಯವನ್ನು ಸಂಕಲನದ ಕೆಲವು ಕವಿತೆಗಳ ಮೂಲಕ, ಸಾಲುಗಳ ಮಿಂಚ ಮುಖೇನ ಹಿಡಿಯ ಹೊರಡುವುದು ಕಷ್ಟ. ಅದು ಬೆಳದಿಂಗಳಿಗೆ ಬೊಗಸೆಯೊಡ್ಡಿದಂತೆ! ಬದಲಿಗೆ ಕಣ್ಣರಳಿಸಿ ನೋಡಿದರೆ; ಕಣ್ಣ ಹಿಗ್ಗಿಸಿದಷ್ಟೂ ಮುಗಿಲು, ಕಂಡಷ್ಟೂ ನವಿರು ದಿಗಿಲು. ಕವಿ ವಿಜಯಕಾಂತ ಪಾಟೀಲರ ಈ ಸಲಸಲದ ಪಾಡು – ಪ್ರಕೃತಿಯ ಪಲ್ಲವಿಸುವಿಕೆ, ಬರದ ಬಸವಳಿಕೆ, ಹಿರಿಯ ತಲೆಮಾರಿನ ಹಳಹಳಿಕೆ, ಹೊಸ ಹರೆಯದ ಹುರುಪು ಹೊಳೆದ ಬೆಳದಿಂಗಳ ಕೆರಳಿಕೆಗಳ ಸಾಹಿತ್ಯ ರೂಪ. ಸಾಲು ಸಾಲುಗಳ ನಡುವೆ ಹೊಂಚಿದ ಮಿಂಚಿದ ಭಾವಗೊಂಚಲು.

Share

One Comment For "ಇಂತಿ ನದಿ ಮತ್ತು ಸಲಸಲದ ಪಾಡು
ಮಲ್ಲಿಕಾರ್ಜುನಗೌಡ ತೂಲಹಳ್ಳಿ | ಆನಂದ ಋಗ್ವೇದಿ
"

  1. ಸಂಗೀತ ರವಿರಾಜ್
    6th November 2017

    ಚೆನ್ನಾಗಿದೆ

    Reply

Leave a comment

Your email address will not be published. Required fields are marked *

Recent Posts More

  • 2 weeks ago No comment

    ಕವಿಸಾಲು | ಇಂಡೋನೇಶಿಯಾ

        ಕವಿಸಾಲು         ಕಿಚ್ಚೆದ್ದು ಕುಣಿವ ನೀರು ಬಿರುಗಾಳಿ ತುಂಬಿದ ಒಡಲು ಎತ್ತೊಯ್ದು ಬಿಸಾಡಿ ಇಳೆಗೆ ಎದೆಯಿಳಿಸಿದೆ ಕಡಲು ನಡುಗಿಬಿಟ್ಟಳೆ ವಸುಂಧರೆ ಶತಕೋಟಿ ಬಿರುಕು ಬಿಟ್ಟು ಸುನಾಮಿಯ ಕೋಪಕ್ಕೆ ವಿಕಾರವಾಗಿ ಬೊಬ್ಬಿರಿದು ಊಳಿಟ್ಟು ಜೀವ ಜಲ, ಉಸಿರ ಗಾಳಿ ಹುಚ್ಚೆದ್ದು ಕುಣಿದು ಅಪ್ಪಳಿಸಿದ ಆಘಾತಕ್ಕೆ ಕಂಗೆಟ್ಟು ತತ್ತರಿಸಿವೆ ಪ್ರಾಣಿ, ಮನುಜ ಕುಲ ಮಾಡು ಹಾರಿ, ಕಂಬಗಳು ಕುಸಿದು ನೆಲಕಚ್ಚಿವೆ ಮಾನವನ ಬೀಡು ಕತ್ತರಿಸಿ ...

  • 2 weeks ago No comment

    ಕವಿಸಾಲು | ತಡವಿಲ್ಲದಿರಲಿ ಇನ್ನು…

        ಕವಿಸಾಲು         ದಾಳಿಗಳಿಗೆ ಮುಕ್ಕಾದ ಮಂದಿರವಿದು ಕುಸಿದು ಕುಳಿತ ದ್ವಾರಪಾಲಕರು ಎತ್ತರದ ಗೋಡೆಗಳ, ಎಚ್ಚರಿಕೆಯ ಗಂಟೆಗಳು ಕೂಡ ಮೌನವಿಂದು ಮನ ನಿರ್ಮಿಸಿದ ಹೆಬ್ಬಾಗಿಲುಗಳು ಒಲವ ಸಿರಿಗೆ ಚೇತರಿಸಿ ತೆರೆದ ಗಳಿಗೆ ಎತ್ತರದ ಹೊಸ್ತಿಲುಗಳ ತಡೆಯ ದಾಟಿ ತಲುಪಬೇಕಿದೆಯಷ್ಟೆ ಬಯಕೆ ಗುರಿಯನ್ನು ದಟ್ಟ ಹಸಿರಿನ ಕಾಡು, ಆಗಸದ ನೀಲಿ ಬಿಳಿಯ ಮೋಡಗಳ, ಬಿಸಿಲ ಬೆಳಕಿನ ನಡುವೆ ಬಯಲ ಸ್ವೇಚ್ಛೆಯ, ತಿಳಿಗಾಳಿ ತವಕದಲಿ ಬಂಧನಗಳ ...

  • 4 weeks ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 month ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 month ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...


Editor's Wall

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    2 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    2 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    2 months ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    2 months ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...