Share

ಕಾಲದೊಂದೊಂದೇ ಹನಿಯು ಹರಿದುಹೋಗುವ ಸದ್ದು
ದೀಪಾ ಫಡ್ಕೆ

ಹಳೆಯ ಕಾವ್ಯದ ಮೆಲುಕನ್ನು ಇವತ್ತಿನ ಪ್ರಯಾಣಕ್ಕೆ ಜೋಡಿಸಿಕೊಳ್ಳುವುದೇ ಒಂದು ಸೊಗಸು. ಒಂದು ಕವಿತೆಯ ನೆವದಲ್ಲಿ ಸಿಗುವ ನೆನಪಿನ ಗುರುತುಗಳೂ ಹಲವು. ಇದು ವಿಮರ್ಶೆಯಾಚೆಗಿನ, ಅಕೆಡೆಮಿಕ್ ಮಿತಿಯನ್ನು ದಾಟುವ ಗುರುತೂ ಆಗುತ್ತದೆ; ಹಾಗೆಂದು ಹೇಳಿಕೊಳ್ಳದೆಯೂ. 

ಕನೆಕ್ಟ್ ಕನ್ನಡ ಅಂಥದೊಂದು ಹುಡುಕಾಟದ ಖುಷಿ ಹಂಚಲು ತೊಡಗಿದೆ. 

*

*

*

 

 

 

 

ನಾವು ಓಡುತ್ತಿರುವ ರಭಸಕ್ಕೆ ನಮ್ಮ ಅರಿವಿಗೇ ಬರುವುದಿಲ್ಲ, ಅದ್ಯಾವ ಹೊತ್ತಲ್ಲಿ ಜೀವಶಕ್ತಿ ತನ್ನ ಒಂದು ಕಾಲನ್ನು ಹೊರಗಿಟ್ಟಿತು ಎಂದು.

 

 

 

 

‘ಎಲ್ಲಿ ಹೋದರವರು ಇಲ್ಲೇ ಇದ್ದವರು…ಗಾಳಿಯಾಗಿ ಸುಳಿದು ಉಸಿರ ನೀಡಿದವರು’ -ಮನುಷ್ಯ ಶರೀರದ ಬ್ರಹ್ಮವಾದ ಜೀವಶಕ್ತಿಯನ್ನು ಸಂಬೋಧಿಸಿ, ಹೀಗೊಂದು ಮನಸ್ಸಿಗೆ ಅತ್ಯಂತ ಆಪ್ತಸ್ಪರ್ಶ ಕೊಡುವಂತಹ, ಮುದುರಿದ್ದ ಪ್ರಾಣಕ್ಕೆ ಮತ್ತೆ ಚೈತನ್ಯ ತುಂಬುವಂತಹ ಸಾಲುಗಳನ್ನು ರಚಿಸಿ ಆ ಮೂಲಕ ಮನುಷ್ಯದೇಹದ ಜೀವಶಕ್ತಿಯ ಮಹತ್ವವನ್ನು ಗುರುತಿಸಿದವರು, ಮುಕ್ತಛಂದದ ಕವಿಯೆಂದೇ ಪ್ರೀತಿಯಿಂದ ಕರೆಸಿಕೊಳ್ಳುವ ಸುಬ್ರಾಯ ಚೊಕ್ಕಾಡಿಯವರು. ಉಸಿರು, ಸ್ಪರ್ಶ, ಶ್ವಾಸ, ಚೈತನ್ಯ, ವೀರ್ಯ, ಫಲ, ಸೃಷ್ಟಿ, ಮರುಸೃಷ್ಟಿ, ಎಚ್ಚರ, ಮಹತ್ವಾಕಾಂಕ್ಷೆ, ರತಿ ಹೀಗೆ ಹತ್ತಾರು ರೂಪಗಳಲ್ಲಿ ನಮ್ಮ ದೇಹ ಮತ್ತು ಮನಸ್ಸನ್ನು ನಿರಂತರ ಬದುಕಿಸುವ ಜೀವಶಕ್ತಿ, ಬಂಟಮಲೆಯ ತಪ್ಪಲಿನಲ್ಲಿ ನಿರಾತಂಕವಾಗಿ ಮೌನದಲ್ಲೇ ಸಂವಾದಿಸುವಂತೆ ಕಾಣುವ ಸುಬ್ರಾಯ ಚೊಕ್ಕಾಡಿಯವರಿಗೆ, ಸೋಜಿಗವಾಗಿ ಕಂಡು ಅಕ್ಷರ ಕಟ್ಟುವ ಪ್ರಾಣವಾಗಿ ಗೋಚರಿಸುತ್ತದೆ. ನಿಸರ್ಗದ ಅಸ್ಪಷ್ಟ ಶಬ್ದಗಳಿಗೆ ಅಕ್ಷರದ ಅರ್ಥ ಕಟ್ಟುವ ದಕ್ಷಿಣಕನ್ನಡದ ಸುಳ್ಯ ತಾಲೂಕಿನ ಸುಬ್ರಾಯ ಚೊಕ್ಕಾಡಿಯವರು ನಮ್ಮ ನಾಡು ಕಂಡ, ಸ್ವೋಪಜ್ಞ ಕವಿಗಳಲ್ಲಿ ಒಬ್ಬರು.

ಚೊಕ್ಕಾಡಿಯವರ ಹಾಡಿನ ಲೋಕವನ್ನು ಗಮನಿಸಿದರೆ ಪ್ರೇಮ ಸಫಲತೆ, ಶೃಂಗಾರ ತುಂಬಿದ ವಿರಹ, ನಾಡುನುಡಿಯ ಕಳಕಳಿ, ಮುಖ್ಯವಾಗಿ ಪ್ರಕೃತಿಯೆಡೆಗೆ ಗೌರವ, ಕಳೆದುಹೋದ ಬಾಲ್ಯದ ದಿನಗಳ ನೆನಪು ಅಲ್ಲದೇ ಸುತ್ತಲಿನ ಬದಲಾವಣೆಗಳೆಡೆಗೂ ಕಾಳಜಿ ಕಾಣುತ್ತದೆ. ಸೂಕ್ಷ್ಮವಾಗಿ ಪ್ರತಿಯೊಂದನ್ನು ತಮ್ಮ ಅನುಭವಸ್ಥ ಕಣ್ಣುಗಳಿಂದ ನೋಡುತ್ತಾ ಸಾಗುವಾಗ ಅವರಿಗೆ ಮನುಷ್ಯ ಜೀವನದ ಇನ್ನೊಂದು ದರ್ಶನವೂ ಆಗುವ ಅರಿವು ಕೆಲವು ಹಾಡುಗಳಲ್ಲಿ ಪ್ರತಿಧ್ವಿನಿಸಿದೆ. ಸುತ್ತಲೂ ಇರುವ ಪ್ರಕೃತಿಗೆ ಪ್ರತಿ ವರ್ಷವೂ ಹೊಸದಾಗುವ, ಆ ಮೂಲಕ ಹೊಸ ಬದುಕು ಅನುಭವಿಸುವ ಅವಕಾಶ ಇದ್ದರೆ ಮನುಷ್ಯ ಮಾತ್ರ ವರ್ಷದಿಂದ ವರ್ಷಕ್ಕೆ ಹಳತಾಗುತ್ತಾ ಸಾಗುತ್ತಾನೆ. ಬೇಂದ್ರೆಯವರು ಅಂದಂತೆ ಒಂದೇ ಬಾಲ್ಯ ಒಂದೇ ಯೌವನ ಮನುಷ್ಯನಿಗೆ ಕೊಟ್ಟು ನಿಸರ್ಗ ವರ್ಷವರ್ಷವೂ ಹೊಸದಾಗುವ ಅಚ್ಚರಿಯನ್ನು ತನ್ನ ಪಾಲಿಗಿಟ್ಟುಕೊಂಡಿದೆ. ಚೊಕ್ಕಾಡಿಯವರಿಗೂ ಇದು ಉತ್ತರವಿಲ್ಲದ ಪ್ರಶ್ನೆಯಾಗಿ ಕಂಡುಬಂದಿರುವ ನಿದರ್ಶನ ಈ ಭಾವಗೀತೆಯಲ್ಲಿ.

ಎಲ್ಲಿ ಹೋದರವರು
ಇಲ್ಲೇ ಇದ್ದವರು
ಗಾಳಿಯಾಗಿ ಸುಳಿದು
ಉಸಿರ ನೀಡಿದವರು

ಕವಿ ಸುಬ್ರಾಯ ಚೊಕ್ಕಾಡಿ ಅವರೊಂದಿಗೆ ದೀಪಾ ಫಡ್ಕೆ

ಸೂರ್ಯಕಿರಣ ಹಿಡಿದು
ಕಣ್ಣ ತುಂಬಿದವರು
ಬೆಳದಿಂಗಳ ತಂಪು
ಹೃದಯಕೆ ಎರೆದವರು

ಇಂದ್ರಚಾಪವೇರಿ
ನಾಟ್ಯವಾಡಿದವರು
ತಾರೆಗಳನ್ನು ಹೆಕ್ಕಿ
ಶಿರದಲಿ ಇಟ್ಟವರು

ಗುರಿಯ ಕಡೆಗೆ ಹೆಜ್ಜೆ
ಇಡಲು ಕಲಿಸಿದವರು
ಎಡವದಂತೆ ಕೈಯ
ಹಿಡಿದು ನಡೆಸಿದವರು

ಬಾಳಿಗೆ ಭರವಸೆಯ
ನೆರಳ ನೀಡಿದವರು
ಈಗ ಕಾಣೆಯಾಗಿ
ಶೂನ್ಯ ಹರಡಿದವರು

ನೂರಾರು ಅದ್ಭುತವೆನ್ನಿಸುವ ಹಾಡುಗಳನ್ನು, ಚಿತ್ರಗೀತೆಗಳನ್ನು, ಕವನಗಳನ್ನು ಕೇಳಿ, ಓದಿ ಮನಸ್ಸು ತುಂಬಿದ್ದರೂ ಸುಬ್ರಾಯ ಚೊಕ್ಕಾಡಿಯವರ ಈ ಹಾಡಿನ ಗುಂಗು ಬಹಳ ಕಾಲ ತಲೆಯಲ್ಲಿ ತುಂಬಿತ್ತು. ಆರಂಭದಲ್ಲಿ ಈ ಹಾಡನ್ನು ವ್ಯಕ್ತಿಕೇಂದ್ರಿತ ಕಲ್ಪನೆಯಲ್ಲಿ ನೋಡಿದ್ದೆ. ಅದು, ನಾನು ಪಿಎಚ್‍ಡಿ ಅಧ್ಯಯನ ನಡೆಸುತ್ತಿದ್ದ ಹೊತ್ತು. ಇನ್ನೇನು ಒಂದೆರಡು ವರ್ಷಗಳಲ್ಲಿ ನನ್ನ ಅಧ್ಯಯನ ಮುಗಿಯುವ ಹಂತದಲ್ಲಿತ್ತು. ಆಗ ಹಠಾತ್ತಾಗಿ ನನ್ನ ಅಧ್ಯಯನದ ಮಾರ್ಗದರ್ಶಕರಾಗಿದ್ದ, ನನ್ನ ಸಾಹಿತ್ಯದ ಗುರುಗಳಾದ ಭಾಷಾವಿಜ್ಞಾನದ ತಜ್ಞ ಡಾ. ಸಿ ಎಸ್ ರಾಮಚಂದ್ರ ಅವರು ಹೃದಯಾಘಾತಕ್ಕೀಡಾಗಿ ನಿಧನ ಹೊಂದಿದರು. ಅವರ ಮಾರ್ಗದರ್ಶನದಲ್ಲಿ ಅಧ್ಯಯನ ಮಾಡುತ್ತಿದ್ದ ಎಂಟ್ಹತ್ತು ವಿದ್ಯಾರ್ಥಿಗಳು ನಾವು ಅಕ್ಷರಶಃ ಅನಾಥಭಾವದಿಂದ ಕಂಗಾಲಾಗಿದ್ದೆವು. ಆಗ ಕಿವಿಗೆ ಬಿದ್ದ ಈ ಹಾಡು ನನ್ನಲ್ಲಿದ್ದ ದುಃಖ, ಹತಾಶೆಯನ್ನು ಕಣ್ಣೀರ ರೂಪದಲ್ಲಿ ಹೊರಹಾಕಲು ನೆರವಾಗುತ್ತಿತ್ತು. ಆಸೆಪಟ್ಟು ಖರೀದಿಸಿದ ಪುಸ್ತಕಗಳನ್ನೆಲ್ಲಾ ರದ್ದಿಗೆ ಹಾಕುವ ಭಯಂಕರ, ಹುಚ್ಚು ಯೋಚನೆಯನ್ನೂ ಮಾಡಿದ್ದೆ. ಆಗೆಲ್ಲಾ ಈ ಹಾಡು ಸಂತೈಸುತ್ತಿತ್ತು. ನನ್ನ ಸಂಕಟ ಹೊರಹಾಕಲು ನೆರವಾಗಿತ್ತು. ಕಾಲ ಅನ್ನುವ ಮುಲಾಮು ಎಂಥೆಂಥ ಗಾಯಗಳನ್ನೇ ಸಂಜೀವಿನಿಯಂತೆ ಮಾಯ ಮಾಡಿರುವಾಗ ನನ್ನ ಮನಸ್ಸಿನ ದುಃಖ ಮಾಗುತ್ತಾ ಮತ್ತೆ ನಾನು ಅಧ್ಯಯನದತ್ತ ಅನಿವಾರ್ಯವಾಗಿ ತೊಡಗಿಕೊಂಡೆ. ಪಿಎಚ್‍ಡಿ ಪದವಿಯೂ ದೊರೆಯಿತು. ಮನಸ್ಸಿನ ಗೂಡಿನಲ್ಲಿ ನೆನಪಿನ ಸಂಚಿಯಲ್ಲಿ ಗುರುಗಳನ್ನು ಭದ್ರವಾಗಿಟ್ಟುಕೊಂಡು ಎಲ್ಲರೂ ಮುನ್ನಡೆಯುತ್ತಿದ್ದೇವೆ. ಅಂದಿನಿಂದ ಈ ಹಾಡು ಇಂದಿಗೂ ನನಗೆ ತುಂಬಾ ಆಪ್ತ.

ನಂತರ ಚೊಕ್ಕಾಡಿಯವರ ಕುರಿತ ಪುಸ್ತಕ ಬರೆಯುವ ಹೊತ್ತಿನಲ್ಲಿ, ಅವರೊಂದಿಗೆ ಮಾತಾಡುವಾಗ ಈ ಹಾಡಿನ ಕುರಿತೂ ಮಾತಾಡಿದ್ದೆ. ಆಗ ಅವರು ಜೀವಶಕ್ತಿಯನ್ನು ಉದ್ದೇಶಿಸಿ ರಚನೆಯಾದ ಹಾಡಿದು ಎಂದರು. ನಂತರ ಮತ್ತೆ ಅದೇ ಹಾಡನ್ನು ಕೇಳಿದಾಗ ಈ ಹಾಡು ನನ್ನಲ್ಲಿ ಮೂಡಿಸಿದ ತಲ್ಲಣಗಳೇ ಬೇರೆ ರೀತಿಯದು.

ಮನುಷ್ಯ ಶರೀರದ ಜೀವಶಕ್ತಿಯೇ ಅವನನ್ನು ಬದುಕನ್ನು ಅನುಭವಿಸಲು ಯೋಗ್ಯನನ್ನಾಗಿಸುವುದು. ಅಂಥ ಜೀವಶಕ್ತಿ ಕಾಲ ಸರಿದಂತೆ, ದೇಹಕ್ಕೆ ವಯಸ್ಸಾದಂತೆ ಕುಗ್ಗುತ್ತಾ ಹೋಗುವಾಗ ಮನುಷ್ಯನ ಮನಸ್ಸೂ ತಳಮಳ ಅನುಭವಿಸಲು ಆರಂಭಿಸುತ್ತದೆ. ಆಗಲೇ ‘ಎಲ್ಲಿ ಹೋಯಿತು ನನ್ನ ಶಕ್ತಿ, ಹೇಗೆ ಸೋರಿ ಹೋಯಿತು’ ಎನ್ನುವ ತಲ್ಲಣ ಆರಂಭವಾಗುವುದು. ಕಣ್ಣಿನ ಕಾಂತಿ ಕಡಿಮೆಯಾಗುತ್ತಾ ಹೋದಂತೆ ಕಣ್ಣಿನ ದೃಷ್ಟಿಯು ಮಂದವಾಗುತ್ತದೆ. ಅತ್ಯಂತ ಸುಂದರ ಕಣ್ಣುಗಳೂ ಮಂದವಾಗುತ್ತವೆ. ಅವುಗಳು ಕಾಂತಿಹೀನವಾಗಿ ಮೂಗಿನ ಮೇಲೆ ಕನ್ನಡಕವೆಂಬ ಆಭರಣ ಬಂದು ಕೂರುತ್ತದೆ. ಓಡುತ್ತಿದ್ದ ಕಾಲುಗಳು ಎಡವಲೂ ಆರಂಭಿಸುತ್ತವೆ. ‘ಛೇ, ಛೇ ಇದೇನಾಯ್ತು’ ಎಂದು ನೋಡುನೋಡುತ್ತಿದ್ದಂತೆ ದೇಹ ಕುಸಿಯಲು ಆರಂಭಿಸುತ್ತದೆ. ಸೊಂಪಾದ, ಕಪ್ಪುಕೂದಲು ನರೆಯಲು ಆರಂಭಿಸಿದಾಗ ಶಕ್ತಿ ಕುಂದಿದ್ದು ನಿಚ್ಚಳವಾಗಿ ಕಾಣತೊಡಗುತ್ತದೆ. ಆತುರ ಮಾಯವಾಗಿ ಉದಾಸೀನ ಮೂಡುತ್ತದೆ. ಎಲ್ಲದಕ್ಕೂ ತನ್ನ ಅತೀ ಬುದ್ಧಿವಂತಿಕೆಯಿಂದ ಉತ್ತರ ಹುಡುಕಿದ ಮನುಷ್ಯ ಈ ವಿಚಾರದಲ್ಲಿ ಮಾತ್ರ ಸೋಲೊಪ್ಪಿಕೊಂಡಿದ್ದಾನೆ. ಅವನಿಗಿಲ್ಲ ಮತ್ತೊಂದು ಬಾಲ್ಯ, ಅವನಿಗಿಲ್ಲ ಮತ್ತೊಂದು ಯೌವ್ವನ. ಎಷ್ಟೆಲ್ಲ ಕಸರತ್ತು ಮಾಡಿ ಶಕ್ತಿಯನ್ನು ಉಳಿಸಿಕೊಂಡು ಯೌವ್ವನದ ಬದುಕನ್ನು ದೀರ್ಘವಾಗಿಸಿಕೊಂಡರೂ ಒಳಮನಸ್ಸು ಕೂಗುತ್ತಿರುತ್ತದೆ, ಶಕಿ ಕುಗ್ಗುತ್ತಿದೆ ಎಂದು. ನಾವು ಓಡುತ್ತಿರುವ ರಭಸಕ್ಕೆ ನಮ್ಮ ಅರಿವಿಗೇ ಬರುವುದಿಲ್ಲ ಅದ್ಯಾವ ಹೊತ್ತಲ್ಲಿ ಜೀವಶಕ್ತಿ ತನ್ನ ಒಂದು ಕಾಲನ್ನು ಹೊರಗಿಟ್ಟಿತು ಎಂದು. ದೀರ್ಘ ಬದುಕನ್ನು ನೋಡಿದ ಕವಿ ಮನಸ್ಸು ಜೀವಶಕ್ತಿ ಮಹತ್ವವನ್ನು ಅರಿತು ಮನುಷ್ಯ ಈ ವಿಚಾರದಲ್ಲಿ ಪ್ರಕೃತಿಯ ಮುಂದೆ ಸೋತು ಹೈರಾಣಾಗುವ ರೀತಿಯನ್ನು ನಿರೂಪಿಸಿದ ಶೈಲಿ ಅನನ್ಯವಾದುದು.

‘ಕಾಲದೊಂದೊಂದೇ ಹನಿಯು ಹರಿದುಹೋಗುವ ಸದ್ದು’ –ಚೊಕ್ಕಾಡಿಯವರ ಇನ್ನೊಂದು ಕವಿತೆಯ ಸಾಲು, ಹೇಗೆ ಮನುಷ್ಯನ ಜೀವನದ ಘಳಿಗೆಗಳು ಅವನ ಕಣ್ಣೆದುರಿನಲ್ಲಿಯೇ ತೊಟ್ಟಿಕ್ಕುತ್ತಾ ಹರಿದುಹೋಗುತ್ತವೆ ಎನ್ನುವುದನ್ನು ಹೇಳಿದ್ದೂ ನೋಡುವಾಗ ನಮಗಿರುವ ಆಯ್ಕೆಯೆಂದರೆ ಆ ಘಳಿಗೆಗಳು ಸರಿಯುವ ಸೊಬಗನ್ನು ಒಪ್ಪಿಕೊಳ್ಳುತ್ತಾ ಆಸ್ವಾದಿಸುವುದು, ಥೇಟ್ ಚೊಕ್ಕಾಡಿಯವರಂತೆ! ಬದುಕಿನ ಒಂದೊಂದು ಹಂತವನ್ನು ಬಂದಂತೆ ಸ್ವೀಕರಿಸಿ ಮೌನವಾಗಿ ಆನಂದಿಸುವ ಕಲೆ ಅರಿತರೆ ಸುಬ್ರಾಯ ಚೊಕ್ಕಾಡಿಯವರಂತೆ ನಿರುಮ್ಮಳವಾಗಿ ಬಾಳಬಹುದು. ಚೊಕ್ಕಾಡಿಯವರ ಈ ಭಾವಗೀತೆ ಅವರು ಮನುಷ್ಯನ ಮಿತಿಗಳನ್ನು ಅರ್ಥ ಮಾಡಿಕೊಂಡಿರುವುದಕ್ಕೆ ಸೊಗಸಾದ ಸಾಕ್ಷಿ.

——

ದೀಪಾ ಫಡ್ಕೆ

ಲೇಖಕಿ ಮತ್ತು ಗಾಯಕಿ. ಬೆಂಗಳೂರು ದೂರದರ್ಶನ ಮತ್ತು ಉದಯ ವಾಹಿನಿಯಲ್ಲಿ ಹಲವಾರು ಕಾರ್ಯಕ್ರಮಗಳನ್ನು ನಡೆಸಿಕೊಟ್ಟವರು. ‘ಋತ’ ಮತ್ತು ‘ಹರಪನಹಳ್ಳಿ ಭೀಮವ್ವ’, ‘ಲೋಕಸಂವಾದಿ’, ‘ಮಹಾಕಾವ್ಯಗಳ ಕವಿ’, ‘ಮುಕ್ತಛಂದದ ಕವಿ’ ಅವರ ಪ್ರಕಟಿತ ಕೃತಿಗಳು. ‘ಪುರಂದರ ಕನಕರ ಕೀರ್ತನೆಗಳಲ್ಲಿ ಅಭಿವ್ಯಕ್ತಿ – ಮನೋವೈಜ್ಞಾನಿಕ, ಭಾಷಿಕ ಅಧ್ಯಯನ’ ವಿಷಯದಲ್ಲಿ ಮೈಸೂರು ವಿಶ್ವವಿದ್ಯಾಲಯದಿಂದ ಪಿಎಚ್‍ಡಿ ಪದವಿ ಪಡೆದಿದ್ದಾರೆ.

Share

One Comment For "ಕಾಲದೊಂದೊಂದೇ ಹನಿಯು ಹರಿದುಹೋಗುವ ಸದ್ದು
ದೀಪಾ ಫಡ್ಕೆ
"

  1. sanjay
    7th November 2017

    Thanks for the nice article Deepa.

    Reply

Leave a comment

Your email address will not be published. Required fields are marked *

Recent Posts More

  • 2 weeks ago No comment

    ಕವಿಸಾಲು | ಇಂಡೋನೇಶಿಯಾ

        ಕವಿಸಾಲು         ಕಿಚ್ಚೆದ್ದು ಕುಣಿವ ನೀರು ಬಿರುಗಾಳಿ ತುಂಬಿದ ಒಡಲು ಎತ್ತೊಯ್ದು ಬಿಸಾಡಿ ಇಳೆಗೆ ಎದೆಯಿಳಿಸಿದೆ ಕಡಲು ನಡುಗಿಬಿಟ್ಟಳೆ ವಸುಂಧರೆ ಶತಕೋಟಿ ಬಿರುಕು ಬಿಟ್ಟು ಸುನಾಮಿಯ ಕೋಪಕ್ಕೆ ವಿಕಾರವಾಗಿ ಬೊಬ್ಬಿರಿದು ಊಳಿಟ್ಟು ಜೀವ ಜಲ, ಉಸಿರ ಗಾಳಿ ಹುಚ್ಚೆದ್ದು ಕುಣಿದು ಅಪ್ಪಳಿಸಿದ ಆಘಾತಕ್ಕೆ ಕಂಗೆಟ್ಟು ತತ್ತರಿಸಿವೆ ಪ್ರಾಣಿ, ಮನುಜ ಕುಲ ಮಾಡು ಹಾರಿ, ಕಂಬಗಳು ಕುಸಿದು ನೆಲಕಚ್ಚಿವೆ ಮಾನವನ ಬೀಡು ಕತ್ತರಿಸಿ ...

  • 2 weeks ago No comment

    ಕವಿಸಾಲು | ತಡವಿಲ್ಲದಿರಲಿ ಇನ್ನು…

        ಕವಿಸಾಲು         ದಾಳಿಗಳಿಗೆ ಮುಕ್ಕಾದ ಮಂದಿರವಿದು ಕುಸಿದು ಕುಳಿತ ದ್ವಾರಪಾಲಕರು ಎತ್ತರದ ಗೋಡೆಗಳ, ಎಚ್ಚರಿಕೆಯ ಗಂಟೆಗಳು ಕೂಡ ಮೌನವಿಂದು ಮನ ನಿರ್ಮಿಸಿದ ಹೆಬ್ಬಾಗಿಲುಗಳು ಒಲವ ಸಿರಿಗೆ ಚೇತರಿಸಿ ತೆರೆದ ಗಳಿಗೆ ಎತ್ತರದ ಹೊಸ್ತಿಲುಗಳ ತಡೆಯ ದಾಟಿ ತಲುಪಬೇಕಿದೆಯಷ್ಟೆ ಬಯಕೆ ಗುರಿಯನ್ನು ದಟ್ಟ ಹಸಿರಿನ ಕಾಡು, ಆಗಸದ ನೀಲಿ ಬಿಳಿಯ ಮೋಡಗಳ, ಬಿಸಿಲ ಬೆಳಕಿನ ನಡುವೆ ಬಯಲ ಸ್ವೇಚ್ಛೆಯ, ತಿಳಿಗಾಳಿ ತವಕದಲಿ ಬಂಧನಗಳ ...

  • 1 month ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 month ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 month ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...


Editor's Wall

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    2 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    2 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    2 months ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    2 months ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...