Share

ಕೆಂಡದಂಥ ಕಾವ್ಯ
ಪಾಶ್ ಕವಿತೆಗಳು | ಕನ್ನಡಕ್ಕೆ: ಕಾದಂಬಿನಿ

ಪಾಶ್ ಎಂದೇ ಗೊತ್ತಾಗಿರುವ ಪಂಜಾಬಿ ಮತ್ತು ಹಿಂದಿ ಕವಿ ಅವತಾರ್ ಸಿಂಗ್ ಸಂಧು, ಕ್ರಾಂತಿಕಾರಿ ಕವಿ. ತನ್ನ 20ನೇ ವಯಸ್ಸಿನಲ್ಲಿ ಆತ ಮೊದಲ ಸಂಕಲನ ‘ಲೋಹ್ ಕಥಾ’ ಪ್ರಕಟಿಸುತ್ತಿದ್ದ ಹಾಗೆಯೇ (1970) ರಾತ್ರಿ ಬೆಳಗಾಗುವುದರೊಳಗೆ ಸ್ಟಾರ್ ಆಗಿಬಿಟ್ಟಿದ್ದ. ಅದೇ ದಶಕದಲ್ಲೇ ಪ್ರಕಟಗೊಂಡ ಮತ್ತೂ ಎರಡು ಸಂಕಲನಗಳು ಪಂಜಾಬಿ ಕಾವ್ಯಲೋಕದಲ್ಲಿ ಆತನ ಹೆಸರನ್ನು ಶಾಶ್ವತಗೊಳಿಸಿಬಿಟ್ಟವು. ಅವನ ಕಾವ್ಯದ ಕತ್ತಿ ಖಲಿಸ್ತಾನಿಗಳ ವಿರುದ್ಧ ಝಳಪಿಸುತ್ತಿತ್ತು. ಕಡೆಗೆ ಅದೇ ಅವನ ಹತ್ಯೆಗೂ ಕಾರಣವಾಯ್ತು. 1988ರ ಮಾರ್ಚ್ 23ರಂದು ಖಲಿಸ್ತಾನಿ ಉಗ್ರರ ಗುಂಡಿಗೆ ಬಲಿಯಾದಾಗ ಆತನಿಗಿನ್ನೂ ಮೂವತ್ತೇಳೇ ವರ್ಷ. ಬಹುದೊಡ್ಡ ಕನಸೊಂದು ಸತ್ತಿತ್ತು. “ಅತ್ಯಂತ ಅಪಾಯಕಾರಿಯೆಂದರೆ ನಮ್ಮ ಕನಸುಗಳು ಸಾಯುವುದು” ಎಂದಿದ್ದ ಕವಿ ಇಲ್ಲವಾಗಿಬಿಟ್ಟಿದ್ದ.

 

ಪಾಶ್ ಮೂರು ಕವಿತೆಗಳನ್ನು ಲೇಖಕಿ ಕಾದಂಬಿನಿ ಅವರು ಕನೆಕ್ಟ್ ಕನ್ನಡಕ್ಕಾಗಿ ಅನುವಾದಿಸಿಕೊಟ್ಟಿದ್ದಾರೆ. ಇದರಲ್ಲಿ ಮೊದಲನೆಯದಾದ ‘ಎಲ್ಲಕ್ಕಿಂತ ಅಪಾಯಕಾರಿ’ ಎಂಬ ಕವಿತೆ ಪಾಶ್ ಬರೆದ ಅತ್ಯಂತ ಶಕ್ತಿಶಾಲಿ ಕವಿತೆ ಎಂದೇ ಬಣ್ಣಿತವಾಗಿರುವಂಥದ್ದು. ಅದರ ವಾಚನವೂ ಲಭ್ಯವಿದ್ದು, ಅದರ ಲಿಂಕ್ ಕೂಡ ಇಲ್ಲಿ ಕೊನೆಯಲ್ಲಿ ಕೊಡಲಾಗಿದೆ – ಅನುವಾದದ ಜೊತೆಗೇ ಕೇಳಿಸಿಕೊಳ್ಳಲಿಕ್ಕೆಂದು.

*

*

 

ಎಲ್ಲಕ್ಕಿಂತ ಅಪಾಯಕಾರಿ

ಶ್ರಮದ ಲೂಟಿ ಎಲ್ಲಕ್ಕಿಂತ ಅಪಾಯಕಾರಿಯೇನಲ್ಲ
ಪೋಲೀಸರ ಲಾಠಿ ಎಲ್ಲಕ್ಕಿಂತ ಅಪಾಯಕಾರಿಯೇನಲ್ಲ
ವಂಚನೆ ಮತ್ತು ಲೋಭದ ಮುಷ್ಟಿಯೂ
ಎಲ್ಲಕ್ಕಿಂತ ಅಪಾಯಕಾರಿಯೇನಲ್ಲ
ಮಾಡದ ತಪ್ಪಿಗೆ ಸಿಕ್ಕಿಬೀಳುವುದು
ಕೆಟ್ಟದ್ದೇ ಹೌದಾದರೂ
ಭಯದ ಮೌನದಲಿ ಬಂಧಿಯಾಗುವುದು
ಕೆಟ್ಟದ್ದೇ ಹೌದಾದರೂ
ಎಲ್ಲಕ್ಕಿಂತ ಅಪಾಯಕಾರಿಯೇನಲ್ಲ
ಸಜ್ಜನಿಕೆಯು ಕಪಟಿಗಳ ಗದ್ದಲದಲಿ ಅಡಗಿಹೋಗುವುದು
ಕೆಟ್ಟದ್ದೇ ಹೌದಾದರೂ
ಮಿಂಚುಹುಳಗಳ ಮೋಹದಲಿ ಬೀಳುವುದು,
ಕೈಕಟ್ಟಿ ಕೂತು ಸಮಯ ಕಳೆಯುವುದು
ಕೆಟ್ಟದ್ದೇ ಹೌದಾದರೂ
ಎಲ್ಲಕ್ಕಿಂತ ಅಪಾಯಕಾರಿಯೇನಲ್ಲ
ಎಲ್ಲಕ್ಕಿಂತ ಅಪಾಯಕಾರಿ
ಶವವು ಶಾಂತಿಯಿಂದ ತುಂಬಿಹೋಗುವುದು
ಗೋಳಾಟವೇ ಇಲ್ಲದಂತೆ
ಎಲ್ಲವನ್ನೂ ತುಟಿಕಚ್ಚಿ ಸಹಿಸಿಬಿಡುವುದು
ಮನೆಯಿಂದ ದುಡಿಮೆಗೆ ಹೊರಡುವುದು
ಮತ್ತಲ್ಲಿಂದ ಮನೆಗೆ ಮರಳುವುದು…
ಎಲ್ಲಕ್ಕಿಂತ ಅಪಾಯಕಾರಿ
ನಮ್ಮ ಕನಸುಗಳ ಸಾವಾಗುವುದು!
ಎಲ್ಲಕ್ಕಿಂತ ಅಪಾಯಕಾರಿ ಆ ಗಳಿಗೆ…
ನಿಮ್ಮ ಮುಂಗೈಯಲ್ಲಿ ನಡೆದಾಡುವುದೂ
ನಿಮ್ಮ ಕಣ್ಣೆದುರೇ ನಿಂತುಹೋಗುವ ಆ ಗಳಿಗೆ
ಎಲ್ಲಕ್ಕಿಂತ ಅಪಾಯಕಾರಿ ಆ ಕಣ್ಣು…
ಅದರ ನೋಟ ಜಗವನು ಪ್ರೇಮದಿಂದ
ಚುಂಬಿಸಲು ಮರೆಯುವಾಗ
ಮತ್ತು ಒಂದು ಕೆಟ್ಟ ಪುನರಾವರ್ತನಾ ಕ್ರಮದಲಿ
ಅದು ಕಳೆದುಹೋಗುವಾಗ
ಎಲ್ಲಕ್ಕಿಂತಲೂ ಅಪಾಯಕಾರಿಯೆನಿಸುವುದು ಆ ಗೀತೆ
ಅದು ಶೋಕಗೀತೆಯಾಗಿ ಓದಲ್ಪಡುವಾಗ
ಭಯತ್ರಸ್ತ್ರರ ಬಾಗಿಲುಗಳಲಿ
ಗೂಂಡಾಗಿರಿಯಲಿ ಒರಟಾಗುವಾಗ
ಎಲ್ಲಕ್ಕಿಂತಲೂ ಅಪಾಯಕಾರಿ ಆ ಚಂದ್ರ
ಅವನು ಹತ್ಯಾಕಾಂಡಗಳ ತರುವಾಯ
ಪಾಳುಬಿದ್ದ ಅಂಗಳಗಳಲಿ ಹರವುತ್ತಾನೆ
ಆದರೆ ನಿಮ್ಮ ಕಣ್ಣಿಗದು ಮೆಣಸಿನ ಹಾಗೆ ಬೀಳದಿರುವಾಗ!
ಎಲ್ಲಕ್ಕಿಂತಲೂ ಅಪಾಯಕಾರಿ ಆ ದಿಕ್ಕು
ಅಂಥಲ್ಲಿ ಆತ್ಮದ ಸೂರ್ಯನು ಮುಳುಗಿಹೋಗಿ
ಮತ್ತದರ ಸತ್ತ ಬಿಸಿಲಿನ ತುಣುಕೊಂದು
ನಿಮ್ಮ ದೇಹದ ಪೂರ್ವದೆಸೆಯಲ್ಲಿ ಇರಿಯತೊಡಗುವಾಗ
ಶ್ರಮದ ಲೂಟಿ ಎಲ್ಲಕ್ಕಿಂತ ಅಪಾಯಕಾರಿಯೇನಲ್ಲ
ಪೋಲೀಸರ ಲಾಠಿ ಎಲ್ಲಕ್ಕಿಂತ ಅಪಾಯಕಾರಿಯೇನಲ್ಲ
ವಂಚನೆ ಮತ್ತು ಲೋಭದ ಮುಷ್ಟಿಯೊಳಗೆ ಸಿಲುಕುವುದೂ
ಎಲ್ಲಕ್ಕಿಂತ ಅಪಾಯಕಾರಿಯೇನಲ್ಲ
ಎಲ್ಲಕ್ಕಿಂತಲೂ ಅಪಾಯಕಾರಿ
ನಮ್ಮ ಕನಸುಗಳ ಸಾವಾಗುವುದು!

~

ದ್ರೋಣಾಚಾರ್ಯರ ಹೆಸರಲ್ಲಿ

ನ್ನ ಗುರುದೇವಾ!
ಅದೇ ಹೊತ್ತು ತಾವು ನನ್ನನ್ನು
ಒಬ್ಬ ಬೇಡರ ಹುಡುಗ ಎಂದುಕೊಂಡು
ನನ್ನ ಹೆಬ್ಬೆರಳನ್ನು ಕತ್ತರಿಸಿರುತ್ತಿದ್ದರೆ
ಕಥೆ ಬೇರೆಯಾಗಿತ್ತು …

ಆದರೆ ಎನ್.ಸಿ.ಸಿ.ಯಲ್ಲಿ ನಾನು
ಬಂದೂಕನ್ನೆತ್ತಲು ನಿಯುಕ್ತನಾಗಿದ್ದಾಗ
ತಾವೇ ಹೇಳಿದ್ದಿರಿ
ನಮ್ಮ ದೇಶಕ್ಕೆ
ಏನಾದರೂ ಗಂಡಾಂತರ ಎದುರಾದರೆ
ಅದನ್ನು ವೈರಿಯೆಂದು ಪರಿಗಣಿಸಿ
ಟ್ರಿಗರನ್ನು ಹೇಗೆ ಒತ್ತಿಬಿಡಬೇಕೆಂದು…

ಈಗ ದೇಶಕ್ಕೆ ಸಂಕಷ್ಟ ಎದುರಾಗಿದೆ
ನನ್ನ ಗುರುದೇವಾ!
ಈಗ ಖುದ್ದು ತಾವೇ ದುರ್ಯೋದನನ ಸಂಗ ಸೇರಿಕೊಂಡಿದ್ದೀರಿ
ಆದರೀಗ ತಮ್ಮ ಚಕ್ರವ್ಯೂಹ
ಎಂದೂ ಪ್ರಭಾವಶಾಲಿಯಾಗಲಾರದು
ಮತ್ತು ಮೊದಲ ಪ್ರಹಾರದಲ್ಲಿಯೇ
ಪ್ರತಿಯೊಂದು ಆಕ್ರಮಣದ
ಎಂಬತ್ತನಾಲ್ಕು ಸುತ್ತುಗಳನ್ನೂ ತುಂಡರಿಸಲಾಗುವುದು
ಹಾಂ, ಅಂದಹಾಗೆ ತಾವು ಸಣ್ಣ ವಯಸ್ಸಿನಲ್ಲಿಯೇ
ಒಬ್ಬ ಬೇಡರ ಹುಡುಗನೆಂದುಕೊಂಡು
ನನ್ನ ಹೆಬ್ಬೆರಳನ್ನು ಕತ್ತರಿಸಿರುತ್ತಿದ್ದರೆ
ಕಥೆಯೇ ಬೇರೆಯಾಗುತ್ತಿತ್ತು…

~

೨೩ ಮಾರ್ಚ್

ವನ ಹುತಾತ್ಮನಾಗುವಿಕೆಯ ತರುವಾಯ ಬಾಕಿ ಜನಗಳು
ಯಾವುದೋ ದೃಶ್ಯದಂತೆ ಉಳಿದರು
ಆಗಷ್ಟೇ ದೇಶದಲ್ಲಿ ಅಡಗಿದ ರೆಪ್ಪೆಗಳು ನಾಚಿಕೆಪಡುತ್ತ ಇಣುಕಿದರೆ
ದೇಶವಿಡೀ ಇನ್ನೂ ಮಾತಾಡುತ್ತಲೇ ಇದೆ

ಅವನು ಹೊರಟು ಹೋದ ಮೇಲೆ
ಅವನು ಹುತಾತ್ಮನಾದ ಮೇಲೆ
ತೆರೆದುಕೊಳ್ಳುವ ತಮ್ಮ ಒಳಗಿನ ಕಿಟಕಿಯಲಿ
ಜನಗಳ ಹೆಪ್ಪುಗಟ್ಟಿದ ದನಿಗಳು

ಅವನ ಹುತಾತ್ಮನಾಗುವಿಕೆಯ ತರುವಾಯ
ದೇಶದ ಬಹುದೊಡ್ಡ ಪಾರ್ಟಿಯ ಜನರು
ತಮ್ಮ ಮುಖದಲ್ಲಿ ಕಂಬನಿಯಲ್ಲ, ಮೂಗೊರೆಸಿದರು
ಗಂಟಲು ಸರಿಪಡಿಸಿಕೊಂಡು ಮಾತಾಡುವ
ಮಾತಾಡುತ್ತಲೇ ಹೋಗುವ ಪರಿಶ್ರಮ ಪಟ್ಟರು

ಅವನೋ.. ತನ್ನ ಹುತಾತ್ಮನಾಗುವಿಕೆಯ ತರುವಾಯ
ಜನರ ಮನೆ ಮನೆಗಳಲ್ಲಿ ಅವರ ದಿಂಬುಗಳಲ್ಲಿ ಅಡಗಿದ
ಉಡುಪಿನ ಗಂಧದಂತೆ ಪಸರಿಸುತ್ತಾ ಹೋದ

ಹುತಾತ್ಮನಾಗುವ ಗಳಿಗೆಯಲ್ಲಿ ಅವನೊಬ್ಬನೇ ಇದ್ದ ಈಶ್ವರನ ಹಾಗೆ
ಆದರೆ ಈಶ್ವರನ ಹಾಗೆ ಅವನು ನಿಸ್ತೇಜನಾಗಿರಲಿಲ್ಲ

*

 

 

——-

ಕಾದಂಬಿನಿ

ಹೈಡ್ರೋ ಇಂಜಿನಿಯರ್ಸ್ ಕಂಪನಿಯಲ್ಲಿ ಆಫೀಸ್ ಎಕ್ಸಿಕ್ಯೂಟೀವ್. ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ಮಾಸ್ತಿಕಟ್ಟೆಯಲ್ಲಿ ವಾಸ. ಬಿಡುವಿನ ವೇಳೆಯಲ್ಲಿ ಬರೆಯುವ ಹವ್ಯಾಸ. ಕೆಲವು ಪತ್ರಿಕೆಗಳಲ್ಲಿ ಬರಹಗಳು ಪ್ರಕಟವಾಗಿವೆ.

Share

Leave a comment

Your email address will not be published. Required fields are marked *

Recent Posts More

  • 2 weeks ago No comment

    ಕವಿಸಾಲು | ಇಂಡೋನೇಶಿಯಾ

        ಕವಿಸಾಲು         ಕಿಚ್ಚೆದ್ದು ಕುಣಿವ ನೀರು ಬಿರುಗಾಳಿ ತುಂಬಿದ ಒಡಲು ಎತ್ತೊಯ್ದು ಬಿಸಾಡಿ ಇಳೆಗೆ ಎದೆಯಿಳಿಸಿದೆ ಕಡಲು ನಡುಗಿಬಿಟ್ಟಳೆ ವಸುಂಧರೆ ಶತಕೋಟಿ ಬಿರುಕು ಬಿಟ್ಟು ಸುನಾಮಿಯ ಕೋಪಕ್ಕೆ ವಿಕಾರವಾಗಿ ಬೊಬ್ಬಿರಿದು ಊಳಿಟ್ಟು ಜೀವ ಜಲ, ಉಸಿರ ಗಾಳಿ ಹುಚ್ಚೆದ್ದು ಕುಣಿದು ಅಪ್ಪಳಿಸಿದ ಆಘಾತಕ್ಕೆ ಕಂಗೆಟ್ಟು ತತ್ತರಿಸಿವೆ ಪ್ರಾಣಿ, ಮನುಜ ಕುಲ ಮಾಡು ಹಾರಿ, ಕಂಬಗಳು ಕುಸಿದು ನೆಲಕಚ್ಚಿವೆ ಮಾನವನ ಬೀಡು ಕತ್ತರಿಸಿ ...

  • 2 weeks ago No comment

    ಕವಿಸಾಲು | ತಡವಿಲ್ಲದಿರಲಿ ಇನ್ನು…

        ಕವಿಸಾಲು         ದಾಳಿಗಳಿಗೆ ಮುಕ್ಕಾದ ಮಂದಿರವಿದು ಕುಸಿದು ಕುಳಿತ ದ್ವಾರಪಾಲಕರು ಎತ್ತರದ ಗೋಡೆಗಳ, ಎಚ್ಚರಿಕೆಯ ಗಂಟೆಗಳು ಕೂಡ ಮೌನವಿಂದು ಮನ ನಿರ್ಮಿಸಿದ ಹೆಬ್ಬಾಗಿಲುಗಳು ಒಲವ ಸಿರಿಗೆ ಚೇತರಿಸಿ ತೆರೆದ ಗಳಿಗೆ ಎತ್ತರದ ಹೊಸ್ತಿಲುಗಳ ತಡೆಯ ದಾಟಿ ತಲುಪಬೇಕಿದೆಯಷ್ಟೆ ಬಯಕೆ ಗುರಿಯನ್ನು ದಟ್ಟ ಹಸಿರಿನ ಕಾಡು, ಆಗಸದ ನೀಲಿ ಬಿಳಿಯ ಮೋಡಗಳ, ಬಿಸಿಲ ಬೆಳಕಿನ ನಡುವೆ ಬಯಲ ಸ್ವೇಚ್ಛೆಯ, ತಿಳಿಗಾಳಿ ತವಕದಲಿ ಬಂಧನಗಳ ...

  • 1 month ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 month ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 month ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...


Editor's Wall

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    2 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    2 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    2 months ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    2 months ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...