Share

ಅನುಭಾವದ ಅಲೆ, ಅಂತರ್ಗತ ತುಡಿತ
ನಾಗರೇಖಾ ಗಾಂವಕರ

ಮಧ್ಯವಯಸ್ಸಿನ ಆ ಹತಾಶೆಯಲ್ಲಿಯ ತುಡಿತ ಮನೋವೈಜ್ಞಾನಿಕ ನೆಲೆಯಲ್ಲಿ ಹೆಣ್ಣುಗಳಲ್ಲಿ ಮೊನೊಪಾಸ್ ಎಂದೂ, ಗಂಡುಗಳಲ್ಲಿ ಆಂಡ್ರೋಪಾಸ್ ಪಿರಿಯಡ್ ಎಂದೆಲ್ಲಾ  ಕರೆಸಿಕೊಂಡರೂ, ಅದಕ್ಕೂ ಮೀರಿದ ಏನೋ ಒಂದು ಸೃಜನಶೀಲತೆ ಹುಟ್ಟುವುದು ಇದೇ ಪ್ರಾಯದಲ್ಲಿ ಎನ್ನುವುದೂ ಅಷ್ಟೇ ಸತ್ಯ.

 

 

 

ದುಕಿನ ಅನುಭವದ ತಳದಿಂದ ಕುದಿಗೊಂಡು ಕಾವ್ಯ ಹುಟ್ಟುವ ಗಮ್ಯತೆ ವೈಯಕ್ತಿಕವಾಗಿ ಭಿನ್ನ, ವಿಭಿನ್ನ. ಶ್ರೀಲತಾ ಅರಮನೆಯವರ “ಹೊಸದಿಕ್ಕಿಗೆ” ಕವನಸಂಕಲನ ಸುಮಾರು ಎಪ್ಪತ್ತು ಕಾವ್ಯಗಳ ಗುಚ್ಛ. ಇಲ್ಲಿಯ ಕಾವ್ಯ ಗಮನ ಕಚಗುಳಿ ಇಡುವುದಿಲ್ಲ. ಬದಲಿಗೆ ವಿಷಣ್ಣತೆಯನ್ನು ವೈರಾಗ್ಯದ ಕದವನ್ನು ತೆರೆದಿಡುತ್ತದೆ. ಸಾಮಾನ್ಯ ಓದಿಗೆ ಅರ್ಥ ಬಿಟ್ಟುಕೊಡದ ಇಲ್ಲಿಯ ಕವಿತೆಗಳು ಒಂದೆರಡು ಓದನ್ನು ಅನಿವಾರ್ಯವಾಗಿಸುತ್ತವೆ. ಯಾವುದೋ ಹುಡುಕಾಟ ಐಹಿಕ ಸುಖದಾಚೆಗಿನ ಮೊರೆತದ ಅನನ್ಯ ಸೆಳೆತ ಇರುವಂತೆ ಹಲವು ಕವಿತೆಗಳು ಬೆಳಗಿವೆ. ಕವಿತೆಗಳು ಅರಿವಿನ ಮೂಸೆಯೊಳಗಿನ ಆಳದ ತಂತಿ ಮೀಂಟಿ ಹೊಮ್ಮಿವೆ ಎಂದೆನ್ನಿಸುತ್ತದೆ.

‘ಚದುರಿದ ಮೋಡ’ ಸಂಕಲನದ ಎರಡನೇಯ ಕವಿತೆ. “ಒಳನುಸುಳಿದ ಕತ್ತಲಲ್ಲಿ / ನಿನ್ನ ಬಿಂಬ ಕಣ್ತುಂಬಿಕೊಂಡು /ಬೆಳದಿಂಗಳಾವರಿಸಿ ಕಚಗುಳಿಯಿಟ್ಟು/ ಕರಗದೇ ಚದುರಿದ ಮೋಡಗಳಂತೆ/ನಿರರ್ಥಕ ಬದುಕು ನಿದ್ದೆಯಲ್ಲಿ” ಎನ್ನುವ ಕವಯತ್ರಿ ಸುಮ್ಮನೆ ಒಳತೋಟಿಯನ್ನು ಬಿಟ್ಟುಕೊಡದೆ ಮರ್ಮಯುತವಾಗಿ ಹೇಳುವ ಹಠ ತೊಟ್ಟವರು. ಒಳಹೊರಗು ಸುಮ್ಮನೇ ತೆರೆದುಕೊಳ್ಳದು. ಆಶೆಯ ಹೊಂಚು, ಜನರ ಮುಖವಾಡದ ಪ್ರೀತಿ, ಹೊರಜಗತ್ತಿಗೆ ಒಳಮನಸ್ಸನ್ನು ಬಿಚ್ಚಿತೋರಲಾಗದ ಹಳಹಳಿಕೆ ಇಲ್ಲಿದೆ. “ಮೋಡ ಚದುರಿತು ಅಷ್ಟೇ ಕರಗಲಿಲ್ಲ” ಎಂಬಲ್ಲಿ ಯಾವುದೋ ನೋವು ಸರಿದುಹೋಯಿತಷ್ಟೇ. ಸಂಪೂರ್ಣ ಕೊನೆಯಾಗಲಿಲ್ಲ ಎಂಬರ್ಥವಿದೆ. “ಉದಯಿಸಿದ ಸೂರ್ಯನ ಮುಂದೆ ಜ್ಯೋತಿಯ ಅಂದವಿಲ್ಲ” ಎನ್ನುವ ಕೊನೆಯ ಸಾಲುಗಳು ಮಾರ್ಮಿಕವಾಗಿ ಮೂಡಿವೆ.

ಶ್ರೀಲತಾ ಅರಮನೆ

‘ಅಪರಿಚಿತೆ’ ಒಂದು ವಿಶಿಷ್ಟ ಕವನ.

“ಜೊತೆಯಲ್ಲೇ ನಡೆದು
ಅನತಿ ದೂರ ಕ್ರಮಿಸಿದ ಮೇಲೆ
ಪಾದವಿಟ್ಟ ದಾರಿ ಕೇಳಿತು
ಯಾವ ಕಡೆಗೆಂದು?”

ಬದುಕು ತರ್ಕಕ್ಕೆ ಮೀರಿದ ಸಂಗತಿ. ಬದುಕಿನ ಪಯಣದಲ್ಲಿ ದಾರಿಯೊಂದಿಗಿನ ಹೆಜ್ಜೆಯ ಸಾಂಗತ್ಯ, ಜೊತೆಜೊತೆಯಾಗಿ ನಡೆದರೂ ಅಪರಿಚಿತ ಮನೋಭಾವ, ನಿರ್ದಿಷ್ಟ ನಿಲ್ದಾಣ ಗುರುತಿಸಲಾಗದ ಚಡಪಡಿಕೆ ಕಾಣುತ್ತದೆ. ಇದೇ ಕವನದ ಕೊನೆಯಲ್ಲಿ “ಅಪರಿಚಿತೆಯ ಪಟ್ಟ ಹೊತ್ತು/ ನಿನ್ನ ಸ್ಪರ್ಶದ ಉಸಿರಲ್ಲಿ ಬೆರೆತು/ ಕನಸಿನ ಬಸಿರಲ್ಲಿ/ ಹೂತು ಹೋಗುತ್ತೇನೆ/ ಪರಿಚಿತೆಯಾಗಿ.”  ಬಹುಶಃ ಕವಿಯತ್ರಿಯಲ್ಲಿಯ ಒಳ ತುಮುಲಕ್ಕೂ ಆಧ್ಯಾತ್ಮಿಕ ಹಂಬಲಕ್ಕೂ ನಡುವೆ ಭಾರೀ ಘರ್ಷಣೆ ಕಂಡುಬರುತ್ತಿದೆ.

ಪಾಬ್ಲೂ  ನೆರೂಡಾ “To the Foot from its Child” ಕವಿತೆಯನ್ನು ನೆನಪಿಸುವ “ಪಾದದ ಮೆರವಣಿಗೆ” ಕವಿತೆ ಕೂಡಾ ಈ ಹೊಳಹುಗಳಿಂದಲೇ ಮನಸ್ಸನ್ನು ಸೆಳೆಯುತ್ತದೆ.

“ನಾಭಿ ಮೂಲದಿಂದ ಹೊರಟ ಮಾರ್ಗ
ಬೆಡಗು ಬೆರಗುಗಳ ಕವಲು/ ದೂರ ಸಾಗಿರಬಹುದು
ದೀರ್ಘ ಪ್ರಯಾಣದಲ್ಲಿ
ಉದ್ವೇಗವಿಲ್ಲದ ನಡಿಗೆ
ಖಾತ್ರಿ ಸಂಧಿಸುವ ನಂಬಿಕೆ
ಹಲವು ಗುರಿ ನಡೆವ ಹಾದಿಗೆ
ನಿತ್ಯ ಜೀವನ ಪಯಣ
ಆತ್ಮದೊಂದಿಗೆ ಬೆರೆತು
ಹೊಸ ಮಾರ್ಗ ಶೋಧನೆಯಲಿ”

ಎನ್ನುವ ಈ ಕವಿತೆಯಲ್ಲಿ ಬದುಕೊಂದು ನಿರಂತರ ಹುಡುಕಾಟ ಎಂಬ ಸತ್ಯವಿದೆ. ‘ಅಲ್ಲಿರುವುದು ನಮ್ಮ ಮನೆ ಇಲ್ಲಿ ಇರುವುದು ಸುಮ್ಮನೇ’ ಎಂಬ ಅಡಿಗರ ವಾಣಿಯಂತೆ ಅನುಭಾವದ ಸೆಳೆತವಿದೆ. ಲೌಕಿಕದ ಬೆಡಗು ಬೆರಗುಗಳು ಏನೇ ಇದ್ದರೂ ಆತ್ಮದೊಂದಿಗಿನ ಅನುಸಂಧಾನ ಆ ಹುಡುಕಾಟ ನಾಭಿ ಮೂಲದ್ದು, ಅದನ್ನು  ಸಂಧಿಸುವ ನಂಬಿಕೆಯನ್ನು ಖಾತ್ರಿಪಡಿಸುತ್ತಾರೆ.

ಜೀವನದಲ್ಲಿ ಹೊರಗಣ್ಣಿಗೆ ಗೋಚರಿಸಿದ್ದೆಲ್ಲಾ ಸತ್ಯವಲ್ಲ. ಸತ್ಯವೆಲ್ಲವೂ ಗೋಚರಿಸುವುದು ಎಂಬುದು ಕೂಡಾ ಸರಿಯಲ್ಲ. ‘ಬಲೆಯಲ್ಲಿ ಮಿಕ’ ಕವಿತೆ ಪ್ರೀತಿಯ ಹೆಸರಿನ ಅಸಭ್ಯತೆಯನ್ನು, ಅದರಲ್ಲಿ ಬಿದ್ದು ಹೊರಳಾಡುವ ಮಿಕದ ಪಾಡನ್ನು ಬಣ್ಣಿಸುತ್ತದೆ. “ಪ್ರೀತಿಯ ಜೊಲ್ಲುದಾರದಲ್ಲಿ/ ಬಲೆಯ ನೇಯ್ದು/ ಅದರೊಳಗೆ ಮಿಕ ಬಿದ್ದು/ ಹಸಿದ ಬಯಕೆಗೆ/ ಹೊಸ ಹಾದಿ ಹಿಡಿವ/ಅಸುರ ಅವತಾರಿ.” ಈ ಸಾಲುಗಳು ಪ್ರೀತಿಯ ಹೆಸರಿನ ನಾಟಕವಾಡುವ ವಿದ್ರೋಹಿಯ ಮುಖವಾಡವನ್ನು ಬಯಲುಮಾಡುತ್ತವೆ. ‘ಬಲೆಗೆ ಬಿದ್ದ ಮಿಕ’ ರೂಪಕ ಮೋಸ ಹೋಗುವ ಹೃದಯವನ್ನು ಸಂಕೇತಿಸುತ್ತದೆ. ಅಪವಿತ್ರವಾದ ಪ್ರೀತಿಯ ಹೆಸರಿನ ಸಂಬಂಧವನ್ನು ಸೂಕ್ಷ್ಮವಾಗಿ ಪ್ರೀತಿಯ ಜೊಲ್ಲು ಎಂದು ಸಂಕೇತಿಸುತ್ತಾರೆ ಕವಯತ್ರಿ. ಪ್ರೀತಿ ಬತ್ತಿದ ಎದೆ/ ಸ್ವಾರ್ಥ ತುಂಬಿದ ಬದುಕು ಎನ್ನುತ್ತ ಕೊನೆಯಾಗುವ ಕವಿತೆ ಜಗತ್ತಿನ ರೀತಿ ನೀತಿಗಳ ಮೇಲೆ ಕ್ಷಕಿರಣ ಬೀರುತ್ತವೆ.

ಸಂಕಲನದ ಶೀರ್ಷಿಕೆ ಕವನ ‘ಹೊಸದಿಕ್ಕಿಗೆ’ ಆಶಾವಾದ ಬೆನ್ನೇರಿದೆ. ಕವಿತೆ ಜೀವನ್ಮುಖಿಯಾಗಿರಬೇಕು. ಬದುಕನ್ನು ಪ್ರೀತಿಸುವ ಆಕಾಂಕ್ಷೆಯನ್ನು ಹುಟ್ಟಿಸಬೇಕು. ನೈರಾಶ್ಯದ ಮೂಲದಲ್ಲೂ ಆಶೆಯನ್ನು ಚಿಮ್ಮಿಸಬೇಕು. ಹಾಗೆಂದೇ ಈ ಕವನ ಪ್ರಸ್ತುತವೆನ್ನಿಸುತ್ತದೆ. ಬದುಕು ಹಿಮ್ಮುಖ ಚಲನೆಯಲ್ಲ. ಹತಾಶೆ, ನೋವು ದುಃಖ, ದುಮ್ಮಾನಗಳಲ್ಲಿ ನಿರಂತರ ಕೊಚ್ಚಿಹೋಗುವ ಬದುಕಿನಲ್ಲಿ ಕೆಲವೊಮ್ಮೆ ಕೊನೆಯ ತಿರುವಿನಲ್ಲೂ ಏಕಾಏಕಿ ಪಲ್ಲಟಗೊಳ್ಳುವ ಸಾಧ್ಯತೆಗಳಿರುತ್ತವೆ. ಬದುಕು ಸುಖ ದುಃಖಗಳ ಸಮೀಕರಣ, ಹಗಲು ಇರುಳು ಸಮಭಾವ ಹಾಗೆಂದೇ ‘ಹೊಸ ಹೆಜ್ಜೆಗಳು ಹೊಸದಿಕ್ಕಿಗೆ’.

‘ತೆರೆದ ಬಯಲು’ ಕವನ ಮನುಷ್ಯ ಸಾಧನೆ ಮತ್ತು ಪ್ರಕೃತಿಯೊಂದಿಗೆ ಅನೂಹ್ಯವಾದ ಗಾಢ ಸಂಬಂಧ ಹೇಳುತ್ತದೆ. ಅಲ್ಲದೇ ನೈಸರ್ಗಿಕ ಚೆಲುವನ್ನು ಮಾತ್ರ ಹೇಳದೆ ಬದುಕಿನ ಮಿತಿಗಳನ್ನು ಜಾಲಾಡುತ್ತದೆ ಕವನ.

“ಬಿಚ್ಚಿಕೊಳ್ಳುವ ಲೋಕದಲ್ಲಿ / ಧಗಧಗಿಸುವ ಸೂರ್ಯ/
ಅವಶೇಷಗಳಡಿಯಲ್ಲಿ ಪಾಳುಬಿದ್ದ ಕೋಟೆ/
ಗುರುತು ಹಿಡಿಯದ ಕಾನನ/ ಅಬ್ಬರಿಸಿ ಆಲಂಗಿಸುವ ಸಮುದ್ರ ತೆರೆಗಳು/
ಕೋಟಿಕೋಟಿ ಜನರ ಪಾದಸ್ಪರ್ಷ/ ಅನುಭವಿಸಿದ ಅಪಾರ ಮರಳುರಾಶಿ/

ಚರಾಚರಗಳ ಸಂಯೋಗವಾದ ಜಗತ್ತಿನಲ್ಲಿ ಬದುಕೆಂಬ ನಿರಂತರ ಪೃಕ್ರಿಯೆಯಲ್ಲಿ ಬಿಟ್ಟುಹೋಗುವ ಅವಶೇಷಗಳಿವೆ. ಈ ದಾರಿಯಲ್ಲಿ ಹಲವಾರು ಉದ್ಧೇಶಗಳಿವೆ. ಬದುಕು ಮುಗಿಯುವವರೆಗೆ ಅವುಗಳನ್ನು ನಿರ್ಲಕ್ಷಿಸುವಂತಿಲ್ಲ. “ಬದುಕು ರಥೋತ್ಸವ ಅದ ಅಣಕಿಸದಿರು ಎಲೆ ಸನ್ಯಾಸಿ” ಎಂದು ಕುವೆಂಪು ಹೇಳಿದರು.  ಆದರೆ ಈ ಬದುಕು ನಿಗೂಢ. ಸಾವೆಂಬ ಸರದಾರ ಎಂದು ಬರುವನೋ ತಿಳಿಯದು. “When death sends his summons, even monarchs must obey” ಎಂಬ ಆಂಗ್ಲ ಗಾದೆ ಎಷ್ಟು ಮಾರ್ಮಿಕ. ಸಾವು ಎಂಬುದಿಲ್ಲದಿರೆ ಮನುಷ್ಯ ಯಾರಿಗೂ ಋಣಿಯಾಗುತ್ತಿರಲಿಲ್ಲ. ಆತನ ಆಟಾಟೋಪ ಮಿತಿ ಮೀರುತ್ತಿತ್ತು ಎನ್ನುತ್ತಾರೆ ಕವಯತ್ರಿ.

ಹೀಗೆ ಇಲ್ಲಿಯ ಹಲವಾರು ಕವಿತೆಗಳು ಅನುಭಾವದ ಅಲೆಯಲ್ಲಿ ಮೂಡಿಬಂದಿವೆ. ಅಂತರ್ಗತ ತುಡಿತವಿದೆ. ಹೊರಜಗತ್ತಿಗೆ ತೆರೆದುಕೊಳ್ಳದ ನಿಗೂಢ ಭಾವವಿದೆ. ವ್ರತದಂತೆ ಪದಗಳ ಮಿತಿಗೊಳಿಸಿ ಕಿರಿದರಲ್ಲಿ ಹಿರಿದರ್ಥವನ್ನು ತುಂಬಿಡುವ ಇಲ್ಲಿಯ ಕವನಗಳಲ್ಲಿ ಮುನ್ನುಡಿಯಲ್ಲಿ ವಿಷ್ಣು ನಾಯ್ಕರು ಹೇಳಿದಂತೆ ವಸ್ತುವೈವಿಧ್ಯತೆಯಲ್ಲಿ ಕೊಂಚ ಏಕತಾನತೆ ಕಂಡುಬರುವುದು. ಕಾವ್ಯಾತ್ಮ ಕ್ಲಿಷ್ಟತೆಯಿಂದ ಕೂಡಿದ್ದು ಶಬ್ದಗಳ ಸಂವಾದ ಅಲ್ಲಲ್ಲಿ ಗೊಂದಲಗೊಳಿಸುತ್ತದೆ.

ಕಾವ್ಯ ಬದುಕಿನ ವಿಮುಖತೆಗೆ ಸಶಕ್ತ ಔಷಧ. ಮಧ್ಯವಯಸ್ಸಿನ ಮಾಮೂಲು ನಿರಾಸಕ್ತಿ, ಪ್ರಾಯದ ದಿನಗಳಂತೆ ಬದುಕಲಾಗದ ವಿಷಾದತೆ ಒಂದರ್ಥದಲ್ಲಿ ಎಲ್ಲಾ ಇದ್ದೂ ಏನೂ ಇಲ್ಲದ ಕೊರಗು ಮಾನಸಿಕ ಅಭದ್ರತೆಯ ಸುಳಿಗಳು, ಆ ಹತಾಶೆಯಲ್ಲಿಯ ತುಡಿತ ಮನೋವೈಜ್ಞಾನಿಕ ನೆಲೆಯಲ್ಲಿ ಹೆಣ್ಣುಗಳಲ್ಲಿ ಮೊನೊಪಾಸ್ ಎಂದೂ, ಗಂಡುಗಳಲ್ಲಿ ಆಂಡ್ರೋಪಾಸ್ ಪಿರಿಯಡ್ ಎಂದೆಲ್ಲಾ  ಕರೆಸಿಕೊಂಡರೂ ಅದಕ್ಕೂ ಮೀರಿದ ಏನೋ ಒಂದು ಸೃಜನಶೀಲತೆ ಹುಟ್ಟುವುದು ಇದೇ ಪ್ರಾಯದಲ್ಲಿ ಎನ್ನುವುದೂ ಅಷ್ಟೇ ಸತ್ಯ. ಶ್ರೀಲತಾ ಅರಮನೆಯವರು ಈ ದಿಕ್ಕಿನಲ್ಲಿ ನೆಟ್ಟ ದೃಷ್ಟಿಯಲ್ಲಿ ದಿಟ್ಟ ಹೆಜ್ಜೆಗಳ ಇಟ್ಟಿರುವುದು ನಿಜಕ್ಕೂ ಸಂತಸ.

——

ನಾಗರೇಖಾ ಗಾಂವಕರ

ಉತ್ತರ ಕನ್ನಡ ಜಿಲ್ಲೆ ದಾಂಡೇಲಿಯ ಪದವಿಪೂರ್ವ ಮಹಾವಿದ್ಯಾಲಯದಲ್ಲಿ ಆಂಗ್ಲಭಾಷಾ ಉಪನ್ಯಾಸಕಿ. ಕಥೆ, ಕವನಗಳು, ಲೇಖನಗಳು, ವಿಮರ್ಶಾ ಬರಹಗಳ ಮೂಲಕ ಪರಿಚಿತರು. ‘ಏಣಿ’, ‘ಪದಗಳೊಂದಿಗೆ ನಾನು’ ನಾಗರೇಖಾ ಅವರ ಪ್ರಕಟಿತ ಕವನ ಸಂಕಲನಗಳು.

Share

Leave a comment

Your email address will not be published. Required fields are marked *

Recent Posts More

  • 13 hours ago No comment

    ಲವ್ ವಿದ್ ಫಸ್ಟ್ ಬುಕ್

      ಆ ದಿನ ಶಾಲಾ ಗ್ರಂಥಾಲಯದಲ್ಲಿ ಪುಸ್ತಕಗಳನ್ನು ತಡಕಾಡುತ್ತಿದ್ದ ನನಗೆ ವಿಶೇಷ ಪುಸ್ತಕವೊಂದು ಸಿಕ್ಕಿಬಿಟ್ಟಿತ್ತು. ಹೈಸ್ಕೂಲು ದಿನಗಳವು. ಆಗ ಸಾಹಿತ್ಯದ ಓದು ಹಾಗಿರಲಿ, ಸಾಮಾನ್ಯ ಓದೂ ಕೂಡ ಅಷ್ಟೇನೂ ಗಂಭೀರವಾಗಿ ಸಾಗುತ್ತಿರಲಿಲ್ಲ. ಓದಿನ ಹವ್ಯಾಸವು ಒಂದಷ್ಟಿದ್ದರೂ ಹೊಸ ಹೊಸ ವಿಷಯಗಳ ಪುಸ್ತಕಗಳನ್ನು ಹುಡುಕಿಕೊಂಡು ಹೋಗುತ್ತಿದ್ದ, ಈ ಬಗ್ಗೆ ಮಾಹಿತಿಯಿದ್ದ, ಓದಲು ಪರಿತಪಿಸುತ್ತಿದ್ದ ದಿನಗಳೇನೂ ಅದಾಗಿರಲಿಲ್ಲ. ಹೀಗಾಗಿ ಓದಿನ ವಿಚಾರಕ್ಕೆ ಬಂದರೆ ಅವುಗಳನ್ನು ನನ್ನ ಆರಂಭದ ದಿನಗಳೆಂದೇ ಹೇಳಬೇಕು. ರಜಾದಿನಗಳಲ್ಲಿ ...

  • 1 day ago No comment

    ಮೋದಿ ಮಾತಾಡಲಿಲ್ಲ

    ಎಷ್ಟೋ ಜೀವಗಳ ಸಂಕಟಕ್ಕೆ, ರೋದನಕ್ಕೆ ಕುರುಡಾಗುವ ಮನ ಕರಗದ ನಡೆಯು ಇನ್ನೆಂಥ ದಿನಗಳತ್ತ ದೂಡೀತೊ ಈ ದೇಶವನ್ನು ಎಂಬ ಪ್ರಶ್ನೆಯೇ ಬೃಹದಾಕಾರದ್ದು.   ಕತುವಾ ಅತ್ಯಾಚಾರ ಪ್ರಕರಣದಲ್ಲಿ ಎಂಟರ ಬಾಲೆಯ ದಾರುಣ ಸಾವಾಯಿತು. ಅದೊಂದು ತೀರಾ ಸಾಧಾರಣ ಘಟನೆಯಾಗಿರಲಿಲ್ಲ. ಅತ್ಯಂತ ಬರ್ಬರವಾದ ಆ ಘಟನೆ ಧರ್ಮ, ರಾಜಕೀಯ ಮತ್ತು ಅಧಿಕಾರದ ಮತ್ತಿನಲ್ಲಿ ನಡೆದದ್ದಾಗಿತ್ತು ಮತ್ತು ಆ ಮಗುವಿನ ಸಾವಿನ ಬಳಿಕವೂ ಅಮಾನವೀಯತೆಯೇ ಉದ್ದಕ್ಕೂ ಕಂಡುಬಂತು. ದೇಶವೇ ಬೆಚ್ಚಿಬಿದ್ದಿತ್ತು. ಆದರೆ ...

  • 2 days ago No comment

    ಇವರನ್ನು ನೋಡಿ…

    ನಡುವಯಸ್ಸಲ್ಲೇ ನಡುಮುರಿದವರಂತಾಗಿ ಒದ್ದಾಡುವವರ ಕಾಲ ಇದು. ಅತ್ಯಂತ ಕೆಟ್ಟ ಜೀವನಶೈಲಿಯೂ ಸೇರಿದಂತೆ ನೂರೆಂಟು ಅಪಸವ್ಯಗಳ ಪರಿಣಾಮವಾಗಿ ಬದುಕನ್ನು ಹಾಳುಮಾಡಿಕೊಳ್ಳುತ್ತಿರುವ ನಮ್ಮ ನಡುವೆಯೇ ಸುಂದರ ಬದುಕು ನಡೆಸಿಕೊಂಡು ಬಂದು ಈಗಲೂ ಅದೇ ಸಡಗರದಲ್ಲಿ ಬದುಕುತ್ತಿರುವವರ ಆದರ್ಶವೂ ಇದೆ. ಇವರನ್ನು ನೋಡಿ ನಾವು ಕಲಿಯುವುದೂ ಬಹಳವಿದೆ. ಮಸ್ತಾನಮ್ಮ ಆಂದ್ರಪ್ರದೇಶದ ಈ ಅಜ್ಜಿ ನಿಮಗೆಲ್ಲ ಗೊತ್ತೇ ಇರುತ್ತಾರೆ. ಅಡುಗೆ ಶೋನಿಂದಾಗಿ ಖ್ಯಾತರಾಗಿರುವ ಇವರಿಗೆ ಈಗ ನೂರು ವರ್ಷ. ಜಗತ್ತಿನ ಅತ್ಯಂತ ಹಿರಿಯ ಯೂಟ್ಯೂಬರ್ ...

  • 2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...


Editor's Wall

  • 18 April 2018
    2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 18 April 2018
    2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 17 April 2018
    3 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...

  • 16 April 2018
    4 days ago No comment

    ಹೆಣ್ಣು ಹಸುಳೆ ಈ ಪರಿ ತಬ್ಬಲಿಯಾಗುವುದೆ ಈ ದೇಶದಲ್ಲಿ?

    ಅಸೀಫಾ ಪ್ರಕರಣದಲ್ಲಿ ರಕ್ಕಸರನ್ನು ರಕ್ಷಿಸಲು ಯಾವ ಹೇಸಿಕೆಯೂ ಇಲ್ಲದೆ ರಾಜಕೀಯದವರೆನ್ನಿಸಿಕೊಂಡವರು, ಅಧಿಕಾರದಲ್ಲಿದ್ದವರು ಮತ್ತು ಸ್ವಯಂಘೋಷಿತ ಧರ್ಮರಕ್ಷಕರೆಲ್ಲ ಹೇಗೆಲ್ಲಾ ಪ್ರಯತ್ನಿಸಿದರು ಎಂಬುದನ್ನು ನೋಡಿದರೆ ಸೂರತ್‍ನಲ್ಲಿ ಹೆಣವಾಗಿ ಸಿಕ್ಕ ಬಾಲೆಯ ತಬ್ಬಲಿತನ ಕರುಳನ್ನು ಇನ್ನಷ್ಟು ಹಿಂಡುತ್ತದೆ. ದೇವರು, ಧರ್ಮದ ಹೆಸರು ಹೇಳಿಕೊಂಡು ಈ ದೇಶವನ್ನು ಹರಿದು ತಿನ್ನುತ್ತಿರುವವರು ಅದೇ ದೇವರ ಎದುರಲ್ಲೇ ಪುಟ್ಟ ಕಂದನ ಮೇಲೆ ರಣಹದ್ದುಗಳಂತೆ ಎರಗಿ ಅತ್ಯಾಚಾರವೆಸಗಿ ಕೊಲೆಗೈಯುವುದು, ಆ ರಕ್ಕಸರನ್ನು ಕಾಯಲು ಅಧಿಕಾರಸ್ಥರು ಇನಿತೂ ಪಾಪಪ್ರಜ್ಞೆ ಮತ್ತು ...

  • 14 April 2018
    5 days ago No comment

    ‘ಹೆಣ್ಣನ್ನು ದಲಿತ ಗಂಡಸರು ನೋಡುವುದೂ ಲಿಂಗತರತಮದ ಕಣ್ಣಿಂದಲೇ!’

    ವ್ಯವಸ್ಥೆಯನ್ನು ಆಳುವ ಗಂಡಸರು ಮಹಿಳೆಯರನ್ನು ನೋಡುವ ದೃಷ್ಟಿ, ಅವರೆಲ್ಲ ತಾವು ಹೇಗೆ ಬೇಕಾದರೂ ಬಳಸಿಕೊಳ್ಳುವುದಕ್ಕಿರುವ ಸ್ವಂತ ಆಸ್ತಿ ಎಂಬುದೇ ಆಗಿದೆ.   “ಹೆಣ್ಣೆಂದರೆ ಲಿಂಗತರತಮ ದೃಷ್ಟಿಯಿಂದ ನೋಡುವುದರಲ್ಲಿ ದಲಿತ ಗಂಡಸರೂ ಬೇರೆ ಗಂಡಸರ ಹಾಗೆಯೇ” ಎನ್ನುತ್ತಾರೆ ಮರಾಠಿಯ ಖ್ಯಾತ ದಲಿತ ಕವಯತ್ರಿ ಪ್ರದ್ನ್ಯಾ ಪವಾರ್. ಮರಾಠಿ ಲೇಖಕ, ಆತ್ಮಕಥೆ ಬರೆದ ಮೊದಲ ದಲಿತ ಬರಹಗಾರನೆಂಬ ಹೆಗ್ಗಳಿಕೆಯಿರುವ ದಯಾ ಪವಾರ್ ಅವರ ಪುತ್ರಿ ಪ್ರದ್ನ್ಯಾ ಪವಾರ್, ‘ಲೈವ್ ಮಿಂಟ್‍’ಗೆ ಕೊಟ್ಟಿರುವ ...