Share

ಬಾನುಲಿ ಹಿಂದಿನ ಮನಸ್ಸು
ಅರ್ಚನಾ ಎ ಪಿ

 

 

ಏನೇ ಅನ್ನಿ, ಬಾನುಲಿ ಅನ್ನೋದರ ಇಂಪೇ ಬೇರೆ. ಅದು ನಮ್ಮ ಮನಸ್ಸಿನಿಂದ ದೂರವಾಗಿದೆ ಎನ್ನಿಸಿದರೂ ಹಾಗಲ್ಲ. ಇದು ಒಂದೆಡೆಗಾದರೆ, ಅಂಥ ಬಾನುಲಿಯಲ್ಲಿ ಕೆಲಸ ಮಾಡುವ ಇಂಪು ದನಿಯವರ ಧನ್ಯತಾ ಭಾವ ಹೇಗಿರುತ್ತದೆ ಎಂಬುದು ಕೂಡ ಕುತೂಹಲ. ಆ ಲೋಕದ ಬಗ್ಗೆ ಇಲ್ಲಿ ಹೇಳಿದ್ದಾರೆ ಲೇಖಕಿ.

 

 

 

‘ಆಕಾಶವಾಣಿ’ಯು ನೀನು… ನಿನ್ನ ‘ಕೇಳಿ’ದಾಗ ಸಂತೋಷವೇನು…

ಇದು ಆ ಕಾಲದ ಮಾತು. ಆಗ ಮಹಾಭಾರತ, ರಾಮಾಯಣ ಧಾರಾವಾಹಿಗಳು ಟಿವಿಯಲ್ಲಿ ಪ್ರಸಾರವಾಗೋ ಸಮಯದಲ್ಲಿ ರಸ್ತೆಗಳೆಲ್ಲಾ ಖಾಲಿ ಇರ್ತಿದ್ವು. ಅತ್ಯಂತ ಭಕ್ತಿಯಿಂದ ಟಿವಿಗೂ ಪೂಜೆ ಮಾಡಿ ಧಾರಾವಾಹಿ ನೋಡ್ತಿದ್ರಂತೆ. ಈ ಮಾತು ನಮ್ಮ ಹಿರಿಯರ ನಡೆನುಡಿ ತಿಳಿಸತ್ತೆ. ಇರೋದ್ರಲ್ಲೇ ತೃಪ್ತಿಯಿಂದಿರೋದು, ಹಾಸಿಗೆ ಇದ್ದಷ್ಟು ಕಾಲುಚಾಚೋದು, ಒಂದು ಚೌಕಟ್ಟು ಹಾಕ್ಕೊಂಡು ಬದುಕು ನಡೆಸೋದು ಎಲ್ಲಾ ಎಲ್ಲಿ ಹೋದ್ವೊ ಏನೊ.

ಅಯ್ಯೋ ಹೇಳೋದನ್ನೇ ಮರೆತಿದ್ದೆ. ಇದು ಟಿವಿ ವಿಷಯ ಆಯ್ತು. ಇನ್ನೊಂದು ಇಂಥದೇ ಆಪ್ತ ಸಂಗಾತಿ ಇತ್ತು ಅವರಿಗೆಲ್ಲಾ. ಅದರಲ್ಲಿ ಪ್ರಸಾರ ಕಾರ್ಯ ಶುರುವಾಗುವಾಗ ಬರ್ತಿದ್ದ ಟೋನ್‍ನ್ನು ಈಗಲೂ ಕೆಲವು ಯುವಕರು ತಮ್ಮ ಮೊಬೈಲ್‍ನ ರಿಂಗ್ ಟೋನ್ ಆಗಿ ಇಟ್ಟುಕೊಂಡಿರುವುದನ್ನು ಮೊನ್ನೆ ಮೆಟ್ರೋದಲ್ಲಿ ಬರ್ತಾ ಕೇಳಿದಾಗಂತೂ ಹೆಮ್ಮೆ ಅನ್ನಿಸ್ತು.

ಅದ್ರಲ್ಲಿ ಬರ್ತಿದ್ದ ಆಕಾಶವಾಣಿ ಬೆಂಗಳೂರು, ರಸವಾರ್ತೆ, ಓದುತ್ತಿರುವವರು ಕೃಷ್ಣಕಾಂತ್ ಅನ್ನೋದು ಈಗಲೂ ಕಿವಿಯಲ್ಲಿ ರಿಂಗಣಿಸ್ತಿದೆ. ನಾನೋದಬೇಕಾದ್ರೆ ನನ್ನ ಕನ್ನಡ ಟೀಚರ್ ಪ್ರೇಮಲತಾ ಮೇಡಂ ವೀರಗಲ್ಲು, ಮಾಸ್ತಿಕಲ್ಲು ಕುರಿತು ನಾಟಕ ಮಾಡಿಸಿದ್ದು ಇನ್ನೂ ನೆನ್ನೆ ಮೊನ್ನೆ ನಡೆದಂತಿದೆ. ಹೀಗಂದುಕೊಳ್ತಾ ಈ ದನಿಗಳೊಂದಿಗೆ ನಾನೂ ದನಿಯಾಗಿ ಕೆಲಸ ಮಾಡ್ತಾ ಎಂಟು ವರ್ಷಗಳೇ ಕಳೆದುಹೋದವು.

ಈಗಿನ ಖಾಸಗಿ ಎಫ್‍ಎಂ ವಾಹಿನಿಗಳ ಭರಾಟೆಯ ನಡುವೆಯೂ ಕೊಂಚವೂ ತನ್ನತನವನ್ನು ಬಿಟ್ಟುಕೊಡದೆ ಮೂಲ ಉದ್ದೇಶವಾದ `ಬಹುಜನ ಹಿತಾಯ – ಬಹುಜನ ಸುಖಾಯ’ ಅಂತ ಇನ್ಫೋಟೈನ್‍ಮೆಂಟ್ (ಮಾಹಿತಿ ಮನರಂಜನೆ) ಕಾರ್ಯಕ್ರಮಗಳನ್ನು ಬಿತ್ತರಿಸ್ತಾನೇ ಇದೆ. ಆ ಕಾರ್ಯಕ್ರಮಗಳನ್ನು ತಲುಪಿಸೋ ಕೆಲಸದ ಮಧ್ಯವರ್ತಿಯಾಗಿ, ಮಾಧ್ಯಮವಾಗಿ ವಿವಿಧ ಭಾರತಿಯ ಸವಿಸವಿ ಉಲಿಯಾಗಿ ಅಂತ ಬೆಳ್ಳಂಬೆಳಗ್ಗೆ ನಿಮ್ಮೆಲ್ಲರ ದಿನ ಶುಭವಾಗಿರಲಿ ಅಂತ ಹಾರೈಸೋ ಅದೃಷ್ಟ ಎಂಥದು ಅಲ್ವಾ? ಕಂಪ್ಯೂಟರ್‍ನಲ್ಲಿರೋ ಹಾಡುಗಳ ಸಂಗ್ರಹದಿಂದ ಇದು ಅವರಿಗಿಷ್ಟವಾಗಬಹುದು, ಬೆಳಗ್ಗೆ ಈ ಹಾಡಿಂದ ದಿನ ಶುರುವಾದ್ರೆ ಇಡೀ ದಿನ ಚೆನ್ನಾಗಿ ಹೋಗನಹುದು, ತಿಂಡಿ ತಿಂತಾ ಈ ಹಾಡು ಕೇಳ್ತಿದ್ರೆ ಪತಿಗೆ ತನ್ನ ಪತ್ನಿಯ ಕಣ್ಣಲ್ಲಿ ಕಾಣೋ ಪ್ರೀತಿಯ ಮಿಂಚು ಅವಳ ಬಗೆಗಿನ ಗೌರವ ಹೆಚ್ಚಿಬಹುದು, ಬಸ್ಸಲ್ಲಿ ಕಿಟಕಿ ಪಕ್ಕ ಕೂತ ಆ ಚೆಲುವೆಯನ್ನು ಕಂಡು ಸಿಗ್ನಲ್‍ನಲ್ಲಿ ನಿಂತಿರೋ ಯುವಕನ ಹೃದಯಬಡಿತದ ಮಿಡಿತ ಅವಳಿಗೆ ತಲುಪಿಸೋ ಮಾಧ್ಯಮವಾಗಬಹುದಾ ಅಂತ ಏನೇನೋ ಆಲೋಚನೆಗಳಿಗೆ ಉತ್ತರವಾಗಿ ಗಂಟೆಗೆ 8ರಿಂದ 10 ಹಾಡುಗಳನ್ನು ಹೆಕ್ಕಿ ತೆಗೆದು ನಿಮಗಾಗಿ ಪ್ರಸಾರಿಸೋ ಖುಷಿ ಇದೆಯಲ್ಲ, ಮಾತಲ್ಲಿ ಹೇಳೋಕ್ಕಾಗೋದೇ ಇಲ್ಲ.

ಒಟ್ಟಿನಲ್ಲಿ ಟಿವಿಗಿಂತ ರೇಡಿಯೋ – ಬಾನುಲಿನೇ ನಿಜವಾದ ಸಂಗಾತಿ. ನಮ್ಮ ನಮ್ಮ ದಿನನಿತ್ಯದ ಕೆಲಸಗಳು, ಆಲೋಚನೆಗಳು, ಓಡಾಟ, ಪ್ರಯಾಣ, ಕಾಯುವಿಕೆ, ಕೋಪ, ಹುಸಿಮುನಿಸು, ಕಾಲೆಳೆಯುವುದು… ಅಬ್ಬಬ್ಬಾ! ಪಟ್ಟಿ ಮಾಡ್ತಾ ಹೋದ್ರೆ ಎಷ್ಟು ಸಂದರ್ಭ, ಸಂಗತಿಗಳು! ಇವೆಲ್ಲಕ್ಕೂ ಹೊಂದೋಂಥ ಚಿತ್ರಗೀತೆಗಳ ಪ್ರಪಂಚದಲ್ಲಿ ಮಿಂದೇಳೋ ಹಾಗೆ ಮಾಡತ್ತೆ ಈ ರೇಡಿಯೋ. ಈಗಲೂ ಪಕ್ಕದಲ್ಲೇ ಇರೋ ಬಾನುಲಿಯಲ್ಲಿ ಬರ್ತಿರೋ ಬಡೇ ಅಚ್ಛೇ ಲಗತೇ ಹೈ… ಯೇ ಧರತಿ, ಯೇ ದುನಿಯಾ, ಯೇ ರೈನಾ ಔರ್ ಔರ್ ತುಮ್ ಅನ್ನೋ ಹಾಡು ಆಲಿಸ್ತಿದೀನಿ…

 

——

ಅರ್ಚನಾ ಎ ಪಿ

ಎಂಎ ಬಿಎಡ್, ಎಂಫಿಲ್ ಪದವೀಧರೆ. ಸುರಾನಾ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕಿ, ಆಕಾಶವಾಣಿ ವಿವಿಧ ಭಾರತಿ 102.9 ಎಫ್ಎಂನಲ್ಲಿ ಉದ್ಘೋಷಕಿ, ಚಂದನ ವಾಹಿನಿಯಲ್ಲಿ ವಾರ್ತಾ ವಾಚಕಿ ಮತ್ತು ಕಾರ್ಯಕ್ರಮ ನಿರೂಪಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಸಾಹಿತ್ಯದಲ್ಲಿ ವಿಶೇಷ ಆಸಕ್ತಿ. ಚಿತ್ತಾರ ಕಲೆಯಲ್ಲೂ ಕೌಶಲ್ಯ.

Share

One Comment For "ಬಾನುಲಿ ಹಿಂದಿನ ಮನಸ್ಸು
ಅರ್ಚನಾ ಎ ಪಿ
"

  1. ಬಾಲಾಜಿ
    13th November 2017

    ಬಹಳ ಸೊಗಸಾದ ಬರಹ

    Reply

Leave a comment

Your email address will not be published. Required fields are marked *

Recent Posts More

  • 4 days ago No comment

    ಕಣ್ಣ ತುಂಬ ನಿಶ್ಶಬ್ದ!

        ಕವಿಸಾಲು       ಆಗೆಲ್ಲ ನಿತ್ಯ ಬರುತಿದ್ದ ನಿಯಮಿತ ವಸಂತ ಮುಂದಿಲ್ಲ ಶಿಶಿರ-ಹೇಮಂತ ಹಿಂದೆ ನಿರ್ವಾತ ಕುಕಿಲು-ನವಿಲಲ್ಲದ ಬಂದ ಪುಳಕವಷ್ಟೇ ಆದವ ಬೆರಳಂಚು ತಾಕುವ ಮುನ್ನ ಇನ್ನು ನಾಳೆ ಎಂದು ಹೋದವ ಮತ್ತೊಂದು ದಿನ ಕಾಯುವಿಕೆ ಶುರುವಾದದ್ದೋ ಅವ ಬಾರದುಳಿದದ್ದೋ ನಿನ್ನೆವರೆಗೂ ಕತ್ತಲೊಳಗಣ ಕಪ್ಪಿನಂತೆ ಸಂಜೆಯುದ್ದ ಬಿರುಗಣ್ಣು ಕಣ್ಣ ತುಂಬ ನಿಶ್ಶಬ್ದ! ಇಂದು ಬೆಳಗಲೇನೋ ಬೆಳಕಿತ್ತು ಅಚ್ಚರಿ ಮರಿ ಹಾಕುತಿದೆ ಸಂಜೆಯಷ್ಟೆ ಖಾಲಿಖಾಲಿ ಮರೆವೊಂದು ...

  • 4 days ago No comment

    ಔರ್ ಕರೀಬ್ ಆ ಜಾವೋ…

                ಖ್ವಾಬ್ ಹೋ ತುಮ್ ಯಾ ಕೋಯೀ ಹಕೀಕತ್.. ಕೌನ್ ಹೋ ತುಮ್ ಬತಲಾವೋ.. ದೇರ್ ಸೇ ಕಿತನೀ ದೂರ್ ಖಡೀ ಹೋ ಔರ್ ಕರೀಬ್ ಆ ಜಾವೋ… ಬಯಸೋದು ಬೆಟ್ಟದಷ್ಟು ಪ್ರೀತಿಯನ್ನು, ದೊಡ್ಡ ವೃತ್ತದಲ್ಲೊಂದು ಜಾಗವನ್ನು, ಆದರೆ ತಾವೇ ಚಿಕ್ಕದೊಂದು ವೃತ್ತ‌ ಬರೆದುಕೊಂಡು ಅಲ್ಲಿಗೆ ‘ಪ್ರವೇಶವಿಲ್ಲ’ ಅಂತ ನೇರವಾಗೇ ಹೇಳೋ ಧಾರ್ಷ್ಟ್ಯ… ಏನನ್ನುವುದು ಇದಕ್ಕೆ? ಕೊಡೋ ಕೈ ಯಾವಾಗಲೂ ಮೇಲಿರತ್ತೆ, ...

  • 6 days ago No comment

    ಮೋಹದ ಹಯವೇರಿದ ಕಿನ್ನರಿಯರ ಲೋಕದಲ್ಲಿ…

                        ಇಷ್ಟೆಲ್ಲ ಆದ ಬಳಿಕ ಸೋತು ಹಣ್ಣಾಗಿರಬಹುದು ಎಂದುಕೊಂಡರೆ ಅವಳು ಮೊದಲಿಗಿಂತ ದುಪ್ಪಟ್ಟು ಲಕಲಕ ಹೊಳೆಯುತ್ತ ಪಕ್ಕಾ ವ್ಯವಹಾರಸ್ಥಳಂತೆ ನಡೆದುಕೊಳ್ಳತೊಡಗಿದಳು. ಉಳಿದ ಹೆಣ್ಣುಮಕ್ಕಳಾದರೂ ಇವಳಿಗಿಂತ ಭಿನ್ನವಾಗಿಯೇನೂ ಇರಲಿಲ್ಲ.   ಆ ಪುಟ್ಟ ಊರಿನ ಎರಡು ಬೀದಿಗಳ ಅಷ್ಟೂ ಕ್ವಾರ್ಟರ್ಸ್ ಗಳ ತುಂಬ ಗುತ್ತಿಗೆ ಕೆಲಸದ ನಿಮಿತ್ತ ಬೇರೆ ರಾಜ್ಯಗಳ ಜನ ಬಂದು ನೆಲೆಸಿದ ಮೇಲೆ ಊರಿನಲ್ಲಿ ...

  • 1 week ago No comment

    ದೊರೆ ಏನೆಂದನು ಎಂದರೆ…

      ಗೆದ್ದವರು ಅವನನ್ನು ಪಲ್ಲಕ್ಕಿಯಲ್ಲಿ ಕೂರಿಸಿಕೊಂಡು ನಾಡಿಗೆ ಕರೆತಂದರು. ಚಾನೆಲ್ಲುಗಳೆಲ್ಲ ಇದನ್ನು ದಿನವಿಡೀ ಲೈವಾಗಿ ತೋರಿಸಿ ಕೃತಾರ್ಥತೆ ಅನುಭವಿಸಿದವು.   ಅವನೊಬ್ಬ ತುಂಬಾ ವರ್ಷಗಳಿಂದ ಕಾಡೊಳಗೇ ಗಡ್ಡೆ ಗೆಣಸು ತಿಂದ್ಕೊಂಡು ಇದ್ದ. ಆದ್ರೆ ಅವನ ಕಣ್ಣುಗಳು ಮಾತ್ರ ನಾಡ ಕಡೇನೇ ನೋಡ್ತಿದ್ವಂತೆ. ಕಿವಿಗಳು ನಾಡ ಕಡೆಯ ಸದ್ದುಗಳಿಗೇ ತೆರಕೊಂಡಿದ್ವಂತೆ. ಬಾಯಿ ಕೂಡ ನಾಡ ಬಗ್ಗೆಯೇ ವಟಗುಡೋ ರೂಢಿ ಬೆಳೆಸಿಕೊಂಡಿತ್ತಂತೆ. ವಿಚಾರ ಹೀಗಿದೆ ನೋಡಿ ಅಂತ ನಾಡಿಂದ ಕಾಡ ಕಡೆ ...

  • 1 week ago No comment

    ಪಟ್ಟಾಂಗದ ಕತೆ – ಕರಣ್ ಜೋಹರ್ ಜೊತೆ

      ಅಂದು ಅಲ್ಲಿ ನಡೆಯುತ್ತಿದ್ದಿದ್ದು ಕೂಡ ‘ಕಾಫಿ ವಿದ್ ಕರಣ್’. ವ್ಯತ್ಯಾಸವೆಂದರೆ ನಾನೋ ಕಾಫಿಶಾಪಿನಲ್ಲಿ ಆಪ್ತರೊಬ್ಬರ ಆಗಮನಕ್ಕಾಗಿ ಕಾಯುತ್ತಿದ್ದೆ. ಕರಣ್ ಜೋಹರ್ ಎದುರಿನ ಮೇಜಿನ ಮೇಲಿರಿಸಲಾಗಿದ್ದ ತನ್ನ ಆತ್ಮಕಥೆಯ ಮುಖಪುಟದಲ್ಲಿ ಪೋಸು ಕೊಡುತ್ತಿದ್ದ. ಹೀಗೆ ಕೆಲಹೊತ್ತಿನಲ್ಲೇ ಆ ಪುಟ್ಟಜಾಗವು ‘ಮೆಹಫಿಲ್’ ಆಗುವ ನಿರೀಕ್ಷೆಯಲ್ಲಿತ್ತು. ಭಾರತಕ್ಕೆ ಇನ್ನೇನು ಬಂದಿಳಿಯುವ ತರಾತುರಿಯಲ್ಲಿ ಆಗಲೇ ನಾನು ಹಲವು ಪುಸ್ತಕಗಳನ್ನು ಸೀದಾ ಮನೆಗೇ ತರಿಸಿಟ್ಟುಕೊಂಡಿದ್ದೆ. ನೋಡನೋಡುತ್ತಾ ಇಪ್ಪತ್ತು-ಇಪ್ಪತ್ತೈದು ಪುಸ್ತಕಗಳು ಆಗಲೇ ಜಮೆಯಾಗಿದ್ದವು. ಹೀಗಾಗಿ ಅದೇನೇ ...


Editor's Wall

  • 18 January 2018
    6 days ago No comment

    ಮೋಹದ ಹಯವೇರಿದ ಕಿನ್ನರಿಯರ ಲೋಕದಲ್ಲಿ…

                        ಇಷ್ಟೆಲ್ಲ ಆದ ಬಳಿಕ ಸೋತು ಹಣ್ಣಾಗಿರಬಹುದು ಎಂದುಕೊಂಡರೆ ಅವಳು ಮೊದಲಿಗಿಂತ ದುಪ್ಪಟ್ಟು ಲಕಲಕ ಹೊಳೆಯುತ್ತ ಪಕ್ಕಾ ವ್ಯವಹಾರಸ್ಥಳಂತೆ ನಡೆದುಕೊಳ್ಳತೊಡಗಿದಳು. ಉಳಿದ ಹೆಣ್ಣುಮಕ್ಕಳಾದರೂ ಇವಳಿಗಿಂತ ಭಿನ್ನವಾಗಿಯೇನೂ ಇರಲಿಲ್ಲ.   ಆ ಪುಟ್ಟ ಊರಿನ ಎರಡು ಬೀದಿಗಳ ಅಷ್ಟೂ ಕ್ವಾರ್ಟರ್ಸ್ ಗಳ ತುಂಬ ಗುತ್ತಿಗೆ ಕೆಲಸದ ನಿಮಿತ್ತ ಬೇರೆ ರಾಜ್ಯಗಳ ಜನ ಬಂದು ನೆಲೆಸಿದ ಮೇಲೆ ಊರಿನಲ್ಲಿ ...

  • 15 January 2018
    1 week ago No comment

    ದೊರೆ ಏನೆಂದನು ಎಂದರೆ…

      ಗೆದ್ದವರು ಅವನನ್ನು ಪಲ್ಲಕ್ಕಿಯಲ್ಲಿ ಕೂರಿಸಿಕೊಂಡು ನಾಡಿಗೆ ಕರೆತಂದರು. ಚಾನೆಲ್ಲುಗಳೆಲ್ಲ ಇದನ್ನು ದಿನವಿಡೀ ಲೈವಾಗಿ ತೋರಿಸಿ ಕೃತಾರ್ಥತೆ ಅನುಭವಿಸಿದವು.   ಅವನೊಬ್ಬ ತುಂಬಾ ವರ್ಷಗಳಿಂದ ಕಾಡೊಳಗೇ ಗಡ್ಡೆ ಗೆಣಸು ತಿಂದ್ಕೊಂಡು ಇದ್ದ. ಆದ್ರೆ ಅವನ ಕಣ್ಣುಗಳು ಮಾತ್ರ ನಾಡ ಕಡೇನೇ ನೋಡ್ತಿದ್ವಂತೆ. ಕಿವಿಗಳು ನಾಡ ಕಡೆಯ ಸದ್ದುಗಳಿಗೇ ತೆರಕೊಂಡಿದ್ವಂತೆ. ಬಾಯಿ ಕೂಡ ನಾಡ ಬಗ್ಗೆಯೇ ವಟಗುಡೋ ರೂಢಿ ಬೆಳೆಸಿಕೊಂಡಿತ್ತಂತೆ. ವಿಚಾರ ಹೀಗಿದೆ ನೋಡಿ ಅಂತ ನಾಡಿಂದ ಕಾಡ ಕಡೆ ...

  • 14 January 2018
    1 week ago No comment

    ಸದ್ದಿಲ್ಲದೇ ಅವನನ್ನು ಹೋಗಗೊಟ್ಟೆ…

              | ಕಮಲಾ ದಾಸ್ ಕಡಲು     ಕಮಲಾ ದಾಸ್ ಕವಿತೆಗಳ ಅನುವಾದ ಶುರು ಮಾಡಿದ ಮೊದಲ ದಿನಗಳಲ್ಲಿ ಇದು ಕಣ್ಣಿಗೆ ಬಿದ್ದದ್ದು. ಈ ಕವಿತೆಯಲ್ಲಿನ ಅಸಹಾಯಕತೆ ಮತ್ತು ಅದರ ಹಿಂದೆಯೇ ಆವರಿಸುವ ನಿರ್ಲಿಪ್ತತೆ ನನಗೆ ತುಂಬ ಕಾಡಿಸಿಬಿಟ್ಟಿತು. ಯಾಕೆ ಒಂದು ಪ್ರೇಮ ಬಹುತೇಕ ಗಂಡಸರಿಗೆ ಬಂಧನದಂತೆ ಅನ್ನಿಸುತ್ತದೆ, ಒಂದು ಹಂತದ ನಂತರ ಯಾಕೆ ಹೆಣ್ಣಿಗೂ ಹಿಡಿದಿಟ್ಟುಕೊಳ್ಳುವುದು ನಿರರ್ಥಕ ಅನ್ನಿಸಿಬಿಡುತ್ತದೆ… ಹತ್ತು ...

  • 11 January 2018
    2 weeks ago No comment

    ಕಾಲಡಿಯ ತುಂಡು ನೆಲದಲ್ಲಿ ಮಾಯಾವನ ಅರಳಿ…

                        ಒಂದು ತೊಟ್ಟೂ ವಿಷ ನೆಲಕ್ಕೆ ಬೀಳದಂಥ ಸಾವಯವ ಬೆಳೆಗಳನ್ನು ನಾವೇ ಬೆಳೆದು ತಿನ್ನುವುದು ನಮಗೆ ಖಂಡಿತ ಸಾಧ್ಯವಿದೆ.   “ನನ್ನ ಭುಜವಸ್ತ್ರವನ್ನು ಬಾವುಟದಂತೆ ಹಾರಿಸಲು ನನಗೆ ಅಂಗೈಯಷ್ಟು ಜಾಗ ಬೇಕು ಶಾಶ್ವತ ವಿಳಾಸ ಬೇಕು” -ಎಜ್ರಾಶಾಸ್ತ್ರಿ ಭೂಮಿ ಮತ್ತು ವಸತಿ ಹೋರಾಟದಲ್ಲಿ ಸಕ್ರಿಯ ಕಾರ್ಯಕರ್ತರಾಗಿರುವ ಪದ್ಮಾ ಕೆ. ರಾಜ್ ತಮ್ಮ ಹೋರಾಟದ ಬಗ್ಗೆ ತಿಳಿಸಿದಾಗ ...

  • 04 January 2018
    3 weeks ago No comment

    ಬತ್ತಿಹೋದ ಎದೆಗೂಡುಗಳಲ್ಲಿ ಸುಪ್ತ ಜ್ವಾಲಾಮುಖಿಗಳು

                        ಅವಳು ಅಡುಗೆ ಮಾಡುತ್ತಾಳೆ ‘ನೀನೂ ಹೊತ್ತು ಹೊತ್ತಿಗೆ ಉಂಡೆಯಾ ತಿಂದೆಯಾ?’ ಎಂದು ಎಂದೂ ಕೇಳ ಹೇಳದವನೊಬ್ಬನಿಗಾಗಿ ಅವಳು ಅಡುಗೆ ಮಾಡುತ್ತಲೇ ಇರುತ್ತಾಳೆ   ಒಲೆಯ ಜ್ವಾಲೆಯಂತೆ ಧಗಧಗಿಸುತ್ತ, ಬೇಯುವ ಅಡುಗೆಯಂತೆ ಕೊತಕೊತನೆ ಕುದಿಯುತ್ತ, ಬಚ್ಚಲ ಬಿಸಿಬಿಸಿ ಹಬೆಯ ಜೊತೆ ಆರಲೆತ್ನಿಸುತ್ತ, ಕಣ್ಣೀರಾಗಿ ಹರಿವೊಡೆಯುತ್ತ, ಶೀತಲ ಮೌನದೊಳಗೆ ಹೆಪ್ಪುಗಟ್ಟುತ್ತ ಕೌಟುಂಬಿಕ ಚೌಕಟ್ಟಿನೊಳಗಿನ ಹೆಣ್ಣು ಅನುಭವಿಸುವ ತಳಮಳಗಳು ...