Share

ಅವ್ರ್ ಬಿಟ್ ಇವ್ರ್ ಬಿಟ್ ಅವ್ರ್ ಬಿಟ್ ಇವ್ರ್ ಯಾರು?
ಕಾದಂಬಿನಿ

 

 

ಈಗ ಮಕ್ಕಳನ್ನೆಲ್ಲ ಪರ ಊರುಗಳ ಬೋರ್ಡಿಂಗ್ ಶಾಲೆಗಳಲ್ಲಿ ನೂಕಿ ಯಾವ ಮನೆಗಳಲ್ಲೂ ಮಕ್ಕಳಿಲ್ಲದೆ ಬಣಗುಟ್ಟುತ್ತಿವೆ. ಹೋಮ್ ವರ್ಕ್, ರ್ಯಾಂಕ್ ಓಟ, ಅಂಕದ ಬೇಟೆಯಲ್ಲಿ ಸಿಲುಕಿ ಯಾವ ರಸ್ತೆಯಲ್ಲೂ ಮಕ್ಕಳು ಆಡುವುದಿಲ್ಲ.

ಮಕ್ಕಳ ದಿನಕ್ಕೆ ಒಂದು ವಿಶೇಷ ಬರಹ, ಕಾದಂಬಿನಿ ಅವರಿಂದ

 

 

 

ಕ್ಕಳೆಲ್ಲ ಸೇರಿ ಯಾರಾದರೂ ಚೂರು ದೊಡ್ಡವರನ್ನು ಅಜ್ಜಿಯಾಗಲು ಕೇಳಿಕೊಂಡಾದ ಮೇಲೆ ಎಲ್ಲರೂ ವೃತ್ತಾಕಾರವಾಗಿ ನಿಂತು ಕ್ಲಾಪ್ಸ್ ಹಾಕುವ ಮೂಲಕ ಕಳ್ಳರನ್ನು ಆಯ್ಕೆ ಮಾಡ್ತಿದ್ದರು.

ಅಜ್ಜಿಯಾದವರು ಕಳ್ಳನನ್ನು ಎದುರು ನಿಲ್ಲಿಸಿಕೊಂಡು ಒಂದು ಕೈಯಲ್ಲಿ ಕಳ್ಳನ ಕಣ್ಣು ಮುಚ್ಚಿಹಿಡಿದು ಇನ್ನೊಂದು ಕೈಯಲ್ಲಿ ಕಳ್ಳನ ಮುಂಗೈ ಹಿಡಿದು ಬಾಕಿ ಮಕ್ಕಳನ್ನು ಕಳ್ಳ ಮತ್ತು ಅಜ್ಜಿಗೆ ಅಭಿಮುಖವಾಗಿ ಸಾಲಾಗಿ ನಿಲ್ಲಿಸಿದ ಮೇಲೆ ಅಜ್ಜಿಯಾದವರು ‘ಅಡಿಕೆ ಕೊಡ್ತೀನಿ ಜಾಗ ಬದಲಾಯಿಸಿ’ ಎನ್ನುತ್ತಿದ್ದರು.

ಆಗ ಮಕ್ಕಳೆಲ್ಲ ತಮ್ಮ ಸ್ಥಾನಗಳನ್ನೆಲ್ಲ ಅದಲುಬದಲು ಮಾಡ್ತಿದ್ದರು. ಆಗ ಅಜ್ಜಿ ಕಳ್ಳನ ಮುಂಗೈ ಹಿಡಿದು ಎದುರು ನಿಂತ ಮಕ್ಕಳ ಕಡೆಗೆ ಇಷಾರೆ ಮಾಡುತ್ತ ‘ಅವ್ರ್ ಬಿಟ್ ಇವ್ರ್ ಬಿಟ್ ಅವ್ರ್ ಬಿಟ್ ಇವ್ರ್ ಯಾರು?’ ಎಂದು ಕೇಳುತ್ತಿದ್ದರು.

ಕಳ್ಳ ಕಣ್ಣು ಮುಚ್ಚಿರುವ ಕಾರಣ ನಿಂತವರು ಯಾರು ಯಾರೆಂದು ತಿಳಿಯದೇ ಸುಮನಿಗೆ ಭೀಮ ಎಂದರೆ ಭೀಮಾ ನೀನು ಹೋಗೆ ಎನ್ನುವರು ಅಜ್ಜಿ. ಮತ್ತೆ ಅವ್ರ್ ಬಿಟ್ ಇವ್ರ್ ಬಿಟ್ ಇವ್ರ್ ಯಾರು? ಪ್ರಶ್ನೆ. ಆಗ ರಮಾಗೆ ಬದಲು ಶಮಾನ ಹೆಸರು ಹೇಳ್ತಿದ್ದ ಕಳ್ಳ. ಶಮಾ ನೀನು ಹೋಗ್ ಎಂದಕೂಡಲೇ ರಮಾ ಕಿಸಿ ಕಿಸಿ ನಗುತ್ತ ಓಡಿ ಹೋಗಿ ಎಲ್ಲೋ ಬಚ್ಚಿಟ್ಟುಕೊಳ್ತಿದ್ದಳು. ಒಂದು ವೇಳೆ ಕಳ್ಳ ಶಮಾಗೆ ಶಮಾ ಎಂದೇ ಗುರುತಿಸಿಬಿಟ್ಟರೆ ಶಮಾ ಕಳ್ಳಿ ಆಗಬೇಕಿತ್ತು ಮತ್ತು ಅವ್ರ್ ಬಿಟ್ ಇವ್ರ್ ಬಿಟ್ ಶುರುವಾಗ್ತಿತ್ತು.

ಹೀಗೆ ಎಲ್ಲಾ ಮಕ್ಕಳು ಅಡಗಿಯಾದ ಮೇಲೆ ಅಜ್ಜಿ ‘ಕೂಕಾ?’ ಎಂದು ಕೇಳ್ತಿದ್ದಳು. ಮಕ್ಕಳು ಅಡಗಿದ್ದಲ್ಲಿಂದಲೇ ‘ಕೂಕ್’ ಎಂದು ಮಾರುತ್ತರ ಕೊಟ್ಟಮೇಲೆ ಕಳ್ಳನ ಕಣ್ಣು ತೆರೆದು ಬಿಡ್ತಿದ್ದಳು.

ಈಗ ಕಳ್ಳ ಬಚ್ಚಿಟ್ಟುಕೊಂಡವರನ್ನು ಹೋಗಿ ಹುಡುಕಿ ಔಟ್ ಮಾಡಬೇಕು. ಇಲ್ಲವೇ ಅಡಗಿದ ಮಕ್ಕಳು ಕಳ್ಳನ ಕಣ್ಣು ತಪ್ಪಿಸಿ ಓಡಿ ಬಂದು ಅಜ್ಜಿಯನ್ನು ಮುಟ್ಟಿಬಿಡಬೇಕು. ಮೊದಲು ಕಳ್ಳ ಔಟ್ ಮಾಡಿದವರು ಕಳ್ಳ ಆಗಬೇಕು.
ಇದನ್ನು ಅಜ್ಜಿ ಮುಟ್ಟಾಟ ಅಂತ ಕರೆಯಲಾಗ್ತಿತ್ತು.

ಆಗೆಲ್ಲ ಐಸ್ಪೈಸ್, ನಾಕು ಮೂಲೆ, ಜೂಟಾಟ, ಕುಂಟ್ ಮುಟ್ಟಾಟ, ಕುಂಟೋಬಿಲ್ಲೆ, ಮೀನುಬಲೆ, ಅಜ್ಜಿ ಮನೆ ಬಂತಾ?, ಕಣ್ಣಾಮುಚ್ಚಾಲೆ, ಕಣ್ ಕಟ್ಟಾಟ, ಕೆರೆದಡ, ಕಳ್ಳ- ಪೋಲಿಸ್, ಲಗೋರಿ, ಕಲ್ಲು ಚಕ್ಕೆ ಸೆಗಣಿ ಇಂಥ ಎಲ್ಲ ಆಟಗಳನ್ನು ಆಗಿನ ಮಕ್ಕಳು ಆಡ್ತಿದ್ದರು. ಹಳ್ಳಿಗಾಡಿನ ಮಕ್ಕಳು ಈ ಆಟ ಆಡಿದರೆ ಆಗಿನ ಖಾಸಗಿ ಶಾಲೆಯಲ್ಲಿ ಓದುವ ಮಕ್ಕಳು ಎಲ್ ಒ ಎನ್ ಡಿ ಒ ಎನ್ ಲಂಡನ್, ಹೌ ಮೆನೀ ಹೌಮೆನೀ ಟೆಲ್ ಅಸ್ ಟೆಲ್ ಅಸ್ ಹೌ ಮೆನಿ ಯಂತಹ ಹೊಸ ಆಟಗಳನ್ನು ಆಡ್ತಿದ್ದರು.

ಈಗ ಮಕ್ಕಳನ್ನೆಲ್ಲ ಪರ ಊರುಗಳ ಬೋರ್ಡಿಂಗ್ ಶಾಲೆಗಳಲ್ಲಿ ನೂಕಿ ಯಾವ ಮನೆಗಳಲ್ಲೂ ಮಕ್ಕಳಿಲ್ಲದೆ ಬಣಗುಟ್ಟುತ್ತಿವೆ. ಹೋಮ್ ವರ್ಕ್, ರ್ಯಾಂಕ್ ಓಟ, ಅಂಕದ ಬೇಟೆಯಲ್ಲಿ ಸಿಲುಕಿ ಯಾವ ರಸ್ತೆಯಲ್ಲೂ ಮಕ್ಕಳು ಆಡುವುದಿಲ್ಲ.

ಒಂದೊಮ್ಮೆ ಆಡಿದರೂ ತಂದೆ ತಾಯಿಯರಲ್ಲಿ ‘ಓದ್ತೀನಿ ಮಮ್ಮೀ, ಬಂದು ಬರೀತೀನಿ ಮಮ್ಮೀ.., ಹತ್ತೇ ಹತ್ತು ನಿಮಿಷ ಆಡಿ ಬರ್ತೀನಿ ಮಮ್ಮೀ’ ಎಂದು ಗೋಗರೆದ ಗಂಡು ಮಕ್ಕಳು ಆಡುವುದು ಕ್ರಿಕೆಟ್ ಒಂದನ್ನೇ.
ಹೀಗೆ ಮಕ್ಕಳ ಆಟಗಳನ್ನು ಕಸಿಯಲಾಗಿದೆ. ಯಾರು ಮೇಲೆ ಉಲ್ಲೇಖಿಸಿದ ಆಟಗಳನ್ನೇ ಆಡಿ ಬೆಳೆದು ದೊಡ್ಡವರಾದರೋ ಅವರು ದೊಡ್ಡ ದೊಡ್ಡ ಆಟಗಳನ್ನು ಆಡುತ್ತಿದ್ದಾರೆ. ಇವರ ಮಕ್ಕಳು ಕೋಣೆಗಳ ಒಳಗೆ ಕೊಳೆಯುತ್ತಿರುವುದರ ಅರಿವಿಲ್ಲದೆ ಇನ್ನೊಬ್ಬರ ಜೀವಗಳ ಜೊತೆ, ಕನಸುಗಳ ಜೊತೆಗೆ, ಪ್ರಾಣಗಳ ಜೊತೆಗೆ, ಉಸಿರುಗಳ ಜೊತೆಗೆ ಆಟ ಆಡತೊಡಗಿದ್ದಾರೆ.

ಮಕ್ಕಳು ಇಂಗ್ಲಿಷ್ ರೈಮ್ಸ್ ಹಾಡುವ ಸೊಬಗಿನಡಿಯಲ್ಲಿ

ಕಾಗೇ ಕಾಗೇ ಕವ್ವ
ಯಾರ್ ಬಂದಾನವ್ವ?
ಮಾವ ಬಂದಾನವ್ವ
ಏನ ತಂದಾನವ್ವ?
ಹಂಡೇಯಂಥಾ ಕುಂಡೇ ಹೊತ್ಗೊಂಡ್
ಹಂಗೇ ಬಂದಾನವ್ವ
ಮಾವಂಗೇನ್ ಊಟ
ಬೀಸೋಕಲ್ಲಿನ್ ಗೂಟ!

ಇಂತಹ ಮಕ್ಕಳಿಗೆ ಭರಪೂರ ಮನರಂಜನೆ, ಪ್ರಾಸ, ಲಯ, ಗೇಯತೆ ಇವುಗಳನ್ನು ಕಲಿಸುತ್ತಿದ್ದ ಚಿಣ್ಣರ ಹಾಡುಗಳು ಮಂಗಮಾಯ ಆಗಿವೆ.

ಮಕ್ಕಳ ದಿನ ಪ್ರತಿ ವರ್ಷ ಬರುತ್ತದೆ. ಈಗಿನ ಮಕ್ಕಳಿಗೆ ಆ ಚಾಕಲೇಟು, ಬೂಂದಿ ಖುಷಿ ಕೊಡುವುದಿಲ್ಲ. ಯಾಕೆಂದರೆ ಅದರ ಅಪ್ಪನಂಥ ಚಾಕಲೇಟು, ಐಸ್ ಕ್ರೀಮ್ ಇತ್ಯಾದಿ ಮಕ್ಕಳಿಗೆ ಎಡಗೈ ಸಸಾರ ಆಗಿ ಕೂತಿವೆ.

ಮಕ್ಕಳ ದಿನ ಕೂಡ ಬರುತ್ತದೆ ಹೋಗುತ್ತದೆ. ಈ ಖುಷಿಯ ಹೊತ್ತಲ್ಲೂ ಬೇಡವೆಂದರೂ ಆತ್ಮಹತ್ಯೆ ಮಾಡಿಕೊಳ್ಳುವ, ಬ್ಲೂ ವೇಲ್ ಆಡುವ, ಅಪರಾಧಗಳಲ್ಲಿ ತೊಡಗುವ, ಮ್ಲಾನವದನದ ಮಕ್ಕಳು ನೆನಪಾಗುತ್ತಾರೆ. ಆತಂಕವು ತಣ್ಣಗೆ ಹೊಕ್ಕು ಸಳ್ಳನೆ ಒಳಗನ್ನು ನಡುಗಿಸುತ್ತದೆ…

ಅಷ್ಟಾದರೂ ಮಕ್ಕಳಿಗಾಗಿ ಮಕ್ಕಳ ಸಮೃದ್ಧ ಬಾಲ್ಯವನ್ನು ಅನುಭವಿಸಲು ಅವಕಾಶ ಮಾಡಿಕೊಡಲು ಹಿರಿಯರು ತಯಾರಿಲ್ಲದೆ ಹೋಗುತ್ತಾರೆ.

ಈ ಮಕ್ಕಳಿಗೀಗ ಒಡಹುಟ್ಟಿದವರೂ ಇಲ್ಲ, ಒಡನಾಡಿಗಳೂ ಇಲ್ಲವಾಗಿ ಒಂಟೊಂಟಿಯಾಗಿ ತಂದೆ ತಾಯಿಯರ ಕನಸನ್ನು ಸಾಕಾರಗೊಳಿಸಲು ನೊಗ ಹೊತ್ತು ನಿಂತ ಗಾಣದೆತ್ತಾಗಿ ತಂದೆತಾಯಿಯರ ಸುತ್ತ ತಿರುಗುತ್ತ ಸವಿರಸ ಬಸಿಯುತ್ತಾರೆ.

ಮತ್ತು ತಂದೆ ತಾಯಿಯರು ಈ ಆಟವನ್ನು ಬಹಳ ಹುಮ್ಮಸ್ಸಿನಿಂದಲೇ ಆಡುತ್ತಿದ್ದಾರೆ. ಇದು ಎಲ್ಲಿಗೆ ಕೊಂಡೊಯ್ದೀತೆಂಬ ಅರಿವೇ ಇಲ್ಲವಾಗಿದೆ.

ಮಕ್ಕಳಿಗಾಗಿಯೇ ಬದುಕುವವರಿಗೆ ಮಕ್ಕಳ ಅಂತರಂಗದ ವೇದನೆಯೂ ಅವರ ಅಗತ್ಯಗಳೂ ಇನ್ನಾದರೂ ಅರ್ಥವಾಗಲಿ, ಇಂಥ ಮಕ್ಕಳ ದಿನಗಳು ಅರ್ಥಪೂರ್ಣವಾಗಲಿ ಎಂದು ಹಾರೈಸೋಣವೇ?

*

(ಕಾದಂಬಿನಿ ಅವರು ಹೆಕ್ಕಿಕೊಟ್ಟಿರುವ ಸೊಗಸಾದ, ಈಗ ಮರೆತೇಹೋದಂತಿರುವ ಕೆಲವು ಚಿಣ್ಣರ ಪದ್ಯಗಳು, ಮಕ್ಕಳ ದಿನದ ಖುಷಿಗೆ)

ಅಕ್ಮಾಲಕ್ಕಿ
ಚಿಕ್ಮಾಲಕ್ಕಿ
ರಾವೆಗುಂಡು
ರಪ್ಲೆಗುಂಡು
ಗೋಟು ಅಡಿಕೆ
ತಾಟು ಅಡಿಕೆ
ಕಡ್ಗಂ ಸುಡ್ಗಂ
ಸೈಲಾ ಕುಂಟಾ
ಬಲ್ಬಲ್ ಕುಂಟು
ಬಲಾರಿ ಕುಂಟು
ಬಸವಿ ಯಾವುದು?

~

ಅಲಮೇಲಕ್ಕ ಚೆಲಮೇಲಕ್ಕ
ಎಲ್ಲಿಗೆ ಹೋಗಿದ್ದೆ?
ನಂಜನಗೂಡ ತೋಪಿನಲ್ಲಿ
ನಲಿಯಕೆ ಹೋಗಿದ್ದೆ
ಹೊಡಿಬೇಡ ಬಡಿಬೇಡ
ಮೈಯಿ ನೋಯ್ತದೆ
ಹನ್ನೆರಡಾಣೆ ಕೆನ್ನೆಸರ
ಮುರುದು ಹೋಗ್ತದೆ

~

ಆಟ ಅಡೋಣ
ಆಡೋ ಗುಂಡಿ ತೋಡಾಣಾ
ನಾಯಿ ಮರಿ ಕೊಯ್ಯೋಣಾ
ಹೋಗ್ತಾ ಬರ್ತಾ ತಿನ್ನೋಣಾ
ಹಳ್ಳಿಪಳ್ಳಿ
ನಾಗರ ಸೆಳ್ಳಿ
ಎತ್ತಿನ ಕೊಂಬು
ಮುತ್ತಿನ ಚೆಂಡು
ಉಳಿತ್ ರಾಯನ
ಗುಡು ಗುಡು ಗುಡು

~

ಅಯ್ಯಯ್ಯಪ್ಪ
ಅಡ್ಡಡ್ಡ ಬಿದ್ದು
ಅವ್ರೆಕಾಳ್ ತಿಂದು
ಬಡ್ಡಾ ಬಡ್ಡಾ
ಅಯ್ಯಯ್ಯಪ್ಪ
ಅವರೆಕಾಳು ತುಪ್ಪ
ತಿಂದೋರ್ ಹೊಟ್ಟೆ ದಪ್ಪ

~

ಕಾರೆಕಾಯಿ ನಿಂಗಣ್ಣ
ಒಡ್ಡರಹಳ್ಳಿ ನಿಂಗಣ್ಣ
ಕಾಪ್ನಳ್ಳಿ ಬಡ್ಡೀರು
ಪೀಪಿ ತಕ್ಕಂಡ್ ಬತ್ತವೆ
ಅಲ್ಲೂ ಇಲ್ಲೂ ತಾರಾಟಾ
ನಿಮ್ಮಪ್ಪನ ಕಾಲು ಕುಂಟಾಟ
ಕೆರೆಲಿರೋದು ಪಾಸೆ
ಮನೆಲಿರೋದು ದೋಸೆ
ನಿನ್ ಮೀಸೆ ಮೇಲ್ ನಂಗಾಸೆ
ಕಬ್ಬಿನಗದ್ದೆಲಿ ಗಿಣ್ಣು
ಟೊಮೆಟೊ ಗಿಡದಲ್ಲಿ ಹಣ್ಣು
ನನ್ನ ಮ್ಯಾಲೆ ಯಾಕೆ ನಿನ್ನ ಕಣ್ಣು

~

ಕಪ್ಪೆ ಕಲಕಲ
ತುಪ್ಪ ಜಲಜಲ
ಮಾವಿನ ಓಟೆ
ಮರದಲಿ ಬ್ಯಾಟೆ
ಎಂಟಾಣೆ ಪ್ಯಾಟೆ
ಕಾರೆಗುತ್ತೀಲಿ ಮರಿ ಹಾಕ್ಕೊಂಡು
ಪೀಂಯೋ ಪೀಂಯೋ
ಹಂಚಿಕಡ್ಡಿ ಗುಂಡಲಕ್ಕಿ
ಕಂಯ್ಯೋ ಕಂಯ್ಯೋ
ಬಾಳೆಪಟ್ಟೆ ಬಳಗಾರ ಹುಡುಗಿ
ರಂಯ್ಯೋ ರಂಯ್ಯೋ

~
ಬೇಬೀ ಬೇಬೀ ಸಣ್ಣಾಕಿ
ಪೆಪ್ಪರಮೆಂಟು ತಿನ್ನಾಕೀ
ಅಗ್ಗಿನ ಗಾಡ್ಯಾಗ ಕೂಡಾಕಿ
ಗಂಡನ ಕರಕೊಂಡ ಜಿಗ್ಯಾಕಿ

—–

ಕಾದಂಬಿನಿ

ಹೈಡ್ರೋ ಇಂಜಿನಿಯರ್ಸ್ ಕಂಪನಿಯಲ್ಲಿ ಆಫೀಸ್ ಎಕ್ಸಿಕ್ಯೂಟೀವ್. ಬಿಡುವಿನ ವೇಳೆಯಲ್ಲಿ ಬರೆಯುವ ಹವ್ಯಾಸ. ಕೆಲವು ಪತ್ರಿಕೆಗಳಲ್ಲಿ ಬರಹಗಳು ಪ್ರಕಟವಾಗಿವೆ.

Share

Leave a comment

Your email address will not be published. Required fields are marked *

Recent Posts More

  • 2 days ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 1 week ago One Comment

    ಅಜ್ಜಿಗೇನು ಬೇಕು ಅಂತ ಅಜ್ಜಂಗೇನು ಗೊತ್ತು!

            ಕಥನ         ಅಜ್ಜ ಪೆನ್ಷನ್ ತರೋದಕ್ಕೆ ಅಂತ ಪೇಟೆಗೆ ಹೋಗಿದ್ದ. ಅಷ್ಟರಲ್ಲಿ ಮನೆ ಬಾಗಿಲಲ್ಲಿ ಕಾರು ಬಂದು ನಿಂತಿತು. ಕಾರಲ್ಲಿ ಅಜ್ಜಿಯ ಮಗ, ಸೊಸೆ ಮತ್ತೆ ಆರು ವರ್ಷದ ಮೊಮ್ಮಗ ಬಂದಿದ್ರು. ಅಜ್ಜಿಗೆ ಖುಷಿ ತಡೆಯಕ್ಕಾಗದೇ ಅಡಿಗೆ ಮನೆ ಸಂದಿ ಮೂಲೇನೆಲ್ಲಾ ಹುಡುಕಿದ್ಲು. ದಡಾ ಬಡಾ ಸದ್ದು ಮಾಡಿದ್ಲು, ಸರಾಪರಾ ಸದ್ದು ಮಾಡಿದ್ಲು. ಅಡುಗೆ ಮನೆಯಿಂದ ಕೊತಾಕೊತಾ ಸದ್ದು ...

  • 1 week ago No comment

    ವಸಂತದ ನೆನಪು; ಮಾಗುವ ಹುರುಪು!

      ಜಗತ್ತಿನ ಬಗ್ಗೆ ತಿಳಿಯುತ್ತ ಸಾಗಿ, ನಮಗೆ ಈ ಜಗತ್ತು ಹೀಗೆ ನಡೆಯುತ್ತಿದೆ ಅಂತ ಅರಿತುಕೊಳ್ಳುವವರೆಗಿನದು ಮಧ್ಯವಯಸ್ಸಿನ ಕಾಲ. ನಾವು ಅಲ್ಲಿಯವರೆಗೆ, ಕಲಿತದ್ದು, ಕೇಳಿದ್ದು, ನಮಗೆ ತಿಳಿದಿದ್ದು ಎಲ್ಲವೂ ಬದಲಾಗುವ ವೇಳೆಗೆ ನಮಗೆ ವಯಸ್ಸಾಗಿಬಿಟ್ಟಿರುತ್ತದೆ. ಕಾಲದಲ್ಲಿ ಹೊಸ ಚಿಗುರು ಟಿಸಿಲೊಡೆದಿರುತ್ತದೆ.     ಕುಣಿದಾಡುವಷ್ಟು ಚೈತನ್ಯವಿರುವ ಯೌವನಕ್ಕೂ, ಕುಂದಿದ ಶಕ್ತಿಯ ಇಳಿಗಾಲದ ವೃದ್ಧಾಪ್ಯಕ್ಕೂ ನಡುವೆ ಬರುವುದು ಮಧ್ಯವಯಸ್ಸು! ಹುಟ್ಟು, ಬದುಕು ,ಸಾವು ಎಲ್ಲರಿಗೂ ಬರುತ್ತದೆ. ಬದುಕನ್ನು ಹಲವರು ಸಾಧನೆಗಳ ...

  • 1 week ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಬಂಗಾರದ ಹೊಳಪು, ಬೇಗುದಿಯ ನೆನಪು…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 2 weeks ago No comment

    ಪ್ರಸಾದ್ ನಾಯ್ಕ್ ಪಟ್ಟಾಂಗ | ನನಗೂ ಒಬ್ಬ ಗೆಳೆಯ ಬೇಕು…

    ಆ ಘಟನೆಯನ್ನು ನೆನಪಿಸಿಕೊಂಡಾಗಲೆಲ್ಲಾ ಈಗಲೂ ನಗು ಉಕ್ಕುಕ್ಕಿ ಬರುತ್ತದೆ. ಅಂದು ವಿಚಿತ್ರ ಘಟನೆಯೊಂದು ನಡೆದಿತ್ತು. ಅವು ನನ್ನ ಕಾಲೇಜಿನ ದಿನಗಳು. ಮಂಗಳೂರಿನ ಶಾಪಿಂಗ್ ಮಾಲ್ ಒಂದಕ್ಕೆ ಮಧ್ಯಾಹ್ನದ ಊಟಕ್ಕೆಂದು ಬಂದಿದ್ದ ನಾನು ಫುಡ್ ಕೋರ್ಟಿನಲ್ಲಿ ಸುಮ್ಮನೆ ಅಡ್ಡಾಡುತ್ತಿದ್ದೆ. ಎತ್ತ ಹೋಗಬೇಕೆಂದು ತಿಳಿಯದೆ ಸುಮ್ಮನೆ ಒಂದು ಕೌಂಟರಿನತ್ತ ನಡೆದು ಬೇಕಿದ್ದದ್ದನ್ನು ಆರ್ಡರ್ ಮಾಡಿದೆ. ಕೆಲಸವಿಲ್ಲದೆ ನೊಣ ಹೊಡೆಯುತ್ತಿದ್ದ ಆ ಹೆಂಗಸಿಗೆ ನನ್ನ ಆಗಮನವು ಅಂಥಾ ಉತ್ಸಾಹವೇನೂ ತರಲಿಲ್ಲವಾದರೂ ನಾನು ಹೇಳಿದ್ದನ್ನೆಲ್ಲಾ ...


Editor's Wall

  • 11 May 2018
    2 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    2 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    2 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...