Share

ನನ್ನೊಳಗಿನ ಮಗುವಿಗೊಂದು ಪತ್ರ
ಪ್ರಸಾದ್ ನಾಯ್ಕ್

 

 

 

ನಿನ್ನೆ ನನ್ನ ಹಳೆಯ ಕಡತಗಳನ್ನೆಲ್ಲಾ ತೆರೆದು ಏನನ್ನೋ ಹುಡುಕುತ್ತಿದ್ದಾಗ ನೀನು ಬಿಡಿಸಿದ ಕೆಲವು ಚಿತ್ರಗಳು ಸಿಕ್ಕವು. ನಿಜಕ್ಕೂ ಅದ್ಭುತವಾಗಿದ್ದವು ಅವುಗಳು.

 

 

 

ಕ್ಕಳ ದಿನಾಚರಣೆಯ ಋತುವಿನಲ್ಲಿ ನಮ್ಮದೇ ಹನ್ನೆರಡರ ವ್ಯಕ್ತಿತ್ವಕ್ಕೊಂದು ಪತ್ರ ಬರೆದರೆ ಹೇಗಿರುತ್ತದೆ ಎಂಬ ಯೋಚನೆಯೊಂದು ತಲೆಯೆತ್ತಿತು. ಸದ್ಯ ಪತ್ರಗಳಂತೂ ಮಾಯವಾಗಿವೆ. ನಿತ್ಯಜೀವನದ ಜಂಜಾಟದಲ್ಲಿ ನಮ್ಮೊಳಗಿನ ಮಗುವೂ ನಿಧಾನಕ್ಕೆ ಮರೆಯಾಗುತ್ತಿರುವಂತೆ ಕಾಣುತ್ತಿದೆ. ಈ ನಿಟ್ಟಿನಲ್ಲೇ ಇವೆರಡನ್ನೂ ಒಂದೇ ವೇದಿಕೆಗೆ ತಂದಿಡುವ ಪುಟ್ಟ ಪ್ರಯತ್ನವಿದು.

~

ಪ್ರೀತಿಯ ಹನ್ನೆರಡರ ನನಗೆ,
ನೆನಪುಗಳಲ್ಲಾದರೂ ಕ್ಷೇಮವಾಗಿದ್ದೀಯಾ ಎಂದು ಭಾವಿಸುತ್ತೇನೆ. ಇದು ಇ-ಮೈಲ್ ಗಳ ಯುಗ. ಆದರೂ ನಿನಗೆ ಪತ್ರವನ್ನು ಬರೆಯುವ ಸಾಹಸವನ್ನು ಮಾಡಿದ್ದೇನೆ. ಇನ್ಯಾರಿಗಾದರೂ ಪತ್ರ ಬರೆದರೆ ನೀನ್ಯಾವ ಓಬೀರಾಯನ ಕಾಲದಲ್ಲಿದ್ದೀಯಾ ಎಂದು ಕೇಳುತ್ತಿದ್ದರೋ ಏನೋ. ಆದರೆ ನನಗೆ ನಾನೇ ಬರೆಯುತ್ತಿರುವ ಪತ್ರವಲ್ಲವಾ ಇದು? ಹಾಗಿದ್ದಾಗ ಆತ್ಮಸಾಕ್ಷಿಯೆದುರು ಎಂಥಾ ನಾಟಕ?

ನಿನಗೆ ನೆನಪಿದೆಯಾ? ನಿನ್ನ ವಯಸ್ಸಿನಲ್ಲಿ ನನ್ನಂತಾಗಲು ನೀನು ಹಾತೊರೆಯುತ್ತಿದ್ದೆ. ಆದಷ್ಟು ಬೇಗ ದೊಡ್ಡವನಾಗಬೇಕು ಎಂಬ ಅವಸರ ನಿನಗೆ. ಹಾಫ್ ಟಿಕೆಟ್ ಸೀಟಿನ ಹೆಸರಿನಲ್ಲಿ ಸಿಕ್ಕಸಿಕ್ಕವರ ತೊಡೆಗಳ ಮೇಲೆ ಮುದುಡಿ ಕೂರುವ ಬದಲು ಇಡೀ ಸೀಟು ತನಗೇ ಸೇರಿದ್ದು ಎನ್ನುವ ಹೆಮ್ಮೆಯಲ್ಲಿ ಕಾಲು ಅಗಲಿಸಿ ಕೂರುವ ತವಕ. ಅಪ್ಪ ಸಂಪಾದಿಸುತ್ತಾರೆ ಎಂದು ನಿನಗೆ ಗೊತ್ತಿತ್ತು. ಅದೇನು, ಎಷ್ಟು ಅಂತೆಲ್ಲಾ ಗೊತ್ತಿರಲಿಲ್ಲ. ಆದರೆ ನನ್ನ ಕೈಗೂ ಒಂದಿಷ್ಟು ಕಾಸು ಸಿಕ್ಕರೆ ದಿನವಿಡೀ ಆ ಐಸ್ ಕ್ಯಾಂಡಿ ತಿಂದಿರುತ್ತಿದ್ದೆ ಎಂಬ ಪೆದ್ದು ಕನಸು ನಿನ್ನದು. ‘ಇಂವ ಅಮ್ಮನ ಬಾಲ’ ಎಂದು ಇತರರು ನಗೆಯಾಡಿದರೆ ನಿನಗೆ ಸಿಟ್ಟು ಬರುತ್ತಿತ್ತು. ಆದರೂ ಇಡೀ ದಿನ ಅಮ್ಮನ ಸೆರಗು ಹಿಡಿದುಕೊಂಡೇ ತಿರುಗುತ್ತಿದ್ದೆ ಗೊತ್ತಾ? ಕೆಲವೊಮ್ಮೆ ಆ ದಿನಗಳನ್ನು ನೆನೆಸಿಕೊಂಡರೆ ನಗು ಬರುತ್ತದೆ.

ಆದರೆ ಒಂದಂತೂ ನಿಜ. ಆಗ ನಿನಗೆ ಬಹುತೇಕ ಎಲ್ಲದರಲ್ಲೂ ಆಸಕ್ತಿಯಿತ್ತು. ಚೆಂದಗೆ ಚಿತ್ರ ಗೀಚುತ್ತಿದ್ದೆ. ಆಡುವ ವಯಸ್ಸಿನಲ್ಲೂ ಏನೇನೋ ಓದುತ್ತಿದ್ದೆ. ಉಳಿದವರು ಏನಂದುಕೊಳ್ಳುತ್ತಾರೋ, ನಿನ್ನ ಕಂಠ ಹೇಗಿದೆಯೋ ಎಂಬ ಪರಿವೆಯೇ ಇಲ್ಲದೆ ಅವಕಾಶ ಸಿಕ್ಕಾಗಲೆಲ್ಲಾ ಹಾಡುತ್ತಿದ್ದೆ. ಬಹಳಷ್ಟು ವಿಷಯಗಳಲ್ಲಿ ನೀನು ಉಳಿದವರೆಲ್ಲರಿಗಿಂತ ಕಳಪೆ ಎಂಬುದೂ ನಿನಗೆ ಗೊತ್ತಿತ್ತು. ಭಾಷಣ ಅಂಥವುಗಳಲ್ಲೊಂದು. ಆದರೂ ನಾಲ್ಕಾರು ಸಾಲು ಏನನ್ನೋ ಬಾಯಿಪಾಠ ಮಾಡಿಕೊಂಡು ಹೋಗಿ ಹೇಳಿಬರುತ್ತಿದ್ದೆ. ಆಗ ನಿನ್ನ ಕಾಲುಗಳು ಸಣ್ಣಗೆ ಕಂಪಿಸುತ್ತಿದ್ದವು. ನಿನ್ನ ಎಳೆಯ ದೇಹವು ಕಲ್ಲಿನಂತೆ ಸ್ಥಿರವಾಗಿತ್ತು. ಕೈಗಳು ನೆಲ ನೋಡುತ್ತಿದ್ದರೂ ಮುಷ್ಟಿ ಹಾಕಿಕೊಂಡಿದ್ದವು, ದೇಹಕ್ಕೆ ಅಂಟಿಸಿಟ್ಟಂತೆ ಬಿಗಿಯಾಗಿ ತಾಗಿಕೊಂಡಿರುತ್ತಿದ್ದವು.

ಆಗ ನೀನು ಎದುರಿಗಿದ್ದ ನಿನ್ನ ಸಹಪಾಠಿಗಳ ಮುಖವನ್ನು ನೋಡುವ ಮೊದಲು ದೂರದ ಗೋಡೆಯನ್ನು ದಿಟ್ಟಿಸುತ್ತಾ ನಿರ್ಲಿಪ್ತನಂತೆ ಏನೋ ಮಾತಾಡಿ, ಹರಕೆ ಸಂದಿಸುವವನಂತೆ ಹೇಳಿ ಹೋಗುತ್ತಿದ್ದೆ. ಎಲ್ಲರೂ ನಿನ್ನನ್ನು ನೋಡಿ ನಗುತ್ತಿದ್ದಾರೆ ಎಂದು ನಿನಗನ್ನಿಸುತ್ತಿತ್ತು. ಆ ಭಯದಿಂದಲೇ ನೀನು ಭಾಷಣ ಮಾಡುತ್ತಿದ್ದಾಗ ಉಳಿದವರನ್ನು ನೋಡುತ್ತಿರಲಿಲ್ಲ. ಭಾಷಣದ ಆ ಐದು ನಿಮಿಷಗಳು ನಿನಗೆ ಐದು ಯುಗಗಳಂತೆ ಭಾಸವಾಗುತ್ತಿದ್ದವು. ಆದರೂ ನೀನು ಇವುಗಳನ್ನು ಮಾಡುತ್ತಿದ್ದೆ. ನೈಜ ಮತ್ತು ಕಾಲ್ಪನಿಕ ಸವಾಲುಗಳನ್ನು ಅವುಡುಗಚ್ಚಿ ಸಹಿಸಿಕೊಂಡು ಜಯಿಸಲು ಪ್ರಯತ್ನಿಸುತ್ತಿದ್ದೆ. ನಿನಗಿದೆಲ್ಲಾ ಒಂದು ನೆನಪಿಡುವ ಸಂಗತಿಯೇ ಅಲ್ಲದಿರಬಹುದು. ಆದರೆ ನನಗಿನ್ನೂ ನೆನಪಿವೆ ಆ ದಿನಗಳು. ಮಬ್ಬುಮಬ್ಬಾಗಿಯಾದರೂ ನೆನಪಿವೆ. ನನ್ನದೇ ಕಥೆಯನ್ನು ನನಗೇ ಏಕೆ ಹೇಳುತ್ತಿದ್ದೇನೆ ಅಂದುಕೊಂಡೆಯಾ? ನಿನ್ನ ರೂಪದಲ್ಲಿ ನನ್ನೊಳಗಿದ್ದ ಹೋರಾಟದ ಕಿಚ್ಚು ಅದೆಲ್ಲಿ ಮಾಯವಾಯಿತು ಎಂದು ಯೋಚಿಸುತ್ತಿದ್ದೇನೆ. ನನ್ನದೂ ಒಂದು ಅಸ್ತಿತ್ವವಿದೆ ಎಂದು ಪ್ರಮಾಣಿಸಿ ತೋರಿಸುವ ಹಪಹಪಿಯಾಗಿತ್ತಾ ಅದು? ಅಂದು ಸೋಲು-ಗೆಲುವುಗಳು ಕೇವಲ ನನ್ನದಷ್ಟೇ ಆಗಿದ್ದವು ಎಂಬ ಸ್ವಾತಂತ್ರ್ಯವಿತ್ತೇ? ಹೀಗೆ ಬಹಳಷ್ಟು ಯೋಚನೆಗಳು. ಈಗ ಮತ್ತೆ ಹನ್ನೆರಡಾಗುವ ಬಯಕೆ ಹುಟ್ಟಿದೆ. ಜವಾಬ್ದಾರಿಗಳಿಂದ ನುಣುಚಿಕೊಳ್ಳುವುದಕ್ಕಲ್ಲ. ಸೋಲುಗಳ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳದೆ ಆದದ್ದಾಗಲಿ ಎಂಬ ಹುಚ್ಚುಧೈರ್ಯದಿಂದ ಧುಮುಕಿ ತನ್ನೊಳಗಿನ ಸಾಮರ್ಥ್ಯವನ್ನು ಕಾಯಾ ವಾಚಾ ಮನಸಾ ಪ್ರಸ್ತುತಪಡಿಸುವುದಕ್ಕೆ.
ಆಗ ನೀನೆಷ್ಟು ಖುಷಿಯಾಗಿದ್ದೆ ಗೊತ್ತಾ? ತೊಂಭತ್ತರ ದಶಕದ ಕುಡಿ ನೀನು. ಅಂದರೆ ಹೇಳಿಕೊಳ್ಳುವಷ್ಟು ಹಳೆಯ ಜಮಾನಾವೂ ಅಲ್ಲ. ತೀರಾ ಹೊಸದೂ ಅಲ್ಲ. ಆಗ ಲ್ಯಾಂಡ್-ಲೈನುಗಳಿದ್ದವು. ರೇಡಿಯೋಗಳು ಮೆಲ್ಲಗೆ ಮಾಯವಾಗುತ್ತಿದ್ದರೂ ರೀಲುಗಳ ಕ್ಯಾಸೆಟ್ಟುಗಳಿದ್ದವು. ಆಗಲೇ ಕೆಲ ಮನೆಗಳಲ್ಲಿ ಕಂಪ್ಯೂಟರ್ ಬಂದು ಕೂತಿತ್ತು, ನಿನ್ನ ಮನೆಯೊಂದನ್ನು ಬಿಟ್ಟು! ಆಗ ನಿನ್ನ ಮನೆಯ ಟಿವಿಯಲ್ಲಿ ಪ್ರಸಾರವಾಗುತ್ತಿದ್ದಿದ್ದು ದೂರದರ್ಶನ ಮಾತ್ರ. ಭಾನುವಾರ ನಾಲ್ಕಕ್ಕೆ ಪ್ರಸಾರವಾಗುತ್ತಿದ್ದ ಚಲನಚಿತ್ರವೇ ನಿನ್ನ ಏಕಮಾತ್ರ ಮನರಂಜನೆ. ಅದೆಲ್ಲೋ ಬೇಸಿಗೆಯ ರಜೆಯಲ್ಲಿ ಚಿತ್ರಹಾರ್ ನೋಡುತ್ತಿದ್ದೆ ಎಂಬ ನೆನಪು. ಆದರೂ ನೀನು ಖುಷಿಯಾಗಿದ್ದೆ. ಅದಿಲ್ಲ ಇದಿಲ್ಲ ಎಂಬ ವೃಥಾ ದೂರುಗಳು ನಿನಗಿರಲಿಲ್ಲ. ನಿನಗೊಂದು ಪುಸ್ತಕ ಸಿಕ್ಕರೆ ಅದರಲ್ಲೇ ಕಳೆದುಹೋಗುತ್ತಿದ್ದೆ. ಈಗ ನೋಡು, ಅದೆಷ್ಟು ಓಡಾಟ ಜಂಜಾಟ! ಬಾಚಿದಷ್ಟೂ ಕಮ್ಮಿಯೆನಿಸುತ್ತಿದೆ. ಅದ್ಯಾರದ್ದೋ ಅಳತೆಗೋಲಿಗೆ ಸರಿಹೊಂದಲು ದಿನರಾತ್ರಿ ಒದ್ದಾಡುತ್ತಿದ್ದೇನೆ.

ಜೀವನ ಅದೆಷ್ಟು ಬದಲಾಗುತ್ತದಲ್ವಾ? ಹನ್ನೆರಡಕ್ಕೆ ನೀನು ಹಾಗಿದ್ದೆ. ಹದಿನೇಳಕ್ಕೆ ಕೊಂಚ ಬದಲಾದೆ. ಇಪ್ಪತ್ತೆರಡಕ್ಕೆ ಮತ್ತಿನ್ನೇನೋ ಆದೆ. ಸದ್ಯ ನಾನಾಗಿ ಹೀಗಿರುವೆ. ಮುಂದೇನಾಗುತ್ತೋ ಗೊತ್ತಿಲ್ಲ. ಹೊಸದನ್ನು ಅಪ್ಪಿಕೊಳ್ಳಲು ಹಳೆಯ ಕೆಲವನ್ನು ಕಳಚಿಕೊಳ್ಳುವುದು ಅನಿವಾರ್ಯವಂತೆ. ಆದರೆ ಹಾಗೆಂದು ನಮ್ಮತನವನ್ನು ನಾವು ಕಳೆದುಕೊಳ್ಳುವುದು ಸಾಧ್ಯವೇ? ನನ್ನೊಳಗಿನ ನಿನ್ನನ್ನು ತೊರೆಯಲು ಸಾಧ್ಯವೇ? ಹೊರಗಿನವರು ಏನನ್ನಾದರೂ ಹೇಳಲಿ. ಯಾಕಾದರೂ ನಾನು ನಿನ್ನನ್ನು ಕಳೆದುಕೊಳ್ಳಬೇಕು, ಅಲ್ವಾ?

ನಿನ್ನೆ ನನ್ನ ಹಳೆಯ ಕಡತಗಳನ್ನೆಲ್ಲಾ ತೆರೆದು ಏನನ್ನೋ ಹುಡುಕುತ್ತಿದ್ದಾಗ ನೀನು ಬಿಡಿಸಿದ ಕೆಲವು ಚಿತ್ರಗಳು ಸಿಕ್ಕವು. ನಿಜಕ್ಕೂ ಅದ್ಭುತವಾಗಿದ್ದವು ಅವುಗಳು. ಇಂದಿಗೂ ಅಷ್ಟು ಚೆನ್ನಾಗಿ ನಾನು ಚಿತ್ರ ಬರೆಯಬಲ್ಲೆನೇ ಎಂಬ ಬಗ್ಗೆ ಸಂಶಯವಿದೆ ನನಗೆ. ಮೊನ್ನೆ ಅವಳು ನೀಲಿ ಕಣ್ಣಿನ ಹುಡುಗಿ, ಅದೇ ಮಾರಾಯ, ಎರಡನೇ ಬೆಂಚಿನಲ್ಲಿ ಕೂರುತ್ತಿದ್ದವಳು ನನ್ನನ್ನು ಸೋಷಿಯಲ್ ಮೀಡಿಯಾದಲ್ಲಿ ಹೇಗೋ ಹುಡುಕಿ ಹಾಯ್ ಎಂದಳು. ಈಗಲೂ ಚಿತ್ರ ಬರೆಯುತ್ತೀಯಾ ಎಂದು ಕೇಳಿದಳು. ಈಗ ಅದಕ್ಕೆಲ್ಲಾ ಟೈಮೇ ಸಿಗುತ್ತಿಲ್ಲ ಮಾರಾಯ್ತೀ ಅಂದೆ. ಅವಳಿಗೆ ಎಷ್ಟೆಲ್ಲಾ ನೆನಪಿದೆಯಲ್ಲಾ ಎಂದು ನನಗಂದು ಅಚ್ಚರಿಯಾಯಿತು. ನಿಜಕ್ಕೂ ನಾನ್ಯಾಕೆ ಈಗ ಬಣ್ಣ-ಕುಂಚ ಹಿಡಿಯುತ್ತಿಲ್ಲ ಎಂದು ಯೋಚಿಸಿದೆ. ಸತ್ಯವಾಗಿಯೂ ಸಮಯವೇ ಇಲ್ವಾ ಎಂದು ತಲೆಕೆರೆದುಕೊಂಡೆ. ಹಾಗೇನಿಲ್ಲ ಎಂದು ಒಳದನಿಯು ಹೇಳಿತು. ಆಗ ಇವೆಲ್ಲಾ ಎಷ್ಟು ಗಂಭೀರವಾಗಿತ್ತಲ್ವಾ? ಇದೇ ಜೀವನ ಅಂದುಕೊಂಡಿದ್ದೆ ನೀನು. ನಿನ್ನಲ್ಲಿದ್ದ ಆ ಉತ್ಸಾಹವನ್ನೇ ಈಗ ಹುಡುಕುತ್ತಿದ್ದೇನೆ ಮಾರಾಯ. ಕಾಸು ಗಿಟ್ಟಲು ಮಾತ್ರ ಹವ್ಯಾಸಗಳು ಬೇಕಾ? ಆತ್ಮತೃಪ್ತಿಗಾಗಿ ಮಾಡಬಾರದಾ? ಅದಕ್ಕೇ ಹೇಳಿದ್ದು ನಾನು. ಹನ್ನೆರಡಕ್ಕೆ ಮತ್ತೆ ಮರಳುವ ಆಸೆಯಾಗುತ್ತಿದೆ ಎಂದು.

ಅಂದಹಾಗೆ ನೀನು ಹನ್ನೆರಡರಲ್ಲಿ ಅದೆಂಥಾ ದೊಡ್ಡ ಪೆದ್ದನಾಗಿದ್ದೆ ಗೊತ್ತಾ? ಆ ಮೋಟುಜಡೆಯವಳೆಂದರೆ ನಿನಗೆ ಭಾರೀ ಅಕ್ಕರೆ. ಯಾರ ಜೊತೆಗೂ ಸುಲಭವಾಗಿ ಬೆರೆಯದ ನೀನು ಅವಳೊಂದಿಗೆ ಮಾತ್ರ ಖುಷಿಖುಷಿಯಾಗಿದ್ದೆ. ಆಹಾ, ಮೂತಿ ನೋಡಬೇಕು ನಿನ್ನದು, ಇದಕ್ಕೆ ನಾಚಿಕೆ ಬೇರೆ ಕೇಡು. ಅದೇನೆಂದು ನಿನಗೆ ನಿಮ್ಮಪ್ಪನಾಣೆಗೂ ಗೊತ್ತಿರಲಿಲ್ಲ. ಆದರೂ ಅದೆಂಥದ್ದೋ ರೋಮಾಂಚನ, ಪುಳಕ. ಮುಂದೆ ಇದು ನಿನಗೆ ಹದಿನೇಳರಲ್ಲೂ ಆಯಿತು. ಇಪ್ಪತ್ತರಲ್ಲೂ ಆಯಿತು. ಆದರೆ ಯಾವುದರಲ್ಲೂ ಮೊದಲಿನಷ್ಟು ತಾಜಾತನವಿರಲಿಲ್ಲ ಗೊತ್ತಾ? ಇನ್ನು ನಿನ್ನ ಹನ್ನೆರಡರ ಪೆದ್ದುತನಗಳ ಬಗ್ಗೆ ತೀರಾ ತಲೆಕೆಡಿಸಿಕೊಳ್ಳಬೇಡ. ಈಗ ನನಗೆ ಗೊತ್ತಾಗಿದೆ ಆ ಎಳೇವಯಸ್ಸಿನಲ್ಲಿ ಎಲ್ಲರೂ ಕೂಡ ಪೆದ್ದುಗಳೇ ಎಂದು. ಇನ್ನು ನಿನ್ನ ಗೊಂದಲಗಳು, ಸೋಲುಗಳು, ಕೀಳರಿಮೆಗಳು, ತಪ್ಪು ಹೆಜ್ಜೆಗಳು ಇವುಗಳನ್ನೆಲ್ಲಾ ನೆನಪಿಸಿಕೊಂಡು ಮನದ ಗಾಯವನ್ನು ಕೆರೆದು ಕೆರೆದು ಮತ್ತಷ್ಟು ದೊಡ್ಡದು ಮಾಡಬೇಡ. ನೀನು ಪರಿಪೂರ್ಣನಲ್ಲ. ಆದರೂ ನನಗೆ ನಿನ್ನ ಬಗ್ಗೆ ಅಭಿಮಾನವಿದೆ. ನೀನಂದು (ನಿನ್ನ ಪೆದ್ದುತನದ ಹೊರತಾಗಿಯೂ) ಹೇಗೋ ನದಿ ದಾಟಿಸದಿದ್ದರೆ ನಾನಿಂದು ನಿನ್ನನ್ನುದ್ದೇಶಿಸಿ ಪತ್ರವನ್ನು ಬರೆಯಲಾಗುತ್ತಿತ್ತೇ?

ಜಗತ್ತು ಭಾರೀ ಗೊಂದಲಮಯವಾಗಿದೆ ಕಣೋ. ಮೊನ್ನೆ ನಿನ್ನದೇ ಪ್ರಾಯದ ನಮ್ಮ ಪಕ್ಕದ ಬೀದಿಯ ಕೆಲ ಚಳ್ಳೆಪಿಳ್ಳೆಗಳೊಂದಿಗೆ ಆಡುತ್ತಿದ್ದೆ. ಸ್ವಲ್ಪ ಹೊತ್ತಿನಲ್ಲೇ ಪಕ್ಕದ ಮನೆಯ ಅಂಕಲ್ ಬಂದು `”ಏನ್ರೀ, ಇದೇನು ಆಡೋ ವಯಸ್ಸಾ ನಿಮ್ಮದು? ಇವರುಗಳದ್ದು ಕಮ್ಮಿ ಅಂತ ನೀವೂ ಸೇರ್ಕೊಂಡುಬಿಟ್ರಿ. ಸರಿಹೋಯ್ತು” ಅಂದುಬಿಟ್ಟರು. ಅಷ್ಟಕ್ಕೇ ನನ್ನ ಉತ್ಸಾಹವೆಲ್ಲಾ ಜರ್ರನೆ ಇಳಿದುಹೋಯಿತು. ಇಂದು ಇವಳು ಬಂದು ನನ್ನ ಹಣೆಗೊಂದು ಮುತ್ತಿಕ್ಕಿ “ಯಾಕೋ ಯಾವತ್ತೂ ಸುಡುಸುಡು ಅಂತಿರ್ತೀಯಾ, ಸ್ವಲ್ಪ ಮಗುವಿನಂತೆ ನಗೋ” ಎಂದಳು. ಎರಡೆರಡು ಇಮೇಜ್ ಸಂಭಾಳಿಸೋದು ಅದೆಷ್ಟು ಕಷ್ಟ ಗೊತ್ತಾ? ನಂತರ ರಾತ್ರಿ ಬಾಲ್ಕನಿಯಲ್ಲಿ ಕುಳಿತು ಕಾಫಿ ಹೀರುತ್ತಿದ್ದಾಗ ಆ ಅಂಕಲ್ ಹೇಳಿದ್ದಕ್ಕೆ ನಾನು ಅಷ್ಟೆಲ್ಲಾ ತಲೆಕೆಡಿಸಿಕೊಳ್ಳಬೇಕಾದ ಅಗತ್ಯವಿತ್ತೇ ಎಂದೆನಿಸಿ ನಿರಾಳನಾದೆ. ಇನ್ನು ಇವಳ ಮಾತು ಕೇಳಿ ಗಲಿಬಿಲಿಯಾಗಿ ಕೂಡಲೇ ಕನ್ನಡಿಯೆದುರು ಹೋಗಿ ನಿಂತೆ. ನನ್ನ ಅಸಲಿ ವಯಸ್ಸಿಗಿಂತಲೂ ಹೆಚ್ಚಿನ ನೆರಿಗೆಗಳು ಮುಖದಲ್ಲಿ ಕಂಡವು. ಬೆಳ್ಳಿಕೂದಲು ಅಲ್ಲಲ್ಲಿ ಇಣುಕುತ್ತಿತ್ತು. ಕೊನೆಯ ಬಾರಿ ಮನಬಿಚ್ಚಿ ನಕ್ಕಿದ್ದು ಯಾವಾಗ ಎಂದು ನೆನೆಪು ಮಾಡಿಕೊಳ್ಳಲು ಯತ್ನಿಸಿದೆ. ನೀನೇ ಹೇಳು? ಇಂಥದ್ದೆಲ್ಲಾ ಟೆನ್ಷನ್ನುಗಳಿದ್ದವಾ ಹನ್ನೆರಡರಲ್ಲಿ?

ನಿನಗೊಂದು ಪತ್ರ ಬರೆಯೋಣ ಎಂದರೆ ಹಳಹಳಿಸಿಕೊಂಡಿದ್ದೇ ಆಯಿತು. ಇರಲಿ. ನೀನು ಮಾತ್ರ ಹೀಗೇ ಇರು. ಆಗಾಗ ನನ್ನೊಳಗಿನಿಂದಲೂ ಹೊರಹೊಮ್ಮುತ್ತಿರು. ನಾನು ಹಳಿತಪ್ಪುತ್ತಿದ್ದರೆ ತಲೆಗೊಂದು ಕುಟ್ಟಿ ಎಚ್ಚರಿಸು. ನಾನೂ ಒಂದಿಷ್ಟು ಸಮಯವನ್ನಾದರೂ ನಿನ್ನೊಂದಿಗೆ ಕಳೆಯಲು ಪ್ರಯತ್ನಿಸುತ್ತೇನೆ. ನೀನು ಜೋಪಾನ ಮತ್ತೆ!

ಇಂತೀ ನಿನ್ನ ವಯಸ್ಕ ವ್ಯಕ್ತಿತ್ವ

—-

ಪ್ರಸಾದ್ ನಾಯ್ಕ್

ಮೂಲತಃ ದಕ್ಷಿಣ ಕನ್ನಡದ ಕಿನ್ನಿಗೋಳಿಯವರು. ಪ್ರತಿಷ್ಠಿತ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸುರತ್ಕಲ್ (ಎನ್.ಐ.ಟಿ.ಕೆ) ನಿಂದ 2011ರಲ್ಲಿ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ ಪದವಿ. ಕಳೆದ ಐದು ವರ್ಷಗಳಿಂದ ಜಲ ಸಂಪನ್ಮೂಲ ಇಲಾಖೆ, ಭಾರತ ಸರ್ಕಾರದ ಅಧೀನದಲ್ಲಿರುವ ಪ್ರತಿಷ್ಠಿತ ಸಂಸ್ಥೆಯೊಂದರಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಗುರುಗ್ರಾಮ್ ಆದ ಹರಿಯಾಣದ ಗುರ್ಗಾಂವ್ ಮತ್ತು ರಾಷ್ಟ್ರರಾಜಧಾನಿಯಾದ ನವದೆಹಲಿಯಲ್ಲಿ ಐದು ವರ್ಷಗಳ ಕಾಲ ಸೇವೆ ಸಲ್ಲಿಸಿದ ನಂತರ, ಸದ್ಯಕ್ಕೆ ದೂರದ ಆಫ್ರಿಕಾದ ದಕ್ಷಿಣ ಭಾಗದಲ್ಲಿರುವ `ರಿಪಬ್ಲಿಕ್ ಆಫ್ ಅಂಗೋಲಾ’ ದೇಶದ ವೀಜ್ ಎಂಬ ಪುಟ್ಟ ಪಟ್ಟಣದಲ್ಲಿ, ವಿಶ್ವಬ್ಯಾಂಕ್ ಪ್ರಾಯೋಜಿತ ಸ್ಥಳೀಯ ಸರ್ಕಾರದ ಯೋಜನೆಯೊಂದರಲ್ಲಿ ನಿಯುಕ್ತಿಗೊಂಡು ನೆಲೆಸಿದ್ದಾರೆ.

ಚಿತ್ರಕಲೆ ಮತ್ತು ಓದಿನ ಪಯಣದಲ್ಲೇ ಖುಷಿಯಾಗಿದ್ದ ಇವರಿಗೆ, “ತಾನೂ ಬರೆಯಬಲ್ಲೆ” ಎಂಬ ಸಂಗತಿಯ ಅರಿವಾದ ನಂತರದ ದಿನಗಳಿಂದ, ಅಂದರೆ ಕಳೆದ ನಾಲ್ಕೈದು ವರ್ಷಗಳಿಂದ ಬರೆಯುತ್ತಾ ಬಂದಿದ್ದಾರೆ. ಇವರ ಕಥೆಗಳು, ಲೇಖನಗಳು, ಪ್ರಬಂಧಗಳು, ಲಲಿತ ಪ್ರಬಂಧಗಳು, ಮಿನಿ ಸರಣಿ ಬರಹಗಳು, ವ್ಯಕ್ತಿಚಿತ್ರಗಳು, ಅನುವಾದಗಳು ಕನ್ನಡದ ವಿವಿಧ ಅಂತರ್ಜಾಲ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. ಓದುವ ಮತ್ತು ಆಗಾಗ ಬರೆಯುವ ಹೊರತಾಗಿ, ಪ್ರವಾಸದ ಹೆಸರಿನಲ್ಲಿ ದೇಶ ಸುತ್ತುವ ಮತ್ತು ವ್ಯಂಗ್ಯಚಿತ್ರಗಳನ್ನು ಬರೆಯುವ ಹವ್ಯಾಸ.

Share

Leave a comment

Your email address will not be published. Required fields are marked *

Recent Posts More

  • 13 hours ago No comment

    ಲವ್ ವಿದ್ ಫಸ್ಟ್ ಬುಕ್

      ಆ ದಿನ ಶಾಲಾ ಗ್ರಂಥಾಲಯದಲ್ಲಿ ಪುಸ್ತಕಗಳನ್ನು ತಡಕಾಡುತ್ತಿದ್ದ ನನಗೆ ವಿಶೇಷ ಪುಸ್ತಕವೊಂದು ಸಿಕ್ಕಿಬಿಟ್ಟಿತ್ತು. ಹೈಸ್ಕೂಲು ದಿನಗಳವು. ಆಗ ಸಾಹಿತ್ಯದ ಓದು ಹಾಗಿರಲಿ, ಸಾಮಾನ್ಯ ಓದೂ ಕೂಡ ಅಷ್ಟೇನೂ ಗಂಭೀರವಾಗಿ ಸಾಗುತ್ತಿರಲಿಲ್ಲ. ಓದಿನ ಹವ್ಯಾಸವು ಒಂದಷ್ಟಿದ್ದರೂ ಹೊಸ ಹೊಸ ವಿಷಯಗಳ ಪುಸ್ತಕಗಳನ್ನು ಹುಡುಕಿಕೊಂಡು ಹೋಗುತ್ತಿದ್ದ, ಈ ಬಗ್ಗೆ ಮಾಹಿತಿಯಿದ್ದ, ಓದಲು ಪರಿತಪಿಸುತ್ತಿದ್ದ ದಿನಗಳೇನೂ ಅದಾಗಿರಲಿಲ್ಲ. ಹೀಗಾಗಿ ಓದಿನ ವಿಚಾರಕ್ಕೆ ಬಂದರೆ ಅವುಗಳನ್ನು ನನ್ನ ಆರಂಭದ ದಿನಗಳೆಂದೇ ಹೇಳಬೇಕು. ರಜಾದಿನಗಳಲ್ಲಿ ...

  • 1 day ago No comment

    ಮೋದಿ ಮಾತಾಡಲಿಲ್ಲ

    ಎಷ್ಟೋ ಜೀವಗಳ ಸಂಕಟಕ್ಕೆ, ರೋದನಕ್ಕೆ ಕುರುಡಾಗುವ ಮನ ಕರಗದ ನಡೆಯು ಇನ್ನೆಂಥ ದಿನಗಳತ್ತ ದೂಡೀತೊ ಈ ದೇಶವನ್ನು ಎಂಬ ಪ್ರಶ್ನೆಯೇ ಬೃಹದಾಕಾರದ್ದು.   ಕತುವಾ ಅತ್ಯಾಚಾರ ಪ್ರಕರಣದಲ್ಲಿ ಎಂಟರ ಬಾಲೆಯ ದಾರುಣ ಸಾವಾಯಿತು. ಅದೊಂದು ತೀರಾ ಸಾಧಾರಣ ಘಟನೆಯಾಗಿರಲಿಲ್ಲ. ಅತ್ಯಂತ ಬರ್ಬರವಾದ ಆ ಘಟನೆ ಧರ್ಮ, ರಾಜಕೀಯ ಮತ್ತು ಅಧಿಕಾರದ ಮತ್ತಿನಲ್ಲಿ ನಡೆದದ್ದಾಗಿತ್ತು ಮತ್ತು ಆ ಮಗುವಿನ ಸಾವಿನ ಬಳಿಕವೂ ಅಮಾನವೀಯತೆಯೇ ಉದ್ದಕ್ಕೂ ಕಂಡುಬಂತು. ದೇಶವೇ ಬೆಚ್ಚಿಬಿದ್ದಿತ್ತು. ಆದರೆ ...

  • 2 days ago No comment

    ಇವರನ್ನು ನೋಡಿ…

    ನಡುವಯಸ್ಸಲ್ಲೇ ನಡುಮುರಿದವರಂತಾಗಿ ಒದ್ದಾಡುವವರ ಕಾಲ ಇದು. ಅತ್ಯಂತ ಕೆಟ್ಟ ಜೀವನಶೈಲಿಯೂ ಸೇರಿದಂತೆ ನೂರೆಂಟು ಅಪಸವ್ಯಗಳ ಪರಿಣಾಮವಾಗಿ ಬದುಕನ್ನು ಹಾಳುಮಾಡಿಕೊಳ್ಳುತ್ತಿರುವ ನಮ್ಮ ನಡುವೆಯೇ ಸುಂದರ ಬದುಕು ನಡೆಸಿಕೊಂಡು ಬಂದು ಈಗಲೂ ಅದೇ ಸಡಗರದಲ್ಲಿ ಬದುಕುತ್ತಿರುವವರ ಆದರ್ಶವೂ ಇದೆ. ಇವರನ್ನು ನೋಡಿ ನಾವು ಕಲಿಯುವುದೂ ಬಹಳವಿದೆ. ಮಸ್ತಾನಮ್ಮ ಆಂದ್ರಪ್ರದೇಶದ ಈ ಅಜ್ಜಿ ನಿಮಗೆಲ್ಲ ಗೊತ್ತೇ ಇರುತ್ತಾರೆ. ಅಡುಗೆ ಶೋನಿಂದಾಗಿ ಖ್ಯಾತರಾಗಿರುವ ಇವರಿಗೆ ಈಗ ನೂರು ವರ್ಷ. ಜಗತ್ತಿನ ಅತ್ಯಂತ ಹಿರಿಯ ಯೂಟ್ಯೂಬರ್ ...

  • 2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...


Editor's Wall

  • 18 April 2018
    2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 18 April 2018
    2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 17 April 2018
    3 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...

  • 16 April 2018
    4 days ago No comment

    ಹೆಣ್ಣು ಹಸುಳೆ ಈ ಪರಿ ತಬ್ಬಲಿಯಾಗುವುದೆ ಈ ದೇಶದಲ್ಲಿ?

    ಅಸೀಫಾ ಪ್ರಕರಣದಲ್ಲಿ ರಕ್ಕಸರನ್ನು ರಕ್ಷಿಸಲು ಯಾವ ಹೇಸಿಕೆಯೂ ಇಲ್ಲದೆ ರಾಜಕೀಯದವರೆನ್ನಿಸಿಕೊಂಡವರು, ಅಧಿಕಾರದಲ್ಲಿದ್ದವರು ಮತ್ತು ಸ್ವಯಂಘೋಷಿತ ಧರ್ಮರಕ್ಷಕರೆಲ್ಲ ಹೇಗೆಲ್ಲಾ ಪ್ರಯತ್ನಿಸಿದರು ಎಂಬುದನ್ನು ನೋಡಿದರೆ ಸೂರತ್‍ನಲ್ಲಿ ಹೆಣವಾಗಿ ಸಿಕ್ಕ ಬಾಲೆಯ ತಬ್ಬಲಿತನ ಕರುಳನ್ನು ಇನ್ನಷ್ಟು ಹಿಂಡುತ್ತದೆ. ದೇವರು, ಧರ್ಮದ ಹೆಸರು ಹೇಳಿಕೊಂಡು ಈ ದೇಶವನ್ನು ಹರಿದು ತಿನ್ನುತ್ತಿರುವವರು ಅದೇ ದೇವರ ಎದುರಲ್ಲೇ ಪುಟ್ಟ ಕಂದನ ಮೇಲೆ ರಣಹದ್ದುಗಳಂತೆ ಎರಗಿ ಅತ್ಯಾಚಾರವೆಸಗಿ ಕೊಲೆಗೈಯುವುದು, ಆ ರಕ್ಕಸರನ್ನು ಕಾಯಲು ಅಧಿಕಾರಸ್ಥರು ಇನಿತೂ ಪಾಪಪ್ರಜ್ಞೆ ಮತ್ತು ...

  • 14 April 2018
    5 days ago No comment

    ‘ಹೆಣ್ಣನ್ನು ದಲಿತ ಗಂಡಸರು ನೋಡುವುದೂ ಲಿಂಗತರತಮದ ಕಣ್ಣಿಂದಲೇ!’

    ವ್ಯವಸ್ಥೆಯನ್ನು ಆಳುವ ಗಂಡಸರು ಮಹಿಳೆಯರನ್ನು ನೋಡುವ ದೃಷ್ಟಿ, ಅವರೆಲ್ಲ ತಾವು ಹೇಗೆ ಬೇಕಾದರೂ ಬಳಸಿಕೊಳ್ಳುವುದಕ್ಕಿರುವ ಸ್ವಂತ ಆಸ್ತಿ ಎಂಬುದೇ ಆಗಿದೆ.   “ಹೆಣ್ಣೆಂದರೆ ಲಿಂಗತರತಮ ದೃಷ್ಟಿಯಿಂದ ನೋಡುವುದರಲ್ಲಿ ದಲಿತ ಗಂಡಸರೂ ಬೇರೆ ಗಂಡಸರ ಹಾಗೆಯೇ” ಎನ್ನುತ್ತಾರೆ ಮರಾಠಿಯ ಖ್ಯಾತ ದಲಿತ ಕವಯತ್ರಿ ಪ್ರದ್ನ್ಯಾ ಪವಾರ್. ಮರಾಠಿ ಲೇಖಕ, ಆತ್ಮಕಥೆ ಬರೆದ ಮೊದಲ ದಲಿತ ಬರಹಗಾರನೆಂಬ ಹೆಗ್ಗಳಿಕೆಯಿರುವ ದಯಾ ಪವಾರ್ ಅವರ ಪುತ್ರಿ ಪ್ರದ್ನ್ಯಾ ಪವಾರ್, ‘ಲೈವ್ ಮಿಂಟ್‍’ಗೆ ಕೊಟ್ಟಿರುವ ...