Share

ನಮ್ಮೊಳಗಿನ ಭಾಷೆಯನ್ನು ಕುರಿತು…
ಸಂಪಾದಕ

 

ಎಲ್ಲ ಒಳ್ಳೆಯದನ್ನೂ, ಎಲ್ಲ ಪ್ರಾಮಾಣಿಕತೆಯನ್ನೂ ದುರ್ಬಳಕೆ ಮಾಡಿಕೊಳ್ಳುತ್ತಿರುವ, ಬಲಿ ಪಡೆಯುತ್ತಿರುವ ರಾಜಕೀಯವೊಂದು ಭಾಷೆಯ ಮೃದುತ್ವವನ್ನು ಕೊಂದು, ಅದನ್ನು ಹಿಂಸೆಯನ್ನೇ ಝಳಪಿಸಲು ಪಳಗಿಸಿಕೊಂಡಿರುವ ವಾತಾವರಣ ಇವತ್ತಿನದು.

 

 

ತೆಲುಗಿನ ಆ ಪುಟ್ಟ ಊರಿಗೆ ಮತ್ತೆ ಹೋಗಿದ್ದೆ. ಮೂರನೇ ಸಲ. ಕನ್ನಡವೂ ಗೊತ್ತಿರುವ, ಬೆಂಗಳೂರಿನೊಂದಿಗೆ ಪರಮ ಬಾಂಧವ್ಯ ಹೊಂದಿರುವ ಅಲ್ಲಿನವರ ಜೊತೆ ಕನ್ನಡದಲ್ಲೇ ಮಾತನಾಡುವುದು ನಾನು. ನಾನು ತೆಲುಗಿನಲ್ಲಿ ಮಾತನಾಡಲಿ ಎಂದು ಜೊತೆಗಿರುವ ಸಂಬಂಧಿಗಳಿಗೆ ಆಸೆ. ಅದಕ್ಕೇ, ತೆಲುಗು ಬರುವುದಿಲ್ಲವಾ ಎಂದು ಅವರು ಪೂರ್ತಿ ಪ್ರಶ್ನೆ ಮುಗಿಸುವ ಮೊದಲೇ ನಮಗಿಂತ ಚೆನ್ನಾಗಿ ತೆಲುಗು ಮಾತನಾಡುತ್ತಾರೆ ಎಂದು ಅಭಿಮಾನದಿಂದ ಹೇಳಿ, ನಾನು ತೆಲುಗು ಮಾತನಾಡುವಂತೆ ಮಾಡಲು ನೋಡುತ್ತಾರೆ. ನನಗೆ ಅಲ್ಲಿಯವರ ನಿಷ್ಕಲ್ಮಷ ಒರಟುತನದ ಮುಂದೆ ಸಣ್ಣಗೆ ಸಂಕೋಚ. ಕನ್ನಡದಲ್ಲೇ ಮಾತು ಮುಂದುವರಿಸಿ, ಅವರೂ ಕನ್ನಡಕ್ಕೆ ತಿರುಗುವಂತೆ ಮಾಡುತ್ತೇನೆ. ಅದೊಂದು ಥರ ಖುಷಿ.

ಹೈದರಾಬಾದಲ್ಲಿದ್ದ ಐದೂವರೆ ವರ್ಷಗಳಲ್ಲಿ ತೆಲುಗು ಬೇರೆ ಭಾಷೆ ಎಂದೆನ್ನಿಸಿದ್ದೇ ಇಲ್ಲ. ತೆಲುಗಿನ ಶ್ರೀ ಶ್ರೀ, ವರವರ ರಾವ್, ಗದ್ದರ್ ಇವರೆಲ್ಲರ ದನಿಯ ಸಾಂಗತ್ಯ ಸ್ವಲ್ಪ ಮಟ್ಟಿಗೆ ತೆಲುಗಿನ ಮತ್ತು ಸ್ವಲ್ಪ ಮಟ್ಟಿಗೆ ಕನ್ನಡದ ಮೂಲಕ ಓದಿನ ದಿನಗಳಿಂದಲೂ ಇತ್ತು. ಹೀರೋಯಿಸಮ್ಮಿನ ವಿಲಕ್ಷಣ ಪವಾಡಗಳಿರುವ ತೆಲುಗು ಸಿನಿಮಾಗಳನ್ನು ಸುಮ್ಮನೆ ಖುಷಿಗಾಗಿ ನೋಡುವುದಾಗಲಿ, ತೆಲುಗಿನ ಸಿನಿಮಾ ಗೀತೆಗಳನ್ನು ಗುನುಗುವುದಾಗಲಿ ಆ ಭಾಷೆಯೊಳಗಿಂದ ಹೃದಯಕ್ಕೆ ಹೊಕ್ಕುವ ಎಂಥದೋ ಲಯದ ಕಾರಣಕ್ಕಾಗಿಯೇ. ಯಾವುದೋ ಸಿನಿಮಾದ ‘ಒಕ್ಕ ರೋಜು ಮುಂದು ಎಂದುಕು ಕಲವಲೇದು?’ (ಒಂದೇ ಒಂದು ದಿನ ಮುಂಚೆ ಯಾಕೆ ಸಿಗದೇ ಹೋದೆವು?) ಎಂಬ ಮಾತೊಂದು ಈಗಲೂ ಕಾಡುತ್ತಿದೆ. ಪುಟ್ಟ ಮಗಳು ‘ನುವ್ವು ಕಾದ್ರಾ, ನೇನ್ರಾ; ನೇನು ಬಾಹುಬಲಿ’ (ನೀನಲ್ಲವೊ, ನಾನು; ನಾನು ಬಾಹುಬಲಿ) ಎಂದು ನನ್ನೆದುರು ನಿಂತು ಸಿನಿಮಾದ ಡೈಲಾಗನ್ನು ತನ್ನದೇ ಬಗೆಯಲ್ಲಿ ಎದೆ ತಟ್ಟಿಕೊಳ್ಳುತ್ತ ಹೇಳುವಾಗ ತೆಲುಗು ಇನ್ನಷ್ಟು ಒಳಗಿಳಿಯುತ್ತದೆ. ನಮ್ಮ ನಾಲಗೆ ಮತ್ತು ನಡೆಯ ಜೊತೆಜೊತೆಯೇ ಬೆರೆತುಹೋಗುವ ಯಾವುದೇ ಭಾಷೆಯ ಬಗ್ಗೆಯೂ ಇದೇ ಭಾವನೆ ಬೆಳೆಯುವುದು ಸಾಧ್ಯ.

ತುಳು, ತಮಿಳು, ಕೊಂಕಣಿ, ಮಲಯಾಳಂ ಮಾತಾಡುವವರ ಜೊತೆ ಕೆಲಸ ಮಾಡಿದ್ದೇನೆ. ಕನ್ನಡ ಕೂಡ ಚೆನ್ನಾಗಿ ಗೊತ್ತಿರುವ ಅವರಲ್ಲಿ ಕೆಲವರು ನನ್ನ ಜೊತೆ ಕನ್ನಡದಲ್ಲಿ ಮಾತನಾಡುತ್ತ, ತಮ್ಮವರಾರೋ ಬಂದಾಗ ತಕ್ಷಣ ಅವರೊಡನೆ ಅವರ ಭಾಷೆಯಲ್ಲಿ ಮಾತನಾಡಲು ಅತ್ಯಂತ ಸಹಜವಾಗಿ ತೊಡಗಿಬಿಡುತ್ತಾರೆ. ನಾನೇನಾದರೂ ಅಂದುಕೊಂಡೆನೋ ಏನೊ ಎಂದು ಇದ್ದಕ್ಕಿದ್ದಂತೆ ಅವರಿಗೆ ಅನ್ನಿಸಲು ಶುರುವಾಗುತ್ತದೆ. ತಪ್ಪು ತಿಳಿದುಕೊಳ್ಳಬೇಡಿ ಎಂದು ಕೇಳಿಕೊಳ್ಳುತ್ತಾರೆ. ನಾನೆಂದೂ ಅವರ ಮಾತುಗಳಲ್ಲಿ ಗುಟ್ಟು ಇದೆಯೆಂದು, ಇರುತ್ತದೆಂದು ಶಂಕಿಸಿದ್ದಿಲ್ಲ.

ಅನುಮಾನ ಮೂಡಬೇಕಾದರೂ ಯಾಕೆ? ಅತ್ಯಂತ ಸಹಜತೆಯೊಂದಿಗಿರುವ, ಯಾರಿಗೂ ಒಲಿವ, ಎಲ್ಲರೊಳಗೂ ಹರಿವ ಭಾಷೆಯ ಗುಣ ಬೆಸೆಯುವುದು ಮಾತ್ರವಾಗಿರುತ್ತದೆ. ಆದರೆ ಗುಟ್ಟು, ಅನುಮಾನ, ಬಿಗುಮಾನಗಳಲ್ಲೇ ಕಳೆದುಹೋಗುವ ಮನಃಸ್ಥಿತಿಯಿಂದಾಗಿ ಭಾಷೆ ಒಡೆವ ಆಯುಧವಾಗುವುದು ವಿಪರ್ಯಾಸ. ಎಲ್ಲ ಒಳ್ಳೆಯದನ್ನೂ, ಎಲ್ಲ ಪ್ರಾಮಾಣಿಕತೆಯನ್ನೂ ದುರ್ಬಳಕೆ ಮಾಡಿಕೊಳ್ಳುತ್ತಿರುವ, ಬಲಿ ಪಡೆಯುತ್ತಿರುವ ರಾಜಕೀಯವೊಂದು ಭಾಷೆಯ ಮೃದುತ್ವವನ್ನು ಕೊಂದು, ಅದನ್ನು ಹಿಂಸೆಯನ್ನೇ ಝಳಪಿಸಲು ಪಳಗಿಸಿಕೊಂಡಿರುವ ಇವತ್ತಿನ ವಾತಾವರಣದಲ್ಲಿ ಪಿಸುಮಾತುಗಳೂ ಎಂಥದೋ ರಹಸ್ಯದ ನೀಲನಕ್ಷೆಯಂತೆ ಕಾಣಿಸತೊಡಗಿವೆ. ಕವಿ ಬಳಸುವ ಪದಗಳ ಮೇಲೂ ಹಿಡಿತ ಸಾಧಿಸಲು ನೋಡುವ, ಕವಿತೆಯೊಳಗೂ ಕೆಡುಕನ್ನು ಹುಡುಕಲು ತಿಣುಕಾಡುವ ದುಷ್ಟ ತರ್ಕಗಳು ಮೈಮೇಲೆ ಪರಿವೆಯಲ್ಲದಂತೆ ತೂರಾಡುತ್ತಿವೆ.

ಯಾವುದೇ ಭಾಷೆಯ ಬಗೆಗಿನ ಹೆಮ್ಮೆ ಅದರ ಪ್ರಾಚೀನತೆಯನ್ನು ಹುಡುಕಿಕೊಳ್ಳುವುದರಲ್ಲಿ ಇದೆಯೆಂದು ನಾನಂತೂ ನಂಬುವುದಿಲ್ಲ. ಬದಲಿಗೆ ಅದನ್ನು ನಾವೆಷ್ಟು ಒಳಗೊಂಡಿದ್ದೇವೆ ಎಂಬುದರ ಮೂಲಕ ನಮ್ಮನ್ನು ನಾವು ಅಳತೆ ಮಾಡಿಕೊಳ್ಳಲು ಸಾಧ್ಯ. ಕನ್ನಡವನ್ನೇ ಓದಿಕೊಂಡ ಕೆಲವರೊಳಗೆ ಹತ್ತು ಕಠಿಣ ಪದಗಳಿಗೆ ಅರ್ಥ ಸರಿಯಾಗಿ ಗೊತ್ತಿಲ್ಲದಂಥ ಪರಿಸ್ಥಿತಿಗೆ ಯಾರನ್ನು ದೂಷಿಸುವುದು ಎಂಬ ಪ್ರಶ್ನೆ ಒಂದೆಡೆಗಿದ್ದರೆ, ಕನ್ನಡವನ್ನು ಪಠ್ಯದ ಭಾಗವಾಗಿ ಓದದೆಯೂ ಅದು ಗಾಢವಾಗಿ ಭಾವದ ಭಾಗದಂತೆ ಮನಸ್ಸು ತುಂಬಿಕೊಂಡಿರುವುದರ ಸಾಕ್ಷಿಯನ್ನು ಬಳಸುವ ಪ್ರತಿ ಪದದಲ್ಲೂ ಕಾಣಿಸುವವರು ಇದ್ದಾರೆಂಬ ಬೆರಗೂ ಇನ್ನೊಂದೆಡೆಗೆ ಇದೆ. ಮೇಲಿನ ಪ್ರಶ್ನೆಗೆ ಉತ್ತರವೂ ಈ ಬೆರಗಿನಲ್ಲೇ ಇದೆ.

ಕನ್ನಡವನ್ನು ಮಾತ್ರವಲ್ಲ, ಸಂಕಷ್ಟದಲ್ಲಿರುವ ಯಾವುದೇ ಭಾಷೆಯನ್ನು ಕಾಯಲು ಒದಗುವುದು ಆ ಬೆರಗು ಮಾತ್ರ. ಅದನ್ನು ಗ್ರಹಿಸದ ಯಾವುದೇ ಭಾಷಾ ಹೋರಾಟವೂ ಅಸೂಕ್ಷ್ಮವಾಗುತ್ತದೆ; ಮತ್ತು ವ್ಯರ್ಥ ಕೂಡ.

ಒಂದು ಭಾಷೆಯ ಪರ ದನಿಯೆಂಬುದು ಇನ್ನೊಂದು ಭಾಷೆಯ ವಿರುದ್ಧದ ಗದ್ದಲವಲ್ಲ ಎಂದುಕೊಂಡರೆ ಸಾಮರಸ್ಯ ಮತ್ತು ಸಾಂಸ್ಕೃತಿಕ ವಿನಿಮಯ ಎರಡೂ ಸುರಳೀತ.

Share

One Comment For "ನಮ್ಮೊಳಗಿನ ಭಾಷೆಯನ್ನು ಕುರಿತು…
ಸಂಪಾದಕ
"

  1. R.S.Venkat Raj
    25th November 2017

    ಭಾಷೆ ಒಂದು ಸಂವಹನ ವಾಹಕ ಅಷ್ಟೇ.ಸ್ಪರ್ಶ ಸಂವಹನದಷ್ಟು ಪ್ರಬಲ ವಾಹಕ ಮತ್ತೊಂದಿದೆಯೇ?

    Reply

Leave a comment

Your email address will not be published. Required fields are marked *

Recent Posts More

  • 13 hours ago No comment

    ಲವ್ ವಿದ್ ಫಸ್ಟ್ ಬುಕ್

      ಆ ದಿನ ಶಾಲಾ ಗ್ರಂಥಾಲಯದಲ್ಲಿ ಪುಸ್ತಕಗಳನ್ನು ತಡಕಾಡುತ್ತಿದ್ದ ನನಗೆ ವಿಶೇಷ ಪುಸ್ತಕವೊಂದು ಸಿಕ್ಕಿಬಿಟ್ಟಿತ್ತು. ಹೈಸ್ಕೂಲು ದಿನಗಳವು. ಆಗ ಸಾಹಿತ್ಯದ ಓದು ಹಾಗಿರಲಿ, ಸಾಮಾನ್ಯ ಓದೂ ಕೂಡ ಅಷ್ಟೇನೂ ಗಂಭೀರವಾಗಿ ಸಾಗುತ್ತಿರಲಿಲ್ಲ. ಓದಿನ ಹವ್ಯಾಸವು ಒಂದಷ್ಟಿದ್ದರೂ ಹೊಸ ಹೊಸ ವಿಷಯಗಳ ಪುಸ್ತಕಗಳನ್ನು ಹುಡುಕಿಕೊಂಡು ಹೋಗುತ್ತಿದ್ದ, ಈ ಬಗ್ಗೆ ಮಾಹಿತಿಯಿದ್ದ, ಓದಲು ಪರಿತಪಿಸುತ್ತಿದ್ದ ದಿನಗಳೇನೂ ಅದಾಗಿರಲಿಲ್ಲ. ಹೀಗಾಗಿ ಓದಿನ ವಿಚಾರಕ್ಕೆ ಬಂದರೆ ಅವುಗಳನ್ನು ನನ್ನ ಆರಂಭದ ದಿನಗಳೆಂದೇ ಹೇಳಬೇಕು. ರಜಾದಿನಗಳಲ್ಲಿ ...

  • 1 day ago No comment

    ಮೋದಿ ಮಾತಾಡಲಿಲ್ಲ

    ಎಷ್ಟೋ ಜೀವಗಳ ಸಂಕಟಕ್ಕೆ, ರೋದನಕ್ಕೆ ಕುರುಡಾಗುವ ಮನ ಕರಗದ ನಡೆಯು ಇನ್ನೆಂಥ ದಿನಗಳತ್ತ ದೂಡೀತೊ ಈ ದೇಶವನ್ನು ಎಂಬ ಪ್ರಶ್ನೆಯೇ ಬೃಹದಾಕಾರದ್ದು.   ಕತುವಾ ಅತ್ಯಾಚಾರ ಪ್ರಕರಣದಲ್ಲಿ ಎಂಟರ ಬಾಲೆಯ ದಾರುಣ ಸಾವಾಯಿತು. ಅದೊಂದು ತೀರಾ ಸಾಧಾರಣ ಘಟನೆಯಾಗಿರಲಿಲ್ಲ. ಅತ್ಯಂತ ಬರ್ಬರವಾದ ಆ ಘಟನೆ ಧರ್ಮ, ರಾಜಕೀಯ ಮತ್ತು ಅಧಿಕಾರದ ಮತ್ತಿನಲ್ಲಿ ನಡೆದದ್ದಾಗಿತ್ತು ಮತ್ತು ಆ ಮಗುವಿನ ಸಾವಿನ ಬಳಿಕವೂ ಅಮಾನವೀಯತೆಯೇ ಉದ್ದಕ್ಕೂ ಕಂಡುಬಂತು. ದೇಶವೇ ಬೆಚ್ಚಿಬಿದ್ದಿತ್ತು. ಆದರೆ ...

  • 2 days ago No comment

    ಇವರನ್ನು ನೋಡಿ…

    ನಡುವಯಸ್ಸಲ್ಲೇ ನಡುಮುರಿದವರಂತಾಗಿ ಒದ್ದಾಡುವವರ ಕಾಲ ಇದು. ಅತ್ಯಂತ ಕೆಟ್ಟ ಜೀವನಶೈಲಿಯೂ ಸೇರಿದಂತೆ ನೂರೆಂಟು ಅಪಸವ್ಯಗಳ ಪರಿಣಾಮವಾಗಿ ಬದುಕನ್ನು ಹಾಳುಮಾಡಿಕೊಳ್ಳುತ್ತಿರುವ ನಮ್ಮ ನಡುವೆಯೇ ಸುಂದರ ಬದುಕು ನಡೆಸಿಕೊಂಡು ಬಂದು ಈಗಲೂ ಅದೇ ಸಡಗರದಲ್ಲಿ ಬದುಕುತ್ತಿರುವವರ ಆದರ್ಶವೂ ಇದೆ. ಇವರನ್ನು ನೋಡಿ ನಾವು ಕಲಿಯುವುದೂ ಬಹಳವಿದೆ. ಮಸ್ತಾನಮ್ಮ ಆಂದ್ರಪ್ರದೇಶದ ಈ ಅಜ್ಜಿ ನಿಮಗೆಲ್ಲ ಗೊತ್ತೇ ಇರುತ್ತಾರೆ. ಅಡುಗೆ ಶೋನಿಂದಾಗಿ ಖ್ಯಾತರಾಗಿರುವ ಇವರಿಗೆ ಈಗ ನೂರು ವರ್ಷ. ಜಗತ್ತಿನ ಅತ್ಯಂತ ಹಿರಿಯ ಯೂಟ್ಯೂಬರ್ ...

  • 2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...


Editor's Wall

  • 18 April 2018
    2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 18 April 2018
    2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 17 April 2018
    3 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...

  • 16 April 2018
    4 days ago No comment

    ಹೆಣ್ಣು ಹಸುಳೆ ಈ ಪರಿ ತಬ್ಬಲಿಯಾಗುವುದೆ ಈ ದೇಶದಲ್ಲಿ?

    ಅಸೀಫಾ ಪ್ರಕರಣದಲ್ಲಿ ರಕ್ಕಸರನ್ನು ರಕ್ಷಿಸಲು ಯಾವ ಹೇಸಿಕೆಯೂ ಇಲ್ಲದೆ ರಾಜಕೀಯದವರೆನ್ನಿಸಿಕೊಂಡವರು, ಅಧಿಕಾರದಲ್ಲಿದ್ದವರು ಮತ್ತು ಸ್ವಯಂಘೋಷಿತ ಧರ್ಮರಕ್ಷಕರೆಲ್ಲ ಹೇಗೆಲ್ಲಾ ಪ್ರಯತ್ನಿಸಿದರು ಎಂಬುದನ್ನು ನೋಡಿದರೆ ಸೂರತ್‍ನಲ್ಲಿ ಹೆಣವಾಗಿ ಸಿಕ್ಕ ಬಾಲೆಯ ತಬ್ಬಲಿತನ ಕರುಳನ್ನು ಇನ್ನಷ್ಟು ಹಿಂಡುತ್ತದೆ. ದೇವರು, ಧರ್ಮದ ಹೆಸರು ಹೇಳಿಕೊಂಡು ಈ ದೇಶವನ್ನು ಹರಿದು ತಿನ್ನುತ್ತಿರುವವರು ಅದೇ ದೇವರ ಎದುರಲ್ಲೇ ಪುಟ್ಟ ಕಂದನ ಮೇಲೆ ರಣಹದ್ದುಗಳಂತೆ ಎರಗಿ ಅತ್ಯಾಚಾರವೆಸಗಿ ಕೊಲೆಗೈಯುವುದು, ಆ ರಕ್ಕಸರನ್ನು ಕಾಯಲು ಅಧಿಕಾರಸ್ಥರು ಇನಿತೂ ಪಾಪಪ್ರಜ್ಞೆ ಮತ್ತು ...

  • 14 April 2018
    5 days ago No comment

    ‘ಹೆಣ್ಣನ್ನು ದಲಿತ ಗಂಡಸರು ನೋಡುವುದೂ ಲಿಂಗತರತಮದ ಕಣ್ಣಿಂದಲೇ!’

    ವ್ಯವಸ್ಥೆಯನ್ನು ಆಳುವ ಗಂಡಸರು ಮಹಿಳೆಯರನ್ನು ನೋಡುವ ದೃಷ್ಟಿ, ಅವರೆಲ್ಲ ತಾವು ಹೇಗೆ ಬೇಕಾದರೂ ಬಳಸಿಕೊಳ್ಳುವುದಕ್ಕಿರುವ ಸ್ವಂತ ಆಸ್ತಿ ಎಂಬುದೇ ಆಗಿದೆ.   “ಹೆಣ್ಣೆಂದರೆ ಲಿಂಗತರತಮ ದೃಷ್ಟಿಯಿಂದ ನೋಡುವುದರಲ್ಲಿ ದಲಿತ ಗಂಡಸರೂ ಬೇರೆ ಗಂಡಸರ ಹಾಗೆಯೇ” ಎನ್ನುತ್ತಾರೆ ಮರಾಠಿಯ ಖ್ಯಾತ ದಲಿತ ಕವಯತ್ರಿ ಪ್ರದ್ನ್ಯಾ ಪವಾರ್. ಮರಾಠಿ ಲೇಖಕ, ಆತ್ಮಕಥೆ ಬರೆದ ಮೊದಲ ದಲಿತ ಬರಹಗಾರನೆಂಬ ಹೆಗ್ಗಳಿಕೆಯಿರುವ ದಯಾ ಪವಾರ್ ಅವರ ಪುತ್ರಿ ಪ್ರದ್ನ್ಯಾ ಪವಾರ್, ‘ಲೈವ್ ಮಿಂಟ್‍’ಗೆ ಕೊಟ್ಟಿರುವ ...