Share

ಕಣ್ಣಂಚಿನ ಹನಿಯೊಂದು ಎಲ್ಲಾ ಹೇಳುತ್ತಿದೆ…
ಅರ್ಚನಾ ಎ ಪಿ

 

 

 

ಈ ಹೃದಯ ‘ಬೇಡದ’ ವಿಷಯದಲ್ಲಿ ಮೂಗು ತೂರಿಸಿ ಏನೇನೋ ಅನಾಹುತಕ್ಕೆ ಕಾರಣವಾಗತ್ತೆ.

 

 

 

ಕೆಹೆದೂಂ ತುಮ್ಹೇ…
ಯಾ ಚುಪ್ ರಹೂಂ…
ದಿಲ್ ಮೆ ಮೆರೇ ಆಜ್ ಕ್ಯಾ ಹೈ…

ಕ್ಯಾ ಹೈ…
ಹೌದು .. ಏನಿದೆ…

ಕೈಲಾಸ ಮಾನಸ ಸರೋವರ ಯಾತ್ರೆಯಲ್ಲಿ ಸ್ವರ್ಣಬಣ್ಣದ ಸೂರ್ಯ ಕಿರಣಗಳಿಂದ ಕಂಗೊಳಿಸುವ ಹಿಮಾಚ್ಛಾದಿತ ಪರ್ವತ ದರ್ಶನವಿದೆ. ಸ್ವಾತಿ ಮಳೆಗಾಗಿ ನಿರಂತರ ಕಾಯುವ ಪಕ್ಷಿಯ ಕಣ್ಣಲ್ಲಿ ಕಾಯುವಿಕೆಯ ಖುಷಿ ಇದೆ. ಪಶ್ಚಿಮದವರ ಸಂಸ್ಕೃತಿಯ ಅಂಧಾನುಕರಣೆ ಮಾಡುತ್ತಿರುವ ‘ಪೂರ್ವ’ದವರ ಊಟದೆಲೆಯಲ್ಲಿ ಷಡ್ರಸೋಪೇತವಾದ ಪ್ರಾದೇಶಿಕ ಆಹಾರ ಬಿಟ್ಟು, ರೋಗಕಾರಕ ವಸ್ತುಗಳ ದಂಡೇ ಇದೆ. ಮನುಷ್ಯನ ಅತ್ಯಾಚಾರ ತಾಳಲಾರದೆ ಸಿಡಿಯಲು, ಒಮ್ಮೆಲೆ ಬಾಯ್ತೆರೆದು ಆಪೋಶನ ತೊಗೊಳ್ಳುವ ಇರಾದೆಯಿದೆ, ಭೂಮಿಯ ಅಂತರಾಳದಲ್ಲಿ ಕುದಿಯುತ್ತಿರುವ ಲಾವಾಗೆ. ಹಲ್ಲುಜ್ಜುವ ಪೇಸ್ಟಿನಲ್ಲಿ ಉಪ್ಪು ಮತ್ತು ಇದ್ದಿಲಿದೆ. ಕುಡಿಯುವ ನಿಂಬೆ ಪಾನಕದಲ್ಲಿ ‘ಎಸೆನ್ಸ್’ ಇದ್ರೆ, ಪಾತ್ರೆಯುಜ್ಜುವ ಪುಡಿಯಲ್ಲಿ ನಿಂಬೆಹಣ್ಣಿನ ಸಾರವೇ ಇದೆ.

ಧಾರಾವಾಹಿಯಲ್ಲಿ ಬರೋ ಖಳನಾಯಕಿಯರ ಹಣೆಯಲ್ಲಿ ಕಂಡರಿಯದ ಢಾಳಾದ ‘ತಿಲಕ’? (ಹೌದಾ) ಇದೆ. ಬೇಕೋ ಬೇಡವೋ ಅಂತೂ ಸಿನೆಮಾಗಳಲ್ಲಿ (ನೂರಕ್ಕೆ ತೊಂಬತ್ತೊಂಭತ್ತು) ‘ಐಟಮ್’ ಸಾಂಗ್ ಇದೆ. ಮೂಲೆಗೊಂದು ‘day care’ ಸೆಂಟರುಗಳಿವೆ, ವೃದ್ಧಾಶ್ರಮಗಳೂ ಇವೆ. ಎರಡಕ್ಕೂ ದುಡ್ಡು ಕೊಡೋಷ್ಟು ‘ಅಪ್ಪ ಅಮ್ಮ’ ಮತ್ತು ‘ಮಕ್ಕಳ’ ಬಳಿ ‘ದೊಡ್ಡ’ ಆರಂಕಿ ಸಂಬಳವೂ ಇದೆ. ಎಸಿ ಕಾರಿದೆ, ಕಾರಲ್ಲಿ ಪ್ರಾಣರಕ್ಷಣೆಗೆ ತೆರೆದುಕೊಳ್ಳುವ ‘air bag’ಗಳಿವೆ. ಪಾನಿಪುರಿಯಲ್ಲಿ ಕಡಲೆಕಾಳು, ಬಟಾಣಿ ಇದೆ.

ಮಹಾನಗರ ಪಾಲಿಕೆಗೆ ಕಸದ ಸಮಸ್ಯೆ ನಿವಾರಣೆಯಾಗದೆ ಹುಟ್ಟಿಕೊಂಡ ತಲೆನೋವಿದೆ. ಎಲ್ಲಾ ಮಾಧ್ಯಮಗಳ ಬಳಿಯೂ, ನಗರದಲ್ಲಿ ಅಥವಾ ರಾಷ್ಟ್ರ, ಅಂತರರಾಷ್ಟ್ರೀಯ ಮಟ್ಟದ ಯಾವುದೇ ‘ಘಟನೆ’ ನಡೆದರೂ ಮಾತಾಡಲು, ಕಣ್ರೆಪ್ಪೆ ಬಡಿಯೋಷ್ಟರಲ್ಲಿ, ‘ಹಾಜರಾ’ಗುವ ‘ತಜ್ಞರ’ ದಂಡೇ ಇದೆ.

ಸಿಗ್ನಲ್ಲಿನಲ್ಲಿ ತನ್ನ ಪಕ್ಕದಲ್ಲಿ ನಿಂತ ಬೆಂಜ್ ಕಾರಿನವನನ್ನು ನೋಡಿದ ಸ್ಕೂಟರ್ ಸವಾರನ ಮುಖದಲ್ಲಿ ಆಸೆ ಇದೆ. ಅದೇ ಆ ಸ್ಕೂಟರಿನವನನ್ನು ದಿಟ್ಟಿಸಿ ನೋಡುತ್ತಿರುವ, ಕಾಲಿಲ್ಲದ ಭಿಕ್ಷೆ ಬೇಡುತ್ತಿರುವವನ ಆ ಕಣ್ಣುಗಳಲ್ಲಿ ಯಾವ ಭಾವವಿದೆ? ತಿಳಿಯದಾಗಿದೆ…

ಅಬ್ಬಬ್ಬಾ….. ಏನಿದೆ ಅನ್ನೋ ಪಟ್ಟಿ ಉದ್ದವಾಗುತ್ತಲೇ ಹೋಗ್ತಿದೆ. ಪ್ರಕೃತಿಯಲ್ಲಿ ಕಣಕಣವೂ ಸಮತೋಲನದಲ್ಲಿದೆ. ಆದರದನ್ನು ಹಾಗಿರಲು ಬಿಡದೇ ತೀರುತ್ತೇನೆ ಎಂಬ ಹುಂಬತನವಿದೆ ‘ಬುದ್ಧಿವಂತ’ ಮನುಷ್ಯನಲ್ಲಿ. ಅದಕ್ಕೆಂದೇ ಬಹುಶಃ ರಾಮಾಯಣ ಮಹಾಭಾರತದ ಯುಗದಲ್ಲಿ ನಡೆಯದ, ನಂತರದಲ್ಲಿ, ನಡೆದ ಪ್ರಕೃತಿ ವಿಕೋಪದ ಅಪಾಯಗಳು… ಈ ಕಲಿಯುಗದಲ್ಲಿ ಶತಕಗಳಿಂದ ವರ್ಷಗಳಿಗಿಳಿದು, ಈಗ ಪ್ರತೀ ವರ್ಷವೂ ಇಂತಹ ಭಾರೀ ವಿಕೋಪಗಳಿಗೆ ಎದುರಾಗುತ್ತಿರುವುದು… ಪ್ರಾಯಶಃ… ನಮ್ಮ ‘ಕೈ’ಚಳಕದ ಪರಿಣಾಮವೇ ಇರಬಹುದು.

ಅಲ್ಲಾ…. ಮಾತು ಶುರುವಾಗಿದ್ದು… ‘ಏನಿದೆ’ ಅಂತ’…

ಏನಿದೆ ಹೃದಯದಲ್ಲಿ…
ಏನಿರಬೇಕಿತ್ತು ಹೃದಯದಲ್ಲಿ???

ಎಂಥ ದೊಡ್ಡ ದೊಡ್ಡ ಪ್ರಶ್ನೆಗಳು… ಉತ್ತರ ಹುಡುಕಲು ಪ್ರಯತ್ನ ಮಾಡ್ತಾ ಮಾಡ್ತಾ ಜೀವನವೇ ಮುಗಿದು ಹೋಗತ್ತೇ ಹೊರತು, ಪರಿಹಾರವಂತೂ ಇಲ್ಲವೇ ಇಲ್ಲ… ಆದರೂ ತಿಳಿದವರು ಹೇಳೋ ಪ್ರಕಾರ ಹೃದಯ ಇರೋದು ರಕ್ತ ಪಂಪ್ ಮಾಡೋಕೆ. ಜೀವಶಾಸ್ತ್ರ ಅದನ್ನೇ ಹೇಳತ್ತೆ. ಆದರೆ ಪಂಪ್ ಮಾಡೋದ್ರ ಜೊತೆಗೆ ಬೇಕಾಗಿಯೋ ಬೇಡವಾಗಿಯೋ ‘ಬೇಡದ’ ವಿಷಯದಲ್ಲಿ ಮೂಗು ತೂರಿಸಿ ಏನೇನೋ ಅನಾಹುತಕ್ಕೆ ಕಾರಣವಾಗತ್ತೆ.

ಹೇಗೆ…

ಹೇಗೆ ಅನ್ನೋದಕ್ಕೆ ಎಷ್ಟು ಬೇಕಾದರೂ ಉದಾಹರಣೆಗಳನ್ನು ಕೊಡಬಹುದು…

ಓಹೋ… ಆ ತಯಾರಿಯೂ ಆಗಿದೆಯೇ ಅಂತೀರಾ?

ಖಂಡಿತವಾಗಿ…

ಈಗ ನೋಡಿ… ಯಾವುದೋ ಅನಿವಾರ್ಯ ಕಾರಣಗಳಿಗೆ (ಅದು ಸಂಬಂಧದ ಉಳಿವಿಗೆ, ಆಸ್ತಿ ‘ಹೊರಗೆ’ ಹೋಗದಿರಲಿ ಅಂತಲೋ, ಅಂಗೈಯಲ್ಲೇ ಬೆಣ್ಣೆ ಇಟ್ಟುಕೊಂಡು ತುಪ್ಪಕ್ಕಾಗಿ ಯಾಕೆ ವೃಥಾ ಹುಡುಕಾಟ ಇತ್ಯಾದಿ ಇತ್ಯಾದಿ) ಅಪ್ಪನ ತಂಗಿಯ ಮಗಳನ್ನೋ, ಅಮ್ಮನ ತಮ್ಮನ ಮಗನನ್ನೋ ಮದುವೆಯ ಬಂಧದಲ್ಲಿ ವರಿಸಿದಾಗಲೇ ಗೊತ್ತಾಗೋದು ನಿಜವಾಗಿಯೂ ನಮ್ಮ ಬಯಕೆ ಏನಾಗಿತ್ತು ಅಂತ…

ಆದರೆ ಅಷ್ಟೊತ್ತಿಗಾಗಲೇ… ನದಿಯ ಸಿಹಿ ನೀರು, ಉಪ್ಪಿನ ಸಮುದ್ರ ಸೇರಿ ಆಗಿರತ್ತೆ. ಮತ್ತೆ ವಾಪಸ್ಸು ಹರೀತೀನಿ ಅನ್ನೋದು ಅಸಾಧ್ಯ. ಅದಕ್ಕಂತ ದಡಕ್ಕೆ ಬಂದು ಅಲೆಗಳಾಗಿ ಅಪ್ಪಳಿಸ್ತಾ… ಯಾರಾದರೂ ಯಾವುದಾದರೂ ಒಂದು ಅಲೆಗೆ ‘ಸ್ಪಂದಿಸ’ಬಹುದು ಅಂತ ಚಾತಕ ಪಕ್ಷಿಯ ಹಾಗೆ ಕಾಯೋದು. ಹಾಗೇನೇ ಹಿಂತಿರುಗಿ ಹೋಗಿ… ಬಂಧನದ ಬಂಧ ಉಳಿಸಿಕೊಳ್ಳಲು. ಅದೇ ನೀರನ್ನು ಕುದಿಸಿ ಶೋಧಿಸಿ… ‘ಸಪ್ಪೆ’ಯೋ… ‘ಸಿಹಿ’ಯೋ ಕುಡಿದು… ಅದರಲ್ಲೇ ಬದುಕಲು ಬೇಕಾದ ‘ಖುಷಿ’ ಅನುಭವಿಸೋದು.

ಮತ್ತೆ… ಅದೇ ಅಲೆಗಳಾಗಿ ದಡಕ್ಕೆ ಅಪ್ಪಳಿಸುವ ಪ್ರಕ್ರಿಯೆಯಲ್ಲಿ ‘ತೊಡಗಿ’ಕೊಳ್ಳುವುದು…

‘ಅಲ್ಲಿ’ರುವವರಿಗೆ, ‘ಇಲ್ಲಿ’ಯವರೊಂದಿಗೆ ಒಂದು ‘healthy relationship’ ಹೊಂದೋ ಬಯಕೆ… ಆದರೆ, ‘ಇಲ್ಲಿ’ರುವವರಿಗೆ, ಸಮುದ್ರದ ವಿಶಾಲ ಆಳದಲ್ಲಿ ಕಳೆದುಹೋಗೋ ತವಕ.

ಒಟ್ಟಾರೆ ಈ ‘ಏನಿಲ್ಲದ’ ಹೃದಯದಲ್ಲಿ ಏನೋ ‘ತುಂಬಿ’ಕೊಂಡು ಓಲೈಸೋ ಹಂಬಲ.

ಮಾತೊಂದು ತುಟಿಯ ಅಂಚಿನಲ್ಲಿ ಕರಗೇ ಹೋದ ಹಾಗೆ…
ನಿಜ ಹೇಳೋ ಕಣ್ಣುಗಳು… ನಿರ್ಭಾವುಕ ಸ್ಥಿತಿ ತಲುಪಿದೆ…
ಹೇಳದೇನೇ… ಅಪ್ಪುಗೆಯ ಭದ್ರತಾ ಭಾವಕ್ಕೆ ತುಡಿಯುವ
ಅಪೇಕ್ಷೆ ಇದೆ…
ಕಣ್ಣಂಚಿನಲ್ಲಿ ಮೂಡಿ ನಿಂತಿರೋ ಹನಿಯೊಂದು…
ಎಲ್ಲಾ ಹೇಳುತ್ತಿದೆ…

ಯಾಕೋ ನನ್ನ ಕಣ್ಣುಗಳೂ ತೇವಗೊಳ್ತಿವೆ.

—-

ಅರ್ಚನಾ ಎ ಪಿ

ಎಂಎ ಬಿಎಡ್, ಎಂಫಿಲ್ ಪದವೀಧರೆ. ಸುರಾನಾ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕಿ, ಆಕಾಶವಾಣಿ ವಿವಿಧ ಭಾರತಿ 102.9 ಎಫ್ಎಂನಲ್ಲಿ ಉದ್ಘೋಷಕಿ, ಚಂದನ ವಾಹಿನಿಯಲ್ಲಿ ವಾರ್ತಾ ವಾಚಕಿ ಮತ್ತು ಕಾರ್ಯಕ್ರಮ ನಿರೂಪಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಸಾಹಿತ್ಯದಲ್ಲಿ ವಿಶೇಷ ಆಸಕ್ತಿ. ಚಿತ್ತಾರ ಕಲೆಯಲ್ಲೂ ಕೌಶಲ್ಯ.

Share

Leave a comment

Your email address will not be published. Required fields are marked *

Recent Posts More

  • 1 week ago No comment

    ನಮ್ಮ ಕಣ್ಣುಗಳೇಕೆ ಭಾರವಾಗುತ್ತಿವೆ?

          ಕವಿಸಾಲು           ತಿರುಕನ ಕನಸಲ್ಲ ನನ್ನದು ತಿರುಕನಲ್ಲ ಕಣ್ರಿ ನಾನು ನಿಮ್ಮ ಮರುಕ ಗಿರುಕ ಎಲ್ಲಾ ನನಗೆ ಹಿಡಿಸಲ್ಲ ಅವ್ರು ಕೋಟೆ ಕಟ್ಟಿ ನ್ಯಾಯ ನೀತಿಗಳ ತಮ್ಮಲ್ಲೆ ಬಚ್ಚಿಟ್ಟು ಒಳಗೆ ಬೆಚ್ಚಗೆ ಕೂತಿರಬಹುದು ನ್ಯಾಯಕ್ಕೆ ಕನ್ನ ಹಾಕೋ ನಾನು ತಿರುಕ ಹೇಗೆ ಆಗಬೇಕು? ತಿರುಕನದೇನೋ ಕನಸಿತ್ತು ನನ್ನದು ಕೂಡಾ ಕನಸೆಂದು ಆ ಕೋಟೆ ಒಳಗಿರುವವರು ಕನವರಿಸುತ್ತಿರಬಹುದು ಬೂದಿ ಮುಚ್ಚಿದ ...

  • 2 weeks ago No comment

    ಕೊಂಕಣಿ ಪ್ರತಿಭೆಯನ್ನರಸಿ ಕರ್ನಾಟಕಕ್ಕೆ ಬಂದ ಪ್ರಶಸ್ತಿ

        ಅತಿಥಿ           ಈ ಬಾರಿ ಕರ್ನಾಟಕವು ಎರಡು ಕೇಂದ್ರ ಸಾಹಿತ್ಯ ಅಕಾಡೆಮಿ ಯುವ ಪುರಸ್ಕಾರಗಳನ್ನು ತನ್ನ ಮಡಿಲಿಗೆ ಹಾಕಿಕೊಂಡಿತು ಎಂದರೆ ಅಚ್ಚರಿಯಾಗಬಹುದು. ಆದರೂ ಇದು ಸತ್ಯ. ಪ್ರಮಾದವೇನಾದರೂ ಆಯಿತೇ? ಒಂದೇ ಪುರಸ್ಕಾರವನ್ನು ಇಬ್ಬರಿಗೆ ಹಂಚಿರಬಹುದೇ? ಎಂದೆಲ್ಲ ಯೋಚಿಸಿ ತಲೆ ಕೆರೆದುಕೊಳ್ಳುತ್ತಿದ್ದೀರಾ? ಇಲ್ಲಿದೆ ನೋಡಿ ಉತ್ತರ. ಕನ್ನಡಕ್ಕೆ 2018ರ ಕೇಂದ್ರಸಾಹಿತ್ಯ ಅಕಾಡೆಮಿಯ ಯುವ ಪುರಸ್ಕಾರ ಘೋಷಣೆಯಾದಾಗಲೇ ಕರ್ನಾಟಕದ ಕೊಂಕಣಿ ಕವಯತ್ರಿ ವಿಲ್ಮಾ ...

  • 2 weeks ago No comment

    ಸಾಹಸದ ಆ ನಿಮಿಷಗಳು

            ಮೊದಲ ಬಾರಿಯಾದ್ದರಿಂದ ಕೆಲವೇ ನಿಮಿಷಗಳ ಈ ಜಿಗಿತದ ರೋಚಕತೆ ಒಂದು ತಿಂಗಳ ಕಾಲ ನನ್ನನ್ನು ಆವರಿಸಿದ್ದು ಸುಳ್ಳಲ್ಲ.         ಬ್ಯಾಂಕರುಗಳು, ಅಕೌಂಟೆಂಟುಗಳು ವರ್ಷದ ಮೊದಲಿಂದ ಹಿಡಿದು ಮಾರ್ಚಿ ತಿಂಗಳವರೆಗೆ ಭಾರೀ ಬ್ಯುಸಿಯಾಗುವಂತೆ ಇಂಗ್ಲೆಂಡಿನ ಸರ್ಕಾರೀ ದಂತ ವೈದ್ಯಕೀಯ ರಂಗದಲ್ಲೂ ಧಾವಂತ ಕಾಣಿಸಿಕೊಳ್ಳುತ್ತದೆ. ಸರ್ಕಾರದಿಂದ ಗುತ್ತಿಗೆ ಪಡೆದ ಕೆಲಸವನ್ನು ಮಾರ್ಚಿಯ ಕೊನೆಗೆ ಪೂರ್ತಿಗೊಳಿಸದಿದ್ದರೆ ಮುಂದಿನ ವರ್ಷದ ಕಾಂಟ್ರಾಕ್ಟ್ ನ್ನು ಕಳೆದುಕೊಳ್ಳುವ ...

  • 3 weeks ago No comment

    ಪ್ರಸಾದ್ ಪಟ್ಟಾಂಗ | ಫಿಫಾ ಫಿವರ್

    ಅಂದು ಎಲ್ಲರ ಕಣ್ಣುಗಳೂ ಬೇರೇನನ್ನೋ ದಿಟ್ಟಿಸುತ್ತಿದ್ದವು. ಅದೊಂದು ಸುಂದರ ರೆಸ್ಟೊರೆಂಟ್. ಆವರಣದ ಒಳಗೂ ಹೊರಗೂ ಬಂದವರಿಗೆ ಕುಳಿತುಕೊಳ್ಳಲು ಸಾಕಷ್ಟು ಜಾಗವಿರುವಂಥದ್ದು. ಜೊತೆಗೇ ಒಂದು ಪುಟ್ಟ ಮೈದಾನದಂತಿರುವ ಜಾಗವನ್ನೂ, ಈಜುಕೊಳವನ್ನೂ ಹೊಂದಿರುವ ಸುಸಜ್ಜಿತ ರೆಸ್ಟೊರೆಂಟ್. ನಾನು ಪ್ರತೀ ತಿಂಗಳು ಲುವಾಂಡಾಗೆ ಬಂದಿಳಿದಾಗಲೆಲ್ಲಾ ಇಲ್ಲಿಯ ಸಿಬ್ಬಂದಿಯೇ ನನಗೆ ಅನ್ನದಾತರು. ಹೀಗಾಗಿ ಎಲ್ಲೆಲ್ಲೂ ನನಗೆ ಪರಿಚಿತ ಮುಖಗಳೇ. ಅಂದು ಮಾತ್ರ ಸಿಬ್ಬಂದಿಯೊಬ್ಬ ಗಡಿಬಿಡಿಯಲ್ಲಿ ನನ್ನ ಆರ್ಡರ್ ಬರೆದುಕೊಂಡು ಅಷ್ಟೇ ಅವಸರದಲ್ಲಿ ಖಾದ್ಯಗಳನ್ನು ತಂದಿಟ್ಟು ...

  • 3 weeks ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...


Editor's Wall

  • 11 May 2018
    2 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    3 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    3 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...