Share

ಮಳೆಯೊಡನೆ ಮಾತು ಜನಪದ; ಮೋಡಬಿತ್ತನೆ ಅಹಮ್ಮು ರಾಜಕಾರಣ
ಸಂಪಾದಕ

ಗೆಳೆಯನೊಬ್ಬ ಒಂದು ಸಂಗತಿ ಹೇಳಿದ. ಮಳೆ ಶುರುವಾಗಿ ಕೃಷಿ ಕೆಲಸಗಳಿಗೆ ಜನ ಕೈಹಚ್ಚುವಾಗ ಉಳುವ ಎತ್ತುಗಳ ಜೋಡಿಗೆ, ನೇಗಿಲಿಗೆ ಪೂಜೆ ಮಾಡುವ ಕ್ರಮವಿರುತ್ತದೆ. ನನ್ನ ಗೆಳೆಯ ಹೇಳಿದ್ದು ಆ ಸಂದರ್ಭದಲ್ಲಿ ನಡೆದ ಪ್ರಸಂಗದ ಬಗ್ಗೆ. ಕೃಷಿ ಕಾರ್ಯ ಆರಂಭಿಸುವ ಆ ಮುಹೂರ್ತಕ್ಕೆ ಊರಲ್ಲೇ ಲಭ್ಯವಿರುವ ಅರ್ಚಕರನ್ನು ಕರೆಯಲಾಗುತ್ತದೆ. ಅವರ ಬಳಿ ನನ್ನ ಮಿತ್ರನ ತಂದೆ ಒಂದು ಅಹವಾಲು ಇಟ್ಟರಂತೆ. ಇರುವ ಎತ್ತಿನ ಜೋಡಿಯಲ್ಲಿ ಒಂದು ಎತ್ತು ಆಗಲೇ ಬಡವಾಗಿಬಿಟ್ಟಿರುವುದರಿಂದ ಹೇಗಾದರೂ ಮಾಡಿ ಈ ಸಲದ ಕೃಷಿ ಕೆಲಸ ಪೂರ್ತಿಯಾಗೋ ಹಾಗೆ ದೇವರಲ್ಲಿ ಪ್ರಾರ್ಥನೆ ಮಾಡಿಕೊಳ್ಳಿ ಎಂಬುದು ಆ ನಿವೇದನೆಯಾಗಿತ್ತು. ನೇಗಿಲಿಗೆ ಹೂವೇರಿಸುತ್ತಿದ ಆ ಅರ್ಚಕ ಥಟ್ಟನೆ, ‘ನೋಡು ದೇವ್ರೆ, ಮೊದ್ಲೇ ಬಡೋನು, ಇರೋ ಎತ್ತುಗಳಲ್ಲಿ ಒಂದು ಬಡಕಲ. ಇವ್ನಿಗೆ ಒಂದು ಎತ್ತು ಸಿಗೋ ಹಾಗೆ ಮಾಡಪ್ಪ’ ಎಂದುಬಿಡೋದೆ? ಪಾಪ, ನನ್ನ ಗೆಳೆಯನ ತಂದೆಯ ಅಹವಾಲು ಮುಗಿದಿರಲಿಲ್ಲ. ‘ಮಳೆ ಸರಿಯಾಗಿ ಬೀಳೂದೇ ಕಮ್ಮಿಯಾಗಿದೆ. ಹಾಗೂ ಹೀಗೂ ಕೈಗೆ ಫಸಲು ಬಂತು ಅನ್ನುವಾಗ ಏಕ್​ದಂ ಮಳೆ ಬಂದು ಅದೂ ಹಾಳಾಯ್ತು ಹೋದ ವರ್ಷ’ ಎಂದು ಸಂಕಟ ತೋಡಿಕೊಂಡರಂತೆ. ಮತ್ತೆ ಅಷ್ಟೇ ಸ್ಪೀಡಿನಲ್ಲಿ ಆ ಅರ್ಚಕ ‘ನೋಡಪ್ಪಾ ದೇವ್ರೆ, ಇವ್ನ ಗದ್ದೇಲಿ ಮಳೆ ಸರಿಯಾಗಿ ಬೀಳೋ ಹಾಗೆ ನೋಡ್ಕೊಳ್ಳಪ್ಪಾ. ಸುಮ್ನೆ ನಿನ್ನಿಷ್ಟ ಬಂದ ಹಾಗೆ ಮಳೆ ಸುರಿಸ್ಬೇಡ’ ಎಂದು ಮತ್ತೆ ದೇವರಿಗೆ ತಾಕೀತು ಮಾಡೇಬಿಟ್ಟರಂತೆ. ನನ್ನ ಗೆಳೆಯನ ತಂದೆ ದೇವರಲ್ಲಿ ಮತ್ತು ದೇವರ ಮುಂದೆ ತಮ್ಮ ಕಷ್ಟವನ್ನು ಹೇಳಿ ಅದಕ್ಕೊಂದು ಪರಿಹಾರ ಕಾಣಿಸಬಲ್ಲವರೆಂದು ಅರ್ಚಕರಲ್ಲಿ ಇಟ್ಟಿದ್ದ ನಂಬಿಕೆಗೆ ಸಿಕ್ಕಿದ್ದು ಎಂಥ ವೇಗದ ಭರವಸೆ ನೋಡಿ.

ಇದು ಇವತ್ತಿನ ರಾಜಕಾರಣ. ಅಮಾಯಕ ಬದುಕನ್ನು, ಅದರ ಒಡಲಾಳದ ನೋವನ್ನು ಅತ್ಯಂತ ತಿರಸ್ಕಾರದಿಂದಲೇ ನೋಡುವ, ತಾನೇ ಎಲ್ಲ ಎಂಬ ಬಿಂಕದಲ್ಲೇ ಸುಳ್ಳು ಭರವಸೆ ಕೊಟ್ಟು ಆ ಬದುಕನ್ನು ಇನ್ನಷ್ಟು ಅಮಾಯಕ ಸ್ಥಿತಿಗೆ ತಳ್ಳಿಬಿಡುವ ಮತ್ತು ಆ ಚಮತ್ಕಾರದಿಂದಲೇ ತಾನು ಬದುಕುವ ರಾಜಕಾರಣಕ್ಕೆ ಆತ್ಮ ಅನ್ನುವುದು ಇಲ್ಲ. ಹಾಗಾಗಿಯೇ ಅದು ತನ್ನ ಮೂರ್ಖತನದ ಪರಮಾವಧಿಯೊಂದಿಗೂ ಬೆತ್ತಲಾಗಿಬಿಡುತ್ತದೆ ಬಹಳ ಸಲ.

ಸರಳವಾಗಿ, ಯಾರನ್ನೂ ಮೆಚ್ಚಿಸುವ ಗರಜಿಲ್ಲದೆ, ಭೂಮಿಗೆ ಆಪ್ತರಾಗಿ ಬದುಕುವ ಜನಪದರ ಗುಣ, ಆತ್ಮವೇ ಇಲ್ಲದ ಮತ್ತು ಅಹಂಕಾರವೇ ಮೈವೆತ್ತಂತಿರುವ ರಾಜಕಾರಣಕ್ಕೆ ಯಾವತ್ತೂ ಬರಲಾರದು. ಅದಕ್ಕೆ ಎಲ್ಲವನ್ನೂ, ಕಡೆಗೆ ಜನಪದರ ಕಣ್ಣೀರನ್ನೂ ತನ್ನ ಬೇಳೆ ಬೇಯಿಸಿಕೊಳ್ಳುವ ಬೆಂಕಿಯಾಗಿ ಪರಿವರ್ತಿಸಿಕೊಳ್ಳುವ ಸಂಚುಕೋರ ಬುದ್ಧಿ. ರಾಜಕಾರಣಕ್ಕೆ ಹೇಗೆ ಜನಪದರ ಮನಸ್ಸು ಅರ್ಥವಾಗುವುದಿಲ್ಲ ಅನ್ನುವುದಕ್ಕೆ, ಮಳೆ ವಿಚಾರದಲ್ಲಿನ ಅದರ ನಡೆಗಳನ್ನೇ ಉದಾಹರಣೆಯಾಗಿ ನೋಡಬಹುದು.

ಮಳೆ ಇಲ್ಲವೆಂದರೆ ಮೋಡಬಿತ್ತನೆ ಮಾಡುತ್ತೇನೆಂದು ಹೊರಡುತ್ತದೆ ಅದು. ಬರುತ್ತಿದ್ದ ಮಳೆ ಬಾರದಿರುವಂತಾಗಲು ತನ್ನ ಮೂರ್ಖತನದಿಂದ ಇಟ್ಟ ದುಡುಕು ಹೆಜ್ಜೆಗಳೇ ಕಾರಣ ಎನ್ನುವುದೂ ಕೂಡ ಅದಕ್ಕೆ ಅರ್ಥವಾಗುವುದಿಲ್ಲ. ಬರುವ ಮಳೆ ಬರುವ ಹಾಗೆ, ಬಂದ ಮಳೆ ಇರುವ ಹಾಗೆ ಮಾಡಬೇಕೆಂಬ ಇಚ್ಛಾ ಶಕ್ತಿ ಇಲ್ಲ.

ರಾಜಕಾರಣದ ಇಂಥ ಅಹಂಕಾರ ಮತ್ತು ಮೂರ್ಖತನಕ್ಕಿಂತ, ಜನಪದರು ಅಂತಃಕರಣಪೂರ್ವಕವಾಗಿ ಮಳೆಯ ಜೊತೆಗೇ ನೇರ ಸಂವಾದಕ್ಕೆ ಎಳಸುವಲ್ಲಿ ನಿಜವಾದ ಶಕ್ತಿಯಿದೆ. ಅದು ಕಡೇಪಕ್ಷ ನಿಸರ್ಗದ ಜೊತೆ ತಾದಾತ್ಮ್ಯ ಏರ್ಪಡಿಸಿಕೊಳ್ಳುವ ನಡೆ. ನಿಸರ್ಗದಿಂದಲೇ ಎಲ್ಲ ಪಡೆಯುವುದು ಎಂಬ ಅರಿವಿನಿಂದ ಸಾಧ್ಯವಾಗುವ ಈ ಮಾತು, ತನ್ನದೇ ಆದ ಆತ್ಮವಿಶ್ವಾಸವುಳ್ಳದ್ದಾಗಿರುತ್ತದೆ. ಅಲ್ಲಿ ಅಹಂಕಾರವಿರುವುದಿಲ್ಲ. ಬದಲಾಗಿ, ಕೊಡುವವನಿಗೂ ಕಷ್ಟವಿರಬಹುದು ಎಂಬ ಪ್ರಜ್ಞೆಯಲ್ಲಿ ನಿಕ್ಕಿಯಾದ ಸಹನೆಯೊಂದು ಅಲ್ಲಿರುತ್ತದೆ.

ಹುಯ್ಯೋ ಹುಯ್ಯೋ ಮಳೆರಾಯ ಹೂವಿನ ತೋಟಕೆ ನೀರಿಲ್ಲ
ಬಾರೋ ಬಾರೋ ಮಳೆರಾಯ ಬಾಳೆಯ ತೋಟಕೆ ನೀರಿಲ್ಲ

ಎಂದು ಶುರುವಾಗುವ ಜನಪದ ಗೀತೆಯ ಮುಂದಿನ ನುಡಿಯನ್ನು ಗಮನಿಸಬೇಕು. ಅಲ್ಲಿ, ತಮ್ಮದೇ ಬದುಕಿನಲ್ಲಿನ ಜಂಜಡಗಳ ಬೆಳಕಿನಲ್ಲಿ ಮಳೆರಾಯನನ್ನು ಕಾಣುವ ಬಗೆಯಿದೆ:

ಮಳೆ ಹೋಯ್ತು ಅಂತ ಮಳೆರಾಯ್ನ ಬೈಬೇಡ
ಒಕ್ಕಳ ಹೊನ್ನ ಸೆರಗೇಲಿ ಕಟ್ಟಿಕೊಂಡು
ಸಾಲಕ್ಕೆ ಹೋಗವ್ನೆ ಮಳೆರಾಯ.

ಇದು ಇನ್ನೊಬ್ಬನ ಕಷ್ಟ ಗೊತ್ತಿರುವ ಮನಸ್ಸಿನಲ್ಲಿ ಹುಟ್ಟಿಕೊಳ್ಳುವ ತಿಳಿವು. ಹೀಗಾಗಿ, ಮಳೆಯನ್ನು ಹೆಡಮುರಿಗೆ ಕಟ್ಟಿ ಎಳೆತರುತ್ತೇವೆಂಬ ಆಳುವವರ ದುರಹಂಕಾರದ ಬದಲಾಗಿ, ಏನೋ ಕಷ್ಟದಲ್ಲಿರುವ ಮಳೆರಾಯ ತುಸು ಹೆಚ್ಚುಕಡಿಮೆಯಾದರೂ ಬಂದಾನು ಎಂಬ ಕಾಯುವಿಕೆ ಜನಪದರಲ್ಲಿ ಸಾಧ್ಯವಾಗುತ್ತದೆ. ಕೃಷಿಯ ಅಂತರಂಗವೇ, ಕೃಷಿ ಕಲಿಸುವ ಪಾಠವೇ ಅದು: ಕಾಯುವುದು.

ಆದರೆ, ಜನಪದರ ಕಾಯುವಿಕೆಗೂ ಒಂದು ಮಿತಿಯಿರುತ್ತದೆ. ಅದು ಮುಗಿದಾಗ ಸಂಭವಿಸುವ ಸ್ಫೋಟದಲ್ಲಿ ದೇವರನ್ನೂ ಎದುರಿಸುವ ನಿಷ್ಠುರತೆ.

ಯಾತಕೆ ಮಳೆ ಹೋದವೋ
ಶಿವಶಿವ ಲೋಕ ತಲ್ಲಣಿಸುತಾವೋ
ಬೇಕಿಲ್ಲದಿದ್ದರೆ ಬೆಂಕಿಯ ಮಳೆ ಸುರಿದು
ಉರಿಸಿ ಕೊಲ್ಲು ಬಾರದೆ

ಇಲ್ಲಿನದು ನಂಬಿ ಕಾದವರ ಸಿಟ್ಟು. ನಂಬಿಕೆ ಹುಸಿಯಾಯಿತಲ್ಲ ಎಂಬ ಬೇಗುದಿ. ನಮ್ಮ ಬದುಕುಗಳನ್ನು ತೆಗೆದುಕೊಂಡು ಹೋಗಿಬಿಡು ಎಂಬ ಸವಾಲು ಅವರ ಅಸಹನೆಯ ಅಖೈರು. ಅದಕ್ಕಿರುವ ಕಾರಣಗಳನ್ನು ನಿವೇದಿಸುವ ಮುಂದಿನ ನುಡಿಗಳನ್ನು ನೋಡಬೇಕು:

ಹೊಟ್ಟೆಗೆ ಅನ್ನ ಇಲ್ಲಾದಲೆ
ನಡೆದರೆ ಜೋಲಿ ಹೊಡೆಯುತಲೆ
ಪಟ್ಟದಾನೆಯಂಥ ಸ್ತ್ರೀಯಾರು ಸೊರಗಿ
ಸೀರೆ ನಿಲ್ಲೋದಿಲ್ಲ ಸೊಂಟಾದಲಿ

ಹಸಗೂಸು ಹಸಿವಿಗೆ ತಾಳದಲೆ
ಅಳುತಾವೆ ರೊಟ್ಟಿ ಕೇಳುತಲೆ
ಹಡೆದ ಬಾಣಂತಿಗೆ ಅನ್ನವು ಇಲ್ಲದಲೆ
ಏರುತಾವೆ ಮೊಣಕೈಗೆ ಬಳೆ

ಒಕ್ಕಾಲು ಮಕ್ಕಳಂತೆ
ಅವರಿನ್ನು ಮಕ್ಕಳನ್ನು ಮಾರುಂಡರು
ಮುಕ್ಕಣ್ಣ ಮಳೆ ಕರುಣಿಸೋ
ಮಕ್ಕಳನ್ನು ಮಾರುಂಡು ದುಃಖವನು ಮಾಡುತಾರೆ

ಇಡೀ ಬದುಕಿಗೇ ದುರಂತದ ಕರಿನೆರಳು ಮುಸುಕಿರುವ ಹೊತ್ತಿನಲ್ಲೂ, ಅಸಹನೆಯ ಅತ್ಯಂತ ಸ್ಥಿತಿಯಲ್ಲೂ ಜನಪದರು ಉಳಿಸಿಕೊಳ್ಳುವ ನಿರೀಕ್ಷೆಯಿದೆಯಲ್ಲ, ಅದು ಅಸಾಧಾರಣವಾದದ್ದು. ಬರೀ ಮಾತಲ್ಲದ ಮಾತಿನಿಂದ, ಸಂವಾದದಿಂದ ಸಾಧ್ಯವಾಗುವ ಮಾಗಿದ ಮನಸ್ಸಿನ ತಾಕತ್ತು ಅದು. ಬದುಕು ಚೆಲುವಾದದ್ದು ಎಂಬ ಸತ್ಯದ ಸಮೀಪದಲ್ಲಿನ ಹಾಡಿಯಲ್ಲಿ ಹೂವಾಡುವ ಜೀವಚೈತನ್ಯ ಅದು.

ಮಳೆ ಬರುತ್ತದೆ; ಮಳೆ ಬರಲಿ.

Share

Leave a comment

Your email address will not be published. Required fields are marked *

Recent Posts More

  • 7 days ago No comment

    ನಮ್ಮ ಕಣ್ಣುಗಳೇಕೆ ಭಾರವಾಗುತ್ತಿವೆ?

          ಕವಿಸಾಲು           ತಿರುಕನ ಕನಸಲ್ಲ ನನ್ನದು ತಿರುಕನಲ್ಲ ಕಣ್ರಿ ನಾನು ನಿಮ್ಮ ಮರುಕ ಗಿರುಕ ಎಲ್ಲಾ ನನಗೆ ಹಿಡಿಸಲ್ಲ ಅವ್ರು ಕೋಟೆ ಕಟ್ಟಿ ನ್ಯಾಯ ನೀತಿಗಳ ತಮ್ಮಲ್ಲೆ ಬಚ್ಚಿಟ್ಟು ಒಳಗೆ ಬೆಚ್ಚಗೆ ಕೂತಿರಬಹುದು ನ್ಯಾಯಕ್ಕೆ ಕನ್ನ ಹಾಕೋ ನಾನು ತಿರುಕ ಹೇಗೆ ಆಗಬೇಕು? ತಿರುಕನದೇನೋ ಕನಸಿತ್ತು ನನ್ನದು ಕೂಡಾ ಕನಸೆಂದು ಆ ಕೋಟೆ ಒಳಗಿರುವವರು ಕನವರಿಸುತ್ತಿರಬಹುದು ಬೂದಿ ಮುಚ್ಚಿದ ...

  • 1 week ago No comment

    ಕೊಂಕಣಿ ಪ್ರತಿಭೆಯನ್ನರಸಿ ಕರ್ನಾಟಕಕ್ಕೆ ಬಂದ ಪ್ರಶಸ್ತಿ

        ಅತಿಥಿ           ಈ ಬಾರಿ ಕರ್ನಾಟಕವು ಎರಡು ಕೇಂದ್ರ ಸಾಹಿತ್ಯ ಅಕಾಡೆಮಿ ಯುವ ಪುರಸ್ಕಾರಗಳನ್ನು ತನ್ನ ಮಡಿಲಿಗೆ ಹಾಕಿಕೊಂಡಿತು ಎಂದರೆ ಅಚ್ಚರಿಯಾಗಬಹುದು. ಆದರೂ ಇದು ಸತ್ಯ. ಪ್ರಮಾದವೇನಾದರೂ ಆಯಿತೇ? ಒಂದೇ ಪುರಸ್ಕಾರವನ್ನು ಇಬ್ಬರಿಗೆ ಹಂಚಿರಬಹುದೇ? ಎಂದೆಲ್ಲ ಯೋಚಿಸಿ ತಲೆ ಕೆರೆದುಕೊಳ್ಳುತ್ತಿದ್ದೀರಾ? ಇಲ್ಲಿದೆ ನೋಡಿ ಉತ್ತರ. ಕನ್ನಡಕ್ಕೆ 2018ರ ಕೇಂದ್ರಸಾಹಿತ್ಯ ಅಕಾಡೆಮಿಯ ಯುವ ಪುರಸ್ಕಾರ ಘೋಷಣೆಯಾದಾಗಲೇ ಕರ್ನಾಟಕದ ಕೊಂಕಣಿ ಕವಯತ್ರಿ ವಿಲ್ಮಾ ...

  • 2 weeks ago No comment

    ಸಾಹಸದ ಆ ನಿಮಿಷಗಳು

            ಮೊದಲ ಬಾರಿಯಾದ್ದರಿಂದ ಕೆಲವೇ ನಿಮಿಷಗಳ ಈ ಜಿಗಿತದ ರೋಚಕತೆ ಒಂದು ತಿಂಗಳ ಕಾಲ ನನ್ನನ್ನು ಆವರಿಸಿದ್ದು ಸುಳ್ಳಲ್ಲ.         ಬ್ಯಾಂಕರುಗಳು, ಅಕೌಂಟೆಂಟುಗಳು ವರ್ಷದ ಮೊದಲಿಂದ ಹಿಡಿದು ಮಾರ್ಚಿ ತಿಂಗಳವರೆಗೆ ಭಾರೀ ಬ್ಯುಸಿಯಾಗುವಂತೆ ಇಂಗ್ಲೆಂಡಿನ ಸರ್ಕಾರೀ ದಂತ ವೈದ್ಯಕೀಯ ರಂಗದಲ್ಲೂ ಧಾವಂತ ಕಾಣಿಸಿಕೊಳ್ಳುತ್ತದೆ. ಸರ್ಕಾರದಿಂದ ಗುತ್ತಿಗೆ ಪಡೆದ ಕೆಲಸವನ್ನು ಮಾರ್ಚಿಯ ಕೊನೆಗೆ ಪೂರ್ತಿಗೊಳಿಸದಿದ್ದರೆ ಮುಂದಿನ ವರ್ಷದ ಕಾಂಟ್ರಾಕ್ಟ್ ನ್ನು ಕಳೆದುಕೊಳ್ಳುವ ...

  • 3 weeks ago No comment

    ಪ್ರಸಾದ್ ಪಟ್ಟಾಂಗ | ಫಿಫಾ ಫಿವರ್

    ಅಂದು ಎಲ್ಲರ ಕಣ್ಣುಗಳೂ ಬೇರೇನನ್ನೋ ದಿಟ್ಟಿಸುತ್ತಿದ್ದವು. ಅದೊಂದು ಸುಂದರ ರೆಸ್ಟೊರೆಂಟ್. ಆವರಣದ ಒಳಗೂ ಹೊರಗೂ ಬಂದವರಿಗೆ ಕುಳಿತುಕೊಳ್ಳಲು ಸಾಕಷ್ಟು ಜಾಗವಿರುವಂಥದ್ದು. ಜೊತೆಗೇ ಒಂದು ಪುಟ್ಟ ಮೈದಾನದಂತಿರುವ ಜಾಗವನ್ನೂ, ಈಜುಕೊಳವನ್ನೂ ಹೊಂದಿರುವ ಸುಸಜ್ಜಿತ ರೆಸ್ಟೊರೆಂಟ್. ನಾನು ಪ್ರತೀ ತಿಂಗಳು ಲುವಾಂಡಾಗೆ ಬಂದಿಳಿದಾಗಲೆಲ್ಲಾ ಇಲ್ಲಿಯ ಸಿಬ್ಬಂದಿಯೇ ನನಗೆ ಅನ್ನದಾತರು. ಹೀಗಾಗಿ ಎಲ್ಲೆಲ್ಲೂ ನನಗೆ ಪರಿಚಿತ ಮುಖಗಳೇ. ಅಂದು ಮಾತ್ರ ಸಿಬ್ಬಂದಿಯೊಬ್ಬ ಗಡಿಬಿಡಿಯಲ್ಲಿ ನನ್ನ ಆರ್ಡರ್ ಬರೆದುಕೊಂಡು ಅಷ್ಟೇ ಅವಸರದಲ್ಲಿ ಖಾದ್ಯಗಳನ್ನು ತಂದಿಟ್ಟು ...

  • 3 weeks ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...


Editor's Wall

  • 11 May 2018
    2 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    3 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    3 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...