Share

ಮನೇಲಿ ಮಂಡೂಕ ಮಹಾಶಯ; ಕಾಡಲ್ಲಿ ಗೂಬೆರಾಯ!
ಪ್ರಸನ್ನ ಆಡುವಳ್ಳಿ

 

 

 

 

 

 

ವರು ಶ್ರೀಮಾನ್ ಮಂಡೂಕರಾಯರು, ನನ್ನ ಮನೆಯ ನಿತ್ಯ ಅಭ್ಯಾಗತರು. ಸಂಜೆ ಏಳಾಗುತ್ತಲೇ ಅದೆಲ್ಲಿಂದಲೋ ಕುಣಿದು ಕುಪ್ಪಳಿಸುತ್ತಾ ಖುಷಿಯಿಂದ ಬಾಗಿಲು ದಾಟಿ ಒಳಗೆ ಬಂದುಬಿಡುತ್ತಾರೆ. ಕೆಲವೊಮ್ಮೆ ಕಿಟಕಿ ಹಾರುವ ಅಭ್ಯಾಸವೂ ಇದೆ.

ನಾನೂ ಮಂಡೂಕರಾಯರೂ ದಿನವೂ ಒಟ್ಟೊಟ್ಟಿಗೇ ಡಿನ್ನರ್ ಮಾಡುತ್ತೇವೆ. ನಾನು ಅಡುಗೆ ಪುಸ್ತಕದಲ್ಲಿನ ‘ರುಚಿಗೆ ತಕ್ಕಷ್ಟು ಉಪ್ಪು’ ಅಂದರೆ ಎಷ್ಟು ಅಂತ ತಲೆಕೆಡಿಸಿಕೊಳ್ಳೊತ್ತಿರುವಾಗ ಅವರು ಮೂಲೆಯಲ್ಲಿ ಓಡುತ್ತಿರುವ ಇರುವೆಯನ್ನು ಹಿಡಿಯಲು ಎಷ್ಟುವೇಗದಲ್ಲಿ ಎಷ್ಟುದೂರದವರೆಗೆ ನಾಲಿಗೆ ಚಾಚಬೇಕಾದೀತು ಅಂತ ಘನಗಂಭೀರವಾಗಿ ಲೆಕ್ಕಹಾಕುತ್ತಿರುತ್ತಾರೆ.

ಕರೆಂಟು ಕೈಕೊಟ್ಟು ನಾನು ಮೊಬೈಲಿಗಾಗಿ ತಡಕಾಡುತ್ತಿರುವಾಗ ಒಮ್ಮೊಮ್ಮೆ ನನ್ನ ಪಾದಗಳಿಗೆ ರಾಯರು ಎರಗುವುದೂ ಇದೆ. ‘ಅಯ್ಯೋ… ಸತ್ತೇ ಹೋಗ್ತಿದ್ಯಲ್ಲಾ ಮರಾಯಾ…’ ಅಂತ ನಾನು ಬೈದುಕೊಂಡರೂ ರಾಯರಿಗೆ ಒಂದಿಷ್ಟೂ ಬೇಸರವಿಲ್ಲ. ಮರುದಿನ ಮತ್ತೆ ಹಾಜರ್!

ಕೀಟಭೋಜನ ಬೇಸರವಾದಾಗ ರಾಯರು ನನ್ನ ಟೇಬಲ್ ಮೇಲೆ ಹತ್ತಿ ಕೂರುವುದಿದೆ. ಕೆಲವೊಮ್ಮೆ ಲ್ಯಾಪ್ಟಾಪಿನ ಕೀಬೋರ್ಡಿನ ಮೇಲೆ ಕುಳಿತು ಸ್ಕ್ರೀನ್ನಲ್ಲಿ ನಾನು ತೆರೆದಿಟ್ಟ ವೈಜ್ಞಾನಿಕ ಪ್ರಬಂಧಗಳತ್ತ ರಾಯರು ತಮ್ಮ ಗಮನಹರಿಸುತ್ತಾರೆ. ಜೊತೆಗೆ ಹಿನ್ನೆಲೆಯಲ್ಲಿ ಹಾಡುತ್ತಿರುವ ಜಗಜಿತ್ ಸಿಂಗನ ಗಜಲುಗಳು ಅಥವಾ ಕೊಡಮಲೂರು ಜನಾರ್ಧನರ ಕೊಳಲ ದನಿಯೂ ರಾಯರಿಗೆ ಇಷ್ಟವೇನೋ ಅಂತ ನನ್ನ ಗುಮಾನಿ.

ರಾಯರು ಯಾಕೋ ಸ್ವಲ್ಪ ಸಪ್ಪೆ ಸ್ವಭಾವದವರು ಅಂತ ಅವರ ಮುಖ ನೋಡಿದಾಗಲೆಲ್ಲಾ ನನಗೆ ಅನ್ನಿಸುವುದಿದೆ. (ಎಷ್ಟಾದರೂ ಥಣ್ಣನೆಯ ರಕ್ತದವರು ನೋಡಿ!). ಜಗತ್ತಿನ ಸಮಸ್ತ ಸಮಸ್ಯೆಗಳನ್ನೂ ತಮ್ಮ ತಲೆಮೇಲೆ ಹೊತ್ತವರಂತೆ ಬೇಸರದ ಮುಖಮಾಡಿದ್ದಾರೇನೋ ಅಂತ ನನ್ನನಿಸಿಕೆ. ಅಥವಾ ತನ್ನ ಸಂತತಿ ಕ್ಷೀಣಿಸುತ್ತಿರುವುದಕ್ಕೆ ಅವರಿಗೆ ಬೇಸರವಿದ್ದರೂ ಇರಬಹುದು.

ತಲೆತುಂಬ ಇವರಂತ ಕಪ್ಪೆಗಳನ್ನೇ ತುಂಬಿಕೊಂಡ ಮನುಷ್ಯರು ಈ ಮಂಡೂಕರಾಯರಿಗೆ ಏನೇನೋ ಉದ್ದುದ್ದದ ವೈಜ್ಞಾನಿಕ ಹೆಸರಿಟ್ಟಿದ್ದಾರೆ. ಕುಟುಂಬ, ಕುಲ ಅಂತೆಲ್ಲ ರಾಯರ ಬಂಧುಗಳನ್ನು ಬೇರೆಮಾಡುತ್ತಿದ್ದಾರೆ. ಆದರೆ ರಾಯರಿಗೆ ಇದರ ಪರಿವೆಯಿದ್ದಂತಿಲ್ಲ. ಅವರು ಜಾತ್ಯತೀತರು. ತಾವಾಯ್ತು ತಮ್ಮ ಹುಳವಾಯ್ತು ಅಂತ ಇದ್ದುಬಿಡುವವರು.

ಮಂಡೂಕರಾಯರಿಗೆ ಸಮಯವಿದ್ದಾಗ ನನ್ನ ಕ್ಯಾಮೆರಾಕ್ಕೆ ಬಗೆಬಗೆಯ ಭಂಗಿಯಲ್ಲಿ ಹೀಗೆಲ್ಲಾ ಫೋಸು ಕೊಡುತ್ತಾರೆ. ಕೆಲವೊಮ್ಮೆ ಮುನಿಸಿ ಮುಖ ತಿರುಗಿಸುವುದೂ ಇದೆ. ಇವತ್ಯಾಕೋ ರಾಯರ ಮೂಡು ಚೆನ್ನಾಗಿತ್ತೇನೋ, ಅತ್ತಿತ್ತ ತಿರುಗಿ, ಕುತೂಹಲದಿಂದ ಕ್ಯಾಮೆರಾ ಲೆನ್ಸಿಗೆಲ್ಲಾ ಮೂತಿ ತಾಕಿಸಿ ಸ್ಪೈಡರ್ ಮ್ಯಾನ್ನಂತೆ ಫೋಸು ಕೊಟ್ಟರು.
ಥ್ಯಾಂಕ್ಸ್ ರಾಯರೇ!

ಮೊನ್ನೆ ಊರಿಗೆ ಹೋಗಿದ್ದಾಗ ಮತ್ತದೇ ಮಂಡೂಕರಾಯರು ಸಿಕ್ಕಿದ್ದರು. ನೀನು ಊರು ಬಿಟ್ಟರೂ ನಾನು ಬಿಟ್ಟಿಲ್ಲ ನೋಡು ಎನ್ನುವಂತೆ ಸಂಭ್ರಮದಿಂದ ಸುತ್ತೆಲ್ಲ ಕುಣಿದು ಕುಪ್ಪಳಿಸಿದರು. ‘ಪುರುಸೊತ್ತಿಲ್ಲ ಮಾರಾಯಾ… ಇದು ನಮ್ಮ ಬ್ರೀಡಿಂಗ್ ಸೀಸನ್ ಬೇರೆ, ಹಳ್ಳಿಯಲ್ಲಿದ್ದವರ ಕಷ್ಟ ನಿನಗೆ ಗೊತ್ತಲ್ಲ… ಇನ್ನೂ ಹುಡುಗಿ ಸಿಕ್ಕಿಲ್ಲ…’ ಎಂದು ಜೋರಾಗಿ ವಟಗುಟ್ಟುತ್ತಾ ಮಂಡೂಕರಾಯರು ಹತ್ತಿರದ ಹಳ್ಳಕ್ಕೆ ಹಾರಿಕೊಂಡರು!

~

ಎರಡು ಸಾವಿರದ ಹದಿನೈದರ ಫೆಬ್ರವರಿಯ ಒಂದು ದಿನ ಮಧ್ಯಪ್ರದೇಶದ ಖಂಡ್ವಾ ಜಿಲ್ಲೆಯ ‘ಬಾಗಡಾ’ ಎಂಬ ಬುಡಕಟ್ಟು ಹಳ್ಳಿಯ ಹತ್ತಿರದ ತೇಗದ ಕಾಡಿನಲ್ಲಿದ್ದೆ. ಮುಂಜಾವಿನ ನಾಲ್ಕೂವರೆಯ ಚುಮುಚುಮು ಚಳಿಯಲ್ಲಿ ನಡುಗುತ್ತ ಕಾಡು ಸೇರಿದರೆ ಗಂಟೆ ಹತ್ತಾಗುವಷ್ಟರಲ್ಲಿ ತಡೆಯಲಾರದಷ್ಟು ಬಿರುಬಿಸಿಲು. ನನ್ನ ಗೂಬೆಗೂಡಿದ್ದ ಮರದಿಂದ ಮಾರುದೂರದಲ್ಲಿ ಮರೆಮಾಡಿ ಎಂದಿನಂತೆ ಕುಳಿತೆ. ಅವತ್ತು ಎಂಟೂವರೆಗೆ ಗೂಬೆಯ ಉಪಾಹಾರ-ಒಂದು ಇಲಿಯ ಬಲಿ. ವಿಲವಿಲ ಒದ್ದಾಡುತ್ತಿದ್ದ ಮೂಷಿಕನ ಹೊಟ್ಟೆಗೆ ತನ್ನ ಮೂತಿ ತಾಗಿಸಿ, ಕರುಳನ್ನೆಲ್ಲ ಹೊರಗೆಳೆದು ಮ್ಯಾಗೀ ನೂಡಲ್ಸ್ ಥರ ತಿನ್ನಲಿದ್ದಾನೆಂದು ಲೆಕ್ಕ ಹಾಕಿಕೊಂಡು ಕ್ಯಾಮರಾ ತಿರುಗಿಸಿದೆ. ನನ್ನ ಸಣ್ಣ ಅಲುಗಾಟವೂ ಅದಕ್ಕೆ ಗೊತ್ತಾಗಿ, ಥಟ್ಟನೇ ನನ್ನತ್ತ ತಿರುಗಿ, ಅಚೀಚೆ ಮುಖ ತಿರುಗಿಸಿ, ಗೂಬೆ ಮಹಾಶಯ ನನ್ನತ್ತ ಅನುಮಾನದ ದೃಷ್ಟಿಯನ್ನು ಬೀರಿದ. ಇದು ದಿನವೂ ಹೀಗೆ ಬಂದು ಕೂರುವ ನಿರುಪದ್ರವಿ ಮನುಷ್ಯನೆಂದು ಗೊತ್ತಾದ ಮೇಲೆ, ಇಲಿಯನ್ನು ಪೂರಾ ಕೊಂದು ಅರ್ಧಂಬರ್ಧ ತಿಂದು, ಉಳಿದಿದ್ದನ್ನು ಹತ್ತಿರದ ಮರದ ಪೊಟರೆಯೊಳಕ್ಕಿಟ್ಟು ಬಂದ. ಅಲ್ಲೇ ಪಕ್ಕದ ಕೊಂಬೆಯೊಂದರ ಮೇಲೆ ಕುಳಿತು, ‘ಕುಹೂ..ಕುಹೂ’ ಎಂದು (ಈ ಗೂಬೆ ಕೂಗೋದು ಹಾಗೇ!) ತನ್ನ ಮೃದುಮಧುರ ದನಿಯಲ್ಲಿ ಹೆಣ್ಣುಹಕ್ಕಿಗಾಗಿ ಕೂಗರೆದ. ದನಿ ಕೇಳಿಬಂದ ಗೂಬಕ್ಕ ಮೊದಲು ಪೊಟರೆಯೊಳಗೆ ಹೊಕ್ಕಿ, ಬಳುಕುತ್ತ ಅತ್ತಿತ್ತ ನೋಡಿ, ಒಳಗಿದ್ದ ಇಲಿಯ ಹೆಣವನ್ನು ಹೊರಗೆಳೆದು ತಂದು ಚಪ್ಪರಿಸುತ್ತಾ ಉಡುಗೊರೆಯ ಉಪಾಹಾರವನ್ನು ಸ್ವೀಕರಿಸಿದಳು. ತನ್ನ ಪ್ರೇಮನಿವೇದನೆ ಹೀಗೆ ಸ್ವೀಕೃತವಾಗಿದ್ದರಿಂದ ಖುಷಿಯಾದ ಗೂಬೆರಾಯ ಅವಳ ಪಕ್ಕದಲ್ಲೇ ಕುಳಿತು ಇನ್ನಷ್ಟು ಕೂಗಿ ಸಂಸಾರ ಸಂಗೀತ ಹಾಡತೊಡಗಿದ! ಮುಂದೆ ನಡೆದ ಗೂಬೆಗಳ ಮಿಲನ ಮಹೋತ್ಸವದ ವಿವರಣೆಗಳನ್ನೆಲ್ಲ ಇಲ್ಲಿ ಸೆನ್ಸಾರ್ ಮಾಡಲಾಗಿದೆ!

ಮಧ್ಯಾಹ್ನದ ಹೊತ್ತಿಗೆ ಬಾಟಲಿಯ ನೀರೆಲ್ಲ ಖಾಲಿಯಾಗಿ, ಕ್ಯಾಮರಾದ ಮೆಮೋರಿಕಾರ್ಡು ಭರ್ತಿಯಾದ ಮೇಲೆ ವಾಪಸ್ಸು ಮನೆಗೆ ಹೋಗೋಣವೆಂದು, ಇನ್ನೊಂದು ಗೂಬೆಯ ಹಿಂದೆ ಬಿದ್ದಿದ್ದ ನನ್ನ ಸಹಾಯಕ ಬಾಬೂಲಾಲನನ್ನು ಕರೆದೆ. ಜೀಪ್ ಹತ್ತಿ, ದಾರಿಯಿಲ್ಲದ ಕಾಡೊಳಗೆ ಹಳ್ಳ ಗುಡ್ದಗಳನ್ನೆಲ್ಲ ದಾಟಿಕೊಂಡು ಊರಿನ ರಸ್ತೆ ಸಿಗುವವರೆಗೂ ಗೂಬೆಗಳ ಪ್ರಣಯ ಪ್ರಸಂಗವನ್ನು ಒಂಚೂರು ಹೆಚ್ಚೇ ಒಗ್ಗರಣೆ ಹಾಕಿ ಅವನಿಗೆ ವಿವರಿಸಿದೆ. ಇಪ್ಪತ್ನಾಲ್ಕಕ್ಕಾಗಲೇ ಮೂರು ಮದುವೆಯಾಗಿ ನಾಲ್ಕು ಮಕ್ಕಳ ಅಪ್ಪನಾಗಿದ್ದ ಕೊರ್ಕು ಬುಡಕಟ್ಟಿನ ಬಾಬೂಲಾಲ ನನ್ನ ಸಂಭ್ರಮ ಕಂಡು, “ನೀನು ಹೀಗೇ ದಿನಾ ಕಾಡಲ್ಲಿ ಗೂಬೆಗಳನ್ನ ನೋಡ್ತಾ ಕೂರೂ ಬದಲು, ಬೇಗ ಒಂದು ರೆಕ್ಕೆಗಳಿಲ್ಲದ ಗೂಬೆ ಹುಡುಕಿಕೋ ಮಾರಾಯಾ” ಅಂತ ಕಾಲೆಳೆದ. ಆಗಷ್ಟೇ ಮುಖ್ಯರಸ್ತೆ ಸಿಕ್ಕ ಖುಷಿಯಲ್ಲಿ ಗೇರು ಬದಲಿಸುತ್ತಿದ್ದ ನಾನು ರಸ್ತೆಯ ಮೇಲೇನೋ ಹಸಿರು ಕಂಡಂತಾಗಿ ಬ್ರೇಕಿನ ಮೇಲೆ ಕಾಲೊತ್ತಿದೆ.

ಇಳಿದು ನೋಡಿದರೆ ಈ ಊಸರವಳ್ಳಿ!

ಅದು ಹೆಜ್ಜೆಯ ಮೇಲೆ ಹೆಜ್ಜೆಯನಿಡುತ್ತಾ, ಕಣ್ಣುಗಳನ್ನತ್ತಿತ್ತ ತಿರುಗಿಸುತ್ತಾ, ಬಾಲ ಮುದುರಿಕೊಂಡು, ಹಗೂರಕ್ಕೆ ರಸ್ತೆ ದಾಟಿ, ಹಸಿರು ಹುಲ್ಲಿನ ಹಾಸಿನಲ್ಲಿ ಮರೆಯಾಗುವವರೆಗೂ ನಾನು ಅಲ್ಲೇ ಅಡ್ದಡ್ಡ ಮಲಗಿಕೊಂಡು ಒಂದಿಷ್ಟು ಫೋಟೋ ಕ್ಲಿಕ್ಕಿಸಿಕೊಂಡೆ. ಪುಣ್ಯಾತ್ಮ ನನ್ನೆದುರು ಬಣ್ಣ ಬದಲಿಸಲೇ ಇಲ್ಲ…

ಪ್ರಸನ್ನ ಆಡುವಳ್ಳಿ

ಊರು ಚಿಕ್ಕಮಗಳೂರು ಜಿಲ್ಲೆಯ ಆಡುವಳ್ಳಿ. ಸದ್ಯ ಭೋಪಾಲ ನಿವಾಸಿ. ಪ್ರತಿಭಾವಂತ ಲೇಖಕ, ಸಂಶೋಧಕ. ತಮ್ಮ ಆಸಕ್ತಿಯ ಸಂಶೋಧನೆಯ ವಿಷಯಗಳನ್ನು ಸುಲಲಿತವಾಗಿ ಬರೆಯಬಲ್ಲವರು. ಈ ಹಿಂದೆ ಪಶ್ಚಿಮ ಘಟ್ಟಗಳ ಆನೆಗಳ ಬಗ್ಗೆ, ಮಧ್ಯಭಾರತದ ಗೂಬೆಗಳ ಬಗ್ಗೆ ಅಧ್ಯಯನ ಮಾಡಿದ್ದಿದೆ. ಪ್ರಸ್ತುತ ಭಾರತೀಯ ವಿಜ್ಞಾನ ಶಿಕ್ಷಣ ಹಾಗೂ ಸಂಶೋಧನಾ ಸಂಸ್ಥೆಯಲ್ಲಿ ಈಶಾನ್ಯ ಭಾರತದ ಜೀವವೈವಿಧ್ಯತೆಯ ವಿಕಾಸದ ಬಗ್ಗೆ ಅಧ್ಯಯನ. ಅವರ ಇದುವರೆಗಿನ ಅಧ್ಯಯನಾಸಕ್ತಿಗಳಲ್ಲಿ ಎರಡು ಬಗೆ. ಒಂದು ವಿಕಾಸವಾದ-ಜೀವವೈವಿಧ್ಯದ ಕುರಿತಾದ ಮೂಲ ವಿಜ್ಞಾನದ ಸಂಶೋಧನೆ, ಮತ್ತೊಂದು ಈ ಮಾಹಿತಿಯನ್ನು ಬಳಸಿಕೊಂಡು ಪರಿಸರ-ಜೀವವೈವಿಧ್ಯದ ಸಂರಕ್ಷಣೆ. ವನ್ಯಜೀವಿ ಸಂರಕ್ಷಣೆ, ವ್ಯಂಗ್ಯಚಿತ್ರ ಹಾಗೂ ಕೃಷಿ ಆಸಕ್ತಿಯ ವಿಷಯಗಳು. ಬಹುತೇಕ ಸಂಶೋಧನೆ-ಸಂರಕ್ಷಣೆಗಳಿಗಾಗಿ ತಿಂಗಳುಗಟ್ಟಲೆ ಕಾಡಿನಲ್ಲಿ ಅಲೆಯುವುದಿದೆ. ಪ್ರಯೋಗಾಲಯದಲ್ಲಿ ಡಿಎನ್ಎಯನ್ನು ಹೊರಗೆಳೆಯುವುದಿದೆ.

Share

2 Comments For "ಮನೇಲಿ ಮಂಡೂಕ ಮಹಾಶಯ; ಕಾಡಲ್ಲಿ ಗೂಬೆರಾಯ!
ಪ್ರಸನ್ನ ಆಡುವಳ್ಳಿ
"

  1. Pramod Patil
    29th December 2017

    tumba channagide ….:-)

    Reply
  2. Pramod Patil
    29th December 2017

    Ninna Gulb Jamun kathe nu Post madu….

    Reply

Leave a comment

Your email address will not be published. Required fields are marked *

Recent Posts More

  • 11 hours ago No comment

    ಲವ್ ವಿದ್ ಫಸ್ಟ್ ಬುಕ್

      ಆ ದಿನ ಶಾಲಾ ಗ್ರಂಥಾಲಯದಲ್ಲಿ ಪುಸ್ತಕಗಳನ್ನು ತಡಕಾಡುತ್ತಿದ್ದ ನನಗೆ ವಿಶೇಷ ಪುಸ್ತಕವೊಂದು ಸಿಕ್ಕಿಬಿಟ್ಟಿತ್ತು. ಹೈಸ್ಕೂಲು ದಿನಗಳವು. ಆಗ ಸಾಹಿತ್ಯದ ಓದು ಹಾಗಿರಲಿ, ಸಾಮಾನ್ಯ ಓದೂ ಕೂಡ ಅಷ್ಟೇನೂ ಗಂಭೀರವಾಗಿ ಸಾಗುತ್ತಿರಲಿಲ್ಲ. ಓದಿನ ಹವ್ಯಾಸವು ಒಂದಷ್ಟಿದ್ದರೂ ಹೊಸ ಹೊಸ ವಿಷಯಗಳ ಪುಸ್ತಕಗಳನ್ನು ಹುಡುಕಿಕೊಂಡು ಹೋಗುತ್ತಿದ್ದ, ಈ ಬಗ್ಗೆ ಮಾಹಿತಿಯಿದ್ದ, ಓದಲು ಪರಿತಪಿಸುತ್ತಿದ್ದ ದಿನಗಳೇನೂ ಅದಾಗಿರಲಿಲ್ಲ. ಹೀಗಾಗಿ ಓದಿನ ವಿಚಾರಕ್ಕೆ ಬಂದರೆ ಅವುಗಳನ್ನು ನನ್ನ ಆರಂಭದ ದಿನಗಳೆಂದೇ ಹೇಳಬೇಕು. ರಜಾದಿನಗಳಲ್ಲಿ ...

  • 1 day ago No comment

    ಮೋದಿ ಮಾತಾಡಲಿಲ್ಲ

    ಎಷ್ಟೋ ಜೀವಗಳ ಸಂಕಟಕ್ಕೆ, ರೋದನಕ್ಕೆ ಕುರುಡಾಗುವ ಮನ ಕರಗದ ನಡೆಯು ಇನ್ನೆಂಥ ದಿನಗಳತ್ತ ದೂಡೀತೊ ಈ ದೇಶವನ್ನು ಎಂಬ ಪ್ರಶ್ನೆಯೇ ಬೃಹದಾಕಾರದ್ದು.   ಕತುವಾ ಅತ್ಯಾಚಾರ ಪ್ರಕರಣದಲ್ಲಿ ಎಂಟರ ಬಾಲೆಯ ದಾರುಣ ಸಾವಾಯಿತು. ಅದೊಂದು ತೀರಾ ಸಾಧಾರಣ ಘಟನೆಯಾಗಿರಲಿಲ್ಲ. ಅತ್ಯಂತ ಬರ್ಬರವಾದ ಆ ಘಟನೆ ಧರ್ಮ, ರಾಜಕೀಯ ಮತ್ತು ಅಧಿಕಾರದ ಮತ್ತಿನಲ್ಲಿ ನಡೆದದ್ದಾಗಿತ್ತು ಮತ್ತು ಆ ಮಗುವಿನ ಸಾವಿನ ಬಳಿಕವೂ ಅಮಾನವೀಯತೆಯೇ ಉದ್ದಕ್ಕೂ ಕಂಡುಬಂತು. ದೇಶವೇ ಬೆಚ್ಚಿಬಿದ್ದಿತ್ತು. ಆದರೆ ...

  • 2 days ago No comment

    ಇವರನ್ನು ನೋಡಿ…

    ನಡುವಯಸ್ಸಲ್ಲೇ ನಡುಮುರಿದವರಂತಾಗಿ ಒದ್ದಾಡುವವರ ಕಾಲ ಇದು. ಅತ್ಯಂತ ಕೆಟ್ಟ ಜೀವನಶೈಲಿಯೂ ಸೇರಿದಂತೆ ನೂರೆಂಟು ಅಪಸವ್ಯಗಳ ಪರಿಣಾಮವಾಗಿ ಬದುಕನ್ನು ಹಾಳುಮಾಡಿಕೊಳ್ಳುತ್ತಿರುವ ನಮ್ಮ ನಡುವೆಯೇ ಸುಂದರ ಬದುಕು ನಡೆಸಿಕೊಂಡು ಬಂದು ಈಗಲೂ ಅದೇ ಸಡಗರದಲ್ಲಿ ಬದುಕುತ್ತಿರುವವರ ಆದರ್ಶವೂ ಇದೆ. ಇವರನ್ನು ನೋಡಿ ನಾವು ಕಲಿಯುವುದೂ ಬಹಳವಿದೆ. ಮಸ್ತಾನಮ್ಮ ಆಂದ್ರಪ್ರದೇಶದ ಈ ಅಜ್ಜಿ ನಿಮಗೆಲ್ಲ ಗೊತ್ತೇ ಇರುತ್ತಾರೆ. ಅಡುಗೆ ಶೋನಿಂದಾಗಿ ಖ್ಯಾತರಾಗಿರುವ ಇವರಿಗೆ ಈಗ ನೂರು ವರ್ಷ. ಜಗತ್ತಿನ ಅತ್ಯಂತ ಹಿರಿಯ ಯೂಟ್ಯೂಬರ್ ...

  • 2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...


Editor's Wall

  • 18 April 2018
    2 days ago One Comment

    ಕಾದಂಬಿನಿ ಕಾಲಂ | ಈ ಮೂಲಭೂತವಾದಿಗಳು ಹೀಗೇಕೆ?

                      ಧಾರ್ಮಿಕ ಮೂಲಭೂತವಾದವು ಭಾಗಶಃ, ಮೆದುಳಿನ ಪ್ರಿಫ್ರಂಟಲ್ ಕಾರ್ಟೆಕ್ಸ್ ಎಂದು ಕರೆಯಲ್ಪಡುವ ಭಾಗವು ದುರ್ಬಲವಾಗಿ ಕಾರ್ಯನಿರ್ವಹಿಸುವ ಪರಿಣಾಮವಾಗಿದೆ. ಈ ಪ್ರಿಫ್ರಂಟಲ್ ಕಾರ್ಟೆಕ್ಸ್ ನ ಕೆಲ ಭಾಗಗಳಿಗೆ ಹಾನಿಯುಂಟಾಗಿರುವುದರಿಂದ ಅರಿವಿನ ನಮ್ಯತೆ ಮತ್ತು ಮುಕ್ತತೆಯನ್ನು ಕಡಿಮೆ ಮಾಡುವ ಮೂಲಕ ಧಾರ್ಮಿಕ ಮೂಲಭೂತವಾದವನ್ನು ಉತ್ತೇಜಿಸುತ್ತದೆ.   ವಿಚಾರ ಮಾಡಲೊಲ್ಲದವ ಮತಾಂಧ ವಿಚಾರಮಾಡಲರಿಯದವ ಮೂರ್ಖ ವಿಚಾರ ಮಾಡಲಂಜುವವ ಗುಲಾಮ (ಅಂಬೇಡ್ಕರ್ ಅವರ ...

  • 18 April 2018
    2 days ago No comment

    ಅಧಿಕ ಪ್ರಸಂಗ | ಹೀಗೊಂದು ಕ್ಲೀನಿಂಡಿಯಾ ನಾಟಕ

    ಬ್ಯಾಸ್ಗೆ. ಎಕ್ಸಾಮುಗಳೆಲ್ಲ ಮುಗಿದು, ಇದ್ದಬದ್ದ ಒಂದೆರಡು ನೋಟುಬುಕ್ಕುಗಳನ್ನೂ ಆಗಲೇ ರದ್ದಿರೂಪದಲ್ಲಿ ಮಾರಿ ಅದಕ್ಕೆ ಪ್ರತಿಯಾಗಿ ಒಂದೆರಡು ಬಟಾಟೆ ವಡಾ ಹೊಟ್ಟೆಗಿಳಿಸಿ ಕೃತಾರ್ಥರಾಗಿರುವ ಕಾಲೇಜು ಹುಡುಗರಲ್ಲಿ ಕೆಲವರ ಗ್ಯಾಂಗು ಲಂಕೇಶರ ಪದ್ಯದಲ್ಲಿ ಬರುವ ಕರಿಯವ್ನ ಗುಡಿಯಂಥದೇ ಗುಡಿಯೆದುರಿನ ನೆಲ್ಲಿಬೇಣದಲ್ಲಿ ಬಂದು ತಾಡುವುದಿದೆ. ಆ ಬೇಣಕ್ಕೆ ಬಿಳಿಹೂಗಳ ಸಹವಾಸವಿಲ್ಲದಿದ್ದರೂ, ಹರೆಯದಾ ಬಲೆಯಲ್ಲಿ ಸಿಕ್ಕಹಾಗಿರೋ ತುಂಟ ಹುಡುಗಿಯರೂ ಆಗೀಗ ಎಂತೆಂಥದೋ ನೆವ ಹೇಳಿ ಬರುವುದಿದೆ. ಬೇಣದ ವಿಚಾರವಾಯಿತು. ಬೇಸಿಗೆ ಬಂತೆಂದರೆ ಈ ಬೇಣಕ್ಕೆ ...

  • 17 April 2018
    3 days ago No comment

    ಮೋದಿ ವಿರುದ್ಧ ಮತ್ತೊಮ್ಮೆ ಸಿನ್ಹಾ ಕಟುಟೀಕೆಯ ಹತಾರ

    ಬಿಜೆಪಿಯೊಳಗಿನ ಮತ್ತೊಂದು ಪಡೆಯ ಈ ಅಸ್ತ್ರ ದೇಶದ ಹಿತವನ್ನು ಚಿಂತಿಸುತ್ತಿದೆಯೆಂದೇನೂ ಅಲ್ಲದಿದ್ದರೂ, ಬಿಜೆಪಿಯ ಈಗಿನ ಉನ್ಮಾದಿ ಸ್ಥಿತಿಯನ್ನು ಕೊಂಚ ತಗ್ಗಿಸೀತೆಂದು ಮಾತ್ರ ನಿರೀಕ್ಷಿಸಬಹುದೇನೊ.   ಮೋದಿ, ಶಾ ಗ್ಯಾಂಗಿಗೆ ಉಡಿಯೊಳಗಿನ ಕೆಂಡವಾಗಿರುವ, ಸರ್ಕಾರದ ನಡೆಗಳನ್ನು ನಿರಂತರವಾಗಿ ಜರಿಯುತ್ತಲೇ ಬಂದಿರುವ ಹಿರಿಯ ಬಿಜೆಪಿ ನಾಯಕ ಯಶವಂತ್ ಸಿನ್ಹಾ ಈಗ ಮತ್ತೆ ಕಟುಟೀಕೆಯ ಹತಾರ ಎತ್ತಿದ್ದಾರೆ. ಮಾತ್ರವಲ್ಲ, ಬಿಜೆಪಿಯ ಸಂಸದರೆಲ್ಲ ಒಮ್ಮೆ ತಮ್ಮನ್ನೇ ತಾವು ಮುಟ್ಟಿನೋಡಿಕೊಳ್ಳಬೇಕಾದ ಜರೂರಿನ ಬಗ್ಗೆ, ಪಕ್ಷದ ಬಾಸ್‍ಗಳೆನ್ನಿಸಿಕೊಂಡು ...

  • 16 April 2018
    4 days ago No comment

    ಹೆಣ್ಣು ಹಸುಳೆ ಈ ಪರಿ ತಬ್ಬಲಿಯಾಗುವುದೆ ಈ ದೇಶದಲ್ಲಿ?

    ಅಸೀಫಾ ಪ್ರಕರಣದಲ್ಲಿ ರಕ್ಕಸರನ್ನು ರಕ್ಷಿಸಲು ಯಾವ ಹೇಸಿಕೆಯೂ ಇಲ್ಲದೆ ರಾಜಕೀಯದವರೆನ್ನಿಸಿಕೊಂಡವರು, ಅಧಿಕಾರದಲ್ಲಿದ್ದವರು ಮತ್ತು ಸ್ವಯಂಘೋಷಿತ ಧರ್ಮರಕ್ಷಕರೆಲ್ಲ ಹೇಗೆಲ್ಲಾ ಪ್ರಯತ್ನಿಸಿದರು ಎಂಬುದನ್ನು ನೋಡಿದರೆ ಸೂರತ್‍ನಲ್ಲಿ ಹೆಣವಾಗಿ ಸಿಕ್ಕ ಬಾಲೆಯ ತಬ್ಬಲಿತನ ಕರುಳನ್ನು ಇನ್ನಷ್ಟು ಹಿಂಡುತ್ತದೆ. ದೇವರು, ಧರ್ಮದ ಹೆಸರು ಹೇಳಿಕೊಂಡು ಈ ದೇಶವನ್ನು ಹರಿದು ತಿನ್ನುತ್ತಿರುವವರು ಅದೇ ದೇವರ ಎದುರಲ್ಲೇ ಪುಟ್ಟ ಕಂದನ ಮೇಲೆ ರಣಹದ್ದುಗಳಂತೆ ಎರಗಿ ಅತ್ಯಾಚಾರವೆಸಗಿ ಕೊಲೆಗೈಯುವುದು, ಆ ರಕ್ಕಸರನ್ನು ಕಾಯಲು ಅಧಿಕಾರಸ್ಥರು ಇನಿತೂ ಪಾಪಪ್ರಜ್ಞೆ ಮತ್ತು ...

  • 14 April 2018
    5 days ago No comment

    ‘ಹೆಣ್ಣನ್ನು ದಲಿತ ಗಂಡಸರು ನೋಡುವುದೂ ಲಿಂಗತರತಮದ ಕಣ್ಣಿಂದಲೇ!’

    ವ್ಯವಸ್ಥೆಯನ್ನು ಆಳುವ ಗಂಡಸರು ಮಹಿಳೆಯರನ್ನು ನೋಡುವ ದೃಷ್ಟಿ, ಅವರೆಲ್ಲ ತಾವು ಹೇಗೆ ಬೇಕಾದರೂ ಬಳಸಿಕೊಳ್ಳುವುದಕ್ಕಿರುವ ಸ್ವಂತ ಆಸ್ತಿ ಎಂಬುದೇ ಆಗಿದೆ.   “ಹೆಣ್ಣೆಂದರೆ ಲಿಂಗತರತಮ ದೃಷ್ಟಿಯಿಂದ ನೋಡುವುದರಲ್ಲಿ ದಲಿತ ಗಂಡಸರೂ ಬೇರೆ ಗಂಡಸರ ಹಾಗೆಯೇ” ಎನ್ನುತ್ತಾರೆ ಮರಾಠಿಯ ಖ್ಯಾತ ದಲಿತ ಕವಯತ್ರಿ ಪ್ರದ್ನ್ಯಾ ಪವಾರ್. ಮರಾಠಿ ಲೇಖಕ, ಆತ್ಮಕಥೆ ಬರೆದ ಮೊದಲ ದಲಿತ ಬರಹಗಾರನೆಂಬ ಹೆಗ್ಗಳಿಕೆಯಿರುವ ದಯಾ ಪವಾರ್ ಅವರ ಪುತ್ರಿ ಪ್ರದ್ನ್ಯಾ ಪವಾರ್, ‘ಲೈವ್ ಮಿಂಟ್‍’ಗೆ ಕೊಟ್ಟಿರುವ ...