Share

ಮೌನದೊಳಗಿನ ಮಾತದು ನಿನಗೂ ಕೇಳೀತು
ಮುದ್ದು ತೀರ್ಥಹಳ್ಳಿ

 

 

 

ಕವಿಸಾಲು

 

 

 

 

ಪಾಪಿ ಪದ್ಯಗಳು

ನಾನು ಒಂದು ಸುಳ್ಳು ಹೇಳಿದೆ
ನಂತರ
ಸುಳ್ಳೇ ನನ್ನನ್ನು ಹೇಳಿಸಿಕೊಂಡು ಹೋಯಿತು!

~

ಪ್ರಶ್ನೆಪತ್ರಿಕೆಯಲ್ಲಿ
“ಮೋಸ” ಎಂಬುದಕ್ಕೆ
ಅರ್ಥ ಕೇಳಿದ್ದರು
ನನಗೆ ಉತ್ತರ ಗೊತ್ತಿರಲಿಲ್ಲ
ಪ್ರ್ಯಾಕ್ಟಿಕಲ್ ಆಗಿ ಕೇಳಿದ್ದರೆ
ಮಾಡಿ ತೋರಿಸಬಹುದಿತ್ತು!!

~

ವರು
“ಸುಳ್ಳು ಹೇಳಬೇಡ” ಎಂದರು
ನಾನು ಸುಳ್ಳು ಹೇಳಲಿಲ್ಲ
ಆದರೆ
ಸತ್ಯಗಳನ್ನೆಲ್ಲ ಬಚ್ಚಿಟ್ಟೆ!

~

ವರು ದೊಡ್ಡ ದೊಡ್ಡದನ್ನೇ
ದಾನ ಮಾಡಿದರು
ಈಗವರು ಬಹುದೊಡ್ಡ ವ್ಯಕ್ತಿ!
ನಾನು ಸಣ್ಣಾತಿಸಣ್ಣ ವಿಷಯದಲ್ಲೂ
ಉಳಿತಾಯ ಮಾಡಿದೆ
ಈಗಲೂ ನಾನು
ಚಿಲ್ಲರೆಯಾಗಿಯೇ ಉಳಿದುಬಿಟ್ಟೆ..!!

~

ವರಿಗೆ
ಜೀವದ ಮೇಲೆ
ಅತಿಹೆಚ್ಚು ಪ್ರೀತಿ
ಜೀವನದ ಮೇಲಲ್ಲ!

~

ಮೊದ ಮೊದಲು
ತಪ್ಪು ಮಾಡಿದಾಗ
ನಾನು ‘ಪಶ್ಚಾತ್ತಾಪ’ ಪಡಲಿಲ್ಲ
ಈಗ ನನ್ನ ಶಬ್ದಕೋಶದಲ್ಲಿ
ಆ ಪದವೇ
ಉಳಿದಿಲ್ಲ!

~

ಪ್ರಪಂಚವೆಲ್ಲ ಉಲ್ಟಾಪಲ್ಟಿ
ಆಗಿಬಿಟ್ಟಿದ್ದರೆ
ಎಷ್ಟು ಚೆನ್ನಾಗಿರುತ್ತಿತ್ತು!
ಆಗ,
ಸಹಾಯ ಮಾಡಿದವ
ತಾನು ಮಾಡಿದುದನ್ನೆಲ್ಲ ಮರೆತಿರುತ್ತಿದ್ದ,
ಮತ್ತು ಸಹಾಯ ಪಡೆದವ
ಉಪಕಾರಗಳನ್ನೊಂದೂ ಬಿಡದೆ
ನೆನಪಿಟ್ಟುಕೊಳ್ಳುತ್ತಿದ್ದ!!

~

ಡ್ಡಿ, ಚಕ್ರಬಡ್ಡಿಗೆ ಸಾಲ ಕೊಡುತ್ತಾ
ಮರಿಮಕ್ಕಳಿಗೂ ಆಗುವಷ್ಟು
ಆಸ್ತಿ ಸಂಪಾದಿಸಿದೆ;
ಮದುವೆಯ ವಯಸ್ಸಿಗೆ ಬಂದ
ನನ್ನ ಮಕ್ಕಳಿಬ್ಬರೂ
ದುರಂತದಲ್ಲಿ ತೀರಿಹೋದರು!

~

ಲೆಕ್ಕವಿಲ್ಲದಷ್ಟು
ಪಾತಕಗಳನ್ನು ಮಾಡಿದ ನಾನು
ಕಡು ಪಾಪಿಯೇ ಸರಿ!
ಅಂಗಳದಲ್ಲಾಡುವ
ಎಳೆ ಮಗುವ ಕಂಡು ಕರುಬುತ್ತೇನೆ;
ಜೊತೆಗೆ
ಅದೆಲ್ಲಿ ದೊಡ್ಡದಾಗಿಬಿಡುತ್ತದೋ ಎಂಬ
ಆತಂಕದಿಂದ ಮರುಗುತ್ತೇನೆ!!

~

ನಾನು ಕದ್ದೆ
ಸಿಕ್ಕಿಬಿದ್ದಾಗ
ಕಳಕೊಂಡೆ!

~

ನ್ನ ಆಯಸ್ಸು
ಬಲು ದೊಡ್ಡದು ಗೊತ್ತಾ?
ನೂರುಕಾಲ ಬಾಳಿದೆ
ನರಳುತ್ತ!

~

ಹೌದು
ನಾನೊಬ್ಬ ಖದೀಮ
ಹಾಗಾಗಿಯೇ
ದೇವರಲ್ಲಿ
ಪ್ರಾರ್ಥಿಸುತ್ತೇನೆ
ಕದ್ದುಮುಚ್ಚಿ !!

~

 

 

 

 

 

 

 

 

 

 

ಗುರುತು

ಗುರುತು ಉಳಿಸಿ ಹೋಗುವಂಥದ್ದು
ಏನಾದರೂ ಮಾಡಬೇಕು
ಅವಷ್ಟೋ ಸಾಧನೆಗಳಿಲ್ಲಿ
ತಮ್ಮ ತಮ್ಮ ಗುರುತುಳಿಸಿ ಹೋಗಿವೆ
ಹಾಗೆಯೇ ಈ ಹೆಜ್ಜೆಗುರುತುಗಳ ಇಲ್ಲಿ ಊರಬೇಕು
ಅದಕ್ಕೂ ಮೊದಲು ಕಾಲುಗಳ ಗಟ್ಟಿಗೊಳಿಸಬೇಕು

ಗುರುತು ಉಳಿಸುವುದು ಒಂದಾದರೆ
ಗುರುತಿಸಿಕೊಳ್ಳುವಂಥದ್ದೂ ಮತ್ತೊಂದಿದೆ
ಅದಕೆ ಅಸಂಖ್ಯ ದಾರಿಗಳೂ ಇವೆ,
ಅದರ ತುಂಬಾ ಜನದಟ್ಟಣೆಯೂ ಇದೆ
ಜನದಟ್ಟಣೆಯಿದ್ದಲ್ಲಿ ಕಾಲ್ತುಳಿತವೂ ಇರುತ್ತದೆ

ಗುರುತು ಹಿಡಿಯುವುದೂ ಒಂದಿದೆ
ಹಂಚಿನ ಮನೆಯೊಂದು ಬಂಗಲೆಯಾದಾಗ
ಪ್ರಭಾವ ಧನ-ಕಾಂಚನ ದೊಡ್ಡದಾದ ವಾಹನ
ಇವೆಲ್ಲವಿದ್ದಲ್ಲಿ ಗುರುತು ಹತ್ತುತ್ತದೆ ಬೇಗನೆ
ಇಲ್ಲವಾದಲ್ಲಿ ಬರುವುದು ಜಾಣ ಕುರುಡು ಮರೆವು
ಅದಕ್ಕಾಗಿಯೇ ಗುರುತಿನ ಚೀಟಿಯೊಂದಿದೆ
ನೋಡಿದಾಗ ಗುರುತು ಚೀಟಿಯಲ್ಲಿನ ಭಾವಚಿತ್ರಪಟ
ನಮ್ಮನು ನಾವು ಗುರುತಿಸುವುದೇ ಕಷ್ಟ
ಇರುತ್ತದೆ ಕತ್ತಿನಲ್ಲಿ ತನ್ನ ಪಾಡಿಗೆ ನೇತಾಡುತ್ತ
ವರುಷಗಳಿಂದ ಸೆಕ್ಯುರಿಟಿಯವ ಗುರುತು ಪರಿಚಯವುಂಟು
ಆದರೂ ಗುರುತು ಚೀಟಿಯಿಲ್ಲದೆ ತೆಗೆಯುವುದಿಲ್ಲ ಗೇಟು

ಗುರುತು ಕಾರ್ಡಿನ ಅಗತ್ಯ ಯಾವಾಗಲೂ ಇರುವುದಿಲ್ಲ
ಈ ಜನ ನಮ್ಮ ಊನಗಳನ್ನೇ ಗುರುತಾಗಿಟ್ಟುಕೊಳ್ಳುತ್ತಾರೆ

ನಾನಂತೂ ಈ ಶಹರಕ್ಕೆ ಕಾಲಿಟ್ಟ ಪ್ರತಿಬಾರಿಯೂ
ಕಳೆದುಹೋಗುತ್ತಲೇ ಇರುತ್ತೇನೆ
ಎಲ್ಲರೆನ್ನುತ್ತಾರೆ ಬಿಲ್ಡಿಂಗು ಕಟೌಟುಗಳ ನೆನಪಿಟ್ಟುಕೋ
ನಾನು ನೆನಪಿಡುತ್ತೇನೆ ಆದರವು ಪ್ರತಿದಿನಕ್ಕೂ
ತಮ್ಮ ಗುರುತು ಬದಲಾಯಿಸುತ್ತವೆ!

ಈ ಗುರುತುಗಳ ಅಷ್ಟು ಸುಲಭಕ್ಕೆ ನಂಬಬೇಡಿ
ಆಳವಾದ ಗಾಯದ ಗುರುತುಗಳು
ಜೀವಮಾನಪರಿಯಂತ ಕಾಡಿಯಾವು
ಅಳಿಸಲಾಗದ ಗುರುತುಗಳು ನಮ್ಮನ್ನೇ ಅಳಿಸಿಯಾವು
ಗುರುತಿರುವವರೇ ಗುರುತುಗಳ ಮಾಡಿಯಾರು…

ಅದಕ್ಕೇ
ಗುರುತು ಪರಿಚಯವಿಲ್ಲದ
ಒಂದು ಬಯಲಲ್ಲಿ ಮನೆಮಾಡಿ
ಅಲ್ಲೊಂದು ಗುರುತುಳಿಸಿ ಹೋಗುವಾಸೆ…

~

ಮೌನ ಮಾತು

ಮಾತುಗಳೆಲ್ಲ ತೇಲುವ ಗಾಳಿಯಾಗಿ
ಮತ್ತು ಮೌನವು ಹರಿವ ನೀರಾಗಿ…
ಹರಿವ ನೀರಿಗೆ ಜುಳು ಜುಳು ರವ
ತೇಲುವ ಗಾಳಿಯದು ಸದ್ದಿರದ ನೀರವ
ಆದರೂ
ಮಾತುಗಳೆಲ್ಲ ತೇಲುವ ಗಾಳಿಯಾಗಿ
ಮೌನವು ಹರಿವ ನೀರಾಗಿ…

ಹಾಡಿದ್ದು ಖುಷಿಯಲ್ಲಿ ಕೇಕೆಹಾಕಿ ಕಿರುಚಾಡಿದ್ದು
ಮಂದಾನಿಲವಾಗಿ ಕಚಗುಳಿಯಿಡುವಂತೆ
ಪಿಸುಗುಟ್ಟಿದ್ದು
ಮಾತನಾಡಿದ್ದು, ಭಾಷಣ ನೀಡಿದ್ದು
ಅನಂತದ ಸಂದೇಶವಿಟ್ಟು ದಿಗಂತದೆಡೆಗೆ ತೇಲಿ
ಮತ್ತೊಂದಷ್ಟು ಬಿರುಗಾಳಿ, ಸುಂಟರಗಾಳಿಯಾಗಿ
ಮನೆ ಮಠಗಳ ಮರಗಿಡಗಳ ಬುಡಹತ್ತ ಕಿತ್ತು ಚೆಲ್ಲಾಡಿ
ಗಾಳಿಯಲಿ ಊರು ಕೇರಿ ತಿರುಗುವುದು..

ಹರಿವ ನೀರನು ತಂದು ಎಲ್ಲಿ ಸುರಿದರೂ
ಅದರದೇ ಆಕಾರವ ತಳೆವುದು
ಮೌನವೊಮ್ಮೆ ಸಮ್ಮತಿಯ ಲಕ್ಷಣವಾಗಿ
ತಾಳ್ಮೆಯಾಗಿ ತ್ಯಾಗವಾಗಿ, ಒಲವಾಗಿ ಬಲವಾಗಿ
ಕ್ಷಮೆಯಾಗಿ ಭ್ರಮೆಯಾಗಿ, ಕೊನೆಗೊಮ್ಮೆ ಸಾವಾಗಿ
ಪರಿತಪಿಸುವ ಪಶ್ಚಾತ್ತಾಪವಾಗಿ
ಕರುಣೆಯಾಗಿ ಕಣ್ಣೀರಾಗಿ..

ಒಮ್ಮೊಮ್ಮೆ ಬಿಸಿಯಾಗಿ,
ಯಾರಿಗೂ ಕೇಳದಂತೆ ಕೊತಕೊತ ಕುದಿದು
ಮತ್ತೊಮ್ಮೆ ಚೂರಿಯಾಕಾರದ ಅಚ್ಚೊಳಗೆ
ಘನವಾಗಿ ಮಂಜುಗಡ್ಡೆಯಾಗಿ
ಆಯುಧವಾಗಿ ತಿವಿಯಲೂಬಹುದು
ಅದೇ ಮಂಜುಗಡ್ಡೆ
ನೋವ ಶಮನಗೊಳಿಸಲೂ ಬಹುದು

ನನ್ನಲ್ಲೀಗ
ಗುಟುಕರಿಸಿದ ಹರಿವು ಒಳಗೆ
ನಿಡುಸುಯ್ದ ಗಾಳಿ ಹೊರಗೆ

~

ನಾನು ಮೌನವಾಗಿದ್ದೇನೆ

ನಾನು ಮೌನವಾಗಿದ್ದೇನೆ
ಎಂದರದರರ್ಥವಲ್ಲ ಮಾತಾಡುತ್ತಿರುವ ನೀನು
ಹೇಳುತ್ತಿರುವುದಷ್ಟೇ ಸತ್ಯವೆಂದು

ನಾನು ಮೌನವಾಗಿದ್ದೇನೆ
ಎಂದರದರರ್ಥವಲ್ಲ ನನ್ನಲ್ಲಿ
ಜ್ಯೋತಿ ಬೆಳಗುವುದಿಲ್ಲವೆಂದು

ನಾನು ಮೌನವಾಗಿದ್ದೇನೆ
ಎಂದರದರರ್ಥವಲ್ಲ ನನ್ನೆದೆಯೊಳಗೆ
ಕತ್ತಿ ಕೂರ್ದಸಿಗಳ ಮಸೆದಿರಿಸಿಕೊಂಡಿದ್ದೇನೆಂದು

ನಾನು ಮೌನವಾಗಿದ್ದೇನೆ
ಎಂದರದರರ್ಥವಲ್ಲ ನಾನು
ಕೇವಲ ಒಂದು ಶೂನ್ಯವೆಂದು

ನಾನು ಮೌನವಾಗಿದ್ದೇನೆ
ಎಂದರದರರ್ಥವಲ್ಲ ನನ್ನೆದೆ
ಪಸೆಯಿಲ್ಲದ ಬರಡು ಬೆಂಗಾಡೆಂದು

ನಾನು ಮೌನವಾಗಿದ್ದೇನೆ
ಎಂದರದರರ್ಥವಲ್ಲ ನನಗೆ
ಮಾತೇ ಬಾರದೆಂದು

ನಾನು ಮೌನವಾಗಿದ್ದೇನೆ
ಯಾಕೆಂದರೆ ನೀನು ಮಾತನಾಡುತ್ತಿದ್ದೀಯಾ
ಮತ್ತು ಕಲ್ಲಿಗೆ ಕಲ್ಲು ತಾಕಿ ಜ್ವಾಲೆಯೇಳುವುದೆಂದು

ನಾನು ಮೌನವಾಗಿದ್ದೇನೆ
ಕ್ಷಣಕಾಲ ನೀನೂ ಮೌನವಾಗು
ಮೌನದೊಳಗಿನ ಮಾತದು ನಿನಗೂ ಕೇಳೀತು ಎಂದು!

ಮುದ್ದು ತೀರ್ಥಹಳ್ಳಿ

ಕಾನೂನು ವಿದ್ಯಾರ್ಥಿನಿ. ಕನ್ನಡ, ಕೊಂಕಣಿ ಭಾಷೆಗಳಲ್ಲಿ ಬರೆಯುತ್ತಾರೆ. ಕಾಡ ಹಾದಿಯ ಹೂಗಳು, ಒಂದು ಚಂದ್ರನ ತುಂಡು, ಕಾನನ ಕಲರವ, ಎಷ್ಟು ಬಣ್ಣದ ಇರುಳು ಹಾಗೂ ಹೂ ಗೊಂಚಲು ಇವರ ಕನ್ನಡ ಕೃತಿಗಳು. ‘ಕಾಡ ಹಾದಿಯ ಹೂಗಳು’ ಕಾದಂಬರಿ ಅದೇ ಹೆಸರಲ್ಲಿ ಚಲನಚಿತ್ರವಾಗಿದೆ. ಕೊಂಕಣಿಯ ನಮಾನ್ ಬಾಳೋಕ್ ಜೆಜು ಪತ್ರಿಕೆಗೆ ಕಳೆದ ನಾಲ್ಕು ವರ್ಷಗಳಿಂದ ಅಂಕಣ ಬರೆಯುತ್ತಿದ್ದಾರೆ. ‘ಮಂದಾನಿಲ’ ಎಂಬ ಪತ್ರಿಕೆಯನ್ನು ಐದು ವರ್ಷ ನಡೆಸಿದವರು. ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ (ಕಲಬುರ್ಗಿ ಹತ್ಯೆ ಖಂಡಿಸಿ ಈ ಪ್ರಶಸ್ತಿಯನ್ನು ಮರಳಿಸಿದ್ದಾರೆ), ಕಾವ್ಯಾನಂದ ಪ್ರಶಸ್ತಿ, ಕನ್ನಡ ಸಾಹಿತ್ಯ ಪರಿಷತ್ತಿನ ಅರಳು ಪ್ರಶಸ್ತಿ, ಜ್ಯೋತಿ ಪುರಸ್ಕಾರ ಹಾಗೂ ಶಾರದಾ ಆರ್ ರಾವ್ ಮತ್ತು ಕರಿಯಣ್ಣ ದತ್ತಿ ಪ್ರಶಸ್ತಿಗಳು, ಬೇಂದ್ರೆ ಗ್ರಂಥ ಬಹುಮಾನ, ಅರಳು ಮೊಗ್ಗು ಪ್ರಶಸ್ತಿ, ಕನ್ನಡಶ್ರೀ ಪ್ರಶಸ್ತಿ, ಅಡ್ವೈಸರ್ ಪ್ರಶಸ್ತಿ ಬಂದಿವೆ.

Share

Leave a comment

Your email address will not be published. Required fields are marked *

Recent Posts More

  • 1 week ago No comment

    ನಮ್ಮ ಕಣ್ಣುಗಳೇಕೆ ಭಾರವಾಗುತ್ತಿವೆ?

          ಕವಿಸಾಲು           ತಿರುಕನ ಕನಸಲ್ಲ ನನ್ನದು ತಿರುಕನಲ್ಲ ಕಣ್ರಿ ನಾನು ನಿಮ್ಮ ಮರುಕ ಗಿರುಕ ಎಲ್ಲಾ ನನಗೆ ಹಿಡಿಸಲ್ಲ ಅವ್ರು ಕೋಟೆ ಕಟ್ಟಿ ನ್ಯಾಯ ನೀತಿಗಳ ತಮ್ಮಲ್ಲೆ ಬಚ್ಚಿಟ್ಟು ಒಳಗೆ ಬೆಚ್ಚಗೆ ಕೂತಿರಬಹುದು ನ್ಯಾಯಕ್ಕೆ ಕನ್ನ ಹಾಕೋ ನಾನು ತಿರುಕ ಹೇಗೆ ಆಗಬೇಕು? ತಿರುಕನದೇನೋ ಕನಸಿತ್ತು ನನ್ನದು ಕೂಡಾ ಕನಸೆಂದು ಆ ಕೋಟೆ ಒಳಗಿರುವವರು ಕನವರಿಸುತ್ತಿರಬಹುದು ಬೂದಿ ಮುಚ್ಚಿದ ...

  • 2 weeks ago No comment

    ಕೊಂಕಣಿ ಪ್ರತಿಭೆಯನ್ನರಸಿ ಕರ್ನಾಟಕಕ್ಕೆ ಬಂದ ಪ್ರಶಸ್ತಿ

        ಅತಿಥಿ           ಈ ಬಾರಿ ಕರ್ನಾಟಕವು ಎರಡು ಕೇಂದ್ರ ಸಾಹಿತ್ಯ ಅಕಾಡೆಮಿ ಯುವ ಪುರಸ್ಕಾರಗಳನ್ನು ತನ್ನ ಮಡಿಲಿಗೆ ಹಾಕಿಕೊಂಡಿತು ಎಂದರೆ ಅಚ್ಚರಿಯಾಗಬಹುದು. ಆದರೂ ಇದು ಸತ್ಯ. ಪ್ರಮಾದವೇನಾದರೂ ಆಯಿತೇ? ಒಂದೇ ಪುರಸ್ಕಾರವನ್ನು ಇಬ್ಬರಿಗೆ ಹಂಚಿರಬಹುದೇ? ಎಂದೆಲ್ಲ ಯೋಚಿಸಿ ತಲೆ ಕೆರೆದುಕೊಳ್ಳುತ್ತಿದ್ದೀರಾ? ಇಲ್ಲಿದೆ ನೋಡಿ ಉತ್ತರ. ಕನ್ನಡಕ್ಕೆ 2018ರ ಕೇಂದ್ರಸಾಹಿತ್ಯ ಅಕಾಡೆಮಿಯ ಯುವ ಪುರಸ್ಕಾರ ಘೋಷಣೆಯಾದಾಗಲೇ ಕರ್ನಾಟಕದ ಕೊಂಕಣಿ ಕವಯತ್ರಿ ವಿಲ್ಮಾ ...

  • 2 weeks ago No comment

    ಸಾಹಸದ ಆ ನಿಮಿಷಗಳು

            ಮೊದಲ ಬಾರಿಯಾದ್ದರಿಂದ ಕೆಲವೇ ನಿಮಿಷಗಳ ಈ ಜಿಗಿತದ ರೋಚಕತೆ ಒಂದು ತಿಂಗಳ ಕಾಲ ನನ್ನನ್ನು ಆವರಿಸಿದ್ದು ಸುಳ್ಳಲ್ಲ.         ಬ್ಯಾಂಕರುಗಳು, ಅಕೌಂಟೆಂಟುಗಳು ವರ್ಷದ ಮೊದಲಿಂದ ಹಿಡಿದು ಮಾರ್ಚಿ ತಿಂಗಳವರೆಗೆ ಭಾರೀ ಬ್ಯುಸಿಯಾಗುವಂತೆ ಇಂಗ್ಲೆಂಡಿನ ಸರ್ಕಾರೀ ದಂತ ವೈದ್ಯಕೀಯ ರಂಗದಲ್ಲೂ ಧಾವಂತ ಕಾಣಿಸಿಕೊಳ್ಳುತ್ತದೆ. ಸರ್ಕಾರದಿಂದ ಗುತ್ತಿಗೆ ಪಡೆದ ಕೆಲಸವನ್ನು ಮಾರ್ಚಿಯ ಕೊನೆಗೆ ಪೂರ್ತಿಗೊಳಿಸದಿದ್ದರೆ ಮುಂದಿನ ವರ್ಷದ ಕಾಂಟ್ರಾಕ್ಟ್ ನ್ನು ಕಳೆದುಕೊಳ್ಳುವ ...

  • 3 weeks ago No comment

    ಪ್ರಸಾದ್ ಪಟ್ಟಾಂಗ | ಫಿಫಾ ಫಿವರ್

    ಅಂದು ಎಲ್ಲರ ಕಣ್ಣುಗಳೂ ಬೇರೇನನ್ನೋ ದಿಟ್ಟಿಸುತ್ತಿದ್ದವು. ಅದೊಂದು ಸುಂದರ ರೆಸ್ಟೊರೆಂಟ್. ಆವರಣದ ಒಳಗೂ ಹೊರಗೂ ಬಂದವರಿಗೆ ಕುಳಿತುಕೊಳ್ಳಲು ಸಾಕಷ್ಟು ಜಾಗವಿರುವಂಥದ್ದು. ಜೊತೆಗೇ ಒಂದು ಪುಟ್ಟ ಮೈದಾನದಂತಿರುವ ಜಾಗವನ್ನೂ, ಈಜುಕೊಳವನ್ನೂ ಹೊಂದಿರುವ ಸುಸಜ್ಜಿತ ರೆಸ್ಟೊರೆಂಟ್. ನಾನು ಪ್ರತೀ ತಿಂಗಳು ಲುವಾಂಡಾಗೆ ಬಂದಿಳಿದಾಗಲೆಲ್ಲಾ ಇಲ್ಲಿಯ ಸಿಬ್ಬಂದಿಯೇ ನನಗೆ ಅನ್ನದಾತರು. ಹೀಗಾಗಿ ಎಲ್ಲೆಲ್ಲೂ ನನಗೆ ಪರಿಚಿತ ಮುಖಗಳೇ. ಅಂದು ಮಾತ್ರ ಸಿಬ್ಬಂದಿಯೊಬ್ಬ ಗಡಿಬಿಡಿಯಲ್ಲಿ ನನ್ನ ಆರ್ಡರ್ ಬರೆದುಕೊಂಡು ಅಷ್ಟೇ ಅವಸರದಲ್ಲಿ ಖಾದ್ಯಗಳನ್ನು ತಂದಿಟ್ಟು ...

  • 3 weeks ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...


Editor's Wall

  • 11 May 2018
    2 months ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    3 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    3 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...