Share

ಪಡೆದು ಮರಳಿಸುವ ಈ ಲೆಕ್ಕದಲಿ…
ಅರ್ಚನಾ ಎ ಪಿ

 

 

 

ಪ್ರಶ್ನೆಗಳಲ್ಲಿರುವ ಅಸಹಾಯಕತೆಯ ಲೆಕ್ಕವನ್ನು ವಾಪಸು ನೀಡಲಾಗತ್ತಾ?

 

 

 

 

ಮೇರಾ ವೋ ಸಾಮಾನ್ ಲೌಟಾದೋ
ಏಕ್ ಇಜಾಜತ್ ದೇ ದೋ ಬಸ್
ಜಬ್ ಇಸಕೋ ದಫನಾಊಂಗಿ
ಮೈ ಭೀ ವಹೀ ಸೋ ಜಾಊಂಗಿ…

ಪತ್ ಝಡ್ ಕೀ ಓ ಶಾಖ್ ಅಭೀ ತಕ್ ಕಾಂಪ್ ರಹೀ ಹೈ…ವೋ ಶಾಖ್ ಗಿರಾದೋ…ಮೇರಾ ವೋ ಸಾಮಾನ್ ಲೌಟಾದೋ..

ವಾಪಸು ಕೊಡು ಅಷ್ಟೇ..
ಏನಾದರೂ ಆಗ್ಲಿ …ಅಂತ ಹಠ ಹಿಡಿದ್ರೆ ಮುಗಿದೇ ಹೋಯ್ತು..ಮಹಾಭಾರತದಲ್ಲಿ ದ್ರೌಪದಿಯ ಹಠದ ಥರಾ ಗುರಿ ಮುಟ್ಟುವವರೆಗೆ ನಿಲ್ಲೋದಿಲ್ಲ..ಅಂತಾ ಹಠ ಯಾರಿಗೆ? ಇನ್ಯಾರಿಗೆ..so called ‘ಮನಸ್ಸಿಗೆ’.
ಈಗಷ್ಟೇ ಹಿನ್ನೆಲೆಯಲ್ಲಿ ಮಾತುಗಳು ಕೇಳಿಬರ್ತಿವೆ..ಕಾಡಿನ ಮೂಲಕ ಒಬ್ಬ ಮರ ಕಡಿಯುವವ ಹೋಗ್ತಿದ್ದ. ಅಲ್ಲೊಂದು ವಯಸ್ಸಾದ ಹುಲಿ ನೋವಿನಲ್ಲಿ ಒದ್ದಾಡ್ತಿತ್ತು, ಸಹಾಯಕ್ಕಾಗಿ ಬೇಡ್ತಿತ್ತು. ನೋಡಿದ ಈತ ಹತ್ತಿರ ಹೋದಾಗ ಗೊತ್ತಾಯ್ತು, ಕಾಲಿಗೆ ಕಾಡಿನ ಮುಳ್ಳು ಚುಚ್ಚಿ ದೊಡ್ಡ ವ್ರಣವಾಗಿತ್ತು. ಮುಳ್ಳು ತೆಗೆದು ಗಿಡಮೂಲಿಕೆ ಹಚ್ಚಿ ವಾಸಿ ಆಗೋಕೆ ಸಹಾಯ ಮಾಡಿದ. ಸ್ವಲ್ಪ ದಿನ ಬಿಟ್ಟು ಹೋದಾಗ ಚೇತರಿಸಿಕೊಂಡಿತ್ತು ಹುಲಿ. ಆದರೆ ಇವನ ಕಳೆಗುಂದಿದ ಮುಖ ನೋಡಿ ಏನಾಯ್ತು ಅಂತ ಕೇಳಿತು. ಮಗಳ ಮದುವೆ ಇದೆ, ಹುಡುಗ ತುಂಬಾ ಒಳ್ಳೆಯವ. ಆದರೆ ಮದುವೆಗೆ ಹಣವಿಲ್ಲ. ಮರ ಕಡಿದು ಬರೋ ಹಣ ಊಟ ಬಟ್ಟೆಗಾಗಿಬಿಡತ್ತೆ. ಉಳಿಕೆ ಇಲ್ಲ ಅಂತ ಹೇಳಿದ. ಕೇಳಿದ ಹುಲಿ ಅವನ ಪಂಚೆ ಹಿಡಿದು ತನ್ನ ಗುಹೆಗೆ ಕೊಂಡೊಯ್ದು ಅಲ್ಲಿದ್ದ ನಗನಾಣ್ಯವನ್ನೆಲ್ಲಾ ಕೊಟ್ಟಾಗ ಮಾತು ಹೊರಡಲೇ ಇಲ್ಲ. ಪ್ರೀತಿಯಿಂದ ಮದುವೆಗೆ ಆಹ್ವಾನಿಸಿದಾಗ ನಾ ಬಂದರೆ ಜನರೆಲ್ಲಾ ಹೆದರಿ ಓಡುತ್ತಾರೆ ಬೇಡ ಅಂತು ಹುಲಿ. ಆದರೆ ಸ್ನೇಹದ ಮುಂದೆ ಸೋತು ಮದುವೆ ದಿನ ಒಂದು ಪರದೆ ಹಿಂದೆ ನಿಂತು ನೋಡುವಾಗ ಜೋರಾಗಿ ಗಾಳಿ ಬೀಸಿ ಹುಲಿ ಕಂಡು ಎಲ್ಲಾ ಚೆಲ್ಲಾಪಿಲ್ಲಿಯಾಗುವಾಗ ಇವ ಸಂತೈಸುತ್ತಿರೋವಾಗ, ಅವನ ಹೆಂಡತಿ ಇದು ಏನೂ ಮಾಡಲ್ಲ ಹುಲಿಯಲ್ಲ ಇದು ನರಿ ಅಂದದ್ದು ಕೇಳಿಸಿ ಕ್ಷಣ ಮಾತ್ರ ನಿಲ್ಲದೆ ಕಾಡಿಗೆ ಹೋಯ್ತು. ಇವ ಮರ ಕಡಿಯಲು ಹೋದಾಗ ಎದುರಾದಾಗಲೂ ಮಾತಾಡಿಸಲಿಲ್ಲ. ಏನೂ ತಿಳಿಯದ ಈತ ವಿಚಾರಿಸಿದಾಗ, ಹುಲಿ ನಿನ್ ಹತ್ತಿರ ಇರೋ ಕೊಡಲಿಯಿಂದ ನನ್ನ ಕತ್ತರಿಸಿ ಬಿಡು ಅಂತು. ದಿಗಿಲುಗೊಂಡ ಇವನು ಒತ್ತಾಯ ಮಾಡಿ ಕೇಳಿದಾಗ ನಿನ್ನ ಹೆಂಡತಿ ಹೀಗಂದ್ಲು. ನಿನ್ನ ಉಪಕಾರ ಒಂದಿರದಿದ್ದರೆ ತೋರಿಸ್ತಿದ್ದೆ ನಾನೇನು ಅಂತ… ಹೇಳಿ ಕಾಡಲ್ಲಿ ಮರೆಯಾಯ್ತು.

ವಾಪಸು ಕೊಡೋದೇನನ್ನು? ವಾಪಸು ಪಡೆಯುವ ನಿರೀಕ್ಷೆ ಆದರೂ ಯಾಕೆ?

ಕೆರೆಯಂಚಿನಲ್ಲಿ ಕಾಲಿಳಿಬಿಟ್ಟು ಕಲ್ಲೆಸೆಯುತ್ತಾ ಏಳೋ ತರಂಗಗಳನ್ನು ನೋಡ್ತಾ, ಮನಸ್ಸಿನ ತರಂಗಗಳನ್ನು ಮೇಳೈಸೋ ಪ್ರಯತ್ನವನ್ನು ವಾಪಸು ಮಾಡಲಾಗತ್ತಾ? ಲೆಕ್ಕ ಹಾಕಲಾಗತ್ತಾ?

ಸಣ್ಣ ಪುಟ್ಟ ಕಾದಾಟ, ಕಿತ್ತಾಟಗಳಾಗಿ ಮತ್ಯಾವುದೋ ಸಂದರ್ಭದಲ್ಲಿ ಒಂದಾಗಿ ಮಾತಾಡಿದಾಗ ಪ್ರತೀ ಬಾರಿಯೂ ನನ್ ಕಡೆಯಿಂದಲೇ ಆರಂಭ ಮಾತು ಅಂತ ನೀಡೋ ಭಾಗಾಕಾರದ ಗಣಿತದಲ್ಲಿ ಉಳಿಯುವ ಶೇಷವನ್ನು ಹಿಂತಿರುಗಿಸಲಾಗತ್ತಾ?

ಹಿಂದೆಲ್ಲಾ ಆದರೆ ಪತ್ರ ಬರೆಯೋ ರೂಢಿ ಇತ್ತು. ಬರೆದವರ ನೆನಪು ಬಂದಾಗಲೆಲ್ಲಾ ಪತ್ರದ ಸಖ್ಯದಿಂದ ಸಿಗ್ತಿದ್ದ ಭದ್ರತಾ ಭಾವ, ಸನಿಹದ ಸಾಂತ್ವನವನ್ನು ಪಡೆಯೋ ಸಂಬಂಧ, ಕೇಳ್ತಿದ್ದಿದ್ದನ್ನು ವಾಪಸು ಮಾಡಲಾಗತ್ತಾ?
ಈಗಿನ ವಿಷಯಕ್ಕೆ ಬಂದರೆ ಕರೆ ಮಾಡಿ ಗಂಟೆಗಟ್ಟಲೆ ಮಾತಾಡಿ ಇನ್ನೇನು ವಿದಾಯ ಸೂಚಿಸಿ ಅವರೇ ಕರೆ ಮುಗಿಸಲಿ ಅಂತ ಕಾಯೋ ಕೆಲವೇ ಕ್ಷಣಗಳ ತೃಪ್ತ ಭಾವ ಕೊಡೋ, ನಮ್ಮತನವನ್ನು ಅನುಭವಿಸೋ ಅವಕಾಶವನ್ನು ವಾಪಸು ಮಾಡಲಾಗತ್ತಾ?

ನೂರಾರು ನಿರೀಕ್ಷೆಗಳನ್ನು ಇಟ್ಕೊಂಡು, ಆಸೆಗಣ್ಣಿಂದ ಮನೆ ತುಂಬಿಕೊಂಡಾಗ, ಹಿಂದಿನದೆಲ್ಲವನ್ನೂ ಮರೆತು, ಬೆಳೆದ ಮಣ್ಣಿಂದ ಮೂಲ ಬೇರನ್ನು ಕಿತ್ತು, ಇಲ್ಲಿನ ಮಣ್ಣಿನಲ್ಲಿ ನೆಟ್ಟು ಬೆಳೆಯೋ ಛಲ ಇರೋ ಜೀವವನ್ನು ಭೂತಕಾಲದಲ್ಲಿ ಆದ ತಿಳಿಯದ ತಪ್ಪಿನಿಂದ – ಅದನ್ನು ಮುಚ್ಚಿಡದೇ ಹೇಳೋ ಧೈರ್ಯ, ಸತ್ಯ ಸಂಬಂಧವೊಂದನ್ನು ಗಟ್ಟಿ ಮಾಡತ್ತೆ ಅನ್ನೋ ನಂಬಿಕೆಯಿಂದ – ಹಿಯಾಳಿಸೋ, ಅವಮಾನಿಸೋ, ವಸ್ತುವಾಗಿ ಕಾಣೋ ಕ್ರೌರ್ಯವನ್ನೂ ಸ್ವೀಕರಿಸುವ ‘ಅನಿವಾರ್ಯತೆ’ಯನ್ನು ಹಿಂತಿರುಗಿಸಲಾಗತ್ತಾ?

ಪ್ರೀತಿಯಿಂದ, ಇಷ್ಟದ ಅಡುಗೆ ಮಾಡಿ, ಕಾಯ್ತಾ, ಬಂದ ಮೇಲೆ ಅಷ್ಟೇ ಆಸ್ಥೆಯಿಂದ ಬಡಿಸಿ, ತನಗುಳಿದಿದೆಯೋ ಇಲ್ಲವೋ ಎಂದು ನೋಡದ ಸನ್ನಿವೇಶದಲ್ಲಿರೋ ಅವಳತನವನ್ನು ಹಿಂತಿರುಗಿಸಲಾಗತ್ತಾ?
ಯಾವುದೋ ಮಂಗಳಕಾರ್ಯಕ್ಕೋ, ಸಮಾರಂಭಕ್ಕೋ, ಹೋಗುವಾಗ ಎಲ್ಲವನ್ನೂ ಸಮರ್ಪಿಸಿಕೊಂಡವಳ ಮೊಳ ಮಲ್ಲಿಗೆ ಹೂವಿನ ನಿರೀಕ್ಷೆಗೆ, ಅದಕ್ಕೆ ಬೇಕಾದ ಹಣವನ್ನೇನು ನಿನ್ನ ತವರು ಮನೆಯವರು ಕೊಟ್ಟಿದ್ದಾರಾ, ಅಥವಾ ತಂದುಕೊಡ್ತೀನಿ ಅಂತ ಅಗ್ರಿಮೆಂಟ್ ಬರೆದು ಕೊಟ್ಟಿದ್ದೀನಾ ಅಂತ ಕೇಳಿದ ಪ್ರಶ್ನೆಗೆ ಏನೂ ಆಗೇ ಇಲ್ಲ ಅನ್ನೋ ಹಾಗೆ ಮರುದಿನ ಅವರು ಬರಲು ತಡವಾದಾಗ, ಯಾಕೋ, ಏನಾಯ್ತೋ, ಅಂತ ಚಡಪಡಿಸೋದನ್ನು ಲೆಕ್ಕ ಹಾಕಿ ಹಿಂತಿರುಗಿಸಲಾಗತ್ತಾ?

ಆ ಕ್ಷಣವನ್ನು ಅಲ್ಲಲ್ಲಿಗೇ ಅನುಭವಿಸಿ ಮುಂದುವರಿಯಬೇಕು ಅಂತ ಎಲ್ಲರೂ ಹೇಳಿದ್ದನ್ನು ಕೇಳಿ ಅನುಸರಣೆಯಲ್ಲಿ ತೊಡಗಿದಾಗ, ಓಹೋ ಏನು ಮಾಡಿದರೂ ನಡೆಯತ್ತೆ, ಹೇಗೆ ನಡೆಸಿಕೊಂಡರೂ ನಡೆಯತ್ತೆ ಅಂತ ಉಪಯೋಗಿಸಿಕೊಳ್ಳುವವರನ್ನು ನೋಡಿ ನಮ್ಮ ಮೂರ್ಖತೆಗೆ ನಗಬೇಕೋ, ಮೋಸ ಹೋಗ್ತಿರೋದನ್ನೂ ತಿಳಿದು, ಇದು ಇಷ್ಟೇ ಅಂತ ಸ್ವೀಕಾರ ಮಾಡಿ ಮುಂದುವರಿಯುವ ಧನಾತ್ಮಕ ಗುಣಕ್ಕೆ, ಕಳೆಯೋ ಸಮಯದ ಬೆಲೆಯನ್ನು ಹಿಂತಿರುಗಿಸಲಾಗತ್ತಾ?

ಇವತ್ತಲ್ಲಾ ನಾಳೆ, ನಾಳೆಯಲ್ಲಾ ನಾಡಿದ್ದು, ಒಂದು ವರ್ಷ, ಎರಡು ವರ್ಷ, ಅಂತ ಜೀವನವೆಲ್ಲಾ ಕಳೆದುಬಿಡೋ ವಯಸ್ಸನ್ನು ಯಾರಿಗಾಗಿ ಕಳೆದಿರ್ತೀವಿ ಅವರಿಂದ ವಾಪಸು ಮಾಡಲಾಗತ್ತಾ? ಯಾವ್ಯಾವ ಸಮಯದಲ್ಲಿ ಏನೇನು ಆಗಬೇಕೋ, ಪ್ರಕೃತಿಸಹಜವಾಗಿ ನಡೆಯಬೇಕೋ ಅದು ಆಗದೆ, ಕರ್ಮದ ಮೊರೆ ಹೋಗಿ ಕಾದು, ಕಾಲ ಮೀರಿದ ಮೇಲೆ ಸಿಕ್ಕಾಗ, ಸಂತೋಷ ಪಡಬೇಕಾ ದುಃಖಿಸಬೇಕಾ ಅಂತ ಮೂಡೋ ಪ್ರಶ್ನೆಗಳಲ್ಲಿರುವ ಅಸಹಾಯಕತೆಯ ಲೆಕ್ಕವನ್ನು ವಾಪಸು ನೀಡಲಾಗತ್ತಾ?

ಸಂಬಂಧಗಳೆಂದರೆ,
ನೀನೂ ನಾನೂ ಸಮ, ಒಮ್ಮೆ ನಾನು ಗುಡ್ ಮಾರ್ನಿಂಗ್ ಹೇಳಿದ್ರೆ, ಮುಂದಿನ ಸಲ ಅದರ ಜವಾಬ್ದಾರಿ ನಿಂದು ಅಂತಲೋ, ನಾನು ಚಹಾ ಮಾಡಿದ್ರೆ ನೀನ್ ತಿಂಡಿ ಮಾಡಬೇಕು, ನಾನು ನನ್ನ ಸ್ನೇಹಿತರನ್ನು ಮನೆಗೆ ಕರೆದ್ರೆ, ಮುಂದಿನ ಬಾರಿ ನನ್ ಕಡೆಯವ್ರು ಬಂದಾಗ ಚಕಾರವೆತ್ತಬಾರದು ಅನ್ನೋ agreementಗಳಾಗಿ ಹೋಗ್ತಿರೋ ಸ್ಪೀಡನ್ನು ಹಿಂತಿರುಗಿಸಿ, ಮತ್ತದೇ ಹಿಂದಿನ ನಿಶ್ಚಿಂತ ಸಮಯಕ್ಕೆ ಹೋಗೋ ಟೈಮ್ ಮಷಿನ್ ಎಂಬ ಉಡುಗೊರೆಯನ್ನು ಹಿಂತಿರುಗಿಸಲಾಗತ್ತಾ?

ಗೊತ್ತಿಲ್ಲ…

ಒಟ್ಟಾರೆ ಬೇಕಾದ್ದೋ, ಬೇಡದ್ದೋ ಸಾವಿರಾರು ಪ್ರಶ್ನೆಗಳು, ‌ಉತ್ತರವಿಲ್ಲದ್ದು…
ನಾವ್ ಏನನ್ನು ಯೋಚಿಸ್ತೀವೋ ಅದನ್ನೇ ಆಕರ್ಷಿಸ್ತೀವಂತೆ..ಹೌದಾ?
ಪ್ರಶ್ನೆಗಳ ಈ ಸಿರೀಸನ್ನು ನಿಲ್ಲಿಸಲು ಉತ್ತರಗಳ ಹುಡುಕಾಟ ಶುರು ಮಾಡಿದ್ರೆ ಕಳೆದುಕೊಂಡೊರೋದು ವಾಪಸು ಸಿಗತ್ತಾ?

ಏಕ್ ಸೌ ಸೋಲಹ್ ಚಾಂದ್ ಕೆ ರಾತೇಂ
ಗೀಲಿ ಮೆಹಂದೀ ಕಿ ಖುಷುಬೂ,
ಸಬ್ ಯಾದ್ ಕರಾದೂಂ, ಸಬ್ ಭಿಜವಾದೋ..
ಮೇರಾ ವೋ ಸಾಮಾನ್ ಲೌಟಾದೋ…

ಅರ್ಚನಾ ಎ ಪಿ

ಎಂಎ ಬಿಎಡ್, ಎಂಫಿಲ್ ಪದವೀಧರೆ. ಸುರಾನಾ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕಿ, ಆಕಾಶವಾಣಿ ವಿವಿಧ ಭಾರತಿ 102.9 ಎಫ್ಎಂನಲ್ಲಿ ಉದ್ಘೋಷಕಿ, ಚಂದನ ವಾಹಿನಿಯಲ್ಲಿ ವಾರ್ತಾ ವಾಚಕಿ ಮತ್ತು ಕಾರ್ಯಕ್ರಮ ನಿರೂಪಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಸಾಹಿತ್ಯದಲ್ಲಿ ವಿಶೇಷ ಆಸಕ್ತಿ. ಚಿತ್ತಾರ ಕಲೆಯಲ್ಲೂ ಕೌಶಲ್ಯ.

Share

Leave a comment

Your email address will not be published. Required fields are marked *

Recent Posts More

  • 6 days ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 week ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...

  • 2 weeks ago No comment

    ಕಲರವ | ಒಂದು ಸಿನಿಮಾ ನೋಡಿದ ಕಥೆ…

        ಕಲರವ           “ಎರಡು ವರ್ಷಕ್ಕೊಮ್ಮೆ ಬರ್ತೀಯ, ಈ ಬಾರಿಯಾದರೂ ಒಂದು ಸಿನಿಮಾ ನೋಡು” ಎಂದಳು ಭಾರತದ ನನ್ನ ಅಕ್ಕ. “ಹೌದಲ್ಲವಾ” ಅಂತ ನಮ್ಮೂರಿನಲ್ಲಿ ನಡೆಯುತ್ತಿದ್ದ ಸಿನಿಮಾ ಪಟ್ಟಿ ನೋಡಿದೆ. ಪ್ರೀತಿ –ಪ್ರೇಮ, ಫೈಟಿಂಗ್ ಗಳ ಚಲನಚಿತ್ರವನ್ನು ನೋಡುವುದೆಂದರೆ, ‘ನೋಡಿದ್ದನ್ನೇ ನೋಡುವ’ ಕಷ್ಟ. ವೈಚಾರಿಕ ಸಿನಿಮಾಗಳು ಜಾಸ್ತಿ ಓಡದ ಕಾಲವಿದು. ಇನ್ನು ಸಾಂಸಾರಿಕ ಚಿತ್ರಗಳು ಬರುವುದು ನಿಂತ ಮೇಲೆ ಸಂಸಾರಗಳು ಒಟ್ಟಿಗೆ ...

  • 2 weeks ago No comment

    ಕವಿಸಾಲು | ಅಲೆಗಳೆದ್ದ ಕೊಳ…

        ಕವಿಸಾಲು         ಅಲೆಗಳೆದ್ದ ಕೊಳವಿದು, ಕಲ್ಲು ತೂರಿದ ಕಾಯಕವಷ್ಟೇ ನಿನ್ನದು ಎದ್ದ ಅಲೆಗಳ ಮೇಲಿಲ್ಲ ನಿನಗೆ ಇನಿತು ಅಧಿಕಾರವು ದೂರಿಲ್ಲ ನನ್ನಲ್ಲಿ, ಬೇಡಿಕೆ ತಾನೇ ಏಕೆ? ತುಂಬಿದ ಮನದಿ ಹೊಕ್ಕ ಹರ್ಷಕೆ ಪುರಾವೆಗಳ ಹಂಗಿಲ್ಲ, ನಕ್ಕ ನಗುವಿನಲಿ ನೋವಿಲ್ಲ, ತುಂಬಿವೆ ನೂರು ಭಾವಾರ್ಥ ಮುಚ್ಚಟೆಯಿಂದ ಬಚ್ಚಿಟ್ಟುಕೊಂಡು ಬೇಕಾದ ಪರಿಭಾಷೆಯಲಿ ದಿರಿಸಿಟ್ಟು ಸಿಂಗರಿಸಿ ನೋಡುತ್ತ ನಿನ್ನ ಅನುಪಸ್ಥಿತಿಯಲ್ಲೂ ಸಿಗುವ ಅನುಪಮ ಭಾವದಿ ದೊರಕಿದ್ದು ...

  • 3 weeks ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...


Editor's Wall

  • 31 August 2018
    3 weeks ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 weeks ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 weeks ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    3 weeks ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    4 weeks ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...