Share

ಔರ್ ಕರೀಬ್ ಆ ಜಾವೋ…
ಅರ್ಚನಾ ಎ ಪಿ

 

 

 

 

 

 

ಖ್ವಾಬ್ ಹೋ ತುಮ್ ಯಾ ಕೋಯೀ ಹಕೀಕತ್..
ಕೌನ್ ಹೋ ತುಮ್ ಬತಲಾವೋ..
ದೇರ್ ಸೇ ಕಿತನೀ ದೂರ್ ಖಡೀ ಹೋ
ಔರ್ ಕರೀಬ್ ಆ ಜಾವೋ…

ಬಯಸೋದು ಬೆಟ್ಟದಷ್ಟು ಪ್ರೀತಿಯನ್ನು, ದೊಡ್ಡ ವೃತ್ತದಲ್ಲೊಂದು ಜಾಗವನ್ನು, ಆದರೆ ತಾವೇ ಚಿಕ್ಕದೊಂದು ವೃತ್ತ‌ ಬರೆದುಕೊಂಡು ಅಲ್ಲಿಗೆ ‘ಪ್ರವೇಶವಿಲ್ಲ’ ಅಂತ ನೇರವಾಗೇ ಹೇಳೋ ಧಾರ್ಷ್ಟ್ಯ… ಏನನ್ನುವುದು ಇದಕ್ಕೆ?

ಕೊಡೋ ಕೈ ಯಾವಾಗಲೂ ಮೇಲಿರತ್ತೆ, ತೊಗೊಳೋದು ಯಾವಾಗಲೂ ಕೆಳಗೆ. ಹಾಗಾಗಿ ಶ್ರೇಷ್ಠತೆ ಸಿಗೋದು ಕೊಡೋದಕ್ಕೇನೇ. ಹಂಗಂತ, ನಿಯಮದ ಪ್ರಕಾರ ಕೊಟ್ಟದ್ದು ಎರಡು ಪಟ್ಟು ವೇಗದಲ್ಲಿ ವಾಪಸ್ ಬರಬೇಕಲ್ವಾ..ಆದರೆ ಹಾಗ್ಯಾಕಾಗಲ್ಲ?

ಸಂಬಂಧಗಳ ಗಣಿತದಲ್ಲಿ, ಬೀಜಗಣಿತದ x ಗೆ ಮೌಲ್ಯ ಕಂಡು ಹಿಡಿಯೋದು ಸಾಧ್ಯವೇ ಇಲ್ವಾ? ಅಥವಾ ಮೌಲ್ಯವೇ ಇಲ್ವಾ? ಅಥವಾ ಎಲ್ಲರಿಗೂ ಅವರದ್ದೊಂದು ಗೂಡು, ಗೂಡಲ್ಲಿ ತಾಯಿ ತಂದೆ ಪತಿ ಪತ್ನಿ ಅನ್ನೋ ಹಕ್ಕಿಗಳ ಬೆಚ್ಚಗಿನ ಭಾವವಿರುವಾಗ x ನ ಬೆಲೆ ಕಂಡುಹಿಡಿಯುವ ಪ್ರಯತ್ನದ ಅಗತ್ಯವೇ ಇರುವುದಿಲ್ವಾ? ಅಥವಾ x ಸದಾ ಕಾಲಕ್ಕೂ x ಆಗೇ ಉಳಿದುಬಿಡತ್ತಾ? ಉತ್ತರವಿಲ್ಲದ ಪ್ರಶ್ನೆಗಳು.

ಓ ಉತ್ತರವೇ,
ಔರ್ ಕರೀಬ್ ಆ ಜಾವೋ..

ಇರೋದೆಲ್ಲಾ ಬಿಟ್ಟು ಇಲ್ಲದಿರೋ ಕಡೇನೇ ಮನಸ್ಸು ನಾಗಾಲೋಟದಲ್ಲಿ ಓಡತ್ತೆ. ಹೊರನೋಟಕ್ಕೆ ತುಂಬಾ ಚೆನ್ನಾಗಿ ಬೆಳೆದಿದೆ ಬೆಳೆ. ಆದರೆ ಕಾಳು ತೂರಲು ತೆನೆ ತೆಗೆದಾಗ ಗೊತ್ತಾದದ್ದು ಕಾಳೇ ಇಲ್ಲ ಅಂತ. ಕಾರಣ ಪ್ರಕೃತಿಯ ಗಾಳಿ, ಮಳೆ, ಬಿಸಿಲು ಬಿದ್ದೇ ಇಲ್ಲ. ಯಾಕೆ ಅಂದರೆ ದೇವರ ಹತ್ತಿರ ಹಾಗೊಂದು ವರ ಪಡೆದಿದ್ದನಂತೆ ರೈತ. ತಾನಂದುಕೊಂಡಂತೆ ಪ್ರಕೃತಿಯನ್ನು ಅಂಕೆಯಲ್ಲಿಟ್ಟು ಪರಿಪೂರ್ಣ ಬೆಳೆ ಪಡೆಯಲಿಚ್ಛಿಸಿ. ಪರೀಕ್ಷೆಗೆ ಸಮ್ಮತಿಸಿ ವರ‌ ಕೊಟ್ಟಿದ್ದ ಭಗವಂತ. ಆದರೆ ಪರೀಕ್ಷೆಯಲ್ಲಿ ಅನುತ್ತೀರ್ಣನಾದ ರೈತನಿಗೆ ಭಗವಂತ ಹೇಳಿದನಂತೆ, ನೋಡು ಸರಿಯಾದ, ಮಿರಿ ಮಿರಿ ಮಿಂಚೋ ರಸ್ತೆಗಳು ಯಾವತ್ತೂ ಒಬ್ಬ ಒಳ್ಳೆಯ ಚಾಲಕನನ್ನು ಸೃಷ್ಟಿಸಲ್ಲ. ಶಾಂತ ಸಮುದ್ರ ಯಾವತ್ತೂ ಸಮರ್ಥ ನಾವಿಕನನ್ನು ಗುರುತಿಸಲು ಅವಕಾಶ ಕೊಡಲ್ಲ. ಹಾಗೇ ಮಳೆ ಗಾಳಿ ಬಿಸಿಲಿಲ್ಲದ ಬೆಳೆ ಹೇಗಾಗತ್ತೆ ಅಂತ.

ಎಲ್ಲಾ ಸರೀನೇ.. ಆದರೆ ಬರೀ ಬಿರುಗಾಳಿ, ಬರೀ ನಿರ್ಲಕ್ಷ್ಯ, ಬರೀ ಸ್ವಾರ್ಥಕ್ಕಾಗಿ ಉಪಯೋಗಿಸಲ್ಪಡುವುದು. ಇದೇ ಅನುಭವಗಳು ಸಿಗ್ತಾ ಹೋದರೆ… ಮತ್ತದೇ ದ್ವಂದ್ವ. ಯಾಕೆ ಹೀಗೆ? ಮತ್ತದೇ ಪ್ರಶ್ನೆಗಳ ಸರಮಾಲೆ. ಉತ್ತರವಿಲ್ಲದ್ದು…

ಓ ಪರಿಹಾರವೇ..
ಔರ್ ಕರೀಬ್ ಆ ಜಾವೋ…

ನಿನ್ನನ್ನು ದ್ವೇಷಿಸ್ತೀನಿ, ನೀನ್ ನನ್ ಶತ್ರು ಅಥವಾ ನನಗೆ ನಿನ್ ತಲೆ ಕಂಡರೆ ಆಗಲ್ಲ ಅಂತ ಹೆಮ್ಮೆಯಿಂದ, ಅಹಂಕಾರದಿಂದ ಹೇಳಿಕೊಳ್ಳುವಷ್ಟು ನಿನ್ನನ್ನು ಇಷ್ಟಪಡ್ತೀನಿ, ನಿನ್ ಸ್ನೇಹ ಬಯಸ್ತೀನಿ, ಯಾರ ಹಂಗೂ ಇಲ್ಲದೆ, ಯಾವ ಪ್ರಶ್ನೆಗಳಿಗೂ ಹೆದರದೆ, ಮುಚ್ಚು ಮರೆಯಿಲ್ಲದೆ, ನನ್ನ ವೃತ್ತದಲ್ಲೊಂದು ಜಾಗ ಕೊಡ್ತೀನಿ ಅಂತ ಯಾರೂ (ಯಾರಂದ್ರೆ ಯಾರೂ) ಹೇಳಿಕೊಳ್ಳೋದೇ ಇಲ್ಲ.

ಕಾರಣ… ಗೊತ್ತಿಲ್ಲ…

ಓ‌ ಗೊತ್ತಿರುವ ಕಾರಣವೇ..ಗೊತ್ತು ಮಾಡಿಸಲಾದರೂ..
ಔರ್ ಕರೀಬ್ ಆ ಜಾವೋ…

ಕೈಯಲ್ಲಿ ಮೂಲೋಕವನ್ನೂ ತೋರಿಸುವ ವಸ್ತುವಿದೆ. ಹೊಸ ಹೊಸ ಪರಿಚಯವನ್ನು ಆಸೆಗಣ್ಣುಗಳಿಂದ ನೋಡಿ, ಕೊಂಚ ಖುಷಿಯಿಂದಲೇ ಸ್ವೀಕರಿಸಿ, ಮತ್ಯಾವುದೋ ಕಾರಣಗಳಿಗಾಗಿ ಅಷ್ಟೇ ವೇಗವಾಗಿ ದೂರಮಾಡಿಬಿಡುವ ಮನಸ್ಥಿತಿಗೆ ಯಾರು ಏನಂತ ಅರ್ಥೈಸುವರು?

ಓ ಅರ್ಥೈಸುವವರೇ… ನನಗೂ ಒಂದಿಷ್ಟು ತಿಳಿಹೇಳಿ..
ಬಳಿ ಬಂದು…

ದೇವರ ಆಲಯವಂತೆ ಅದು. ಅಲ್ಲಿನ ವಿಗ್ರಹಕ್ಕೆ ಭಾರಿ ಶಕ್ತಿಯುಂಟಂತೆ, ಹೊರಟೆ ನೋಡೋಣವೆಂದು. ಆಗ ತಿಳೀತು ಅದನ್ನು ನೋಡಲೂ ಒಂದಿಷ್ಟು entry fee ಕೊಟ್ಟು ತಾಸುಗಟ್ಟಲೆ ಕಾಯ್ದರೆ, ಕ್ಷಣವೊಂದೆರಡರಲ್ಲಿ ನೋಡಿ ಓಡಬೇಕಂತೆ. ಇನ್ನು ಆರತಿ ತಟ್ಟೆಗೆ ಹತ್ತೋ, ನೂರೋ ಹಾಕಿದರೆ ಮಾತ್ರ ಹೂ ತೀರ್ಥ.. ಹಾಕಲಿಲ್ಲ.. ಅದಕ್ಕೆ ಹೂವೂ ಇಲ್ಲ ತೀರ್ಥವೂ ಇಲ್ಲ.. ಹತ್ತು ನಿಮಿಷ ಕೂತು ಆಟವನ್ನೆಲ್ಲಾ ನೋಡುವಾಗ ಕಂಡ ಅಚ್ಚರಿ ಏನಂದರೆ, ಆರತಿ ತಟ್ಟೆಗೆ ಹಣ ಹಾಕದವರಿಗೆ ಕೊಡದೇ ಉಳಿದ ಹೂವೆಲ್ಲಾ ಸೇರಿದ್ದು ಹಸಿಕಸದ ಬುಟ್ಟಿ.

ಇವನ್ನೆಲ್ಲಾ ಆ ವಿಗ್ರಹದೊಳಗಿರುವ ಶಕ್ತಿಯುತ ಶಕ್ತಿಗೆ ನೋಡೋ ಅನಿವಾರ್ಯತೆ.

ಅಯ್ಯೋ ಶಕ್ತಿಯೇ.. ಏನು ನಿನ್ನ ಸ್ಥಿತಿ..
ಅವನ್ನೆಲ್ಲಾ ಬಿಟ್ಟು..
ಔರ್ ಕರೀಬ್ ಆ ಜಾವೋ…

ನಮ್ ಹಿರಿಯರು, ಮಾತಾಗಲೀ, ನಡೆಯಾಗಲಿ, ನಡೆದು ತೋರಿಸಿದರೇ ಹೊರತು ಬರೀ ಆಡಿ ತೋರಿಸಿದ್ದಿಲ್ಲ. ಅಂಥದೇ ಒಂದು ಮಾತು ‘ದೊಡ್ಡವರ ಮನೆ ನೋಟ ಚಂದ, ಬಡವರ ಮನೆ ಊಟ ಚಂದ’ ಅನ್ನೋದು. ಹೀಗೆ ದೊಡ್ಡವರ ಮದುವೆ ಸಮಾರಂಭದ ಆಹ್ವಾನವಿತ್ತು, ಪತ್ರಿಕೆಯಲ್ಲಿ ಸ್ಥಳ, ದಿನಾಂಕ, ಸಮಯದ ಮೇಲಷ್ಟೇ ಕಣ್ ಹಾಯಿಸಿದ್ದು. ಪೂರ್ತಿ ಓದಿರಲಿಲ್ಲ. ಅಲ್ಲಿ ಎದುರಾದ‌ ತಲ್ಲಣದ ವಿಷಯ ಅಂದರೆ, ಮಂಟಪದಲ್ಲಿ ಒಳ ಹೋಗಲು ಅದೇ ಅಹ್ವಾನ ಪತ್ರಿಕೆಯೇ ‘ಅರ್ಹತೆ’ಯಂತೆ.

ಓ ನೋಟವೇ ಹೇಗಿರುವೆ ಈ ಉಸಿರು ಕಟ್ಟಿಸೋ ಜಾಗದಲ್ಲಿ…
ಔರ್ ಕರೀಬ್ ಆ ಜಾವೋ…

ಇದಕ್ಕೆ ವಿರುದ್ಧವಾಗಿ, ಸಹೋದ್ಯೋಗಿಯೊಬ್ಬರ ಮದುವೆಗೆ ದೂರದ ದುರ್ಗಕ್ಕೆ ಹೋಗಿದ್ದಾಗ, ನಾವೇ ಅಲ್ಲಿ ವಿವಿಐಪಿ ಆತಿಥ್ಯ ಪಡೆದುದಷ್ಟೇ ಅಲ್ಲ… ರಾತ್ರಿ ಉಳಿಯಲು ತಮ್ಮ ಮನೆಯನ್ನು ಹಿಂದು ಮುಂದು ನೋಡದೆ ನಮ್ಮ ಸುಪರ್ದಿಗೆ ಬಿಟ್ಟು ಹೋದದ್ದು. ಬೀಗದ ಕೀಲಿ ಗೊಂಚಲನ್ನು ಕೊಡೋ ಔನ್ನತ್ಯಕ್ಕೆ ಮೌನವೇ ಉತ್ತರ…

ಓ ಮೌನವೇ..
ಔರ್ ಕರೀಬ್ ಆ ಜಾವೋ…

ಜೀ ಮೇ ಆತಾ ಹೈ… ತೆರೇ ದಾಮನ್ ಪೇ
ಸರ್ ಝುಕಾಕೇ ಹಮ್.. ರೋತೇ ರಹೇ.. ರೋತೇ ರಹೇ..
ಕಾರಣವಿಲ್ಲದೆ.. ಮನಸ್ ಪೂರ್ತಿಯಾಗಿ…
ಯಾರಿಗೂ ಕಾಣದಂತೆ…

ಓ ಅಶ್ರುಗಳೇ ಕಾಣದಂತೆ ಮಾಡೋ ಮಳೆಹನಿಗಳೇ..
ಔರ್ ಕರೀಬ್ ಆ ಜಾವೋ…

ಅರ್ಚನಾ ಎ ಪಿ

ಎಂಎ ಬಿಎಡ್, ಎಂಫಿಲ್ ಪದವೀಧರೆ. ಸುರಾನಾ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕಿ, ಆಕಾಶವಾಣಿ ವಿವಿಧ ಭಾರತಿ 102.9 ಎಫ್ಎಂನಲ್ಲಿ ಉದ್ಘೋಷಕಿ, ಚಂದನ ವಾಹಿನಿಯಲ್ಲಿ ವಾರ್ತಾ ವಾಚಕಿ ಮತ್ತು ಕಾರ್ಯಕ್ರಮ ನಿರೂಪಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಸಾಹಿತ್ಯದಲ್ಲಿ ವಿಶೇಷ ಆಸಕ್ತಿ. ಚಿತ್ತಾರ ಕಲೆಯಲ್ಲೂ ಕೌಶಲ್ಯ.

Share

Leave a comment

Your email address will not be published. Required fields are marked *

Recent Posts More

  • 16 hours ago No comment

    ಕ್ರೈಸ್ತರ ಪ್ರಾರ್ಥನಾ ಅಭಿಯಾನದ ಕರೆಯ ಸುತ್ತಮುತ್ತ

        ಪ್ರಸ್ತಾಪ     ಹುಸಿ ರಾಷ್ಟ್ರ ಭಕ್ತಿಯಲ್ಲಿ ಆರ್ಭಟಿಸುವ ಹಿಂದುತ್ವದ ಸ್ವಘೋಷಿತ ವಾರಸುದಾರರು ಮಾತೆತ್ತಿದರೆ ಕ್ರೈಸ್ತರನ್ನು ಈ ದೇಶದವರಲ್ಲ, ಅವರನ್ನು ದೇಶದಿಂದ ಒದ್ದೋಡಿಸಬೇಕು ಎನ್ನುವಂತೆ ವರ್ತಿಸುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ, ಗಣರಾಜ್ಯೋತ್ಸವ ಹೀಗೆ ಪ್ರತಿ ರಾಷ್ಟ್ರೀಯ ಹಬ್ಬಗಳನ್ನೂ ಧ್ವಜಾರೋಹಣ ಮಾಡಿ ರಾಷ್ಟ್ರಗೀತೆ ಹಾಡಿ ಆಚರಿಸಿಯೇ ಧಾರ್ಮಿಕ ಚಟುವಟಿಕೆಯನ್ನು ಶುರುಮಾಡುವ ಕ್ರೈಸ್ತರಿಂದ ಕಲಿಯುವುದು ಬೇಕಾದಷ್ಟಿದೆ. ಆಸ್ಪತ್ರೆ, ಶಿಕ್ಷಣ, ಸಮಾಜ ಸುಧಾರಣೆಯ ಕಾರ್ಯಗಳಲ್ಲಿ ಕ್ರೈಸ್ತ ಸಂಸ್ಥೆಗಳು ಮಾಡುವ ಸೇವೆಯನ್ನು ...

  • 16 hours ago No comment

    ಚಿತ್ರದಲ್ಲಿನ ಹೆಂಗಸು

      ಕವಿಸಾಲು               ತಲೆಮಾರುಗಳ ಸ್ಥಿರತೆ ಕಮಾನ ಬಿಲ್ಲಿನಂತೆ ಬಾಗಿದ ಹುಬ್ಬುಗಳಲಿ ತೂಗಿ ಕಂದು ಕಣ್ಣುಗಳ ಆಳದಲ್ಲೆಲ್ಲೋ ಅಡಗಿದ ಇನಿತಿನಿತು ಬಾಲ್ಯದ ಭಯಗಳ ನಡುವೆ ಇಣುಕುವ ವಿನಯದಿ ವಿಧೇಯ ಹೆಂಗಸಿದ್ದಾಳೆ, ಆಳಲ್ಲ ಬಾಯೆಂಬ ಬಾಯಿ ಅಚ್ಚುಕಟ್ಟಾಗಿ ಪಳಗಿ ಸರಿಯೆಂಬುದ ದಿಟ್ಟವಾಗಿ ಅರುಹಿ ಉದ್ದುದ್ದ ಭಾಷಣಗಳ ಕಟ್ಟಿಟ್ಟು ತೂಗಿ ಬಿಡಿಸಲಾಗದ ಒಗಟಿನ ಜೀವನ ಸೌಂದರ್ಯವ ಆಸ್ವಾದಿಸುವಲ್ಲಿ ಜೀವಂತವಿದ್ದಾಳೆ, ಕಳೆಯಿಲ್ಲ ಶಿರವೆಂಬ ಶಿಖರವ ...

  • 7 days ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 1 week ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 2 weeks ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...


Editor's Wall

  • 11 May 2018
    2 weeks ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    4 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    4 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...