Share

ಪ್ರೀತಿಸುವವಳೂ ಅವಮಾನಗೊಳ್ಳುವವಳೂ ನಾನು ಮಾತ್ರ
ಭಾರತಿ ಬಿ ವಿ

 

 

 

 

|

ಕಮಲಾದಾಸ್ ಕಡಲು

 

 

 

 

 

 

ಒಂದು ಪರಿಚಯ
(An introduction)
ಕಮಲಾ ದಾಸ್ ಕವಿತೆಯ ಅನುವಾದ

 

ನಗೆ ರಾಜಕೀಯ ಗೊತ್ತಿಲ್ಲ, ಆದರೆ ಅಧಿಕಾರದಲ್ಲಿರುವವರ ಹೆಸರೆಲ್ಲ ಗೊತ್ತು,
ಮತ್ತು ಅವುಗಳನ್ನು ವಾರದ ದಿನಗಳಂತೆ, ತಿಂಗಳುಗಳ ಹೆಸರಂತೆ, ನೆಹರುವಿನಿಂದ ಮೊದಲುಗೊಂಡು ಹೇಳುತ್ತಾ ಹೋಗಬಲ್ಲೆ.
ನಾನು ಭಾರತೀಯಳು, ಗೋಧಿ ಬಣ್ಣ,
ಮಲಬಾರಿನಲ್ಲಿ ಹುಟ್ಟಿದವಳು
ನಾನು ಮೂರು ಭಾಷೆಗಳಲ್ಲಿ ಮಾತಾಡಬಲ್ಲೆ,
ಎರಡು ಭಾಷೆಯಲ್ಲಿ ಬರೆಯಬಲ್ಲೆ,
ಮತ್ತು ಒಂದು ಭಾಷೆಯಲ್ಲಿ ಕನಸು ಕಾಣಬಲ್ಲೆ.
ಇಂಗ್ಲಿಷ್ ನಲ್ಲಿ ಬರೆಯಬೇಡ, ಅವರು ಹೇಳಿದರು, ಇಂಗ್ಲಿಷ್ ನಿನ್ನ ಮಾತೃಭಾಷೆಯಲ್ಲ,
ನನ್ನ ಪಾಡಿಗೆ ನನ್ನನ್ನು ಬಿಡಬಾರದೇಕೆ,
ಟೀಕಾಕಾರರೆ, ಗೆಳೆಯರೇ, ರಕ್ತಸಂಬಂಧಿಗಳೆ,
ನೀವೆಲ್ಲ ಸುಮ್ಮನಿರಬಾರದೇಕೆ?‌ ನನಗೆ ಬೇಕಾದ ಭಾಷೆಯಲ್ಲಿ ಸಂವಹಿಸಲು ಬಿಡಲೊಲ್ಲಿರೇಕೆ?
ಯಾವ ಭಾಷೆ ಮಾತನಾಡುವೆನೋ ಅದು ನನ್ನದಾಗುವುದು, ಅದರ ವಿರೂಪ, ವಕ್ರತೆ ಎಲ್ಲದರ ಸಹಿತ ಅದು ನನ್ನದು ಮಾತ್ರ.
ಅರ್ಧ ಇಂಗ್ಲಿಷ್, ಅರ್ಧ ಭಾರತೀಯ ವಿಚಿತ್ರವೆನ್ನಿಸಿದರೂ ಅದು ಎದೆಯಾಳದಿಂದ ಬಂದದ್ದಾಗಿರುತ್ತದೆ, ನಾನೆಷ್ಟರ ಮಟ್ಟಿಗೆ ಮನುಷ್ಯಳೋ ಅದರಷ್ಟೇ ಮನುಷ್ಯರ ಲೋಕದ್ದು ಈ ಭಾಷೆ ಕೂಡಾ, ತಿಳಿಯಿತಲ್ಲವೇ?
ಅದು ನನ್ನ ಸಂತಸಕ್ಕೆ, ನನ್ನ ಆಸೆಗಳಿಗೆ, ನನ್ನ ಭರವಸೆಗಳಿಗೆ ದನಿಯಾಗಬಲ್ಲದು ಮತ್ತು ಕಾಗೆ ಕಾಕಾ ಎಂದಷ್ಟು, ಸಿಂಹ ಗರ್ಜಿಸಿದಷ್ಟು ಸುಲಭಕ್ಕೆ ಅದು ನನ್ನದಾಗುವುದು. ಮನುಷ್ಯರ ಭಾಷೆ ಇದೆಯಲ್ಲ, ಅದು ಆಗಾಗ ಬೇರೆಯೇ ಆದ, ಬುದ್ಧಿ ಉಪಯೋಗಿಸಿ ಆಡುವ ಭಾಷೆ,‌ ಎಲ್ಲವನ್ನೂ ಕಾಣುವ-ಕೇಳುವ ಮತ್ತು ಎಚ್ಚರಿಕೆಯ ಸ್ಥಿತಿಯಲ್ಲಿನ ಮನಸ್ಸಿನ ಭಾಷೆ. ಬಿರುಗಾಳಿಗೆ ಸಿಕ್ಕ ಮರಗಳ ಕಿವುಡು, ಕುರುಡಿನ ಭಾಷೆಯಲ್ಲ, ಮುಂಗಾರು ಮೋಡಗಳ ಭಾಷೆಯಲ್ಲ, ಮಳೆಯ ಭಾಷೆಯಲ್ಲ, ಅಥವಾ ಧಗಧಗಿಸುವ ಚಿತೆಯ ಅಸ್ಪಷ್ಟ ವಟಗುಟ್ಟುವಿಕೆಯೂ ಅಲ್ಲ.
ನಾನು ಮಗುವಾಗಿದ್ದೆ, ಒಂದು ದಿನ ನಾನು ದೊಡ್ಡವಳಾದೆ ಎಂದರು, ಏಕೆಂದರೆ ನಾನು
ಎತ್ತರವಾಗುತ್ತಿದ್ದೆ, ನನ್ನ ಕೈಕಾಲುಗಳು ಉಬ್ಬಿದವು, ಮತ್ತು ಒಂದೆರಡು ಭಾಗಗಳಲ್ಲಿ
ಚಿಗುರೊಡೆದವು ಕೂದಲು. ಮತ್ತೇನನ್ನು ಬಯಸಬೇಕೆಂದು ತಿಳಿಯದೆ, ಪ್ರೀತಿಗಾಗಿ ತಹತಹಿಸಿದೆ, ಅವ ಹದಿನಾರರ ಹರೆಯದವನೊಬ್ಬನನ್ನು ಮಲಗುವ ರೂಮಿಗೆಳೆದು ತಂದು ಬಾಗಿಲು ಮುಚ್ಚಿದ.
ಅವನು ನನ್ನನ್ನು ಹೊಡೆಯಲಿಲ್ಲ, ಆದರೆ ನನ್ನ ಹೆಣ್ಣು ದೇಹ ಜರ್ಝರಿತವಾಯಿತು. ನನ್ನ ಮೊಲೆಗಳು ಮತ್ತು ಗರ್ಭಕೋಶದ ಭಾರ ನನ್ನನ್ನು ನುಚ್ಚುನೂರಾಗಿಸಿತು, ನಾನು ದಯನೀಯವಾಗಿ ನಲುಗಿದೆ.
ನಂತರ … ನಾನು ಶರಟು ಧರಿಸಿ, ಅಣ್ಣನ ಪ್ಯಾಂಟು ಧರಿಸಿ, ಕೂದಲು ತುಂಡರಿಸಿ ನನ್ನ ಹೆಣ್ಣುತನವನ್ನು ನಿರ್ಲಕ್ಷಿಸಿದೆ.
ಸೀರೆ ಉಡು, ಹೆಣ್ಣಂತೆ ಇರು, ಹೆಂಡತಿಯಂತಿರು ಎಂದರು … ಕಸೂತಿ ಹಾಕು, ಅಡುಗೆ ಮಾಡು, ಕೆಲಸದಾಕೆಯೊಡನೆ ಜಗಳವಾಡು, ಎಲ್ಲರಂತೆ ಹೊಂದಿಕೋ,
ಓಹ್ ಅವರಲ್ಲಿ ಒಬ್ಬಳಾಗು ಎಂದು ಕೂಗಿದರು, ಗೋಡೆಗಳ ಮೇಲೆ ಕೂರಬೇಡ ಎಂದರು ಮತ್ತು ನಮ್ಮಲೇಸಿನ ಕರ್ಟನ್ ಗಳಾವರಿಸಿದ ಕಿಟಕಿಯಲ್ಲಿ ಇಣುಕಬೇಡವೆಂದೂ …
ಅಮಿಯಾಗಿರು, ಕಮಲಳಾಗಿರು, ಅಥವಾ
ಮಾಧವಿಕುಟ್ಟಿಯಾಗಿಯೇ ಉಳಿದರೆ ಇನ್ನೂ ಒಳಿತು. ನೀನು ಹೆಸರೊಂದನ್ನು ಆರಿಸಿಕೊಳ್ಳುವ ಸಮಯ ಬಂದಿದೆ, ಹಾಗೇ ಪಾತ್ರವೊಂದನ್ನೂ ಕೂಡಾ. ವೇಷಗಳ ಧರಿಸಿ ನಾಟಕದ ಆಟವಾಡದಿರು, ದ್ವಂದ್ವ ಮನಸ್ಥಿತಿಯವಳಂತೆ ಅಥವಾ ಅತೀವ ಕಾಮಾಸಕ್ತಳಂತೆ ಆಡದಿರು.
ಪ್ರೇಮದಲ್ಲಿ ವಂಚನೆಗೊಳಗಾದಾಗ, ಜೋರಾಗಿ ಅತ್ತು, ಕೂಗಾಡಿ ಮುಜುಗರಕ್ಕೀಡು ಮಾಡದಿರು … ನಾನು ಒಬ್ಬ ಗಂಡಸನ್ನು ಭೇಟಿಯಾದೆ, ಪ್ರೀತಿಸಿದೆ, ಅವನನ್ನು ಯಾವ ಹೆಸರಿನಿಂದಲೂ ಕರೆಯದಿರಿ, ಅವನು ಹೆಣ್ಣನ್ನು ಬಯಸುವ ಎಲ್ಲ ಗಂಡಸರಂಥವನೇ ಒಬ್ಬ ಅಂದರೆ ಸಾಕು, ಹೇಗೆ ಪ್ರೀತಿ ಬಯಸುವ ಎಲ್ಲ ಹೆಂಗಸರಂಥ ಹೆಂಗಸು ನಾನಿರುವೆನೋ ಹಾಗೆ,
ಅವನಲ್ಲಿ ನದಿಯ ಹಸಿವಿನ ಆತುರವಿತ್ತು, ನನ್ನಲ್ಲಿ ಸಾಗರದ ದಣಿವಿಲ್ಲದ ಕಾಯುವಿಕೆಯಿತ್ತು.
ನೀನು ಯಾರು, ಎದುರಾದ ಪ್ರತಿಯೊಬ್ಬರನ್ನೂ ಕೇಳುತ್ತೇನೆ,
ಎಲ್ಲರೂ ‘ನಾನು’ ಎಂದೇ ಉತ್ತರಿಸುವರು. ಎಲ್ಲೆಡೆಯೂ ನೀನು ಯಾರೆಂದರೆ ತನ್ನನ್ನು ‘ನಾನು’ ಎಂದು ಕರೆದುಕೊಳ್ಳುವವನೇ ಎದುರಾದ.
ಈ ಜಗತ್ತಿನ ಎಲ್ಲ ಗಂಡಸರೂ ಒರೆಯಲ್ಲಿಟ್ಟ ಕತ್ತಿಯಂತೆ ಭದ್ರ ಮಾಡಲ್ಪಟ್ಟಿರುತ್ತಾರೆ. ನಡುರಾತ್ರಿಯ ಹನ್ನೆರಡಕ್ಕೆ ಅಪರಿಚಿತ ಊರುಗಳಲ್ಲಿನ ಹೋಟೆಲ್ಲುಗಳಲ್ಲಿ ಒಂಟಿಯಾಗಿ ಕುಡಿಯುವವಳು ನಾನು ಮಾತ್ರ, ನಗುವವಳು ನಾನು ಮಾತ್ರ, ಪ್ರೀತಿಸುವವಳೂ ನಾನು ಮಾತ್ರ, ನಂತರದಲ್ಲಿ ಅವಮಾನಗೊಳ್ಳುವವಳೂ ನಾನು ಮಾತ್ರ, ವಟಗುಟ್ಟುತ್ತ ಯಾತನೆಯಲ್ಲಿ ಬಿದ್ದುಕೊಳ್ಳುವವಳೂ ನಾನು ಮಾತ್ರ,
ಪಾಪವೆಸಗುವವಳೂ ನಾನು ಮಾತ್ರ, ಸಂತಳೂ ನಾನು ಮಾತ್ರ,
ಪ್ರೀತಿಸಲ್ಪಟ್ಟವಳು ನಾನು, ವಂಚನೆಗೊಳಗಾದವಳೂ ನಾನು,
ನಿನ್ನದಲ್ಲದ ಯಾವ ಖುಷಿಯೂ ನನ್ನದೂ ಅಗಿರುವುದಿಲ್ಲ, ನಿನ್ನದಲ್ಲದ ಯಾವ ನೋವೂ ನನ್ನದಾಗಿರುವುದಿಲ್ಲ,
ಈಗೀಗ ನಾನೂ ನನ್ನನ್ನು ‘ನಾನು’ ಎಂದೇ ಪರಿಚಯಿಸಿಕೊಳ್ಳುತ್ತೇನೆ

Share

Leave a comment

Your email address will not be published. Required fields are marked *

Recent Posts More

  • 16 hours ago No comment

    ಕ್ರೈಸ್ತರ ಪ್ರಾರ್ಥನಾ ಅಭಿಯಾನದ ಕರೆಯ ಸುತ್ತಮುತ್ತ

        ಪ್ರಸ್ತಾಪ     ಹುಸಿ ರಾಷ್ಟ್ರ ಭಕ್ತಿಯಲ್ಲಿ ಆರ್ಭಟಿಸುವ ಹಿಂದುತ್ವದ ಸ್ವಘೋಷಿತ ವಾರಸುದಾರರು ಮಾತೆತ್ತಿದರೆ ಕ್ರೈಸ್ತರನ್ನು ಈ ದೇಶದವರಲ್ಲ, ಅವರನ್ನು ದೇಶದಿಂದ ಒದ್ದೋಡಿಸಬೇಕು ಎನ್ನುವಂತೆ ವರ್ತಿಸುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ, ಗಣರಾಜ್ಯೋತ್ಸವ ಹೀಗೆ ಪ್ರತಿ ರಾಷ್ಟ್ರೀಯ ಹಬ್ಬಗಳನ್ನೂ ಧ್ವಜಾರೋಹಣ ಮಾಡಿ ರಾಷ್ಟ್ರಗೀತೆ ಹಾಡಿ ಆಚರಿಸಿಯೇ ಧಾರ್ಮಿಕ ಚಟುವಟಿಕೆಯನ್ನು ಶುರುಮಾಡುವ ಕ್ರೈಸ್ತರಿಂದ ಕಲಿಯುವುದು ಬೇಕಾದಷ್ಟಿದೆ. ಆಸ್ಪತ್ರೆ, ಶಿಕ್ಷಣ, ಸಮಾಜ ಸುಧಾರಣೆಯ ಕಾರ್ಯಗಳಲ್ಲಿ ಕ್ರೈಸ್ತ ಸಂಸ್ಥೆಗಳು ಮಾಡುವ ಸೇವೆಯನ್ನು ...

  • 16 hours ago No comment

    ಚಿತ್ರದಲ್ಲಿನ ಹೆಂಗಸು

      ಕವಿಸಾಲು               ತಲೆಮಾರುಗಳ ಸ್ಥಿರತೆ ಕಮಾನ ಬಿಲ್ಲಿನಂತೆ ಬಾಗಿದ ಹುಬ್ಬುಗಳಲಿ ತೂಗಿ ಕಂದು ಕಣ್ಣುಗಳ ಆಳದಲ್ಲೆಲ್ಲೋ ಅಡಗಿದ ಇನಿತಿನಿತು ಬಾಲ್ಯದ ಭಯಗಳ ನಡುವೆ ಇಣುಕುವ ವಿನಯದಿ ವಿಧೇಯ ಹೆಂಗಸಿದ್ದಾಳೆ, ಆಳಲ್ಲ ಬಾಯೆಂಬ ಬಾಯಿ ಅಚ್ಚುಕಟ್ಟಾಗಿ ಪಳಗಿ ಸರಿಯೆಂಬುದ ದಿಟ್ಟವಾಗಿ ಅರುಹಿ ಉದ್ದುದ್ದ ಭಾಷಣಗಳ ಕಟ್ಟಿಟ್ಟು ತೂಗಿ ಬಿಡಿಸಲಾಗದ ಒಗಟಿನ ಜೀವನ ಸೌಂದರ್ಯವ ಆಸ್ವಾದಿಸುವಲ್ಲಿ ಜೀವಂತವಿದ್ದಾಳೆ, ಕಳೆಯಿಲ್ಲ ಶಿರವೆಂಬ ಶಿಖರವ ...

  • 7 days ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 1 week ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 2 weeks ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...


Editor's Wall

  • 11 May 2018
    2 weeks ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    4 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    4 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...