Share

ನಾನು ಕುಣಿಯುತ್ತೇನೆ, ನೀವು?
ಕಾದಂಬಿನಿ ಕಾಲಂ

 

 

 

 

 

 

 

 

 

 

ನಾವು ನೃತ್ಯ ಮಾಡದಂತೆ ನಮ್ಮನ್ನು ಕಟ್ಟಿಹಾಕಿರುವ ಸಂಗತಿಗಳಾವುವು? ಆ ಕಟ್ಟುಗಳನ್ನು ನಾವೇಕೆ ಹರಿದುಕೊಳ್ಳುವುದಿಲ್ಲ? ಹೀಗೆ ನಾವು ಮಹಿಳೆಯರು ನಮ್ಮನ್ನು ನಾವು ಕೇಳಿಕೊಳ್ಳುವುದು ಯಾವಾಗೆಂದು ನಾನು ಯೋಚಿಸುತ್ತಲೇ ಇರುತ್ತೇನೆ.

 

ನಾನು ಕಾಲ ಮೇಲೆ ಕಾಲಿಟ್ಟುಕೊಂಡು ಒಂದು ಕೈಲಿ ಪಾದವನ್ನು ನೀವಿಕೊಳ್ಳುತ್ತಾ, ಬ್ರೆಜಿಲ್ ನ ಯುನಿಮ್ಡ್ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಫರ್ನಾಂಡೋ ಗ್ಯೂಡ್ಸ್ ಡಿ’ಕುನ್ಹಾ ಎಂಬ ವೈದ್ಯ ಹೆರಿಗೆ ನೋವು ಅನುಭವಿಸುತ್ತಿರುವ ಗರ್ಭಿಣಿಯರಿಗೆ ನೃತ್ಯ ಮಾಡಿಸುತ್ತಲೇ ಹೆರಿಗೆ ಮಾಡಿಸುವ ಕುರಿತ ಪತ್ರಿಕಾ ವರದಿಯೊಂದನ್ನು ಓದುತ್ತಿದ್ದೆ. ಓದಿ ಮುಗಿಸಿದ್ದೇ ನನ್ನ ಕಣ್ಣುಗಳು ಪತ್ರಿಕೆಯ ಮೇಲಿನಿಂದ ನಾನು ನೀವಿಕೊಳ್ಳುತ್ತಿದ್ದ ಪಾದದ ಮೇಲೆ ಹರಿದವು. ಪುಟ್ಟ ಗಾಯದಿಂದಾಗಿ ಕೆಂಪಾಗಿದ್ದ ಪಾದವನ್ನು ನೋಡುತ್ತಲೇ ನನ್ನ ತುಟಿಗಳ ಮೇಲೆ ತುಂಟ ನಗು ಕುಣಿಯತೊಡಗಿತು. ಪತ್ರಿಕೆಯನ್ನು ಟೀಪಾಯಿಯ ಮೇಲೆ ಇಟ್ಟು ಟೀ ಕಪ್ಪನ್ನು ಎತ್ತಿಕೊಳ್ಳೋಣವೆಂದು ಕೈ ಚಾಚಿದರೆ ‘ಆಹ್’ ನೋವು! ಮತ್ತೀಗ ಸಶಬ್ದವಾಗಿ ನಗತೊಡಗಿದೆ.

ಅದರ ಹಿಂದಿನ ದಿನ ಒಂದೆಡೆ ಕೆಸರುಗದ್ದೆ ಆಟೋಟವನ್ನು ಹಮ್ಮಿಕೊಳ್ಳಲಾಗಿತ್ತು. ನಾನು ವೈರಲ್ ಜ್ವರ ತಿಂಗಳ ತನಕ ಹೈರಾಣು ಮಾಡಿದ್ದನ್ನೂ ಮರೆತು ಆಟಗಳಲ್ಲಿ ಭಾಗವಹಿಸಿದ್ದೂ ಅಲ್ಲದೆ, ಎಲ್ಲಾ ಆಟಗಳಲ್ಲೂ ಸೋತು, ಆಟ ಮುಗಿದ ಮೇಲೆ ಕೆಸರುಗದ್ದೆಯಲ್ಲಿ ಸೇರಿದ ಹಿರಿಕಿರಿಯರೊಡನೆ ಸೇರಿಕೊಂಡು ಜಗತ್ತನ್ನೇ ಮರೆತು ಪೆಂಗ್ವಿನ್ ಡಾನ್ಸ್, ಲುಂಗಿ ಡಾನ್ಸ್, ಝೂಂಬಾ, ಏರೋಬಿಕ್ಸ್ ಹೀಗೆ ಸಿಕ್ಕಾಪಟ್ಟೆ ಕುಣಿದಿದ್ದೆ. ಕೆಸರಲ್ಲಿ ಬಿದ್ದೂ ಎದ್ದೂ ಕುಣಿದೂ ಕುಣಿದೂ ವಾರಕ್ಕಾಗುವಷ್ಟು ಮೈಕೈ ನೋವನ್ನು ಹೊತ್ತುತಂದಿದ್ದಲ್ಲದೆ ಕೆಸರಿನೊಳಗಿನ ಕಲ್ಲು ತುಳಿದು ಪಾದಕ್ಕೆ ಗಾಯವನ್ನೂ ಮಾಡಿಕೊಂಡು ಬಂದಿದ್ದೆ. ಈ ಗಾಯದ ಒಳಗೆ ಮರಳು ಸೇರಿಕೊಂಡು ಮರುದಿನ ಕೀವಾಗಿ ಊದಿಕೊಂಡುಬಿಟ್ಟಿತ್ತು. ಆದರೆ ನನಗೆ ಈ ನೋವುಗಳ ಮೇಲೆ ಮೂರ್ಕಾಸಿನ ದಯೆ ಬಂದಿರಲಿಲ್ಲ. ಬದಲಿಗೆ ಜಗತ್ತನ್ನೇ ಗೆದ್ದುಬಂದವಳಂತೆ ಸಂಭ್ರಮಿಸುತ್ತಿದ್ದೆ.

ಡಾನ್ಸ್ ನನ್ನ ಏಕಾಕಿತನದ ಸಂಗಾತಿ, ನನ್ನ ಫಿಟ್ನೆಸ್ ಗುರು, ನನ್ನ ಪ್ರಾಪಪ್ರಜ್ಞೆಯ ದಂಡನೆ, ನನ್ನ ಖುಷಿಯ ಪಾಲುದಾರ ಎಲ್ಲವೂ ಹೌದು. ಒಂದು ಕಾಲವಿತ್ತು. ನಾವು ಗಂಟೆಗಟ್ಟಲೆ ಹರಟುತ್ತಿದ್ದೆವು. ನಾನು ಅವನಿಗೆ, ನಾನೂ ನೀನೂ ಭೇಟಿಯಾದಾಗ ಸಾಲ್ಸಾ ಮಾಡೋಣವೇ? ಎನ್ನುತ್ತಿದ್ದೆ. ಅವನು ಉತ್ಸುಕನಾಗಿ ‘ಖಂಡಿತಾ’ ಎನ್ನುತ್ತಿದ್ದ. ಆದರೆ ಅವ ಸಾಲ್ಸಾ ಎಂದರೆ ತಾಮ್ರದ ಪಟ್ಟಿಗಳನ್ನು ತಳದಲ್ಲಿ ಅಳವಡಿಸಿಕೊಂಡ ಪಾದರಕ್ಷೆಗಳನ್ನು ಧರಿಸಿ ಮಾಡುವ ಟ್ಯಾಪ್ ಡ್ಯಾನ್ಸ್ ಎಂದುಕೊಂಡಿದ್ದ. ನಾನವನಿಗೆ ಸಾಲ್ಸಾ ಅಂದರೇನೆಂದು ವಿವರಿಸಲು ಹೆಣಗುತ್ತಿದ್ದೆ. ನೀನು ಬಂದಾಗ ನಿನಗೆ ಸಾಲ್ಸಾ ಕಲಿಸುತ್ತೇನೆ ಎನ್ನುತ್ತಿದ್ದೆ. ಅವನ ಕಣ್ಣಲ್ಲಿ ಕಣ್ಣು ನೆಟ್ಟು ಅವನ ಬಾಹುಗಳಲ್ಲಿ ಬಾಹುಗಳನ್ನು ಬೆಸೆದು ಸಾಲ್ಸಾ ಮಾಡುವ ಸುಂದರಾತಿ ಸುಂದರ ಕನಸುಗಳು ನನ್ನ ಕಣ್ಣು ತುಂಬುತ್ತಿದ್ದವು.

ಡಾನ್ಸ್ ಎಂದರೆ ನನಗೆ ಇಂಡಿಯನ್ ಕ್ಲಾಸಿಕಲ್ ಮಾತ್ರವಲ್ಲ, ಯೂರೋಪಿನ ಟ್ಯಾಪ್ ಡ್ಯಾನ್ಸ್, ಸಾಲ್ಸಾ, ಆಫ್ರಿಕಾದ ಬೂಟೀ, ಹಿಪ್ ಹಾಪ್, ಅರಬ್ ನ ಬೆಲ್ಲಿ, ರಷ್ಯನ್ ಬ್ಯಾಲೆ, ಲ್ಯಾಟಿನ್ ಮೂಲದ ಝೂಂಬಾ, ಏರೋಬಿಕ್ಸ್ ಹೀಗೆ ಎಲ್ಲವೂ ಇಷ್ಟವೇ. ಇವನ್ನೆಲ್ಲ ಶಾಸ್ತ್ರೀಯವಾಗಿ ಕಲಿಯದಿದ್ದರೂ ನನ್ನ ಬದುಕಿಗೆ ಬೇಕಷ್ಟು ಹೆಜ್ಜೆ ಹಾಕಬಲ್ಲೆ. ಕ್ರೈಸ್ತರ ಮದುವೆ, ಸಂಭ್ರಮಗಳಲ್ಲಿ ಹೆಣ್ಣು ಗಂಡು ಭೇದವಿಲ್ಲದೆ ವೆಡ್ಡಿಂಗ್ ಡಾನ್ಸ್, ಪೆಂಗ್ವಿನ್ ಡಾನ್ಸ್ ಹೀಗೆ ಎಲ್ಲಕ್ಕೂ ಚಿಕ್ಕ ಹುಡುಗಿಯಂತೆ ಸಂಭ್ರಮಿಸುತ್ತೇನೆ. ಭರತನಾಟ್ಯಂನಂಥ ಡ್ಯಾನ್ಸನ್ನು ತೆಪ್ಪಗೆ ಕೂತು ನೋಡುವ ನಾನು ‘ಬಾರಿ ಬರ್ಸಿ ಖಟನ್ ಗಯಾಸಿ ಖಟ್ಕೆ ಲಿಯಾಂದಾ..’ ಎಂದು ಶುರುವಿಡುವಾಗ ಮೈಮರೆತುಬಿಡುತ್ತೇನೆ. ನನಗರಿವಿಲ್ಲದೆ ಭಾಂಗ್ಡಾಕ್ಕೆ ಕಾಲು ಕೈ ಕುಣಿಯತೊಡಗುತ್ತವೆ. ಟರೆಟ್ಟಟ್ಟಟ್ಟರೆ ಢಂಡರೆ ಢಂಡರೆ ಟಟ್ಟರೆ ಟಟ್ಟರೆ ಪ್ರತಿ ವರ್ಷ ತಾಸೆ ಬಡಿಯುತ್ತ ಹುಲಿವೇಷ ಕುಣಿಯುತ್ತಿದ್ದರೆ ನನ್ನೊಳಗಿನ ನಾನೂ ಹುಲಿ ಕುಣಿಯುತ್ತಿರುತ್ತೇನೆ. ಯಾರಾದರೂ ನೀನೊಂದು ಹೆಣ್ಣಾಗಿ ಅದೂ ಇಷ್ಟು ವಯಸ್ಸಾಗಿ ಹೀಗೆ ಕುಣಿಯಲು ನಾಚಿಕೆಯಾಗೋಲ್ಲವೇ ಎಂದು ಕೇಳಿದರೆ ಎಂದು, ‘ಹಕ್ಕಿಗಳು ಖುಷಿಯಾದಾಗ ಕುಣಿಯುತ್ತವೆ, ಪ್ರಾಣಿಗಳು ಕುಣಿಯುತ್ತವೆ, ಗಂಡಸರು ಕುಣಿಯುತ್ತಾರೆ ನಾನೇಕೆ ಕುಣಿಯಬಾರದು?’ ಎಂಬ ಉತ್ತರವನ್ನು ನಾಲಿಗೆಯ ತುದಿಯಲ್ಲಿ ನಿಶಿತವಾಗಿ ಮಸೆದು ಇರಿಸಿಕೊಳ್ಳುತ್ತೇನೆ.

ಬಾಲ್ಯದಿಂದಲೂ ಕೊಂಚ ನಾಚಿಕೆಯ ಸ್ವಭಾವದ ನಾನು ಯಾರೆದುರಾದರೂ ಡಾನ್ಸ್ ಮಾಡಲು ನಾಚಿ ಹಿಂದೆ ಸರಿಯುತ್ತಿದ್ದೆ. ಬರಬರುತ್ತಾ ನನ್ನ ಸುತ್ತಮುತ್ತಲ ಪಂಜಾಬಿ ಮಹಿಳೆಯರು ಭಾಂಗ್ಡಾ ಹಾಡು ಹಾಕಿಕೊಂಡು ಕುಣಿಯುವಾಗ ನನ್ನೊಳಗಿನ ಕುಣಿಯುವ ಹುಚ್ಚು ಗರಿಗೆದರುತ್ತಲೇ ಇರುತ್ತಿತ್ತು. ಟಿವಿಗಳಲ್ಲಿ ಫಿಟ್ನೆಸ್ ತಜ್ಞರು ಮಹಿಳೆಯರ ಫಿಟ್ನೆಸ್ ಗಾಗಿ ವರ್ಕ್ ಔಟ್ ಗಿಂತಲೂ ಏರೋಬಿಕ್ಸ್ ಮತ್ತು ಝೂಂಬಾದಂತಹ ನೃತ್ಯ ಒಳ್ಳೆಯದೆನ್ನುವಾಗ, ಮಹಿಳೆಯರು ಅದಕ್ಕೆ ಹೆಜ್ಜೆ ಹಾಕುವಾಗ ನಾನೂ ಬೆಗರುಗಣ್ಣಗಲಿಸಿ ಎಲ್ಲ ಹೆಜ್ಜೆಗಳನ್ನೂ ನೋಡುತ್ತಿರುತ್ತಿದ್ದೆ. ದಿನಕಳೆದಂತೆ ಒಂಟಿಯಾಗಿದ್ದಾಗ ತೀರಾ ಒಂಟಿತನ ಕಾಡುವಾಗ, ಯಾರಿಗೋ ತಪ್ಪು ಮಾಡಿ ಪಾಪಪ್ರಜ್ಞೆ ದಹಿಸುವಾಗ, ನೊಂದು ಜಡವಾದಾಗ ಕೋಣೆಯ ಬಾಗಿಲು ಮುಚ್ಚಿಕೊಂಡು ಹಾಡು ಹಾಕಿಕೊಂಡು ದಣಿದು ಕುಸಿದುಬೀಳುವ ತನಕ ಕುಣಿಯುವ ಅಭ್ಯಾಸ ಮಾಡಿಕೊಂಡೆ. ಇಂಥ ನನ್ನ ಕುರಿತು ಜಗತ್ತಿಗೆ ತಿಳಿದರೆ ಅದು ಹೇಗೆ ಪ್ರತಿಕ್ರಿಯಿಸಬಹುದು ಎಂಬುದನ್ನು ನಾನು ತಿಳಿದಿದ್ದೇನೆ. ನಮ್ಮ ನಡುವಿನ ಪ್ರಗತಿಪರ ಪುರುಷರೊಬ್ಬರು ತಮ್ಮ ಸ್ನೇಹಬಳಗದಲ್ಲಿ ಸಂತೋಷದಲ್ಲಿ ಎರಡು ಹೆಜ್ಜೆ ಹಾಕಿದ ವೀಡಿಯೋ ತುಣುಕನ್ನು ಇಟ್ಟುಕೊಂಡು ಅವರ ಮೇಲೆ ತುಚ್ಛವಾಗಿ ದಾಳಿ ಮಾಡಿದುದನ್ನು ಕಂಡ ನನಗೆ ನನ್ನಂಥ ಹೆಣ್ಣೊಬ್ಬಳು ಅದೂ ಈ ವಯಸ್ಸಿನಲ್ಲಿ ಸಂತೋಷಕ್ಕೂ, ದುಃಖಕ್ಕೂ, ಪಶ್ಚಾತ್ತಾಪಕ್ಕೂ, ತನ್ನನ್ನು ತಾನು ದಂಡಿಸಿಕೊಳ್ಳುವುದಕ್ಕೂ ಕುಣಿಯುತ್ತಾಳೆಂದರೆ ಅದು ಖಂಡಿತ ಸಹಿಸಲಾರದೆಂದು ಬಲ್ಲೆ.

ಆದರೂ ನಾನು ಮಹಿಳೆಯರಿಗೆ, ನನ್ನಂಥ ಮಹಿಳೆಯರಿಗೆ, ಹುಡುಗಿಯರಿಗೆ, ಮುದುಕಿಯರಿಗೆ_ ‘ಗಂಡಸರು, ಹುಡುಗರು, ಮುದುಕರು ಎಲ್ಲೆಂದರಲ್ಲಿ, ಯಾವಾಗೆಂದರೆ ಆವಾಗ, ಹೇಗೆಂದರೆ ಹಾಗೆ ಕುಣಿಯುವುದಿಲ್ಲವೇ ಹಾಗೆಯೇ ಕುಣಿಯಿರಿ, ಮೈ ಮರೆಯಿರಿ’ ಎಂದೇ ಹೇಳುತ್ತೇನೆ ಮತ್ತೆ ಹೀಗೆ ಕುಣಿಯುವ ಮೂಲಕ ಯಾವ ಯಾವ ಕಟ್ಟುಗಳನ್ನು ನಾವು ಹರಿದುಕೊಳ್ಳಬಲ್ಲೆವು ಎನ್ನುವುದನ್ನು ಅನುಭವಕ್ಕೆ ತಂದುಕೊಳ್ಳಿರಿ ಎನ್ನುತ್ತೇನೆ.

ನಾನು ತಿಳಿದಂತೆ ಎಷ್ಟೋ ಮಹಿಳೆಯರು ತಮ್ಮ ಮಾನಸಿಕ ಒತ್ತಡ, ಕೆಲಸದ ಏಕತಾನತೆಗಳಿಂದ ಬಿಡುಗಡೆ ಹೊಂದಲು ಚಿತ್ರಕಲೆಗೆ ತಮ್ಮ ಬೆರಳುಗಳ ಸಹಿತ ದೇಹ ಮನಸ್ಸುಗಳನ್ನು ಅರ್ಪಿಸಿಕೊಳ್ಳುತ್ತಾರೆ. ಇದೂ ಕಟ್ಟುಗಳನ್ನು ಹರಿದುಕೊಳ್ಳುವ ಒಂದು ವಿಧಾನವೇ ಆದರೂ ಇದು ನೃತ್ಯದಂತೆ ನಮ್ಮ ದೇಹವನ್ನು ದಣಿಸುವುದಿಲ್ಲ, ಬೆವರಿಳಿಸುವುದಿಲ್ಲ. ಬಿರುಮಳೆ ಸುರಿದು ಹಳುವಾದ ನಂತರದ ಭೂಮಿಯಂತೆ ತಣಿಸುವುದಿಲ್ಲ.

ಕುಣಿತ ನೃತ್ಯ ಎನ್ನುವುದು ಕಲಿತರಷ್ಟೇ ಬರುವಂಥದ್ದಲ್ಲ. ಕುಣಿತ ಸಕಲ ಜೀವಿಗಳ ಬದುಕಿನ ಭಾಗ. ಉತ್ತರ ಭಾರತೀಯ ಮಹಿಳೆಯರು ಭಾಂಗ್ಡಾ, ಗರ್ಭಾ, ದಾಂಡಿಯಾ ನೃತ್ಯಗಳನ್ನು ಮಾಡುತ್ತಾರೆ. ಆದರೆ ಕರ್ನಾಟಕದಲ್ಲಿ ಹಿಂದೆಲ್ಲಾ ಕಾಣಬಹುದಾಗಿದ್ದ ಲಂಬಾಣಿ, ಸಿದ್ದಿ, ಹಾಲಕ್ಕಿ ಒಕ್ಕಲು ಮೊದಲಾದ ಬುಡಕಟ್ಟು ಜನಾಂಗಗಳ ಮಹಿಳೆಯರು ಕುಣಿಯುತ್ತಿದ್ದ ದೃಶ್ಯಗಳೂ ಈಗ ಮರೆಯಾಗುತ್ತಿವೆ. ಇಲ್ಲಿ ಮಹಿಳೆಯರು ಕೊಡವ ಮತ್ತು ಕ್ರೈಸ್ತರನ್ನು ಹೊರತುಪಡಿಸಿ ಹೀಗೆ ಮನವರಳಿ ಕೂಡಿ ಕುಣಿದದ್ದನ್ನೇ ನೋಡಿಲ್ಲ ನಾನು. ನಾವೇಕೆ ಕುಣಿಯುವುದಿಲ್ಲ? ನಾವೇಕೆ ಕುಣಿಯಬಾರದು? ನಾವು ಕುಣಿದರೆ ತಪ್ಪೇನು? ನಾವು ನೃತ್ಯ ಮಾಡದಂತೆ ನಮ್ಮನ್ನು ಕಟ್ಟಿಹಾಕಿರುವ ಸಂಗತಿಗಳಾವುವು? ಆ ಕಟ್ಟುಗಳನ್ನು ನಾವೇಕೆ ಹರಿದುಕೊಳ್ಳುವುದಿಲ್ಲ? ಹೀಗೆ ನಾವು ಮಹಿಳೆಯರು ನಮ್ಮನ್ನು ನಾವು ಕೇಳಿಕೊಳ್ಳುವುದು ಯಾವಾಗೆಂದು ನಾನು ಯೋಚಿಸುತ್ತಲೇ ಇರುತ್ತೇನೆ. ಮತ್ತು ಹೀಗೆ ಯೋಚಿಸುತ್ತ ಹೋದಷ್ಟೂ ನೃತ್ಯ ನನಗೆ ಆಪ್ತವಾಗುತ್ತ ತನ್ನ ಬಾಹುಗಳಲ್ಲಿ ಸೆಳೆದುಕೊಂಡು ಸಾಲ್ಸಾ, ಭಾಂಗ್ಡಾ ಮಾಡಿಸುತ್ತಲೇ ಇರುತ್ತದೆ. ಹೀಗೆ ನಾನು ನೃತ್ಯದಲ್ಲಿ ತಲ್ಲೀನಳಾಗಿ ತಾಳವಾಗುತ್ತೇನೆ, ತಾಳಕ್ಕೆ ತಕ್ಕ ಹಾಡಾಗುತ್ತೇನೆ, ಹರಿವಾಗಿ ತಣಿಯುತ್ತೇನೆ, ಹಗುರಾಗಿ ಹಕ್ಕಿಯಾಗುತ್ತೇನೆ.

ಕಾದಂಬಿನಿ

ಹೈಡ್ರೋ ಇಂಜಿನಿಯರ್ಸ್ ಕಂಪನಿಯಲ್ಲಿ ಆಫೀಸ್ ಎಕ್ಸಿಕ್ಯೂಟೀವ್. ಬಿಡುವಿನ ವೇಳೆಯಲ್ಲಿ ಬರೆಯುವ ಹವ್ಯಾಸ. ಕೆಲವು ಪತ್ರಿಕೆಗಳಲ್ಲಿ ಬರಹಗಳು ಪ್ರಕಟವಾಗಿವೆ.

Share

Leave a comment

Your email address will not be published. Required fields are marked *

Recent Posts More

  • 4 days ago No comment

    ಕವಿಸಾಲು | ಕೈಗಳ ಚಾಚಿ ನೋಡು

        ಕವಿಸಾಲು         ಕಟ್ಟಿಕೊಂಡ ಚೌಕಟ್ಟುಗಳ ಮುರಿದುಬಿಡು ಹರಿಯಬಿಡು ಬಿಳಿ ಗೆಣ್ಣುಗಳಿಗೆ ಮೈಯ ತುಂಬ ಹರಿವ ಮಿಂಚುಗಳನು ತುಂಬಿಕೊಳ್ಳಲಿ ರಕ್ತ, ಮಾಂಸಕ್ಕೆ ಮತ್ತೊಮ್ಮೆ ಭಾವಗಳು ಸುಖಿಸಲಿ ಬೊಗಸೆ ತುಂಬ ಬಿಗಿಯಾಗಿ ಮುಚ್ಚಿದ ಮುಷ್ಠಿಯನ್ನು ಬಿಚ್ಚಿ ಒಮ್ಮೆ ನನಗೆ ತೋರಿಸಿಬಿಡು ಬಚ್ಚಿಟ್ಟುಕೊಂಡಿರುವುದು ನಿನ್ನನ್ನೋ ಕಳೆದುಹೋದರೆ ಎಂಬ ಭಯದಲ್ಲಿ ಭದ್ರವಾಗಿ ಹಿಡಿದ ನೆನಪುಗಳನ್ನೋ ಚೆನ್ನಾಗಿ ಗೊತ್ತು ನಿನ್ನ ಬೆಳಗಾಗುವುದು ಆ ಹಸ್ತ ದರ್ಶನದಲಿ ರಾತ್ರಿಯಾಗುವುದು ಅದೇ ...

  • 7 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 2 weeks ago No comment

    ಕಥನ | ಮುಕ್ತಾಯ

      ಕಥನ       ದಿನದ ಮುಕ್ತಾಯಕ್ಕೆ ಡೈರಿ ಬರೆಯುವುದೊಂದು ಚಟ ನನ್ನ ಪಾಲಿಗೆ. ಅದೆಷ್ಟೋ ಸುಳ್ಳುಗಳನ್ನು ಬರೆದ ಈ ಪಾಪಿ ಕೈಗಳು ಸತ್ಯವನ್ನು ಬರೆಯುವುದು ಇಲ್ಲಿ ಮಾತ್ರ. ಅಂದ ಹಾಗೆ ಇಂದು ಈ ದಿನದ ಮುಕ್ತಾಯವಷ್ಟೇ ಅಲ್ಲ ನನ್ನ ಜೀವನದ್ದೂ ಕೂಡಾ. ರಣರಂಗದಲ್ಲಿ ವೈರಿಗಳೊಡನೆ ಕಾದಾಡುವಾಗ, ಅದೆಷ್ಟೋ ಸೈನಿಕರ ಛಿದ್ರವಾದ ಶವಗಳನ್ನು ಮಣ್ಣು ಮಾಡಿ ಎದೆಗುಂದಿದಾಗ, ಯುಧ್ಧಖೈದಿಯಾಗಿ ಶತ್ರುದೇಶಕ್ಕೆ ಸೆರೆಸಿಕ್ಕಿ ಅವರು ಕೊಟ್ಟ ಚಿತ್ರಹಿಂಸೆಗಳನ್ನು ಅನುಭವಿಸಿದಾಗ ...

  • 2 weeks ago No comment

    ಕವಿಸಾಲು | ಕಾಡುತ್ತಿರು ಆಗಾಗ ನೀನು

        ಕವಿಸಾಲು         ಎಷ್ಟೊಂದು ಸಾರಿ ಮಾತಾಡುತ್ತಿದ್ದೆ ನಿನ್ನೊಡನೆ ಕೂತು ಗಿಡ, ಬಳ್ಳಿ, ಮರ ಮೋಡಗಳನು ಮನ ಮುಟ್ಟುವ ಪ್ರತಿ ಅಲೆಗಳನು ಕರೆದು ಮಾತಾಡಿಸುತ್ತಿದ್ದೆವು ಹದವಾಗಿ ಬೆರೆತು ರಾತ್ರೋ ರಾತ್ರಿಯ ಕಪ್ಪಿನಲಿ ಕೌತುಕದ ಅಪ್ಪುಗೆಯಲಿ ನಡುಗುವ ಚಳಿಯಲಿ ಒಂದಾಗಿ ಬೆಚ್ಚಗೆ ಕುಳಿತು ಕರಿ ಗಿರಿಶಿಖರಗಳ ಬೆಳ್ಳಿರೇಖೆಗಳನು ಫಳ್ಳನೆ ಮಿನುಗುವ ನಕ್ಷತ್ರಗಳನೂ ಕೈಯಲ್ಲಿ ಹಿಡಿದು ಕುಳಿತು ಮುಖಾಮುಖಿಯಾಗಿ ಕೂತು ಹರಟುತ್ತಿದ್ದೆವು ನಾವೊಂದಾಗಿದ್ದಾಗ ನಮಗನಿಸಿದ್ದನ್ನು ದಿನಚರಿ ...

  • 3 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...


Editor's Wall

  • 09 November 2018
    7 days ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    3 weeks ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...

  • 31 August 2018
    3 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    3 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...