Share

ಷರತ್ತಿಲ್ಲದ ಸಂಬಂಧದ ಬಂಧಿಯಾಗಿ!
ಅರ್ಚನಾ ಎ ಪಿ

 

 

 

ಯಾವ ಷರತ್ತಿಲ್ಲದೆ ಬದುಕೋದು ಸಾಧ್ಯವಿಲ್ಲವಾ?

 

 

 

 

ಹೂವಾಗಿ ಹೋಗ್ತೀನಿ ಆದರೆ ಒಂದು ಷರತ್ತು,
ಕನಸಾಗಿಬಿಡ್ತೀನಿ ಆದರೆ ಒಂದು ಷರತ್ತು,
ಹಾಡಿನ ಪದಗಳಾಗಿ ಕೂರುವೆ ಆದರೆ ಒಂದು ಷರತ್ತು…

ಷರತ್ತು, ವಚನ, ಮಾತು, ಪ್ರಮಾಣ

ಯಾರೊಂದಿಗೆ?

ಈ ಕ್ಯಾಲೆಂಡರ್ ಬದಲಾವಣೆ ಆಗಿ ಅಂದರೆ ೨೦೧೮ ಅನ್ನೋ ಸೂಚಿಯನ್ನು ಬದಲಾಯಿಸಿ ೩೨ ದಿನಗಳು ಕಳೆದೇ ಹೋದವು. ಅಲ್ಲಲ್ಲ. ಆಯಸ್ಸಿನ ಭದ್ರ ಬೀಗ ಹಾಕಿರೋ ಪಟ್ಟಿ ಸೇರಿ ಹೋದವು, ಯಾವ ಷರತ್ತಿಲ್ಲದೆ. ಹೇಗೆಂದರೆ, ಷರತ್ತೇ ಇಲ್ಲದೇ ರವಿಯುದಯವಾಗೋ ಹಾಗೆ, ಷರತ್ತೇ ಇಲ್ಲದೇ ಹುಣ್ಣಿಮೆಯಲ್ಲಿ ಸಾಗರದ ಮೈನವಿರೇಳಿಸಿ, ಅಮಾವಾಸ್ಯೆಗೆ ತನ್ನದೇ ಅಸ್ತಿತ್ವ ಕೊಡೋ ಶಶಿಯ ಹಾಗೆ, ಅಥವಾ ಅಗಣಿತ ತಾರಾಗಣಗಳ ನಡುವೆ ಮಾರ್ಗದೋರೋ ಧ್ರುವತಾರೆಯ ಹಾಗೆ, ಅದೂ ಬಿಟ್ಟರೆ ಏನೊಂದೂ ಬೇಡದೆ, ದೇಶದ ಸದ್ಯದ ಪರಿಸ್ಥಿತಿಯಲ್ಲಿ ಒಳಗಿರೋ ನಾಗರಿಕರು ರೋಸಿಹೋದರೂ, ವ್ಯವಸ್ಥೆ ಇಷ್ಟು ಹದಗೆಟ್ಟು ನಾರುತ್ತಿದ್ದರೂ, ತಳಹಿಡಿಯುತಿದ್ದರೂ, ಮೈನಸ್ ಡಿಗ್ರಿ ತಲುಪಿರೋ ವಾತಾವರಣದಲ್ಲಿ ಹದ್ದಿನ ಕಣ್ಣಿನಿಂದ ಕಾಯುವ ಕಾವಲು ಪಡೆಯ ಹಾಗೆ…

ಎಲ್ಲಾ ಸರಿ, ನಾವ್ ಮಾಡ್ತಿರೋ ಘನಂದಾರಿ ಕೆಲಸಗಳಿಗೆ ಭೂಮಿ ಏನಾದರೂ ಷರತ್ತು ಹಾಕೋಕೆ ಶುರು ಮಾಡಿದ್ರೆ ಹೇಗಿರ್ತಿತ್ತು ಪರಿಸ್ಥಿತಿ? ಊಹಿಸಲು ಕಷ್ಟ.

ತೀರಾ ದೊಡ್ಡ ದೊಡ್ಡ ಷರತ್ತುಗಳ ಕಡೆ ಹೋಗದೆ, ನೀನ್ ತುಳಿದುಕೊಂಡು ಓಡಾಡ್ತೀಯಾ? ಇನ್ಮೇಲೆ ಹಾಗೆ ಮಾಡೋ ಹಾಗಿಲ್ಲ ಅಂತ ಸುಮ್ಮನೆ ಒಂದರೆಕ್ಷಣ ಕಂಪಿಸಿಬಿಟ್ಟರೆ ಏನಾಗಬಹುದು? ಉತ್ತರ ಗೊತ್ತಿರೋದೇ. ಆದರೂ ಷರತ್ತು ಹಾಕಿಸಿಕೊಳ್ಳೋದು ಮಾತ್ರ ಕ್ಷಮಯಾ ಧರಿತ್ರಿಯೇ.

ನೀನ್ ಬಟ್ಟೆ ಒಗೆದರೆ, ನಾನ್ ತಿಂಡಿ ಮಾಡೋದು ಅನ್ನೋ ಆಗ್ರಹದ ಷರತ್ತು, ನಾನೂ ಕೆಲಸಕ್ಕೆ ಹೋಗೋದ್ರಿಂದ ಮಗುವನ್ನು ಇಬ್ರೂ ಅರ್ಧರ್ಧ ನೋಡಿಕೊಳ್ಳಬೇಕು ಅನ್ನೋ ಸಮಾನತೆಯ ಷರತ್ತು, ನೀನ್ ಪರೀಕ್ಷೆಯಲ್ಲಿ ತೇರ್ಗಡೆಯಾದರೆ ಐಫೋನೋ, ಸೈಕಲ್ಲೋ, ಮತ್ತೇನೋ ಕೊಡಿಸ್ತೀನಿ ಅನ್ನೋ ಆಮಿಷದ ಷರತ್ತು, ಮನೆಯಲ್ಲಿ ಹಬ್ಬಕ್ಕೆ ಸಿಹಿ ಮಾಡಿದ್ರೂ ತಿನ್ನಲು ಕೊಡದೇ ಇರೋ ಮನೆಯೊಡತಿಯ ಕಾಳಜಿಯ ಷರತ್ತು, ಮದುವೆಯಾಗುವಾಗ ನಿನಗೆ ಎಲ್ಲವನ್ನೂ ತಂದುಕೊಡ್ತೀನಿ, ರಾಣಿಯ ಹಾಗೆ ಮೆರೆಸ್ತೀನಿ ಅಂದಿದ್ನಾ ಅನ್ನೋ‌ ಮಾತು ಮುರಿಯೋ ಷರತ್ತು, ಸರಿಯಾಗಿ ಕೆಲಸ ಮಾಡಿ ಕೊಟ್ಟಿರೋ ಟಾರ್ಗೆಟ್ ಪೂರೈಸಿದ್ರೆ ಮಾತ್ರ ಈ ವರ್ಷ ಬಡ್ತಿ ಅಂತ ಹೇಳೋ ಬಾಸ್ ನ ಗತ್ತಿನ, ಅಧಿಕಾರದ ಷರತ್ತು…
ಪಟ್ಟಿ ಬೆಳಿತಾನೇ ಹೋಗತ್ತೆ… ಷರತ್ತಿಲ್ಲದೇ.

ಹಾಗಿದ್ರೆ ಇದಿಲ್ಲದೆ (ಷರತ್ತು) ಯಾರೂ ಇಲ್ವಾ, ಏನೂ ಇಲ್ವಾ?

ಸಂಬಂಧಗಳನ್ನು ಹುಡುಕೋಕೂ ಷರತ್ತು, ಉಳಿಸಿಕೊಳ್ಳೋಕೂ ಷರತ್ತು, ಕೊನೆಗೆ ಬಿಡುಗಡೆ ಹೊಂದೋದೂನೂ ಷರತ್ತು ಹಾಕಿಯೇ. ಒಳ್ಳೇ ಆಟದ ಸ್ಪರ್ಧೆ ಇದ್ದ ಹಾಗೆ.

ಉದಾಹರಣೆಗೆ ಒಬ್ಬ ಬಾಲಕನಿಗೆ ಉಪನಯನ ಮಾಡಿ, ಆಚಮನ, ಪ್ರಾಣಾಯಾಮ, ಜಪ-ತಪಗಳ ನಿಯಮದ ಬಾಹ್ಯ ಚಟುವಟಿಕೆಯ ಷರತ್ತು ವಿಧಿಸಿ ಶಿಸ್ತಿನಲ್ಲಿಡಬಹುದೇ ಹೊರತು ಮನಸ್ಸಿನಾಳಕ್ಕಿಳಿದು ಬದಲಾಯಿಸುವುದು ಅಸಾಧ್ಯ.

ಹಾಗಂತ ಷರತ್ತಿಲ್ಲದೆ, ವಚನಗಳಿಲ್ಲದೆ, ಪಯಣ ಸಾಧ್ಯವಾ? ಅದೂ ಅಲ್ಲದೇ ಷರತ್ತು ವಿಧಿಸೋದು, ಆಗ್ರಹಿಸೋದಾದರೂ ಯಾವ ಕಾರಣಕ್ಕೆ ಇರಬಹುದು? ಒಂದು ಕಳೆದುಕೊಂಡುಬಿಡುತ್ತೇವೇನೋ ಅನ್ನೋ ಆತಂಕ, ಭಯಕ್ಕಾಗಿ ಅಥವಾ ನನ್ನ ಮಾತೇ ನಡೆಯಬೇಕು ಅನ್ನೋ ಅಹಂ ತೃಪ್ತಿಗಾಗಿಯಾ? ಉತ್ತರಕ್ಕೆ ಷರತ್ತು ವಿಧಿಸುವವರನ್ನೇ ಕೇಳಬೇಕು.

ಸರಿ, ಕೇಳಿದ್ರೆ ಬರೋ ಉತ್ತರವಾದರೂ ಎಷ್ಟು ಸತ್ಯದ್ದು? ನಾವೊಪ್ಪಬೇಕಷ್ಟೆ. ಷರತ್ತಿಲ್ಲದೆ… ವಿಧಿಯಿಲ್ಲದೆ. ಕಾರಣ ಪ್ರತಿಯೊಬ್ಬರ ಅಂತರಂಗವನ್ನು ಹೊಕ್ಕು ನೋಡೋಕೆ ಸಾಧ್ಯವಿಲ್ಲ. ಅಕಸ್ಮಾತ್ ಆ ವರವೂ ದೊರಕಿ ಬಿಟ್ಟಿದ್ರೆ ಇನ್ನೆಲ್ಲಿರ್ತಿದ್ದನೋ ಮನುಷ್ಯ. ಎಲ್ಲರಿಗೂ ಅವರವರ ಆಂತರ್ಯದಲ್ಲಿ ನಡೆಯೋ ಮನೋ ವ್ಯಾಪಾರ ಬಚ್ಚಿಡೋ ಹಕ್ಕಿದೆ, ಹಾಗಂತ ಬೇರೆಯವರಿಗೂ ಬಚ್ಚಿಡೋದನ್ನು ಹೇಳಿಕೊಡೋ ಷರತ್ತು ವಿಧಿಸೋದೆಷ್ಟು ಸರಿ?

ಈ ಷರತ್ತು ವಿಧಿಸುವಿಕೆ ಒಂಥರಾ ಬಂಧನವೇ… ಚಿನ್ನದ ಬಂದೀಖಾನೆಯಲ್ಲಿಡ್ತೀನಿ, ಮುತ್ತಿನ ರತ್ನದ ಸರಪಳಿ ತೊಡಿಸ್ತೀನಿ ಅಂತ ಸಂಬಂಧವನ್ನು ಹಿಡಿದಿಡುವ ನಿಟ್ಟಿನಲ್ಲಿ ಅದು ಉಸಿರು ಕಟ್ಟಿ, ಸತ್ತೇ ಹೋಗತ್ತೆ ಅಂತ ಅರಿವಿಗೆ ಬರೋದೇ ಇಲ್ಲ. ಬಂದರೂ, ಬರೋಷ್ಟರಲ್ಲಿ ಸಮಯ, ಕಾಲ ಮಿಂಚಿ ಹೋಗಿರತ್ತೆ.
ಈ ಷರತ್ತು ಹಾಕಿ ಮಾಡೋ ಕಾರ್ಯ ಒಂಥರಾ ದೇವರನ್ನು ಅನುಭವಿಸೋ ಹಾಗೆ, ಎಷ್ಟು ದೊಡ್ಡ ಷರತ್ತು ಹಾಕ್ತೇವೋ ಆ ಸಂಬಂಧದ ಸವಿ ಅಷ್ಟು. ಎಷ್ಟು ಸಂಕುಚಿತಗೊಳಿಸಿಕೊಳ್ತೀವೋ ಅಷ್ಟೇ ಕನಿಷ್ಟ ಪ್ರಾಪ್ತಿ. ನಮಗೆ, ನಮ್ಮ ಭಾವನೆಗೆ ಬರೋದು ಎಷ್ಟು ಭಾವಿಸಿದ್ರೆ ಅಷ್ಟೇ. ಹೇಗೆ ಭಾವಿಸ್ತೀವೋ ಹಾಗೆ. ಇಲ್ಲಿ ನಮ್ಮ ಷರತ್ತು, ನಮ್ಮ ಭಾವನೆ, ನಮ್ಮ ಅನುಭವ, ‌ನಾವ್ ಕಾಣೋ ರೂಪ ನಮಗಷ್ಟೇ ಸೀಮಿತ.

ಅದಕ್ಕೇ ಇರಬೇಕು ಹಿರಿಯರು, ಅಪ್ಪ ಮಕ್ಕಳು, ಗಂಡ ಹೆಂಡತಿ, ಸ್ನೇಹ ಸಂಬಂಧಗಳಲ್ಲಿ ಬೇಷರತ್ತಾಗಿ ನಡ್ಕೊಳ್ತಿದ್ರು. ಒಪ್ಪಕೊಳ್ತಿದ್ರು, ಕಡೇವರೆಗೂ ಪಾಲಿಸ್ತಿದ್ರು. ಹಾಗಾಗೀನೇ ಇನ್ನೂ ನಾವದರ ಸವಿ ಉಣ್ಣುತ್ತಿದ್ದೇವೆ. ಅವರ ಆ ತ್ಯಾಗ ನಾವ್ ಮಾಡದೇ ಇರೋದಕ್ಕೇ ಇವತ್ತು ಲಕ್ಷಗಟ್ಟಲೆ ವಿಚ್ಛೇದನದ ಅರ್ಜಿಗಳು, ಪರಿಹಾರಕ್ಕಾಗಿ, ನ್ಯಾಯಕ್ಕಾಗಿ ‘ಬಿಡುಗಡೆ’ಗಾಗಿ ಕಾಯ್ತಾ ಇವೆ.

ಎಲ್ಲರೂ… ತಮ್ಮ ತಮ್ಮ ಒಡೆದ ಪಾತ್ರೆಗಳಿಗೆ ಫೆವಿಕಾಲೋ, ಗೋಂದೋ‌ ಹಚ್ಚಿ ಅದರಲ್ಲಿ ಶೇಖರಣೆ ಆಗಿರೋ ಹನಿ ಪ್ರೀತಿ ರಸವನ್ನು ಉಳಿಸಿಕೊಳ್ಳುವ ಪ್ರಯತ್ನದಲ್ಲಿದ್ದಾರೆ. ಪರಸ್ಪರರ ನಡುವೆ ಹೆಣೆದು ಕೊಂಡ ದಾರ ಹರಿದು, ಗಂಟು ಹಾಕಿ, ಎಷ್ಟು ಗಂಟಾಗಿವೆ ಅಂದರೆ, ಮೂಲ ದಾರದ ಅಸ್ತಿತ್ವವೇ ಇಲ್ಲದಂತೆ, ತಾಯಿ ಮಗನಿಗೆ ಷರತ್ತು ಹಾಕ್ತಾಳೆ, ಮಗ ತನ್ನ ಹೆಂಡತಿಗೆ ಷರತ್ತು ವಿಧಿಸ್ತಾನೆ, ಹೆಂಡತಿ ಮಗುವಿಗೆ, ಮಗು‌ ತನ್ನ ಭವಿಷ್ಯಕ್ಕೆ… ಹೀಗೇ ಇದರ ವಿಷವರ್ತುಲದ ಸುಳಿಯಲ್ಲೇ ಸಿಲುಕಿ ಹೋಗೋ ಮುನ್ನ…

ಯಾವ ಷರತ್ತಿಲ್ಲದೆ ಹಣ್ಣು ಕೊಡೋ ವೃಕ್ಷಗಳಂತೆ, ಯಾವ ಷರತ್ತಿಲ್ಲದೆ ಕಾಳಿಗೆಂಟು ತೆನೆ ಉಕ್ಕಿಸೋ ಧರಣಿಮಂಡಲದಂತೆ, ಮಣ್ಣಲ್ಲಿರಲಿ, ಕೆಸರಲ್ಲಿರಲಿ ಚಿಗುರೋದೇ ನನ್ನ ಕರ್ತವ್ಯ ಅಂತ ಬೆಳೆಯೋ ಬೀಜದಂತೆ, ಯಾವ ಷರತ್ತಿಲ್ಲದೆ ಕ್ಷಣಮಾತ್ರದಲ್ಲಿ ಆಯಸ್ಸು ಮಗಿಯುವುದು ಗೊತ್ತಿದ್ದರೂ ನಗುವುದನ್ನು, ಮಕರಂದವನ್ನು ಹಂಚುವ ಹೂವಿನಂತೆ, ಯಾವ ಷರತ್ತಿಲ್ಲದೆ, ಉರಿಯೋ ಸೂರ್ಯನ ಶಾಖಕ್ಕೆ ಮೈಯೊಡ್ಡಿ ಮೋಡವಾಗುವ ಸಮುದ್ರದ ನೀರಿನಂತೆ, ಯಾವ ಷರತ್ತಿಲ್ಲದೆ, ಹಸಿರು ಸಾಮ್ರಾಜ್ಯದ ನಮ್ರ ಪ್ರಜೆ ನಾನು ಅಂತ ಬದುಕೋದು ಸಾಧ್ಯವಿಲ್ಲವಾ?

ಏನೂ ಕೇಳಲಿಲ್ಲ, ಏನೂ ಹೇಳಲೂ ಇಲ್ಲ,
ನೀನು ಹೃದಯದಿಂದ ಏನು ಕೊಟ್ಟೆಯೋ ಕೊಟ್ಟೆ.
ಏನೂ ಪ್ರಶ್ನಿಸಲಿಲ್ಲ, ಏನೂ ಅಳೆದು ತೂಗಲಿಲ್ಲ,
ನಕ್ಕು ಕೊಟ್ಟದ್ದೇನನ್ನೋ.
ನೀನೇ ಬಿಸಿಲು, ನೀನೇ ನೆರಳು,
ನೀನೇ ನನ್ನವ, ಅಪರಿಚಿತನೂ.

ಷರತ್ತಿಲ್ಲದ ಸಂಬಂಧದ ಬಂಧಿಯಾಗಿ!

ಅರ್ಚನಾ ಎ ಪಿ

ಎಂಎ ಬಿಎಡ್, ಎಂಫಿಲ್ ಪದವೀಧರೆ. ಸುರಾನಾ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕಿ, ಆಕಾಶವಾಣಿ ವಿವಿಧ ಭಾರತಿ 102.9 ಎಫ್ಎಂನಲ್ಲಿ ಉದ್ಘೋಷಕಿ, ಚಂದನ ವಾಹಿನಿಯಲ್ಲಿ ವಾರ್ತಾ ವಾಚಕಿ ಮತ್ತು ಕಾರ್ಯಕ್ರಮ ನಿರೂಪಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಸಾಹಿತ್ಯದಲ್ಲಿ ವಿಶೇಷ ಆಸಕ್ತಿ. ಚಿತ್ತಾರ ಕಲೆಯಲ್ಲೂ ಕೌಶಲ್ಯ.

Share

One Comment For "ಷರತ್ತಿಲ್ಲದ ಸಂಬಂಧದ ಬಂಧಿಯಾಗಿ!
ಅರ್ಚನಾ ಎ ಪಿ
"

  1. Rajesh
    3rd February 2018

    ಷರತ್ತು ಒಂಥರಾ ಶರಬತ್ತು ಇದ್ದ ಹಾಗೆ..‌ಮನುಷ್ಯನನ್ನ ಕಟ್ಟಿಹಾಕೋಕೆ ಪ್ರಯತ್ನಿಸುತ್ತದೆ…

    Reply

Leave a comment

Your email address will not be published. Required fields are marked *

Recent Posts More

  • 2 weeks ago No comment

    ಕವಿಸಾಲು | ಇಂಡೋನೇಶಿಯಾ

        ಕವಿಸಾಲು         ಕಿಚ್ಚೆದ್ದು ಕುಣಿವ ನೀರು ಬಿರುಗಾಳಿ ತುಂಬಿದ ಒಡಲು ಎತ್ತೊಯ್ದು ಬಿಸಾಡಿ ಇಳೆಗೆ ಎದೆಯಿಳಿಸಿದೆ ಕಡಲು ನಡುಗಿಬಿಟ್ಟಳೆ ವಸುಂಧರೆ ಶತಕೋಟಿ ಬಿರುಕು ಬಿಟ್ಟು ಸುನಾಮಿಯ ಕೋಪಕ್ಕೆ ವಿಕಾರವಾಗಿ ಬೊಬ್ಬಿರಿದು ಊಳಿಟ್ಟು ಜೀವ ಜಲ, ಉಸಿರ ಗಾಳಿ ಹುಚ್ಚೆದ್ದು ಕುಣಿದು ಅಪ್ಪಳಿಸಿದ ಆಘಾತಕ್ಕೆ ಕಂಗೆಟ್ಟು ತತ್ತರಿಸಿವೆ ಪ್ರಾಣಿ, ಮನುಜ ಕುಲ ಮಾಡು ಹಾರಿ, ಕಂಬಗಳು ಕುಸಿದು ನೆಲಕಚ್ಚಿವೆ ಮಾನವನ ಬೀಡು ಕತ್ತರಿಸಿ ...

  • 2 weeks ago No comment

    ಕವಿಸಾಲು | ತಡವಿಲ್ಲದಿರಲಿ ಇನ್ನು…

        ಕವಿಸಾಲು         ದಾಳಿಗಳಿಗೆ ಮುಕ್ಕಾದ ಮಂದಿರವಿದು ಕುಸಿದು ಕುಳಿತ ದ್ವಾರಪಾಲಕರು ಎತ್ತರದ ಗೋಡೆಗಳ, ಎಚ್ಚರಿಕೆಯ ಗಂಟೆಗಳು ಕೂಡ ಮೌನವಿಂದು ಮನ ನಿರ್ಮಿಸಿದ ಹೆಬ್ಬಾಗಿಲುಗಳು ಒಲವ ಸಿರಿಗೆ ಚೇತರಿಸಿ ತೆರೆದ ಗಳಿಗೆ ಎತ್ತರದ ಹೊಸ್ತಿಲುಗಳ ತಡೆಯ ದಾಟಿ ತಲುಪಬೇಕಿದೆಯಷ್ಟೆ ಬಯಕೆ ಗುರಿಯನ್ನು ದಟ್ಟ ಹಸಿರಿನ ಕಾಡು, ಆಗಸದ ನೀಲಿ ಬಿಳಿಯ ಮೋಡಗಳ, ಬಿಸಿಲ ಬೆಳಕಿನ ನಡುವೆ ಬಯಲ ಸ್ವೇಚ್ಛೆಯ, ತಿಳಿಗಾಳಿ ತವಕದಲಿ ಬಂಧನಗಳ ...

  • 1 month ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 month ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 month ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...


Editor's Wall

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    2 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    2 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    2 months ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    2 months ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...