Share

ಒಳ್ಳೆಯತನ ಅದೆಷ್ಟು ಒಳ್ಳೆಯದು?
ಅರ್ಚನಾ ಎ ಪಿ

 

 

 

ಈ ಜಗತ್ತಿನಲ್ಲಿ ಒಳ್ಳೆಯವರು ಯಾರು ಗೊತ್ತಾ?

 

 

 

 

 

न्होंने हमें आज़मा कर देख लिया
इक धोका हमने भी खाकर देख लिया
क्या हुआ हम हुए जो उदास
उन्होंने तो अपना दिल बहला के देख लिया.

ಅವರ ‘time pass’ಗೆ ಒದಗಿ ಬಂದರೆ ಮಾತ್ರ ಒಳ್ಳೆಯವರು. ಬಸ್ ನಿಲ್ದಾಣದಿಂದ ಮನೆಗೆ ಹೋಗುವವರೆಗೋ, ಮನೆಯಲ್ಲಿ ಯಾರೂ ಇಲ್ಲ ಅಂತಲೋ, ಮಗು ಮಲಗಿದೆ ಬಿಡುವಿದೆ ಅಂದ್ಕೊಂಡೋ ಸಮಯದ ‘ಸದುಪಯೋಗ’ಕ್ಕೆ ಕರೆ ಮಾಡಿದಾಗ ನಮ್ಮ schedule ಗಮನಿಸದೆ ಮಾತಾಡಲು ಸಿಕ್ಕರೆ ಮಾತ್ರ ಒಳ್ಳೆಯವರು. ಬಟ್ಟೆ ಅಂಗಡಿಗೆ ಹೋಗಿ ಅವರು ತೋರಿಸುವ ನಾಲ್ಕೈದು ವೈವಿಧ್ಯಗಳಲ್ಲಿ ಒಂದನ್ನು ಆರಿಸಿಕೊಂಡು, ಐವತ್ತೋ ನೂರೋ, ಕಡಿಮೆ ಮಾಡಿ ಹೇಳಿದಷ್ಟು ಕೊಟ್ಟು ಹೋದರೆ ಒಳ್ಳೆಯವರು. ಚಿಲ್ಲರೆ ಇಲ್ಲ ಅಂತ ಟಿಕೆಟ್ ಹಿಂದೆ ಉಳಿದ ಹಣ ಬರೆದು ಕೊಟ್ಟು, ಅದನ್ನು ಇಳಿಯುವಾಗ ಮರೆತು ಇಳಿದರೆ ನಿರ್ವಾಹಕರಿಗೆ ಒಳ್ಳೆಯ ಪ್ರಯಾಣಿಕರು. ತರಕಾರಿಯೋ ಹಣ್ಣೋ ವ್ಯಾಪಾರ ಮಾಡಿದಾಗ ಅವರ ಆಯ್ಕೆಯ ತರಕಾರಿ ಹಣ್ಣು ಕೊಂಡರೆ ಒಳ್ಳೆಯ ಗ್ರಾಹಕರು. ಹಗಲೋ ರಾತ್ರಿಯೋ, ಮನೆಯಲ್ಲಿ ಅನುಮತಿ ಸಿಗುತ್ತೋ ಇಲ್ಲವೋ ಅಂತಲೂ ಯೋಚಿಸದೆ, ಕೇಳಿದಾಗಲೆಲ್ಲ ಸಿನಿಮಾ, ನಾಟಕಕ್ಕೆ ಕರೆದಾಗ ಹೋಗುವವರು ಮಾತ್ರ ಒಳ್ಳೆಯ ಸ್ನೇಹಿತರು. ಮನೆಯಲ್ಲಿ ಆಗಷ್ಟೇ ಕುರುಕ್ಷೇತ್ರ ನಡೆದು ಅದರ ಕುರುಹು ಒಡತಿಯ ಮುಖದ ಮೇಲೋ, ಕೂದಲಲ್ಲೋ ಇದ್ದರೂ ಅದಕ್ಕೆ ಕಾರಣರಾದ ‘ಯಜಮಾನ’ನ ಮಾನ ಉಳಿಸುವ ಪ್ರಯತ್ನ – ಬಂದವರೆದುರಿಗೆ – ಮಾಡುವ ಸಹಧರ್ಮಿಣಿಯೇ ಒಳ್ಳೆಯ ಗೃಹಿಣಿ. ಸಂಬಂಧದಲ್ಲಿ ಪರಸ್ಪರರಿಗೆ ಗೌರವ ಕೊಡಬೇಕು ಅಂತ ಅಪೇಕ್ಷಿಸದೇ, ಏಕವಚನದ ಪ್ರಯೋಗ, ಬೈಗುಳಗಳನ್ನು ಯಾವುದೇ ಭಾವವಿಲ್ಲದೆ ಒಪ್ಪಿಕೊಂಡರೆ ಮಾತ್ರ ಒಳ್ಳೆಯವರು.

ಯಾರೋ ಮೂರನೇ ವ್ಯಕ್ತಿಯೆದುರು ತನ್ನ ಪ್ರತಿಷ್ಠೆ ಕಾಯ್ದುಕೊಳ್ಳಲು ಮಕ್ಕಳ ಮೇಲೆ ಬೇಡದ ನೂರೆಂಟು ನಿರ್ಬಂಧ ಹೇರಿದರೂ, ತುಟಿಪಿಟಿಕ್ಕೆನ್ನದೆ, ಎದುರು ಮಾತಾಡದೇ ಅನುಸರಿಸಿಕೊಂಡು ನಡೆದರೆ ಮಾತ್ರ ಒಳ್ಳೆಯ ಮಕ್ಕಳು.

ಮೇಲಧಿಕಾರಿಗಳ ಅನರ್ಹತೆ, ಅಧಿಕಾರದ ದುರುಪಯೋಗ, ಬೇಡದ ಹಲವು ವಿಚಾರಗಳನ್ನು ಕಣ್ಣಾರೆ ಕಂಡೂ, ಜಾಣ ಕಿವುಡು, ಜಾಣ ಕುರುಡು, ಜಾಣ ಮೌನ ತೋರಿಸುತ್ತಿದ್ದರೆ ಮಾತ್ರ ಒಳ್ಳೆಯ ನೌಕರರು. ತರಗತಿಯಲ್ಲಿ ಪಾಠ ಮಾಡೋದು ಬಿಟ್ಟು ಕಥೆ ಹೇಳುತ್ತಾ, ವೈಯಕ್ತಿಕ ವಿಚಾರಗಳನ್ನು, ಸಹೋದ್ಯೋಗಿಗಳ ಕುರಿತು ಕೀಳು ಮಾತನ್ನು ಆಡ್ತಾ, ತಂತ್ರಜ್ಞಾನಾಧಾರಿತ ವಸ್ತುಗಳನ್ನು ಬಳಸಲು ಬಿಟ್ಟರೆ, ಪರೀಕ್ಷೆಯಲ್ಲಿ ನಕಲು ಮಾಡುತ್ತಿದ್ದರೂ ಕಾಣದಂತೆ ಓಡಾಡುತ್ತಿದ್ದರೆ ಮಾತ್ರ ಒಳ್ಳೆಯ ಶಿಕ್ಷಕರು.

ಸರಿಯಾದ ಮೂಲಭೂತ ಸೌಕರ್ಯಗಳಿಲ್ಲದಿದ್ದರೂ, ಅದರ ಬಗ್ಗೆ ಚಕಾರವೆತ್ತದೆ, ಸುಮ್ಮನೆ ಅವರಿವರ ಮುಂದೆ ಚರ್ಚಿಸುತ್ತಾ, ಚುನಾವಣೆ ಸಮಯದಲ್ಲಿ ಬಿಸಾಕೋ ಎಂಜಲು ಕಾಸಿಗೆ ಕೈಚಾಚಿ, ಅರ್ಹರಲ್ಲದ ಅವರನ್ನು ಆರಿಸಿದರೆ ಮಾತ್ರ ಒಳ್ಳೆಯ ಮತದಾರರು, ನಾಗರಿಕರು. ಇಪ್ಪತ್ತು ವರ್ಷಗಳಿಂದ ಮಗುವಿನಂತೆ ಪೋಷಿಸಿ ಸಲಹಿದ ಮರಗಳನ್ನು, ತಮ್ಮ ಮನೆಯ ಅಂದ ಹಾಳಾಗತ್ತೆ ಅಂತಲೋ, ಕಾರ್ ಒಯ್ಯಲು ಬರಲ್ಲ ಅಂತಲೋ ಹೇಳಹೆಸರಿಲ್ಲದಂತೆ ಬುಡಸಮೇತ ಮುಲಾಜಿಲ್ಲದೆ ಕಡಿದು ಹಾಕುವ so called educated ನಾಗರಿಕರನ್ನು ಸಹಿಸಿಕೊಂಡರೆ ಒಳ್ಳೆಯ ನೆರೆಹೊರೆಯವರು.

ದಿನಕ್ಕೆ ಎರಡು ಮೂರು ಸಿಗರೇಟ್ ಪ್ಯಾಕ್ ಸೇದೋಂಥ ಬಾಡಿಗೆದಾರರಿಗೆ ಹಣದಾಸೆಗೆ ಮನೆ ಕೊಟ್ಟು, ದೂರದ ಊರಲ್ಲೆಲ್ಲೋ ಕೂತು ಅದರ ಪರಿಣಾಮಕ್ಕೂ ಎಟುಕದ ಮನೆಯ ಮಾಲಿಕರಿಗೆ ಈ ಕುರಿತು ದೂರದೇ, ಕ್ಯಾನ್ಸರ್ ನಂಥ ಚಿಕ್ಕ ಕಾಯಿಲೆಗೆ ನಮ್ಮನ್ನು ನಾವು ಒಡ್ಡಿಕೊಂಡರೆ ಒಳ್ಳೆಯ ಅಕ್ಕಪಕ್ಕದವರು.

ಅವರ ಮನೆಯಲ್ಲಿ ಮಗಸೊಸೆ ನಡುವೆ ಸಾವಿರಾರು ಮನಸ್ತಾಪಗಳಿದ್ದರೂ, ಕಾಟ ತಡೆಯಲಾರದೆ ಸೊಸೆ ಇವರ ಮೇಲೆ ಕೇಸ್ ಹಾಕಿ ಜೈಲಿನ ರುಚಿ ತೋರಿಸಿದ್ದರೂ, ಇನ್ನೊಬ್ಬ ಮನೆಯ ಮಗಳ ಮದುವೆ ಬಗ್ಗೆ ಅವರ ತಂದೆತಾಯಿಗೆ, ಚಿಂತೆ ಇಲ್ವೇನೂ, ಮನೆಯಲ್ಲೇ ಕೂರಿಸಿಕೊಳ್ತೀರೇನೂ? ಅನ್ನೋ ‘ಕಳಕಳಿ’ಯ ಮಾತಿಗೆ, ಮೊದಲು ನಿಮ್ ತಟ್ಟೇಲಿ ಬಿದ್ದಿರೋ ಹೆಗ್ಣ ನೋಡಿಕೊಂಡು, ಆಮೇಲೆ ನನ್ನೆಲೇಲಿ ಇರೋ ಹಲ್ಲಿಯ ಕಡೆ ಗಮನ ಕೊಡಿ ಅಂತ ಅನ್ನದೇ ಕಣ್ಣೀರಿಟ್ಟರೆ ಮಾತ್ರ ಒಳ್ಳೆಯವರು.

ಹೊಸ ಪರಿಚಯ ಆದಾಗ, ಮಾತು ಮಾತಲ್ಲೇ ಮದುವೆಯಾಗಿಲ್ಲ ಎಂಬುದನ್ನು ಜಾಣತನದಿಂದ ತಿಳಿದುಕೊಂಡು, ತಮ್ಮ ಬೇಡದ ಮದುವೆಯ ಸಂಬಂಧಕ್ಕೊಂದು ಪರ್ಯಾಯ ಹುಡುಕಿಕೊಳ್ಳುವ ಮನಸ್ಥಿತಿಯವರಿಗೆ, ಅವರಿಗೆ ಬೇಕಾದ ಹಾಗೆ ಸ್ಪಂದಿಸಿದರೆ ಮಾತ್ರ ಒಳ್ಳೆಯವರು.

ತಮ್ಮ ಮನೆಯಲ್ಲಿ ಮಗನ ಮದುವೆಯಾಗಿ ಇಪ್ಪತ್ತು ವರ್ಷಗಳು ಕಳೆದರೂ, ಇವರು ಕೊಡೋ ಮಾನಸಿಕ ಹಿಂಸೆ, ಸೊಸೆಯ ದೈಹಿಕ ಸ್ಥಿತಿಯ ಮೇಲೆ, ತಾಯಾಗೋ ಅಂಗದ ಮೇಲೆ, ಹಾರ್ಮೋನುಗಳ ಏರುಪೇರಿನಿಂದ ಬೀರ್ತಾ ಇರೋ ದುಷ್ಪರಿಣಾಮದ ಅರಿವಿಲ್ಲದಂತೆ ವರ್ತಿಸುತ್ತಾ, ಪಾರ್ಕ್ ನಲ್ಲಿ ಎದುರಾಗೋ ಎಲ್ಲರ ವೈಯಕ್ತಿಕ ವಿಷಯಗಳನ್ನು ಕೆದಕೋರಿಗೆ, ಮದುವೆ ಮುಂಜಿ ವಿಚಾರ ಕೇಳೋರಿಗೆ, ಕೊಂಕು ಮಾತಾಡುವವರಿಗೆ, ನೀವ್ ನಿಮ್ಮ ಮೊಮ್ಮಗುವಿಗೆ ಅಜ್ಜಿ ಯಾವಾಗಾಗ್ತೀರೋ ಆಗಲೇ ಮದುವೆ, ಮುಂಜಿ ಅನ್ನೋಣ ಅನಿಸಿದರೂ, ಬಂದ ಕೆಲಸ ಮುಗಿಸಿಕೊಂಡು ನಡೆದರೆ ನಾವೊಳ್ಳೆಯವರು.

ಸ್ನೇಹದಲ್ಲಿ ದುಡ್ಡಿನ ವ್ಯವಹಾರ ಇಟ್ಕೊಳ್ಳಲೇ ಬಾರದಂತೆ. ಆದರೇನು ಮಾಡೋದು, ಅವರ ಒದ್ದಾಟ ತಡೆಯಲಾರದೆ ಸಹಾಯ ಮಾಡಿ, ವರ್ಷಗಳೇ ಕಳೆದರೂ, ಮತ್ತೆ ಕೇಳದೆ, ಬಂದೇ ಬರತ್ತೆ ವಾಪಸ್, ಕಾರಣ ಅವರು ಎಂದಿಗೂ ಮೋಸ ಮಾಡಲ್ಲ ಅಂತ ನಿರೀಕ್ಷೆ ಇಟ್ಕೊಳ್ಳದೇ ಕೊಟ್ಟ ಹಣ ಕುಲಕ್ಕೆ ಹೊರಗು ಅಂತ ಕೇಳದೇ ಇದ್ದರೆ, ಅಯ್ಯೋ ಕೇಳಿದರೆ ಸಂಬಂಧ ಹಾಳಾಗತ್ತೆ ಅಂತ ಯೋಚಿಸಿ ಸುಮ್ಮನಿದ್ದರೆ ಒಳ್ಳೆಯವರು.

ಇಂತಹ ಸಾವಿರಾರು ಜ್ವಾಲಾಮುಖಿಗಳು ಸಿಡಿಯಲು ಸಿದ್ಧವಾಗಿದ್ದರೂ, ಇವರೆಲ್ಲರನ್ನೂ ಯಮನ ನಾಲಿಗೆ ಚಾಚಿ ಆಪೋಷನ ತೊಗೋಳೋಷ್ಟು ಲಾವಾ ಕುದಿಯುತ್ತಿದ್ದರೂ, ಆಸ್ಫೋಟಿಸದೆ, ಬೂದಿ ಮುಚ್ಚಿದ ಕೆಂಡದಂತೆ ಮುಖದ ತುಂಬಾ ನಗು ಹೊತ್ತು ಅತ್ತಿಂದಿತ್ತ ತಿರುಗಾಡುತ್ತಿದ್ದರೆ ನಾವೊಳ್ಳೆಯವರು.

ಛೀ…
ಧಿಕ್ಕಾರವಿರಲಿ ಇಂಥ ಒಳ್ಳೆಯತನಕ್ಕೆ…

ಅಲ್ಲಾ..
ಸಂಬಂಧದಲ್ಲಿ ಆತ್ಮಾಭಿಮಾನಕ್ಕೆ ಧಕ್ಕೆ ಬಂದಾಗ, ಮೌನವಹಿಸಿ ಪ್ರತಿಭಟಿಸೋಷ್ಟೂ ಸ್ವಾತಂತ್ರ್ಯ ಇಲ್ಲದಿದ್ರೆ ಈ ಒಳ್ಳೆಯತನ ಯಾಕೆ?

ಆಫೀಸ್ ನಲ್ಲೋ, ಕೆಲಸದ ಜಾಗದಲ್ಲೋ, ಅಧಿಕಾರಿಗಳು ತಮ್ಮ ಅಧಿಕಾರ ಚಲಾಯಿಸ್ತಿದ್ದರೂ, ದುರ್ವರ್ತನೆ ತೋರಿಸುತ್ತಿದ್ದರೂ, ಹೇಳಿದರೆ ಎಲ್ಲಿ ನನ್ನ ಬುಡಕ್ಕೆ ಕೊಡಲಿ ಹಾಕ್ತಾರೋ ಅಂತ ಹೆದರಿ ಸಾಯೋ ಒಳ್ಳೆಯತನ ಯಾಕೆ?

ಐದು ರೂಪಾಯಿ ಆಗಲಿ, ಹತ್ತಾಗಲೀ, ಟಿಕೆಟ್ ಪಡೆದೇ ಸಂಚರಿಸುತ್ತೇನೆ, ಒಂದು ರೂಪಾಯಿ ಕೊಟ್ಟು, ನಾಲ್ಕು ರೂಪಾಯಿ ಜೇಬಿಗೆ ಹಾಕಿಕೊಳ್ಳೋ ನಿರ್ವಾಹಕರಿಗೆ ಪ್ರಶ್ನಿಸಲು ಹೋಗದ ಒಳ್ಳೆಯತನ ಯಾಕೆ?

ಸ್ವಂತ ಮನೆ, ಬದಲಾಯಿಸುವ ಅವಕಾಶವಿಲ್ಲ, ಅಂತ ಅಕ್ಕಪಕ್ಕದವರ ದುರ್ನಡತೆಯನ್ನು, ದುರ್ವ್ಯವಹಾರವನ್ನು, ಅನೈತಿಕ ಚಟುವಟಿಕೆಗಳನ್ನು, ನಮಗ್ಯಾಕೆ ಆ ಸುದ್ದಿ ಅಂತ ನಿರ್ಲಕ್ಷ್ಯಿಸುವ ಒಳ್ಳೆಯತನ ಯಾಕೆ?

ಸಿಗ್ನಲ್ ನಲ್ಲಿ ಇನ್ನೂ ೩೦ ಸೆಕೆಂಡಿದ್ದರೂ, ದಾಟುವಂತೆ ಒಂದೇ ಸಮನೆ ಹಾರ್ನ್ ಮಾಡಿ, ಕೇಳದಿದ್ದರೆ ಗುದ್ದೋದಕ್ಕೂ ಹೇಸದ ವಿದ್ಯಾವಂತ ಅನಾಗರಿಕರನ್ನು ಪ್ರಶ್ನಿಸುವ ಗೋಜಿಗೆ ಹೋಗದ ಸ್ಥಿತಿಯನ್ನು ಕಲಿಸದ, ನಿರ್ಲಿಪ್ತವಾಗಿರಲು ಹೇಳಿಕೊಡುವ ಒಳ್ಳೆಯತನ ಯಾಕೆ?

ಅಯ್ಯೋ, ಅವರು ಹೇಳಿದ ಹಾಗೆ ಕೇಳಲಿಲ್ಲ ಅಂದರೆ ಬಿಟ್ಟು ಹೊಗುತ್ತಾರೇನೋ, ನನ್ನನ್ನು ನಾನು ಅವರಿಗೆ ಬೇಕಾದಂತೆ ಬದಲಿಸಿಕೊಳ್ಳದಿದ್ದರೆ ಏನು ಗತಿ ಅಂತ ಇಷ್ಟವಿಲ್ಲದಿದ್ದರೂ, ಎಲ್ಲಾ ಮಾತುಗಳಿಗೂ ಮೌನ ಸಮ್ಮತಿ ಸೂಚಿಸ್ತಾ ಬಲೆಯೊಳಗೆ ಸಿಲುಕುವ ಒಳ್ಳೆಯತನ ಯಾಕೆ?

ಅಬ್ಬಾ…

तुझसे नाराज़ नहीं ಒಳ್ಳೆಯತನವೇ
हैरान हूं मैं….
ನಿಜಕ್ಕೂ ಆಶ್ಚರ್ಯ ಆಗ್ತಿದೆ…

ನಾನು ನಾನೇನಾ?
ಸಜೀವ, ಸಚೇತನ.

ಅರ್ಚನಾ ಎ ಪಿ

ಎಂಎ ಬಿಎಡ್, ಎಂಫಿಲ್ ಪದವೀಧರೆ. ಸುರಾನಾ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕಿ, ಆಕಾಶವಾಣಿ ವಿವಿಧ ಭಾರತಿ 102.9 ಎಫ್ಎಂನಲ್ಲಿ ಉದ್ಘೋಷಕಿ, ಚಂದನ ವಾಹಿನಿಯಲ್ಲಿ ವಾರ್ತಾ ವಾಚಕಿ ಮತ್ತು ಕಾರ್ಯಕ್ರಮ ನಿರೂಪಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಸಾಹಿತ್ಯದಲ್ಲಿ ವಿಶೇಷ ಆಸಕ್ತಿ. ಚಿತ್ತಾರ ಕಲೆಯಲ್ಲೂ ಕೌಶಲ್ಯ.

Share

Leave a comment

Your email address will not be published. Required fields are marked *

Recent Posts More

  • 2 weeks ago No comment

    ಕವಿಸಾಲು | ಇಂಡೋನೇಶಿಯಾ

        ಕವಿಸಾಲು         ಕಿಚ್ಚೆದ್ದು ಕುಣಿವ ನೀರು ಬಿರುಗಾಳಿ ತುಂಬಿದ ಒಡಲು ಎತ್ತೊಯ್ದು ಬಿಸಾಡಿ ಇಳೆಗೆ ಎದೆಯಿಳಿಸಿದೆ ಕಡಲು ನಡುಗಿಬಿಟ್ಟಳೆ ವಸುಂಧರೆ ಶತಕೋಟಿ ಬಿರುಕು ಬಿಟ್ಟು ಸುನಾಮಿಯ ಕೋಪಕ್ಕೆ ವಿಕಾರವಾಗಿ ಬೊಬ್ಬಿರಿದು ಊಳಿಟ್ಟು ಜೀವ ಜಲ, ಉಸಿರ ಗಾಳಿ ಹುಚ್ಚೆದ್ದು ಕುಣಿದು ಅಪ್ಪಳಿಸಿದ ಆಘಾತಕ್ಕೆ ಕಂಗೆಟ್ಟು ತತ್ತರಿಸಿವೆ ಪ್ರಾಣಿ, ಮನುಜ ಕುಲ ಮಾಡು ಹಾರಿ, ಕಂಬಗಳು ಕುಸಿದು ನೆಲಕಚ್ಚಿವೆ ಮಾನವನ ಬೀಡು ಕತ್ತರಿಸಿ ...

  • 2 weeks ago No comment

    ಕವಿಸಾಲು | ತಡವಿಲ್ಲದಿರಲಿ ಇನ್ನು…

        ಕವಿಸಾಲು         ದಾಳಿಗಳಿಗೆ ಮುಕ್ಕಾದ ಮಂದಿರವಿದು ಕುಸಿದು ಕುಳಿತ ದ್ವಾರಪಾಲಕರು ಎತ್ತರದ ಗೋಡೆಗಳ, ಎಚ್ಚರಿಕೆಯ ಗಂಟೆಗಳು ಕೂಡ ಮೌನವಿಂದು ಮನ ನಿರ್ಮಿಸಿದ ಹೆಬ್ಬಾಗಿಲುಗಳು ಒಲವ ಸಿರಿಗೆ ಚೇತರಿಸಿ ತೆರೆದ ಗಳಿಗೆ ಎತ್ತರದ ಹೊಸ್ತಿಲುಗಳ ತಡೆಯ ದಾಟಿ ತಲುಪಬೇಕಿದೆಯಷ್ಟೆ ಬಯಕೆ ಗುರಿಯನ್ನು ದಟ್ಟ ಹಸಿರಿನ ಕಾಡು, ಆಗಸದ ನೀಲಿ ಬಿಳಿಯ ಮೋಡಗಳ, ಬಿಸಿಲ ಬೆಳಕಿನ ನಡುವೆ ಬಯಲ ಸ್ವೇಚ್ಛೆಯ, ತಿಳಿಗಾಳಿ ತವಕದಲಿ ಬಂಧನಗಳ ...

  • 1 month ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 month ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 1 month ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...


Editor's Wall

  • 31 August 2018
    2 months ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    2 months ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    2 months ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    2 months ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    2 months ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...