Share

ಬಿಡಲಾರದ ವ್ಯಸನಿಗಳಾಗಿ…
ಅರ್ಚನಾ ಎ ಪಿ

 

 

ಯಾರೋ ಆಡಿದ ಮಾತು, ತೋರಿಸಿದ ವರ್ತನೆ, ಕಂಡ ಕನಸು, ಹೇಳದ ಸತ್ಯ ಎಲ್ಲವನ್ನೂ ಹಿಡಿದಿಟ್ಟುಕೊಂಡಿರ್ತೀವಿ ಬಿಟ್ಟು ಬರಲಾರದೆ.

 

 

 

गीत गाती हूँ मैं,
गुनगुनाती हूँ मैं,
मैने हँसने का वादा किया था कभी,
इसलिए अब सदा मुस्कुराती हूँ मैं….

ನಮಗೆ ನಾವೇ ಮಾಡಿಕೊಂಡ ಪ್ರಮಾಣ, ವಚನ ಅದು. ಯಾರ ಒತ್ತಾಯದ ಛಾಯೆಯೂ ಸೋಂಕಿಲ್ಲ ಈ ಮಾತಿಗೆ. ಕಾರಣ ನಮ್ಮ ಭಾವನೆಗಳ ಹಿಡಿತವನ್ನು ಬೇರೆಯವರ ಕೈಗೆ ಕೊಟ್ಟು, ನೋವು ಮಾಡಬೇಡ ಅನ್ನೋದು, ಹಾಗೊಂದು ನಿರೀಕ್ಷೆ ಮಾಡೋದು, ನಮ್ಮ ತಪ್ಪಲ್ಲದೇ ಅವರದಾದೀತೇ?
ಕಾಲ ಮೇಲೆ ಕಲ್ಲು ಹಾಕಿಕೊಂಡು ನೋಡ್ ನನ್ನ ಹಣೆಬರಹ ಅನ್ನುವ ಗಾದೆ ಥರ.

ಹೀಗೆ,
ಒಬ್ಬ ತಾಯಿ ತನ್ನ ಮಾದಕ ವ್ಯಸನಿ ಮಗನ ದುಶ್ಚಟ ಬಿಡಿಸಲು ಬಹಳ ಪ್ರಯತ್ನಪಟ್ಟಳು, ಸಾಮ ದಾನ ದಂಡ ಎಲ್ಲದರ ಪ್ರಯೋಗವೂ ಆಯ್ತು, ಏನ್ಮಾಡಿದ್ರೂ ಕೂದಲೆಳೆಯಷ್ಟೂ ಕಡಿಮೆ ಆಗಲಿಲ್ಲ ವ್ಯಸನ. ತಾಯಿಗೆ ಚಿಂತೆಗಿಟ್ಟುಕೊಳ್ತು. ಕಡೆಗೆ ಯಾರೋ ಹೇಳಿದ್ದನ್ನು ಕೇಳಿ ಒಬ್ಬ ಹೆಸರಾಂತ, ಕೆಲಸ ಮಾಡುವ ಪರಿಹಾರ ಸೂಚಿಸುವ ಸಂತರ ಹತ್ತಿರ ಕರೆದೊಯ್ದಳು.

ಅವರು ಕೂಲಂಕಷವಾಗಿ ಮಾತಾಡಿದ್ರು ಹುಡುಗ ಒಬ್ಬನನ್ನೇ ಕೂರಿಸಿಕೊಂಡು. ಬಹಳ ಜಾಗರೂಕತೆಯಿಂದಲೇ ಮಾತಾಡಿದ್ರು, ಬಿಡಲು ಹೇಳಿ ನೋಡಿದ್ರು, ಆಗಲ್ಲ ಅಂದಾಗ ಕಾರಣ ಕೇಳಿದ್ರು, ಕಾರಣ ಗೊತ್ತಿಲ್ಲ. ಸರಿ ಅವರಿಗೇನೆನ್ನಿಸಿತೋ ಏನೋ ಹೊರಡಲು ಹೇಳಿ, ನಾಳೆ ಬರಲು ತಿಳಿಸಿದರು.

ಬಂದ ಹುಡುಗ ತಾಯಿಯೊಂದಿಗೆ. ಸಂತರು ತಾವಿರೋ ಆಶ್ರಮದ ಒಂದು ಬೃಹತ್ ಮರವನ್ನು ತಬ್ಬಿ ನಿಂತಿದ್ರು. ಹುಡುಗ ಅಚ್ಚರಿಯಿಂದ ಯಾಕೆ ಹೀಗೆ ಅಂತ ಕೇಳಿದ, ಅದಕ್ಕವರು ಈ ಮರ ನನ್ನ ಬಿಡ್ತಿಲ್ಲ ಅಂದರು. ಹುಡುಗ ಹೇಳಿದ ನೀವ್ ಮರಾನಾ ಹಿಡ್ಕೊಂಡಿರೋದು, ನೀವ್ ಬಿಟ್ಟರೆ ಆಯ್ತು ಅಂತ. ಇಲ್ಲ ಮರಾನೇ ಬಿಡ್ತಿಲ್ಲ ನನ್ನ ಅಂದ್ರು. ಇಂವ – ಇಲ್ಲಾ, ನೀವ್ ತಾನೇ ಮರವನ್ನು ಹಿಡ್ಕೊಂಡಿರೋದು, ಮರ ಏನ್ ನಿಮ್ಮನ್ನು ಕಟ್ಟಿಹಾಕಿಲ್ಲ ತಾನೆ! ಹಾಗಾಗಿ ನೀವ್ ಬಿಟ್ಟರೆ ಮರ ಬಿಟ್ಟ ಹಾಗೇ ಲೆಕ್ಕ ಅಂದ.

ಮುಗುಳ್ನಗೆಯೊಂದಿಗೆ ಸಂತರು ಇದೇ ಉತ್ತರವನ್ನ ಹುಡುಗನಿಗೆ ಹಿಂತಿರುಗಿಸಿದ್ರು. ನೋಡು ಮಗು, ಯಾವುದೇ ವ್ಯಸನ, ಚಟವನ್ನ ಅದು ಬಿಡ್ತಿಲ್ಲ ಅಂತ ಹೇಳದೆ, ನಾವೇ ಬಿಟ್ಟರೆ ತಾನೆ ಅದರಿಂದ ಮುಕ್ತರಾಗೋದು ಅಂತ. ಹುಡುಗನಿಗೆ ನಿಧಾನವಾಗಿ ಅರ್ಥವಾಗತೊಡಗಿತು. ವ್ಯಸನದ ಬಂಧನದಿಂದ ಮುಕ್ತನಾದ.

– ಆದರೆ ನಮಗೆ ಮುಕ್ತಿ ಎಲ್ಲಿ?
– ಯಾವುದರಿಂದ ಮುಕ್ತಿ ಬೇಕು ನಿನಗೆ?
– ನಮ್ಮನ್ನು ಆಯ್ಕೆಯಾಗಿ ಮಾಡಿಕೊಂಡು ಆಟ ಆಡಿಸೋರಿಂದ
– ನೀನೇ ಅವರನ್ನೊಂದು ಆಯ್ಕೆ ಆಗಿ ಮಾಡಿಕೋ.
– ಕೆಲಸ ಮಾಡಿದರೂ, ಸಿಡುಕೋ ಸುಮ್ಮನೆ ಬೈಯ್ಯೋ ಅನರ್ಹ ಮೇಲಧಿಕಾರಿಗಳಿಂದ
– ಕೆಲಸ ಮಾಡಿದ ತೃಪ್ತಿಯ ನಗುವೇ ಅವರಿಗುತ್ತರ.
– ಸ್ನೇಹ ಅಂತ ಶುರು ಮಾಡಿ, ಬೇಕಾದ ಹಾಗೆ ಮಾತಾಡಿ, ಕಡೆಗೆ ನಮ್ಮದೇ ತಪ್ಪು ಅಂತ ಬಿಂಬಿಸಿ, ದೂರವಾಗುವವರಿಂದ
– ಅರೆ, ದೂರವಾಗಿದ್ದಾಗಿದೆ ಇನ್ನೇಕೆ ಚಿಂತೆ?
– ಹಾಗಿದ್ರೆ ಇಷ್ಟು ದಿನದ ಸ್ನೇಹ?
– ಅದಕ್ಕುತ್ತರ ಸಿಕ್ಕಿದೆಯಲ್ಲ.
– ಒಪ್ಪಲಾಗ್ತಿಲ್ಲವಲ್ಲ.
– ಇಲ್ಲಿ, ಮರವನ್ನು ಹಿಡಿದಿರೋದು ನೀನು, ಬಿಟ್ಟು ನೋಡಿದ್ರೆ ತಾನೇ ಕಾಡಲ್ಲಿರೋ ಉಳಿದ ಮರಗಳ ಪರಿಚಯ, ಸೌಂದರ್ಯ ಎಲ್ಲಾ ಸವಿಯೋಕಾಗೋದು. ಧೈರ್ಯ ಮಾಡಿ ಬಿಟ್ಟು ಬರಬೇಕಷ್ಟೆ.
– ಹೌದು, ಈಗ ಮಾಡಬೇಕಾಗಿರೋದೂ ಅದನ್ನೇ.

ನಿಜ,
ಯಾರೋ ಆಡಿದ ಮಾತು, ತೋರಿಸಿದ ವರ್ತನೆ, ಕಂಡ ಕನಸು, ಹೇಳದ ಸತ್ಯ ಎಲ್ಲವನ್ನೂ ಹಿಡಿದಿಟ್ಟುಕೊಂಡಿರ್ತೀವಿ ಬಿಟ್ಟು ಬರಲಾರದೆ. ಕೆಲವೊಮ್ಮೆ ಅವೆಲ್ಲಾ ಖುಷಿ ಕೊಟ್ಟರೆ, ಹಲವು ಬಾರಿ ಅನ್ನಿಸೋದಿಷ್ಟೆ, ಸಮಯ ವ್ಯರ್ಥ ಮಾಡ್ತಿದ್ದೀವೇನೋ ಅಂತ. ನಿಜಕ್ಕೂ ಇದು ಪ್ರಯೋಜನವಿಲ್ಲದ್ದಾ?

ಹಾಗಿದ್ರೆ ಪ್ರಯೋಜನಕ್ಕೆ ಬರತ್ತೆ ಅಂದರೆ ಮಾತ್ರ ಸಂಬಂಧ, ಸಂಪರ್ಕ ಇಟ್ಕೋಳೋದಾ? ಸಿನೆಮಾ ನಾಟಕ ಅಂತ ಸುತ್ತೋಕೆ ಪ್ರಯೋಜನಕ್ಕೆ ಬರೋದಾದ್ರೆ ಸ್ನೇಹ ಬೆಳೆಸೋದು,‌ ಫೇಸ್‌ಬುಕ್‌ ನಲ್ಲಿ ಬೀಳೋ, ಕೊಡೋ ಲೈಕ್ ಗಳಿಗೋಸ್ಕರ ಸ್ನೇಹ ಮಾಡ್ಕೊಳ್ಳೋದಾ? ಜೀವನದಲ್ಲಿ ಎಂದಾದರೂ ಒಂದಿನ, ಯಾರದಾದರೂ, ಎಲ್ಲರದ್ದೂ ಒಂದಲ್ಲ ಒಂದ್ಸಲ ಅವಶ್ಯಕತೆ ಬಿದ್ದೇ ಬೀಳತ್ತೆ ಅಂತ ಯಾರೊಂದಿಗಿನ ಸಂಬಂಧ ‘ಕೆಡಿಸಿ’ಕೊಳ್ಳದಿರೋದು ಸರಿಯಾದ ಮಾರ್ಗಾನಾ?

ಹಿರಿಯ ಅಧಿಕಾರಿಗಳಿಗೆ ಚಿನ್ನದ, ಬೆಳ್ಳಿಯ ವಸ್ತುಗಳನ್ನು ಕೊಟ್ಟು ನಮ್ಮ ಜಾಗ ‘ಭದ್ರ’ ಮಾಡಿಕೊಳ್ಳೋ ಪ್ರಯೋಜನದ ಸಂಬಂಧ ಎಷ್ಟು ದಿನ ಉಳೀಬಹುದು? ಮನೆಯಲ್ಲಿ ಬಾಳ ಸಂಗಾತಿಯಿದ್ದರೂ, ಹೊರಗೆ ನೂರೆಂಟು ಹುಡುಗಿಯರೊಂದಿಗೆ ನೀನೇ SPL ಅದಕ್ಕೆ ಹೀಗೆ, ಹಾಗೆ ಅಂತ ಹೊಗಳಿ ಬೇಜಾರಾದಾಗ ನಂಬರನ್ನೂ, ಸ್ನೇಹವನ್ನೂ ಡಿಲೀಟ್ ಮಾಡಿ ಮತ್ತೆಂದೂ ಸಂಪರ್ಕಿಸದ ಹಾಗೆ block ಮಾಡುವ ಅವಸರದ, ಲಾಭದ ಸ್ನೇಹ ಬೆಳೆಸುವುದೇ ಇವತ್ತಿನ fashion ಆಗಿ ಹೋಗಿದೆ.

ಪ್ರಯೋಜನಕ್ಕೆ ಬರಲ್ಲ, ಸಿಗಲ್ಲ ಅಂತ ಅನಿಸಿದ ಕೂಡಲೇ ವಸ್ತುಗಳನ್ನೆಲ್ಲಾ ಮುಲಾಜಿಲ್ಲದೆ ಬಿಸಾಕೋ ಥರಾನೇ ಸಂಬಂಧಗಳನ್ನೂ ತಿಪ್ಪೆಗೆಸೆಯುತ್ತಿದ್ದಾರೆ. ತಂದೆ ತಾಯಿಗೆ ವಯಸ್ಸಾಯ್ತು ಅಂತ ಅವರನ್ನು ಮಹಡಿ ಮೇಲೊಯ್ದು ತಳ್ಳುವ ಮಕ್ಕಳ ಪ್ರಯೋಜನ ಬಯಸಿಯೇ ಹೆತ್ತಿರ್ತಾರಾ ಪೋಷಕರು?

ಸೋದರಳಿಯನನ್ನು ಮಗಳಿಗೆ ತಂದುಕೋಬೇಕು ಅಂತ ಹೊಂಚು ಹಾಕಿ ಕಾದು, ಈಡೇರದಿದ್ದಾಗ, ಪ್ರಯೋಜನಕ್ಕೆ ಬರಲ್ಲ ಅಂತ ಸ್ವಂತ ಅಣ್ಣನನ್ನೂ ತನ್ನ ಮಗಳ ಮದುವೆಗೆ ಕರೆಯದ ಒಡಹುಟ್ಟಿದ ತಂಗಿಯ ಸ್ವಾರ್ಥ ಇಷ್ಟು ವರ್ಷ ಎಲ್ಲಿ ಅಡಗಿತ್ತು ಹಾಗಾದ್ರೆ? ಬಿಎಡ್ ಮಾಡಲು, ಬೇಕಾದ್ದನ್ನೆಲ್ಲಾ ಪೂರೈಸಲು, ಮದುವೆ ಆಗುವ ಭರವಸೆ ಕೊಟ್ಟು, ಎಲ್ಲಾ ಮುಗಿದು, ರೆಕ್ಕೆ ಬಲಿತು ಹಾರಲು ಕಲಿತು, ಅನ್ನ ಹಾಕಿದ ಕಣ್ಣು ಕುಕ್ಕಿ ಹಾರುವ ಮನಸ್ಥಿತಿ ಹೀಗೆ ಮುಂದುವರಿದರೆ ನಂಬಿಕೆಗೆ ಪ್ರೀತಿಗೆ ಬೆಲೆಯಲ್ಲಿ?

ರಸ್ತೆಯಲ್ಲಿ ಅಪಘಾತದಲ್ಲಿ ಸಿಲುಕಿ ಒದ್ದಾಡುವವರನ್ನು ಆಸ್ಪತ್ರೆಗೆ ಸೇರಿಸೋದ್ರಿಂದ ನನಗೇನು ಪ್ರಯೋಜನ? ಯಾರಿಗೋ ಬಸ್ಸಿನಲ್ಲಿ ಸೀಟ್ ಬಿಟ್ಕೊಡೋದ್ರಿಂದ ನನಗೇನು ಲಾಭ? ನನ್ನ ಭೇಟಿ ಮಾಡಲು ಒಪ್ಪಲ್ಲ, ಕರೆದ ಕಡೆ ಬರಲ್ಲ, ಅಂತಾದ ಮೇಲೆ ನಾನ್ಯಾಕೆ ಆ ಸಂಬಂಧದಲ್ಲಿ ಇರಬೇಕು?

ಗೆಳತಿಗೋ, ಸಹೋದ್ಯೋಗಿಗೋ ಅನ್ಯಾಯ ಆಗ್ತಿದೆ ಅಂತ ಕಣ್ಣೆದುರೇ ಗೊತ್ತಾಗ್ತಿದೆ, ಆದರೆ ನಿಜ ಹೇಳಿದರೆ ನಾನೂ ಕೆಟ್ಟವಳಾಗಬೇಕಾಗತ್ತೆ, ಅಷ್ಟು risk ನಾನ್ಯಾಕೆ ತೊಗೊಳ್ಳಲಿ? ಅದರಿಂದ ನನಗೇನು ಸಿಗತ್ತೆ?

Rules ಪಾಲಿಸಿಯೂ ಕಷ್ಟ ಪಡೋರಿದ್ದಾರೆ, ಪಾಲಿಸದೇ ಸುಖವಾಗಿ ಓಡಾಡಿಕೊಂಡಿರೋರಿದ್ದಾರೆ. ಹೀಗಿದ್ಮೇಲೆ ಪ್ರಯೋಜನ ಯಾವುದರಲ್ಲಿ ಸಿಗುತ್ತೋ ಅದನ್ನೇ ತಾನೇ ಅನುಸಿರಿಸಬೇಕು! ಉಳಿದಿದ್ದರ ಬಗ್ಗೆ ನನಗ್ಯಾಕೆ ಚಿಂತೆ?

ಪಕ್ಕದ ಮನೆಯಲ್ಲಿ ಕಳ್ಳ ಬಂದಿದ್ದಾನೆ ಅಂದರೆ ನಾನ್ಯಾಕೆ ಸಹಾಯ ಮಾಡಬೇಕು? ನನ್ನ ಮನೆಗೆ ಬಂದಿಲ್ಲವಲ್ಲ. ಸಹಾಯ ಮಾಡಿದ್ರೂ ನನಗೇನು ಕೊಡ್ತಾರೆ, ಪ್ರಶಸ್ತಿನಾ?

ಮನೆ ಮೇಲೆ ಹಕ್ಕಿಗಳಿಗೆ ನೀರಿಡೋದ್ರಿಂದ ನನಗೇನು ಸುಖ? ಇನ್ನೂ ಹೇಳಬೇಕೆಂದರೆ ಅವುಗಳು ತಿಂದು, ಕುಡಿದು, ಹೊಲಸು ಮಾಡಿ ಹೋಗ್ತವೆ ಅಷ್ಟೇ.

ಮನೆ ಅಂದ ಕೆಡತ್ತೆ ಅಂತ ನೂರಾರು ವರ್ಷದಿಂದ ಬೆಳೆದು ನಿಂತ ಮರ ಕಡಿಯುವವರಿಗೆ ಕಡೀಬೇಡ ಅಂತ ಹೇಳಿದ್ರೆ ನನಗೇನು ಸನ್ಮಾನಾ ಮಾಡ್ತಾರಾ? ಮರ ತಾನೇ ಹೋದರೆ ಹೋಗಲಿ ನನಗೇನಾಗಬೇಕು?

ಹೀಗೆ ಪ್ರಯೋಜನಕ್ಕಾಗಿ ಪ್ರಯೋಗಗಳನ್ನು ಮಾಡ್ತಾ, ದುಂಬಿಯ ಹಾಗೆ ಹೂವಿಂದ ಹೂವಿಗೆ ಹಾರುವವರ ನಡುವೆ, ಪ್ರಯೋಜನವಿಲ್ಲದೆಯೂ ಕೆಲವೊಂದು ಇರಬಹುದು, ಸಂಬಂಧಗಳನ್ನು ಬೆಸೆಯಬಹುದು ಅಂತ ತೋರಿಸೊ ಭರದಲ್ಲಿ ನಾವೇ ಪ್ರಯೋಜನಕ್ಕೆ ಬಾರದವರಾಗ್ತಿದ್ದೀವಾ?

ಪ್ರಯೋಜನವಿಲ್ಲದ(?) ಮರ(ಸಂಬಂಧ)ವನ್ನು ತಬ್ಬಿ ಹಿಡಿದು, ಬಿಡಲಾರದ ವ್ಯಸನಿಗಳಾಗಿ…

ಅರ್ಚನಾ ಎ ಪಿ

ಎಂಎ ಬಿಎಡ್, ಎಂಫಿಲ್ ಪದವೀಧರೆ. ಸುರಾನಾ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕಿ, ಆಕಾಶವಾಣಿ ವಿವಿಧ ಭಾರತಿ 102.9 ಎಫ್ಎಂನಲ್ಲಿ ಉದ್ಘೋಷಕಿ, ಚಂದನ ವಾಹಿನಿಯಲ್ಲಿ ವಾರ್ತಾ ವಾಚಕಿ ಮತ್ತು ಕಾರ್ಯಕ್ರಮ ನಿರೂಪಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಸಾಹಿತ್ಯದಲ್ಲಿ ವಿಶೇಷ ಆಸಕ್ತಿ. ಚಿತ್ತಾರ ಕಲೆಯಲ್ಲೂ ಕೌಶಲ್ಯ.

Share

One Comment For "ಬಿಡಲಾರದ ವ್ಯಸನಿಗಳಾಗಿ…
ಅರ್ಚನಾ ಎ ಪಿ
"

  1. Rathna
    4th March 2018

    ಪ್ರಯೋಜನಕ್ಕೆ
    ಬರುವ ಸಲಹೆಯೇ…

    Reply

Leave a comment

Your email address will not be published. Required fields are marked *

Recent Posts More

  • 13 hours ago No comment

    ಸ್ವಿಟ್ಜರ್ಲ್ಯಾಂಡಿನ ಕಣ್ಮಣಿ – ಲ್ಯೂಸರ್ನ್

        ನಾನಾ ಆಕರ್ಷಣೆಗಳಿರುವ ಈ ನಗರ ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತದೆ. ಸ್ವಲ್ಪವೂ ಬೇಸರ ತರಿಸದ ಸುಂದರ ಸ್ವಿಸ್ ನಗರಿ.         “ನಾಳೆ ಸ್ವಿಟ್ಜರ್ಲ್ಯಾಂಡ್” ಎಂದ ಕೂಡಲೇ ಬಸ್ಸಿನಲ್ಲಿ ಹರ್ಷೋದ್ಗಾರ! ಯೂರೋಪಿನ ಪ್ರವಾಸದಲ್ಲಿದ್ದ ನಮಗೆಲ್ಲ ಸ್ವಿಟ್ಜರ್ಲ್ಯಾಂಡ್ ಹೆಸರು ಇಂಪಾಗಿ ಕೇಳಿಸಲು ಕಾರಣಗಳು ಹಲವು. ಮೈಲುಗಟ್ಟಲೆ ಹಸಿರು ನೆಲ, ಹಚ್ಚಹಸಿರು ತುಂಬಿದ ಬೆಟ್ಟಗಳು, ಪರ್ವತಗಳಲ್ಲಿನ ಹಿಮ ಕರಗಿ ಜುಳಜುಳನೆ ಹರಿವ ತಿಳಿ ಬೂದು, ಬಿಳಿ ಬಣ್ಣದ ...

  • 1 week ago No comment

    ಕವಿಸಾಲು | ಒಲವಿನಾಟ

        ಕವಿಸಾಲು       ಶರದೃತು ತೂರಿದ ಪುಂಡ ಗಾಳಿಗೆ ಎಲೆಗಳೆಲ್ಲ ಹಾರಿ ಉದುರಿ ಮಳೆಗೆ, ಬಿಸಿಲ ಝಳಕ್ಕೆ ಒಡಲನೊಡ್ಡಿ ಹಾಡೋ ಹಕ್ಕಿಯ ಗೂಡು ಬರಿದು ಮೈಯ ಕೊಂಕಿಸಿ, ತಲೆಯ ಹೊರಳಿಸಿ ಚಳಿಯ ಮುಸುಕಿನಲ್ಲಿ ಕಂಪಿಸಿದ ಮರಕ್ಕೆ ಚಿಗುರ ಬಯಕೆಯ ನಸು ಪುಳಕ ಹಸಿರ ಉಸಿರಿನ, ಹಕ್ಕಿ ಹಾಡಿನ ಕನಸ ಹೊದಿಕೆಯ ಬಿಸಿ ಒಡಲು ತುಂಬಲು ಬಯಕೆಯಾಗಿ ಟೊಂಗೆ-ರೆಂಬೆಗಳಲಿ ಕವನ ಸದ್ದು ಗದ್ದಲವಿಲ್ಲದೆ ಇತ್ತ ಒಲವಿನೋಲೆಯ ...

  • 2 weeks ago No comment

    ಕವಿಸಾಲು | ನಕ್ಷತ್ರ ನಾವೆ

      ಕವಿಸಾಲು       ಮೋಡವೇ ಮನೆಯೊಳಗೆ ಇಳಿದಂತೆ ದಟ್ಟವಾದ ಹೊಗೆ ಮನೆಜಂತಿಗಳ ತುಂಬಾ ನೇತುಕೊಂಡಿದೆ ಚುಕ್ಕಿಗಳೇ ಮನೆಯ ಜಂತಿಗಳಲಿ ಯಾತ್ರೆ ಹೊರಟಂತೆ ಕಂಡರು ಮಿನುಕು ಹುಳುಗಳ ಹಾಗೆ ಚಿಮಣಿದೀಪದ ನೆರಳು ಸದಾ ಬೆನ್ನಿಗೆ ಗೋಡೆಗಳು ಅಕ್ಷರಶಃ ಬೂದಿಗುಡ್ಡದಂತೆ ಕಪ್ಪುಕಾಡಿಗೆಗಳ ಹಾಗೆ ಗೋಚರ ಬಾಗಿಲು ಕಿಟಕಿಗಳ ಮೂಲಕ ಬುಸುಗುಡುವ ಹೊಗೆ ಉಗಿಬಂಡಿಯ ಕಾಲಚಕ್ರದಲಿ ದಿನಗಳ ದೂಡಿದಂತೆ ಹೊಗೆಯ ಬೇಗೆಯಲಿ ಅವಳೆಂದೂ ಎದೆಗುಂದಲಿಲ್ಲ ಹಣೆಯ ಬೆವರಿನ ಗಟ್ಟಿ ತಾಜಾತನದ ...

  • 2 weeks ago No comment

    ಕಲರವ | ಒಂದು ಸಿನಿಮಾ ನೋಡಿದ ಕಥೆ…

        ಕಲರವ           “ಎರಡು ವರ್ಷಕ್ಕೊಮ್ಮೆ ಬರ್ತೀಯ, ಈ ಬಾರಿಯಾದರೂ ಒಂದು ಸಿನಿಮಾ ನೋಡು” ಎಂದಳು ಭಾರತದ ನನ್ನ ಅಕ್ಕ. “ಹೌದಲ್ಲವಾ” ಅಂತ ನಮ್ಮೂರಿನಲ್ಲಿ ನಡೆಯುತ್ತಿದ್ದ ಸಿನಿಮಾ ಪಟ್ಟಿ ನೋಡಿದೆ. ಪ್ರೀತಿ –ಪ್ರೇಮ, ಫೈಟಿಂಗ್ ಗಳ ಚಲನಚಿತ್ರವನ್ನು ನೋಡುವುದೆಂದರೆ, ‘ನೋಡಿದ್ದನ್ನೇ ನೋಡುವ’ ಕಷ್ಟ. ವೈಚಾರಿಕ ಸಿನಿಮಾಗಳು ಜಾಸ್ತಿ ಓಡದ ಕಾಲವಿದು. ಇನ್ನು ಸಾಂಸಾರಿಕ ಚಿತ್ರಗಳು ಬರುವುದು ನಿಂತ ಮೇಲೆ ಸಂಸಾರಗಳು ಒಟ್ಟಿಗೆ ...

  • 3 weeks ago No comment

    ಕವಿಸಾಲು | ಅಲೆಗಳೆದ್ದ ಕೊಳ…

        ಕವಿಸಾಲು         ಅಲೆಗಳೆದ್ದ ಕೊಳವಿದು, ಕಲ್ಲು ತೂರಿದ ಕಾಯಕವಷ್ಟೇ ನಿನ್ನದು ಎದ್ದ ಅಲೆಗಳ ಮೇಲಿಲ್ಲ ನಿನಗೆ ಇನಿತು ಅಧಿಕಾರವು ದೂರಿಲ್ಲ ನನ್ನಲ್ಲಿ, ಬೇಡಿಕೆ ತಾನೇ ಏಕೆ? ತುಂಬಿದ ಮನದಿ ಹೊಕ್ಕ ಹರ್ಷಕೆ ಪುರಾವೆಗಳ ಹಂಗಿಲ್ಲ, ನಕ್ಕ ನಗುವಿನಲಿ ನೋವಿಲ್ಲ, ತುಂಬಿವೆ ನೂರು ಭಾವಾರ್ಥ ಮುಚ್ಚಟೆಯಿಂದ ಬಚ್ಚಿಟ್ಟುಕೊಂಡು ಬೇಕಾದ ಪರಿಭಾಷೆಯಲಿ ದಿರಿಸಿಟ್ಟು ಸಿಂಗರಿಸಿ ನೋಡುತ್ತ ನಿನ್ನ ಅನುಪಸ್ಥಿತಿಯಲ್ಲೂ ಸಿಗುವ ಅನುಪಮ ಭಾವದಿ ದೊರಕಿದ್ದು ...


Editor's Wall

  • 31 August 2018
    3 weeks ago No comment

    ಪ್ರಸಾದ್ ಪಟ್ಟಾಂಗ | ಓದು ಮಗು ಓದು…

        “ಮಕ್ಕಳಿಗಾಗಿ ಒಂದು ಪುಸ್ತಕ ಮಾಡಬೇಕಲ್ಲಾ… ಪಠ್ಯದಾಚೆಗೂ ಅವರು ಏನೇನು ಓದಬಹುದು ಎಂಬುದರ ಬಗ್ಗೆ ತಿಳಿಸುವಂಥದ್ದು” ಎಂದು ಟೆಲಿಫೋನ್ ಕರೆಯ ಮತ್ತೊಂದು ತುದಿಯಲ್ಲಿ ಅಂದು ಹೇಳುತ್ತಿದ್ದರು ಮಿತ್ರರಾದ ಗಣೇಶ್ ಕೋಡೂರು. ಓದು, ಬರವಣಿಗೆ, ಫೋಟೋಗ್ರಫಿ, ಪ್ರವಾಸ, ಕಾರ್ಯಕ್ರಮ, ಸಮಾಜಸೇವೆ, ಪ್ರಕಟಣೆ… ಹೀಗೆ ಎಲ್ಲದರಲ್ಲೂ ತೊಡಗಿಕೊಂಡಿರುವ ಗಣೇಶ್ ಅವರದ್ದು ಇದೊಂದು ಹೊಸ ಪ್ರಾಜೆಕ್ಟ್ ಇರಬೇಕು ಎಂದು ತಕ್ಷಣ ಅಂದುಕೊಂಡೆ ನಾನು. ಸದಾ ಕ್ರಿಯಾಶೀಲರಾಗಿರುವ ಗಣೇಶ್ ಕೋಡೂರು ಒಂದಲ್ಲಾ ಒಂದು ...

  • 30 August 2018
    3 weeks ago No comment

    ಕಾದಂಬಿನಿ ಕಾಲಂ | ತಮ್ಮ ಶವಪೆಟ್ಟಿಗೆಗೆ ತಾವೇ ಹೊಡೆದುಕೊಂಡ ಮೊದಲ ಮೊಳೆ

                        ಬಹುದೊಡ್ಡ ಪ್ರಜಾಪ್ರಭುತ್ವದ ಅಖಂಡ ಭಾರತವನ್ನು ಅಷ್ಟು ಸುಲಭವಾಗಿ ಸರ್ವಾಧಿಕಾರದ ಹಿಡಿತದಲ್ಲಿ ಬಂಧಿಸುವುದು ಸಾಧ್ಯವಿಲ್ಲ.   2019ರ ಲೋಕಸಭಾ ಚುನಾವಣೆಯ ಪೂರ್ವದಲ್ಲಿ ಅತ್ಯಂತ ಕಳವಳಕಾರಿ ಘಟನಾವಳಿಗಳು ಜರುಗುತ್ತಾ ಈ ದೇಶದ ಪ್ರಜ್ಞಾವಂತ ನಾಗರೀಕರ ಕಣ್ಣೆದುರು ಭಯದ ನೆರಳು ಕವಿಯುವಂತೆ ಮಾಡುತ್ತಿವೆ. ದೇಶದೊಳಗೆ ಕೊಲೆ, ಹಲ್ಲೆ, ಅತ್ಯಾಚಾರ, ಗಲಭೆ, ಸುಳ್ಳು ಸುದ್ಧಿ ಹಬ್ಬಿಸುವುದು, ಆತಂಕ ಸೃಷ್ಟಿಸುವುದು ಇನ್ನೂ ...

  • 26 August 2018
    4 weeks ago No comment

    ಗೆದ್ದು ಬೀಗುತ್ತಿರುವ ದುಷ್ಟ ರಾಜಕೀಯ ಮತ್ತು ಅಮರ್ತ್ಯ ಸೇನ್ ಮಾತುಗಳು

        ಜನರನ್ನೇ ಕೊಲ್ಲಲು ಜನಪ್ರಭುತ್ವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುಷ್ಟತನಕ್ಕೆ ಕೊನೆಗಾಲ ಯಾವಾಗ?     “ಪ್ರಜಾಪ್ರಭುತ್ವ ಅಪಾಯದಲ್ಲಿರುವ ಈ ಹೊತ್ತಿನಲ್ಲಿ ಎಲ್ಲ ಕೋಮುವಾದಿಯೇತರ ಮತ್ತು ಬಿಜೆಪಿಯೇತರ ಶಕ್ತಿಗಳು ಒಂದಾಗಿ 2019ರ ಲೋಕಸಭಾ ಚುನಾವಣೆಯನ್ನು ಎದುರಿಸಬೇಕಿದೆ ಮತ್ತು ಇವುಗಳ ಜೊತೆಗೂಡಲು ಎಡಪಕ್ಷಗಳು ಹಿಂಜರಿಯಕೂಡದು.” ಇವು ನೊಬೆಲ್ ಪ್ರಶಸ್ತಿ ಪುರಸ್ಕೃತ ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್ ಅವರ ಮಾತುಗಳು. “ನಾವು ಸರ್ವಾಧಿಕಾರವನ್ನು, ಸರ್ವಾಧಿಕಾರಿ ಧೋರಣೆಯನ್ನು ವಿರೋಧಿಸಲೇಬೇಕಾಗಿದೆ. ಕೋಮುವಾದಿ ಬಲಪಂಥೀಯ ಪಡೆಗಳನ್ನು ವಿರೋಧಿಸಲು ...

  • 26 August 2018
    4 weeks ago No comment

    ಕಡು ಭಯಂಕರ ಕತ್ತಲೊಳಗೆ ಅವಳಂಥ ಅದೆಷ್ಟು ಜೀವಗಳೊ!

      ಅವಳೊಳಗೀಗ ಕನಸುಗಳೇ ಇಲ್ಲ. ಮಿಂಚು ಸ್ಫುರಿಸಬೇಕಿದ್ದ ಕಣ್ಣುಗಳಲ್ಲಿ ನಾಳೆಗಳನ್ನು ಚಿಂತಿಸುವ ಯಾತನೆ ಮಾತ್ರವೇ ಸರಿದಾಡುತ್ತಿದೆ.       ಒಂದು ವರದಿಯ ಪ್ರಕಾರ, ಕಳೆದ ಏಪ್ರಿಲ್ ಹೊತ್ತಿಗೆ ಹತ್ತಿರ ಹತ್ತಿರ ಏಳು ಲಕ್ಷದಷ್ಟು ರೋಹಿಂಗ್ಯಾಗಳು ಬಾಂಗ್ಲಾದೇಶದೊಳಕ್ಕೆ ಸೇರಿಕೊಂಡಿದ್ದಾರೆ. ಅವರಲ್ಲಿ ಅರ್ಧಕ್ಕರ್ಧದಷ್ಟು ಮಕ್ಕಳೇ. ಆ ಮಕ್ಕಳೆಲ್ಲ ಒಂದಲ್ಲ ಒಂದು ರೀತಿಯಲ್ಲಿ ದೈಹಿಕವಾಗಿ ಮತ್ತು ಭಾವನಾತ್ಮಕವಾಗಿ ದಮನಿತರು. ಆ ಮಕ್ಕಳ – ಅದರಲ್ಲೂ ಹೆಣ್ಣುಮಕ್ಕಳ ಬದುಕು ಎಂಥ ನರಕಮಯ ಎಂಬುದನ್ನು ...

  • 23 August 2018
    1 month ago No comment

    ಕಾದಂಬಿನಿ ಕಾಲಂ | ದುರ್ಬಲ ಗಳಿಗೆಗಳನ್ನೇ ಹೊಂಚುವ ಹದ್ದುಗಣ್ಣುಗಳೆದುರು ಹೆಣ್ಣು ದೇಹ

                        ಲೋಕದ ನೀತಿಯೇ ಅದಲ್ಲವೇ? ತನ್ನ ಮೂಗಿನ ನೇರಕ್ಕೆ ನ್ಯಾಯ ವಿತರಿಸುವುದು ಮತ್ತು ದುರ್ಬಲರನ್ನೇ ಅಲ್ಲವೇ ಬಲಿಗಂಬಕ್ಕೇರಿಸುವುದು?   ‘ಟೈಟಾನಿಕ್’ ಎನ್ನುವುದು ವಿಕೋಪದ ಸಂದರ್ಭದಲ್ಲಿ ಬಲಿಷ್ಠರ ಕೈ ಹೇಗೆ ಮೇಲಾಗುತ್ತದೆನ್ನುವುದಕ್ಕೆ ಒಂದು ಸಶಕ್ತ ರೂಪಕ. ಅಂಥಲ್ಲಿ ಕೆಳಗಿನವರನ್ನು ತುಳಿಯುವ, ಅವರ ಸವಲತ್ತುಗಳನ್ನು ಕಬಳಿಸಲು ಹವಣಿಸುವ ವಿಕರಾಳ ಆಟವೊಂದು ನಿರಾತಂಕವಾಗಿ ಜರುಗುತ್ತದೆ. ನೆನ್ನೆ ರಾತ್ರಿ ಒಬ್ಬ ಯುವಕ ...