Share

ಅಮ್ಮ ಅಂದರೆ ನನ್ನಮ್ಮನೇ!
ಉಷಾ ಕಟ್ಟೆಮನೆ ಕಾಲಂ

IMG-20160516-WA0001

ಚಿಟ್ಟೆಬಣ್ಣ | chitte banna

 

 

 

usha

ತೋಟಕ್ಕೆ ಮದ್ದು ಬಿಡುವ ವಾಸು ಅನಿರೀಕ್ಷಿತವಾಗಿ ತೀರಿಕೊಂಡ ಕಾರಣದಿಂದಾಗಿ ಈ ಮಳೆಗಾಲದಲ್ಲಿ ಕೊಳೆರೋಗಕ್ಕೆ ಮದ್ದು ಬಿಡುವುದು ಹೇಗೆ ಅಂತ ತುಂಬಾ ಚಿಂತೆಯಾಗಿತ್ತು. ಫೇಸ್‌ಬುಕ್‌ನಲ್ಲಿ ‘ಅಗ್ರಿಕಲ್ಚರಿಸ್ಟ್’ ಎಂಬ ತುಂಬಾ ಕ್ರಿಯಾಶೀಲವಾಗಿರುವ ಒಂದು ಗ್ರೂಪ್ ಇದೆ.  ಕೃಷಿಕರು ಮತ್ತು ಕೃಷಿ ಕ್ಷೇತ್ರದ ಆಗುಹೋಗುಗಳ ಬಗ್ಗೆ ಆಸಕ್ತಿಯಿರುವ ಸುಮಾರು ಇಪ್ಪತ್ತೇಳು ಸಾವಿರ ಸದಸ್ಯರು ಇದರಲ್ಲಿದ್ದಾರೆ. ಅಲ್ಲಿ ನನ್ನ ಸಮಸ್ಯೆಯನ್ನು ಹೇಳಿಕೊಂಡೆ. ಅಲ್ಲಿನ ಸದಸ್ಯರೊಬ್ಬರು ತೋಟಕ್ಕೆ ಮದ್ದು ಬಿಡುವ ತಂಡವೊಂದರ ಫೋನ್ ನಂಬರ್ ಅನ್ನು ಅಲ್ಲಿ ದಾಖಲಿಸಿದರು. ನಾನವರನ್ನು ಸಂಪರ್ಕಿಸಿದೆ. ನನ್ನ ಅನಿವಾರ್ಯತೆಯನ್ನು ಅವರಲ್ಲಿ ಹೇಳಿಕೊಂಡೆ. ಅವರು ಮದ್ದು ಬಿಟ್ಟುಕೊಡುವುದಾಗಿ ಭರವಸೆ ನೀಡಿದರು.

ಮೂಲಭೂತವಾಗಿ ಮನುಷ್ಯರೆಲ್ಲಾ ಸಾಮಾನ್ಯವಾಗಿ ಒಳ್ಳೆಯವರೇ. ಕಷ್ಟದಲ್ಲಿರುವವರಿಗೆ ಕೈಲಾದಷ್ಟು ಸಹಾಯ ಮಾಡುತ್ತಾರೆ. ಅದರಲ್ಲೂ ನಾನು ಬೆಂಗಳೂರಿನಲ್ಲಿ ಇರುವಾಕೆ. ಇಲ್ಲಿ ಈ ಹಳ್ಳಿಯಲ್ಲಿ ಬಂದು ಅದೆನೋ ಜಮೀನು ತೋಟ ಅಂತ ಒದ್ದಾಡುತ್ತೆ ಅಂತ ಕನಿಕರಪಟ್ಟು ಸಹಾಯಕ್ಕೆ ಬರುತ್ತಾರೆ. ಅವರೆದುರಿನಲ್ಲಿ ಸ್ವಲ್ಪ ಗತ್ತು ಗೈರತ್ತು ತೋರಿಸಿದರೋ ಜಪ್ಪಯ್ಯ ಅಂದ್ರೂ ತಿರುಗಿಯೂ ನೋಡೊಲ್ಲ. ಮಾತ್ರವಲ್ಲ ಎಲೆಯಡಿಕೆ ಹಾಕಿಕೊಂಡು ಜಗಿದುಬಿಡ್ತಾರೆ. ನೀವು ಎಷ್ಟೇ ಹಣವಂತರಾದರೂ, ಸಮಾಜದಲ್ಲಿ ಏನೇ ಸ್ಥಾನ-ಮಾನ ಹೊಂದಿದ್ದರೂ ಇವರಿಗದು ಲೆಕ್ಕಕ್ಕೇ ಇಲ್ಲ.

ಮಾತು ಕೊಟ್ಟಂತೆಯೇ ಮೊನ್ನೆ ಮಂಗಳವಾರ ತಮ್ಮದೇ ವಾಹನದಲ್ಲಿ ಸಕಲ ಸಲಕರಣೆಗಳೊಂದಿಗೆ ಬಂದಿಳಿದರು. ಸರಿಯಾಗಿ ಒಂಬತ್ತು ಘಂಟೆಗೆ ತೋಟ ಹೊಕ್ಕವರು ಕಣ್ಣಲ್ಲೇ ಅಳತೆ ಮಾಡಿ ಇಡೀ ತೋಟಕ್ಕೆ ರಕ್ತನಾಳಗಳಂತೆ ಪೈಪ್‌ಗಳನ್ನು ಹರಡಿದರು. ಎರಡು ಜನ ಮೂರು ದಿನಗಳಲ್ಲಿ ಬಲು ಪ್ರಯಾಸಪಟ್ಟು ಮುಗಿಸುತ್ತಿದ್ದ ಈ ಕೆಲಸವನ್ನು ಇವರು ಕೇವಲ ಮೂರು ಘಂಟೆಯಲ್ಲಿ ಮುಗಿಸಿ ಮಧ್ಯಾಹ್ನ ಅವರಿಗಾಗಿ ಮಾಡಿಸಿದ್ದ ವಿಶೇಷ ಮಾಂಸದೂಟ ಉಂಡು ಪುರ್ರಂತ ತಮ್ಮ ರಥವೇರಿ ಹೊರಟೇಬಿಟ್ಟರು.

ಚೆನ್ನಾಗಿ ಬಿಸಿಲು ಬಂದರೂ ಆರು ಜನರಿಗೆ ಕನಿಷ್ಟ ಒಂದು ದಿನವಾದ್ರೂ ಬೇಕಾದೀತು ಅಂತ ಪೂರ್ವ ಸಿದ್ಧತೆಯೊಡನೆ ತೋಟಕ್ಕೆ ಹೋಗಿದ್ದೆ. ಹಾಗಾಗಿ ತವರು ಮನೆಗೊಂದು ವಿಸಿಟ್ ಕೊಡೋಣ ಅಂತ ಅಣ್ಣನೊಡನೆ ಹೊರಟೆ. ಹಾಂ, ಹೇಳಲು ಮರೆತಿದ್ದೆ. ತೋಟಕ್ಕೆ ಮದ್ದು ಬಿಡುವುದರ ಉಸ್ತುವಾರಿಯೆಲ್ಲಾ ಆತನದೆ. ನನ್ಗೇನು ಗೊತ್ತು ಮಣ್ಣಾಂಗಟ್ಟಿ!

ಅರ್ಧ ದಾರಿಯಲ್ಲಿ ಹೋಗುತ್ತಿರುವಾಗ ಅಮ್ಮನಿಂದ ಫೋನ್ ಬಂತು. ಮದ್ದು ಎಷ್ಟು ಬಿಟ್ಟು ಆಗಿದೆಯಾಂತ ವಿಚಾರಿಸಿಕೊಳ್ಳಲು ಅಮ್ಮ ಆಗಾಗ ಫೋನ್ ಮಾಡುತ್ತಿರುತ್ತಾರೆ. ಮದ್ದು ಬಿಟ್ಟು ಆಯ್ತು, ಈಗ ಮನೆಗೆ ಬರುತ್ತಿರುವುದಾಗಿಯೂ ಅಮ್ಮನಿಗೆ ಹೇಳಿದೆ. ಅವರಿಗೆ ಆಶ್ಚರ್ಯದೊಂದಿಗೆ ಖುಷಿಯೂ ಆಯ್ತು.

ಮನೆಗೆ ಹೋದಾಗ ಹಬ್ಬದಡುಗೆ ರೆಡಿಯಾಗಿತ್ತು. ಅದಕ್ಕೆ ಅಮ್ಮನದೇ ಆದ ವಿಶಿಷ್ಟ ರುಚಿ.

ಅಮ್ಮ ತನ್ನ ನಿಡಿದಾದ ಬದುಕಿನಲ್ಲಿ ಅನುಭವಿಸಿದ ನೋವು ಸಂಕಟಗಳ ಬಗ್ಗೆ ಬರೆಯಲು ಹೋಗುವುದಿಲ್ಲ. ಆ ಕಾಲದಲ್ಲಿ ಗ್ರಾಮೀಣ ಪ್ರದೇಶದಲ್ಲಿ ಹುಟ್ಟಿ ಬೆಳೆದ ಎಲ್ಲಾ ಅಮ್ಮಂದಿರು ಅವುಡುಗಚ್ಚಿ ಬದುಕನ್ನು ಎದುರಿಸಿದವರೇ ಆಗಿದ್ದಾರೆ. ಬಹಿರಂಗವಾಗಿ ಹೇಳಿಕೊಳ್ಳಲಾರದ ಅನೇಕ ಕಷ್ಟಗಳನ್ನು ಎದುರಿಸುತ್ತಾ ತಮ್ಮ ಮಕ್ಕಳು ತಮ್ಮಂತೆ ಆಗಬಾರದೆಂದು ಬದುಕಿನ ಕೊನೆ ತನಕ ಮನೆ ಮಠಕ್ಕಾಗಿ ರಕ್ತ ಬಸಿದವರೇ ಆಗಿದ್ದಾರೆ.

DSC04779

ಇಲ್ಲಿರುವ ಚಿತ್ರ ನೋಡಿ ನನ್ನ ಅಮ್ಮನಿಗೀಗ ಎಪ್ಪತೈದು ವರ್ಷ. ಆದರೂ ಒಂದು ಘಳಿಗೆ ಸುಮ್ಮನೆ ಕೂತ್ಕೊಳ್ಳುವವರಲ್ಲ. ಗದ್ದೆ ತೋಟಗಳಿಗೆ ಹೋಗುತ್ತಾರೆ. ಅಡಿಕೆ ಹೆಕ್ಕುತ್ತಾರೆ. ದನಕರುಗಳಿಗೆ ಹುಲ್ಲು ಹೊಂಬಾಳೆ ಹೊತ್ತು ತರುತ್ತಾರೆ. ಕಳೆದ ವರ್ಷದವರೆಗೆ ಹಟ್ಟಿಗೆ ಗುಡ್ಡದಿಂದ ಕೆಲಸದವರು ಸೊಪ್ಪು ತಂದು ಹಾಕುತ್ತಿದ್ದರು. ಅಮ್ಮ ಅವುಗಳನ್ನೆಲ್ಲಾ ಹಟ್ಟಿಯಲ್ಲಿ ಹರಡಿ ದನಕರುಗಳಿಗೆ ಬೆಚ್ಚನೆಯ ಹಾಸುಗೆ ಸಿದ್ಧಪಡಿಸುತ್ತಿದ್ದರು. ಈ ವಯಸ್ಸಿನಲ್ಲಿ ನಿಮಗಿದೆಲ್ಲಾ ಯಾಕೆ ಅಮ್ಮಾ? ಎಂದು ಪ್ರಶ್ನಿಸಿದರೆ, ನನ್ನ ಕಣ್ಣೆದುರಿನಲ್ಲೇ ಇವೆಲ್ಲಾ ಹಾಳು ಬೀಳುವುದನ್ನು ನನಗೆ ನೋಡಲಾಗುವುದಿಲ್ಲ. ನಾನು ಹೋದ ಮೇಲೆ ಏನು ಬೇಕಾದರೂ ಮಾಡಿಕೊಳ್ಳಿ ಅನ್ನುತ್ತಿರುತ್ತಾರೆ.

ನಮ್ಮಲ್ಲಿ ಯಾವಾಗಲೂ ಹಾಗೆಯೇ. ಹಟ್ಟಿ ತುಂಬಾ ದನಕರುಗಳು, ಎತ್ತುಗಳು ಇರುತ್ತಿದ್ದವು. ಎಲ್ಲವೂ ನಾಟಿ ದನಗಳೇ. ಗದ್ದೆಗೆ ಅಡಿಕೆ ಗಿಡ ಹಾಕಿದ ಮೇಲೆ ಎತ್ತುಗಳನ್ನು ಕೇಳುವವರೇ ಇಲ್ಲ. ಆದರೂ ನಮ್ಮನೆಯಲ್ಲಿ ಗೊಬ್ಬರಕ್ಕಾದೀತು ಎಂದು ಮುದಿ ದನಗಳನ್ನೂ ಎತ್ತುಗಳನ್ನು ಸಾಕುತ್ತಾರೆ. ಈಗಲೂ ಲೆಕ್ಕಕ್ಕೆ ಹಾಲು ಕರೆಯುವ ಎರಡು ಹಸುಗಳಿವೆ.

ಒಂದು ಲೆಕ್ಕದಲ್ಲಿ ಇದೆಲ್ಲಾ ನಿಜವೇ. ಈಗ ಹಳ್ಳಿಯಲ್ಲಿ ಕೃಷಿ ಕಾರ್ಮಿಕರ ತೀವ್ರ ಕೊರತೆಯಿದೆ. ಮನೆ ಮಂದಿ ಆ ಕೆಲಸಗಳನ್ನೆಲ್ಲಾ ಮಾಡೋಣ ಅಂದರೆ ಯುವ ಜನತೆ ಪಟ್ಟಣ ಸೇರಿದ್ದಾರೆ. ಹಾಗಾಗಿ ಮುದಿ ಜೀವಗಳೇ  ಹಳ್ಳಿ ಬದುಕಿನ ರಥ ಎಳೆಯುತ್ತಿದ್ದಾರೆ.

ನಮ್ಮಮ್ಮ ವಿದ್ಯಾವಂತೆ ಮಾತ್ರವಲ್ಲ ಪಟ್ಟೆದಾರ್ತಿ. ಅಂದ್ರೆ ಅವರಿಗೆ ತನ್ನ ತಂದೆಯಿಂದ ಬಂದ ಆಸ್ತಿಯಿದೆ. ಅಜ್ಜಿ ತೀರಿಕೊಂಡ ಮೇಲೆ ಅದನ್ನು ಮಾರಿ ನಮ್ಮ ಮನೆ ಹತ್ತಿರದಲ್ಲೇ ಅಡಿಕೆ ತೋಟವನ್ನು ಖರೀದಿಸಿದ್ದೆವು. ಅದು ಅಮ್ಮನ ಹೆಸರಿನಲ್ಲಿಯೇ ಇದೆ. ಅವರಿಗೆ ಒಳ್ಳೆಯ ವ್ಯವಹಾರ ಜ್ಞಾನ ಇದೆ. ತಮ್ಮ ಜಮೀನಿನ ಹೊಣೆಗಾರಿಕೆಯನ್ನು ತಾವೇ ಹೊತ್ತಿದ್ದರು. ಆ ಕಾಲದಲ್ಲಿಯೇ ತಮ್ಮ ಬ್ಯಾಂಕ್ ಖಾತೆಯನ್ನು ತಾವೇ ನಿರ್ವಹಣೆ ಮಾಡುತ್ತಿದ್ದರು. ಅಲ್ಪ ಸ್ವಲ್ಪ ದುಡ್ಡು ಉಳಿಸಿ ಹೆಣ್ಣು ಮಕ್ಕಳ ಮಕ್ಕಳ ಕಷ್ಟ ಕಾಲಕ್ಕೆ ನೆರವಾಗುತ್ತಿದ್ದರು.

———-

usha2ಉಷಾ ಕಟ್ಟೆಮನೆ, ಪತ್ರಕರ್ತೆಯಾಗಿ, ಅದಕ್ಕೂ ಮೊದಲು ಕನ್ನಡ ಉಪನ್ಯಾಸಕಿಯಾಗಿ ಕೆಲಸ ಮಾಡಿದವರು. ದೃಶ್ಯ ಮಾಧ್ಯಮಕ್ಕಾಗಿಯೂ ಕೆಲಸ ಮಾಡಿದ ಅನುಭವ. ಆದರೆ ಅವರು ಪರಿಚಿತರಾಗಿರುವುದು ತಮ್ಮ ವಿಶಿಷ್ಟ ಸಂವೇದನೆಯ ಬರವಣಿಗೆಯಿಂದಾಗಿ. ಕೆಲ ವರ್ಷಗಳಿಂದ ಕೃಷಿಯಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ದೇಶ ಸುತ್ತುವುದೆಂದರೆ ಇವರಿಗೆ ಅತ್ಯಂತ ಇಷ್ಟ.

Share

3 Comments For "ಅಮ್ಮ ಅಂದರೆ ನನ್ನಮ್ಮನೇ!
ಉಷಾ ಕಟ್ಟೆಮನೆ ಕಾಲಂ
"

  1. 24th July 2016

    ನಿಮ್ಮ ಪಟ್ಟೆದಾರ್ತಿ ಅಮ್ಮನಿಗೆ ಒಂದು ಪ್ರೀತಿಯ ನಮಸ್ಕಾರ. ನನ್ನ ಪರವಾಗಿ ನೀವೊಮ್ಮೆ ಅವರ ಕೆನ್ನೆ ಹಿಂಡಿ, ಹಗ್ ಮಾಡಿ.
    ನಿಮ್ಮ ಚೈತನ್ಯದ ಮೂಲಸಿರಿ ಅವರು.

    Reply
  2. ಉಷಾಕಟ್ಟೆಮನೆ
    26th July 2016

    ಇದು ನನ್ನ ಬರಹದ ಕಾರಣಕ್ಕಾಗಿಯಲ್ಲ,
    ನನ್ನಮ್ಮನ ಮೇಲಿನ ಪ್ರೀತಿಯಿಂದ ನೀವಿದನ್ನು ಓದಿದ್ದೀರೆಂದು ನನಗೊತ್ತು.
    ನಿಮಗೆಲ್ಲರಿಗೂ ನನ್ನಮ್ಮನ ಪರವಾಗಿ ಪ್ರೀತಿಯ ವಂದನೆಗಳು.

    Reply
  3. ರವಿಶಂಕರ್
    26th July 2016

    ಉಷಾ ರವರೆ, ಶ್ರಮ ಸಂಸ್ಕೃತಿ ಅಂದರೆ ಇದೇ ಇರಬೇಕು. ಸಾಮಾನ್ಯವಾಗಿ, ನಾನು ಕಂಡಂತೆ, ಹೆಣ್ಣುಮಕ್ಕಳಿಗೆ ಈ ಕೆಲಸ ಆಗಬೇಕು ಅಂದರೆ, ಆಗಲೇಬೇಕು. ಮನೆಯಲ್ಲಿ ಎಷ್ಟೆಲ್ಲಾ ಕೆಲಸಗಳಿರುತ್ತವೆ. ಬೆಳಗ್ಗೆ ಎದ್ದರೆ, ಬಟ್ಟೆಬರೆ, ಪಾತ್ರೆ, ತಿಂಡಿ, ಅಡಿಗೆ, ಮಕ್ಕಳು …. ಅದರಲ್ಲೂ ದುಡಿಯುವ ಹೆಣ್ಣಾದರೆ ಇನ್ನೂ ಕಷ್ಟ. ಖಾಸಗಿ ಆಫೀಸ್ ಗಳಾದರೆ ಮತ್ತೂ ಕಷ್ಟ. ಅವರ ದೇಹಕ್ಕೆ ದಣಿವಾದರೂ, ಹಿಡಿದ ಕಾರ್ಯ ಮುಗಿಯುವವರೆಗೂ ಅವರು ಮನಸ್ಸಿನ ಆಜ್ಞಾವರ್ತಿಗಳು. ಅದಕ್ಕೇ ಏನೋ ಪಟ್ಟಣದ ಮಹಿಳೆಯರಿಗೆ ನೂರೆಂಟು ಚಿಂತೆಗಳು, ತಾಪತ್ರಯಗಳು ಹಾಗೂ ಕಾಯಿಲೆಗಳು. ಅಂದ ಹಾಗೆ ನಿಮ್ಮ ಅಮ್ಮ ಪಟ್ಟಣವಾಸಿ ಅಲ್ಲದಿರುವುದರಿಂದ, ಅಷ್ಟರಮಟ್ಟಿಗೆ ಅವರು ಪಟ್ಟಣದ tension ಇಲ್ಲದೆ ನೆಮ್ಮದಿಯಾಗಿರಬಹುದು. ಅದು ಬಿಟ್ಟರೆ, ಅವರು ಎಲ್ಲಾ ಹೆಣ್ಣಂತೆ ಶ್ರಮಜೀವಿಯೇ.

    Reply

Leave a comment

Your email address will not be published. Required fields are marked *

Recent Posts More

  • 1 month ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...

  • 3 months ago No comment

    ಬಿಜೆಪಿ ವಿರೋಧಿ ರಂಗ: ಪ್ರತಿಪಕ್ಷ ಸಭೆಯಲ್ಲಿ 20 ಪಕ್ಷಗಳು

    ಆರ್ಬಿಐ ,ಸಿಬಿಐ, ಚುನಾವಣಾ ಆಯೋಗದಂಥ ಸಂಸ್ಥೆಗಳನ್ನು ಕೇಂದ್ರ ಸರ್ಕಾರ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ಸಭೆಯಲ್ಲಿ ನಾಯಕರು ಕಟುವಾಗಿ ಟೀಕಿಸಿದರು.   ಮಹತ್ವದ ಬೆಳವಣಿಗೆಯೊಂದರಲ್ಲಿ ಬಿಜೆಪಿಗೆ ಪ್ರತಿಶಕ್ತಿಯನ್ನು ಕಟ್ಟುವ ಯತ್ನವಾಗಿ ನಡೆದ ಪ್ರತಿಪಕ್ಷ ಸಭೆಗೆ 20 ಪಕ್ಷಗಳ ನಾಯಕರು ಹಾಜರಾಗಿದ್ದರು. ಅಷ್ಟೇ ಅಚ್ಚರಿಯ ವಿಚಾರವೆಂದರೆ, ಈ ಸಭೆಗೆ ಸಮಾಜವಾದಿ ಪಕ್ಷ (ಎಸ್ಪಿ) ಮತ್ತು ಬಹುಜನ ಸಮಾಜವಾದಿ ಪಕ್ಷ (ಬಿಎಸ್ಪಿ)ದಿಂದ ಯಾವುದೇ ಮುಖಂಡರು ಆಗಮಿಸಿರಲಿಲ್ಲ. ಡಿ.10ರಂದು, ಪಂಚರಾಜ್ಯ ಚುನಾವಣೆ ಫಲಿತಾಂಶ ಪ್ರಕಟಗೊಳ್ಳುವ ...

  • 3 months ago No comment

    ಅರ್ಧನಾರಿ ಕಥೆಯ ಮತ್ತೆರಡು ಭಾಗಗಳು

    ‘ಮಧೋರುಬಗನ್’ (ಅರ್ಧನಾರಿ) ಎಂಬ ಕಾದಂಬರಿ ಬರೆವ ಮೂಲಕ ಬಲಪಂಥೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಖ್ಯಾತ ತಮಿಳು ಲೇಖಕ ಪೆರುಮಾಳ್ ಮುರುಗನ್ ಈಗ ಆ ಕಾದಂಬರಿಯ ಮತ್ತೆರಡು ಭಾಗಗಳ ಪ್ರಕಟಣೆಯೊಂದಿಗೆ ಸುದ್ದಿಯಾಗಿದ್ದಾರೆ. ಆ ಕಾದಂಬರಿಯ ಕೆಲವು ಭಾಗಗಳು ಧಾರ್ಮಿಕ ಭಾವನೆಗೆ ಧಕ್ಕೆಯುಂಟುಮಾಡಿವೆ ಎಂದು ಆರೋಪಿಸಿದ್ದ ಬಲಪಂಥೀಯ ಕಾರ್ಯಕರ್ತರು ಹಲ್ಲೆಯೆಸಗಿದಾಗ, ತಮ್ಮ ಬರವಣಿಗೆ ಮೇಲೆ ಸ್ವಯಂ ನಿಷೇಧ ಹೇರಿಕೊಂಡಿದ್ದ ಮುರುಗನ್, ಇದೀಗ ಆ ಕಾದಂಬರಿ ಮುಗಿದಲ್ಲಿಂದಲೇ ಆರಂಭಿಸಿ ಮತ್ತೆರಡು ಭಾಗಗಳನ್ನು ಹೊರತಂದಿದ್ದಾರೆ. ಮೊದಲ ...

  • 3 months ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 3 months ago No comment

    ಅಲೆಗಳಾಗುವ ಹಾಡು

        ಕವಿಸಾಲು         ಕನಸುಗಳ ಜಾತ್ರೆ, ಮನಸುಗಳ ಹಬ್ಬ ಎಲ್ಲ ನಿಶ್ಯಬ್ದ, ಮೌನದಲಿ ಮನ ಬಿಡಿಸಿದ ಮೂರ್ತ ರೂಪಕ್ಕೆ ತದ್ರೂಪು ನಿನ್ನದೇ ಸೊಬಗು ಸುರಿವ ಮಳೆ, ಬೀಸೋ ಗಾಳಿ ಒದ್ದೆಯಾದ ಒಡಲಿನಲಿ ಉರಿವ ನನ್ನೆದೆಯ ಮೇಲೆ ಚಿತ್ತಾರ ಬಿಡಿಸುತ್ತವೆ ನಿನ್ನ ಬೆರಳು ಕರಿಕಪ್ಪು ಚಳಿ ರಾತ್ರಿಯಲಿ ಒಂದಪ್ಪುಗೆಯ ಧ್ಯಾನದಲಿ ಬೆನ್ನ ಸುಳಿ ಸೀಳಿ ಮೇಲೇರುವ ನಡುಕದಲಿ ನಿನ್ನೆದೆಯ ಹರವು ಯಾರೋ, ಯಾವತ್ತೋ ಮರಳ ...


Editor's Wall

  • 08 December 2018
    3 months ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    3 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    3 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    4 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...

  • 28 October 2018
    4 months ago No comment

    ಪ್ರಸ್ತಾಪ | #MeToo: ‘ಮಾತು’ ಎದುರಿಸುತ್ತಿರುವ ಬಿಕ್ಕಟ್ಟು

      ದಮನಿತ ದನಿಯೊಂದು ಮಾತಾದಾಗ ಎಲ್ಲ ಕಾಲದಲ್ಲೂ ಎದುರಾಗುತ್ತಲೇ ಬಂದ ಬಿಕ್ಕಟ್ಟಿನ ಸನ್ನಿವೇಶವೇ ಈಗ #MeToo ಅಭಿಯಾನಕ್ಕೂ ಎದುರಾಗಿರುವುದು.     ಕಳೆದ ಹಲವು ದಿನಗಳಿಂದ #MeToo ಅಭಿಯಾನ ಪಡೆಯುತ್ತಿರುವ ತೀವ್ರತೆ, ಹೆಣ್ಣಿನ ದನಿಗೆ ಈ ಸಮಾಜದ ಕಿವಿ ನಿಧಾನವಾಗಿಯಾದರೂ ತೆರೆದುಕೊಳ್ಳುತ್ತಿರುವುದಕ್ಕೆ ಸಾಕ್ಷಿಯಂತೆ ಕಾಣಿಸುತ್ತಿದೆ. ಆದರೆ ಅಪಸ್ವರಗಳು ಅದೇ ಹೆಣ್ಣಿನ ದನಿಯನ್ನು ಅಡಗಿಸುವಷ್ಟೇ ಗಟ್ಟಿಯಾದ ಅಬ್ಬರದೊಂದಿಗಿರುವುದೂ ಸುಳ್ಳಲ್ಲ. ಪತ್ರಕರ್ತೆ ಪ್ರಿಯಾ ರಮಾನಿ ಪತ್ರಿಕೋದ್ಯಮದಲ್ಲಿ ಲೈಂಗಿಕ ಕಿರುಕುಳ ಅನುಭವಿಸಿ ನೊಂದ ...