Share

ಈ ನೆಲದ ಕಲಾವಿದೆ
CK ಸ್ಟೋರಿ

ಮೃತಾ ಶೆರ್ಗಿಲ್ ಮಾರ್ಗ… ರಾಜಧಾನಿ ನವದೆಹಲಿಯಲ್ಲಿನ ಒಂದು ಸುಪ್ರಸಿದ್ಧ ರಸ್ತೆ. ಅತ್ಯಂತ ವೆಚ್ಚದಾಯಕ ಪ್ರದೇಶ ಕೂಡ ಹೌದು. ದೆಹಲಿಯ ಬಹಳಷ್ಟು ಮಂದಿಗೆ ಒಂದು ರಸ್ತೆಯಾಗಿ, ಐಷಾರಾಮಿ ಕಟ್ಟಡಗಳ ಪ್ರದೇಶವಾಗಿ ಇದು ಚಿರಪರಿಚಿತ. ಆದರೆ, ಈ ರಸ್ತೆಗೆ ಇಟ್ಟ ಆ ಹೆಸರಿನ ವ್ಯಕ್ತಿ ಯಾರು ಎಂದು ಒಮ್ಮೆ ಯೋಚಿಸಿದರೆ?

ಅಮೃತಾ ಶೆರ್ಗಿಲ್… ಇಂಡಿಯಾದ ಮಣ್ಣಿನ ಅತ್ಯಂತ ಪ್ರತಿಭಾವಂತ ಚಿತ್ರಕಲಾವಿದರ ಸಾಲಿನಲ್ಲಿ ಸೇರಿರುವ ಹೆಸರು ಅದು. ಆಕೆ ಬದುಕಿದ್ದು ಬರೀ 28 ವರ್ಷ. ಆದರೆ ಬಿಟ್ಟುಹೋದ ಗುರುತು ಮಾತ್ರ ಭಾರತೀಯ ಕಲಾ ಲೋಕದಲ್ಲಿ ದೊಡ್ಡದು. ಭಾರತದ ಫ್ರಿಡಾ ಕಹ್ಲೋ ಎಂದೂ ಕರೆಯಲಾಗುತ್ತದೆ ಆಕೆಯನ್ನು. ಹಾಗೆ ಹೋಲಿಸುವುದು ಅಮೃತಾ ಪ್ರತಿಭೆಗೆ ನ್ಯಾಯ ಒದಗಿಸಿದಂತೇನೂ ಅಲ್ಲವೆಂಬುದೂ ಅಷ್ಟೇ ಸತ್ಯ. ಆಕೆಯ ಗರಿಮೆಗೆ ಆಕೆಯೇ ಸಾಟಿ.

am2

ಪಾಶ್ಚಾತ್ಯ ಮತ್ತು ಭಾರತೀಯ ರಚನಾ ತಂತ್ರಗಳ ಸಮನ್ವಯತೆಯಲ್ಲಿ ಮೂಡಿರುವ ಅಮೃತಾ ಚಿತ್ರಗಳು ಈ ನೆಲದ ಗುಣದೊಂದಿಗೆ ಇನ್ನಷ್ಟು ಗಾಢತೆ ಪಡೆದವಾಗಿವೆ. ಅಮೃತಾ 1932ರಲ್ಲಿ ರಚಿಸಿದ ಮೊದಲ ಅತ್ಯಂತ ಮಹತ್ವದ ಕಲಾ ಕೃತಿ ‘ಯಂಗ್ ಗರ್ಲ್ಸ್’. ಪ್ಯಾರಿಸ್‌ನ ಗ್ರ್ಯಾಂಡ್ ಸಲೋನ್‌ಗೆ ಅಸೋಸಿಯೇಟ್ ಆಗಿ ಆಕೆ ಆಯ್ಕೆಯಾಗಲು ಅದು ಕಾರಣವಾಯಿತು. ಆ ಗೌರವಕ್ಕೆ ಪಾತ್ರವಾದ ಏಷಿಯಾದ ಏಕೈಕ ಕಲಾವಿದೆ ಅಮೃತಾ.

ಯೂರೋಪಿನಲ್ಲಿದ್ದ ಅಮೃತಾರನ್ನು 1934ರಲ್ಲಿ ಭಾರತಕ್ಕೆ ಮರಳಬೇಕೆಂಬ ಹಂಬಲ ಬಲವಾಗಿ ಕಾಡಿತು. ಬಂದೇಬಿಟ್ಟರು. ಇಲ್ಲಿನ ಸಾಂಪ್ರದಾಯಿಕ ಕಲಾ ಪ್ರಕಾರದಲ್ಲಿ ತಮ್ಮ ಅಭಿವ್ಯಕ್ತಿಗೆ ಮುಂದಾದರು. ಮೊಘಲ್ ಮತ್ತು ಪಹರಿ ಶೈಲಿಯ ಚಿತ್ರಕಲೆಯಿಂದಂತೂ ಸಾಕಷ್ಟು ಪ್ರಭಾವಿತರಾದರು.

amrita1

1937ರಲ್ಲಿ ದಕ್ಷಿಣ ಭಾರತದಲ್ಲಿ ಸುತ್ತಾಡಿದ ಅಮೃತಾ, ಹಲವು ಕಲಾ ಕೃತಿಗಳನ್ನು ರಚಿಸಿದರು. ಅವು ಸಾಕಷ್ಟು ಪ್ರಸಿದ್ಧಿ ಪಡೆದವು. ಮದುಮಗಳೊಬ್ಬಳು ಮದುವೆಗೆ ಸಿದ್ಧಳಾಗುವುದನ್ನು ಬಿಂಬಿಸುವ ‘ಬ್ರೈಡ್ಸ್ ಟಾಯ್ಲೆಟ್’ ಅವುಗಳಲ್ಲಿ ಒಂದು. ‘ಬ್ರಹ್ಮಚಾರಿಗಳು’ ಮತ್ತು ‘ಮಾರುಕಟ್ಟೆಗೆ ಹೋಗುತ್ತಿರುವ ದಕ್ಷಿಣ ಭಾರತದ ಹಳ್ಳಿಗರು’ ಕೂಡ ಇದೇ ವೇಳೆಯಲ್ಲಿ ರಚನೆಯಾದವು. ಭಾರತದ ಶಾಸ್ತ್ರೀಯ ಶೈಲಿಯಲ್ಲಿನ ಪ್ರಯತ್ನಗಳಾಗಿ ಅವರ ಈ ಕಲಾ ಕೃತಿಗಳು ಗಮನ ಸೆಳೆಯುತ್ತವೆ.

ಅಮೃತಾ ಶೆರ್ಗಿಲ್ ತಂದೆ ಪಂಜಾಬಿ ಮೂಲದವರು. ತಾಯಿ ಹಂಗೇರಿ ದೇಶದವರು. ಬುಡಾಪೆಸ್ಟ್‌ನಲ್ಲಿ ಜನಿಸಿದ ಅಮೃತಾ, ಚಿತ್ರ ಬರೆಯಲು ಶುರು ಮಾಡಿದ್ದು ಐದನೇ ವರ್ಷದವಳಿರುವಾಗಲೇ. ಅವಳ ಈ ಪ್ರತಿಭೆ ಗಮನಿಸಿದ ತಂದೆ ತಾಯಿ ಬಳಿಕ ಅದರ ಕಲಿಕೆಗೆ ಅನುವು ಮಾಡಿಕೊಟ್ಟರು. ಹದಿನಾರು ತುಂಬುವ ವೇಳೆಗೆ ಅಮೃತಾಳಿಗೆ ಚಿತ್ರಕಲೆಯ ಅಗಾಧತೆಯನ್ನು ಪರಿಚಯಿಸುವ ಉದ್ದೇಶದಿಂದ ಆಕೆಯ ತಾಯಿ ಯೂರೋಪಿಗೆ ಕರೆದೊಯ್ದರು. ಆದರೂ ಅಮೃತಾ ತಮ್ಮ ಕಲಾ ಸಾಮರ್ಥ್ಯವನ್ನು ಇಡಿಯಾಗಿ ಕಂಡುಕೊಂಡದ್ದು ಭಾರತಕ್ಕೆ ಮರಳಿದ ಬಳಿಕವೇ.

am3

1938ರಲ್ಲಿ ಡಾ. ವಿಕ್ಟರ್ ಎಗನ್ ಎಂಬಾತನೊಡನೆ ಮದುವೆಯಾದ ಅಮೃತಾ, ಆತನ ಪೋಷಕರ ಊರಾದ ಉತ್ತರ ಪ್ರದೇಶದಲ್ಲಿನ ಮನೆಯಲ್ಲಿ ಆತನೊಂದಿಗೆ ನೆಲೆಸಿದರು. 1941ರಲ್ಲಿ, ಆಗ ಕಲಾವಿದರ ಪಾಲಿಗೆ ಅತ್ಯಂತ ಮಹತ್ವದ ನೆಲೆಯಾಗಿದ್ದ ಲಾಹೋರ್ಗೆ ಗಂಡನೊಂದಿಗೆ ತೆರಳಿದರು. ಅಲ್ಲಿಯೇ ಅಮೃತಾ ತಮ್ಮ ಮೊದಲ ಸೋಲೋ ಪ್ರದರ್ಶನ ಏರ್ಪಡಿಸಬೇಕೆಂದುಕೊಂಡಿದ್ದಾಗಲೇ ದಿಢೀರನೆ ಸಾವಿಗೀಡಾದರು. ಆಕೆಯ ಈ ಅಕಾಲಿಕ ಮರಣ ಕಲಾ ಲೋಕವನ್ನು ತಲ್ಲಣಗೊಳಿಸಿಬಿಟ್ಟಿತು.

ಅಮೃತಾ ಕಲಾ ಕೃತಿಗಳು ಸಯದ್ ಹೈದರ್‌ರಿಂದ ಅರ್ಪಿತಾ ಸಿಂಗ್‌ವರೆಗೆ ವಿವಿಧ ತಲೆಮಾರಿನ ಭಾರತೀಯ ಕಲಾವಿದರನ್ನು ಪ್ರಭಾವಿಸಿವೆ. ಅಮೃತಾ ಪೇಂಟಿಂಗ್‌ಗಳಲ್ಲಿನ ಮಹಿಳಾ ಸಂವೇದನೆ ಅವರನ್ನು ದೇಶದ ಒಳಗೂ ಆಚೆಗೂ ಖ್ಯಾತಿಯನ್ನು ತಂದುಕೊಟ್ಟಿತ್ತು. ಭಾರತ ಸರ್ಕಾರವಂತೂ ಅಮೃತಾ ಕಲಾ ಕೃತಿಗಳನ್ನು ರಾಷ್ಟ್ರೀಯ ಸಂಪತ್ತೆಂದು ಘೋಷಿಸಿತು. ಬಹಳಷ್ಟು ರಚನೆಗಳು ನವದೆಹಲಿಯ ಮಾಡರ್ನ್ ಆರ್ಟ್‌ನ ರಾಷ್ಟ್ರೀಯ ಗ್ಯಾಲರಿಯಲ್ಲಿ ಸಂರಕ್ಷಿತವಾದವು. ಅಮೃತಾ ಅವರ ಒಂದು ಕಲಾ ಕೃತಿ ‘ಹಿಲ್ ವುಮನ್’ ಬಳಸಿಕೊಂಡು 1978ರಲ್ಲಿ ಅಂಚೆಚೀಟಿಯನ್ನು ಹೊರತಂದಿತು ಭಾರತ ಸರ್ಕಾರ. ಅಲ್ಲದೆ ದೆಹಲಿಯಲ್ಲಿನ ಮುಖ್ಯ ರಸ್ತೆಯೊಂದಕ್ಕೆ ಅಮೃತಾ ಹೆಸರಿಡಲಾಯಿತು. ಆಕೆ ಬರೆದ ‘ವಿಲೇಜ್ ಸೀನ್’ ಕಲಾ ಕೃತಿ 2006ರಲ್ಲಿ ದೆಹಲಿಯಲ್ಲಿ ನಡೆದ ಹರಾಜಿನಲ್ಲಿ 6 ಕೋಟಿ 90 ಲಕ್ಷ ರೂಪಾಯಿ ಬೆಲೆಬಾಳಿತು. ಭಾರತದಲ್ಲಿ ಕಲಾ ಕೃತಿಯೊಂದಕ್ಕೆ ದೊರೆತ ಆವರೆಗಿನ ಅತಿ ದೊಡ್ಡ ಮೊತ್ತವಾಗಿತ್ತು ಅದು.

ಸಮಕಾಲೀನ ಭಾರತೀಯ ಕಲಾವಿದರಿಗೆ ಸ್ಫೂರ್ತಿಯಾಗಿದ್ದಂತೆಯೇ ಅಮೃತಾ ಇತರ ಮಾಧ್ಯಮಗಳ ಪಾಲಿಗೂ ಸ್ಫೂರ್ತಿಯಾದವರು. 1993ರಲ್ಲಿ ಜಾವೇದ್ ಸಿದ್ದಿಕಿ ಬರೆದ ‘ತುಮ್ಹಾರಿ ಅಮೃತಾ’ ಉರ್ದು ನಾಟಕಕ್ಕೆ ಅಮೃತಾ ಬದುಕೇ ಪ್ರೇರಣೆ. ಶಬಾನ ಆಜ್ಮಿ ಮತ್ತು ಫಾರೂಕ್ ಶೇಖ್ ಆ ನಾಟಕದ ಪಾತ್ರಗಳನ್ನು ನಿರ್ವಹಿಸಿದ್ದರು. ಆಕೆಯ ಕಲಾ ಕೃತಿಯೇ ಮುಖ್ಯ ಸ್ಫೂರ್ತಿಯಾಗಿ, ‘ಫೇಕಿಂಗ್ ಇಟ್’ ಎಂಬ ಕಾದಂಬರಿಯನ್ನು ಅಮೃತಾ ಚೌಧರಿ ಬರೆದರು. ಸಲ್ಮಾನ್ ರಶ್ದಿ ಬರೆದ ‘ದಿ ಮೂರ್ಸ್ ಲಾಸ್ಟ್ ನೈಟ್’ ಕಾದಂಬರಿಯಲ್ಲಿನ ಪಾತ್ರವೊಂದಕ್ಕೆ ಪ್ರೇರಣೆಯಾದದ್ದು ಇದೇ ಅಮೃತಾ ಶೆರ್ಗಿಲ್.

“ನಾನು ಭಾರತದಲ್ಲಿ ಮಾತ್ರ ಚಿತ್ರ ಬರೆಯಬಲ್ಲೆ. ಯೂರೋಪ್ ಪಿಕಾಸೋಗೆ ಸೇರಿದ್ದು. ಭಾರತ ನನಗೆ ಮಾತ್ರ ಸೇರಿದ್ದು.” ಹೀಗೆಂದು ಅಮೃತಾ ಹೇಳಿಕೊಂಡಿದ್ದುಂಟು. ಯಾವುದೇ ಕಲಾ ಪ್ರೇಮಿಯೂ ಮರೆಯಲಾರದ ಮಾತು ಅದು.

Share

Leave a comment

Your email address will not be published. Required fields are marked *

Recent Posts More

  • 5 days ago No comment

    ಕಾದಂಬಿನಿ ಕವಿತೆಗಳ ಇನ್ನೊಂದು ಕಟ್ಟು: ಫಸ್ಟ್ ಲುಕ್

    ಹೊಸ ಪುಸ್ತಕ       ಕಾದಂಬಿನಿ ಅವರ ಎರಡನೇ ಕಾವ್ಯ ಸಂಕಲನ ‘ಕಲ್ಲೆದೆಯ ಮೇಲೆ ಕೂತ ಹಕ್ಕಿ’ ಪ್ರಕಟಗೊಂಡಿದೆ. 100 ಕವಿತೆಗಳಿವೆ ಈ ಸಂಕಲನದಲ್ಲಿ. ಸಂಕಲನಕ್ಕೆ ವಿಮರ್ಶಕ, ರಂಗಕರ್ಮಿ ವಸಂತ ಬನ್ನಾಡಿ ಅವರ ಮುನ್ನುಡಿ, ಕವಿ ಹೆಚ್ ಎಸ್ ಶಿವಪ್ರಕಾಶ್ ಅವರ ಬೆನ್ನುಡಿ ಇದೆ. “ಜನಸಾಮಾನ್ಯರ ಸಂಕಟಗಳಿಗೆ ಮಾತು ಕೊಡಬೇಕು ಎಂಬುದು ಕಾದಂಬಿನಿ ಕಾವ್ಯದ ಕೇಂದ್ರಪ್ರಜ್ಞೆ. ಸಾಮಾಜಿಕ ಹಾಗೂ ರಾಜಕೀಯ ವಿಷಯಗಳನ್ನು ಮುಟ್ಟಿದರೆ ಮನಸ್ಸು ಕೊಳಕಾಗುವುದೆಂಬ ಮನೋಭಾವ ...

  • 1 week ago No comment

    ಕಾಲದ ಬೆವರಿನ ಬಡಿತಗಳು

    ಕವಿಸಾಲು   ಹುಲ್ಲಿನೆಳೆಗಳಲಿ ಬಿದಿರ ಕೊಂಬಿಗೆ ಆತುಗೊಂಡ ಜೋಪಡಿಯೊಳಗ ಚುಕ್ಕಿಗಳ ದಿಂಬಾಗಿಸಿದ ಹೊಂಗೆಯ ನೆರಳಿನ ಗುರುತುಗಳು ಸಗಣಿಯಿಂದ ಸಾರಿಸಿದ ಪಡಸಾಲಿ ಮದುವಣಗಿತ್ತಿಯಂತೆ ವಳ್ಳು ಬೀಸುಕಲ್ಲುಗಳ ಹೊಕ್ಕಳಲಿ ದಕ್ಕಿಸಿಕೊಂಡ ಅವಳು ನಡುಮನೆಯ ಮೈದಾನದಾಗ ನಡುಗಂಬದ ನೆಲೆ ಬಿರುಕ ಕಿಂಡಿಗಳಲಿ ಮುರಿದ ಟೊಂಗೆಗಳೆಲ್ಲಾ ಬೆಸೆದು ಗುಡಿಸಲ ಕಣ್ಣಾಗಿ ಚಂದಿರನ ಜೋಗುಳ ಕಟ್ಯಾವು ಗಾಯದ ಬೆನ್ನು ನಿದ್ರಿಸಲು ಮಳೆಯ ರಭಸದಲಿ ಕೆರೆಯಂತಾಗುವ ಜೋಪಡಿಯೊಳಗ ಎಳೆಯ ರೆಕ್ಕೆಗಳನು ಪಕ್ಕೆಲುಬಲಿ ಅವಿತುಕೊಂಡು ಬೆಚ್ಚನೆಯ ಭರವಸೆ ತುಂಬ್ಯಾಳೊ ...

  • 1 week ago No comment

    ಕಾಲ ಮತ್ತು ನಾನು

          ಕವಿಸಾಲು       ಅಂತರಂಗದ ಅನಿಸಿಕೆಗಳ ಅದ್ಭುತ ರಮ್ಯ ಕನಸುಗಳ ಜತನವಾಗಿಟ್ಟುಕೊಂಡ ರಹಸ್ಯಗಳ ದುಂಡಗೆ ಬರೆದು ದಾಖಲಿಸಿ ಸಾವಿರ ಮಡಿಕೆಗಳಲಿ ಒಪ್ಪವಾಗಿ ಮಡಚಿ ಮೃದು ತುಟಿಗಳಲಿ ಮುತ್ತಿಟ್ಟು ಬೆವರ ಕೈಗಳಲಿ ಬಚ್ಚಿಟ್ಟು ಯಾರೂ ಕಾಣದಾಗ ಕದ್ದು ಹಿತ್ತಲಿನ ತೋಟಕ್ಕೆ ಒಯ್ದು ನನ್ನ ನಾಲ್ಕರಷ್ಟೆತ್ತರದ ಮರ ದಟ್ಟಕ್ಕೆ ಹರಡಿದ ಎಲೆಗಳ ನಡುವೆ ಟೊಂಗೆಗಳ ಸೀಳಿನಲಿ ಮುಚ್ಚಿಟ್ಟೆ ಅಲ್ಲಿಂದ ಮುಂದೆ ಮರ ಮರವಾಗಿ ಉಳಿಯಲಿಲ್ಲ ರಹಸ್ಯಗಳನ್ನೆಲ್ಲ ...

  • 1 week ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...

  • 2 months ago No comment

    ಪಂಡಿತರ ಹಳ್ಳಿಯ ‘ಮಂದರಗಿರಿ’

                  ಇದು ಪ್ರವಾಸಿಗಳ ಯುಗ. ಹೊಸ ತಲೆಮಾರಿನ ಜನರಿಗೀಗ ಮನೆಯಲ್ಲಿ ಕೂರುವುದೆಂದರೆ ಬಹಳ ಬೇಜಾರಿನ ಸಂಗತಿ. ಆಗೀಗಲಾದರೂ ದೊಡ್ಡ ಅಥವಾ ಸಣ್ಣ ಪ್ರವಾಸಗಳಿಗೆ ಹೋದರೆ ಮನಸ್ಸಿಗೂ ಸುಖ ಎನ್ನುವ ತಲೆಮಾರಿನವರು ಈಗ ಹೆಚ್ಚು ಕಾಣಸಿಗುತ್ತಾರೆ. ಹೆಸರುವಾಸಿ ತಾಣಗಳಲ್ಲಿ ಸದಾ ಜನಜಂಗುಳಿಯಿರುತ್ತದೆ. ದೂರದ ಊರುಗಳೆಂದರೆ ಅದಕ್ಕೆ ತಯಾರಿ ಬೇಕು. ಹಲವು ದಿನಗಳ ಸಿದ್ಧತೆ, ಪ್ರಯಾಣ, ವಿಪರೀತ ಖರ್ಚು ಎಲ್ಲವೂ ಹೌದು. ವಯಸ್ಸಾದವರಿಗೆ ...


Editor's Wall

  • 12 March 2019
    1 week ago No comment

    ಭಾವನೆಗಳ ಜೊತೆ ಆಡುವವರ ಮೇಲೊಂದು ಕಡಿವಾಣ

    ದೇಶ ಮತ್ತೊಂದು ಮಹಾ ಚುನಾವಣೆಯ ಅಖಾಡದೊಳಕ್ಕೆ ಮುಗ್ಗರಿಸುತ್ತಿರುವ ಈ ಹೊತ್ತಿನಲ್ಲಿ, ಹಲವು ಸೂಕ್ಷ್ಮ ಸಂಗತಿಗಳು ದೇಶದ ಪಾಲಿಗೆ ಸಂಕಟವನ್ನೂ ದೇಶದೊಳಗೇ ಒಂದು ತಳಮಳವನ್ನೂ ಉಂಟುಮಾಡಿವೆ.   17ನೇ ಲೋಕಸಭೆ ಚುನಾವಣೆಗೆ ದಿನ ಗೊತ್ತಾಗುತ್ತಿದ್ದಂತೆಯೇ ಎರಡು ಅಂಶಗಳನ್ನು ಚುನಾವಣಾ ಆಯೋಗ ಕಟ್ಟುನಿಟ್ಟಾಗಿ ಹೇಳಿದೆ. ಮೊದಲನೆಯದು, ಸೇನೆಗೆ ಸಂಬಂಧಪಟ್ಟ ಯಾವುದೇ ವಿಚಾರಗಳನ್ನು ರಾಜಕೀಯದಲ್ಲಿ ಎಳೆದು ತರುವಂತಿಲ್ಲ; ಎರಡನೆಯದು, ಕೇರಳದಲ್ಲಿ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ವಿವಾದವನ್ನು ಚುನಾವಣಾ ವಿಷಯವಾಗಿ ಎತ್ತಿಕೊಳ್ಳುವಂತಿಲ್ಲ. ದೇಶದ ...

  • 08 December 2018
    3 months ago No comment

    170ಕ್ಕೂ ಹೆಚ್ಚು ಭತ್ತದ ತಳಿಗಳ ಜೋಪಾನ ಮಾಡಿದ್ದ ಜಯರಾಮನ್

    ಬೀಜಗಳ ಸಂರಕ್ಷಣೆ, ತಮಿಳ್ನಾಡಿನಾದ್ಯಂತ ಕೃಷಿಯಲ್ಲಿ ಸ್ಥಳೀಯ ಶೈಲಿಯ ಅಳವಡಿಕೆ ಮತ್ತು ಬೀಜ ಪ್ರಭೇದಗಳನ್ನು ಉತ್ತೇಜಿಸುವ ಕೆಲಸದಲ್ಲಿ ಜಯರಾಮನ್ ತೊಡಗಿಸಿಕೊಡಿದ್ದರು.   ಭಾರತದ ಕೃಷಿ ಕ್ಷೇತ್ರದಲ್ಲಿ ಪ್ರಮುಖ ಹೆಸರಾಗಿದ್ದ, ನೂರಾರು ಭತ್ತದ ತಳಿಗಳ ಪುನಶ್ಚೇತನಕ್ಕೆ ಕಾರಣರಾಗಿದ್ದ ತಮಿಳ್ನಾಡಿನ ಕೆ ಆರ್ ಜಯರಾಮನ್ ನಿಧನರಾಗಿದ್ದಾರೆ. ಅವರು ಕ್ಯಾನ್ಸರಿನಿಂದ ಬಳಲುತ್ತಿದ್ದರು. ನೆಲ್ (ಭತ್ತವನ್ನು ತಮಿಳಿನಲ್ಲಿ ಹೀಗೇ ಕರೆಯುತ್ತಾರೆ) ಎಂದೇ ಹೆಚ್ಚು ಪರಿಚಿತರಾಗಿದ್ದ ಜಯರಾಮನ್, 170 ಕ್ಕಿಂತಲೂ ಹೆಚ್ಚು ಸ್ಥಳೀಯ ಭತ್ತದ ವೈವಿಧ್ಯಗಳನ್ನು ಪುನಶ್ಚೇತನಗೊಳಿಸಿದ್ದುರ. ...

  • 30 November 2018
    4 months ago No comment

    ರಕ್ಕಸ ವ್ಯೂಹದಲ್ಲಿ ಹೆಣ್ಣಿನ ಹೋರಾಟ

    ಮನೆಯೊಳಗೇ ಹಂತಕರಿದ್ದರೆ ಮಹಿಳೆ ಇನ್ನೆಲ್ಲಿ ಹೋಗಬೇಕು ಎಂಬುದೇ ದೊಡ್ಡ ಪ್ರಶ್ನೆ. ಬಹಳಷ್ಟು ಮಹಿಳೆಯರ ಪಾಲಿಗೆ ತಪ್ಪಿಸಿಕೊಳ್ಳುವುದಕ್ಕೊಂದು ತಾಣವೇ ಇಲ್ಲ.    2017ರಲ್ಲಿ ಇಡೀ ಜಗತ್ತಿನಲ್ಲಿ ಕೊಲೆಯಾದ ಒಟ್ಟು ಮಹಿಳೆಯರು 87 ಸಾವಿರ. ಇದರಲ್ಲಿ ಕುಟುಂಬ ಸದಸ್ಯರು ಇಲ್ಲವೆ ಗಂಡ, ಪ್ರಿಯಕರ, ಪರಿಚಿತರಿಂದ ಹತ್ಯೆಯಾದ ಮಹಿಳೆಯರ ಸಂಖ್ಯೆಯೇ 50 ಸಾವಿರ. ಈ ಬೆಚ್ಚಿಬೀಳಿಸುವ ಅಂಕಿಅಂಶವನ್ನು ಬಯಲು ಮಾಡಿರುವುದು ವಿಶ್ವಸಂಸ್ಥೆಯು ಮೊನ್ನೆ ನ.25ರಂದು ಬಿಡುಗಡೆ ಮಾಡಿರುವ ಅಧ್ಯಯನ ವರದಿ. ನವೆಂಬರ್ 25, ...

  • 29 November 2018
    4 months ago No comment

    ರೈತರ ಸಂಕಟಗಳಿಗೆ ಸಿಗುವುದೆ ಮುಕ್ತಿ?

      ಕಳೆದ ವರ್ಷದ ನಾಸಿಕ್-ಮುಂಬಯಿ ಕಿಸಾನ್ ಲಾಂಗ್ ಮಾರ್ಚ್ ಅನ್ನೇ ಪ್ರೇರಣೆಯಾಗಿಟ್ಟುಕೊಂಡು ‘ಸಿಂಗೂರು- ರಾಜಭವನ್ ಕಿಸಾನ್ ಮುಕ್ತಿಮಾರ್ಚ್’ ಆಯೋಜಿಸಲಾಗಿದೆ. ಅಖಿಲಭಾರತ ಕಿಸಾನ್ ಸಭಾದ ಜನರಲ್ ಸೆಕ್ರೆಟರಿ ಹನ್ನಾನ್ ಮೊಲ್ಲಾ ಅವರು ‘ಅಧಿಕಾರಕ್ಕೆ ಬರಬೇಕೆನ್ನುವ ರಾಜಕೀಯ ಪಕ್ಷಗಳು ರೈತರ ಸಂಕಟಗಳಿಗೆ ಜೊತೆಯಾಗುವ ವಿಚಾರದಲ್ಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಲಿ’ ಎಂದಿದ್ದಾರೆ.     ಕಳೆದ ಇಪ್ಪತ್ತು ವರ್ಷಗಳಲ್ಲಿ 3 ಲಕ್ಷ ರೈತರ ಆತ್ಮಹತ್ಯೆಗಳಾಗಿವೆ ಎನ್ನುವುದು ಭಾರತದ ರೈತರ ಸಂಕಟಗಳ ತೀವ್ರತೆಯನ್ನು ತೋರಿಸುತ್ತದೆ. ನರೇಂದ್ರ ...

  • 09 November 2018
    4 months ago No comment

    ಹೊಸ ಕಾಲದ ಹರಕೆಯ ಕುರಿಗಳು!

      ಅಮಾಯಕತೆಯನ್ನು ಮತ್ತೆ ಮತ್ತೆ ಮೌನಕ್ಕೆ ಕಟ್ಟಿಹಾಕುವ ಇವತ್ತಿನ ಸಂದರ್ಭದಲ್ಲಿ, ಮಾತು ಸೋಲದಂತೆ ಕಾಯುವುದಕ್ಕೆ ಮೌನದ ಜರೂರು ಇನಿತಾದರೂ ಇದೆ ಎಂದು ನಂಬುವುದೂ ಸಾಧ್ಯವಿಲ್ಲ.     ಗೆಳೆಯರೊಬ್ಬರು ಕೆಲ ದಿನಗಳ ಹಿಂದೆ, ನಿಮ್ಮ ಇಷ್ಟದ ಮೂರ್ನಾಲ್ಕು ಕಥೆಗಳನ್ನು ಹೆಸರಿಸಿ ಎಂದು ಕೇಳಿದರು. ನಾನು ಯೋಚಿಸಿದೆ. ಇಷ್ಟದ ಯಾವುದೇ ಕೃತಿಯನ್ನು ನಮ್ಮೊಳಗೇ ಗುರುತಿಸಿಕೊಳ್ಳುವುದು ಸುಲಭ ಮತ್ತು ಅದು ನಮಗೆ ಆಪ್ತವಾಗುವಂಥದ್ದು. ಆದರೆ ಯಾಕೆ ಇಷ್ಟ ಎಂದು ವಿವರಿಸಬೇಕಾಗಿ ಬಂದಾಗಲೇ ...