Share

ಕುದುರೆ ಜೂಜಿರಬೇಕು! ಕಂಬಳ ಬೇಡವೇ?
ಈಶ್ವರ ದೈತೋಟ

ತಮಿಳ್ನಾಡಿನಲ್ಲಿ ಜಲ್ಲಿಕಟ್ಟು ನಿಷೇಧಕ್ಕೆ ಒಕ್ಕೊರಲ ವಿರೋಧ. ನಿರಂತರ ಪ್ರತಿಭಟನೆ. ದೇಶೀಯ ಮತ್ತು ಸಂಸ್ಕೃತಿಯ ಭಾಗವಾದ ಕ್ರೀಡೆಯ ಮೇಲೇಕೆ ನಿಷೇಧ ಎಂಬ ವಾದ. ಬೆಟ್ಟಿಂಗ್ ಪಿಡುಗಿದ್ದರೂ ಕ್ರಿಕೆಟ್ ಉಳಿಯುತ್ತದೆ ಎಂದಾದರೆ, ದೇಶೀಯವಾಗಿ ಮಹತ್ವವಿರುವ ಕ್ರೀಡೆಯ ಮೇಲೆ ಮಾತ್ರ ಏಕೆ ನಿಷೇಧದ ಅಂಕುಶ ಎಂಬ ಪ್ರಶ್ನೆಯನ್ನು ಹಿರಿಯ ಪತ್ರಕರ್ತರಾದ ಈಶ್ವರ ದೈತೋಟ ಅವರೂ ಎತ್ತಿದ್ದಾರೆ.

————–

ಲಿ, ಕಾಗೆ, ಜಿರಳೆಗಳ ಹುಟ್ಟೂರು ಭಾರತವೆಂದು ನಾನು ಎಂದೋ ಕೇಳಿ ತಿಳಿದಿದ್ದೇನೆ. ಹಾಗೆಯೇ, ಕೋಳಿಗಳು ಕೂಡಾ ನಮ್ಮ ಹೆಮ್ಮೆಯ ನೆಲದ ಕೊಡುಗೆಯೆಂದು ಮೊಹೆಂಜೋದಾರೋ ಚರಿತ್ರೆ ಹೇಳುತ್ತದೆ. ಕೋಳಿಕಟ್ಟವನ್ನು ಅಥವಾ ಕೋಳಿಗಳ ಪಂದ್ಯಾಟವನ್ನು ಜಗತ್ತಿಗೆ ಕೊಡುಗೆಯಾಗಿ ಕೊಟ್ಟದ್ದು ಮೊಹೆಂಜೋ-ದಾರೋ (ಸಿಟಿ ಆಫ್ ದಿ ಕಾಕ್ ಎಂಬುದೇ ಅರ್ಥವಂತೆ) ಸಂಸ್ಕೃತಿ ಎಂದೂ ಇತಿಹಾಸದಲ್ಲಿದೆ.
ಕ್ರಿ.ಪೂ. 6000ದಲ್ಲೇ ಕಾಡುಕೋಳಿಯನ್ನು ನಾಡಿನ ಸಹಚರಿಯಾಗಿಸಿ ಕೊಂಡ ಹಿರಿಮೆ ಭಾರತದ್ದು. ಹರಪ್ಪ ನಾಗರಿಕತೆಯ( 2500-3000 ಕ್ರಿ.ಪೂ.) ಇಂಡಸ್ ವ್ಯಾಲಿಯಿಂದಲೇ ಚಿಕನ್ ಜಗತ್ತಿಗೆಲ್ಲಾ ಪಸರಿಸಿತೆಂದೂ ದಾಖಲಾಗಿದೆ. ಹಾಗೆಯೇ, ಇದುವೇ ಸಿಂಧೂ ಕಣಿವೆಯಿಂದ ಕಾಕ್ ಫೈಟ್ ಕಲೆ ವಿಸ್ತರಿಸಿತೆಂದೂ ಹೇಳಲಾಗಿದೆ.

ನೀರ್ಕೋಣಗಳು ಅಥವಾ ವಿವಿಧ ದೇಶಗಳ ಡೊಮೆಸ್ಟಿಕೇಟೆಡ್ ಬಫೆಲ್ಲೋ ಕೂಡಾ ಏಶಿಯಾದ ಕೊಡುಗೆಯೆಂದು ಚರಿತ್ರೆ ದಾಖಲಿಸಿದೆ. ಕೋಳಿ ಮತ್ತು ಕೋಣಗಳು ನಮ್ಮ ಗ್ರಾಮೀಣ ಕೃಷಿಕರ ಬದುಕಿನಲ್ಲಿ ನಾಯಿ, ಬೆಕ್ಕುಗಳಷ್ಟೇ ಸಹಜವಾಗಿ ಹೊಂದಿ ಕೊಂಡಿರುವುದನ್ನು ಗಮನಿಸಿದರೆ, ಇವೆರಡೂ ಸಾಧು ಪ್ರಾಣಿಗಳ ಮೂಲ ಹಿಂದೂಸ್ಥಾನವೇ ಎಂದು ನಂಬಬಹುದು. ಚೀನೀಯರು ಕೋಣಗಳು ನಮ್ಮವು ಎಂದರೆ, ಅಲ್ಲಾ, ಅವು ಅಸ್ಸಾಂ ಮುಖಾಂತರ ನಿಮ್ಮ ದೇಶಕ್ಕೆ ಭಾರತದಿಂದಲೇ ಹೋಗಿ ಸೇರಿದವೆಂದು ಜಗಳವಾಡಲು ಕೂಡಾ ಸಿದ್ಧನಿದ್ದೇನೆ. ಸಿಂಧೂ ಕಣಿವೆಯಿಂದಲೇ ಕೋಣಗಳು ಮೆಸೆಪೊಟೋಮಿಯಾ ನಾಗರಿಕತೆಗೆ (ಈಗಿನ ಇರಾಕ್) ಪಗರಿತು ಎನ್ನಲಾಗಿದೆ.

ನಾನು ಹುಟ್ಟಿದಾಗಿನಿಂದಲೇ, ಮೇಲೆ ಹೆಸರಿಸಿದ ಎಲ್ಲಾ ಪ್ರಾಣಿಗಳೂ ನಮ್ಮ ಗ್ರಾಮೀಣ ಪರಿಸರದಲ್ಲಿ ಮೈಗೂಡಿರುವುದನ್ನು ಗಮನಿಸಿದ್ದೇನೆ. ಜಿರಳೆ ಮತ್ತು ಇಲಿಗಳನ್ನು ಬಿಟ್ಟು ಉಳಿದ ಈ ಸಾಕುಪ್ರಾಣಿಗಳಿಗೆಲ್ಲ ಒಂದೊಂದು ಪ್ರೀತಿಯ ಹೆಸರುಗಳನ್ನು ಕೊಟ್ಟಿರುತ್ತಿದ್ದುದು ಕೂಡಾ ನೆನಪಿದೆ.

ಇಷ್ಟೆಲ್ಲಾ ಪುರಾಣ ಅನಿವಾರ್ಯವಾಗಿತ್ತು. ಏಕೆಂದರೆ, ಜಲ್ಲಿಕಟ್ಟು, ಎತ್ತಿನಗಾಡಿ ಓಟ ಇತ್ಯಾದಿ ಸಾಂಪ್ರದಾಯಿಕ ರೇಸುಗಳ ಮೇಲಣ ನಿಷೇಧಾಜ್ಞೆ ತೆರವುಗೊಳಿಸಿ ಭಾರತ ಸರ್ಕಾರ ಜನವರಿ 7ರಂದು ನೀಡಿದ್ದ ಸುಗ್ರೀವಾಜ್ಞೆಯನ್ನು(ಆರ್ಡಿನೆನ್ಸ್) ಸುಪ್ರೀಂ ಕೋರ್ಟು ಈಗ ತಡೆಹಿಡಿದಿಟ್ಟಿದೆ. ಇದು, ತಮಿಳುನಾಡು, ಕೇರಳ ಮತ್ತಿತರ ರಾಜ್ಯಗಳು ಮಾತ್ರವಲ್ಲ, ಕರ್ನಾಟಕಕ್ಕೂ ಅನ್ವಯಿಸುತ್ತದೆ. ನಾನಿದರಿಂದ ಸ್ವಲ್ಪ ಆತಂಕಗೊಂಡಿದ್ದೇನೆ. ಸಕಾರಣಗಳೂ ಇವೆ.

ಹುಟ್ಟುವಾಗ ನಮ್ಮ ತೋಟದ ಮನೆ ಮದ್ರಾಸು ಪ್ರಾಂತದಲ್ಲಿತ್ತು. ವಿದ್ಯೆ ಕಲಿಯಲೆಂದು ಹೊರಟಾಗ ಸನಿಹದಲ್ಲೇ ಇದ್ದ ತೋಟದ ಬೈಲಿನ ಶಾಲೆ ಕೇರಳಕ್ಕೆ ಸೇರಿಬಿಟ್ಟಿತ್ತು. ಇದ್ದಲ್ಲೇ ಇದ್ದ ನಮ್ಮ ಮನೆ ಕರ್ನಾಟಕ ರಾಜ್ಯದ ಪಾಲಿಗೆ ಬಂದಿತ್ತು. ಇಂತಹ ಭಾಷೆಗಳ ಆಡುಂಬೊಲ ಮತ್ತು ಸಂಸ್ಕøತಿಗಳ ತವರೂರಿನಲ್ಲಿ ಬಾಲ್ಯ ಕಳೆದ ನನಗೆ ತಾಳಮದ್ದಳೆ,ಬಯಲಾಟಗಳಷ್ಟೇ ಆಕರ್ಷಿಸುತ್ತಿದ್ದುದು- ಕಂಬಳ ಮತ್ತು ಕೋಳಿಕಟ್ಟದ ಸಂಭ್ರಮಗಳು. ಆದರೆ, ಮನೆ,ತೋಟ, ಶಾಲೆ ಬಿಟ್ಟು ಬೇರೆಲ್ಲಿಗೆ ಹೋದ ಸುದ್ದಿ ನಮ್ಮಜ್ಜೀ ಕಿವಿಗೆ ಬಿದ್ದರೆ, ಅಪ್ಪನಿಗೆ ದೂರು ಕೊಡುವ ಭಯವಿತ್ತು. ಗುಟ್ಟುಗುಟ್ಟಾಗಿ ಹೋಗಿ ಕಟ್ಟದ ಕೋಳಿ ಹಾಗೂ ಓಟದ ಕೋಣಗಳನ್ನು ನೋಡುವುದೊಂದೇ ದಾರಿಯಾಗಿತ್ತು. ಅದರ ಮಜಾವೇ ಬೇರೆ.
ಪ್ರಾಣಿಹಿಂಸೆಯಿದೆ, ಬೆಟ್ಟಿಂಗ್ ಇದೆಯೆಂಬ ಕಾರಣಕ್ಕಾಗಿ ಎಷ್ಟೋ ವರ್ಷಗಳ ಹಿಂದೆಯೇ ಕೋಳಿಕಟ್ಟ ಬ್ಯಾನ್ ಆಗಿ ಬಿಟ್ಟಿತು. ಎಲ್ಲೋ ಕೆಲವು ಕಡೆ ಕದ್ದೂಮುಚ್ಚಿ ನಡೆಯುತ್ತದೆಂದು ಕೇಳಿದ್ದೆ. ಇನ್ನು ಉಳಿದಿದ್ದುದು ಕಂಬಳ. ಮೀಡಿಯಾ ಶಿಕ್ಷಣ ಪಡೆದು ರಂಗಕ್ಕೆ ಧುಮುಕಿ ಮೊದಲ ಡಾಕ್ಯಮೆಂಟರಿ ಮಾಡಲು ನಾನು ಆರಿಸಿಕೊಂಡದ್ದು “ಕಂಬಳ-ಕೋಣಗಳ ಪಂದ್ಯಾಟ” ಎಂಬ ವಿಷಯ. 1982ರಲ್ಲಿ ಕರ್ನಾಟಕ ಸರಕಾರ ಪ್ರವರ್ಧಿಸಿದ ಅದಕ್ಕೆ ಪ್ರಸ್ತಾಪ ಕೊಟ್ಟು ರೀಸರ್ಚ್ ಹಾಗೂ ಸ್ಕ್ರಿಪ್ಟ್ ಜವಾಬ್ದಾರಿ ಹೊತ್ತಿದ್ದೆ. ಆಗಿದ್ದ ಸಿನಿಮಾ ಮಂದಿರಗಳು ಮಾತ್ರವಲ್ಲ, ಬೆಂಗಳೂರು, ದಿಲ್ಲಿ ದೂರದರ್ಶನದ ಜೊತೆಗೆ, ಅದು ಇಂಗ್ಲೀಷ್ ಸಬ್‍ಟೈಟಲ್‍ನೊಂದಿಗೆ ಸಾರ್ಕ್ ರಾಷ್ಟ್ರಗಳಲ್ಲೆಲ್ಲಾ ಪ್ರಸಾರವಾಗಿ ಮೆಚ್ಚುಗೆ ಪಡೆದಿತ್ತು.

ಗ್ರಾಮೀಣ ಭಾಗದಲ್ಲಿ ಬಹುಜನರಿಗೆ ಮಜಾ ಕೊಡುತ್ತಲಿದ್ದ ಇವೆರಡೂ ಮನರಂಜನೆಗಳು ಸರ್ವರೂಪದಲ್ಲಿಯೂ ಬ್ಯಾನ್ಡ್ ಎಂದಾದರೆ, ಅದುವೇ ಸಂಸ್ಕೃತಿಯಲ್ಲಿ ಬೆಳೆದವರಿಗೆ ಕಸಿವಿಸಿ, ನೋವು ಆಗುವುದು ಸಹಜವಲ್ಲವೇನು? ನಾನೀಗ ಕೇಳಬಯಸುವ ಪ್ರಶ್ನೆ ಹೀಗಿದೆ. “ಅಕ್ರಮ ಬೆಟ್ಟಿಂಗ್, ಹಿಂಸಾಚಾರ, ಅಮಾನವೀಯ ಸ್ಪರ್ಧೆ ಹೆಚ್ಚಾಗುತ್ತಿರುವ ಇಂಪೋರ್ಟೆಡ್ ಗೇಮ್ ಕ್ರಿಕೆಟ್ಟಿಗೆ ಮತ್ತು ತರಬೇತಿಯಲ್ಲಿ, ಓಡಿಸುವಲ್ಲಿ ಜಾಕಿ ಹಿಂಸೆಯ ಚಾಟಿ ಹಿಡಿದೇ ಇರುವ ಹಾರ್ಸ್ ರೇಸಿನ ಜೂಜಾಟಕ್ಕೆ ರಾಜ ಮರ್ಯಾದೆ ಕೊಟ್ಟು ಪೋಷಿಸಲಾಗುತ್ತಿರುವ ನಮ್ಮ ದೇಶದಲ್ಲಿ ಪ್ರಾದೇಶಿಕ ಜಾನಪದ, ಸಮುದಾಯ ಕ್ರೀಡಾ ಸಂಭ್ರಮಗಳನ್ನೇಕೆ ಗಡೀಪಾರು ಮಾಡುವಂತಹ ‘ಕೆಟ್ಟ’ ಕಾಲ ಬಂತು?”

ಜನರು ಉಳಾಯಿ-ಪಿದಾಯಿ, ಸಟ್ಟಾ, ಓ.ಸಿ. ಇತ್ಯಾದಿ ಆಟಗಳನ್ನಾಡಿ ಬದುಕು ಬರ್ಬರ ಮಾಡಿಕೊಳ್ಳುತ್ತಿದ್ದಾರೆಂದು ಎಂದೋ ನಿಷೇಧಿಸಲಾಗಿದೆ. ಬಳಿಕ, ಮಹಾಜನರು ಇಂತಹ ಚಟಗಳಿಂದ ಹೊರಬರುವುದು ಕಷ್ಟ. ಸರಕಾರಿ ಪೋಷಿತ ಲಾಟರಿ ತಂದರೆ ಜನಾಭ್ಯುದಯ ಆದೀತೆಂದು ಅಧಿಕೃತ ಲಾಟರಿ ಪದ್ಧತಿ ಅಳವಡಿಸಲಾಯಿತು. ಅದೂ, ಜನರಲ್ಲಿ ದುಷ್ಟ, ಕೆಟ್ಟ ಸಂಸ್ಕೃತಿಯನ್ನು ತಂದು ನಾಗರಿಕತೆ ಹಾಳಾಗುತ್ತದೆಂದು ವಿಧಾನ, ಲೋಕಸಭೆಗಳಲ್ಲಿ ಜನಪ್ರತಿನಿಧಿಗಳ ಒತ್ತಾಯಕ್ಕೆ ಮಣಿದು ಸ್ಥಗಿತಗೊಳಿಸಲಾಗಿ ಹಲವು ವರ್ಷಗಳಾದವು. ಅದೇ ವೇಳೆಗೆ, ಕ್ರಿಕೆಟ್ ಬೆಟ್ಟಿಂಗ್ ತೊಡಗಿತ್ತೆಂದು ಹಲವು ರಾಜಕೀಯ ಧುರೀಣರು ಈಗ ಹಿನ್ನೋಟದಿಂದ ಹೇಳುತ್ತಲಿದ್ದಾರೆ.

ಕ್ರಿಕೆಟಿನಲ್ಲಿನ ವಂಚನೆಗಳೇನು ಕಮ್ಮಿಯೇ? ಇಲ್ಲೀಗಲ್ ಬೌಲಿಂಗ್ ಮತ್ತು ಪಿಚ್‍ಸೈಡಿಂಗ್ ಎಂಬ ಬೆಟ್ಟಿಂಗ್‍ಗಾರರಿಗೆ ಸ್ಮಾರ್ಟ್ ಫೋನ್- ಲ್ಯಾಪ್ಟಾಪ್‍ಗಳ ಮುಖಾಂತರ ಜಗತ್ತಿನಾದ್ಯಂತ ಲೈವ್ ಮಾಹಿತಿ ಕೊಡುವ ರ್ಯಾಕೆಟ್‍ಗಳು ಹೆಸರಿಗೆ ಬ್ಯಾನ್ಡ್; ಕಳ್ಳಾಟಗಳು ನಡೆಯುತ್ತಲೇ ಇವೆ. ಫೈನ್ ಹಾಕುವುದು, ಪನಿಶ್‍ಮೆಂಟ್ ಕೊಡುವುದು ಇಲ್ಲೀಗಲ್ ಲೋಗೋವನ್ನು ಶರ್ಟ್‍ಗೋ, ಪ್ಯಾಂಟಿಗೋ ತಗಲ್ಹಾಕೊಂಡು ಯಾವುದೋ ಕಂಪೆನಿಗೆ ಪ್ಲೇಯರ್ಸ್ ಅನಧಿಕೃತ ಪಬ್ಲಿಸಿಟಿ ಕೊಟ್ಟಾಗ ಮಾತ್ರ.

2001 ರಲ್ಲೇ ಒಂದು ಕ್ರಿಕೆಟ್ ಸೀಸನ್‍ನಲ್ಲಿ 42 ಕೋಟಿ ಡಾಲರ್ ಬೆಟ್ಟಿಂಗ್ ಕಮಾಯಿ ಇದೆಯೆಂಬ ವರದಿಗಳಿದ್ದವು. ಇತ್ತೀಚೆಗೆ ದಿಲ್ಲಿ ಪೊಲೀಸರು ಅಧಿಕೃತ ತನಿಖೆಗೆ ಕೊಟ್ಟ ಮಾಹಿತಿಯಂತೆ ಒಂದು ಐಪಿಎಲ್ ಮ್ಯಾಚಿಗೆ 150ಕೋಟಿ ರೂ. ಬೆಟ್ಟಿಂಗ್ ಇತ್ತು. ಅದಕ್ಕೆ ಬೌನ್ಸರ್ಸ್ ಮತ್ತು ದುಬೈ ದಾವೂದ್ ಗ್ಯಾಂಗಿನ ‘ಶ್ರೀರಕ್ಷೆ ಇದೆಯೆಂದು’ ಸುಪ್ರೀಂ ಕೋರ್ಟೇ ಹೇಳಿದೆ. ಈಗ ಬಂದಿದೆ ‘ಮೇಕ್ ಬೆಟ್ಟಿಂಗ್ ಇನ್ ಕ್ರಿಕೆಟ್ ಲೀಗಲ್’ ಅಂತ. ಇಲ್ಲವಾದರೆ ಅದರ ಹತೋಟಿ ಅಸಾಧ್ಯ ಎಂಬ ಅಧಿಕೃತ ಸಲಹೆಯನ್ನು ಆರ್. ಎಂ. ಲೋಧಾ ಕಮಿಟಿ ಕೊಟ್ಟಿದೆ.

ಹಿಂಸಾಚಾರವೂ ಸರಿಯಲ್ಲ. ಇತ್ತೀಚಿನ ವರ್ಷಗಳಲ್ಲಿ ಚೀನಾ ರಶಿಯಾಗಳಲ್ಲಿ ಜಿಮ್ಯಾಶಿಯಂ, ಕುಸ್ತಿ, ಕ್ರೀಡಾ ಪಟುಗಳನ್ನು ಎಳೆತನದಿಂದಲೇ ತಯಾರು ಮಾಡುವ ವಿಡಿಯೋಗಳನ್ನು ನೋಡಿದರೆ ಈ ಮಕ್ಕಳು ಇಷ್ಟೊಂದು ಹಿಂಸೆ ಅನುಭವಿಸುತ್ತಾರೆಯೇ ಎಂದು ಕಣ್ಣೀರು ಬರುತ್ತದೆ. ಮೀನು, ಪಕ್ಷಿ, ಪ್ರಾಣಿಗಳನ್ನು ಜೀವವಿರುವಂತೆಯೇ ಗರಿತೆಗೆದು, ಚರ್ಮ ಸುಲಿದು, ಮಸಾಲೆ ನುರಿದು, ಎಣ್ಣೆ-ತುಪ್ಪದಲ್ಲಿ ಕರಿದು, ಉಸಿರಾಡುತ್ತಿರುವಾಗಲೇ ಗ್ರಾಹಕರ ಮುಂದೆ ತಂದಿಡುವ ಆಧುನಿಕ ರೆಸ್ಟಾರೆಂಟ್‍ಗಳ ಫುಡ್ ಕಲ್ಚರ್‍ನ ಹಲವಾರು ವಿಡಿಯೋಗಳು ಸೋಶಿಯಲ್ ವೆಬ್‍ಸೈಟ್‍ಗಳಲ್ಲಿ ಬರುತ್ತಲಿರುತ್ತವೆ.

ಕರ್ನಾಟಕದಲ್ಲಿ ಈ ಹಿಂದೆಯೇ, ಕಂಬಳದಲ್ಲಿನ ಪ್ರಾಣಿಹಿಂಸೆ ಹತೋಟಿಯಲ್ಲಿಟ್ಟುಕೊಂಡು ಸಾಂಪ್ರದಾಯಿಕವಾಗಿ ನಡೆಸಬಹುದೆಂದು ಕೋರ್ಟು ಸೂಚನೆ ಕೊಟ್ಟಿದೆ. ಎನಿಮಲ್ ವೆಲ್ಫೇರ್ ಬೋರ್ಡ್ ಆಫ್ ಇಂಡಿಯಾ ಮತ್ತೆ, ಕರಾವಳೀ ಕೃಷಿಕ ಸಮುದಾಯದ ವಾರ್ಷಿಕ ಕಂಬಳವನ್ನು ತಕ್ಷಣ ಕಾನೂನು ಬಾಹಿರ ಎಂದು ಬಹಿಷ್ಕರಿಸ ಬೇಕೆಂದು ರಾಜ್ಯ ಸರಕಾರಕ್ಕೆ ಮನವಿ ಮಾಡಿದೆ. ಇದುವೇ ಬೋರ್ಡ್ 2014-15 ರಲ್ಲಿ ಮೂರು ಕಂಬಳಗಳನ್ನು ನೋಡಿ 65 ನಾನ್- ಕಾಗ್ನೆಸಿಬಲ್ ಅಪರಾಧಗಳ ಪಟ್ಟಿ ಮಾಡಿ ಕೊಟ್ಟು, ಕಂಬಳವೂ ತಮಿಳುನಾಡಿನ ನಿಷೇಧಿತ ಜಲ್ಲಿಕಟ್ಟಿನಷ್ಟೇ ಹಿಂಸಾತ್ಮಕವಾಗಿದೆ ಎಂದು ಸೂಚಿಸಿತ್ತು. ಇದಕ್ಕೆ ಹಿನ್ನೆಲೆಗಿರುವುದು ಪೇಟಾ ಅಥವಾ ಅಮೇರಿಕಾದಲ್ಲಿ ಶುರುವಾದ ಚಳವಳಿ ಪೀಪಲ್ ಫಾರ್ ಎಥಿಕಲ್ ಟ್ರೀಟ್‍ಮೆಂಟ್ ಆಫ್ ಎನಿಮಲ್ಸ್ ಕೊಟ್ಟ ದೂರು.

ದೇಶದ ಆರ್ಥಿಕತೆಯನ್ನೇ ಅಲ್ಲಾಡಿಸಬಲ್ಲ, ಭೂಗತರ ದರ್ಬಾರನ್ನೂ ಮೆರೆಸುವ ಕ್ರಿಕೆಟಿನ ದುಷ್ಟ ಬೆಳವಣಿಗೆಯನ್ನು ಹತೋಟಿಸಲಾಗದೆ, ಅದರ ಮೇಲಣ ಬೆಟ್ಟಿಂಗ್‍ನ್ನೂ ಕಾನೂನುಬದ್ಧಗೊಳಿಸುವ ಚಿಂತನೆಯನ್ನು ಸರಕಾರ ಮಾಡಿದರೇನಾಗಬಹುದು! ಸರಕಾರಿ ಲಾಟರಿಗಳನ್ನು ಬಂದ್ ಮಾಡಿಸಿದ್ದಾದರೂ ಏಕೆ? ಅದರಿಂದ ಬಂದ ಒಂದಷ್ಟು ಹಣ ಜನಹಿತ ಕಾರ್ಯಕ್ಕಾದರೂ ಹೋಗುತ್ತಲಿತ್ತು. ಕ್ರಿಕೆಟ್ ಹೆಸರಿನಲ್ಲಿ ಕೋಟಿ,ಕೋಟಿ ಭೂಗತ ದೊರೆಗಳಿಗೆ ಹೋಗುತ್ತಲಿದೆ.

ಇನ್ನು, ಶತಮಾನಗಳಿಂದ ಬಂದ ಭಾರತದಾದ್ಯಂತದ ಜಾನಪದ ಕ್ರೀಡೆಗಳನ್ನು ಬಲಿಕೊಟ್ಟು, ಕ್ರಿಕೆಟ್ ಒಂದನ್ನೇ ಏಕರೂಪಿ ಮನರಂಜನೆಯಾಗಿ ಸಾಕಿ, ಸಲಹಿದರೆ ನಮ್ಮ ದೇಶೀಯ ಫೋಕ್ ಗೇಮ್‍ಗಳು ‘ಆಲ್ ಔಟ್’ ಆಗುವುದರಲ್ಲಿ ಸಂದೇಹ ಇದೆಯೇನು!

———————-

ಈಶ್ವರ ದೈತೋಟ

1ಕರ್ನಾಟಕದ ಅತಿಹೆಚ್ಚು ದಿನಪತ್ರಿಕೆಗಳನ್ನು ಮುನ್ನಡೆಸಿದ ಹಿರಿಮೆ. 1991ರಿಂದ 2011ರವರೆಗಿನ ಎರಡು ದಶಕಗಳಲ್ಲಿ ಅತ್ಯಂತ ಹೆಚ್ಚು ಆವೃತ್ತಿಗಳು ಮತ್ತು ಪ್ರಸಾರದ ವಿಜಯ ಕರ್ನಾಟಕದ ಫೌಂಡರ್ ಚೀಫ್ ಎಡಿಟರ್. ಮಣಿಪಾಲದ ಉದಯವಾಣಿ ರೆಸಿಡೆಂಟ್ ಎಡಿಟರ್, ಟೈಮ್ಸ್ ಆಫ್ ಇಂಡಿಯಾ (ಕ) ಎಡಿಟರ್, ಕನ್ನಡದ ಸೀನಿಯರ್ ಮೋಸ್ಟ್ ದೈನಿಕ ಸಂಯುಕ್ತ ಕರ್ನಾಟಕದ ಚೀಫ್ ಎಡಿಟರ್ ಹಾಗೂ ನೂತನ ವಾರಪತ್ರಿಕೆ ಚೀಫ್ ಎಡಿಟರ್ ಆಗಿ ಹೊಣೆಹೊತ್ತವರು.

ಮುದ್ರಣ ಮಾಧ್ಯಮ, ರೇಡಿಯೋ, ಟೆಲಿವಿಷನ್ನಿನಲ್ಲಿ ಮೂರೂವರೆ ದಶಕಗಳಿಗೂ ಹೆಚ್ಚು ಅನುಭವ. ಪತ್ರಿಕೋದ್ಯಮ ಶಿಕ್ಷಣ, ಅಭ್ಯುದಯ ಪತ್ರಿಕೋದ್ಯಮ ಮತ್ತು ಮೀಡಿಯಾ ಮ್ಯಾನೇಜ್‌ಮೆಂಟ್‌ನಲ್ಲಿಯೂ ಅಪಾರ ಸಾಧನೆ. ಯುಜಿಸಿ ಮತ್ತು ಯೂನಿಸೆಫ್ ತರಬೇತಿ ಯೋಜನೆಗೆ ಡೆವಲಪ್‌ಮೆಂಟ್‌ ಕನ್ಸಲ್ಟೆಂಟ್ ಎಂದು ಮನ್ನಣೆ.

2015ರಲ್ಲಿ ಪ್ರತಿಷ್ಠಿತ ಟಿಎಸ್ಆರ್ ಪತ್ರಿಕೋದ್ಯಮ ಪ್ರಶಸ್ತಿ, ಮೂಡಬಿದ್ರೆಯ ನುಡಿಸಿರಿ ಪ್ರಶಸ್ತಿ, 2008ರಲ್ಲಿ ಅಭ್ಯುದಯ ಪತ್ರಿಕೋದ್ಯಮ ರಾಜ್ಯ ಪ್ರಶಸ್ತಿ, ಮೈಸೂರಿನ ಕುವೆಂಪು ಶಿಕ್ಷಣ ಸಂಸ್ಥೆಯಿಂದ ರಾಜ್ಯದ ಅತ್ಯುತ್ತಮ ಸಂಪಾದಕ ಪ್ರಶಸ್ತಿ (2006). 2008ರಲ್ಲಿ ರಾಷ್ಟ್ರೀಯ ಝಿ ಟಿವಿ ಚಾನೆಲ್‌ನಿಂದ ಕರ್ನಾಟಕದಲ್ಲಿ ಇಲೆಕ್ಟ್ರಾನಿಕ್ ಮೀಡಿಯಂ ಮತ್ತು ಪತ್ರಿಕೋದ್ಯಮಕ್ಕೆ ಅತಿ ದೊಡ್ಡ ಸೇವೆ ಸಲ್ಲಿಸಿದ ಸಂಪಾದಕ ಮತ್ತು ಅತ್ಯಂತ ಜನಪ್ರಿಯ ಮೀಡಿಯಾ ಪರ್ಸನ್ (ವೀಕ್ಷಕರ ಆಯ್ಕೆ) ಎಂಬೆರಡು ಪ್ರಶಸ್ತಿಗಳು. ವಾಯ್ಸ್ ಆಫ್ ಅಮೇರಿಕಾ ಮತ್ತು ಕೆನೆಡಿಯನ್ ರೇಡಿಯೋಗಳಲ್ಲಿ ಅವರ ಕಾರ್ಯಕ್ರಮಗಳು ಪ್ರಸಾರವಾಗಿವೆ. ಹಲವು ಇಂಟರ್‌ನ್ಯಾಷನಲ್ ಜರ್ನಲ್‌ಗಳಿಗೂ ಲೇಖನ ಬರೆದಿದ್ದಾರೆ.

ಅಭ್ಯುದಯ ಪತ್ರಿಕೋದ್ಯಮ ಅವರ ನಿತ್ಯ ಜಪ. ಅಭ್ಯುದಯ ಸಂಬಂಧಿತ ಅನೇಕ ಡಾಕ್ಯುಮೆಂಟರಿಗಳನ್ನು, ರೇಡಿಯೋ ರೂಪಕಗಳನ್ನು ತಯಾರಿಸಿರುವ ಅನುಭವ. ಪತ್ರಿಕೋದ್ಯಮ ಮತ್ತಿತರ ವಿಷಯಗಳ ಬಗ್ಗೆ ಅವರು ಬರೆದಿರುವ, ಅನುವಾದಿಸಿರುವ ಪುಸ್ತಕಗಳ ಸಂಖ್ಯೆ 75ಕ್ಕೂ ಹೆಚ್ಚು.

Share

2 Comments For "ಕುದುರೆ ಜೂಜಿರಬೇಕು! ಕಂಬಳ ಬೇಡವೇ?
ಈಶ್ವರ ದೈತೋಟ
"

  1. ವಿಮಲಾನಾವಡ
    20th January 2017

    ನಮಗೂ ಹಾಗೇ ಅನ್ನಿಸುತ್ತೆ,ನಿಮ್ಮಂಥವರೇ ಏನಾದರೂ ಮಾಡಬೇಕು.

    Reply
    • Ishwar Daitota
      24th January 2017

      thank you for the suggestion

      Reply

Leave a comment

Your email address will not be published. Required fields are marked *

Recent Posts More

  • 15 hours ago No comment

    ಕ್ರೈಸ್ತರ ಪ್ರಾರ್ಥನಾ ಅಭಿಯಾನದ ಕರೆಯ ಸುತ್ತಮುತ್ತ

        ಪ್ರಸ್ತಾಪ     ಹುಸಿ ರಾಷ್ಟ್ರ ಭಕ್ತಿಯಲ್ಲಿ ಆರ್ಭಟಿಸುವ ಹಿಂದುತ್ವದ ಸ್ವಘೋಷಿತ ವಾರಸುದಾರರು ಮಾತೆತ್ತಿದರೆ ಕ್ರೈಸ್ತರನ್ನು ಈ ದೇಶದವರಲ್ಲ, ಅವರನ್ನು ದೇಶದಿಂದ ಒದ್ದೋಡಿಸಬೇಕು ಎನ್ನುವಂತೆ ವರ್ತಿಸುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ, ಗಣರಾಜ್ಯೋತ್ಸವ ಹೀಗೆ ಪ್ರತಿ ರಾಷ್ಟ್ರೀಯ ಹಬ್ಬಗಳನ್ನೂ ಧ್ವಜಾರೋಹಣ ಮಾಡಿ ರಾಷ್ಟ್ರಗೀತೆ ಹಾಡಿ ಆಚರಿಸಿಯೇ ಧಾರ್ಮಿಕ ಚಟುವಟಿಕೆಯನ್ನು ಶುರುಮಾಡುವ ಕ್ರೈಸ್ತರಿಂದ ಕಲಿಯುವುದು ಬೇಕಾದಷ್ಟಿದೆ. ಆಸ್ಪತ್ರೆ, ಶಿಕ್ಷಣ, ಸಮಾಜ ಸುಧಾರಣೆಯ ಕಾರ್ಯಗಳಲ್ಲಿ ಕ್ರೈಸ್ತ ಸಂಸ್ಥೆಗಳು ಮಾಡುವ ಸೇವೆಯನ್ನು ...

  • 16 hours ago No comment

    ಚಿತ್ರದಲ್ಲಿನ ಹೆಂಗಸು

      ಕವಿಸಾಲು               ತಲೆಮಾರುಗಳ ಸ್ಥಿರತೆ ಕಮಾನ ಬಿಲ್ಲಿನಂತೆ ಬಾಗಿದ ಹುಬ್ಬುಗಳಲಿ ತೂಗಿ ಕಂದು ಕಣ್ಣುಗಳ ಆಳದಲ್ಲೆಲ್ಲೋ ಅಡಗಿದ ಇನಿತಿನಿತು ಬಾಲ್ಯದ ಭಯಗಳ ನಡುವೆ ಇಣುಕುವ ವಿನಯದಿ ವಿಧೇಯ ಹೆಂಗಸಿದ್ದಾಳೆ, ಆಳಲ್ಲ ಬಾಯೆಂಬ ಬಾಯಿ ಅಚ್ಚುಕಟ್ಟಾಗಿ ಪಳಗಿ ಸರಿಯೆಂಬುದ ದಿಟ್ಟವಾಗಿ ಅರುಹಿ ಉದ್ದುದ್ದ ಭಾಷಣಗಳ ಕಟ್ಟಿಟ್ಟು ತೂಗಿ ಬಿಡಿಸಲಾಗದ ಒಗಟಿನ ಜೀವನ ಸೌಂದರ್ಯವ ಆಸ್ವಾದಿಸುವಲ್ಲಿ ಜೀವಂತವಿದ್ದಾಳೆ, ಕಳೆಯಿಲ್ಲ ಶಿರವೆಂಬ ಶಿಖರವ ...

  • 7 days ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 1 week ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 2 weeks ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...


Editor's Wall

  • 11 May 2018
    2 weeks ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    4 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    4 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...