Share

ಕಥೆ ಕಥೆ ಕಾತ
ಈಶ್ವರ ದೈತೋಟ ಕಾಲಂ

ಕೇರಳದ ತೋಟದ ಬಯಲಿನ ಶಾಲೆಯ ಮೊದಲ ತರಗತಿಗಳಲ್ಲಿ ಪಾಠ ಕಲಿತುದು ಈಶ್ವರ ನಾಯಕರು ಎಂಬ ರಾಷ್ಟ್ರಪ್ರಶಸ್ತಿ ವಿಜೇತ ಅಧ್ಯಾಪಕರಿಂದ. ಅವರು ಅಕ್ಷರಾಭ್ಯಾಸ ಮಾಡಿಸಿ, ನನ್ನನ್ನು ಬುದ್ಧಿ ಹೇಳಿ ತಿದ್ದಿತೀಡಿದವರು.

ಪುತ್ತೂರಿನ ಹೈಸ್ಕೂಲಿಗೆ ಬಂದಾಗ, ನಾಗರಬೆತ್ತವನ್ನು ಕೈಯಲ್ಲಿ ಹಿಡಿದುಕೊಂಡಿರುತ್ತಿದ್ದರೂ, ಒಮ್ಮೆಯೂ ಪ್ರಯೋಗಿಸದೆ ಬದುಕಿನ ಶಿಕ್ಷಣವಿತ್ತವರು ಹೆಡ್ಮಾಸ್ಟರ್‍ ಡೆನ್ನಿಸ್ ಡಿ’ಸೋಜಾರು. ಇಂಗ್ಲೀಷ್ ಬಗ್ಗೆ ನನ್ನಲ್ಲಿ ಹೆಚ್ಚಿನ ಆಸಕ್ತಿ ಮೂಡಿಸಿದವರೂ ಅವರೇ.

ಮೈಸೂರಿನ ಮಹಾರಾಜಾ ಕಾಲೇಜಿನಲ್ಲಿ ಜರ್ನಲಿಸಂನ ಗುಡ್ ನ್ಯೂಸ್ ಸ್ಟೋರಿಗಳನ್ನು ಬರೆಯಬೇಕಾದರೆ ಕಣ್ಣು ಕಿವಿಗಳನ್ನು ತೆಗೆದಿರಿಸಿಕೊಂಡಿರಬೇಕು, ಕಳಕಳಿಯ ಹೃದಯವಿಟ್ಟುಕೊಂಡಿರಬೇಕು ಎಂದು ತಿಳಿವಳಿಕೆ ನೀಡಿದವರು ಪ್ರೊ. ಸೈಯ್ಯದ್‍ ಇಕ್ಬಾಲ್‍ ಖಾದ್ರಿಯವರು.

ಒಟ್ಟಾರೆ ಬದುಕನ್ನು ಹಾಗೂ ಆರಿಸಿಕೊಂಡ ವೃತ್ತಿಯನ್ನು ಕರಗತ ಮಾಡಿಕೊಳ್ಳುವುದಕ್ಕೆ ಈ ಮೂವರು ಮಹಾನುಭಾವರುಗಳೂ ನನಗೆ ದಾರಿ ತೋರಿದವರು. ಅವರೆಲ್ಲರಿಂದ ಕಲಿತವಲ್ಲದೆ ಅಡುಗೂಲಜ್ಜಿ, ಜಾನಪದ, ಪೌರಾಣಿಕ, ವೈಜ್ಞಾನಿಕವೆಂದು ಕೇಳಿ ನೆನಪಿಟ್ಟುಕೊಂಡ ಕಥೆಗಳು ಅನೇಕವಿವೆ.

ಜೀವರಹಸ್ಯ: ಒಂದಾನೊಂದು ಕಾಲದಲ್ಲಿ ಬ್ರಹ್ಮಾಂಡದ ನಾಲ್ಕು ಪ್ರಮುಖ ದೇವತೆಗಳು ಸಭೆ ಸೇರಿ ಜೀವರಹಸ್ಯ ಕಾಪಾಡಿಕೊಳ್ಳುವುದು ಹೇಗೆಂದು ಚಿಂತನೆ ನಡೆಸಿದರಂತೆ. ಈ ರಹಸ್ಯ ಅಪಾತ್ರರ, ಅದರಲ್ಲೂ ಮಾನವರ ಕೈಗೆ ಸಿಗಬಾರದೆಂಬುದೇ ಅವರ ಆತಂಕವಾಗಿತ್ತು.
ಮೊದಲನೇ ದೇವತೆ, ನಾವದನ್ನು ಅತ್ಯಂತ ಎತ್ತರದ ಪರ್ವತದಲ್ಲಿ ಅಡಗಿಸಿಟ್ಟರೆ ಅವರಾರಿಗೂ ಸಿಗದು ಎಂದಾಗ “ಅಲ್ಲಲ್ಲ, ಇವತ್ತಲ್ಲದಿದ್ದರೆ ನಾಳೆಯಾದರೂ ಮಾನವರು ಅಲ್ಲಿಗೆ ತಲುಪಿ ಹಿಡಿತಕ್ಕೆ ತೆಗೆದುಕೊಂಡು ದುರುಪಯೋಗ ಪಡಿಸದೆಇರಲಿಕ್ಕಿಲ್ಲ” ಎಂದ ಎರಡನೇ ದೇವತೆ “ಜೀವರಹಸ್ಯವನ್ನು ನಾವು ಆಳವಾದ ಸಾಗರದಡಿಯಲ್ಲಿ ಅವಿತಿಟ್ಟರೆ ಹೇಗೆ” ಎಂದು ಬುದ್ಧಿವಂತಿಕೆ ತೋರಿದ. “ಅದು ಉಪಯೋಗವಿಲ್ಲ. ಒಂದಲ್ಲ ಒಂದು ದಿನ ಅವರು ಸಾಗರದಡಿ ಶೋಧಿಸದೆ ಬಿಡರು” ಎಂದ ಮೂರನೆಯ ದೇವತೆ “ಚಂದ್ರನಲ್ಲಿ ಗುಟ್ಟಾಗಿ ಇಟ್ಟರೆ ಅವರಿಗೆ ಸುಳಿವೇ ಸಿಗದು” ಎಂದು ಜಾಣ ಸಲಹೆ ಇತ್ತ.

“ಅಯ್ಯೋ ಮಾನವರು ಪ್ರಚಂಡರು, ಯಾವತ್ತಾದರೂ ಚಂದ್ರನಲ್ಲಿಗೆ ಪಯಣಿಸದೆ ಬಿಡರು. ಅಲ್ಲಿ ತಲುಪಿದ ಮೇಲೆ ಅವರದನ್ನು ಕಂಡು ಹುಡುಕದೆ ಬಿಡುತ್ತಾರೆಯೇ” ಎಂದು ಹೇಳಿದ ನಾಲ್ಕನೆಯ ಅತಿಬುದ್ಧಿವಂತ ದೇವತೆ “ನನಗೆ ಗೊತ್ತಿರುವಂತೆ ಮಾನವರಿಗೆ ಹುಡುಕಲಸಾಧ್ಯವಾದ ಒಂದೇ ಒಂದು ಜಾಗವಿದೆ” ಎಂದಾಗ ಯಾವುದು ಅದು ಉಳಿದವರೆಲ್ಲ ಉತ್ಸಾಹಿತರಾಗಿ ಕೇಳಿದರು.

“ಮಾನವರ ಹೃದಯದಾಳದಲ್ಲಿಟ್ಟರೆ ಅವರ ಜನ್ಮಕ್ಕೂ ಅವರಿಗೆ ರಹಸ್ಯ ಗೊತ್ತಾಗದು. ಹೃದಯಾಳ ಹುಡುಕುವ ಬಗ್ಗೆ ಅವರಿಗೆ ಯೋಚನೆಯೂ ಬರದು, ತಾಳ್ಮೆಯೂ ಇರದು” ಎಂದನಂತೆ ನಾಲ್ಕನೆಯದೇವತೆ ನಿಶ್ಚಿಂತೆಯಾಗಿ.

ಏಡಿ ಕಥೆ: ಹಳ್ಳಿಗನೊಬ್ಬ ಪೇಟೆಗೆ ಬಂದನಂತೆ ತನ್ನ ಕೋಳಿಗಳನ್ನೂ, ಏಡಿಗಳನ್ನೂ ಮಾರಲೆಂದು. ಎರಡು ಬುಟ್ಟಿಗಳಲ್ಲಿ, ಕೋಳಿ ಮರಿಗಳ ಬುಟ್ಟಿಗೆ ಭಾರವಾದ ಮುಚ್ಚಳವಿತ್ತು.ಏಡಿಗಳ ಬುಟ್ಟಿಗೆ ರಕ್ಷಣೆಯೇ ಇರಲಿಲ್ಲ. ನಗರದವನೊಬ್ಬನಿಗೆ ಇದು ಆಶ್ಚರ್ಯವೆನಿಸಿತು. ನಿರಪಾಯಕಾರಿ ಕೋಳಿಗೆ ಮುಚ್ಚಳ, ಕಚ್ಚುವ ಏಡಿಗೆ ಮುಚ್ಚಳವಿಲ್ಲ. ಹಾಗೇಕೆ ಎಂದು ಪ್ರಶ್ನಿಸಿದ.

“ಅಷ್ಟೂ ತಿಳಿಯದೇನು, ಒಂದು ಕೋಳಿಮರಿ ಹಾರ ಬಯಸಿದರೆ ಉಳಿದೆಲ್ಲ ಮರಿಗಳೂ ಹಾರತೊಡಗುತ್ತವೆ. ಅದಕ್ಕೇ ಭದ್ರ ಮುಚ್ಚಳ. ಏಡಿಗಳ ಕತೆ ಹಾಗಲ್ಲ. ಒಂದು ತಲೆ ಎತ್ತಿದರೆ ಸಾಕು ಉಳಿದವುಗಳೆಲ್ಲ ಅದರ ಕೈಕಾಲು ಹಿಡಿದು ಕೆಳಕ್ಕೆ ಜಗ್ಗುತ್ತವೆ. ಈ ಜಾತಿಗೆ ಮುಚ್ಚಳವೇಕೆ” ಎಂದನಂತೆ.

ನಮ್ಮ ರಾಜಕಾರಣಿಗಳಿದನ್ನು ಪಟ್ಟಾಗಿ ಕರಗತ ಮಾಡಿಕೊಂಡಿದ್ದಾರೆ! ಅಲ್ಲವೇ?

ಅಲ್ಕೋಹಾಲ್‍ ಕಥೆ : “ತುಂಬಾ ಕುಡಿಯುವ ವಿದ್ಯಾರ್ಥಿಗಳು ತೀರಾ ಕಡಿಮೆ ಗ್ರೇಡುಗಳನ್ನು ಪಡೆಯುತ್ತಾರೆ” ಎಂಬ ಅಧ್ಯಯನ ಕಥೆಯೊಂದು ಆಲ್ಕೋಹಾಲ್ ಒಳ ಹೋಗುವುದಕ್ಕೂ, ಕಲಿತದ್ದು ಒಳ ಹೋಗುವುದಕ್ಕೂ ಹತ್ತಿರದ ಸಂಬಂಧ ಉಂಟೆಂದು ತಿಳಿವಳಿಕೆ ನೀಡಿದೆ.

ಅದರಂತೆ, ವಿದ್ಯಾಭ್ಯಾಸದಲ್ಲಿ ಥರ್ಡ್ ಕ್ಲಾಸ್ ಪ್ರಗತಿ ತೋರಿಸಿರುವ ವಿದ್ಯಾರ್ಥಿಗಳು ವಾರಕ್ಕೆ ಹನ್ನೊಂದು ಬಾರಿ ಕುಡಿಯುತ್ತಾರೆ. ಸೆಕೆಂಡ್‍ ಕ್ಲಾಸು ಪಡೆಯುವವರು ವಾರಕ್ಕೈದು ಬಾರಿ ಹಾಗೂ ಫಸ್ಟ್ ಕ್ಲಾಸ್ ಪಡೆಯುವವರು, ವಾರದಲ್ಲಿ ಮೂರು ಬಾರಿ ಮದ್ಯಪಾನ ಮಾಡುವವರು. ಈ ಕಥೆ ಕೇಳಿದ ಪ್ರತಿಭಾವಂತನೊಬ್ಬ ‘ವಾರಕ್ಕೊಮ್ಮೆ ಕುಡಿದರೆ ರ್ಯಾಂಕ್ ಬಂದೀತೇನೋ’ ಎಂದು ಖುಶಿಯಿಂದ ಕೇಳಿದನಂತೆ.

ಉಲ್ಟಾ ಕಥೆ: ತೆಂಗಿನೆಣ್ಣೆ ಬಳಸಿದರೆ ಕೊಲೆಸ್ಟೊರಾಲ್ ಹೆಚ್ಚಾಗುತ್ತದೆ. ರಕ್ತನಾಳಗಳು ಅಗಲಕಿರಿದಾಗಿ, ಬೈಪಾಸ್ ಸರ್ಜರಿ ಬೇಕಾಗುತ್ತದೆ ಎಂದೆಲ್ಲಾ ಸುದ್ದಿಕಥೆಗಳು ಬಂದಿದೆಯಲ್ಲಾ? ಅವೆಲ್ಲಾ ವಾಣಿಜ್ಯೋದ್ದೇಶದ ಅವೈಜ್ಞಾನಿಕ ಅಪಪ್ರಚಾರವೆಂದು ಅರಿವಾಗಿದೆ. ಈಗ ಕಲ್ಪವೃಕ್ಷದ ಫಲ ಮಹಿಮೆಯೇನೆಂದು ಜನಸಾಮಾನ್ಯ ವೃದ್ಧರಿಗಲ್ಲ, ವೈದ್ಯರುಗಳಿಗೂ ನಿಘಂಟಾಗಿದೆ. ಶರ್ಕರಪಿಷ್ಟ, ಶುದ್ಧೀಕೃತ ಸಕ್ಕರೆಯೇ ತೂಕ ಹೆಚ್ಚಾಗಲು ಮೂಲ ಕಾರಣವೆಂದು ಸಂಶೋಧನೆ ಹೇಳಿದೆ. ವಿವಿಧ ಸಮಾಜಗಳಲ್ಲಿ ಬೊಜ್ಜಿನ ಸಮಸ್ಯೆ ಬಗ್ಗೆ ಬೇರೆ ಬೇರೆ ದೇಶಗಳಲ್ಲಿ ಮಾಡಲಾದ ಆಹಾರಕ್ರಮ ಅಧ್ಯಯನ ಪ್ರಕಾರ, ಕಮ್ಮಿ ಸಕ್ಕರೆ ಸೇವಿಸಿದರೂ ದಪ್ಪಗಾಗಿ ಬಿಡುವುದುಂಟು. ಕಂಡಾಬಟ್ಟೆ ಸಕ್ಕರೆ ತಿಂದವರು ಕಡ್ಡಿ ಪೈಲ್ವಾನರಾಗಿಯೇ ಉಳಿದಿರುವುದೂ ಕಂಡುಬಂದಿದೆಯಂತೆ.

ಸಂಶೋಧನೆ ಅವಿರತ ಅಲ್ಲವೇನು; ಅಂತಿಮ ಎಂಬುದು ಇಲ್ಲವಲ್ಲ! ಕಥೆಗಳೂ ಅಷ್ಟೇ, ಹೊಸತು, ಹೊಸತು ಸೃಷ್ಟಿಯಾಗುತ್ತಲೇ ಇರುತ್ತವೆ, ಇರಬೇಕು ಕೂಡಾ.

———————-

ಈಶ್ವರ ದೈತೋಟ

1ಕರ್ನಾಟಕದ ಅತಿಹೆಚ್ಚು ದಿನಪತ್ರಿಕೆಗಳನ್ನು ಮುನ್ನಡೆಸಿದ ಹಿರಿಮೆ. 1991ರಿಂದ 2011ರವರೆಗಿನ ಎರಡು ದಶಕಗಳಲ್ಲಿ ಅತ್ಯಂತ ಹೆಚ್ಚು ಆವೃತ್ತಿಗಳು ಮತ್ತು ಪ್ರಸಾರದ ವಿಜಯ ಕರ್ನಾಟಕದ ಫೌಂಡರ್ ಚೀಫ್ ಎಡಿಟರ್. ಮಣಿಪಾಲದ ಉದಯವಾಣಿ ರೆಸಿಡೆಂಟ್ ಎಡಿಟರ್, ಟೈಮ್ಸ್ ಆಫ್ ಇಂಡಿಯಾ (ಕ) ಎಡಿಟರ್, ಕನ್ನಡದ ಸೀನಿಯರ್ ಮೋಸ್ಟ್ ದೈನಿಕ ಸಂಯುಕ್ತ ಕರ್ನಾಟಕದ ಚೀಫ್ ಎಡಿಟರ್ ಹಾಗೂ ನೂತನ ವಾರಪತ್ರಿಕೆ ಚೀಫ್ ಎಡಿಟರ್ ಆಗಿ ಹೊಣೆಹೊತ್ತವರು.

ಮುದ್ರಣ ಮಾಧ್ಯಮ, ರೇಡಿಯೋ, ಟೆಲಿವಿಷನ್ನಿನಲ್ಲಿ ಮೂರೂವರೆ ದಶಕಗಳಿಗೂ ಹೆಚ್ಚು ಅನುಭವ. ಪತ್ರಿಕೋದ್ಯಮ ಶಿಕ್ಷಣ, ಅಭ್ಯುದಯ ಪತ್ರಿಕೋದ್ಯಮ ಮತ್ತು ಮೀಡಿಯಾ ಮ್ಯಾನೇಜ್‌ಮೆಂಟ್‌ನಲ್ಲಿಯೂ ಅಪಾರ ಸಾಧನೆ. ಯುಜಿಸಿ ಮತ್ತು ಯೂನಿಸೆಫ್ ತರಬೇತಿ ಯೋಜನೆಗೆ ಡೆವಲಪ್‌ಮೆಂಟ್‌ ಕನ್ಸಲ್ಟೆಂಟ್ ಎಂದು ಮನ್ನಣೆ.

2015ರಲ್ಲಿ ಪ್ರತಿಷ್ಠಿತ ಟಿಎಸ್ಆರ್ ಪತ್ರಿಕೋದ್ಯಮ ಪ್ರಶಸ್ತಿ, ಮೂಡಬಿದ್ರೆಯ ನುಡಿಸಿರಿ ಪ್ರಶಸ್ತಿ, 2008ರಲ್ಲಿ ಅಭ್ಯುದಯ ಪತ್ರಿಕೋದ್ಯಮ ರಾಜ್ಯ ಪ್ರಶಸ್ತಿ, ಮೈಸೂರಿನ ಕುವೆಂಪು ಶಿಕ್ಷಣ ಸಂಸ್ಥೆಯಿಂದ ರಾಜ್ಯದ ಅತ್ಯುತ್ತಮ ಸಂಪಾದಕ ಪ್ರಶಸ್ತಿ (2006). 2008ರಲ್ಲಿ ರಾಷ್ಟ್ರೀಯ ಝಿ ಟಿವಿ ಚಾನೆಲ್‌ನಿಂದ ಕರ್ನಾಟಕದಲ್ಲಿ ಇಲೆಕ್ಟ್ರಾನಿಕ್ ಮೀಡಿಯಂ ಮತ್ತು ಪತ್ರಿಕೋದ್ಯಮಕ್ಕೆ ಅತಿ ದೊಡ್ಡ ಸೇವೆ ಸಲ್ಲಿಸಿದ ಸಂಪಾದಕ ಮತ್ತು ಅತ್ಯಂತ ಜನಪ್ರಿಯ ಮೀಡಿಯಾ ಪರ್ಸನ್ (ವೀಕ್ಷಕರ ಆಯ್ಕೆ) ಎಂಬೆರಡು ಪ್ರಶಸ್ತಿಗಳು. ವಾಯ್ಸ್ ಆಫ್ ಅಮೇರಿಕಾ ಮತ್ತು ಕೆನೆಡಿಯನ್ ರೇಡಿಯೋಗಳಲ್ಲಿ ಅವರ ಕಾರ್ಯಕ್ರಮಗಳು ಪ್ರಸಾರವಾಗಿವೆ. ಹಲವು ಇಂಟರ್‌ನ್ಯಾಷನಲ್ ಜರ್ನಲ್‌ಗಳಿಗೂ ಲೇಖನ ಬರೆದಿದ್ದಾರೆ.

ಅಭ್ಯುದಯ ಪತ್ರಿಕೋದ್ಯಮ ಅವರ ನಿತ್ಯ ಜಪ. ಅಭ್ಯುದಯ ಸಂಬಂಧಿತ ಅನೇಕ ಡಾಕ್ಯುಮೆಂಟರಿಗಳನ್ನು, ರೇಡಿಯೋ ರೂಪಕಗಳನ್ನು ತಯಾರಿಸಿರುವ ಅನುಭವ. ಪತ್ರಿಕೋದ್ಯಮ ಮತ್ತಿತರ ವಿಷಯಗಳ ಬಗ್ಗೆ ಅವರು ಬರೆದಿರುವ, ಅನುವಾದಿಸಿರುವ ಪುಸ್ತಕಗಳ ಸಂಖ್ಯೆ 75ಕ್ಕೂ ಹೆಚ್ಚು.

Share

2 Comments For "ಕಥೆ ಕಥೆ ಕಾತ
ಈಶ್ವರ ದೈತೋಟ ಕಾಲಂ
"

  1. Dr Sabiha
    6th March 2017

    Fantastic Sir .Hey Sir Congratulations! All the Best .

    Reply
  2. ನಾರಾಯಣಣ್ ಕಾನ್ ಕೊಪ್ಪ ತೀರ್ಥಹಳ್ಳಿ
    8th March 2017

    ಎಲ್ಲ ಕಥೆಗಳು ಚೆನ್ನಾಗಿದೆ ಧನ್ಯವಾದಗಳು

    Reply

Leave a comment

Your email address will not be published. Required fields are marked *

Recent Posts More

  • 1 day ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ದಾರಿಯೇ ದೈವ… ವೈಷ್ಣೋದೇವಿ

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 6 days ago One Comment

    ಅಜ್ಜಿಗೇನು ಬೇಕು ಅಂತ ಅಜ್ಜಂಗೇನು ಗೊತ್ತು!

            ಕಥನ         ಅಜ್ಜ ಪೆನ್ಷನ್ ತರೋದಕ್ಕೆ ಅಂತ ಪೇಟೆಗೆ ಹೋಗಿದ್ದ. ಅಷ್ಟರಲ್ಲಿ ಮನೆ ಬಾಗಿಲಲ್ಲಿ ಕಾರು ಬಂದು ನಿಂತಿತು. ಕಾರಲ್ಲಿ ಅಜ್ಜಿಯ ಮಗ, ಸೊಸೆ ಮತ್ತೆ ಆರು ವರ್ಷದ ಮೊಮ್ಮಗ ಬಂದಿದ್ರು. ಅಜ್ಜಿಗೆ ಖುಷಿ ತಡೆಯಕ್ಕಾಗದೇ ಅಡಿಗೆ ಮನೆ ಸಂದಿ ಮೂಲೇನೆಲ್ಲಾ ಹುಡುಕಿದ್ಲು. ದಡಾ ಬಡಾ ಸದ್ದು ಮಾಡಿದ್ಲು, ಸರಾಪರಾ ಸದ್ದು ಮಾಡಿದ್ಲು. ಅಡುಗೆ ಮನೆಯಿಂದ ಕೊತಾಕೊತಾ ಸದ್ದು ...

  • 1 week ago No comment

    ವಸಂತದ ನೆನಪು; ಮಾಗುವ ಹುರುಪು!

      ಜಗತ್ತಿನ ಬಗ್ಗೆ ತಿಳಿಯುತ್ತ ಸಾಗಿ, ನಮಗೆ ಈ ಜಗತ್ತು ಹೀಗೆ ನಡೆಯುತ್ತಿದೆ ಅಂತ ಅರಿತುಕೊಳ್ಳುವವರೆಗಿನದು ಮಧ್ಯವಯಸ್ಸಿನ ಕಾಲ. ನಾವು ಅಲ್ಲಿಯವರೆಗೆ, ಕಲಿತದ್ದು, ಕೇಳಿದ್ದು, ನಮಗೆ ತಿಳಿದಿದ್ದು ಎಲ್ಲವೂ ಬದಲಾಗುವ ವೇಳೆಗೆ ನಮಗೆ ವಯಸ್ಸಾಗಿಬಿಟ್ಟಿರುತ್ತದೆ. ಕಾಲದಲ್ಲಿ ಹೊಸ ಚಿಗುರು ಟಿಸಿಲೊಡೆದಿರುತ್ತದೆ.     ಕುಣಿದಾಡುವಷ್ಟು ಚೈತನ್ಯವಿರುವ ಯೌವನಕ್ಕೂ, ಕುಂದಿದ ಶಕ್ತಿಯ ಇಳಿಗಾಲದ ವೃದ್ಧಾಪ್ಯಕ್ಕೂ ನಡುವೆ ಬರುವುದು ಮಧ್ಯವಯಸ್ಸು! ಹುಟ್ಟು, ಬದುಕು ,ಸಾವು ಎಲ್ಲರಿಗೂ ಬರುತ್ತದೆ. ಬದುಕನ್ನು ಹಲವರು ಸಾಧನೆಗಳ ...

  • 1 week ago No comment

    ಸವಿತಾ ನಾಗಭೂಷಣ ಪ್ರವಾಸ ಕಥನ | ಬಂಗಾರದ ಹೊಳಪು, ಬೇಗುದಿಯ ನೆನಪು…

    ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ 2011ರ ...

  • 2 weeks ago No comment

    ಪ್ರಸಾದ್ ನಾಯ್ಕ್ ಪಟ್ಟಾಂಗ | ನನಗೂ ಒಬ್ಬ ಗೆಳೆಯ ಬೇಕು…

    ಆ ಘಟನೆಯನ್ನು ನೆನಪಿಸಿಕೊಂಡಾಗಲೆಲ್ಲಾ ಈಗಲೂ ನಗು ಉಕ್ಕುಕ್ಕಿ ಬರುತ್ತದೆ. ಅಂದು ವಿಚಿತ್ರ ಘಟನೆಯೊಂದು ನಡೆದಿತ್ತು. ಅವು ನನ್ನ ಕಾಲೇಜಿನ ದಿನಗಳು. ಮಂಗಳೂರಿನ ಶಾಪಿಂಗ್ ಮಾಲ್ ಒಂದಕ್ಕೆ ಮಧ್ಯಾಹ್ನದ ಊಟಕ್ಕೆಂದು ಬಂದಿದ್ದ ನಾನು ಫುಡ್ ಕೋರ್ಟಿನಲ್ಲಿ ಸುಮ್ಮನೆ ಅಡ್ಡಾಡುತ್ತಿದ್ದೆ. ಎತ್ತ ಹೋಗಬೇಕೆಂದು ತಿಳಿಯದೆ ಸುಮ್ಮನೆ ಒಂದು ಕೌಂಟರಿನತ್ತ ನಡೆದು ಬೇಕಿದ್ದದ್ದನ್ನು ಆರ್ಡರ್ ಮಾಡಿದೆ. ಕೆಲಸವಿಲ್ಲದೆ ನೊಣ ಹೊಡೆಯುತ್ತಿದ್ದ ಆ ಹೆಂಗಸಿಗೆ ನನ್ನ ಆಗಮನವು ಅಂಥಾ ಉತ್ಸಾಹವೇನೂ ತರಲಿಲ್ಲವಾದರೂ ನಾನು ಹೇಳಿದ್ದನ್ನೆಲ್ಲಾ ...


Editor's Wall

  • 11 May 2018
    1 month ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 months ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    2 months ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    2 months ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    2 months ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...