Share

ಬಸವಲಿಂಗಪ್ಪ ಸೀಎಂ ಆಗಬೇಕಿತ್ತು
ಈಶ್ವರ ದೈತೋಟ ಕಾಲಂ


ರ್ನಾಟಕದಲ್ಲಿ ಮುಂದಿನ ವಿಧಾನಸಭೆಯಲ್ಲಿ ಬಹುಮತ ಯಾವ ಪಕ್ಷಕ್ಕೆ, ಯಾರ್ಯಾರು ಸೀಎಮ್ ಆಗಬಹುದೆಂಬ ಲೆಕ್ಕಾಚಾರ ಹಾಕುವ ರಾಜಕೀಯ ಘಟ್ಟದಲ್ಲಿದ್ದೇವೆ. ಯಾರು, ಯಾವುದೇ ಹೆಸರು ಹೇಳಲಿ, ಬಿ.ಬಸವಲಿಂಗಪ್ಪನವರು ಈ ರಾಜ್ಯದ ಮುಖ್ಯಮಂತ್ರಿ ಆಗಬೇಕಿತ್ತು. ಆದರೆ, ಆಗಲಿಲ್ಲ ಎಂಬ ವಿಷಾದ ಭಾವನೆ ನನ್ನಲ್ಲಿದೆ. ಏಪ್ರಿಲ್ 21 (1924) ಅವರ ಬರ್ತ್ ಡೇ. ಅವರೇನಾದರೂ ಒಂದು ಟರ್ಮ್ ಅತ್ಯುನ್ನತ ಸ್ಥಾನದಲ್ಲಿದ್ದಿದ್ದರೆ ರಾಜ್ಯದ ಸ್ವರೂಪವನ್ನೇ ಕ್ರಾಂತಿಕಾರಕವಾಗಿ ಬದಲಾಯಿಸಿ ಬಿಡುತ್ತಿದ್ದರು. ಅಂತಹ ಚಿಂತನೆ, ನಿಲುವು, ಹಠ ಅವರದಿತ್ತು

ನಾನು ಜರ್ನಲಿಸಂ ಎಂಎ ಮುಗಿಸಿ ತರಬೇತಿ ಪತ್ರಕರ್ತನಾಗಿ ವಿಧಾನಸೌಧ, ಮಂಡಲದಲ್ಲಿ ಓಡಾಡುತ್ತಿದ್ದಾಗ ಅವರನ್ನೊಮ್ಮೆ ಸ್ವತಂತ್ರನಾಗಿ ಮಾತನಾಡಿಸಬೇಕೆಂಬ ಆಸೆ ನನ್ನಲ್ಲಿತ್ತು. ಪರಿಷತ್ತಿನ ಲಾಬಿಯಲ್ಲಿ ದೂರದಲ್ಲಿ ಒಬ್ಬರೇ ಕೂತು ಕಾಫಿ ಕುಡಿಯುತ್ತಿದ್ದ ಸಚಿವರ ಸನಿಹಕ್ಕೆ ಹೋಗಿ ಪರಿಚಯಿಸಿಕೊಂಡರೆ ಹೇಗೆಂದು ಯೋಚಿಸುತ್ತಿದ್ದವನನ್ನು ಅವರಾಗಿಯೇ ಕರೆದು, ‘ಇಲ್ಲೇನು ಮಾಡುತ್ತಿದ್ದೀರಿ ನೀವು’ ಎಂದು ಕಡಕ್ ಪ್ರಶ್ನಿಸಿದರು. ನನಗದೇ ಬೇಕಾಗಿತ್ತು. ನನ್ನ ಬಗ್ಗೆ ಹೇಳಿಕೊಂಡೆ. “ಏನು ಎಂಎ ಮಾಡಿ ಜರ್ನಲಿಸ್ಟ್ ಆಗ್ತೀರಾ, ಹೋಗ್ರೀ, ಐ.ಎ.ಎಸ್ ಮಾಡ್ರೀ, ಇಲ್ಲಾ ಯೂನಿವರ್ಸಿಟಿನಲ್ಲಿ ಪ್ರೊಫೆಸರ್ ಆಗಿ, ಬೇಕಾದ್ರೆ ಫಾರೈನ್‍ಗೆ ಹೋಗ್ರೀ” ಎಂದು ಗದರಿದಂತೆ ಹೇಳಿದರು.

ನನಗೆ ಜರ್ನಲಿಸ್ಟ್ ಆಗಬೇಕೆಂಬುದೇ ಡ್ರೀಮ್ ಎಂದಾಗ ದೂರದಲ್ಲಿದ್ದ ಕೆಲವರನ್ನು ತೋರುತ್ತಾ “ಡ್ರೀಮಾ! ಇವರ ತರಹಾ ಕುಡ್ಡು ಹಾಳಾಗ್ಬೇಡ್ರೀ” ಎಂದು ಜೋರೇ ಮಾಡಿಬಿಟ್ಟರು. ಇಲ್ಲಾ, ನಾನು ಜರ್ನಲಿಸ್ಟೇ ಆಗ್ಬೇಕು ಎಂದು ನಕ್ಕುಬಿಟ್ಟೆ. ಬನ್ನೀ ಎಂದು ಹತ್ತಿರ ಕೂರಿಸಿಕೊಂಡು ಕಾಫಿ ಕೊಡಿಸಿದರು. ಮೊದಲ ಬಾರಿಗೆ ಸಚಿವರೊಬ್ಬರ ಜೊತೆ ಒಬ್ಬನೇ ಕಾಫಿ ಕುಡಿದ ಕುಶಿ ನನ್ನಲ್ಲಿ ಮೂಡಿತು. ಮುಂದೆ ನನ್ನ ವಿಧಾನಸೌಧ ರೌಂಡ್ಸಿನಲ್ಲಿ ವಾರಕ್ಕೊಮ್ಮೆಯಾದರೂ, ಅವರ ಚೇಂಬರಿಗೆ ಗುಂಪಿನಲ್ಲಿ ದಾಳಿಯಿದ್ದೇ ಇತ್ತು.

1992ರಲ್ಲಿ ನನ್ನ ಉದಯವಾಣಿ ಅಂತರದೃಷ್ಟಿ ಅಂಕಣದಲ್ಲಿ ಅವರ ನೆನಪಿಗೆ ಬರೆದುದರ ಆಯ್ದ ಭಾಗ ಹೀಗಿದೆ.

“ಕಾಂಟ್ರೊವರ್ಶಿಯಲ್ ನಾಯಕ ಬಿ. ಬಸವಲಿಂಗಪ್ಪನವರು ಒಬ್ಬ ಅಪರೂಪದ ರಾಜಕಾರಣಿ. ಅವರ ತೀರ್ಥರೂಪರ ಹೆಸರು ಬಸಪ್ಪ. ಅವರ ಇನಿಶಿಯಲ್ ಬಿ ಬಿಚ್ಚು ನುಡಿಗೂ ಸಲ್ಲುತ್ತದೆ. ಸಾರ್ವಜನಿಕವಾಗಿ ವಿವಾದದ ಸುಳಿಯಲ್ಲೇ ಇರಲು ಅವರಿಗೆ ಮಜಾ ಬರುತ್ತಿತ್ತಾದರೂ, ವೈಯಕ್ತಿಕವಾಗಿ ಅವರೊಬ್ಬ ಆತ್ಮೀಯ ವ್ಯಕ್ತಿಯಾಗಿದ್ದರೆಂದು ನಿಕಟ ಪರಿಚಯವುಳ್ಳವರಿಗೆಲ್ಲಾ ಗೊತ್ತಿತ್ತು. ಹೋರಾಟ ಮನೋಭಾವದೊಂದಿಗೇ ಹುಟ್ಟಿದ ಅವರು ಪರಿಶಿಷ್ಟ ಜಾತಿ, ವರ್ಗ- ಶೋಷಿತರಿಗೊಂದು ಧ್ವನಿ ನೀಡಲು ಪ್ರಾಮಾಣಿಕ ಪ್ರಯತ್ನವನ್ನು ಅವರದೇ ಶೈಲಿಯಲ್ಲಿ ಮಾಡಿದ್ದಾರೆ. ವಿಚಾರ ಮಂಥನಕ್ಕಾಗಿ ವಿವಾದಗಳನ್ನು ಸೃಷ್ಟಿಸುತ್ತಿದ್ದ ಜಾಣ ಅವರಾಗಿದ್ದರೆಂದು ಅವರು ಹುಟ್ಟುಹಾಕಿದ ಕಾಂಟ್ರೋವರ್ಸಿಗಳ ಪರಿಣಾಮ ಅಧ್ಯಯನ ಮಾಡಿದಾಗ ಕಂಡುಬರುತ್ತದೆ. ಕನ್ನಡ ಸಾಹಿತ್ಯದಲ್ಲಿ ಬೂಸಾವನ್ನು ಕಂಡಿದ್ದು, ದೇವರ ಫೋಟೋಗಳನ್ನು ಬೀದಿಗೆಸೆಯಲು ಹೇಳಿದ್ದು, ದಲಿತರೆಲ್ಲಾ ಬೌಧ್ಧ ಮತಾವಲಂಬಿಗಳಾಗಬೇಕೆಂದು ಕರೆಕೊಟ್ಟದ್ದು-ಒಂದೊಂದನ್ನೇ ನೆನಪಿಸಿಕೊಳ್ಳಬಹುದು. ವಿಧಾನಮಂಡಲ ಅವರನ್ನು ಕರ್ನಾಟಕದ ಅಂಬೇಡ್ಕರ್, ಕ್ರಾಂತಿಜ್ಯೋತಿ ಎಂದೆಲ್ಲಾ ವರ್ಣಿಸಿರುವುದು ಅವರ ಕೊಡುಗೆಗಳನ್ನು ಮೆಚ್ಚಿ ಅಲ್ಲವೇ? ಸುಧಾರಣೆ ಪ್ರಕ್ರಿಯೆಗಾಗಿ ಅವರು ಕೊಡುತ್ತಿದ್ದ ಮುಲಾಜಿಲ್ಲದ ಮಾತುಗಳು ಚಾಟಿಯೇಟಿನಂತಿರುತ್ತಿದ್ದವೆಂಬ ಕಾರಣಕ್ಕೆ ಅವರು ಯಾರಾದರೂ ಒಬ್ಬ ವ್ಯಕ್ತಿಯ ಅಥವಾ ಅವರು ಯಾವುದಾದರೂ ಒಂದು ಜಾತಿಯ ದ್ವೇಷಿಯೆಂದು ತಿಳಿದುಕೊಂಡಿದ್ದರೆ ಅಪಚಾರವಾದೀತು. ಅವರ ಬಿಚ್ಚು ಖಾರ ನುಡಿಗಳು ಯಾರನ್ನೂ ಬಿಡುತ್ತಿರಲಿಲ್ಲ.”

ಅವರು ಪರಿಸರ, ವೈಜ್ಞಾನಿಕ ಖಾತೆ ಹೊಣೆಹೊತ್ತ ಕ್ಯಾಬಿನೆಟ್ ಸಚಿವರಾಗಿದ್ದಾಗ ನಡೆಸಿದ ಪತ್ರಿಕಾಗೋಷ್ಠಿಯೊಂದರಲ್ಲಿ ಪರಿಸರ ಖಾತೆ ಹಿರಿಯ ಅಧಿಕಾರಿಯೇ ಕೂತಿದ್ದರು. ಅವರಿಬ್ಬರ ನಡುವಣ ಪ್ರಶ್ನೋತ್ತರ ಹೀಗಿತ್ತು.

ಬಿ.ಬಿ. ಪ್ರಾರಂಭಿಸಿದರು.

ವ್ಹಾಟ್ ಈಸ್ ಸಯನ್ಸ್?
ಸಯನ್ಸ್ ಈಸ್ ಟ್ರುತ್ ಸರ್
ವ್ಹಾಟ್ ಈಸ್ ಟ್ರುತ್?
ಟ್ರುತ್ ಈಸ್ ರಿಯಾಲಿಟೀ ಸರ್
ವ್ಹಾಟ್ ಈಸ್ ರಿಯಾಲಿಟೀ?
ರಿಯಾಲಿಟೀ ಈಸ್ ಟ್ರುತ್ ಸರ್
ನೀವು ರಾಷ್ಟ್ರಪಿತ ಮಹಾತ್ಮಾ ಗಾಂಧೀಜಿ ಬಗ್ಗೆ ತಿಳಿದಿದ್ದೀರಾ?
ಹೌದು ಸಾರ್
ಅವರು ಗಾಡ್ ಈಸ್ ಟ್ರುತ್ ಅಂದಿದ್ದಾರಲ್ಲಾ?
ಹೌದು ಸಾರ್
ಹಾಗಾದ್ರೆ ಸತ್ಯ ಯಾವುದು ವಿಜ್ಞಾನವೇ? ದೇವರೇ?
ಸರಿಯಾಗಿ ಗೊತ್ತಿಲ್ಲಾ ಸಾರ್
ಗೊತ್ತಿಲ್ಲದಿದ್ರೆ, ಹೋಗಿ ಸ್ಟಡೀ ಮಾಡ್ಕೊಂಡು ಆಮೇಲೆ ಬನ್ನಿ

ಗಮನಿಸಿ, ತಮ್ಮ ಇಲಾಖೆಯ ಸೀನಿಯರ್‍ಗಳ ಪರಿಜ್ಞಾನವನ್ನೇ ಅವರು ಹೇಗೆ ಪರೀಕ್ಷಿಸುತ್ತಿದ್ದರೆಂದು!

ಮತ್ತೊಮ್ಮೆ. ಕರ್ನಾಟಕದಲ್ಲಿ ಆಡಳಿತ ಕಾಂಗ್ರೆಸ್ ಪಕ್ಷದ ಹೊಸ ಸೀಎಂ ಪ್ರಕಟಣೆ ನಿರೀಕ್ಷೆಯಿತ್ತು. ಬಸವಲಿಂಗಪ್ಪ, ಎಸ್ಸೆಂ, ಮೂರ್ತಿ, ಮೊಯಿಲಿ ಎಂದು ಹೆಸರುಗಳು 4 ಚಲಾವಣೆಯಲ್ಲಿದ್ದವು. ಲೆಜಿಸ್ಲೇಟರ್ಸ್ ಊಟೋಪಚಾರಗಳ ರಾಜಕೀಯ ಮುತ್ಸದ್ದಿತನ ನಡೆದಿತ್ತು. ಅಪರೂಪಕ್ಕೆಂಬಂತೆ ಬಿಬಿ ಅವರೂ ಸಡನ್ ಆಗಿ ಭೋಜನಕೂಟ ಇಟ್ಟುಕೊಂಡೇಬಿಟ್ಟರು. ಆದರೆ, ಎಕ್ಸ್‍ಕ್ಲೂಸೀವ್ ಆಗಿ ಜರ್ನಲಿಸ್ಟರುಗಳಿಗೆ ಮಾತ್ರ. ಸಂಜೆ 7 ರಿಂದ ಹನ್ನೊಂದೂವರೆವರೆಗೆ. ಮೀನು, ಕೋಳಿ-ರೊಟ್ಟಿ, ಅನ್ನಸಾರು, ಹಪ್ಫಳ, ಮೊಸರನ್ನ, ಉಪಿನಕಾಯಿ ಎಂದು ಎರಡೂ ಬಗೆಯ ತಿಂಡಿತಿನಿಸುಗಳಿದ್ದವು. ಮಲ್ಯರ ಬಾರ್ಲಿ ವಾಟರ್‍ನಿಂದ ಸ್ಕಾಟ್ಲೆಂಟ್ ತೀರ್ಥದವರೆಗಿನ ಊಟೋಪಚಾರ! ಆದರೆ, ಇಲ್ಲದ್ದು ಎಂದಿನ ಬಿಬಿಯವರ ಹರಿತ ನಾಲಿಗೆ ಚಟುವಟಿಕೆ- ಮಾತನಾಡ್ಲಿಕ್ಕೇ ಅವರೊಪ್ಪಲಿಲ್ಲ. ಕರೆಸಿದ್ದೇಕೆ ಎಂಬ ಪ್ರಶ್ನೆಗೆ ಪರಿಸರ ಸಚಿವರು ಏನೇನೂ ಶಬ್ದ ಮಾಲಿನ್ಯ ಉಂಟು ಮಾಡಲು ಬಯಸಲಿಲ್ಲ. “ಹೇಳುವುದೇನೂ ಇಲ್ಲ” ಎಂದು ಪ್ರಶ್ನೆ ಕೇಳಲೂ ಬಾಯಿ ತೆರೆಯಲು ಸಾಧ್ಯವಾಗದಂತೆ, ಒತ್ತಾಯದ ಉಪಚಾರ ಮಾಡುತ್ತಾ ಸಚಿವರು ನುಣುಚಿಕೊಂಡರು.

ನೀವು ಸಚಿವರಾಗಿ ದಿಟ್ಟ ನಿರ್ಧಾರಗಳನ್ನು ತೆಗೆದುಕೊಂಡಿದ್ದೀರಿ, ಅಧಿಕಾರಿಗಳನ್ನು ಹದ್ದುಬಸ್ತಿನಲ್ಲಿಟ್ಟುಕೊಂಡು ಆಡಳಿತ ನಡೆಸಿದ್ದೀರಿ ಎಂಬ ವರದಿಗಾರರ ಜಾಣ ಶ್ಲಾಘನೆಗೂ ಬಂಡೆಯಂತಿದ್ದ ಅವರು ಕರಗಲಿಲ್ಲ. ಎಂತಹ ಖಾತೆ ಕೊಟ್ರೂ ಸಮರ್ಥವಾಗಿ ಕೆಲಸ ನಿರ್ವಹಿಸಬಲ್ಲಿರೆಂದು ಸಾಧಿಸಿ ತೋರಿಸಿದ್ದೀರಿ, ಗ್ರಾಮೀಣಾಭಿವೃದ್ಧಿ ಜೊತೆಗೆ ತಂತ್ರಜ್ಞಾನ, ಪರಿಸರ ಖಾತೆಗಳನ್ನು ಕಡಕ್ ಆಗಿ ನಿರ್ವಹಿಸಿದ್ದೀರಿ ಎಂದೆಲ್ಲಾ ಹೇಳಿದರೂ ತುಟಿಪಿಟಿಕ್ ಅನ್ನದೆ ನಗುತ್ತಾ ಕೂತರು. ಇನ್ನು ತಡೆಯಲಾರದೆ, ಒಬ್ಬ ಪತ್ರಕರ್ತರು ಘನ ಕುರ್ಚಿಯೊಂದನ್ನು ಎತ್ತಿ ತಂದು “ಮುಖ್ಯಮಂತ್ರಿ ಕುರ್ಚಿ” ಎಂದು ಹೆಸರಿಸಿ ಅವರಿಗೇ ರಿಸರ್ವ್ ಎಂದು ತುಂಟತನವನ್ನೂ ಮಾಡಿದರು. ಆದರೆ, ಶ್ರೀಮನ್ ಬಸವಲಿಂಗಪ್ಪನವರು ಮಹಾಮೌನಿ ಬುದ್ಧನಂತೆಯೇ ಕೂತರು.

ದೆಹಲಿಯ ಶಾನುಭೋಗರ ಮಗ ರಾಯರು ಕರ್ನಾಟಕದ ಸೀಎಂ ಸ್ಥಾನ ಎಲ್ಲಾ ಆಕಾಂಕ್ಷಿಗಳದೂ ಜಾತಕ ತರಿಸಿಕೊಂಡಿದ್ದಾರೆಂಬ ಜೋತಿಷಿಗಳ ಕಿವಿಕಿವಿ ಮಾತುಗಳೂ ಬಳಿಕ ಕೇಳಿಬಂದವು. ಅವರಿಗೆ ಶಕುನ, ಶಾಸ್ತ್ರ, ಭವಿಷ್ಯ ನುಡಿಗಳಲ್ಲಿ ನಂಬಿಕೆಯಿಲ್ಲದ ಶ್ರೀಮಾನ್ ಬಸವಲಿಂಗಪ್ಪಾಜಿಯವರದು ಜಾತಕವೇ ಸಿಗಿಲಲ್ಲಿವೇನೋ!!!

ಬಿಬಿ ಅವರು ಮುಖ್ಯಮಂತ್ರಿಯಾಗುವ ಮುಹೂರ್ತವೇ ಬರಲಿಲ್ಲ. ಅದು ಕರ್ನಾಟಕಕ್ಕಾದ ಅನ್ಯಾಯ ಎಂದರೂ ಸರಿ.

ಹೋದ ವರ್ಷ ಬಿಬಿ ಅವರ ಸಾಕ್ಷ್ಯಚಿತ್ರಕ್ಕೆ ನನ್ನ ಅದೃಷ್ಟವೋ ಎಂಬಂತೆ- ಹಿನ್ನೆಲೆ ಧ್ವನಿ ಕೊಡಲು ಅನಿರೀಕ್ಷಿತವಾಗಿ ನನಗೊಂದು ಆಹ್ವಾನ ಬಂದಿತ್ತು. ಆಗ ಅವರ ಸಾಧನೆಗಳ ಪಟ್ಟಿಯನ್ನೆಲ್ಲಾ ಮತ್ತೆ ನೋಡಿದೆ. ಸೂಕ್ಷ್ಮ ಹೀಗಿದೆ.

ದಾವಣಗೆರೆಯಲ್ಲಿ ದೇವಸ್ಥಾನ ಪಕ್ಕದ ಹಳ್ಳದಕೇರಿ ಮನೆಯಲ್ಲಿ ಜನನ. ಬೆಂಗಳೂರು ಸೆಂಟ್ರಲ್ ಹೈಸ್ಕೂಲಿನಲ್ಲಿ, ಮೈಸೂರಿನಲ್ಲಿ ಬಿ.ಎ., ಬೆಳಗಾಂನಲ್ಲಿ ಕಾನೂನು ಪದವಿ ಪಡೆದು ಜಸ್ಟಿಸ್ ನಿಟ್ಟೂರು ಶ್ರೀನಿವಾಸರಾಯರ ಜೂನಿಯರ್ ಆಗಿದ್ದು, ವಕೀಲ ವೃತ್ತಿಯಲ್ಲಿ ಬೆಳೆದ ಅವರು ಮಾನವತಾವಾದಿ. ಕೇವಲ ಭಾಷಣಗಳಲ್ಲ, ಕಾರ್ಯತಃ ಮಾಡಿ ತೋರಿದವರು. ಸಾಮಾಜಿಕ ನ್ಯಾಯ ಒದಗಿಸಲು ಅಂಬೇಡ್ಕರ್ ಶಕ್ತಿ ಮೈಗೂಡಿಸಿ ಕೊಂಡವರು. 1949ರಲ್ಲಿ ಕಾಂಗ್ರೆಸ್ಸಿಗೆ ಸೇರಿದರು. ಮರುವರ್ಷ ಬೆಂಗಳೂರಿನ ಸ್ಥಳೀಯಾಡಳಿತ ಸಂಸ್ಥಗೆ ಅವಿರೋಧ ಗೆದ್ದರು. 1957 ರಲ್ಲಿ ಬೆಂಗಳೂರು ತಾಲೂಕಿನಿಂದ ಎಂಎಲ್‍ಎ ಆಗಿ, ಭೂಸುಧಾರಣಾ ಸಮಿತಿ ಸದಸ್ಯರಾದರು. 1958ರಲ್ಲಿ ಜತ್ತಿ ಸಂಪುಟದಲ್ಲಿ 4 ವರ್ಷ ಗೃಹ ಉಪಸಚಿವರಾದರು. ದಲಿತ ರಕ್ಷಣೆ, ಸಂವರ್ಧನೆಗೆ ಧೈರ್ಯ ತೋರಿದರು. 1972ರಲ್ಲಿ ಮತ್ತೆ ಅಸೆಂಬ್ಲಿಗೆ, ಅರಸ್ ಸಂಪುಟದಲ್ಲಿ ಪೌರಾಡಳಿತ ಮತ್ತು ವಸತಿ ಸಚಿವರು.

ತಲೆ ಮೇಲೆ ಮಲ ಹೊರುವ ಕಳಂಕಪ್ರಾಯ, ಅನಾಗರೀಕ ಪದ್ಧತಿ ರದ್ದು ಮಾಡಿದರು. ರಾಷ್ಟ್ರದಲ್ಲಿಯೇ ಮೊದಲ ಬಾರಿಗೆ ಧೈರ್ಯ ಮಾಡಿ ಕಾನೂನು ತಿದ್ದುಪಡಿ ತಂದರು. ಅದನ್ನು ಕೇಂದ್ರವೂ ಅನುಸರಿಸಿತು. ತಲೆಯ ಮೇಲೊಂದು ಸೂರು ಉಪಕ್ರಮಿಸಿದರು. ಖುಶಿಯಾದ ನೆರೆಯ ಸೀಯೆಂ ಕರುಣಾನಿಧಿ ಖಡ್ಗ ಕೊಟ್ಟು ಸನ್ಮಾನಿಸಿದರು. ತಮಿಳುನಾಡಿನಲ್ಲಂತೂ ಅವರು ಅಭಿನವ ಪೆರಿಯಾರ್ ಎಂಬಂತೆ ಪ್ರೀತಿ,ವಿಶ್ವಾಸ, ಗೌರವಗಳಿಂದ ಕಾಣ ತೊಡಗಿದರು.

ಮೈಸೂರಿನಲ್ಲಿ ಕನ್ನಡ ಸಾಹಿತ್ಯ ಬೂಸಾ ಎಂದು ಭಾಷಣ ಮಾಡಿ ಕೋಲಾಹಲ ಎಬ್ಬಿಸಿದರು. ಪರ-ವಿರೋಧ ಹೋರಾಟ ನಡೆಯಿತು, ಪತ್ರಿಕೆಗಳು ಟೀಕಾತ್ಮಕವಾಗಿ ಬರೆದರು. ರಾಜೀನಾಮೆ ಕೊಡಬೇಕಾಯಿತು. ಶೋಷಿತ ಜನರಲ್ಲಿ ಸಾಮಾಜಿಕ ಸಂಘರ್ಷ, ದಲಿತ ಚಳವಳಿ ತೊಡಗಿತು. ಲೇಖಕರು, ಕಲಾವಿದರು, ಹಿಂಬಾಲಕರಾದರು. ಇಂದಿರಾಗಾಂಧಿ ಅನುಗ್ರಹ ದೃಷ್ಟಿ ಬಿತ್ತು. 1974 ಏಪ್ರಿಲ್ 8 ಎಐಸಿಸಿ ಪರಿಶಿಷ್ಠ ಜಾತಿ, ಬುಡಕಟ್ಟು, ಹಿಂದುಳಿದವರು, ಅಲ್ಪ ಸಂಖ್ಯಾತ ವಿಭಾಗದ ವಿಶೇóಷ ಪ್ರತಿನಿಧಿಯಾದರು.

1977 ಜುಲೈನಲ್ಲಿ ಕಂದಾಯ ಮಂತ್ರಿ- ಕೇಂದ್ರದಲ್ಲಿ ಇಂದಿರಾ ಸೋತು, ಜನತಾ ಬಂದಿತ್ತು. 78ರಲ್ಲಿ ಎಐಸಿಸಿ ಸದಸ್ಯ. 1978ರಲ್ಲಿ ಮತ್ತೆ ಎಂಎಲ್‍ಎ ಆಗಿ ಅರಸರಿಗೆ ಸಡ್ಡು ಹೊಡೆದರು. ಕಂದಾಯ ಮಂತ್ರಿಯಾದರು. ಭೂಸುಧಾರಣೆ ಕಟ್ಟುನಿಟ್ಟು ಜಾರಿಗಿಳಿದರು. ವಸತಿ ಸಚಿವರೂ ಆಗಿದ್ದರು. ಪರಿಸರ ಕಾಳಜಿ-ಕಾರ್ಖಾನೆಗಳಿಗೆ ಕಡಿವಾಣ. ಜಾಡಮಾಲಿ ಮತ್ತಿತರರಿಗೆ ಪೌರಕಾರ್ಮಿಕರೆಂಬ ಗೌರವದ ಹೆಸರು ಕೊಟ್ಟರು. 1989 ವೀರೇಂದ್ರ ಪಾಟೀಲ್ ಸೀಯೆಂತನದಲ್ಲಿ ಗ್ರಾಮೀಣಾಭಿವೃದ್ಧಿ, ಪಂಚಾಯತ್‍ರಾಜ್, ಪಶುಸಂಗೋಪನೆ ಸಚಿವರು. ವಿಜಾÐನ, ತಂತ್ರಜ್ಷಾನ, ಪರಿಸರ ಸಚಿವರಾದರು.

ಅಂಬೇಡ್ಕರ್ ಪ್ರಭಾವ, ಬೌಧ್ಧ ಧರ್ಮ ಪ್ರಚಾರ, ಕರ್ನಾಟಕ ಬುದ್ಧಧರ್ಮ ಸಮಿತಿ ಜಿಲ್ಲಾವಾರು ಶಾಖೆಗಳು ಎಂದು ಚಟುವಟಿಕೆ ನಿರಂತರವಾಗಿತ್ತು. ನೊಬೆಲ್ ಪ್ರಶಸ್ತಿ ವಿಜೇತ ದಲಾಯಿ ಲಾಮಾರನ್ನು ಕರೆಸಿ 91 ಆಗಸ್ಟ್‍ನಲ್ಲಿ ಅಭಿನಂದನಾ ಸಮಾರಂಭ ನಡೆಸಿದರು.

1992 ಡಿಸೆಂಬರ್ 26 ಮಿದುಳು ನೋವಿನಿಂದ ಪರಿನಿರ್ವಾಣ ಹೊಂದಿದರು.

———————-

ಈಶ್ವರ ದೈತೋಟ

1ಕರ್ನಾಟಕದ ಅತಿಹೆಚ್ಚು ದಿನಪತ್ರಿಕೆಗಳನ್ನು ಮುನ್ನಡೆಸಿದ ಹಿರಿಮೆ. 1991ರಿಂದ 2011ರವರೆಗಿನ ಎರಡು ದಶಕಗಳಲ್ಲಿ ಅತ್ಯಂತ ಹೆಚ್ಚು ಆವೃತ್ತಿಗಳು ಮತ್ತು ಪ್ರಸಾರದ ವಿಜಯ ಕರ್ನಾಟಕದ ಫೌಂಡರ್ ಚೀಫ್ ಎಡಿಟರ್. ಮಣಿಪಾಲದ ಉದಯವಾಣಿ ರೆಸಿಡೆಂಟ್ ಎಡಿಟರ್, ಟೈಮ್ಸ್ ಆಫ್ ಇಂಡಿಯಾ (ಕ) ಎಡಿಟರ್, ಕನ್ನಡದ ಸೀನಿಯರ್ ಮೋಸ್ಟ್ ದೈನಿಕ ಸಂಯುಕ್ತ ಕರ್ನಾಟಕದ ಚೀಫ್ ಎಡಿಟರ್ ಹಾಗೂ ನೂತನ ವಾರಪತ್ರಿಕೆ ಚೀಫ್ ಎಡಿಟರ್ ಆಗಿ ಹೊಣೆಹೊತ್ತವರು.

ಮುದ್ರಣ ಮಾಧ್ಯಮ, ರೇಡಿಯೋ, ಟೆಲಿವಿಷನ್ನಿನಲ್ಲಿ ಮೂರೂವರೆ ದಶಕಗಳಿಗೂ ಹೆಚ್ಚು ಅನುಭವ. ಪತ್ರಿಕೋದ್ಯಮ ಶಿಕ್ಷಣ, ಅಭ್ಯುದಯ ಪತ್ರಿಕೋದ್ಯಮ ಮತ್ತು ಮೀಡಿಯಾ ಮ್ಯಾನೇಜ್‌ಮೆಂಟ್‌ನಲ್ಲಿಯೂ ಅಪಾರ ಸಾಧನೆ. ಯುಜಿಸಿ ಮತ್ತು ಯೂನಿಸೆಫ್ ತರಬೇತಿ ಯೋಜನೆಗೆ ಡೆವಲಪ್‌ಮೆಂಟ್‌ ಕನ್ಸಲ್ಟೆಂಟ್ ಎಂದು ಮನ್ನಣೆ.

2015ರಲ್ಲಿ ಪ್ರತಿಷ್ಠಿತ ಟಿಎಸ್ಆರ್ ಪತ್ರಿಕೋದ್ಯಮ ಪ್ರಶಸ್ತಿ, ಮೂಡಬಿದ್ರೆಯ ನುಡಿಸಿರಿ ಪ್ರಶಸ್ತಿ, 2008ರಲ್ಲಿ ಅಭ್ಯುದಯ ಪತ್ರಿಕೋದ್ಯಮ ರಾಜ್ಯ ಪ್ರಶಸ್ತಿ, ಮೈಸೂರಿನ ಕುವೆಂಪು ಶಿಕ್ಷಣ ಸಂಸ್ಥೆಯಿಂದ ರಾಜ್ಯದ ಅತ್ಯುತ್ತಮ ಸಂಪಾದಕ ಪ್ರಶಸ್ತಿ (2006). 2008ರಲ್ಲಿ ರಾಷ್ಟ್ರೀಯ ಝಿ ಟಿವಿ ಚಾನೆಲ್‌ನಿಂದ ಕರ್ನಾಟಕದಲ್ಲಿ ಇಲೆಕ್ಟ್ರಾನಿಕ್ ಮೀಡಿಯಂ ಮತ್ತು ಪತ್ರಿಕೋದ್ಯಮಕ್ಕೆ ಅತಿ ದೊಡ್ಡ ಸೇವೆ ಸಲ್ಲಿಸಿದ ಸಂಪಾದಕ ಮತ್ತು ಅತ್ಯಂತ ಜನಪ್ರಿಯ ಮೀಡಿಯಾ ಪರ್ಸನ್ (ವೀಕ್ಷಕರ ಆಯ್ಕೆ) ಎಂಬೆರಡು ಪ್ರಶಸ್ತಿಗಳು. ವಾಯ್ಸ್ ಆಫ್ ಅಮೇರಿಕಾ ಮತ್ತು ಕೆನೆಡಿಯನ್ ರೇಡಿಯೋಗಳಲ್ಲಿ ಅವರ ಕಾರ್ಯಕ್ರಮಗಳು ಪ್ರಸಾರವಾಗಿವೆ. ಹಲವು ಇಂಟರ್‌ನ್ಯಾಷನಲ್ ಜರ್ನಲ್‌ಗಳಿಗೂ ಲೇಖನ ಬರೆದಿದ್ದಾರೆ.

ಅಭ್ಯುದಯ ಪತ್ರಿಕೋದ್ಯಮ ಅವರ ನಿತ್ಯ ಜಪ. ಅಭ್ಯುದಯ ಸಂಬಂಧಿತ ಅನೇಕ ಡಾಕ್ಯುಮೆಂಟರಿಗಳನ್ನು, ರೇಡಿಯೋ ರೂಪಕಗಳನ್ನು ತಯಾರಿಸಿರುವ ಅನುಭವ. ಪತ್ರಿಕೋದ್ಯಮ ಮತ್ತಿತರ ವಿಷಯಗಳ ಬಗ್ಗೆ ಅವರು ಬರೆದಿರುವ, ಅನುವಾದಿಸಿರುವ ಪುಸ್ತಕಗಳ ಸಂಖ್ಯೆ 75ಕ್ಕೂ ಹೆಚ್ಚು.

Share

4 Comments For "ಬಸವಲಿಂಗಪ್ಪ ಸೀಎಂ ಆಗಬೇಕಿತ್ತು
ಈಶ್ವರ ದೈತೋಟ ಕಾಲಂ
"

  1. ಬಸವಲಿಂಗಪ್ಪ ಅವರ ಲೇಖನ ಓದಿ ಸಂತೋಷ ವಾಯಿತು. ಸಾಕಷ್ಟು ಮಾಹಿತಿ ಇದೆ. ಧನ್ಯವಾದಗಳು.

    Reply
  2. Basavaraju R
    22nd April 2017

    Thanks for introducing Sri. Basavalingaiah to this generation. The youths of today just seeing this principle less leaders and keeping them as a bench mark. The articles like this will let people to differentiate between good leaders and those who are making mockery of democracy. Very nice article Ishwar sir. Love your writing. Simple yet loaded with information.

    Reply
  3. H R Shenoy
    23rd April 2017

    Superb !

    Reply
    • VIDYARANYA
      7th May 2017

      Hi Ishwar,A great tribute to Late Sri BB,a personal friend of me and Seshanna. Good reading.

      Reply

Leave a comment

Your email address will not be published. Required fields are marked *

Recent Posts More

  • 15 hours ago No comment

    ಕ್ರೈಸ್ತರ ಪ್ರಾರ್ಥನಾ ಅಭಿಯಾನದ ಕರೆಯ ಸುತ್ತಮುತ್ತ

        ಪ್ರಸ್ತಾಪ     ಹುಸಿ ರಾಷ್ಟ್ರ ಭಕ್ತಿಯಲ್ಲಿ ಆರ್ಭಟಿಸುವ ಹಿಂದುತ್ವದ ಸ್ವಘೋಷಿತ ವಾರಸುದಾರರು ಮಾತೆತ್ತಿದರೆ ಕ್ರೈಸ್ತರನ್ನು ಈ ದೇಶದವರಲ್ಲ, ಅವರನ್ನು ದೇಶದಿಂದ ಒದ್ದೋಡಿಸಬೇಕು ಎನ್ನುವಂತೆ ವರ್ತಿಸುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ, ಗಣರಾಜ್ಯೋತ್ಸವ ಹೀಗೆ ಪ್ರತಿ ರಾಷ್ಟ್ರೀಯ ಹಬ್ಬಗಳನ್ನೂ ಧ್ವಜಾರೋಹಣ ಮಾಡಿ ರಾಷ್ಟ್ರಗೀತೆ ಹಾಡಿ ಆಚರಿಸಿಯೇ ಧಾರ್ಮಿಕ ಚಟುವಟಿಕೆಯನ್ನು ಶುರುಮಾಡುವ ಕ್ರೈಸ್ತರಿಂದ ಕಲಿಯುವುದು ಬೇಕಾದಷ್ಟಿದೆ. ಆಸ್ಪತ್ರೆ, ಶಿಕ್ಷಣ, ಸಮಾಜ ಸುಧಾರಣೆಯ ಕಾರ್ಯಗಳಲ್ಲಿ ಕ್ರೈಸ್ತ ಸಂಸ್ಥೆಗಳು ಮಾಡುವ ಸೇವೆಯನ್ನು ...

  • 16 hours ago No comment

    ಚಿತ್ರದಲ್ಲಿನ ಹೆಂಗಸು

      ಕವಿಸಾಲು               ತಲೆಮಾರುಗಳ ಸ್ಥಿರತೆ ಕಮಾನ ಬಿಲ್ಲಿನಂತೆ ಬಾಗಿದ ಹುಬ್ಬುಗಳಲಿ ತೂಗಿ ಕಂದು ಕಣ್ಣುಗಳ ಆಳದಲ್ಲೆಲ್ಲೋ ಅಡಗಿದ ಇನಿತಿನಿತು ಬಾಲ್ಯದ ಭಯಗಳ ನಡುವೆ ಇಣುಕುವ ವಿನಯದಿ ವಿಧೇಯ ಹೆಂಗಸಿದ್ದಾಳೆ, ಆಳಲ್ಲ ಬಾಯೆಂಬ ಬಾಯಿ ಅಚ್ಚುಕಟ್ಟಾಗಿ ಪಳಗಿ ಸರಿಯೆಂಬುದ ದಿಟ್ಟವಾಗಿ ಅರುಹಿ ಉದ್ದುದ್ದ ಭಾಷಣಗಳ ಕಟ್ಟಿಟ್ಟು ತೂಗಿ ಬಿಡಿಸಲಾಗದ ಒಗಟಿನ ಜೀವನ ಸೌಂದರ್ಯವ ಆಸ್ವಾದಿಸುವಲ್ಲಿ ಜೀವಂತವಿದ್ದಾಳೆ, ಕಳೆಯಿಲ್ಲ ಶಿರವೆಂಬ ಶಿಖರವ ...

  • 7 days ago No comment

    ಕೊನಾರ್ಕ್ ‘ಕಾಲ ದೇಗುಲ’

      ಪ್ರವಾಸಿ ಸವಿತಾ ಕಂಡ ಇಂಡಿಯಾ   ಇದು ನಾನು 2011ರ ಮಾರ್ಚ್ ತಿಂಗಳಲ್ಲಿ ನನ್ನ ಕೆಲ ಗೆಳತಿಯರೊಂದಿಗೆ ಒಂದು ಜನಸಾಮಾನ್ಯರ ಸಮೂಹದೊಂದಿಗೆ ಸಾಮಾನ್ಯ ದರ್ಜೆಯ ರೈಲು ಪ್ರಯಾಣದ ಮೂಲಕ ಕೈಗೊಂಡ ಭಾರತ ಯಾತ್ರೆಯ ಸಂದರ್ಭದಲ್ಲಿ ಮಾಡಿಕೊಂಡ ಟಿಪ್ಪಣಿಗಳನ್ನು ಆಧರಿಸಿ ಬರೆದ ಪುಟ್ಟ ಪ್ರವಾಸ ಕಥನ. ಇದು ಈಗಾಗಲೇ 12 ಭಾಗಗಳಲ್ಲಿ ಡಿ ಎಸ್ ನಾಗಭೂಷಣ ಅವರ ಸಂಪಾದಕತ್ವದ ‘ನವ ಮಾನವ’ ಸಮಾಜವಾದಿ ಮಾಸಿಕದ (ಈ ಪತ್ರಿಕೆ ನವೆಂಬರ್ ...

  • 1 week ago No comment

    ಅಳಿದುಳಿದ ಊರಿನ ಹೂದೋಟದೊಳಗೆ

      ಕವಿಸಾಲು       ಯಾವ ಕತ್ತಿಯೂ ಕತ್ತರಿಸದಿರಲಿ! ಹಗಲು ಸೂರ್ಯನ ಬಿಸಿಲ ಕುಣಿಕೆ ಬಿಗಿಬಿಗಿ ಉರಿಯುವ ನಿಗಿನಿಗಿ ಕೆಂಡ ಭಸ್ಮವಾಗಿಬಿಡುವ ಭಯದ ಕಂಪನ ಬಿಸಿಯುಸಿರೂ ಧಗೆಯಾಗಿ ಅರಳಿದ ಮಲ್ಲೆಹೂಗಳು ಸುಟ್ಟು ಕರಕಲಾಗಿ ರಕ್ಕಸ ಗಣಕೊ ಭಾರೀ ಭೋಜನದೌತಣ ಭವಿಷ್ಯದ ಕಂದಮ್ಮಗಳ ಕತ್ತು ಹಿಚುಕಿ ಭ್ರೂಣಗಳ ಕಲೆಸಿಹಾಕಿ ಕಟ್ಟಬಯಸಿದ ಭವ್ಯ ಸೌಧಗಳ ಬುನಾದಿಗಳಡಿಯಲ್ಲಿ ಅಸ್ಥಿಪಂಜರಗಳ ರಾಶಿ ಒರೆಯಲ್ಲವಿತ ಕತ್ತಿಗಳು ಬಯಲಿಗೆ ಬಂದು ಒಳಕೋಣೆಯ ಸಂಚುಗಳು ಹೊಂಚುಹಾಕಿ ಕೊಲ್ಲುವ ...

  • 2 weeks ago No comment

    ಕಾದಂಬಿನಿ ಕಾಲಂ | ಜಾನೂ ಎಂದು ಕರೆಯುತ್ತೇನೆ!

                      ನಾನು ಸಾಹಿತಿಯಾಗುವ ಕನಸನ್ನು ಕಣ್ಣಿಗೆ ಮೆತ್ತಿಕೊಂಡು ಬೆಳೆದವಳಲ್ಲ. ಜಗತ್ತಿನೊಡನೆ ಒಡನಾಡುವಾಗ ನನ್ನೊಳಗೆ ನಡೆಯುವ ಯುದ್ಧವನ್ನು ಅಭಿವ್ಯಕ್ತಿಸಲು ಬರಹ ಅನಿವಾರ್ಯವಾಗಿತ್ತಷ್ಟೇ!   ಬಾಲ್ಯದಲ್ಲಿ ಪ್ರಾಣಿ ಪಕ್ಷಿ, ಮಕ್ಕಳ ಅಥವಾ ಕಾರ್ಟೂನು ಚಿತ್ರಗಳು ಊರಿನ ಸಿನೆಮಾ ಟೆಂಟಿಗೆ ಬಂದಾಗ ಶಿಕ್ಷಕರು ವಿದ್ಯಾರ್ಥಿಗಳನ್ನು ಕರೆದೊಯ್ದು ಕಡಿಮೆ ದುಡ್ಡಿನಲ್ಲಿ ಸಿನೆಮಾ ತೋರಿಸುತ್ತಿದ್ದರು. ಇಲ್ಲವೇ ರಜೆಯಲ್ಲಿ ನನ್ನ ಮಾಮನ ಥಿಯೇಟರಿನಲ್ಲಿ ಅಂಥ ಸಿನೆಮಾ ...


Editor's Wall

  • 11 May 2018
    2 weeks ago No comment

    ಕಾಂಗ್ರೆಸ್ ನಾಯಕರು ಜೈಲಲ್ಲಿ ಭಗತ್ ಸಿಂಗ್ ಭೇಟಿಯಾಗಿರಲಿಲ್ಲವಾ?

    ಭಾರತದ ಪ್ರಥಮ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಆತ್ಮಚರಿತ್ರೆಯಲ್ಲಿಯೇ, ಅವರು ಭಗತ್ ಸಿಂಗ್ ಭೇಟಿಯಾಗಿದ್ದರೆಂಬುದರ ಕುರಿತ ವಿವರ ಸಿಗುತ್ತದೆ. “ಭಾರತದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ್ದ ಭಗತ್ ಸಿಂಗ್, ಬಟುಕೇಶ್ವರ್ ದತ್, ವೀರ್ ಸಾವರ್ಕರ್ ಜೈಲಿನಲ್ಲಿದ್ದಾಗ ಅವರನ್ನು ಯಾರಾದರೊಬ್ಬ ಕಾಂಗ್ರೆಸ್ ನಾಯಕರು ಹೋಗಿ ಕಂಡಿದ್ದರಾ? ಆದರೆ ಕಾಂಗ್ರೆಸ್ ನಾಯಕರು ಭ್ರಷ್ಟನೊಬ್ಬ ಜೈಲಿನಲ್ಲಿದ್ದರೆ ಅವನನ್ನು ನೋಡಲು ಹೋಗುತ್ತಾರೆ” ಎಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕದ ಚುನಾವಣೆ ಪ್ರಚಾರ ಸಭೆಯಲ್ಲಿ ವಾಗ್ದಾಳಿ ನಡೆಸಿದ್ದರು. ಬ್ರಿಟಿಷ್ ...

  • 10 May 2018
    2 weeks ago No comment

    ಒಂದು ಪುಸ್ತಕ; ವಾರವಿಡೀ ಬಿಡುಗಡೆ!

    ಪುಸ್ತಕವೊಂದನ್ನು ಪ್ರಕಟಿಸಿದ ಬಳಿಕ ಅದರ ಬಿಡುಗಡೆ ಕಾರ್ಯಕ್ರಮವೂ ಕಡ್ಡಾಯವೆಂಬಂಥ ಕಾಲವಿತ್ತು. ಈಗಲೂ ಇಲ್ಲವೆಂದಲ್ಲ. ಆದರೆ ಸಾವಿರ, ಲಕ್ಷದ ಲೆಕ್ಕದಲ್ಲಿ ಹಣ ಸುರಿದು ವ್ಯವಸ್ಥೆ ಮಾಡುವ ಬಿಡುಗಡೆ ಕಾರ್ಯಕ್ರಮವು ಒಂದು ಪುಸ್ತಕದ ಕುರಿತ ಮಾತಿಗೆ ಬೇಕಾದ ಆಪ್ತ ವಾತಾವರಣವನ್ನು ಕಟ್ಟಿಕೊಡುತ್ತದೆಯೇ? ದುಡ್ಡಿನ ವಿಚಾರಕ್ಕಿಂತ ಹೆಚ್ಚಾಗಿ ಕಾರ್ಯಕ್ರಮ ಆಯೋಜನೆ ಬೇಡುವ ಶ್ರಮ ಬಹಳ ದೊಡ್ಡದು. ಹಾಲ್ ಬುಕ್ ಮಾಡಬೇಕಾದಲ್ಲಿಂದ ಹಿಡಿದು, ಅತಿಥಿಗಳನ್ನು ಗೊತ್ತುಮಾಡುವುದು, ಅವರಿಗೆಲ್ಲರಿಗೂ ಹೊಂದುವಂತೆ ದಿನಾಂಕ ನಿಗದಿಪಡಿಸುವುದು, ಆಮಂತ್ರಣ ಪತ್ರಿಕೆ ಪ್ರಕಟಿಸುವುದು, ...

  • 03 May 2018
    3 weeks ago No comment

    ಕಾದಂಬಿನಿ ಕಾಲಂ | ಏನಿಲ್ಲದಿದ್ದರೂ ಬದುಕು ದೂಡಬೇಕು

                      ಆಗೆಲ್ಲ ತಪಸ್ಸು ಮಾಡುವ, ದೇವರು ಪ್ರತ್ಯಕ್ಷವಾಗುವ ಮತ್ತು ಕೇಳಿದ ವರ ಕೊಡುವ ಕಥೆಗಳು ಮಸ್ತು ಚಾಲ್ತಿಯಲ್ಲಿದ್ದ ಕಾರಣ ನಾನು ದೇವರನ್ನು ಕಾಣುವ ಹಟಕ್ಕೆ ಬಿದ್ದು ತಪಸ್ಸು ಮಾಡುತ್ತಿದ್ದೆ.   ನನ್ನ ಜೊತೆ ಇವೆಲ್ಲ ಯಾವ ಕಾರಣಕ್ಕೆ ಘಟಿಸಿತ್ತೋ ಅರಿಯೆ. ಬಾಲ್ಯದಲ್ಲಿ ನಮ್ಮ ಮನೆಗೆ ನೆರೆಮನೆಯ ಒಬ್ಬ ಹೆಂಗಸು ಬರುತ್ತಿದ್ದರು. ಮೂಕಕ್ಕ ಎಂದು ಅವರನ್ನು ಎಲ್ಲರೂ ಕರೆಯುತ್ತಿದ್ದುದು. ...

  • 30 April 2018
    4 weeks ago No comment

    ಅತ್ಯಾಚಾರ, ಹೋರಾಟದ ಐದು ವರ್ಷಗಳು ಮತ್ತು ಆ ಪುಟ್ಟ ಗೂಡು

    ತನ್ನ ಬದುಕಿನ ಅಮೂಲ್ಯ ಘಳಿಗೆಯೇ ಇಂಥದೊಂದು ಘಟನೆಗೆ ಬಲಿಯಾದ ಆಘಾತದಲ್ಲಿರುವ ಆಕೆ ಒಮ್ಮೆ ಗೆಲುವಾದವಳಂತೆ ಕಂಡರೂ ಮತ್ತೆ ಗಂಭೀರಳಾಗುತ್ತಾಳೆ. ಎಷ್ಟು ಬೇಕೋ ಅಷ್ಟೇ ಮಾತು. ಕಟ್ಟಿಕೊಂಡಿದ್ದ ಕನಸೂ ಒಡೆದುಹೋಗಿದೆ.   ಅನ್ಯಾಯದ ವಿರುದ್ಧದ ಹೋರಾಟ, ಸಮಾಜದೆದುರು ದೊಡ್ಡ ಮನುಷ್ಯನಂತೆ ಕಾಣಿಸಿಕೊಳ್ಳುವ ಮುಖವಾಡ ತೊಟ್ಟುಕೊಂಡ ಮತ್ತು ಸಾಧ್ಯವಿರುವಷ್ಟೂ ವಾಮಮಾರ್ಗಗಳಿಂದ ಎಲ್ಲರನ್ನೂ ಎಲ್ಲವನ್ನೂ ನಿಯಂತ್ರಣದಲ್ಲಿಟ್ಟುಕೊಳ್ಳಬಲ್ಲಂಥ ಅತ್ಯಂತ ಬಲಿಷ್ಠ ದುಷ್ಟನೊಬ್ಬನನ್ನು ಎದುರುಹಾಕಿಕೊಳ್ಳುವ ದಿಟ್ಟತನ ಹೇಗೆ ಅಗಾಧ ಸಾಗರದ ನಟ್ಟ ನಡುವಿನ ಒಂದು ಸಣ್ಣ ...

  • 28 April 2018
    4 weeks ago No comment

    ಮೈಬಣ್ಣವೆಂಬ ಮಾನದಂಡ ಮತ್ತು ‘ವಿಪ್ಲವ’ ಮನಃಸ್ಥಿತಿಯ ರಾಜಕಾರಣ

    ಈ ‘ವಿಪ್ಲವ’ ಮನಃಸ್ಥಿತಿ ಅಧಿಕಾರಸ್ಥವಾದುದಾಗಿದೆ. ದೇವರು, ಧರ್ಮದ ಹೆಸರಲ್ಲಿ ಒಡೆಯುವುದನ್ನು ತನ್ನ ಪರಮೋನ್ನತಿ ಎಂಬಂತೆ ಭ್ರಮಿಸುವ ಈ ಕುರೂಪವು ಮನುಷ್ಯರ ಮೇಲೆ ಮನುಷ್ಯರನ್ನು ಎತ್ತಿಕಟ್ಟುತ್ತದೆ. ಹೆಣ್ಣಿನ ಮೇಲೆ ಹೆಣ್ಣನ್ನೇ ಅಸ್ತ್ರವಾಗಿ ಪ್ರಯೋಗಿಸುವ ಹುನ್ನಾರಗಳ ಮೂಲಕ, ನಿಜವಾದ ಸೌಂದರ್ಯವನ್ನು ನಾಶಗೈಯುತ್ತಿದೆ. 21 ವರ್ಷಗಳ ಕೆಳಗೆ ಅಂದರೆ 1997ರಲ್ಲಿ ವಿಶ್ವಸುಂದರಿ ಪಟ್ಟ ಗೆದ್ದ ಡಯಾನಾ ಹೇಡನ್ ಮೈಬಣ್ಣದ ಬಗ್ಗೆ ಅತಿ ಕೀಳು ಅಭಿರುಚಿಯಿಂದ ಮಾತನಾಡಿದ ತ್ರಿಪುರಾ ಮುಖ್ಯಮಂತ್ರಿ ವಿಪ್ಲವ್ ಕುಮಾರ್ ದೇವ್ ...